„O2 Иницијатива“ упати апел до уставните судии кои гласале против поведување на постапка по предметот У.бр.52/2022 за оспорување на Одлука за донесување на ДУП за Градска четврт 3 05 помеѓу бул. Илинден, бул. 8 Септемри, бул. Партизански одреди и ул. Љубљанска во Општина Карпош-Скопје од 6.11.2013, дополнително да го разгледаат случајот и да поднесат друго мислење во најбрз можен рок, за предметот повторно да се стави на гласање, со оглед дека со реализација на овој урбанистички план ќе настанат тешки неотстранливи последици.

Уставниот судија известител по овој предмет, Дарко Костадиновски, е против поведување на постапка по овој предмет, иако основата за оспорување на Одлуката за донесување на ДУП за Градска четврт 3 05 е како и во бројните предмети на кои досега работел Уставниот суд, повел постапки по истите и ги укинал оспорените детални урбанистички планови, каде и самиот судија известител гласал за вакви одлуки на Судот. Вакви предмети се У.бр.95/2017-1 од 20.6.2018, У.бр.134/2017-1 од 9.7.2018, У.бр.136/2017-1 од 9.7.2018, У.бр.135/2017-1 од 05.12.2018, У.бр.123/2018-1 од 25.9.2019, У.бр.80/2019-1 од 13.11.2019, У.бр.34/2021-1 од 9.9.2021, У.бр.35/2021-1 од 2.2.2022 и У.бр.36/2021-1 од 9.2.2022.

-Инаку, врз основа на овој ДУП, кој е изгласан во ноември 2013 год. од советниците на ГРОМ и ВМРО-ДПМНЕ со коалицијата во тогашниот мандат на Стевчо Јакимовски во општина Карпош, каде е вцртана маркичка за 28 катница, се планира изградба на споени згради од 2, 11, 18 и 19 ката, вкупно 50 ката со 419 стана. Инвеститори се ЗСФ КОМ на еден од најмоќните градежници во земјава, озлогласениот Фатмир Етеми и Делта 2015 Констракшн, која до лани беше во сопственост на Орка Холдинг на семејството на Орце Камчев, кога се продава за 5 милиони евра и недвижен имот во вредност од 8 милиони евра од новата градба, што претставува 25 отсто од објектот, на Специјал Градба во сопственост на бизнисменот Кочо Стојчески.

Во меѓувреме Уставниот суд го укина регулацискиот план за оваа четврт, со кој беше ограничена висината на градбите. Подносител на иницијативата е адвокатот Бојан Милошевски, поранешен секретар на општина Карпош во изминатиот мандат на Стевчо Јакимовски, кој во овој мандат бил ангажиран за адвокатски услуги од општина Карпош, стои во соопштението од Иницијативата.

The post „О2 Иницијатива“ со апел до уставните судии: Кој сѐ има профит од зградата позади бензиската Макпетрол во Карпош? appeared first on Република.

Од компанијата „Макпетрол“ вечерва информираа дека во складиштето на компанијата лоцирано во населбата Илинден нема пожар, ниту експлозија, како што известија дел од медиумите.

Инцидентот за кој што медиумите објавија информации се случил во близина, односно на железничката станица Илинден, но на никаков начин не е поврзан со складиштето на „Макпетрол“.

Дел од медимите, вечерва пренесоа дека настанот во кој загина малолетно девојче се случил во склад на „Макпетрол“ во општината Илинден.

The post Макпетрол: Вечерашниот настан во Илинден нема никаква поврзаност со компанијата appeared first on Република.

Електрани на Македонија (ЕСМ) ќе набавува гас од „Макептрол“ за месец март, бидејќи домашната компанија на тендерот, понуди најповолна цена од 60,10 евра по мегават час без ДДВ. Станува збор за количини од 1.200 до 2.300 мегават часа гас дневно кои се наменети за потребите на топланите Исток, Запад, Енергетика и Скопје Север, како и за стопанските субјекти кои се снабдуваат преку ЕСМ продажба. На тендерот, покрај „Макпетрол“, се јавија и бугарските копании „Балкан Јутилитис“ и „Акта ЕЛ“

Од „Макпетрол“, пак, соопштија дека како општествено одговорна компанија се јави на тендерот на ЕСМ Продажба заради заштита на државниот Буџет, кој со последните два тендера за набавка на гас за јануари и февруари беше оштетен од државната компанија ЕСМ, бидејќи беа склучени договори поради кои државата во овие два месеца плаќаше за овој енергенс и до 70 отсто повисока цена од берзанската.

The post ЕСМ ќе набавува гас од „Макпетрол“ за март – компанијата со најповолна цена на тендерот appeared first on Република.

