Осум земји, вклучувајќи ги Панама, Уганда, Шри Ланка, Киргистан, Бурунди и Чешка, најавија дека ќе забранат физичко казнување на деца. Активистите тоа го нарекоа „фундаментална промена“ која ќе влијае на повеќе од 100 милиони деца ширум светот, пишува Гардијан.

Владите на овие земји ветија дека целосно ќе го укинат физичкото казнување, додека Гамбија и Нигерија ветија дека ќе го забранат во училиштата.

Овие обврски доаѓаат како дел од глобалните напори за борба против насилството врз децата, пред првиот светски самит на Обединетите нации на оваа тема, што ќе се одржи на 7 и 8 ноември во Богота.

Ова е навистина неверојатно. Овие земји заедно опфаќаат околу 150 милиони деца и ова е фундаментална промена за нив. Тоа испраќа силна порака до светот дека повеќе не прифаќаме насилство врз децата, изјави експертот Бес Херберт од организацијата „Престанете со физичкото казнување“ при Светската здравствена организација.

Во моментов, 67 земји од 193 целосно го забрануваат физичкото казнување. Првата земја што го стори тоа беше Шведска во 1979 година. Во Велика Британија, Шкотска и Велс го забранија физичкото казнување, додека во Англија и Северна Ирска сè уште е дозволено.

Се поголем број истражувања покажуваат дека физичкото казнување на децата има негативно влијание врз нивното здравје и однесување, вклучувајќи лошо ментално здравје, когнитивен развој и образовни резултати, како и зголемена агресија. Критичарите тврдат дека физичкото казнување има лош ефект врз семејните односи и наместо да ги учи децата како да се однесуваат, ги учи дека насилството е прифатлив начин за решавање на конфликтите.

The post Осум држави најавија забрана за физичко казнување деца appeared first on Република.

На 12.07.2024 во 15:50 часот во СВР Скопје, од Јавна установа-Меѓуопштински центар за социјална работа Скопје било пријавено дека на подрачјето на Бутел во Скопје, во повеќе наврати З.Т.(39) од Скопје и упатувал закани и психички ја малтретирал неговата малолетна ќерка.

Според пријавата, на 09.07.2024 околу 22:00 часот физички ја нападнал.

Се преземаат мерки за расчистување на случајот.

The post Татко психички ја малтретирал својата ќерка, се заканувал и ја истепал appeared first on Република.

Вчера околу 16 часот и 10 минути, полициски службеници на СВР Тетово го лишиле од слобода 32-годишниот Ч.Б. од тетовски Бродец.

Тој претходно бил пријавен од неговата поранешна 41-годишна партнерка од Тетово дека и по прекинувањето на врската продолжил да ја следи, малтретира и да ѝ се заканува.

Од СВР Тетово велат дека тој е задржан во Полициската станица Тетово за целосно расчистување и документирање на случајот.

The post Апсење во Тетово: Му раскинала, па почнал да ја следи и малтретира appeared first on Република.

Компанијата за видеоигри „Епик“ воведе нова алатка за документирање злоупотреби, малтретирање или говор на омраза во популарната игра „Фортнајт“. Имено, играчите ќе имаат пристап до „гласовно известување“, т.е. континуирано снимање разговори во сегменти од пет минути, така што ќе можат да ги прикачат како доказ до модераторите ако пријавуваат лошо однесување.

За сите играчи на возраст под 18 години, оваа функција ќе биде вклучена автоматски.

Што се однесува до играчите постари од 18 години - тие ќе имаат поголема контрола врз новата функција. Во главните поставки на играта, можете да ја изберете опцијата „Секогаш вклучена“, што ќе важи за секој канал, или „Исклучено кога е можно“ - го оневозможува снимањето во каналите за забава.

„Епик“ вели дека аудиоснимките ќе се снимаат локално на уредот на корисникот. Доколку снимката биде потребна како доказ, корисникот треба да биде брз, бидејќи секоја нова снимка автоматски ја брише претходната. Ова значи дека може да се пријави само мамењето што се случило последните пет минути. Употребената, т.е. означена снимка ќе биде зачувана 14 дена.

