Голманот на германската репрезентација и на Баерн Минхен, Мануел Ноер (37), се врати во тренажен процес пет месеци откако се повреди, објави денеска баварскиот фудбалски гигант.

Ноер минатата зима на скијање доби фрактура на десното потколено и се хеликоптер итно беше пренесен во болница каде следниот ден беше опериран.

Баерн објави попладнево дека Ноер се вратил на теренот и почнал со индивидуални тренинзи.

„Среќен сум и не поставувам конкретен датум за враќање. Се обидувам да сторам сè што можам за да извлечам максимум и да напредувам што е можно побрзо“, порача Ноер.

„Секој ден е чекор напред“, додаде германскиот чувар на мрежата, кој во дресот на Баерн има 489 настапи, освојувајќи 29 трофеи, од кои десет титули германски првак и две во Лигата на шампиони.

Откако Ноер се повреди, Баерн го ангажираше швајцарскиот голман Јан Зомер (34), кој потпиша договор до лето 2025 година

The post Нојер се врати на тренинзите appeared first on Република.

Германија имаше настап за заборав на Мундијалот во Катар на кој не успеа да ја мине групната фаза и покрај вчерашниот триумф над Костарика (4-2), но голманот Мануел Ноер на тој натпревар испиша страница во историјата на светските првенства, откако на 36-годишна возраст стана голман со најмногу настапи.

Дуелот против Костарика за Ноер беше вкупно 19 на светските првенства со што ги надмина сонародникот Сеп Маер и Бразилецот Клаудио Тафарел, кои кариерите ги завршија со 18 настапи.

„Навистина? Ах, штета! Па подобро ќе ми беше да одиграм уште некој натпревар на тоа Светско првенство 1970 во Мексико“, духовите се пожали Сеп Маер во разговор за германските медиуми.

На тој Мундијал, Германија испадна во полуфиналето, а Маер не беше во составот во натпреварот за третото место.

Новиот рекордер според бројот на настапи на светските првенства на голманската позиција претходно не исклучи можност да брани и на Мундијалот 2026 во САД, Канада и Мексико, но зачестените повреди во последно време би можеле да му го закомпликуваат сонот.

Извор: МИА

The post Ноер голман со најмногу настапи на светските првенства appeared first on Република.

Капитенот на Баерн Минхен, 36-годишниот голман Мануел Ноер, го продолжи договорот со германскиот фудбалски гигант до лето 2024 година.

Ноер дојде во Баерн во 2011 година од Шалке и во изминатите 11 сезони со клубот од Минхен освои десет германски титули, пет трофеи во националниот куп, а два пати триумфираше во Лигата на шампиони.

Ноер во кариерата има 473 настапи за Баерн, а бранеше на 109 натпревари на голот на Германија со која во 2014 година ја освои светската титула.

– Мануел Ноер е најдобриот голман во светот, изјави неговиот претходник на голот на Баерн и германската репрезентација Оливер Кан.

– Да се задржиш на светскиот врв толку долго време е неверојатно достигнување, додаде извршниот директор на минхенски Баерн

The post Ноер останува на голот на Баерн appeared first on Република.