Македонската асоцијација на новинари (МАН), без да навлегува во детали за шокот од веста за Фуркан Салиу, член на Здружението на новинари (ЗНМ) поддржани од ССНМ, ја изразува својата длабока загриженост за состојбите во новинарството кои се последица на непрофесионалното делување на ЗНМ и ССНМ, изразени со последниот случај токму со Фуркан Салиу.

-Користољубие и лицемерие за потребите на ЗНМ и ССНМ е да се тврди дека Фуркан Салиу е новинар кој бил лишен од слобода. Токму ЗНМ и ССНМ се главните противници на регистрација на онлајн медиумите и професионалните независни новинари кои работат во дигиталните медиуми, каде што работи и колегата Фуркан Салиу.

-МАН ја поздравува транспарентноста на МВР во најкус можен рок да ги објави сите информации за лишувањето од слобода на лицето Фуркан Салиу, кој ќе беше подведен во категоријата новинар (лице со службена одговорност, согласно одредбите од КЗ) за кои толку силно се противат и ЗНМ и ССНМ.

-Без да навлегуваме во детали дали Фуркан Салиу пиштолот го поседувал со дозвола или без дозвола (за што очекуваме информации од надлежните органи), од повеќе аспекти загрижува фактот дека лицето/новинар имал огнено оружје.

Новинар е општествено одговорна работа и единственото оружје на новинарите и медиумските работници е слободата на говорот, и независното и професионално новинарство.

ЗНМ и ССНМ имаат долга историја на негување непрофесионалност во вкупното делување, па оттука, ја искажуваме нашата длабока загриженост за нивното членство и нивното делување.

Македонската асоцијација на новинари (МАН) секогаш се грижела за правата и слободите на новинарите и сите медиумски работници, додека ЗНМ и ССНМ, секогаш делуваат од користољубие со лицемерие.

The post МАН: Единственото оружје на новинарите е слобода на говорот, користољубие е однесувањето на ЗНМ appeared first on Република.

Македонската асоцијација на новинари (МАН) ги осудува заканите од Димитар Апасиев пратеник и претседател на политичка партија упатени до Канал 5 ТВ и директорот Иван Мирчевски.

Заканите за „војна“, “системски организирана кампања“ се сериозни закани по слободата на изразување која е гарантирана со Уставот, но и по слободата на претприемништво. Со својот статус на социјалната мрежа Фејсбук, Апасиев како пратеник и претседателот на политичката партија се заканува со последици по финансиската егзистенција на Канал 5 ТВ и врши политички притисок врз компании – деловни партнери, што е кривично дело – злоупотреба на службена положба од позиција на пратеник кој се заканува со употреба на својата политичка моќ. Не му е прв пат на овој претседател на партија да се заканува, да шири говор на омраза, навреди и клевети против новинари и против медиуми. И во овој случај, тој напиша куп навреди и клевети против директорот на Канал 5 ТВ Иван Мирчевски, за што го повикуваме Димитар Апасиев да се извини, велат МАН во нивната реакција.

МАН ги повикува надлежните институции, пред сè обвинителството, да реагира по ваквите закани и злоупотреба на службена положба од позиција на пратеник на Димитар Апасиев кој е и претседател на политичка партија, и да ги заштити медиумите и новинарите, особено заради фактот што Македонија влегува во период на избори.

Доколку обвинителството не преземе мерки за заштита на медиумите и новинарите, ваквите закани и злоупотребата на службената положба на Димитар Апасиев, пратеник и претседател на политичка партија, ќе охрабри и други поединци и/или групи да се закануваат кон медиумите и новинарите. Правните тимови на МАН секако дека ќе преземат мерки пред надлежните институции за запирање на злоупотребата на политичка положба, говор на омраза, заканите, навреди и клевети кои преку социјалните мрежи ги шири претседател на политичка партија. Изненадува фактот што дежурните цензори на социјалните мрежи кои ја гушат слободата на медиумите преку нивни наводни проверки на факти – немаат пријава до Фејсбук за блокирање на профил/и поради закани и злоупотреба на политичка моќ, односно останаа неми на овие закани од претседател на политичка партија кон Канал 5 ТВ, велат од МАН.

The post МАН: Малиот фирер од нашиот сокак против медиумите appeared first on Република.

Македонската асоцијација на новинари (МАН) остро реагира на заканите, непрофесионалниот и понижувачки однос од премиерот Димитар Ковачевски кон новинарите од Телма ТВ.

https://republika.mk/vesti/makedonija/eve-kako-tache-im-se-zakanuva-na-novinarite-deka-ke-kvitskaat-po-podrumi/

Незаконски (клевета, навреда и понижување) и спротивно на сите професионални стандарди, морал и етика е односот на премиерот Ковачевски кон сите новинари и медиуми, а во случајов јавно ги понижува новинарите од Телма ТВ со квалификација дека се продале. Димитар Ковачевски е познат по постојани закани, навреди, омаловажувања и притисоци врз новинарите и медиумите, исто како и неговиот претходник Зоран Заев. Освен на Телма, ѝ се закануваше и на МРТ, Алфа ТВ, Канал 5, од собраниска говорница повика на правосуден линч против новинарот Драган Павловиќ Латас, а да не заборавиме дека оваа власт е лидер по нарачаните истраги, процеси и прогони против професионалните медиуми и новинари, велат од МАН во реакцијата.

Потенцираат дека оваа власт ќе остане запаметена како најрепресивната против слободата на медиумите и слободата на говорот.

