Кениската атлетичарка Рут Чепнгетич постави нов светски рекорд во женски маратон со време од 2:09:56 часа на денешната трка низ улиците на Чикаго.

Овој резултат на 30-годишната Кенијка е за речиси две минути подобар од претходниот рекорд што го постави Етиопјанката Тигст Асефа (2:11:53) на минатогодишното издание на Берлинскиот маратон.

Чепнгетич уште на самиот старт наметна силен ритам, а на половина од трката се оддели од конкурентките и дојде до својата трета титула на маратонот во Чикаго.

Ова е четврти пат во историјата да биде подобрен светскиот рекорд на маратонската трка во Чикаго.

Во 2001 година, Кенијката Кетрин Недереба стана првата маратонка која истрча 42 километри и 195 метри за помалку од два часа и 19 минути (2:18:47).

Една година подоцна, Британката Пола Редклиф го постави првото „најдобро време во историјата“ (2:17:18) официјално признаено од Меѓународната атлетска федерација, додека Кенијката Бригид Косгеи ја спушти границата на рекордот под два часа и 15 минути во 2019 година (2:14:04).

The post Светски рекорд за кениската атлетичарка Рут Чепнгетич appeared first on Република.

Од ЈСП информираат дека во недела (6.10.2024 година), во период од 7 до 14 часот, поради одржување на „Виз Ер Скопски маратон 2024“, дел од возилата од јавниот превоз ќе сообраќаат по изменет режим од вообичаениот, а дел воопшто нема да се вклучат во сообраќај.
Во период од 7 до 14 часот нема да сообраќаат линиите: 3, 3Б, 4, 4А, 9, 16, 22А, 24, 25, 59Б.
Линии со непроменета траса:

Градски линии: 2, 2А, 8, 12, 19, 20, 45, 59 и 65В.

Приградски линии: 11, 11а, 18, 32, 47, 47а, 52, 53, 55, 56, 56а, 60, 61, 63, 63а, 63б, 65, 65а, 65б, 66, 66а, 68, 71, 74, 81 и 162.

• Во периодот од 23:00 часот на 5.10.2024 до 17:00 часот на 6.10.2024 година, ул.Димитрие Чуповски од крстосницата со ул.Даме Груев и ул.11 Октомври (Градска болница) до крстосницата со ул.Даме Груев (Т.Ц. Палома Бјанка) ќе биде целосно затворена. Во овој период, возилата од јавниот градски превоз ќе сообраќаат по ул.Даме Груев, позади Републичкото собрание.
– Ги потсетуваме сите учесници на денот на маратонот ќе можат бесплатно да го користат јавниот превоз со приложување на стартниот број (маица) – соопштуваат од ЈСП.

The post Дел од автобусите на ЈСП утре со изменет резим на движење – бесплатно возење за учесниците на маратонот appeared first on Република.

Трета година по ред во Општина Лозово се организира атлетска трка насловена маратон „11 Октомври“, која се организира во чест на празникот. Се работи за четири различни трки., на кои покрај возрасните мажи и жени можат да учествуваат и деца и млади од седум до 18 години. Главната трка, за возрасните на 15 километри ќе изнесува 120 минути од стартот на трката.

Градоначалникот на Општина Лозово Бошко Цветковски информира дека за разлика од другите трки во земјава и оваа трета година за оваа трка не се плаќа котизација, туку трката е бесплатна за сите учесници. Заинтересираните може да се пријават на телефонот на 032/ 458-458 или во порака на официјалната ФБ страна на организаторот.

Патеката за трката маратон „11-ти Октомври“ Лозово 2024 е кружна, при што учесниците на трката на 15 километри трчаат еден круг. Стартот и целта на патеката е на ул. „Маршал Тито“ бб Лозово, пред поштата и патеката опфаќа локални асфалтирани и земјени патишта кои поминуваат низ населени места по следниот редослед: Лозово, Милино, Каратманово, Дорфулија, Лозово. Со оглед на тоа што патеката е со должина од 15 километри, освежителни станици ќе има поставено на повеќе локации долж патеката.

