Лидерката на француската екстремна десница, Марин Ле Пен, на денешното сослушување во Париз негираше каква било злоупотреба во случајот во кој на неа и на нејзината партија Национален собир (РН) им се суди под сомнение за проневера на средства во Европскиот парламент.

Ле Пен пред судот во Париз рече дека не гледа вистинска разлика помеѓу домашната политичка работа и политичката работа на ЕУ, бранејќи се себеси и нејзината партија од обвинувањата за проневера на фондови на ЕУ, јави Франс 24.

Таа денеска сведочеше, во првиот од трите дена, колку што се очекува да трае сведочењето.

Ле Пен, самата партија РН и уште 24 партиски функционери, вработени, поранешни пратеници и парламентарни асистенти се обвинети дека користеле пари од Европскиот парламент за да се платат вработените во Франција, кои работеле за нивната партија, која во тоа време се нарекувала Национален фронт.

Ле Пен и сообвинетите ги негираат обвиненијата и инсистираат дека парите биле користени легитимно, тврдејќи дека обвиненијата покажуваат претесна дефиниција за тоа што прави парламентарниот асистент.

Таа денеска ја истакна основата на нејзината одбрана, велејќи дека верува дека улогата на европратеникот е да ја турка агендата на нејзината партија во Франција исто толку колку и да работи на законодавството во Брисел.

Не гледам разлика меѓу задачата на национален пратеник и задачата на европратеник, освен во однос на обемот. Ние се занимаваме со политика, рече Ле Пен.

Доколку бидат прогласени за виновни, обвинетите би можеле да бидат осудени на казна затвор до 10 години и парична казна од еден милион евра.

Оние како Ле Пен кои во тоа време беа избрани за функционери ризикуваат да добијат забрана од јавна функција до 10 години, додека неизбраните членови може да се соочат со забрана од пет години.

На пратениците од ЕУ им се доделуваат средства за покривање на трошоците, вклучително и за нивните помошници, но тие не треба да ги користат за финансирање партиски активности.

Европскиот парламент ја процени штетата за наводно сторените злосторства на 3,5 милиони евра.

The post Ле Пен негираше дека таа и партијата проневериле средства на ЕП appeared first on Република.

Денеска се најдовме во ќорсокак бидејќи никој не може да знае од каде ќе дојде премиерот, ниту каква политика ќе води земјата, изјави по пристигнувањето во француското Собрание лидерката на екстремната десница, Марин Ле Пен.

Ле Пен ги осуди предизборните договори за кои рече дека ја спречиле нејзината партија Национален собир (РН) да дојде на власт, објави ТВ БФМ.

Тоа е само одложување, рече таа пред Националното собрание, на кое се враќаа пратениците на РН и нагласи дека Националното собрание мора да ја одразува застапеноста на сите Французи.

Францускиот претседател Емануел Макрон, чиј мандат истекува во 2027 година, распиша парламентарни избори откако неговата партија беше поразена од екстремната десница на изборите за ЕУ ​​минатиот месец и рече дека ќе ја расчисти ситуацијата, што не се случи, јавуваат британските медиуми.

Во најмала рака, ова не е голем успех за Емануел Макрон, се пошегува Ле Пен.

Неочекуваниот исход од неделните предвремени избори, на кои левичарскиот Нов народен фронт (НФП) освои најмногу гласови, но ниту една група не освои апсолутно мнозинство, ја втурна Франција во неизвесност, без јасен пат до стабилна влада, наведуваат британските меидуми.

The post Ле Пен: Франција во ќорсокак appeared first on Република.

Европските пратеници од француската партија Национален собир ќе се придружат на групата Патриоти за Европа, со што десничарската група ќе биде трета во Европскиот парламент, изјавија за Политико неименувани извори.

Со 30 европратеници, делегацијата на десничарскиот Национален собир ќе биде најголемата во групата Патриоти за Европа, формирана на крајот на јуни, во која членуваат и пратеници од партијата Фидес на унгарскиот премиер Виктор Орбан, двајца европратеници и еден функционер од групата Идентитет и демократија.

Доколку групата Орбан - Ле Пен стане трета сила во ЕП, тоа ќе биде голем удар за коалицијата на центарот, која бара парламентарно мнозинство за да и обезбеди втор мандат на Урсула фон дер Лајен на чело на Европска комисија.

The post Ле Пен се приклучува на десничарската група на Орбан во ЕП appeared first on Република.

Марин Ле Пен повика да се вратат кандидатите за егзил кои тајно го преминуваат Медитеранот назад во нивните земји, нарекувајќи ја Либија „безбедно пристаниште” и критикувајќи го притоа приемот на Франција од 230 мигранти од Океан Викинг.

Хуманитарниот брод во петокот се закотви во военото пристаниште Тулон, откако спаси мигранти, меѓу кои 57 деца, во широчините на Либија, на најопасната миграциска рута во светот. Бродот талкаше во Медитеранот три недели, во недостиг на пристаниште кое ќе се согласи да ги пречека, а нивното пристигнување е прво во Франција, што создаде силни тензии со Италија.