Македонската асоцијација на новинари (МАН), како што соопштуваат од оргазнизацијата, ќе ја извести Светската федерација на новинари за сите „закани, притисоци, навреди, клевети и понижувања од власта предводена од Димитар Ковачевски и претходно од Зоран Заев“.

The post МАН: За Ковачевски и Заев – новинарите се: продадени, суетни, пропагандисти… Што очекуваат од нив по ова? appeared first on Република.

Македонската асоцијација на новинари (МАН) со внимание го прочита Законот за рестриктивни мерки кој владата во работна верзија начелно го одобрила на последната седница и со кој, според МАН, се насетува можност за сериозна борба против корупцијата, пред се високата корупција генерирана од или со учество на политички функционери.

Законот предвидува потемелни истраги и посериозни казни за корупцијата, за учесниците во корупцијата, како и за одземањето имот стекнат со корупција.

МАН смета дека корупцијата е најголем проблем во Македонија и дека оваа намера со ваков  Закон може да даде придонес во борбата против корупцијата, особено ако крајната верзија на законот се формира во соработка со правните експерти, кои имаат долгогодишно искуство во правосудството и правните науки.

Со ова, би се обезбедила поголема јавна поддршка и доверба за спроведување на овој закон, како решавање на повеќе критични точки од законот со кои сегашниот текст има судир со други закони (КЗ и ЗКП) .

Останува да се види завршната верзија на овој закон по консултација со експертите, а потоа може да се очекува битно влијание врз намалување на корупцијата. Новинарите и како професионалци, и како граѓани се соочуваат и трпат последици од корупцијата секојдневно, а можат да имаат влијание на нејзиното намалување, доколку борбата против корупција е водена со стручна и правно издржана постапка.

Во таков случај од новинарите може да се очекува поддршка. Поддршката во јавноста од страна на медиумите во борбата против корупцијата е еден од клучните фактори за успешност на постапката и за враќање на авторитетот во правосудниот систем.

The post МАН: Законот за рестриктивни мерки може да биде решение за високата корупција appeared first on Република.

Македонската асоцијација на новинари (МАН) целосно застанува во одбрана и поддршка на Канал 5 ТВ, реакцијата на директорот Иван Мирчевски и новинарот водител Александар Видиновски како и колегата гостин во емсијата Горан Момироски, по вечерашната дебата во емисијата „Само вистина“ каде политичарот и советник во владата Исмет Рамадани неосновано ги обвини за предизвикување национална нетрпеливост.

Со етикетирањето на национална основа, Исмет Рамадани ја загрозува безбедноста на новинарите учесници во дебата, како на Канал 5 ТВ.

МАН ги осудува сите политичари, советници и владини функционери, како и аналитичари кои со години полесно или потешко, и без одговорност јавно навредуваат цели медиуми, новинари, ги етикетираат, па дури и ги обвинуваат за сторени кривични дела како говор на омраза или национална нетрпеливост.

Канал 5 секогаш покажува висок степен на професионализам и конструктивно етичко дебатирање во своите емисии.

Го повикуваме Исмет Рамадани веднаш да се извини до редакцијата на Канал 5 ТВ. Доколку не се извини, МАН заедно со Канал 5 Тв ќе ги преземе сите правни мерки за заштита на новинарите и медиумот, се вели во соопштението на МАН.

The post МАН: Целосна поддршка за Канал 5 ТВ, осуда за несонованите обвинувања од советникот на владата Исмет Рамадани appeared first on Република.

Македонската асоцијација на новинари (МАН) бара јавното обвинителство веднаш да преземе мерки против премиерот Димитар Ковачевски по скандалозниот одговор на прашање од новинарот на Алфа ТВ Матеја Петровски, по повеќе основи, меѓу кои прекршување на член 16 од Уставот, прекршување на член 382 од Кривичниот законик, досегашниот член 319 од кривичниот законик, како и прекршување на препораките на Совет на Европа за борба против говор на омраза.

Прашањето беше апсолутно некоректно…Ќе повторам нешто што го кажав на мојот говор на 11 Октомври во Куманово. Денес во нашата држава имаме концепт за европска Македонија, којшто го предводи Владата и СДСМ. Што ги третира сите граѓани еднакво според нивната етничка, верска и која било друга припадност. Меѓутоа, имаме појава е еден популизам, којшто во својата основа има етно-национализам и ксенофобија, што за мене е форма на модерен фашизам - рече премиерот Димитар Ковачевски како одговор на новинарско прашање од Матеја Петровски од Алфа ТВ.

Со овој одговор, за Премиерот Ковачевски – новинарот Матеја Петровски е фашист, што преставува не само вербален напад со низа клевети и ширење говор на омраза (дефиниран во досегашниот член 319 од КЗ – тој којшто делото од ставот (1) на овој член го врши со злоупотреба на положбата или на овластувањето), туку и спречување на службено лице во вршење на својата дејност (член 382 од КЗ).

Македонската асоцијација на новинари (МАН) очекува јавното обвинителство по јавно допрен глас, веќе во понеделник да поднесе обвинителен акт против премиерот Ковачевски за прекршување на член 16 од Уставот, ширење говор на омраза и спречување на службено лице во вршење на својата дејност согласно Кривичниот законик, како и прекршување на препораките на Советот на Европа.

Слободата на говор гарантирана со Уставот (прашањето на Матеја Петровски) и со недавањето на одговор (наместо одговор, премиерот Ковачевски даде низа клевети, деградирачки квалификации кон новинарот и говор на омраза) – со што го оневозможи јавното информирање.

