Петкратната грен слем победничка, руската тенисерка Марија Шарапова и сопствениците на бројни рекорди во игра на парови, американските близнаци Боб и Мајк Брајан, во 2025 година ќе бидат примени во Меѓународната тениска куќа на славните, која се наоѓа во Њупорт, во американската сојузна држава Род Ајленд.

Во текот на својата речиси 20-годишна кариера, Шарапова се приклучи на ексклузивното друштво од десет тенисерки кои успеаја да освојат индивидуални титули на сите четири Грен слем турнири, а пет пати се искачи и на врвот на поединечната ВТА ранг-листа.

Браќата Брајан освоија рекордни 16 грен слем титули во конкуренција на парови и се најуспешниот тениски тандем во историјата со вкупно 119 заеднички трофеи. Рекордни 438 недели беа на врвот на АТП ранг-листата, а десет пати беа најдобар машки пар на крајот на годината.

Церемонијата на прием во Меѓународната тениска куќа на славните ќе се одржи во Њупорт од 21 до 23 август следната година, со специјална програма и хуманитарен турнир на кој ќе настапат легенди кои веќе влегле во рангот на тениските бесмртници

The post Шарапова во „куќата на славните“ appeared first on Република.

Марија Шарапова (36 години) стана ѕвезда на ревијата на Валентино на модната недела во Париз.

Популарната руска бизнисменка и поранешна спортистка, која се повлече од тенисот пред четири години и има повеќе од 4,6 милиони следбеници на Инстаграм, изненади со својот елегантен стајлинг и новиот имиџ со потемна коса.

https://republika.mk/sport/ostanati-sportovi/noviot-imidh-na-marija-sharapova-na-36-godini-nema-da-ja-prepoznaete/

The post Славната тенисерка скоро непрепознатлива четири години по пензионирањето: Нејзиниот нов изглед стана вирален appeared first on Република.

Марија Шарапова, победничка на пет тениски Грен-Слем титули, со своите повеќе од 4,5 милиони следбеници на Инстаграм го сподели својот нов имиџ на 36-годишна возраст.

Кога вашиот фото албум има некои нови фотографии кои не се од вашиот син“, напиша руската тенисерка како опис на фотографиите, спомнувајќи го синот Теодор, кој се роди во јули 2022 година.

На фотографиите, Русинката родена во 1987 година, позира со црн градник под долга темносина јакна со соодветно здолниште и високи кожени чизми.

Сепак, тоа што привлече најмногу внимание кај фановите е нејзината нова боја на коса, која има кафеаската нијанса, што е забележителна разлика за карактеристичната русокоса која ги освојуваше тениските терени до 2020 година (година на нејзиното пензионирање).

The post Новиот имиџ на Марија Шарапова на 36 години, нема да ја препознаете appeared first on Република.