Три лица се повредени вчеравечер во сообраќајната несреќа што се случи околу 20 часот и 15 минути на автопатот Тетово – Гостивар на три километри од тетовската наплатна станица за патарина.

Во сообраќајната незгода учествувале патничко возило „мерцедес“ со скопски регистерски таблици, управувано од малолетничка од тетовска Голема Речица и патничко возило „дачија“ со турски национални ознаки, управувано од М.Б.(53) од Гостивар.

– Во незгодата со тешки телесни повреди се здобил возачот М.Б. додека малолетничката возач и сопатничката во мерцедесот, исто така малолетничка од тетовски Требош, се здобиле со телесни повреди констатирани во Клиничката болница Тетово. Увид на лице место извршила екипа при СВР Тетово, информираа од СВР Тетово.

The post Малолетничка возела „мерцедес“, па направи сообраќајка на патот Тетово – Гостивар appeared first on Република.

Претседателот на Владата, Христијан Мицкоски на денешната собраниска седница за пратенички прашања истакна дека за ДУИ ветингот е ставот, но позади завесата е тефтерчето од Мала Речица од каде доаѓаат одлуките, при што потенцираше дека започнуваат реформите во судството и обвинителството и тие конечно ќе бидат ослободени.

За Уставниот суд, мислев дека се шегувате, кога ќе го види човек на Уставниот суд мислев дека е провоаприлска шега, но шегата да ја оставиме за друг пат. Во услови кога не постои човек кој верува дека немаме партизација во судството, дека Уставниот суд е класичен пример како изгледаше Кацарска судството, вие велите дека ВМРО-ДПМНЕ прави притисок. Сите тие судии се избрани со мнозинството на тие кои сега се опозиција, ДУИ и СДСМ. Тогаш може да кажете дека ВМРО-ДПМНЕ има голема улога врз носењето на одлуките во Мала Речица па поставувате вакви прашања да ние добиеме политички поени, изјави премиерот одговарајќи на пратеничко прашање од пратеникот од ДУИ, Блерим Беџети кој обвини за влијание врз судот.

Премиерот Мицкоски му посочи на Беџети дека ДУИ се тие кои не треба да прават притисок врз Уставниот суд и другите судови.

Влијанието кое сè уште се чувствува во судско обвинителскиот систем кај нас конечно го департизираме и тоа ни е цел. Ќе го направиме тоа, имаше период кога чекавме предлози, сугестии, како одговорна влада сакавме да слушнеме, но за жал не добивме ниту една сугестија која цениме дека може да биде аплицирана. Следната недела ќе имаме координација и започнуваме со реформите. Почнуваме со реформата во Судскиот совет, па Совет на јавни обвинители, изјави премиерот Мицкоски.

Мицкоски посочи дека гледаме што се случува во Академијата за судии и јавни обвинители, браќа, братучеди на поранешни блиски соработници на поранешниот министер за внатрешни работи, сестри на пратеничка од СДСМ и претседателка на Унија на жени на СДСМ е дел од Управниот одбор.

Состојбата е алармантна во судството и верувајте дека набрзо оваа Влада ќе направи чекор на кој сите ќе бидат горди и ќе се забележи во следниот извештај за напредок од страна на Европската Комисија, рече Мицкоски.

The post Мицкоски: Ветингот е ставот, а позади завесата е тефтерчето од каде доаѓаат одлуките од Мала Речица appeared first on Република.

Поплавени куќи, гаражи, дворови и улици се штетите од невремето кое вечерва ги зафати Тетово и Тетовско, информираат од Центарот за управување со кризи (ЦУК).

Од невремето, кое било проследено со дожд, град и грмотевици, поплавени се дел од улиците, посебно кај касарната на влезот во Тетово.

Во улицата спроти касарната поплавени се гаражи и дворови, а сопствениците поставуваат соодветни бариери за заштита од водата да не навлезе во домовите“, велат од ЦУК.

Поради поплавените улици во овој дел од градот, од ЦУК велат дека отежано се одвива сообраќајот.

Поплавени куќи имало и во Мала Речица.