Европска регулаторна рамка за „говорот на омразата“ наведува детали во препорака бр. R (97) 20 во врска со „говор на омраза“ и особено ги повикува владите, да одредат јавните власти и јавните институции на национално, регионално и локално ниво, како и нивните службеници да имаат посебна одговорност за воздржување од изјави, особено пред медиумите, кои разумно може да се сфатат како говор на омраза, или како говор кој би можел да создаде ефект на озаконување, ширење или промовирање расна омраза, ксенофобија, антисемитизам или други форми на дискриминација или омраза базирани на нетрпеливост. Таквите изјави треба да бидат забранети и јавно отфрлени секогаш кога ќе се појават, стои во препораката.

Ова не е прв пат премиерот Ковачевски со тешки клевети да им одговара на новинарите, да шири говор на омраза и да повикува да бидат санкионирани преку своите јавни настапи. Тој од собраниска говорница побара Обвинителството и Судот да го санкционираат новинарот и уредник Драган Павловиќ Латас, неговото обезбедување му се закануваше и претходно на новинарот Матеја Петровски дека може да биде приведен зошто му поставува прашање на премиерот.

Ковачевски неодамна посочи дека има медиуми чија што уредувачка политика личи на компанија која што тргува со енергенси. Ковачевски посочи и дека има медиуми чија што уредувачка политика личи на партиски сектор за комуникација. Ковачевски беше и арогантен со новинарите клеветејќи ги дека доаѓаат од телевизија што може поблиску да се информира за цената на гасот.

Ова не е првпат Ковачевски да има лош однос со медиумите. Речиси на секое јавно обраќање наместо конкретно да одговара на прашањата, им поставува контра-прашања на новинарите и прашува од кои медиуми доаѓаат на настанот.

Безброј пати новинари се спречени да известуваат од настан на кој присуствувал премиерот Ковачевски, како на пример новинарите Љупчо Златев и Предраг Кукиќ. Безброј пати новинарите и медиумите имале забрана да присуствуваат на настани каде е и тој. Исто така, во однос на истиот настан, МАН (Македонска асоцијација на новинари) бара министерот Фатмир Битиќи да му се извини на новинарот на Алфа ТВ и потпретседател на МАН Матеја Петровски.

Се додека прима државна плата, министерот е должен да го слуша секое новинарско прашање и доколку се однесува на него – да одговара на секое новинарско прашање. Ако не сака да слуша и одговара, министерот Битиќи слободно може да се откаже од функцијата и државната плата и да стои настрана. Нема некоректни новинарски прашања, има само носители на јавни функции кои не се подготвени да и одговорат на јавноста она што е во интерес на граѓаните, па прстот постојано го вперуваат во новинарите правејќи од нив дежурни виновници за лошата состојба во која е државата, благодарение токму на истите тие носители на јавни функции. Ваков наратив инициран од премиерот и министерот претставува сериозна форма на притисок кон новинари и медиуми која служи истите да ги дискредитира, но обид и да се одвратат новинарите да се бават со теми кои се од јавен интерес.

Ваквата пракса на непримерна комуникација ја загрозува безбедноста на новинарите и медиумските работници, а со тоа се поттикнува насилство и цензура во поширок контекст, имајќи ја во предвид содржината на изразот; политичкиот и социјалниот контекст во моментот на изразувањето; намерата на говорникот; улогата и статусот на говорникот во општеството; извештај на којшто изразот се шири или засилува; способноста изразот да донесе до толку последици, вклучувајќи ја и непосредноста на таквите последици; природата и големината на публиката, и карактеристиките на целната група.

Македонската асоцијација на новинари (МАН) ќе ја извести Светската федерација на новинари за ваквиот некоректен однос на власта и притисокот кон независните и професионални новинари. Воедно, правните тимови на МАН веќе оформија засебни предмети, чија разврска ќе се бара пред надлежен Суд.

The post МАН: Говор на омраза од Ковачевски – ОЈО да реагира, Битиќи да се извини appeared first on Република.

Македонската асоцијација на новинари (МАН) бара јавното обвинителство веднаш да преземе мерки против премиерот Димитар Ковачевски по скандалозниот одговор на прашање од новинарот на Алфа ТВ Матеја Петровски, по повеќе основи, меѓу кои прекршување на член 16 од Уставот, прекршување на член 382 од Кривичниот законик, досегашниот член 319 од
кривичниот законик, како и прекршување на препораките на Совет на Европа за борба против говор на омраза.

„Прашањето беше апсолутно некоректно…Ќе повторам нешто што го кажав на мојот говор на 11 Октомври во Куманово. Денес во нашата држава имаме концепт за европска Македонија, којшто го предводи Владата и СДСМ. Што ги третира сите граѓани еднакво
според нивната етничка, верска и која било друга припадност. Меѓутоа, имаме појава е еден популизам, којшто во својата основа има етно-национализам и ксенофобија, што за мене е форма на модерен фашизам“, рече премиерот Димитар Ковачевски како одговор на новинарскопрашање од Матеја Петровски од Алфа ТВ.

Со овој одговор, за Премиерот Ковачевски – новинарот Матеја Петровски е фашист, што преставува не само вербален напад со низа клевети и ширење говор на омраза (дефиниран во досегашниот член 319 од КЗ - тој којшто делото од ставот (1) на овој член го врши со злоупотреба на положбата или на овластувањето), туку и спречување на службено лице во вршење на својата
дејност (член 382 од КЗ).