Оваа година ќе бидат опфатени четири различни трки и тоа на 15.000 метри, на 100 метри, на 200 и на 400 метри.

Првата, односно главната трка на 15.000 метри ќе започне во 10:00 часот и ќе биде за возрасни учесници, трката на 100 метри ќе започне пет минути подоцна и на неа учество ќе можат да земат деца од седум до 10 години, потоа на 200 метри ќе се натпреваруваат деца од 11 до 14 година и нивниот старт ќе биде во 10:20 часот и на 400 метри за тинејџерите од 15 до 18 години со старт во 10:40 часот.

Организаторите појаснуваат дека при евентуални промени во термините за старт сите учесници ќе бидат известени преку официјалниот фејсбук профил на организаторот. На крајот од трката предвидени се и награди за најбрзите тројца учесници во трката на 15 километри во две категории, мажи и жени.

The post Во тек е пријавувањето за маратонот „11 Октомври“ Лозово 2024 appeared first on Република.

Македонската пливачка легенда Томи Стефановски 4 часа пливаше во Охридското езеро за инклузија на децата со атипичен развој и инвалидизираните лица во рамки на хуманитарниот настан „Пливање за инклузија“.

Повод за овој подвиг, пливање 15 километри од хотел Десарет во месноста Пештани, до Црквата Св. Јован Канео и назад до охридското пристаниште, е 15 годишнината од препливување на каналот Ла Манш.

Оваа соработка која настана и ме мотивираше да го поставам овој предизвик, сакам да прерасне во традиција. Секоја година на 14-ти август да се потсетуваме дека треба да се грижиме за сите деца кои, поради различни причини, не добиваат можност да бидат дел од спортот и општествените настани“, рече Томи по завршување на пливањето на Охридското пристаниште.

Хуманитарниот настан Стефановски го организира со невладината организација ИТК Македонија – Скопје и Охридскиот Пливачки Маратон. Според Мартин Мојсовски од ИТК Македонија - Скопје, овој настан претставува обид за уште поголемо вклучување на лицата со атипичен развој и инвалидизираните лица во спортот и физичкото образование.

Заедно со мојот колега Радован Вељановски се бориме за поголема инклузија во спортот и професионализирање на професијата тренер во адаптивни спортови. Полека, но сигурно добиваме се поголема поддршка од заедницата и овој потфат на Томи е од огромно значење за подигнување на свеста за лицата со атипичен развој и инвалидизираните лица во спортот и нивна интеграција во системот, објасни Мојсовски.

Ристе Јанкоски, претседател на организациониот одбор на Охридскиот Пливачки Маратон, рече дека овој хуманитарен настан ќе прерасне во традиција за да се помогне онаму каде што е најпотребно.

Само со заедништво може да им пристапиме на вакви социјални предизвици и инклузијата не само во спортот, туку и во секојдневниот живот, да е нешто нормално. Со овие чекори сакаме на многу поединци и групи да им дадеме шанса да бидат дел од спортот и од општествените збиднувања“, рече Јанкоски.

Стефановски го преплива каналот Ла Манш по повод 50-годишниот јубилеј од првото препливување на каналот од страна на Македонецот Нико Нестор (1958) и 40- годишнината од препливување на првата Македонка, Атина Бојаџи (1969). Тогаш, потфатот на Стефановски траеше цели 7 часа и 42 минути, резултат кој е 13-ти на вечната листа во 149 годишната историја на препливување на каналот.

The post Томи Стефановски пливаше за инклузија на децата со атипичен развој и инвалидизираните лица appeared first on Република.

Дарио Ивановски е првиот Македонец кој истрча маратон на Олимписки игри, но јасно е дека постигнатото време е далеку под неговите најдобри вредности.

