Рускиот министер за надворешни работи, Сергеј Лавров, има намера да ја посети Малта во декември 2024 година. Toa ќе биде негова прва посета на земја од Европската Унија од почетокот на специјалната операција во Украина.

Информацијата ја соопшти официјалната претставничка на руското Министерство за надворешни работи, Марија Захарова.

За време на посетата на Малта, Лавров ќе учествува на состанокот на Советот на министри за надворешни работи на Организацијата за безбедност и соработка во Европа.

Лавров во повеќе наврати изјавува дека обидите на западните земји да ја изолираат Русија и да ја намалат нејзината улога на светската сцена се покажуваат како неуспешни. Тој нагласува дека повеќето земји во светот избираат во корист на здравиот разум и не го следат водството на Западот.

The post Лавров во декември ќе посети земја од ЕУ за првпат од почетокот на војната appeared first on Република.

Вицепремиерот на Малта, Крис Ферн денеска поднесе оставка, откако против него беше покренато обвинение поради корупциски скандал поврзан со доделувањето владина концесија за управување со три државни болници на досега непозната здравствена групација во 2015 година.

Ферн му рекол на малтешкиот премиер Роберт Абела дека поднесува оставка во национален интерес без да биде одговорен за скандалот, а премиерот побарал од него да ја преиспита својата одлука, пренесуваат британските медиуми.

Ферн побара од Абела да се откаже од плановите да го номинира за член од Малта на следното свикување на Европската комисија (ЕК).

The post Вицепремиерот на Малта, Крис Ферн поднесе оставка поради корупциски скандал appeared first on Република.

Македонија, по нерешениот резултат со Италија (1:1), утре ќе одигра уште еден натпревар во квалификациите за пласман на Европското првенство. Во Ла Валета, во Ц-групата, Македонија и гостува на Малта.

Столе Димитриевски поради болка во грбот (повреда здобиена на мечот со Италија) нема да биде во комбинација за настап против Малта на утрешниот натпревар.

Селекторот Благоја Милевски дополнителни го повика Давор Талевски во А селекцијата.

Голманот на Шкендија веќе пристигна во Малта и ќе биде на официјалниот тренинг (19:00 часот) заедно со тимот.

The post Димитиревски нема да брани против Малта appeared first on Република.

Парламентот на Малта едногласно усвои Закон за легализирање на абортусот, но само доколку постои ризик по здравјето на жената, што се смета за голем чекор за претежно римокатоличката нација.

Со тоа се олеснува најстрогиот закон за абортус во Европска Унија, но активистите ја повлекоа својата поддршка, тврдејќи дека промените во последен момент го прават законот „нејасен, нефункционален, па дури и опасен“.

Според одредбите на новиот Закон, на лекар му е дозволено да ја прекине бременоста без дополнителна консултација само доколку животот на мајката е во непосредна опасност. Жената чие здравје е во голема опасност може да добие пристап до абортус само по согласност на тројца специјалисти.

Илјадници Малтежани протестираа против Законот во декември минатата година. Владејачката Лабуристичка партија, која го поднесе првичниот предлог-закон, ги поддржа амандманите, додека опозицијата исто така излезе со поддршка по измените.

Коалицијата 14 групи за избор истакна дека барањето за тројца специјалисти е „неостварливо и опасно“ и предупреди дека дури и во случаи кога животот на жената е загрозен, „голема е веројатноста лекарите да бараат одобрение поради страв од кривично гонење“.

Малта е единствената од 27-те земји на ЕУ каде беше забранет абортусот од која било причина, пропишувајќи казна затвор од три до четири години ако и се помогне на жената да абортира. Законот ретко се спроведуваше, а последниот познат случај на некој да биде затворен датира од 1980 година. Сепак, претходно овој месец една жена беше обвинета според Законот против абортус, но не беше приведена.

The post Малта усвои закон со кој се легализира абортусот, само ако има ризик за здравјето на жената appeared first on Република.

Во екот на руската инвазија врз Украина, земјите-членки на ЕУ, Кипар и Малта, укинаа неколку десетици таканаречени „златни пасоши“ што им ги издале на руски државјани, соопшти Европската унија.

Фразата се однесува на контроверзната практика на доделување државјанства на граѓани кои не се членки на ЕУ, најмногу во замена за инвестиции.

Кипар им одзеде кипарско државјанство на 43 лица, соопшти Европската комисија во одговорот на барањето на германскиот пратеник Мориц Кернер, пренесе ДПА.