Македонската асоцијација на новинари (МАН) очекува јавното обвинителство по јавно допрен глас, веќе во понеделник да поднесе обвинителен акт против премиерот Ковачевски за прекршување на член 16 од Уставот, ширење говор на омраза и спречување на службено лице во вршење на својата дејност согласно Кривичниот законик, како и прекршување на препораките на Советот на Европа.

Слободата на говор гарантирана со Уставот (прашањето на Матеја Петровски) и со недавањето на одговор (наместо одговор, премиерот Ковачевски даде низа клевети, деградирачки квалификации кон новинарот и говор на омраза) – со што го оневозможи јавното информирање.

Европска регулаторна рамка за „говорот на омразата“ наведува детали во препорака бр. R (97) 20 во врска со „говор на омраза“ и особено ги повикува владите, да одредат јавните власти и јавните институции на национално, регионално и локално ниво, како и нивните службеници да имаат посебна одговорност за воздржување од изјави, особено пред медиумите, кои разумно може да се сфатат како говор на омраза, или како говор кој би можел да создаде ефект на озаконување, ширење или промовирање расна омраза, ксенофобија, антисемитизам или други форми на дискриминација или омраза базирани на нетрпеливост. Таквите изјави треба да бидат забранети и јавно отфрлени секогаш кога ќе се појават, стои во препораката.

Ова не е прв пат премиерот Ковачевски со тешки клевети да им одговара на новинарите, да шири говор на омраза и да повикува да бидат санкионирани преку своите јавни настапи. Тој од собраниска говорница побара Обвинителството и Судот да го санкционираат новинарот и уредник Драган Павловиќ Латас, неговото обезбедување му се закануваше и претходно на новинарот Матеја Петровски дека може да биде приведен зошто му поставува прашање на премиерот.

Ковачевски неодамна посочи дека има медиуми чија што уредувачка политика личи наmкомпанија која што тргува со енергенси. Ковачевски посочи и дека има медиуми чија што уредувачка политика личи на партиски сектор за комуникација. Ковачевски беше и арогантен со новинарите клеветејќи ги дека доаѓаат од телевизија што може поблиску да се информира за цената на гасот.

Ова не е првпат Ковачевски да има лош однос со медиумите. Речиси на секое јавно обраќање наместо конкретно да одговара на прашањата, им поставува контра-прашања на новинарите и прашува од кои медиуми доаѓаат на настанот.

Безброј пати новинари се спречени да известуваат од настан на кој присуствувал премиерот Ковачевски, како на пример се новинарите Љупчо Златев и Предраг Кукиќ. Безброј пати новинарите и медиумите имале забрана да присуствуваат на настани каде е и тој.

Исто така, во однос на истиот настан, МАН (Македонска асоцијација на новинари) бара министерот Фатмир Битиќи да му се извини на новинарот на Алфа ТВ и потпретседател на МАН Матеја Петровски.

Се додека прима државна плата, министерот е должен да го слуша секое новинарско прашање и доколку се однесува на него – да одговара на секое новинарско прашање. Ако не сака да слуша и одговара, министерот Битиќи слободно може да се откаже од функцијата и државната плата и да стои настрана. Нема некоректни новинарски прашања, има само носители на јавни функции
кои не се подготвени да и одговорат на јавноста она што е во интерес на граѓаните, па прстот постојано го вперуваат во новинарите правејќи од нив дежурни виновници за лошата состојба во која е државата, благодарение токму на истите тие носители на јавни функции.

Ваков наратив инициран од премиерот и министерот претставува сериозна форма на притисоккон новинари и медиуми која служи истите да ги дискредитира, но обид и да се одвратат новинарите да се бават со теми кои се од јавен интерес.

Ваквата пракса на непримерна комуникација ја загрозува безбедноста на новинарите и медиумските работници, а со тоа се поттикнува насилство и цензура во поширок контекст, имајќи ја во предвид содржината на изразот; политичкиот и социјалниот контекст во моментот на изразувањето; намерата на говорникот; улогата и статусот на говорникот во општеството; извештај на којшто изразот се шири или засилува; способноста изразот да донесе до толку последици, вклучувајќи ја и непосредноста на таквите последици; природата и големината на публиката, и карактеристиките на целната група.

Македонската асоцијација на новинари (МАН) ќе ја извести Светската федерација на новинари заваквиот некоректен однос на власта и притисокот кон независните и професионални новинари. Воедно, правните тимови на МАН веќе оформија засебни предмети, чија разврска ќе се бара пред надлежен Суд.

The post МАН: Говор на омраза од Премиерот Ковачевски – ОЈО да реагира, Битиќи да се извини appeared first on Република.

Приклучувањето на Македонската асоцијација на новинари МАН кон Меѓународната федерација на новинари ќе биде многу полесно отколку влезот во НАТО или Европската Унија. Ако нè сакате нас, тогаш ние ве сакаме вас и тоа е тоа, крај, порача Тим Даусон, заменик генерален секретар на Меѓународната федерација на новинари, кој неодамна беше во посета на Скопје како гостин на избрното Собрание на МАН.