Ако обвинетиот играч се пожали на оптужбата против него, снимката може да се зачува за дополнителни 14 дена. Сепак, „Епик“ ќе ја задржи снимката толку колку што е потребно и колку што, сепак, дозволуваат законите. Сличен потег претходно направија и „Активижн“, „Мајкрософт“ и „Сони“ - во борбата против непристојното однесување и злоупотреба на интернет. Оваа година, пак, „Икс-бокс“ воведе систем за испраќање аудиоснимки од 60 секунди со извештаи за злоупотреба во гласовните разговори.

The post „Фортнајт“ ќе воведе алатка за пријавување навреди, малтретирање и говор на омраза appeared first on Република.

Наставничка од Неготино била приведена вчера попладне, откако била пријавена дека психички малтретирала ученици, информираа денеска од СВР Велес.

Вчера во 17.30 часот полициски службеници од ОВР Неготино ја лишиле од слобода Т.Ј.С.(48) од Неготино, наставничка во училиште во Неготино, постапувајќи по пријава според која таа психички ги малтретирала учениците за време на настава. Т.Ј.С. е приведена во полициска станица и по документирање на случајот против нејзе ќе биде поднесена соодветна пријава, појаснија од СВР Велес.

The post Приведена наставничка од Неготино, пријавена била дека психички малтретирала ученици appeared first on Република.

Триесет и седумгодишната тетовка И.С. вчеравечер во СВР Тетово пријавила дека на 4-ти овој месец нејзиниот малолетен син физички бил нападнат од неколку малолетници, кои со мобилен телефон го снимале настанот и потоа снименото го прикажувале на други лица.

Од СВР Тетово велат дека се преземаат мерки за расчистување и документирање на случајот.

The post Малолетници снимале како тепаат и малтретираат врсник appeared first on Република.

Триесет и четиригодишна жителка на Гостивар со престојувалиште во Скопје е обвинета за запуштање на двете деца и семејно насилство, информираат денеска од скопското Јавно обвинителство.

По спроведена истражна постапка, јавен обвинител од Основното јавно обвинителство Скопје поднел обвинителен акт против жителката на Гостивар со престојувалиште во Скопје за две кривични дела „запуштање и малтретирање на дете“ и две кривични дела „телесна повреда“.

Како што е наведено во соопштението, од април годинава, 34-годишната обвинета како родител, со грубо запоставување на својата должност за грижа и воспитување, ги запуштила и ги малтретирала своите две деца – едното родено 2017, другото 2019 година.

-На децата им ги врзувала рацете, колената и стапалата со самолеплива лента и ги оставала да седат во таква состојба на стол или на нивните креветчиња додека била во станот. Со помалото дете комуницирала манифестирајќи вербална и физичка агресивност и не покажувала грижа за подобрување на неговата состојба, иако вештачењата извршени по наредба на јавниот обвинител утврдија дека станува збор за социјално и емоционално запуштено дете со психомоторната и психоцоцијалната зрелост под неговата реална возраст, се посочува во соопштението од ЈО.

На 7 мај, при вршење семејно насилство, како што велат од Обвинителството, обвинетата телесно ги повредила своите деца.

- Додека остварувала видео повик на социјална мрежа со нејзиниот вонбрачен пратнер, видно вознемирена, започнала без никаков повод и причина да ги удира децата по нивните тела, со што им нанела телесни повреди – набиеници и подливи, се додава во соопштението.

Надлежниот јавен обвинител до Основниот кривичен суд Скопје доставил предлог за продолжување на претходно определената мерка притвор за обвинетата.​

The post Мајка монструм од Гостивар си ги врзувала децата со селотејп за стол, требаше да ги претепа за да конечно да ѝ ги одземат appeared first on Република.

По објавеното видео на социјалните мрежи на кое се гледа куче врзано за задниот дел на автомобил во движење, уапсен е возачот поради злоупотреба на животно и е казнет со 30.000 евра, јави дописничката на МИА од Атина.

Инцидент се случил на грчкиот остров Закинтос, влечењето на кучето било снимено од друг автомобил, по што бил идентификуван сторителот и соодветно казнет, а надлежниот министер за полицијата Нотис Митаракис преку Твитер коментираше дека такви антиопштествени однесувања не се прифатливи“.