До 20:15 часот интервениравме со испумпување на вода од 13 куќи во Мала Речица каде се поплавени дворови, подруми и приземните катови од објектите. Кај касарната имаше задржување на вода на улиците, но со оглед на направен т.н бај-пас успеано е водата да не навлезе во дворовите“, вели Авни Амети, командир на тетовската противпожарна единица, пренесува МИА.

Во поплавените делови од Тетово екипи на Територијалната противпожарна единица веќе вршат испумпување на водата од поплавените објекти, а екипи од тетовското Јавно комунално претпријатие интервенираат со соодветна механизација.

Од Управата за хидрометеоролошки работи (УХМР) велат дека попладнево Тетово и околината е зафатено со нестабилна облачна маса проследена со пороен дожд и грмежи. Последните податоци од УХМР за до 20 часот, покажуваат дека во Тетово има наврнато 50 литри дожд на метар квадратен.

The post Се испумпува вода од поплавени куќи и дворови по невремето во Тетово и Мала Речица appeared first on Република.

Во Тетово вчера во 18.45 часот полициски службеници од Отсекот за недозволена трговија со дрога и оружје при СВР Тетово го лишиле од слобода А.Т.(35) од село Мала Речица, тетовско.

Како што денеска соопштија од МВР, при претрес во домот кој го користи под наем, извршен со судска наредба, биле пронајдени и одземени саксии со насади од растението канабис, шишиња со течност и други предмети поврзани со делото.

Лицето било задржано во полициска станица и по целосно документирање на случајот, против него ќе биде поднесена соодветна пријава.

The post Во Мала Речица пронаден расадник со канабис, уапсено едно лице appeared first on Република.

Жителите на Речица се револтирани зошто токму кај нив се закопуваат угинатите свињи од африканска чума. Тие денеска кажаа за нив проблем е зошто од друго село се носат свињи во близина на нивното село.

- И нас ни беше одземена стоката лани, заради истата причина, но беа однесени на соодветно место. А сега од фарма од друг село Тромеѓа се носат кај нас, сакаме да добиеме образложение зошто е тоа така. Кризен штаб беше вчера, а свињите се копаат тука веќе четврти ден. Има најмалку четири дупки со свињи. Не е запазен предвидениот начина на заштита, немаше средство за дезинфекција, кажа Милош Станојковиќ.

Тие велат дека се револтирани од односот на стручните од АХВ и од општината.

- Ние гледаме во Хрвастка како беше за оваа состојба. Неколку дена имаше повеќе тури со угинати свињи. Течеше крв од животните. Никој не нè слуша и не ги разгледува нашите барања, тука да не се закопуваат. Општината овде има само 2.000 метри квадратни, кажа Жика Стојановски, жител.

Жителите нема да отстапат, најавија протести и по празниците. Додаваат дека имало туркање со полицијата.

Со АХВ единствено се согласуваат дека површината е под Режановце, ама реално е многу поблиску до нивното село. Вчера АХВ соопшти дека нема сознанија зошто се бунат жителите на кумановското село Речица, бидејќи, инспекциските служби на АХВ воопшто немале активности таму.

- Закопувањето на угинатите животни од африканска чума кај свињите и депопулираните свињи од фармата во село Тромеѓа, каде неодамна од оваа болест, од 660 животни угинаа 60 свињи се врши на локација во село Режановце која за оваа намена е одредена од страна на локалната самоуправа, велат од АХВ.

По последниот случај во село Тромеѓа, засега состојбата со болеста во Кумановско е стабилна, односно нема појава на нови жаришта. Во заштитната и зоната под надзор во тек е спроведување на активности за ставање под контрола и ерадикација на болеста.

Општинскиот штаб за заштита и спасување Куманово вчера одржа состанок во просториите на Општината заради појавата на болеста африканска чума кај свињите во општината и донесоа повеќе заклучоци, меѓу нив АХВ да обезбеди заштитни мерки при транспорт на угинатите животни, јавните претпријатија да пружат логистичка поддршка, СВР Куманово да асистира, сите институции да преземат мерки за сузбивање на болеста. Од општината наведуваат дека локациите кои биле посочени од АХВ како соодветни за закоп на угинати и убиени животни согласно нивните важечки правилници, а за кои Општина Куманово доставила барање за мислење до надлежни институции и добила позитивно мислење од Агенција за храна и ветеринарство, да се користат за закоп на угинати животни. Оттаму наведоа дека Куманово, преку службите ќе треба да утврди нови предлог-локации за кои ќе спроведе постапка за утврдување на нови локации за закоп на угинати животни при евентуална појава на друго жариште.