Ивановски е свесен дека освоеното 69-то место и постигнатиот резултат (2:28.15 часа) не е тоа на што се надеваше пред трката, но откри дека се борел со повреда уште од шестиот километар на маратонската трка.

Почитувани Македонци, пред сѐ сакам да ви се заблагодарам за огромната поддршка која ја имав во текот на овој маратон, но и пред оваа трка. Кога еден маратон ќе се заврши, тогаш се вели дека се завршил успешно. Да му се заблагодарам на Бог што влегов во маратонот жив и здрав, но сепак имав мала повреда на стапалото и коленото која ја влечев од шестиот километар.

Тоа ме оневозможи да го одржам темпото кое го наметнавме на стартот. Од петтиот кон шестиот километар почнав да ја влечам ногата и почнав да се мачам, но тоа е што е. Го дадов максимумот, сега следи перид на опоравување и фокус кон следните цели. Можеби сите, вклучувајќи ме и мене, имавме поголеми очекувања. Јас верував дека можам подобро и се уште верувам во тоа. По времето 2:08 кое е мое најдобро и 2:28 денеска ќе се заклучи дека ми се случувало нешто на трката, а можам да кажам дека бев и подобро подготвен според тренинзите кои ги имав пред Париз. Се надевам дека на следната трка и на следните предизвици ќе го видите стариот Дарио, дури и подобар од тоа што бев. Се гледаме во наредни предизвици, ве сакам сите, вели Дарио Ивановски.

The post Дарио Ивановски е првиот Македонец кој истрча маратон на Олимписки игри, откри дека се борел со повреда уште од шестиот километар appeared first on Република.

Атлетичарот од Етипоија, Тамират Тола, го освои златниот медал во машкиот маратон на Олимписките игри во Париз, додека македонскиот маратонец Дарио Ивановски ја заврши трката на 69. место.

Тола го освои златниот олимписки медал со време на нов олимписки рекорд од 2:06:26 часа, минувајќи прв низ целта пред Башир Абди од Белгија, кој заостана 21 секунда и Кениецот Бенсон Кипруто, кој имаше заостанување од 34 секунди.

Ивановски, кој е првиот македонски маратонец во олимписката историја, ја мина целта со време од 2:28:15, заостанувајќи 21:49 минути зад Тола.

Ивановски беше последниот македонски претставник кој настапи на Олимписките игри во Париз. Пред него својот олимписки настап го завршија Милјана Рељиќ во теаквондо, борачот Владимир Егоров, џудистот Еди Шерифовски, стрелачката Анастасија Мојсовска и пливачот Никола Ѓуретановиќ.

The post Етиопјанецот Тола со рекорд до олимпиското злато во маратон, Дарио Ивановски на 69. место appeared first on Република.

Македонскиот рекордер во маратон и најдобриот македонски атлетичар на сите времиња, Дарио Ивановски е првиот македонски спортист кој избори пласман на Летните Олимписки Игри во Париз, објавија од Скопски маратон.

Дарио преку светската ранг листа во маратон обезбеди место во Париз, каде што го завзеде 78 место (70 се пласирани со норма, а 11 преку ранкинг, благодарение на резултатите потигнати во изминатата година).

Дарио својот прв маратон го истрча токму на нашиот Скопски маратон во 2020 година, потигнувајќи резултат од 2:31:16, а во 2021 година стана и првиот Македонец кој победил на Скопскиот маратон (2:21:27).

Во изминатиов период Дарио блесна со неколку добри истрчани маратони, прво во Валенсија во почетокот на декември 2023 кога истрча одлични 2 часа 11 минути и 52 секунди, а за одбележување е оној маратон од Севиља во февруари каде постигна резултат од 2:08:26 часа, што беше покусо само за 16 секунди од Олимписката норма, и резултат кој го вивна во европскиот и светксиот крем на маратонци.

Олимпискиот маратон во Париз ќе се одржи на 10 август.