Треба да се запрашате што е тоа што го имате како организација во вашето срце? Што е тоа што навистина ве мотивира надвор од вашата работа секој ден? И мислам дека за да се најде одговорот на тоа, вреди да се размисли за природата на самото новинарство. Се ближиме до нашата стогодишнина. Основани сме во Франција во Париз во 1926 година. 19 новинарски организации се собрале во 1926 година, вклучително и претставници од Западен Балкан за да ја основаат оваа организација. И имајќи ја на ум стогодишнината и размислувајќи да како да се одбележи, ги разгледував нашите архиви и нашата историја за да се обидам го разберам она за што зборувале тогаш. Многу е интересно, тие биле многу загрижени за слободата на печатот и притисоците врз неа. Биле многу загрижени за проблемот со лажните вести. Мислеле дека новинарството може да се искористи за да се обиде да подигне национална или етничка омраза меѓу луѓето. Биле многу загрижени за напредокот на новата технологија. Она што навистина загрижувало во 1926 година било развојот на радио вестите и луѓето биле вознемирени дека ако можат да ги добијат своите информации само со слушање на машина, тогаш сигурно луѓето наскоро ќе заборават како да читаат и како тоа ќе влијае на новинарите. А навистина впечатливата работа што ги гледаме сите овие е тоа што тие се прашања кои се речиси идентични со главните прашања со кои се соочуваме ние како новинари денес. Ми се чини дека се исти. Мислам, се разбира, има различни национални конфликти што ги анимираат. Се грижиме за различни технологии, но во основа тие се исти прашања. И размислувајќи за тоа зошто е тоа, мислам дека тоа е всушност во природата на новинарството. Мислам дека има предизвици со кои се соочуваме како новинари кои се одвоени од другите во работната класа. Мислам, се разбира, секој што излегува да заработи за живот мора да се справи со турбулентни економски околности, да се справи со индустриите и технологијата која расте, се заменуваат работници или создаваат нови можности. - вели Даусон

Вели како новинари, се соочуваме со тоа дека некој може физички или вербално да не нападне за работата која ја работиме и не таргетира на начин со кој повеќето работници не се соочуваат.

Мислам дека освен политичарите, ние сме единствената цивилна група која рутински го чувствува тоа, која рутински го доживува тоа прашање. Се соочуваме со моќни поединци, моќни влади, моќни корпорации кои се обидуваат да го ограничат она што го кажуваме. И ние мораме, како дел од нашиот секојдневен работен живот, да се справиме со тој притисок и да најдеме начин како можеме да продолжиме да ја вршиме нашата работа одговорно и покрај тој притисок. Честопати се соочуваме со работодавци кои не сакаат да го практикуваме слободното изразување и не сакаат максимално да ја вршиме нашата работа. И повторно, тоа е уникатен притисок со кој новинарите се соочуваат. И она што е интригантно за мене е тоа што иако сме суштински конкурентна професија, се натпреваруваме за приказна, се натпреваруваме да ги создадеме најдобрите и најбрилијантните уредувачки производи. Нашиот одговор на овој уникатен притисок е колективен, без разлика дали тоа е на нашите работни места кога ќе откриеме дека некој се меша во нашите приказни, седнуваме заедно со нашите колеги и се обидуваме да откриеме како да се справиме со тоа на работното место. Без разлика дали тоа е на национално ниво каде што се собираме во здруженија и организации за да се справиме со прашања од тој вид или дали на меѓународно ниво каде што цел век одржуваме меѓународно тело кое се обидува да го преземе тоа во натприродниот страв. Моето чувство е дека немаше да ме поканите овде доколку не го почувствувавте истиот уникатен притисок и истото уникатно чувство за тоа како реагираме на тоа. Значи, ако сум во право за тоа, тогаш би ве охрабрил да го преземете следниот логичен чекор и да се приклучите на Меѓународната федерација на новинари и да дозволите вашата моќ и вашата експертиза да придонесат за тој меѓународен напор, исто како што ќе ја споделиме нашата сила и нашата експертиза со вас за да можеме да го испорачаме видот на новинарството од кое зависи општеството, видот на новинарството што ја кажува вистината на моќта и типот на новинарството што на крајот е самиот извор на енергија на демократиите на кои им служиме“ – порача Даусон на Собранието на МАН.

https://www.youtube.com/watch?v=vyzKech7-jA&source_ve_path=MjM4NTE&feature=emb_title

На прашањето упатено од македонските новинари, како може Меѓународната федерација на новинари да ни помогнале да се заштитиме од притисоците со кои секојдневно се соочуваме, со оглед дека слободата на говор генерално е загрозена од владата која го користи судскиот систем за да изврши притисок врз слободата на говорот и да ги гони новинарите кои ја критикуваат владата, емитуваат и објавуваат криминални афери, тој вели:

Мислам дека притисоците со кои се соочувате од она што го знам се многу интензивни овде. Тоа се притисоци кои се познати во светот. Во Обединетото Кралство се соочивме со многу судски притисоци за слободно изразување. Така, мислам дека има голем број чекори што може да се преземат, а дел од нив е обелоденување на фрапантни случаи, обелоденување на најлошите пречекорувачи на овој вид на однесување на пошироко внимание за меѓународната заедница да ги осуди обидите да се користи судството за малтретирање на медиумите.
Мислам дека демонстрацијата на добри примери каде ова беше проблем и каде што земјите пронајдоа начини да го решат прашањето што го штитат слободното изразување се исто така целисходни.

Мислам и дека ако повеќето новинари разбираат кога се малтретирани, но, мислам дека во средина каде што малтретирањето е ендемично, каде што продолжува постојано, луѓето почнуваат да мислат дека тоа е нешто нормално и всушност даваат примери за луѓето во земја каде што судското малтретирање на новинарите е нормално да се каже дека ова всушност не се случува секаде на друго место, а ова не е нешто што треба да го доживеете, само по себе е вредно бидејќи им дава моќ на новинарите да прават повеќе врева и да кажат дека ова не е прифатливо.