Денес, нашата земја преку гласот на нејзиниот лидер (Емануел Макрон) попушти. Затоа, мислам дека е почеток на серија бродови на невладини организации”, вели претседателот на групата РН во Националното собрание, обвинувајќи ги овие чамци дека се „соучесници на шверцерите”.

Овие бродови што ги носат мигрантите пронајдени на море на безбедно, мора да ги вратат во нивното појдовно пристаниште, додаде таа, проценувајќи дека бродот треба да се закотви во Триполи (Либија) или евентуално во Тунис.

Од своја страна, Џордан Бардела претседателот на РН изрази жалење што „имиграциската политика на Франција повеќе не се решава во Министерството за внатрешни работи во Париз, туку на море, од бродови заробени од екстремно левичарски невладини организации, бродови кои се под печат бидејќи се вклучени во трговија со луѓе”. „Потребна ни е европска истрага” за врските меѓу невладините организации и шверцерите, повтори тој пред печатот во Вилерс-Котеротс (Ајсна), каде што беше одбележано примирјето.

The post Ле Пен повика мигрантите од „Океан Викинг“ да се вратат во нивното појдовно пристаниште appeared first on Република.

Унгарскиот премиер Виктор Орбан се сретна со Марин Ле Пен во Париз денес за да разговараат за заканите со кои се соочува Европа, како што се војната во Украина и нејзините економски последици.
- И во време на опасности, ние ќе ги штитиме нашите народи!, напиша Орбан на неговиот „Фејсбук“ профил по средбата.

The post Орбан – Ле Пен: И во време на опасности, ние ќе ги штитиме нашите народи appeared first on Република.

Турскиот претседател Реџеп Таип Ердоган денеска го оквалификува како „победа“ поразот на кандидатката на крајната десница Марин Ле Пен минатиот викенд на претседателските избори во Франција, пренесоа турските медиуми.

„Отстранувањето и поразот на екстремистичките ставови на француските избори ми се чини дека е победа, бидејќи се од што страдаме е предизвикано од екстремизам“, изјави Ердоган.

Ле Пен, која рече дека сака да се „бори против исламистичката идеологија“ и да се залага за „забрана за носење муслимански превез во јавност“, загуби од центристот Емануел Макрон, но забележа рекорден резултат за екстремната десница, освојувајќи 41,5 отсто од гласови.

Се надевам дека како резултат на овие избори нашите односи со Франција ќе бидат многу подобри, додаде турскиот претседател.

Ердоган вербално се судри со Макрон во неколку наврати во последните години, обвинувајќи го дека „води кампања на омраза“ против муслиманите, откако францускиот претседател ја бранеше слободата на изразување по објавувањето на карикатурите на муслиманскиот пророк Мухамед.

The post Ердоган го нарече победа поразот на Марин Ле Пен во Франција appeared first on Република.

Кандидататката на десницата на претседателските избори во Франција Марин Ле Пен се обрати од нејзиниот штаб во 16-тиот арондисман на Париз.

Марин Ле Пен притоа го поздрави „и покрај двонеделните нефер, насилни методи“, фактот што идеите „што ги претставува достигнуваат нови височини во изборната ноќ. Со повеќе од 43 отсто од гласовите, резултатот сам по себе претставува убедлива победа, јави дописникот на МИА.

Таа понатаму додаде: „Милиони наши сонародници го избраа националниот камп и промените. Ја упатувам мојата најдлабока благодарност до оние кои ми веруваа во првиот круг и до оние кои со милиони ни се придружија во вториот круг“.

– Се плашам дека петгодишниот мандат што се отвора нема да се скрши со бруталните методи на претходниот, за да се избегне монополизација на моќта од некои, повеќе од кога било ќе ја продолжам мојата посветеност на Франција и Французите со енергијата, истрајноста и наклонетоста што ме познавате, истакна Ла Пен.

Кандидатката на РН најави и „голема изборна битка на законодавните избори. Ќе ја водам оваа битка заедно со Жордан Бардела“ рече таа. тг/ссм/

The post Мари Ле Пен: Ќе останам посветена на Франција и Французите appeared first on Република.

Во француските прекуокеанските територии вчера почна гласањето во вториот круг од претседателските избори, а според резултатите во Мартиник, Гвадалупе и Гвајана, Ле Пен победила доста убедливо.

Резултатите од овие територии ги објави белгиската RTFB, повикувајќи се на веродостојни извори.

Француските медиуми не ги објавија овие резултати, бидејќи според законот, ниту еден медиум од Франција не смее да ги објавува изборните резултати од која било територија што и припаѓа на Франција до затворањето на гласачките места во земјата, што ќе се случи во повеќето општини во 19 часот, додека во поголемите градови како Париз или Ница гласањето трае до 20 часот. Секој медиум што ќе го прекрши ова правило ќе биде казнет со 75.000 евра.

The post Ле Пен убедливо води во прекуокеанските територии appeared first on Република.