Кипар веќе ги повлече „златните пасоши“ пред почетокот на војната.

Поединечни земји-членки на ЕУ можат да одлучуваат за доделување државјанство и дозволи за престој. Сепак, комисијата ова го гледа како закана за безбедноста на Шенген зоната, на пример во однос на безбедноста, перењето пари, избегнувањето данок и корупцијата.

Кипар и Бугарија веќе воопшто не издаваат никакви „златни пасоши“, а Малта веќе не ги доделува на Руси или Белоруси.

The post Кипар и Малта ги укинаа „златните пасоши“ издадени на Руси appeared first on Република.

Македонската фудбалска репрезентација со многу мака дојде до победа против Малта на стартот на квалификаците за ЕП.

Отпорот на гостите беше скршен дури на средината на второто полувреме со голот на Елиф Елмас. Претходно имавме и можност за пенал, но по ВАР прегледот се утврди дека Бојан Миоски симулирал за што доби жолт картон.

Водството на нашата репрезентација го зголеми Дарко Чурлинов, додека Малта на пет минути пред крајот намали на 2:1 преку Јаник Јанкам.

Иако во текот на мечот Македонија создаваше шанси очигледно е дека напаѓачите се во лоѓа форма и затоа добиваат слаба минутажа во своите клубови.

Нашата репрезентација ќе мора да ја подобри својата игра пред тешките мечеви со Англија, Италија и Украина.

The post Македонија со многу мака ја победи Малта appeared first on Република.

Во Малта започна Европското првенство (ЕП) во снукер, на кое што македонската федерација испрати пет претставници.

Двократниот првак Берат Јашари е предводник на новата генерација играчи, кои доаѓаат откако во 2019 година Павле Данилов ја постигна првата победа за Македонија на ЕП во Португалија. Заедно со него во Малта се уште Петар Панов, Владо Матоски, Петар Колоски и Влатко Јанев. На турнирот кој се одигра на крајот од подготовките, Берат Јашари излезе како победник во дисциплината „6 црвени“, која се играше во еден добиен фрејм.

– Сите играат на добро ниво. Во овој момент Берат Јашари се издвојува и мислам дека тој може да изненади некого во Малта. Има капацитет за тоа. И Петар Панов има природен талент, а другите се веднаш зад нив. Генерално, нема потреба да учат за техниката, туку повеќе за меч тактиката. Би типувал дека Берат ќе добие шанса да влезе во елиминациските дуели,- изјави Најџел Бонд, прославениот снукер играч, кој минатата година се повлече од професионалните настапи и ги предводеше подготовките на играчите од Македонија.

Нашите момци имаа напорна недела со подготовките, па потоа со патувањето до Малта. Им посакувам да останат фокусирани и сконцентрирани, во снукерот шансата доаѓа кога некој најмалку се надева. Ова е силен турнир, но цврсто верувам дека како федерација направивме сѐ што можевме за одлично да се презентираме. Минатата година на ЕП во Албанија ниту еден играч не успеа да ја мине групната фаза, оваа година очекувам дека ќе имаме претставник и во елиминацискуте дуели,- рече Лазар Лазаревски, претседател на снукер асоцијацијата.

Натпреварите во Малта се играат во хотелот „Долмен“, а првенството е во комплетна организација на европската федерација ЕБСА.

The post Македонија со пет претставници на Европското првенство во снукер во Малта appeared first on Република.

На Малта уапсени се и приведени српските државјани Виктор М. (39) и Владимир П. (26), како и Милица К. (29), која има француско државјанство по вооружениот грабеж кој се случил во куќа на Холанѓанецот (42)

Холанѓанецот поради тешки повреди заврши во болница, а во болница заврши и жената бидејќи како што изјавила доживеала голем шок. Полицијата само неколку минути подоцна го уапсила крадецот - јавуваат медиумите.

Сепак, дошло до филмски пресврт додека полицијата и ставила лисици на француската државјанка Милица К., која е осомничена дека го изневерувала партнерот. Инаку, при грабежот од кој крадците однеле плен вреден околу 2.300 евра, и таа била врзана и глумела дека е шокирана и исплашена.

Истрагата покажа дека жената која живеела во станот со Холанѓанецот всушност била соучесник и дека имала договор со двајцата осомничени мажи да го ограбат нејзиниот партнер, кој за време на драмата во станот бил тешко ранет со нож.