Вака не треба да функционира слободното општество. Можеме да видиме преку границите на други места во светот дека тоа не се случува и ние инсистираме тоа да не се случува во оваа земја.

И примерите од тој вид, мислам, се исто така вредни за населението пошироко, бидејќи тие можат да видат дека малтретираните и угнетените медиуми не им служат и дека има земји каде тоа не се случува. Така, мислам дека гледањето надвор од сопствените граници е чест начин да се најдат примери кои на оние влади кои би ги угнетувале новинарите се најсрамни.

-Сценариото што го опишувате, мислам дека фундаментално најдобриот одговор на лажните вести е да се направат вести кои што вие самите ги произведувате да се суштински веродостојни. И мислам дека тоа вклучува многу внимателно размислување за тоа како се обидувате да продуцирате вести каде што сте спровеле истражување што го прави тоа истражување суштинско за самиот производ на вести. Значи, мислам, на основно ниво, мислам дека сите ние кога пишуваме нешто што се базира на извори, ставаме линкови до истражување на кое се повикуваме или статистиката на која се потпираме.

Но, мислам дека во секое влакно од новинарството треба да се погрижиме тоа да одразува како ги добиваме тие информации и каде ги имаме.

Зборуваме во Британија за „чевларско новинарство“, новинарство што ви ги троши чевлите, во кое сте оделе наоколу и тропале по вратите, сте им телефонирале на луѓето, сте ги проверувале записите во позадина и сте го направиле тоа суштинско, така што вистинитото новинарство им е очигледно на луѓето кои го консумираат. А новинарството што е лажно, верувам, се бори да остане во чекор со тоа.

И мислам дека нашите читатели и нашите корисници на нашите вести се генерално интелигентни луѓе. Тие обично се обидуваат да ги прифатат информациите бираат нешто набрзина, но да ги едуцирате да ги препознаваат вистините вести од лажните вести е нешто што ќе се случи органски колку повеќе работиме за да се осигураме дека нашата сопствена работа дозволува да блесне работата што е направена за неа.

Тим Даусон беше запрашан како се справуваат со проверувачите на факти во Меѓународната федерација на новинари и во Србија, особено кога тие имаат тројна улога во Македонија, на пример, не само што се само редовни проверувачи на факти, туку се и дел од ПР на владината машинерија. Тие се исто така дел од големиот НВО сектор. Воедно тие сакаат да се преставуваат и да работат како нормални новинари, пишуваат по портали, имаат свои медиуми, кои всушност се најгледани на социјалните мрежи, како Фејсбук, Твитер итн., Даусон вели дека кога владата ќе ја преземе улогата на овековечување на лагите е длабоко длабоко предизвикувачко сценарио.

Моето чувство е дека корисниците на вести и информации имаат чувство кога се вистинити. Мислам дека во повеќето режими каде што се спроведува интензивно управување со информации за сите, владите се убедуваат себеси дека толку целосно ја контролираат информациската сфера што сите веруваат во она што го кажуваат.

За волја на вистината, на одредено ниво повеќето од луѓето ја препознаваат невистината од вистината. И мислам дека многумина од вас ќе имаат искуство од моменти кога владите сметале дека имаат целосен монопол на информации и кога луѓето едноставно не веруваат во тоа. И мислам дека ако како етички решителни новинари вложиме напори, како што опишав претходно, правејќи го суштински на нашиот производ да го направи препознатливо вистинито, луѓето ќе го препознаат тоа. Но, не негирам, не сакам да кажам дека не е проблем предизвикот за ситуацијата што ја опишувате. Можам само да се надевам дека со поголемо меѓународно внимание може малку да ви го олесни животот.

Тој објасни дека ИФЈ е чадор организација на организации и здруженија на новинари ширум светот. Претставува вкупно околу 600.000 новинари во 140 земји каде членуваат околу 180 или 190 организации во тие земји. Немаат политичка определба, ги претставуваат новинарите од секоја вера, од секое верување, од секоја раса. Седиштето е во Брисел, во Белгија, има канцеларии во Дакар во Сенегал, во Буенос Аирес во Аргентина и во Сиднеј во Австралија. Мандатот им трае три години и имаат Конгрес на кој се собираат новинари од целиот свет, обично околу 300 или 400. Тие избираат лице кое ќе ја води работата на Постојаниот секретаријат и кој ќе работи во останатите канцеларии.

Главната работа на ИФЈ се дели на три области.

“Првата е одбрана на слободата на печатот и слободното изразување. Сите знаете како новинари колку постојани се заканите и предизвиците кои ни дозволуваат да ја вршиме нашата работа директно напред. Така, во многу, многу области, понекогаш работата на Обединетите нации, ОБСЕ, Советот на Европа, ЕУ, кои постојано произведуваат регулативи и закони кои имаат потенцијал да влијаат на нашата способност да ја вршиме нашата работа.

Ние постојано ги следиме и даваме одговори во име на новинарите, како и предлагаме закони, една од нашите сегашни кампањи е да ги убедиме Обединетите нации да усвојат конвенција за безбедноста на новинарите, нешто што никогаш досега не било направено.