Излезноста на вториот круг од претседателските избори во Франција до 17 часот е 63,23 отсто, за два поени помалку од 2017 година, јави дописникот на МИА.

Двајцата кандидати Марин Ле Пен и Емануел Макрон гласаа уште напладне, по што се упатија во Париз за подготовка на постизборната вечер.

Меѓу нив треба да изберат 48,7 милиони Французи запишани на изборните листи,. Излезноста напладне изнесуваше 26,41 отсто, соопшти МВР. Таа беше 25,48 проценти во исто време, во текот на првиот круг.

Гласачките места беа отворени од 8 часот наутро насекаде во Франција и ќе се затворат во 19 часот (во 20 часот во поголемите градови). Првите проценки ќе бидат објавени, како што е обичај, во 20 часот од медиумите. Двајцата протагонисти потоа ќе и се обратаат на нацијата.

Во 2017 година, Емануел Макрон стана најмладиот претседател на Републиката. Сега има 44 години, дипломиран на високата школа за администрација, поранешен инвестициски банкар и поранешен министер за економија на Франсоа Оланд се надева дека ќе биде реизбран за втор петгодишен мандат.

Марин Ле Пен, 53-годишна адвокатка, е со трета кандидатура за Елисејската палата. Долго време избрана во Европскиот парламент, противкандидатката од екстремната десница сега е пратеничка на Па-де-Кале. Веќе финалист пред пет години, кандидатката на Националниот собир имаше добиено 33,9 отсто од гласовите.

The post До 17 часот излезеноста на претседателските избори во Франција е 63,23 отсто, два поени помалку од 2017 година appeared first on Република.

Во Франција до пладне гласале 26,41 отсто од гласачите. Франција бира нов претседател.

Тоа е скоро 2 отсто помалку отколку што гласале во вториот круг од 2017 година, но одѕивот е нешто подобар во споредба со првиот круг од пред две недели, кога на гласање до пладне излегоа 25,48 отсто од гласачите.

Анкетите на јавното мислење во последните денови му дадоа на центристот Емануел Макрон водство од 10 отсто, затоа што аналитичарите велат дека десничарката Марин Ле Пен остана неприфатлива за многумина. Таа спомена дека ако стане претседател, Франција ќе го напушти НАТО, а воедно Ле Пен сака доближување кон Русија.

The post Франција избира претседател: До пладне гласале 26,41 отсто од гласачите appeared first on Република.

Утре 47,8 милиони француски гласачи се повикани да излезат да гласаат за изборот на нов претседател на француската република, при што тие треба да одлучат меѓу Еманул Макрон и Марин Ле Пен. Сепак, во првиот круг многумина не гласаа ниту за Макрон, ниту за Ле Пен и утре треба да гласаат за кандидат кој или го отфрлаат или не го одобруваат, јави дописникот на МИА.

Има и такви што ќе излезат на гласање „неволно“, оние кои сакаат „јако да го удрат мравјалникот“ или дури и оние кои нема да се мачат да се помрднат, но кои „држат среќа“ дека анкетите ја кажуваат вистината. А други, пак, кои „вртат очи кон небото“ се убедуваат дека „Овие претседателски избори нема ништо да сменат “. Повеќе француски медиуми се обидоа да опишат во која состојба се наоѓаат добар дел од француските гласачи, во пресрет на вториот круг, поточно меѓу 63 отсто Французи кои не гласаа пред две недели, ниту за Емануел Макрон, ниту за Марин Ле Пен.

„Во мојата глава сето тоа е матно: има многу фрустрација, но и гнев“, вели еден од овие „сирачиња од првиот круг“ кои веруваат дека нивните избори се „украдени“.

Според истражувањето на Елабе за БФМТВ и Л’Експресс, 43 отсто од Французите кои планираат да гласаат в недела ќе го направат тоа за да го блокираат другиот кандидат.

„Ниту Макрон, ниту Ле Пен! Минатата недела токму овој собирен крик одекна на универзитетите. Повторувајќи ги зборовите на Жан-Лук Меланшон, третиот човек на овие претседателски избори, кој „не сака г-ѓата Ле Пен да ја преземе земјата“, ниту „г-дин Макрон да ја задржи власта“. „Уморни сме постојано да гласаме поради инает, во најмала рака! Не, што мисли, Макрон? Јас сум Непокорна и таква останувам- вели за „Фигаро“ Луси, 24-годишна студентка во Лион.

Иако за нивните гласови имаше многу додворување во изминативе две недели, не е сигурно дека 22 отсто од гласачите на лидерот на Ла Франс инсуумис (Бунтовна Франција на Меланшон) сите ја играат играта на „републиканскиот фронт“.

-Си велам дека треба да пробаме нешто друго, нема што повеќе да изгубиме! Ни е ветена граѓанска војна ако Марин Ле Пен помине, но имам впечаток дека со Макрон може да биде тотален хаос на улица. А потоа Марин, таа ги брани сиромашните…“вели Кристин, која живее со „многу мала пензија“ во Нормандија.