The post Дарио Ивановски е првиот македонски спортист кој избори пласман на ЛОИ во Париз appeared first on Република.

Кениската атлетичарка Перес Јепчирчир постави нов светски рекорд во маратон, откако трката во Лондон ја заврши за два часа, 16 минути и 16 секунди.

Второто место на трката во главниот град на Англија, еден од најмасовните маратони на планетата, ѝ припадна на Тигст Асефи од Етиопија, додека третопласирана е Џојселин Џепкосгеи од Кенија.

И второпласираната и третопласираната ја завршија трката за помалку од два часа и 17 минути, што ги натера да ја завршат трката побрзо од претходниот светски рекорд поставен од Кенијката Мери Кеитани со време од 2 часа, 17 минути и една секунда. Тој рекорд беше на сила од 2017 година, а беше поставен исто така во Лондон.

Пред трката во машка и женска конкуренција, натпреварувачите му оддадоа почит на големиот шампион Келвин Киптум кој неодамна загина во сообраќајна несреќа во родната Кенија.

The post Кенијката Перес Јепчирчир постави нов светски рекорд во маратон appeared first on Република.

Амане Берисо Шанкуле од Етиопија го освои златниот медал на женскиот маратон претпладнево на Светското првенство во атлетика што се одржува во Будимпешта.

Шанкуле го оствари својот најдобар сезонски резултат – 2 часа 24 минути и 23 секунди.

Нејзината сонародничка Готутом Гебресласе заврши на 2. место со 11 секунди заостанување зад победничката.

На третото место маратонот го заврши Мароканката Фатима Езахра Гардади со време 2:25.17.

Единствената Македонка на ова Светско првенство, Адријана Поп Арсова, не го заврши маратонот.

The post Шанкуле победи на женскиот маратон на СП, Поп Арсова не ја заврши трката appeared first on Република.

Поради одржување на трките од „Виз Ер Скопски маратон“, Одделението за безбедност на патниот сообраќај при СВР Скопје денеска ќе преземе мерки за посебен режим на сообраќајот на поширокото подрачје на град Скопје, при што сообраќајот ќе се пренасочува по околните сообраќајници, информираат од Министерството за внатрешни работи.

Почетокот на трките е најавен во 07.30 часот, со следните траси на движење:
Траса на движење на трката од 5 км: Старт пред Собрание, право по ул.„11 Октомври“, лево по бул.„Крушевска Република“, десно по бул.„Трета македонска бригада“, па полукружно на крстосницата помеѓу бул.„Трета македонска бригада“ и ул.„Коста Новаковиќ“ и по истата траса назад до целта – Собрание на РСМ на ул.„11-ти Октомври“.

Траса на движење на полумаратонот од 21 км и штафетната трка на 42 км (со напомена дека за штафетната трка на 42 км натпреварувачите се движат два пати по наведената траса): Старт пред Собрание на ул.„11 Октомври“, право кон Плоштад Македонија низ Порта Македонија, лево по ул.„Никола Вапцаров“, десно по ул.„Димитрие Чуповски“, па лево по бул.„Св.Климент Охридски“, десно по ул.„Св.Кирил и Методиј“, право по ул.„Митрополит Теодосиј Гологанов“, потоа право по ул.„Војвода Васил Чакаларов“, сѐ до крстосница со ул.„Исаија Маџовски“, каде се врти полукружно назад по истата траса, сѐ до Собрание на ул.„11 Октомври“ и се продолжува право по ул.„11 Октомври“, лево по бул.„Крушевска Република“, десно по бул.„Трета македонска бригада“, лево по бул.„Србија“ (во спротивен правец), лево по бул.„Јане Сандански“ (во спротивен правец), сѐ до крстосницата со ул.„Јане Сандански“, каде се врти полукружно по истите улици до целта – Плоштад Македонија.

Од МВР апелираат сите учесници во сообраќајот да ги почитуваат наредбите што ќе ги даваат униформираните полициски службеници по сообраќајницата каде ќе се одвиваат трките со цел безбедно и непречено одвивање на сообраќајот.