Инаку, вечра АХВ потврди дека во кумановско повторно е регистрирана болеста африканска чума кај свињи. Лабораториските наоди од Факултетот за ветеринарна медицина – Скопје покажаа присуство на болеста африканска чума кај свињите во одгледувалиште во село Тромеѓа. Во ова село и во населбата Карпош е заштитна зона е во радиус од три километри, додека во повеќе села во радиус од десет километри Карабичане, Табановце, Четирице, Горно Коњаре, Долно Коњаре, Речица, Режановце, Лопате, Бедиње, Клечовце, Проевце, Љубодраг, Шупљи Камен, Черкези, Зубовце, Романовце, Бељановце, Доброшане и градот Куманово во Општина Куманово, Старо Нагоричане, Младо Нагоричане и Никуљане во општина Старо Нагоричане, Ваксинце и Опае во Општина Липково е зона под надзор.

The post Жителите на кумановско Речица не сакаат угинатите свињи да се исфрлаат во нивното село appeared first on Република.

Приведено е едно лице од Мала Речица, кое се сомничи дека вчеравечер поставил знаме на Албанија на манастирот на Попова Шапка.

-Полициски службеници на СВР Тетово вчеравечер, околу 23:30 часот, по преземени оперативни мерки, го идентификувале и го лишиле од слобода 33-годишниот Ј.А. од тетовска Мала Речица. Тој се сомничи дека два часа претходно од јарболот на манастирот „Свети Наум Чудотворец“ на Попова Шапка, додека немало никој во верскиот објект, го симнал црковното знаме на МПЦ-Охридска архиепископија и на негово место го поставил знамето на Република Албанија, информираат од МВР.

По документирање на случајот против Ј.А., кој при симнувањето на црковното знаме бил со уште едно лице по кое се трага, ќе следува соодветен поднесок, велат од МВР.

Стојанче Ангелов на неговиот фејсбук профил меѓу другото напиша дека брзата реакција на институциите, но и јавниот притисок можат да ги намалат провокациите кои ја потпалуваат меѓуетничката нетрпеливост.

- Провокациите никако не треба да се премолчуваат туку на нив треба жестоко да се реагира. Само така ќе се обесхрабрат идните потенцијални провокатори. Реакцијата на општеството на вакви провокации треба да биде обединета и единствена без разлика на етничка, верска, политичка или било каква друга припадност. Верувам дека мнозинството Албанци го осудуваат овој варварски чин на сквернавење на црковното знаме. Единствено не видов претставник на албанските политички фактори во Македонија да излезе со јавна осуда на овој чин. А треба, напиша Ангелов.

Тој преку фејсбук го повика лидерот на ДУИ Али Ахмети јавно да го осуди овој провокативен вандалски чин

„Република“ вчера објави дека две маскирани лица го симнале знамето на Македонската Православна Црква-Охридска Архиепископија од јарбол пред храмот Свети Наум Охридски, по што е поставено знаме на Албанија. Претседателот на црковниот одбор го пријавил случајот во СВР Тетово. Настанот е евидентиран преку камери за видео надзор.

-Во 18.05 часот во СВР Тетово, свештеникот од црквата „Св.Наум Охридски Чудотворец“ лоцирана на Попова Шапка, пријавил дека од страна на НН лице од јарболот на црквата е симнато црковното знаме и е поставено знаме на Албанија, информира вчера Марјан Јосифоски, портпарол на СВР Тетово

The post Веднаш е приведен: Ова е лицето од Мала Речица што го постави знамето на Албанија на манастирот на Попова Шапка appeared first on Република.

Во тетовското село Мала Речица вчера во 15 часот полициски службеници од Одделот за криминалистичка полиција – Сектор за недозволена трговија со дрога, оружје и опасни материи при МВР во содејство со полициски службеници од Одделението за недозволена трговија со дрога и оружје при СВР Тетово го лишиле од слобода Б.А.(55) од с.Мала Речица.