„Корисниот глас“, Лора веќе го даде. Во 2017 година, па и оваа година од првиот круг.

„Ќе гласав за зелените, но добро знаев дека Јаник Жадот нема да биде во вториот круг. Затоа го зедов билтенот на Меланшон. Сега, тоа е болно патување да се прегласува Макрон: не само што нема ништо сериозно во неговата програма за екологија, туку, за време на неговиот мандат, тој нè нарече „Амиши кои сакаат да живеат на маслена ламба! Кога тоа го примивме директно в лице, дури и да го „изгланца“ својот проект во зелено, со своите големитеналони, ние не забораваме, објаснува еден адвокатка од Бордо во изјава за Фигаро.

Таа не е „воопшто чувствителна на безбедносниот или антимиграцискиот дискурс на Марин Ле Пен“, таа го отфрла овој избор. „За мојата генерација на триесет и неколку години, со мали деца, тоа е навистина ужасно! Ќе морам да гласам за оној кој лансираше 5G и не направи ништо за животната средина освен да го отстрани пластичниот прибор за јадење…“ додава оваа млада жена од Бордо.

Сара член на движењето Европа, екологија Зелени, сакаше да ги почитува нејзините убедувања во првиот круг. Таа денес се чувствува „крајно уморна и тажна“, „многу разочарана од оваа кампања која беше бескорисна“. „Разбирам дека идеите на Марин Ле Пен мора да бидат присутни во вториот круг, бидејќи тие се поддржани од повеќе од една четвртина од Французите, но имам впечаток дека политичкиот говор функционира како скршена плоча, воздивнува таа, која работи во професионална интеграција во Брест. Во овој контекст на климатска вонредна состојба, неверојатно е што оваа тема отсуствуваше од кампањата. Но додека блокирачкото гласање против екстремната десница беше очигледно во 2017 година, таа вели дека повеќе не може да го убеди нејзиното опкружување дека не е доволно само да се гласа празно. „Постои желба да му се одржи лекција на претседателот кој излегува од ветувањата, во последен момент, само за да флертува со нас…“

Во 2017 година, Бертранд гласаше за Меланшон. Овој пат, бидејќи „навистина не го ценеше неговиот комунитаристички пресврт“, тој се одлучи за комунистот Фабиен Русел. „Прво си реков, ќе гласам празно: Макрон како Ле Пен отелотворуваат модели на општество што не сакам да ги видам развиени, вели овој 27-годишен правник. Старт-оп нација, неолиберализмот, за мене е многу малку. Што се однесува до Марин Ле Пен, дури и да не сум од оние кои плачат нацизам, се плашам дека таа ќе има штетно влијание врз градовите и имам загриженост за владеењето на правото. Дури и ако, од моја гледна точка, „дамата-мачка“ би предизвикала помала социјална штета од Макрон“.

Конечно, „речиси сум сигурен дека уште еднаш ќе ја блокирам крајната десница“, продолжува тој. Ако, како мене, навистина не ви се допаѓаат и двајцата, треба да го изберете најмалку лошото…“

Од десната страна се исто толку многу фрустрирани, особено по „свртувањето на лево на кормилото“ на кандидатот Макрон, објаснува понатаму Фигаро.

-Се стремев кон сè, освен репродукција на најавениот дуел, во кој шефот на државата направи сè за да не затвори. Не доаѓа предвид да гласам за него, поради неговото негативно искуство во повеќето области. Не можам да гласам ниту за Марин Ле Пен, иако можевме да и дадеме шанса да ја контролира имиграцијата и да ставиме крај на деликвенцијата. Ќе гласам празно затоа што сакам да покажам дека не се работи за граѓанско дезангажирање се доверува Симон (44 години), висок париски функционер, кој и го даде својот глас на Валери Пекрес.

Со внесување на билтенот на Ерик Земур во гласачката кутија, Вирџини сакаше „да алармира за ситуацијата во предградијата“, каде што предава десет години. „И ми кажаа дека ова гласање е фашистичко! Таа огорчена.

-Која е поентата да се одржат избори ако се гласа за Макрон? Можеме да се изразиме во првиот круг, но, во вториот, секогаш треба да се избере центристички кандидат, про-ЕУ! Имаме впечаток дека веќе нема можна алтернација. Фактот што Емануел Макрон ги спои десниот центар и левиот центар го засилува чувството на едноумие, една партија и единствена политика.

30-годишната девојка ќе гласа за Марин Ле Пен: „Во суштина, нема толку многу разлики, тврди таа. Но, со Земур имаше шанси за демократски почеток. Додека со Марин Ле Пен, тоа е премногу истата манихејска конфронтација што ја знаеме. Тоа е, исто така, глас за инает, бидејќи таа не е најдобриот кандидат да ги носи овие идеи и знаеме дека ќе изгуби…“

На возраст од 22 години – Флора, која завршува бизнис студии, нема „што да загуби со превртување на масата“, вели таа. „Гласав Земур затоа што ми изгледаше најискрено, се оправдува оваа парижанка.