Имаме прилично долг пат во процесот да го направиме тоа, и нашата надеж е дека доколку се усвои конвенција во ОН, тоа ќе биде поттик за националните влади да направат повеќе за да ја заштитат безбедноста на новинарите. Но, можеби уште поважно, онаму каде што луѓето повредуваат или сè уште се убиваат, тоа ќе обезбеди полесно средство да се повикаат националните влади на одговорност во меѓународните структури.

Ние, исто така, водиме случај во Меѓународниот кривичен суд во име на новинари во Палестина кои беа цел на израелските одбранбени сили. Тоа ќе биде прв пат, ако биде успешно, тие да одговараат. Очигледно, убиството на Шрин Абдул Акбар е најпознатиот случај од Палестина, но има многу други. Работиме во соработка со Унијата на палестинските новинари во тој случај.

Значи, постојат широки прашања за слободата на печатот. Работиме и на практично поддршка на индивидуалните новинари. Кога се случи промената на администрацијата во Авганистан и дојде до катастрофа за авганистанските медиуми, многу новинари беа ставени под закана по нивните животи. На некои им помогнавме да ја напуштат земјата и да започнат нов живот во САД, Канада, Франција, Обединетото Кралство и други. Обезбедивме и многу мали грантови за новинарите кои останаа во Авганистан. Можеби само 200 или 300 € или во некои случаи храна или практична опрема што им беше потребна за да продолжат својот живот, да ја вршат својата работа. И во поново време, основавме два хостели во Исламабад каде што можат да живеат истераните авганистански новинари. Некои живееле на улица, па нивните околности се толку очајни.

Тоа го правиме во соработка со УНЕСКО. Тоа може да им помогне само на неколку луѓе, но за барем неколку луѓе тоа е некаква животна помош. Имаме и нешто што се нарекува Меѓународен фонд за безбедност, кој обезбедува индивидуални грантови за новинарите во најголеми проблеми. Мислам, обично во земји кои имаат релативно слаби здруженија или организации кои не се во можност да им помогнат на луѓето најдиректно, често со медицински сметки или со проблеми со сопствената опрема што ги спречува да ја вршат својата работа. Добиваме индивидуални еднократни грантови за да им помогнеме.

Ние, исто така, работиме да им помогнеме на нашите организации-членки да ја развиваат својата дејност.

Според нас најдоброто место од каде што новинарите можат да добијат поддршка се нивните национални организации. Затоа, работиме на споделување на експертизата од поголемите, подобро развиени здруженија со оние кои можат да учат од нив, но и од здруженијата кои се издигнале преку големи предизвици. Понекогаш тие се помали организации во области со помала организација, но тие се соочиле со предизвици на начини од кои остатокот од светот може да учи.

Затоа работиме на тоа да им олесниме, порача Тим Даусон заменик генерален секретар на Меѓународната федерација на новинари на изборното Собрание на МАН кое се одржа во хотелот Хилтон во Скопје.

The post Тим Даусон: Кога владата ќе ја преземе улогата на овековечување на лагите е длабоко длабоко предизвикувачко сценарио appeared first on Република.

Предраг Димитровски,новинарот на „Пресинг ТВ“ на денешното редовно собрание на Македонската асоцијација на новинари доби награда за придонес во новинарството и новинарските стандарди.

Димитровски е новинар со над 30 години работно искуство во повеќе медиуми а негова специјалност се односите со Бугарија,правата на македонското малцинство во соседните земји, колумните,  како политичките случувања во Македонија.

Честитки

The post Новинарот на „Пресинг ТВ“ Предраг Димитровски доби признание за придонес во новинарството appeared first on Република.

МАН изразува сочуство до Република Турција и пријателскиот турски народ за катастрофалната трагедија која се случи од ударот на силниот земјотрес од 7.9 степени по Рихтеровата скала во која животот го загубија најмалку 1900 луѓе, а над 6.000 лица се повредени.

- Изразуваме сочуство до семејствата на настраданите и поддршка на спасувачките екипи во овие тешки моменти за Република Турција. Истовремено, најавуваме дека МАН и Канал 5 ТВ, веќе организираме серија хумантирани активности за помош на преживеаните од катастрофалниот земјотрес.

Во таа насока, МАН ги повикува своите членови и медиуми да ги објавуваат на видни места и во ударни термини сите вести поврзани со укажување материјална и нематеријална помош за преживеаните во земјотресот.

1. Најпрво, ве известуваме дека во тек е отворање сметки за донации во Халк банка на кои од утре ќе можете да уплатите финансиски средства за помош на преживеаните и семејствата на настраданите, а бројот на сметките дополнително ќе го објавиме.

2. Воедно, од утре е отворен склад за материјални донации во дворот на поранешен Охис, на улица Борис Трајковски 75Б, (лице за контакт: Ѓуре: 071242170)

каде граѓаните и компаниите можат да донесат она што им е најпотребно на погодените во земјотресот:

- вода

- храна

- конзервирана храна

- млечни производи

- лекови

- топла облека

- ќебиња

- осветлување

- средства за лична хигиена

- батерии

- пелени

- бебешка храна

- горна и долна облека

- обувки

- екстерни батерии

- свеќи

Складот за материјални донации ќе биде отворен утре и во среда, а потоа донациите ќе бидат транспортирани во местата во Туркије каде е најпотребна.

3. Под покровителство на К5 ТВ ќе се одржи Телетон конференција на која сите граѓани ќе можат со свои јавувања за донираат финансиска помош на преживеаните во земјотресот и семејствата на настраданите. Телетон конференцијата ќе се одржи во недела на Канал 5 ТВ, а со јавување на телефоните кои ќе бидат на екраните, ќе донирате финансиска помош на преживеаните во катастрофалниот земјотрес во Турција.

