„Вината за спорот со Бугарија е наша, зошто влеговме неподготвени во дијалогот. Требаше да им ги знаеме нивните принципиелни ставови кон нас. Очекувам дека тие ќе бидат добронамерни, но не може да излезат од матрицата на Бугарската Академија на науките“, истакна Марјан Ѓорчев во вечерашното гостување во емисијата „24 Отворено“ на Телевизија 24.

Тој додаде дека оваа власт е на власт веќе 6 години и треба да понесе одговорност кон граѓаните за нивната работа.

Ѓорчев истакна дека во однос на Македонија новата Влада која е во Бугари нема да има промени, секој политички субјект таму ги има определено своите цели кон Македонија и знаеме со што се соочуваме.

„Бугарија си ги оствари своите цели со францускиот предлог таа јасно ги дефинираше и своите цели уште од 2011-та година кога не дадоа согласност за она што го добиваме како препорака од европската комисија“, кажа Ѓорчев.

Тој е дециден дека оваа власт во 2017-та година во рок од два месеци ги направи најкатастрофалните грешки со преговорите со Бугарија. Таа Влада го потпиша тој договор и ги прифати сите бугарски барања.

The post Ѓорчев: Власта треба да понесе одговорност кон граѓаните, таа влезе неподготвена во дијалогот со Бугарија и со тоа ги направи најкатастрофалните грешки appeared first on Република.

Гоце Делчев е најнесреќниот избор од бугарска страна за предизвикување раздор, не добронамерност и создавање амбиент на несоработка помеѓу Република Македонија и Република Бугарија. За нашата македонска држава Гоце Делчев е најсветлиот лик, апостол и знаме на македонската револуционерна борба, истакна поранешниот македонски амбасадор во Република Бугарија, Марјан Ѓорчев на денешната трибина „Гоце е Македонија“.

„Република Бугарија не ја разбира светлосната порака на Гоце Делчев. Сите нивни политички манифестации коишто се однесуваат на негација на македонското постоење, македонската реалност и македонската вистина претставуваат навистина, од европски аспект не познавање на европските вредности и нивно не усвојување“, посочи Ѓорчев.

Тој додаде дека сите Бугарски декларации и резолуции кои што беа донесени, пред сѐ декларацијата со декември 2018-та година во коишто се исцртаа Бугарските црвени линии кон Македонија беа во насока да се потенцира старата анахрона теза за не постоење на македонска нација и македонски јазик.

Ѓорчев посочи дека Договорот со Бугарија стана основна пречка на добрососедските односи, бидејќи договорот е нерамноправен и несиметричен.

„Ние имаме несомнена предност затоа што нашата историографија, факти и аргументи и историски извори и легендарна димензија за тоа што претстава Гоце Делчев, кој што е опеан во народни песни, укажува на тоа дека Гоце Делчев за нас е примарен, тој е нашиот органски тип на македонски човек и како таков ние треба да го негуваме“, рече Ѓорчев.

Тој посочи дека негирањето на Гоце Делчев претставува негирање и на европските вредности.

„Ние како Република Македонија треба да организираме широка општествена дебата во која ќе биде вклучена македонската наука, граѓанскиот сектор и низ таа широка дебата заедно со политиката ќе изградиме еден соодветен однос кон тоа што претставува универзалноста и европскиот лик на Гоце Делчев“, кажа Ѓорчев.

Ѓорчев додаде дека ние мора да истраеме во тоа што е наша вредност, мора да покажеме храброст и цврстина. Затоа што Гоце Делчев е дел од нашата колективна меморија и претставува сето она што сме денес во Македонија.

Според Ѓорчев изјавите на премиерот и претседателот на Република Македонија уште еднаш ја покажува спремноста за попуштање од страна на власта, спремност за величење на туѓиот интерес за наметнување на туѓа волја кон македонските граѓани и тоа е неприфатливо бидејќи ние имаме вистински македонски вредносен систем којшто постоел, постои и ќе продолжи да постои.

„Изјавите на премиерот и претседателот на Република Македонија се несреќни изјави, бидејќи со тоа тие ја слабеат нашата позиција во преговорите со Република Бугарија. Тоа претставува и нивно повлекување од нашата резолуција донесена во парламентот со консензус од сите политички субјекти за нашите црвени линии.“, заклучи Ѓорчев.

The post Ѓорчев прашува: Дали Ковачевски и Пендаровски се повлекуваат од Резолуцијата за македонските црвени линии ? appeared first on Република.