The post Србинка главна во филмски грабеж на Малта appeared first on Република.

Македонците во Малта денеска излегуваат на мирен протест пред француската амбасада во Валета за да го искажат своето незадоволство и ревлот по повод францускиот предлог.

Се гледаме во 15 часот пред француската амбасада во Валета горди Македонци! Колку сме побројни толку подобро за сите нас.
Нема откажување , ќе победиме ! Македонија Вечна, стои во објавата на Фејсбук страницата Македонска Заедница во Малта/Macedonian Community in Malta.

Претходно Антонио Ченто Ѓоргиев на Фејсбук информираше дека добиле потврда од Комесарот на полицијата на Малта за одржување на протест.

– Официјално добивме потврда од Комесарот на полицијата на Малта за одржување на нашиот МИРЕН протест на 12.07.2022 од 15:00 до 17:00 пред Француската амбасада во Валета. Нашиот протест е регистриран и официјализиран, но морам да напоменам затоа што гледам дека има многу од оние што сакаат да дојдат на овој протест и применат на било каков начин агресија! ОД МЕНЕ ИЛИ ОД БИЛО КОЈ НА НАШИОТ ПРОТЕСТ НЕМА ДА БИДЕ ПОДДРЖАНА ИЛИ ДОЗВОЛЕНА АГРЕСИЈА ОД БИЛО КАКОВ ВИД, овде сме достоинствено да ја претставиме Македонија и Македонскиот народ и ќе ги замолам сите што ќе дојдат со мене да ме поддржат. За жал, не сме дома, и секаква агресија или провокација ќе биде третирана најсурово, а јас како организатор ќе бидам оној кој ќе понесе одговорност. Дополнително, бев информиран дека не смееме да организираме поворка до и од местото на протестот затоа ќе ве замолам да дојдете директно пред Француската амбасада во одреденото време. Да ги поддржиме нашите браќа дома достоинствено, кога можат тие без насилство, можеме и ние! Никогаш Северна, само МАКЕДОНИЈА!, напиша Антонио Ченто Ѓоргиев.

The post Далеку од дома, но обединети: Македонците во Малта денес ќе го искажат револтот против францускиот предлог appeared first on Република.

Министерството за здравство на Малта денеска соопшти дека во таа земја е забележан првиот случај на мајмунски сипаници. Маж на возраст од 38 години, кој неодамна престојувал во една од земјите погодени од епидемијата на мајмунски сипаници, е во домашна изолација со благи симптоми. Малтешките здравствени власти ги повикуваат граѓаните да одржуваат добра хигиена.

Оваа недела, министерот за здравство на Малта, Крис Ферн, рече дека тие сипаници не се „уште еден ковид“ и истакна дека властите се добро подготвени да се справат во случај на избувнување епидемија.

The post Мајмунски сипанци на Малта appeared first on Република.

Министерството за здравство на Малта денеска соопшти дека во таа земја е забележан првиот случај на мајмунски сипаници.

Маж на возраст од 38 години, кој неодамна престојувал во една од земјите погодени од епидемијата на мајмунски сипаници, е во домашна изолација со благи симптоми.

Малтешките здравствени власти ги повикуваат граѓаните да одржуваат добра хигиена.

Оваа недела, министерот за здравство на Малта, Крис Ферн, рече дека тие сипаници не се „уште еден ковид“ и истакна дека властите се добро подготвени да се справат во случај на избувнување епидемија.

The post Прв случај на Малта – 38-годишен маж заболел од мајмунски сипаници appeared first on Република.

Бананите станаа најголемиот извозник на Балканот. Она што го „патентираа“ црногорските криминалци го продолжија нивните „колеги“ на Малта.

Цариниците во малтешкото пристаниште запленија рекордни 1,5 тони кокаин, проценет на 300.000.000 евра, скриен во контејнер со кој се превезувале банани од Колумбија во Словенија, објави малтешкиот весник „Малта тудеј“.

Цариниците заплениле 50 вреќи со речиси 1.500 пакувања од по еден килограм кокаин на брод што пловел за Копер во Словенија.

Царината соопшти дека заплената е рекордна по обем и вредност, многу поголема од пратката од 800 килограми кокаин запленета во истото пристаниште минатиот месец.

The post Бананите со дрога најпродавани: Koкаин во пакети јужно овошје пронајден на Малта appeared first on Република.