The post Посебен режим на сообраќајот во Скопје поради „Скопскиот маратон“ appeared first on Република.

В недела (2.10.2022 година), во период од 7 до 13:30 часот поради одржување на „Визер скопски маратон 2022“, дел од возилата од јавниот превоз ќе сообраќаат по изменет режим од вообичаениот, а дел воопшто нема да се вклучат во сообраќај.

Од 7 до 13:30 часот нема да сообраќаат линиите 4, 4А, 22А, 24, 25Б и 59Б.

Во период од 8 до 9 часот нема да сообраќаат линиите 9, 16, 23, 25, 27, 50, 50А и 57.

Линии со непроменета траса

– градски линии: 2, 2А, 8, 12, 19, 20, 45 и 65В.

– приградски линии: 11, 11а, 18, 32, 47, 47а, 52, 53, 55, 56, 56а, 60, 61, 63, 63а, 63б, 65, 65а, 65б, 66, 66а, 68, 71 и 81.

Ги потсетуваме сите учесници на маратонот дека в недела ќе можат бесплатно да го користат јавниот превоз со приложување на стартниот број (маица).

ИЗМЕНЕТ РЕЖИМ НА СООБРАЌАЊЕ

Линија 3

– од Спортска сала „Јане Сандански“ до Југодрво по редовна траса, продолжува по ул. „Кирил и Методиј“, лево бул. „Мајка Тереза“ до Панорама

– во обратна насока, од Панорама, ул. „Јордан Мијалков“, подвозник Кисела Вода, бул. „Кочо Рацин“ и продолжува по редовната траса до Мајчин дом, па лево до Спортска сала „Јане Сандански“

Линија 3Б

– од Кванташки пазар до Jугодрво по редовната траса, потоа продолжува по ул. „Кирил и Методиј“ (Рамстор), лево по бул. „Мајка Тереза“ до Панорама

– вo oбратна насока, од Панорама, ул. „Јордан Мијалков“, подвозник Кисела Вода, бул. „Кочо Рацин“ (Jугодрво) и продолжува по редовната траса до Мајчин дом, па лево по бул. „АСНОМ“, лево по бул. „Киро Глигоров“ и продолжува по редовната траса

Линија 5

– од Дексион, ул. „Ѓорче Петров“, бул. „Партизански одреди“, бул. „Гоце Делчев“, бул. „Крсте Мисирков“ (МАНУ), бул. „К.Ј.Питу“, бул. „Јане Сандански“, кај Мајчин дом лево, бул. „АСНОМ“, Ново Лисиче (терминал)

– од Ново Лисиче, по редовна траса до Комплекс банки, па десно по бул. „Крсте Мисирков“, лево по бул. „Гоце Делчев“, бул. „Партизански одреди“ до Дексион (терминал)

Линија 7

– од Горно Лисиче (Хемтекс), бул. „12 Македонска бригада“, десно по бул. „Србија“, лево по бул. „Јане Сандански“, бул. „К.Ј.Питу“, десно по бул. „Крсте Мисирков“ (МАНУ), лево по бул. „Гоце Делчев“, бул. „Партизански одреди“ до Карпош 3 (терминал)

– од Карпош 3, по редовна траса до Соборен храм, лево по бул. „ВМРО“, десно по бул. „Гоце Делчев“, десно по бул. „Крсте Мисирков“ (МАНУ), лево по бул. „К.Ј.Питу“, бул. „Јане Сандански“, кај Мајчин дом лево по бул. „АСНОМ“, десно по бул. „Србија“, лево по бул. „12 македонска бригада“ и по редовната траса до крајна станица

Линија 9

– од Скопје Север по својата редовна траса

– во обратен правец од Клинички центар, ул. „Јордан Мијалков“, подвозник Кисела Вода, бул. „Кочо Рацин“ и продолжува по редовната траса

