Вчера во 22.00 часот во СВР Куманово, малолетничка од Куманово пријавила дека нејзиниот татко Џ.С. од Куманово два пати ја мажел за одреден паричен надомест. Кога дознала дека планира и третпат да ја омажи побегнала од живеалиштето и го пријавила настанот во полициска станица.

Од кумановската полиција велат дека се преземаат мерки за расчистување на случајот.

The post Девојче од Куманово го пријави татко ѝ кој по третпат сакаше да ја мажи за пари appeared first on Република.

Сојузниот уставен суд на Германија денеска пресуди дека законот со кој се забрануваат браковите меѓу деца под 16-годишна возраст склучени надвор од земјата мора да се измени.

Според судот, законот треба да содржи прописи со кои се дозволува бракот да се прогласи за валиден кога предметното лице ќе достигне полнолетство, како и правила за плаќање алиментација.

Законот мора да биде изменет до 30 јуни 2024 година за да се усогласи со Уставот на земјата, соопшти судот.

Сојузниот уставен суд го изрази ова мислење во врска со случајот со сириска двојка чиј брак беше прогласен за ништовен во Германија откако сопружниците пристигнаа во земјата како бегалци. Сопругата во овој пар, 14-годишно девојче од Сирија, се омажила за маж седум години постар од неа во Сирија во 2015 година. Меѓутоа, откако семејството пристигнало во Германија, девојчето било одвоено од нејзиниот сопруг и сместено во бегалски центар.

The post Поради бегалците ќе се менува Законот за малолетнички бракови во Германија appeared first on Република.

Четириесет и шестгодишен маж од селото Дросеро кај Ксанти во Грција е убиен поради расправија за малолетно девојче во која се вмешани две ромски семејства. Според грчките медиуми, до расправијата дошло бидејќи убиениот го прекршил договорот со убиецот, 37-годишен маж, кому претходно му ја продал петнаесетгодишната внука, за неговиот син.

Внуката наводно ја продал за 6.000 евра и било договорено таа да се омажи за синот на убиецот. Неколку недели по свршувачката на двајцата малолетници, дедото наводно се предомислил и ја однел внуката дома, но не ги вратил парите што ги добил за него, пишува Ксантинеа.

Έκρυθμη η κατάσταση στο Δροσερό – Φόβοι για βεντέτα μετά την δολοφονία του 45χρονου https://t.co/YqPqGY0ScB #ΔΡΟΣΕΡΟ

— Voice News (@apokalyptikodel) March 23, 2023

Исто така, се тврди дека дедото на девојчето непосредно пред да биде убиен, заедно со членовите на семејството, ја ограбиле куќата на осомничениот убиец, а потоа ја запалиле неговата и куќата на неговите брат. Снимката од пожарот ја објавиле на социјалните мрежи.

The post Дедо си ја продал внуката за 6.000 евра, па се премислил – свекорот го убил appeared first on Република.

Полицијата во североисточната индиска држава Асам уапси повеќе од 1.800 мажи во масовна акција против практиката на склучување бракови со малолетни девојчиња.

Владата на Асам, предводена од главниот министер Химанта Бисва Сарма, минатиот месец одлучи да ги гони мажите кои стапуваат во брак со девојчиња помлади од 18 години.

Сарма најави еден ден претходно дека властите првично ќе се фокусираат на 4.000 случаи на бракови со малолетни девојчиња, регистрирани во државата во изминатите девет дена.

Хиндуистичките свештеници и муслиманските ученици кои свечено ги склопувале ваквите бракови, исто така, ќе бидат цел на апсење, рече Сарма.
Браковите меѓу лица под 18 години се нелегални во Индија, но законот не се спроведува.

Според владиното истражување од 2019 година, скоро 32 отсто од девојчињата во Асам се венчале пред 18-годишна возраст, додека скоро 12 отсто веќе пријавиле бременост до таа возраст.

Утврдено е дека источната држава Западен Бенгал има највисока стапка од 41,6 отсто од таквите бракови во Индија.

The post Уапсени 1.800 мажи поради брак со малолетни девојки appeared first on Република.