Од грчката полиција соопштија дека е уапсен 75-годишен маж и против него е поднесена кривична пријава за прекршување на законската регулатива за животните, изречена му е административна казна од 30.000 евра, а денеска ќе биде изведен пред јавен обвинител на Закинтос.

Во Грција пред две години беше изгласан Законот за заштита на животните, а секоја злоупотреба се казнува.

Сличен инцидент, но без епилог, имаше и во Виница, каде возач со автомобил влечеше врзано куче, кое мораше да трча по возилото за да не биде задавено.

The post Сличен инцидент без казна помина во Македонија: 30.000 евра ќе плати Грк за влечење куче со возило appeared first on Република.

Комисијата за заштита на правата на пациентите на Град Скопје го осудува инцидентот од видеоснимките за злоставување, претепување и изживување врз пациент во ЈЗУ Психијатриска болница Скопје.

Како што информираат од Град Скопје, Комисијата за заштита на правата на пациентите на Град Скопје на 8 јуни одржала вонредна седница година и донела неколку заклучоци, помеѓу кои се поддршка за институциите да го испитаат случајот и да ја информираат јавноста за преземените мерки.

Неопходни се итни превентивни мерки за спречување на ваков тип на урнисување на достоинството на пациентите од други пациенти, како во случајов, или од медицински персонал, какви што се случија претходно, на кои Комисијата не реагираше јавно затоа што е надлежна само за градот Скопје, велат од Град Скопје.

Оттаму дополнуваат дека Комисија за заштита на правата на пациентите функционира и ги охрабрува граѓаните (пациентите) да доставуваат претставки.

The post Град Скопје ги осудува случувањата во Психијатриската болница Скопје appeared first on Република.

Вчера во ОВР Кавадарци извршен е службен разговор со малолетник од Кавадарци по претходна пријава од малолетничка од Кавадарци, со која бил во љубовна врска, дека била малтретирана од него и дека и се заканувал. По целосно документирање на случајот ќе биде поднесен соодветен поднесок до надлежното обвинителство.

The post Малолетник си ја малтретирал девојката appeared first on Република.

Српската полиција е во потрага по Урош Пашајлиќ (38) од Белград поради сомнение за сторени кривични дела семејно насилство, запуштање и злоупотреба на малолетно лице и повреда на семејните обврски. Објавена е фотографија за јавноста да може да пријави доколку некој го препознае бегалецот.

Станува збор за мажот во чиј стан беше пронајдено едвај живо осумгодишно девојче, негова ќерка која со години ја чувал како роб и која не видела бел ден.

https://republika.mk/vesti/balkan/pronajdeno-edvaj-zhivo-tatko-so-godini-chuval-8-godishno-devojche-kako-rob/

Мачни детали доаѓаат од српските медиуми кои го посетиле станот во кој живеел Пашајлиќ со неговото девојче, врз кое му било доделено старателство иако и тој и мајката биле регистрирани наркомани. Не се знае зошто Центарот за социјални работи со години не го посетил девојчето.

Според извори од болницата на „Телеграф“, девојчето било дехидрирано и дезориентирано. Тоа малку и неразбирливо зборува, слабо е и засега не знаат дали може да оди нормално.

Девојчето било пронајдено склупчено во кадата. Наоколу имало неколку пакетчиња гризини, како и фотографија од неа и нејзиниот татко.

[caption id="attachment_624515" align="aligncenter" width="1000"] (фото: Nenad Kostić/Курир.рс)[/caption]

Засега нема информации дали ќе има пријава и за партнерката на Пашајлиќ, која живеела со нив, а која пријавила во полиција за девојчето дури откако и самата била претепана од страна на монструмот.

The post Полицијата објави фото од таткото монструм чие 8-годишно девојче беше пронајдено едвај живо во када appeared first on Република.