-Тој имаше храброст да го потенцира и ризикот од големата замена и дислокацијата на францускиот идентитет. Како млад човек, бев многу вознемирена од начинот на кој претседателот се справи со пандемијата, преку претерано ограничување на јавните слободи наместо зголемување на бројот на кревети во болниците. Ни ги уништи животите, а ова „колку и да чини“ ќе има феноменални последици! Дебатата во средата вечерта уште повеќе ми тежеше. За недела, сè уште не знам дали ќе ги следам упатствата на Земур, или едноставно ќе одам да се релаксирам со пријателите, вели таа.

Ќерка на фармери, по потекло од Пикардија, Клеманс по втор пат го избра Жан Ласал.

-Тоа е неговата социјална личност што ми зборува. Тој се издвојува во оваа многу цивилизирана средина. А неговата програма, не ми е воопшто глупава. Годинава повторно гласав за него затоа што тој беше единствениот што ми изгледаше автентичен. И сега се чувствувам големо сираче. Повеќе од пет години, згора на тоа, од распадот на УМП, партијата за која гласав претходно, објаснува 28-годишната млада жена, сега продавач на книги во Париз.

Во 2017 година, нејзиното гласачко ливче беше празно.

-Имам уште помала желба да го зајакнам Макрон денес! Ова би го потврдило управувањето со кризи во првиот петгодишен мандат, што не го одобрувам. А етичките прашања многу ме засегаат, а Емануел Макрон воопшто не е свесен за нив. Па се враќам на бело гласање. Бидејќи Жан Ласал се залага за броење на празните гласови, ова ќе биде мојот начин да му оддадам почит, завршува таа.

The post Утре Франција гласа, изборот ист како и пред пет години appeared first on Република.

За време на телевизиската дебата на 20 април Емануел Макрон ја обвини ривалката Марин Ле Пен дека „зависи од руската моќ“. Напаѓајќи ја за односите со Русија, тој ја потсети дека е „меѓу првите пратеници што го признаа резултатот од анексијата на Крим од Русија. Така беше, и ова го велам многу сериозно, бидејќи таа е зависна од руската моќ и од  Путин неколку месеци откако подигнавте заем во 2015 година од руска банка блиска до власта, тогаш повторно преговаравте за овој заем со други актери вклучени во војната во Сирија“.

Кога разговара со Русија, продолжи Макрон, „таа зборува со својот банкар“, а не со директори од друга земја. И додаде: „Можеби затоа кога треба да се направат храбри избори, ниту вие, ниту вашите претставници не сте присутни на состанокот“ и на крајот заклучи : „вашите интереси се поврзани со оние на Русија“.

Марин Ле Пен на нападот одговара вака: „Ако бев принудена да одам во странство за да земам заем, тоа е затоа што ниту една француска банка не се согласи да ми го даде. Јас сум апсолутно слободна жена “.

Vladimir Putin met with Marine Le Pen, the leader of France's National Front https://t.co/HeJOj2AVel pic.twitter.com/6z0CRlUnqo

— President of Russia (@KremlinRussia_E) March 24, 2017

Но, дали таа поврзаност со рускиот финансиски систем навистина ја прави „слободна жена“?

Првите односи меѓу Ле Пен и Путин датираат од 2011 година кога новата лидерка на Националниот собир ( Ressemblament National) – во интервју за рускиот економски весник, Комерсант, изјавува дека сака да развива врски со Москва, наместо со Вашингтон, поради  „стратешки интереси и заеднички цивилизации“. Во интервјуто може да се види силното восхитување кон Владимир Путин.

Во 2013 година, Ле Пен го организираше своето прво патување во странство во Русија и на Крим, каде што беше пречекана од Сергеј Наришкин, тогашен претседател на Думата, а денес директор на СВР, руската меѓународна разузнавачка служба.

Пресвртна точка во односите беше 2014 година. Во февруари истата година избувна првата криза меѓу Русија и Украина, што доведе до анексијата на Крим. Ајмерик Шопрад, меѓународен советник на Ле Пен, беше поканет од проруска невладина организација како надворешен набљудувач на референдумот на 16 март, чии резултати лидерката на партијата ги дефинира како „неспорни“. Во овој период, поддршката на партијата на Ле Пен за Русија се интензивира и во институционални услови: според Николас Лебур, француски историчар специјализиран за екстремно десничарските движења во Европа, во 2014 година, европратениците на француската екстремна десница гласаа 93% против резолуциите кои беа во спротивност со интересите на Москва.

По плебисцитарниот референдум со кој се потврдува припојувањето на Крим кон Русија, Марин Ле Пен застана на страната на Москва, а сето тоа беше откриено од пораките хакирани од Анонимус.

Но, односите на Ле Пен и Путин стануваат блиски, финансиски блиски, со заемите што ги добиле од банките во Москва и Будимпешта. Поточно, над 9 милиони евра од Русија во 2017 година и 10,6 милиони од Унгарија, за финансирање на претседателската кампања во 2022 година. Под кои услови? Лидерката никогаш не одговори на ова прашање освен што рече „Јас сум слободна жена. Француските банки ми ги затворија вратите “. Но, зошто да ги изберет Москва и Будимпешта?