The post МАН со помош за настраданите во земјотресот: Вода, храна, млечни производи, лекови, топла облека appeared first on Република.

МАН најостро ги осудува заканите од анонимни бугарски државјани кон македонски медиуми и новинари кои се случуваат континуирано, а особено се воочливи во последните закани врз директорот на Канал 5 телевизија Иван Мирчевски.

Бараме МВР институционално да постапи против овие лица за нивно санкционирање. Бараме МНР да преку бугарскиот амбасадор да побара и бугарските надлежни органи институционално да делуваат по ваквите закани. Ова е недемократско и недостоинствено однесување и доколку трендот продолжи, овие закани имаат за цел да создадат непријателство кон Македонија и македонските граѓани. Со ваквите закани, не се загрозува само слободата на известување на медиумите, туку се загрозува и нивната безбедност, како и безбедноста на новинарите и менаџерите на медиумите, велат од МАН додавајќи дека им стојат на располагање на сите медиуми со своите правни тимови да им помогат во правната разрешница на ваквите состојби.

The post МАН: Заканите кон медиумите ја загрозуваат слободата на говор и физичката безбедност на медиумските работници appeared first on Република.

Македонската асоцијација на новинари МАН ја повикува владата да обезбеди непречени услови за работа на сите медиуми од Македонија на утрешното одбележување на роденденот на апостолот на македонската револуционерна борба Гоце Делчев.

Известени сме од нашите членови дека на најмалку 10-тина независни и професионални новинари и фоторепортери им е одбиено барањето за акредитација за утрешното одбележување. Истовремено, не е одбиена акредитација на ниеден од провладините новинари и медиумите блиски до власта. Со ваквата дискриминација, владата ја загрозува слободата на информирање, што е Уставно загарантирана. Истовремено, го засилува притисокот врз медиумите и новинарите со обидите да ги цензурира преку забрани за присуство на јавни настани. Владата има рок до изутрина пред почетокот на настанот да ги одобри акредитациите на медиумите кои вечерва ги одбила и да престане со праксата на селективно одбирање подобни и неподобни медиуми според нивните партиски интереси. Македонската асоцијација на новинари МАН за последен пат ја опоменува владата дека ги помина сите црвени линии и пристојни начини за комуникација, велат од МАН.

Доцна попладнево, без образложение, меѓу останатите, одбиени се барањата за акредитација на новинарите и фоторепортерот од „Република“ и „Пресинг“.

https://republika.mk/vesti/makedonija/tsenzura-zamolchuvane-selektivnost-vladata-im-zabrani-na-republika-i-presing-da-prisustvuvaat-na-rodendenot-na-gotse-delchev/

The post МАН реагира на цензурата: Владата да ги одобри акредитациите за медиумите и да престане да дискриминира! appeared first on Република.

Македонската асоцијација на новинари (МАН) најостро ги осудува заканите од вицепремиерот Фатмир Битиќи, кои не се однесуваат само на новинарот Горан Момироски, туку на сите независни новинари кои критички извесутуваат за криминалите на владини претставници.

Фатмир Битиќи има рок веднаш а најдоцна до 24 часа јавно да се извини за заканите и квалификациите упатени кон Момироски и сите независни новинари. МАН секако ќе поднесе тужба за навредите и квалификациите во неговата изјава, кои се закана за слободата на медиумите, независното и професионално новинарство.

Оваа власт, позната по ширење лажни вести, невиситини и манипулации со граѓаните, нема никакво право да се повикува на закони, морализира за правила и стандарди, особено затоа што не постои владин или друг функционер кој не е вмешан во криминал до гуша.

Ако Битиќи продолжи да се заканува, МАН ќе преземе и други чекори за заштита на своите членови, а нашите новинари ќе продожат да објавуваат истражувачки стории за криминалот на власта и нивните семејства, соопшти МАН.

The post МАН: Битиќи веднаш, а најдоцна до 24 часа јавно да се извини appeared first on Република.

Македонската асоцијација на новинари (МАН) му дава целосна поддршка на здружението на електронски медиуми „Медиум Објектив“ во одлуката да почнат со штрајк преку прекин на програмата.

На лошата економска состојба во локалните и регионалните медиуми, МАН предупредува со години. Ние уште пред 2020 година предложивме решение преку буџетско субвенционирање на надоместокот за дозвола (лиценца) за работа, како и дефинирање механизми за реализирање кампањи од исклучителен јавен интерес, а тоа значи и соодветна измена на член 102 од Законот за Законот за аудио-визуелни услуги.

 

За ова сме разговарале повеќепати со преставници на претходните влади. Се даваат над седум милиони евра за НВО од буџетот на РМ, а не се обезбедуваат субвениции за медиумите кои остваруваат дејност од јавен интерес за сите граѓани. Владата финансира несуштински дејности, наместо да обезбеди законска рамноправност за сите медиуми. Мора да дефинираат механизми за кампањи од јавен интерес, бидејќи Македонија е единствената земја во Европа која со закон ги забранува  - се вели во реакцијата на МАН.

Во соопштението на Асоцијацијата се истакнува дека МАН ќе продолжи да ги поддржува локалните и регионалните медиуми борејќи се за регулирање на нивниот статус и финансиска независност.

The post МАН дава поддршка за штрајкот на медиумите appeared first on Република.