Неколку девојчиња на возраст од 13 до 16 години претепале, малтретирале и понижиле 13-годишно девојче во Хајде во областа Дитмаршен во Германија.  Малтретирањето, кое беше снимено и објавено на интернет, ја разбранува германската јавност, а сега доби и епилог.

https://republika.mk/vesti/svet/ja-klotsaat-gasat-tsigari-od-litse-ja-palat-grupa-devojki-maltretiraat-13-godishno-devojche/

Во неделата малтретираното девојче се сретнало со двете деспотки и им простило. Како што пренесува германски „Билд“, девојчето во присуство на нејзината мајка и експертот за злоупотреба Карстен Стал, се сретнало со две од девојките кои ја напаѓале, а тие почнале да плачат веднаш штом ѝ се извиниле.

Никогаш повеќе нема да направиме такво нешто. Жал ни е поради тоа. Извини што ти го направивме тоа. Никогаш повеќе не треба да се плашиш од нас. Ако имаш проблеми, секогаш можеш да дојдеш кај нас, ѝ рекле тие.

Нивните мајки кажала дека ќерките „биле трогнати“ од оваа средба и „сфатиле каква ужасна грешка направиле“.

Не е наведено дали девојките ќе одговараат за насилството.

Девојчето се уште не се вратило на училиште и е на терапија, но според нејзината мајка откако ги прифатила извинувањата се чувствува многу подобро.

The post Малтретираното девојче им прости на своите деспотки: Никогаш повеќе не треба да се плашиш од нас appeared first on Република.

Хорор вести пристигнуваат од Белград, каде во стан во населбата Палилула „едвај живо“ било пронајдено осумгодишно девојче, кое со години било чувано како роб во сопствениот дом.

По нејзиниот татко, Урош Пашалиќ (37) е распишана потерница откако неговата сопруга Ивана дошла во полициска станица со скршен нос и модринки под окото и го пријавила за насилство.

Дојде цела претепана и облеана во крв. Таа пријави дека Урош ја тепал и дека во станот има осумгодишно девојче, кое е држено како робинка. Полицијата отишла во станот и наишле на страшна глетка. Малото девојче било спасено, изјавил извор од истрагата за српски „Телеграф“.

Според изворите на порталот, таткото со години јги малтретирал и сопругата и девојчето, кое го држел заклучено во станот. Кога ја пронашле, била во многу тешка состојба и изгладнета, и како што вели изворот - едвај живо.

Откако дежурниот заменик на Првото основно јавно обвинителство Белград бил известен за насилството, на осомничениот му е одредена мерка притвор“, соопштија од Обвинителството.

The post Пронајдено „едвај живо“: Татко со години чувал 8-годишно девојче како роб appeared first on Република.

Неколку девојчиња на возраст од 13 до 16 години претепале, малтретирале и понижиле 13-годишно девојче во Хајде во областа Дитмаршен во Германија. Малтретирањето е се снимено со помош на паметен телефон, изјави денеска портпаролката на полицијата.

Инцидентот се случил на 21 февруари, а полицијата сега ги идентификуваше девојките напаѓачи. Портпаролката на полицијата не го коментираше прашањето дали девојчињата претходно го привлекле вниманието на полиција, поради истрагата која е во тек.

Како што пренесуваат германските медиуми, на видеото кое се шири по социјалните мрежи се гледа како на железничка станица на девојчето ѝ истурат сок врз главата, ѝ гасат цигари од лицето, на крај дури и ѝ ја палат косата. Во еден момент додека девојката се обидувала да стане, еден од напаѓачите почнал да вика: „Седни и моли ми се. Нема да те пуштам така лесно!“

Мајката на девојчето рекла дека мачењето било прекинато благодарение на храбрата интервенција на случаен минувач.

The post Ја клоцаат, ѝ гасат цигари од лице, ја палат: Група девојки малтретираат 13-годишно девојче appeared first on Република.

Српските медиуми објавија ново вознемирувачко видео од насилство, поставено на социјалните мрежи. На снимката се гледа како неколкумина удираат и малтретираат младо момче поради наводен долг.

Перитоа, тие го удираат по главата, грбот, рацете и нозете. Иако момчето упорно ги моли да го пуштат и да не го повредуваат, насилниците не престануваат.