Истрагата на новинарите на Mediapart (независен онлајн магазин за француска истражувачка мисла создаден во 2008 година од Едви Пленел, поранешен главен уредник на Le Monde) открива дека Националниот собир првично побарал од руските банки заеми од 40 милиони евра, до 2017 година. .

За да ја исткаат мрежата на економските односи меѓу француската суверена десница и банките контролирани од московскиот режим имало неколку посредници, задолжени да одржуваат контакти со Париз и да ги спојат со големите имиња на режимот во Москва. Меѓу нив, бил и Константин Малофеев, ултранационалистички олигарх.

Првата чешка руска банка (Fcrb), основана во 1996 година со капитал од Прага и Москва, купена во 2002 година од StroyTransGaz (Stg), руската компанија која гради гасоводи за Гаспром, обезбедила руски заем од 9 милиони.

Интересното е што во 2016 година оваа банка била прогласена за несолвентна од гувернерот на руската централна банка Елвира Набиулина (која денес на секој можен начин се обидува да ги запремеѓународните санкции врз руската економија).

Се поставува едно прашање, пишува „раињуз“: што стана со заемот на партијата на Ле Пен? Дали е вратен?

Во 2017 година, по првата средба со Ле Пен и близу до француските претседателски избори, Владимир Путин изјавил: „Не сакаме на кој било начин да влијаеме на настаните што се во тек“.

Пет години подоцна, на ред се уште едни избори, и уште еден заем. Овој пат од Унгарија на Орбан, долгогодишен пријател на Путин.

Истата приказна, на која не одговара Марин Ле Пен, пренесува „раињуз.ит“.

The post Марин Ле Пен му одговори на Макрон: „Јас сум апсолутно слободна жена!“ appeared first on Република.

Кандидатката за претседател на Франција Марин Ле Пен и нејзините блиски се обвинети од Европската канцеларија за борба против измами дека проневериле околу 600.000 евра европски пари за време на нивниот мандат како европратеници, јави дописникот на МИА од Париз.

Обвинението е според новиот извештај објавен во саботата од Медијапар, кој веќе е предаден на Обвинителството. Тоа потврди дека го добило овој извештај на 11 март, кој во моментов се анализира.

Изненаден сум од силниот тајминг за откритието и неговата инструментализација, реагираше Родолф Боселу, адвокатот на Ле Пен, во кампањата за вториот круг од претседателските избори.

Боселу, исто така, вели дека е „запрепастен од начинот на кој дејствува Олаф“ (Европска канцеларија за борба против измами) и за некои „стари факти од повеќе од десет години“.

Марин Ле Пен не е повикана од ниту еден француски судски орган, рече тој, изразувајќи жалење што ниту тој ниту неговиот клиент не биле приматели на конечниот извештај. Според него, истрагата на Олаф е отворена од 2016 година, а Марин Ле Пен била испрашувана по пошта во март 2021 година.

Новиот извештај на Олаф, од кој Медијапар објавува извадоци, се однесува на финансиските средства што политичките групи можат да ги користат во контекст на нивниот мандат како европратеници и кои Марин Ле Пен и оние блиски до неа би ги користеле за национални политички цели, за лични трошоци или за услуги во корист на комерцијалните компании блиски до Националниот собир и екстремно десничарската парламентарна група Европа на нациите и слободните (ЕНЛ).

Олаф ја осомничи Ле Пен, како и уште тројца поранешни европратеници – нејзиниот татко Жан-Мари Ле Пен, нејзиниот поранешен придружник Луис Алиот и Бруно Голниш, член на националното биро на РН и ЕНЛ.

Канцеларијата ги обвинува дека проневериле околу 600.000 евра, за кои им препорачува враќање. Според извештајот, кандидатката на Националниот собир лично проневерила околу 137.000 евра народни пари од Парламентот во Стразбур кога била европратеничка во периодот од 2004 до 2017 година.

Од јуни 2017 година, Марин Ле Пен е обвинета и во истрагата спроведена во Париз поради сомнение за фиктивни работни места во Европскиот парламент на партиски асистенти. Таа е обвинета за „проневера на јавни средства“ и „соизвршителство“ во ова дело како дел од оваа судска истрага.

The post Пред вториот круг избори: Марин Ле Пен обвинета за измама при користењето европски фондови appeared first on Република.

Во Франција денеска се одржаа демонстрации чие мото беше: „Против екстремната десница и нејзините идеи, не Марин Ле Пен во Елисејската палата“, јави дописникот на МИА од Париз.

Во Париз и во регионот, неколку илјади луѓе дојдоа да и кажат „не на екстремната десница“ без да го поддржат Емануел Макрон осум дена пред вториот круг од претседателските избори, кој се спротивставува на Марин Ле Пен.

