Секогаш кога зборуваме за жени кинематограферки, режисерки, се наметнува прашањето за мајчинството, како и за тоа, како успеваме да се грижиме за домот и за семејството. Но, каде се мажите во оваа приказна, одговорноста за сето ова ја имаат и тие. Ова беше нотирано на настанот „Моќните жени на Манаки“ кој се одржа во Кино Манаки, а на кој зборуваа жени кинематограферки од различни земји. Вечерва во Битола се затвора Интернационалниот фестивал на филмска камера „Браќа Манаки“.

Инспиративни животни приказни споделија Алис Брукс, Ненси Шрајбер, Агнешка Селига, Клери Пиџман, Брижит Гудјонсдотир, Кристина Новак, Тереза Медина и Уна Менгес.

Моето семејство беше многу сиромашно. Кога бев млада имав две нешта за кои сонував, едниот - да станам кинематограферка и ми се исполни, пораснав на сет. Другиот сон ми беше да имам дете, сакав да бидам мајка. Имам ќерка која е радоста на мојот живот и која сега секаде доаѓа со мене. Работете за да ви се остварат соништата, кажа Алис Брукс.

Ненси Шрајбер рече дека е дипломиран психолог, но дека не сакала да го работи тоа.

Почнав да работам како електричар на сет, работев со режисерот, а не знаев ништо во врска со тоа. Не е лесно за жените во тој свет. Но, благодарна сум што почнав како електричар, за подоцна да можам да изучувам филм, и еве ме овде после повеќе декади, и денеска се радувам кога снимам филм, кажа Шрајбер.

Aгнешка Селига и Тереза Медина истакнаа дека морале да бидат креативни во професионалнот живот, кој им бил исполнет со мажи. Им порача на младите секогаш да веруваат во себе и да не престануваат да сонуваат.

Клери Пиџман кажа дека таа избрала школа за филм иако нејзините родители биле доктори.

Најпрво почнав да асистирам на сетови. Се прашував, како да почнам да снимам кога ова е машка професија. Со позајмени пари го направив мојот прв филм. Не жалам за ништо и се уште сакам да работам кинематографија“, кажа таа.

За родителите на Кристина Новак, школото за филм било шега, со оглед на фактот дека тие биле сосема нешто друго по професија.

Сите ние имаме различни приказни, но имаме иста енергија со која се почитуваме. Ние сме како како семејство“, кажа Новак.

Кинематограферката Брижит Гудјонсдотир сподели дека била одгледана од самохрана мајка.

Мајка ми работеше од утро до мрак. Таа ми беше пример и личност чии вредности ги следев низ животот. Подоцна и јас станав мајка, па ја носев и мојата ќерка на сетови. Почнав да работам како асистент во оваа индустрија. Кога видов дека Ненси Шрајбер е кинематограферка, потоа Алис, си реков, кога можат тие жени да го работат ова и да прават прекрасни филмови, можам и јас, кажа Брижит.

Уна Менгес сакала првично да работи како ветеринарка, но подоцна имала прилика да работи на филм, од каде почнала нејзината професионална приказна.

Знаете, кога треба да преживеете и да се грижите за ваше дете, ќе работите крваво за да успеете. Кога и да имам тешки моменти во животот или на сет, се потсетувам дека токму тоа ме расте и созрева и затоа сум благодарна за тоа“, кажа Менгес.

Некои од кинематограферките зборуваа и за менталното здравје, а неколкумина од нив работат и друга работа како план Б, во случај да немаат работа на филмски проекти. Така, Брижит рече дека е фриленс наставничка која го работи тоа кога не снима.

Најстресен период ми e кога немам работа меѓу филмови. Знаете, треба да јадеме и да плаќаме сметки секој ден. Имаме група за поддршка на менталното здравје, вежбам јога и наоѓам други начини да се справам со стресот, кажа Медина.

The post Моќните жени на „Манаки“: Не е лесно за жените во филмскиот свет appeared first on Република.

The post Великаните на „Браќа Манаки“ во Кинотека: „Трчај Лола, трчај“ вечерва во чест на Франк Грибе добитник на Специјалната награда на жирито на ИФФК „Браќа Манаки“ во 2000 година appeared first on Република.

The post Проекции на филмови по повод 60-годишнината од смртта на Милтон Манаки appeared first on Република.