- При претрес во неговиот дом, извршен со судска наредба, биле пронајдени и одземени пиштол „Берета“, револвер, повеќе куршуми со различен калибар и повеќе делови за пиштол и ловечка пушка, додека, при претрес во неговото возило „сузуки“ со тетовски регистарски ознаки биле пронајдени и одземени ловечка пушка, повеќе патрони со различен калибар и други предмети, соопштија денеска од МВР.

Лицето било задржано во полициска станица и по целосно документирање на случајот против него ќе биде поднесена соодветна пријава.

The post Оружје и муниција пронајдени во Мала Речица appeared first on Република.

Малолетник од тетовска Мала Речица вчеравечер во 23:15 часот во СВР Тетово пријавил дека околу 22 часот на улица „113“ во Тетово бил физички нападнат од две лица, од кои едното го познавал, по што го внеле во нивното возило и му се заканувале со остар предмет.

Се расчистува и документира случајот, велат од СВР Тетово.

The post Киднапирање во Мала Речица appeared first on Република.

Учениците следат настава во студено простории, поради неплатени сметки за струја во училиште во Мала Речица, пренесува ТВ21.

Новинарите додека снимале во училиштето за оваа проблематика, вработените им рекле да излезат од објектот, бидејќи според нив, немале право да снимаат.

Додека медиумската екипа разговарала со родителите, дошол и директорот на училиштето Назиф Ајдини, кој не им дал никакво објаснување пред камерата зошто нема струја, а учениците се обврзани да следат настава во ладни простории. Наместо одговор, тој им ја затворил вратата.

The post Училиште во Македонија две недели е без струја, поради неплатени сметки appeared first on Република.

Во централата во Мала Речица денеска точно напладне лидерот на ДУИ Али Ахмети ќе се соочи со водачите на „огнената група“ Изет Меџити, Муса Џафери и Блерим Беџети. Се очекува „огнените“ на маса да ги стават барањата за реформа на партијата, односно конечно три години по Конгресот да се дооформат партиските тела – Централното претседателство и нaјтесното партиско раководство, пишува „Слободен печат“.

„Огнените“ преку писмо веќе побараа одлуките во партијата да се носат во партиските органи, а не двоецот Ахмети – Груби. Незадоволни од работата на министрите „огнените“ бараат смена на првиот вицепремиер и на други министри, како и отчет за досега сработеното во Владата.

The post Ахмети напладне во Мала Речица ќе се сретне со Меџити, Џафери и Беџети appeared first on Република.

Тетовската полиција информира дека ноќеска тешко е повредна 23 годишно женско лице откако во неа удрило патничко моторно возило. Настанот се случил околу 21 часот и 50 минути на булеварот „Видое Смилевски-Бато“.

Патничко моторно возило „бмв“ со тетовски регистарски ознаки што го управувал М.П.(49) од тетовска Голема Речица удрило во 23-годишната Т.Р.(пешак) од тетовско Сараќино.Во несреќата Т.Р. се здобила со тешки телесни повреди, констатирани во Клиничкиот центар „Мајка Тереза“ во Скопје, каде била пренесена за укажување на лекарска помош, информира Марјан Јосифоски, портпарол на СВР Тетово.

На местото на несреќата увид извршиле Јавен обвинител и екипа од Секторот за внатрешни работи Тетово

The post Маж од Мала Речица прегази 23-годишна девојка, со тешки повреди пренесена на Клиника appeared first on Република.

Оружен грабеж се случил претпладнево во објект на „Пошта на Македонија“ во тетовска Мала Речица.

Две лица го извршиле грабежот, за кој засега нема информации колку пари се одземени.

Денеска околу 10 часот и 15 минути во СВР Тетово, вработен во „Пошта на Северна Македонијa“ пријавил дека во експозитура во тетовска Мала Речица две лица со закана со огнено оружје одзеле пари. Увид извршила екипа од Секторот за внатрешни работи Тетово, информира Марјан Јосифоски, портпарол на СВР Тетово.

По увидот ќе почнат и други мерки за расчитување и документирање на случајот.

The post Ограбена поштата во Мала Речица appeared first on Република.