Линии 15 и 15А

– од Ново Лисиче по редовна траса до Комплекс банки, па десно по бул. „Крсте Мисирков“ (МАНУ), лево по бул. „Гоце Делчев“ и продолжува по редовна траса

– од Карпош 4 до Соборен храм по редовна траса, па по бул. „Гоце Делчев“, десно по бул. „Крсте Мисирков“ (МАНУ), бул. „К.Ј.Питу“, бул. „Јане Сандански“, кај Мајчин дом лево по бул. „АСНОМ“, Ново Лисиче (терминал)

Линија 16

– од Пржино, бул. „Кочо Рацин“, бул. „Крсте Мисирков“, Бит-пазар и продолжува по редовна траса

– во обратна насока по редовна траса до Бит-пазар, право по бул. „Крсте Мисирков“, бул. „Кочо Рацин“ и продолжува по редовна траса до крајна станица

Линии 21 и 22

– од Транспортен центар, бул. „К.Ј.Питу“, бул. „Крсте Мисирков“ (МАНУ), бул. „Гоце Делчев“, бул. „Партизански одреди“ и продолжува по своја траса

– во обратна насока по истата изменета траса

Линија 23

– од Ченто по редовна траса до Југодрво, потоа продолжува по ул. „Кирил и Методиј“, на постојката спроти Рамстор

– во обратна насока од постојка пред Рамстор, лево по бул. „Мајка Тереза“, лево по ул. „Јордан Мијалков“, подвозник Кисела Вода, Југодрво и продолжува по својата траса до Мајчин Дом, лево по бул. „АСНОМ“, лево по бул. „Киро Глигоров“ и продолжува по својата редовна траса

Линија 25

– од Транспортен центар до Југодрво по редовна траса, потоа продолжува по ул. „Кирил и Методиј“ (Рамстор), лево по бул. „Мајка Тереза“ и продолжува по редовната траса

– во обратна насока од Средно Водно до Клинички центар по редовна траса, потоа десно по ул. „ Јордан Мијалков“, подвозник Кисела Вода, бул. „Кочо Рацин“ и продолжува по редовната траса

Линија 25А

– од почетна постојка пред „Автомакедонија“ до Средно Водно по редовна траса

– во обратна насока од Средно Водно до Клинички центар по редовна траса, потоа десно по ул. „Јордан Мијалков“, подвозник Кисела Вода, лево кон терминал „Автомакедонија“

Линија 27

– од ул. „Вардарска“ по редовна траса до Југодрво, потоа продолжува по ул. „Кирил и Методиј“ до постојката спроти „Рамстор“

– во обратна насока од постојка пред „Рамстор“, лево по бул. „Мајка Тереза“, лево по ул. „Јордан Мијалков“, подвозник Кисела Вода, Југодрво и продолжува по својата редовна траса до Мајчин дом, лево по бул. „АСНОМ“, десно по бул. „Србија“ и до крајна постојка по редовната траса

Линија 28

– од Македонско село, с. Горно Нерези до Козле терминал 57

– во обратна насока по истата изменета траса

Линии 41, 31, 51, 67 и 70

– од почетен терминал по редовна траса по бул. „Борис Трајковски“, десно по бул. „Србија“, лево по бул. „Јане Сандански“ до Транспортен центар

– во обратна насока од Транспортен центар десно по бул. „Јане Сандански“, кај Мајчин дом лево по бул. „АСНОМ“, десно по бул. „Србија“, лево по бул. „Борис Трајковски“ до крајна станица по редовната траса

Линии 50 и 50А

– од Хиподром и Маџари по редовната траса до Бит-пазар, потоа продолжува до Југодрво, ул. „Кирил и Методиј“, лево бул. „Мајка Тереза“ до Клинички центар

– во обратен правец од Клинички центар, ул. „Јордан Мијалков“, подвозник Кисела Вода, бул. „Кочо Рацин“, Југодрво, Бит-пазар и продолжува по редовната траса