Во Маруби – Националниот музеј за фотографија во Скадар, беше отворена изложбата „Јанаки и Милтон Манаки“. Оваа изложба е прва соработка помеѓу Државниот архив на Република Македонија – Одделение Битола и Музејот Маруби, а воедно и прво претставување на дел од архивското наследство на браќата Манаки во Албанија.

Куратор на изложбата беше д-р Лучијан Бедени – директор на Музејот Маруби, а координатори на соработката беа Гоце Стојановски – раководител на Одделение Битола и Димитар Ѓорѓиевски – соработник за средување и обработка на архивски материјал во Одделение Битола.

Изложбата беше концептуално осмислена околу темата за миграциите на населението на Балканот во 20. век и етнографските конекции меѓу различни народи како и дискурзивно читање на сведоштвата за ритуали кои укажуваат на културната интимност помеѓу народите на Балканот.

Оваа културна соработка е дел од активностите во рамките на летната програма KulArt 2023 на Министерството на Култура на Република Албанија во соработка со Државниот архив на Република Македонија. Исто така, на оваа колаборација претходеше Меморандум за соработка потпишан помеѓу директорите на двете институции.

„Ни претставува огромна чест и задоволство што земаме дел од регионални процеси на културно поврзување и соработка низ која се истакнува поширокото културно-уметничко значење на архивското наследство. Изразуваме честитки до тимот на Музејот Маруби за успешниот настан и за срдечното гостопримство“, истакнуваат од Државниот архив Битола.

На денот на отворањето на изложбата, делегација од ДАРСМ – Одделение Битола присуствуваше во Музејот Маруби и можеше подетално да се запознае со тимот на музејот, кој со нашиот колектив ги сподели своите искуства за создавањето на изложбата, како и за процесот на создавањето на Музејот Маруби, методологиите кои ги користат за чување, истражување и презентација на нивната фотографска збирка.

Изложбата во Албанија ќе биде поставена до 5- ти ноември.

The post Изложбата „Јанаки и Милтон Манаки“ отворена во Албанија appeared first on Република.

Во организација на Комуната на Власите „Браќа Манаки“ и кино клубот „Студио Милтон Манаки“, на Влашките гробишта во Битола, денес се одржа чествување по повод 59 години од смртта на Милтон Манаки. Во чест на на првиот снимател на Балканот, свежо цвеќе положија градоначалникот на општина Битола, Тони Коњановски, претставниции на Советот на општината, како и други делегации – претставници на институции и асоцијации кои го негуваат делото и творештвото на Браќата Манаки.

The post Коњановски: Битола е почестена што Браќата Милтон и Јанаки Манаки биле дел од историјата на градот appeared first on Република.

Општина Битола ја поддржа иницијативата на Комуна на Власите „Браќа Манаки“ и Кино клуб „Студио Милтон Манаки“, да бидат донесени посмртаните останки на Јанаки Манаки од Солун во Битола.

Иницијативата беше промовирана на денешното одбележување на 58 – годишнината од смртта на неговиот брат, филмски снимател, Милтон Манаки во Битола.

Разговаравме за иницијативата на комуната и студиото „МИЛТОН МАНАКИ“, во Битола да се донесат посмртните останки на братот на Милтон Манаки, Јанаки, кој е упокоен во Солун. Дојдовме до заедничка идеја, во соработка со Република Грација, односно градоначалникот на Солун да се иницира идејата и доколку е можно таа да се реализира. Ќе се обидеме да го направиме тоа, рече градоначалникот Коњановски.

Според востановената традиција, денеска на Влашките гробишта во Битола, во организација на Комуна на Власите „Браќа Манаки“ и кино клубот „Студио Милтон Манаки“ се одржа чествување по повод годишнина од смртта на Милтон Манаки.

Во чест на првиот филмски снимател на Балканот и неговото големо дело, цвеќе положија градоначалникот на Општина Битола, Тони Коњановски, претставници на Советот на општината, Културно-информативниот центар, НУ Центар за култура, Меѓународниот Фестивал Камера 300, Кинотеката, Државниот архив, како и претставници на политички партии и дипломатскиот кор.

Претставниците на Кинотеката најавија дека филмски снимки на браќата Манаки наскоро ќе бидат емитувани во Љубљана, во словенечката Кинотека, а се прават напори за нивно прикажување и на фестивал во Турција.

The post Коњановски ја поддржа иницијативата посмртните останки на Јанаки Манаки од Солун да се донесат во Битола appeared first on Република.