Тој се обидува да си го заштити лицето со раце, но ниту тоа не му го дозволуваат.

https://twitter.com/Silvana71376830/status/1605460277998166017?ref_src=twsrc%5Etfw%7Ctwcamp%5Etweetembed%7Ctwterm%5E1605460277998166017%7Ctwgr%5Ee08303186500024df97dab759cc28f631af86802%7Ctwcon%5Es1_&ref_url=https%3A%2F%2Fpink.rs%2Fhronika%2F460399%2Fuznemirujuce-pojavio-se-novi-snimak-brutalnog-nasilja-mladica-mucki-prebijaju-jer-im-duguje-pare-on-ih-moli-da-ga-puste-uznemirujuci-video

Кои се учесниците во ова малтретирање и каде е направено видеото се уште не е точно познато.

The post Насилници удираат и тепаат момче, му бараат пари и снимаат додека тоа залудно ги моли да го пуштат appeared first on Република.

Министерката за труд и социјална политика, Јованка Тренчевска, вели дека се испитува случајот со продолженото малтретирање на ученик во основно училиште во Градско.

Секоја злоупотреба или насилство врз децата треба да се пријавува во центрите за социјална работа, во случајот во Центарот за социјална работа во Велес. Се преземаат мерки од страна на стручните работници, ќе се испита случајот и по доставувањето на известувањето од Центарот за социјална работа, ќе бидат преземени соодветни мерки, изјави Тренчевска на прес-конференција во Владата.

https://republika.mk/vesti/crna-hronika/mu-gi-kinele-gakjite-tetratkite-i-uchebnicite-odlichen-uchenik-dve-godini-trpel-vrsnichko-nasilstvo-vo-gradsko/

Таткото на ученикот за дел од медиумите изјави дека неговото дете било жртва на булинг од страна на двајца соученици кои го малтретирале подолг временски период.

The post Тренчевска: Се испитува случајот на малтертирањето на ученикот од Градско appeared first on Република.

Наставничкиот совет на Техничкото училиште од Трстеник донесе одлука да ги исклучи учениците кои и го тргнаа столчето на учителката и сето тоа го снимија, а подоцна и го објавија на социјалните мрежи.

Срцето ми е полно, благодарам на сите што бевте со мене – беа првите зборови на професорката Марија Стевановиќ од Трстеник, која беше жртва, а во врска со која денеска наставничкиот совет донесе одлука за исклучување на учениците од Техничкото училиште.

Професорката Марија за Телеграф.рс се заблагодари на сите што биле со неа.

За потсетување, цела Србија брзо дозна за инцидентот од Трстеник бидејќи еден од учениците од класот на социјалните мрежи сподели видео од наставник чиј ученик тргнува стол и таа паѓа на подот.

Професорката изјави дека најтешко и било што никој не и пружил рака или каква било помош во тој момент.

The post Казнети се учениците кои и го тргнаа столчето на учителката во српски Трстеник appeared first on Република.

Помина една недела, ама уште не можам да си ја средам главата. Прво требаше да ги завршам сите административни обврски, сега почнаа и болки во главата, ми се јавуваат од разни телевизии. Тешко ми е, потешко ми е од одење на работа. Не сум подготвена за ова.

Вака ја почнува својата исповед за српските медиуми професорката од Техничкото училиште во Трстеник која беше малтретирана од учениците, инцидент кој масовно се споделува по социјалните мрежи.

https://republika.mk/vesti/balkan/uchenici-maltretiraat-profesorka-na-chas-eden-go-trga-stolot-i-ja-pagja-na-zemja/

Вели, „уморна сум и преплашена“.

Ова е премногу за мене. Иако сега знам многу повеќе детали за тој настан, верувајте не бев ни свесена што ми се случи на часот. Дури кога дојдов дома и син ми ми ја покажа снимката сфатив што ми се случи, вели таа.

На прашањето зошто веднаш не го прекинала часот, да замине и да оди да пријави што ѝ се случило, професорката вели дека почекала да заврши часот.

Се срамев од она што го доживеав. Дојдов дома да видам во каква состојба сум. Да се соберам. Мојот син беше во соседната училница. Ни тој не знаеше. Но, набрзо го видел видеото и истрча дома. Беше бесен, вели професорката.