„Тука сме да и кажеме не на крајната десница. Би било вистинска регресија доколку таа дојде на власт“, вели Жан-Франсоа Жулиар, генерален директор на Гринпис Франција во Париз, каде што се мобилизираа неколку илјади луѓе.

И во Марсеј, градот каде што Емануел Макрон одржа митинг, пораката е слична: „Тука сме да ја блокираме екстремната десница“.

Анкета: Макрон со поддршка од 55,5 отсто во вториот круг наспроти 44,5 отсто за Ле Пен

Осум дена пред вториот круг од претседателските избори во Франција, одѕивот на француските гласачи би бил 72 отсто, според барометарот Ипсос Сопра/Стериа, спроведен за ФрансИнфо и Паризиен Ожурдуи, јави дописникот на МИА од Париз.

Претседателот во заминување Емануел Макрон ќе победи во вториот круг од претседателските избори против Марин Ле Пен, со резултат од 55,5 отсто наспроти 45,5 отсто, покажува најновиот барометар објавен денеска.

Пред пет години Макрон победи со 66,1 отсто од гласовите наспроти 33,9 отсто за Марин Ле Пен.

Според оваа анкета, осум дена пред вториот круг одѕивот би бил 72 отсто, ниво многу блиску до оној од првиот круг (73,7 отсто).

Меѓу Французите кои гласаа за Жан-Лук Меланшон во првиот круг од претседателските избори во 2022 година, 33 отсто имаат намера да гласаат за Емануел Макрон во вториот круг, 16 отсто за Марин Ле Пен и 51 отсто не изразиле намера да гласаат. Меѓу гласачите на Јаник Жадот, 59 отсто имаат намера да го изберат претседателот во заминување во вториот круг и 7 отсто Марин Ле Пен (34 отсто не кажуваат).

Исто така, 55 отсто од гласачите на Валери Пекрес ќе го изберат Емануел Макрон и 21 отсто ја претпочитаат Марин Ле Пен (24 отсто не се изјаснуваат).

Гласачите на Ерик Земур имаат намера да гласаат за Марин Ле Пен дури 76 отсто, а за Емануел Макрон само 9 отсто (15 отсто не се изјаснуваат).

Истражувањето е спроведено од 14. до 16 април, со онлајн анкета, според методот на квоти, со примерок од 1.676 лица запишани на изборните листи, претставници на француската популација на возраст од 18 и повеќе години.

Маргината на грешка варира помеѓу 0,7 и 2,4 отсто, во зависност од целниот резултат. Намерите за гласање не претставуваат прогноза за исходот од гласањето. Тие даваат индикација за односот на силите и динамиката на денот на истражувањето

Во Лион, каде што демонстрантите се претежно млади луѓе, се мобилизираа „против тривијализирањето на опасните идеи, против расизмот, исклученоста, потенцијалната диктатура“.

Марин Ле Пен, која претходно утрото зборуваше пред новинарите во Сен Реми-сур-Авр, смета дека „одржувањето демонстрации против резултатите од изборите е антидемократско“.

– Мислам дека на Французите им е непријатно да гледаат дека нивниот избор така се оспорува на улица, преку демонстрации, рече Ле Пен.

„Со отфрлањето на Марин Ле Пен, станува збор за спречување на појавата на деструктивниот социјален проект на владеењето на правото, на социјалната и обединета демократска република што ја браниме секој ден“, се вели во соопштението од организаторите, околу триесет организации и синдикати, како што се Лигата за човекови права, СОС Расизам, СЖТ, Синдикатот на судството или Националниот синдикат на новинари.

Во Париз, копретседателот на Мрап  (движењето против расизмот) Франсоа Сотери рече дека „не ја сакаат Марин Ле Пен во Елисејската палата“.

– Овде сме да кажеме да го искористите вашето гласачко ливче за да ја спречите да дојде на власт. Не велиме гласајте го Макрон, туку се сведува на тоа, рече Сотери.

Во Париз, каде поворката пристигна на Плоштадот на Републиката околу 17 часот, имаше неколку инциденти меѓу полицијата и стотина луѓе. Со фрлање проектили, велосипеди и палење отпад од една страна и употреба на солзавец од друга.

Во Ница, пак, се собраа стотина луѓе, каде што во 2002 година имаше 20.000 меѓу двата круга, односно организаторите на демонстрациите против крајната десница не успеаја да мобилизираат многу Французи, од кои многумина се на велигденски одмор. 

The post Протести во Франција против крајната десница appeared first on Република.

Мнозинството Французи повеќе не ја сакаат Европската унија каква што е денес, изјави денеска Марин Ле Пен, лидерката на француската десница која во вториот круг од изборите на 24 април ќе се бори за претседателската функција против актуелниот шеф на државата Емануел Макрон.

Огромно мнозинство од Французите повеќе не ја сакаат ЕУ каква што е денес. Европа – Јас не ја оспорувам, дека постои соработка – секако. Но, не може тоа да се прави против волјата на народот - рече Ле Пен во интервју за француското радио „Франс Ентер“.