Линија 57

– од Козле по редовна траса до крстосница со бул. „Мајка Тереза“, право по ул. „Јордан Мијалков“, подвозник Кисела Вода, бул. „Кочо Рацин“, Југодрво, Бит-пазар и продолжува по редовната траса

– од Радишани до Бит пазар по редовна траса, потоа продолжува до Југодрво, ул. „Кирил и Методиј“, лево бул. „Мајка Тереза“, десно по ул. „Васил Ѓоргов“ и продолжува по редовна траса

Линија 59

– од Карпош 3 по редовна траса до Соборен храм, лево по бул. „ВМРО“, бул. „Гоце Делчев“, лево кај Бит-пазар и продолжува по редовната траса до крајна станица

– во обратна насока по истата изменета траса

Линија 59А

– од Ново Лисиче по редовна траса до Комплекс банки, десно по бул. „Крсте Мисирков“ кон Бит-пазар и продолжува по редовната траса до крајна станица

– во обратна насока по редовна траса до Бит пазар, право по бул. „Крсте Мисирков“, лево по бул. „К.Ј.Питу“, бул. „Јане Сандански“, кај Мајчин дом лево по бул. „АСНОМ“ до Ново Лисиче (терминал)

Линии 58, 58а и 58б

– од почетни станици во Добри дол, Света Петка и Брзовец по редовна траса до семафорот со ул. „Борис Трајковски“, потоа десно кај Општина Кисела Вода по бул. „Борис Трајковски“ и продолжува по својата редовна траса

The post Jавниот превоз в недела со изменет режим поради маратонот appeared first on Република.

Кенискиот атлетичар Елиуд Кипчоге на денешниот маратон во Берлин, успеа да го урне сопствениот светски рекорд, истрча 42,195 метри за два часа, една минута и девет секунди што е за 30 секунди побрзо од претходниот негов рекорд.

Од самиот почеток на маратонот беше видливо дека Кипчоге ќе победи со добро време, па публиката му даваше поддршка да го урне рекордот кој самиот тој го држи.

На крајот Кениецот успеа, постави нов Светски рекорд со време од два часа, една минута и девет секунди.

Второто место го освои Марк Корир со време од два часа, пет минути и 58 секунди, додека трет беше Таду Абате со два часа, шест минути и 28 секунди.

2️⃣:0️⃣1️⃣:0️⃣9️⃣

Eliud Kipchoge is full of emotion as he makes more marathon history with a world record in Berlin 💥

📹 @wendyslyrun #BerlinMarathon 🇩🇪 pic.twitter.com/OIcX4KeDZ5

— AW (@AthleticsWeekly) September 25, 2022

The post Кипчоге го урна сопствениот светски рекорд на маратон во Берлин appeared first on Република.

Австриските власти успеале да спречат терористички напад во Виена врз учесниците на маратонот одржан во австриската престолнина во април, објавија денеска австриските медиуми,

Државната безбедност открила „спијачи“ на Исламската држава кои планирале напади на неколку големи настани во Европа, како одмазда за смртта на нивниот лидер Абу Ибрахим ал Хашими, кој беше убиен со експлозивна направа во северозападна Сирија во февруари за време на американската воена акција.

Според медиумите, терористите планирале напад наречен „Операција исцелување“.
Државната безбедност и Службата за заштита на Уставот и борба против тероризмот во соработка со странски органи успеале да ја откријат опасната ќелија „спијачи“.

Станува збор за петчлена група Ирачани, од кои еден, кој дошол во Австрија во 2015 година поради мигрантската криза, уживал статус на азил.

Од Министерството посочуваат дека станува збор за лица кои имаат различен статус на престој во повеќе европски земји, а кои презеле водечки улоги во Исламската држава и кои давале наредби за нови напади.