Синот ја убедил да оди до Здравствениот дом во Трстеник и веднаш да се провери. Таа вели дека за среќа поминала само со полесни физички повреди, но психичките, вели, се далеку поболни.

Во училницата имало само седум ученици на нејзиниот час по англиски, бидејќи самиот клас брои само единаесет ученици. Затоа изгледало како училницата да е празна.

Професорката вели дека вакво нешто досега не се случило.

Кај еден од нив семејните односи не се најдобри. Тој има и други браќа и сестри и грижата за нив не е баш на високо ниво. Го знаев тоа и го штитев поради тоа. И гледате како ми врати. Ученикот кој ми го тргна столот е малолетник, има 17 години. Не знам како ќе заврши тоа. И претходно се случило да побараме бркање на проблематичен ученик, а по жалби Министерството за образование да ни го врати во училиште. Овие треба да одат во воспитно-поправен дом, вели професорката, сè уште видно потресена од сè што ѝ се случило.

Професорката вели дека нејзиното искуство не е ретко во српските училишта.

Ова не е изолиран случај. Ова е исто како и со другите кривични дела каде што само една од 10 жртви јавно зборува. Другите не сакаат да го трпат срамот. Разговарав со колегите кои ги имаат истите проблеми со одржување на редот на часовите. Тие наоѓаат некој строг, кој ќе глуми строгост 45 минути. Јас важам за една од поблагите наставници. Имам деца на нивна возраст, ги почитувам како личности. Не би сакала некој лошо да се однесува со моето дете, затоа кон никое дете не се однесувам така. Не знам зошто баш мене ми се случи ова, тоа се работи кои се надвор од нашата контрола. Буквално, вели таа.

Дисциплинската постапка против насилните ученици е во тек, а случајот ќе добие и судски епилог.

The post „Уште не можам да се соберам, не сфаќав што ми се случи додека син ми не ми ја покажа снимката“, вели малтретираната професорка appeared first on Република.

Српската јавност е револтирана откако се појави видео на кое се гледа како ученици од Техничкото училиште во Трстеник малтретираат професорка.

Ovo je odraz društva u Srbiji.
Kada sam ja išao u školu,profesor je bio poštovan. pic.twitter.com/gm41GBsCfq

— Armagedon (@ZoranIl77273998) November 16, 2022

Насилниот инцидент се случил пред неколку дена. Директорот на училиштето рече дека се активирани сите дисциплински мерки против учениците кои учествувале, го снимале и го споделувале видеото на социјалните мрежи.

Александар Марков од Форумот на белградските средни училишта насилството врз професорите го коментираше како страшно и додаде дека покрај дисциплинската постапка, случајот требало да биде пријавен и во полиција.

Овде, покрај училишната недисциплина, имате и елементи на психичко и физичко насилство, колешката е на работа, што може да резултира со кривични казни за учениците во некоја кривична постапка, рече Марков.

Нападнатата професорка моментално е на боледување. Како што пренесуваат српските медиуми, таа нема физичка повреда, но самиот инцидент и коментарите кои следеа, длабоко ја вознемириле.

The post Ученици малтретираат професорка на час, еден ѝ го трга столот и ја паѓа на земја appeared first on Република.

Триесетдневен притвор доби кинескиот државјанин, кој е осомничен дека ја претепал ќерка си на тениските терени на Црвена звезда.

Тој во своја одбрана, оправдувајќи ги своите постапки со тоа што неговата ќерка критичниот ден одбила да продолжи со тренинзите и затоа сакал да ја врати на теренот.

- Сето тоа со укажување дека не му била намерата да ја повреди и дека во Кина е традиција да се почитува хиерархијата и дека смета дека правилно постапил бидејќи тоа е дозволено во Кина - се наведува во соопштението за притвор.

https://republika.mk/sport/ostanati-sportovi/tatkoto-na-maltretiranata-teniserka-vo-belgrad-nishto-ne-pogreshiv-vo-kina-e-toa-dozvoleno/

The post Taткото монструм што си ја тепаше ќерката тенисерка доби 30 дена притвор appeared first on Република.