Таа рече и дека не постои „тајна агенда“ за излегување на Франција од Унијата во случај да победи на изборите.

Во првиот круг од изборите Ле Пен освои 23,15 отсто од гласовите, наспроти Макрон кој доби 27,84 настотна поддршка од гласачите.

Според анкетата спроведена од Институтот „Ипсос Сопра-Стерија“ по нарачка од француските медиуми, се предвидува дека во вториот круг 54 отсто од граѓаните ќе гласаат за актуелниот претседател Макрон додека 46 отсто од граѓаните ќе гласаат за Ле Пен.

Кандидатката на десничарската партија Национален собир рече дека „нема доверба“ во Макрон и дека тој „ќе оди докрај во опседнатоста“ за воведување нова старосна граница за пензионирање на 65 години.

Макрон вчера рече дека е отворен за можни промени по предлогот, што од страна на Ле Пен беше оценето како негов „маневар да го намали противењето на левичарските гласачи“ пред вториот круг.

The post Ле Пен: Мнозинството Французи не ја сакаат ЕУ таква каква што е денес appeared first on Република.

Речиси 49 милиони Французи денеска ќе излезат на првиот круг од претседателските избори, а според анкетите главната борба, како и на претходните избори во 2017 година, ќе се води меѓу претседателот во заминување, центристот Емануел Макрон и кандидатката на крајната десница Марин Ле Пен.

Фаворитот во анкетите со месеци, Макрон, кој најдоцна влезе во предизборната кампања, во изминатите недели се соочува со намалување на разликата во однос на Марин Ле Пен, чија победа веќе не е незамислива.

Во првиот круг учествуваат вкупно 12 кандидати, додека аналитичарите проценуваат дека излезноста на гласачите ќе биде помала од вообичаената, бидејќи изборната кампања беше бледа и се одржа во голема сенка на војната во Украина.

Годинава првпат нема да има изборна ноќ на француската приватна телевизија ТФ1, која традиционално досега беше единствената телевизија која ги следи резултатите и носи аналитичари во студиото по затворањето на гласачките места. Овој пат таа изборна ноќ е скратена до 21.30 часот, по што ќе биде прикажана познатата француска комедија „Посетителите“.

На национално ниво, Франција се соочува со целосно поделена левица и слаба десница, па анкетите покажуваат дека Макрон би освоил околу 26 отсто во првиот круг, а Ле Пен околу 22 отсто. Макрон во вториот круг би ја победил Ле Пен со 53 отсто од гласовите, а таа би освоила 47 отсто.

Аналитичарите сметаат дека Ле Пен ја зголемила својата популарност зборувајќи за куповната моќ и грижите на Французите, но и поради падот на популарноста на кандидатот, исто така, на екстремната десница Ерик Земур.

Додека Земур повторуваше антиимиграциски и антиисламски теми, Ле Пен се фокусираше на куповната моќ ветувајќи итни мерки како што е укинувањето на данокот на додадена вредност (ДДВ) за одредени производи.

Земур е помалку популарен од почетокот на руската инвазија врз Украина, поради претходно позитивните ставови кон рускиот претседател Владимир Путин и неубедливиот став за прифаќање украински бегалци. Земур често беше гонет за контроверзни изјави. Тој беше осуден во 2011 година за поттикнување расна дискриминација, а во 2018 година за поттикнување омраза кон муслиманите.

Лидерот на радикалната левица Жан-Лук Меланшон се очекува на третото место во првиот круг од изборите со околу 17 отсто од гласовите. Кандидатката на десницата Валери Пекрес и Земур би добиле по девет отсто од гласовите.

Пекрес, која пред неколку месеци важеше како сериозен противкандидат на Макрон, играше на таа карта дека освежување за Франција би било ако ја предводи жена. Сепак, таа остана без официјална поддршка од поранешниот десничарски претседател Никола Саркози, во чиј период беше министерка за буџет.

Другите кандидати би освоиле околу пет отсто од гласовите.

Во Франција, претседателот се избира со директно гласање, во два круга, доколку ниту еден кандидат не освои мнозинство во првиот круг.

Шефот на државата се избира за мандат од пет години и може да биде реизбран само еднаш.

Предизборниот молк во Франција ќе трае до денеска во 20 часот по затворањето на гласачките места.

Францускиот закон забранува објавување на изборните резултати пред затворањето на гласачките места. Веднаш по затворањето на избирачките места, може да се очекуваат резултатите од излезните анкети спроведени од институти за истражување на јавното мислење.

Вториот круг од изборите е закажан за 24 април.

Изборите се одржуваат во екот на војната во Украина, но и во период на шестмесечното претседавање на Франција со Советот на Европската унија.

На претходните избори Макрон ја победи Ле Пен во вториот круг и со тоа стана најмладиот француски претседател. Неговото доаѓање на власт ги потресе традиционалните партии во земјата, левичарски и десничарски, кои се менуваа на власт со децении.

The post Речиси 49 милиони Французи ќе избираат меѓу Макрон или Ле Пен appeared first on Република.