Тие комуницирале за нивниот план, многу внимателно, користејќи технологии за шифрирање, меѓу другото, користејќи ги функциите за разговор на одредени видео игри на конзоли.

The post Се спремал терористички напад на Виенскиот маратон appeared first on Република.

Балканските рекордери и македонски прваци Адријана Поп Арсова во женска и Дарио Ивановски во машка конкуренција се победници на полумаратонот од 21 километар на шестото издание на спортската манифестација „Охрид трчаТ“, што денеска се одржуваше низ охридските улици.

Второто место во машка конкуренција му припадна на американецот Џастин Фриман, а трет беше Тирон Мамуша од Косово. Во женска конкуренција втора до целта стигна Биљана Кираџиева, а трета беше Миљана Ристиќ, и двете македонски атлетичарки.

На петкилометарската трка најдобра беше Јана Стефановска, втора Бојана Наумовска, а трета Андријана Богдановска. Во машка конкуренција најбрз беше Кристијан Наумовски, втор Мартин Даески, а трет Наум Танески.

Директор на атлетската манифестација „Охрид трчаТ“, Иван Цветкоски водејќи се по девизата дека „секогаш може подобро“ изрази задоволство од тридневната атмосфера.

За нас се најбитни референците од тркачите. Оние што имаат искуство околу трчањето во однос на патеката и организацијата овие три дена се воодушевени - забележа Цветкоски.

Тој истакна дека како организатори, посебно се горди на пофалбите добиени од публиката што остана покрај патеката да ги бодри натпреварувачите.

Она што сега го добиваме како информација што ни е особено мило и стануваме горди се сите оние пофалби што ги добивме за тие што беа покрај патеката. Трките се трчаат во строгиот центар и нас ни и особено драго што граѓаните веќе го препознаваат настанот како свој, излегуваат на улица ги бодрат луѓето и се однесуваат според сите европски вредносит и култура кога се организира еден ваков настан - истакна Цветкоски.

На шестото издание на манифестацијата „Охрид трчаТ“ учествуваа околу 1.300 атлетичари, спортисти и рекреативци 18 земји меѓу кои од Србија, Хрватска, Босна и Херцеговина, Косово, Албанија, Бугарија, Полска…, а поголемиот дел од нив најавиле присуство и за идната година.

Настанот е во организација на атлетскиот клуб „Охрид трчаТ“ со поддршка на Општина Охрид и неколку општествено одговорни компании. За првите три места на трката од 21 километар беа доделени парични награди од 300, 200 и 100 евра, додека останатите добија медали, дипломи и симболични подароци. 

The post Адријана Поп Арсова и Дарио Ивановски победници на шестото издание на „Охрид трчаТ“ appeared first on Република.

На тркачите од Русија или Белорусија нема да им биде дозволено да учествуваат на маратонот во Бостон на 18 април поради инвазијата на Украина, објавија организаторите.

Забраната се однесува на маратонците кои живеат во Русија или Белорусија, додека емигрантите од руско или белоруско потекло ќе можат да учествуваат на трката под услов да не ги носат боите на нивната земја на потекло, соопшти Атлетската федерација на Бостон.

Бостонскиот маратон, кој беше откажан во 2020 година, а потоа одржан во октомври 2021 година со помалку учесници од нормалното поради пандемијата Ковид-19, се враќа на вообичаениот распоред и формат оваа година.

Во соопштението не се наведува колку руски или белоруски спортисти се пријавени годинава. Во 2019 година, 59 од повеќе од 30.000 тркачи кои учествуваа на трката беа од Русија и Белорусија.

Русија е исфрлена од светските спортови откако руските трупи ја нападнаа Украина на 24 февруари.

Фудбалските управни тела ФИФА и УЕФА ја суспендираа Русија од сите меѓународни натпреварувања, вклучително и Светското првенство, додека неколку организации како Формула 1 ги откажаа спортските настани закажани во Русија.

The post На маратонот во Бостон нема да има Руси и Белоруси appeared first on Република.