Министерот за економија, Крешник Бектеши, преку објава на „Фејсбук“ денес изнесе одредени тврдења во однос на домашниот пазар со природен гас кои што се целосно неточни, а не сподели клучни информации што се од особено значење за начинот на којшто функционира набавката на енергенси во земјава, реагираат од „Макпетрол“.

Имајќи предвид дека во изјавата се споменува и „Макпетрол“, велат од компанијата, тие се должни да одговорат на министерот, но и со јавноста да споделат одредени информации кои, како што велат, не само тој, туку и други лица на високи раководни државни позиции упорно избегнуваат прецизно да ги разјаснат.

„Макпетрол“ не поседува ниту поседувал монопол на пазарот со природен гас. Напротив, поголемиот дел од овој енергенс во нашата земја се увезува од страна на друг трговец, а исто така од страна на Регулаторната комисија за енергетика (РКЕ) има издадено повеќе од 40 лиценци за тргување и снабдување со овој енергенс.

Единствено за што „Макпетрол“ се залага е регулиран пазар без фаворизирање на одредени компании од страна на државата, односно пазар без нелојална конкуренција.

За каква либерализација зборува министерот кога на последните повици за набавка на природен гас учествува и ги доби компанија што бугарскиот регулатор ја дефинира како микропретпријатие („Балкан Јутилитис“) и согласно достапните податоци истата компанија работела со загуба во претходните години.

Ако вистинската цел беше либерализацијата, тогаш несомнено резултатот од неа треба да бидат пониски, а не повисоки цени при набавката на природен гас. Ако се земе предвид разликата со пазарната цена на природниот гас од 1 јануари до сега, државата по цените на „Балкан Јутилитис“ преку која ЕСМ го набавува овој енергенс ќе плати разлика повеќе од 4 милиони евра што ја доведува во прашање вистинската цел на либерализацијата.

За појаснување до министерот Бектеши и до другите државни претставници, „Макпетрол“ во текот на цела измината година природниот гас го продаваше со пониска цена во споредба со берзанската за околу 10%, за разлика од сега кога државата го купува гасот за многу повисоки цени, дури и до 70% повисоки од берзанските.

Го повикуваме министерот и другите надлежни државни претставници да се охрабрат и одважат и да одговорат на јавноста зошто веќе втор месец по ред државата купува гас со далеку поскапа цена од пазарната, а со тоа предизвикува штета на државниот буџет, реагираат од „Макпетрол“.

The post „Макпетрол“: Пазарот со гас е одамна либерализиран, сегашните тендери се фарса appeared first on Република.

Дали плаќаме поскап или поевтин гас ќе видиме на крајот на грејната сеозна. Според ЕСМ, лани, кога имаше монопол, плаќавме многу поскапо, а сега има конкурентност и ги повикувам сите што имаат лиценца за снабдување да се пријават и да дадат понуда, а не да кажуваат цени и понуди кога ќе заврши повикот.

Вака министерот за економија Крешник Бектеши денеска одговори на новинарско прашање дали не беше избрзана одлуката на ЕСМ за склучување месечен договор по фиксна цена од 98 евра кога на берзата цената е многу пониска, но и со оглед дека „Макпетрол“ вчера објавил дека цената на гасот за февруари е 40 отсто пониска од онаа за јануари.

За мене како министер за економија, но убеден сум и за Владата, најважно е да ја поттикнеме конкурентноста, да не дозволиме во одредени сектори да има монопол како што беше претходно со природниот гас. ЕСМ објави јавен повик за февруари, имало двајца понудувачи меѓу кои мислам дека не бил „Макпетрол“. Ако имаат подобри цени и услови, ги повикувам да учествуваат на повикот и секако, оној што има најниска цена и нуди подобри услови, законски ќе го добие повикот - потенцира Бектеши.

Тој на новинарката што го постави ова прашање, а која не беше од телевизија Телма, најпрво и одговори дека веројатно има добра соработка со колегите.

Добра соработка веројатно имате со колегите, ви ги даваат нивните прашања што сакаат да ги постават, но нема проблем, тука сум и секогаш отворен транспарентно да одговорам - истакна Бектеши.

На тоа реагираше новинарот од Телма кој присуствуваше на прес-конференцијата, на што Бектеши посочи дека „не е место тука да се даваат коментари, туку да се поставуваат прашања“.

Не сте тука повикани да давате коментари, туку да поставувате прашања Ако мисите дека во прес центарот може да давате коментари, тоа може да го направите во вашите емисии, не е тука местото да се дебатира, туку да се поставуваат прашања, а наше е да одговориме и како сакаме да одговориме - рече Бектеши кој сепак потоа јавно се извини.

Тој појасни дека не е навреда ако некој со некого има одлична соработка.

Ако мислите дека е навреда, се извинуваме, но мислам дека не е навреда да се кажува дека луѓе или одредени институции, правни субјекти, соработуваат одлично меѓу себе. Како што ние имаме одлична соработка, на пример, со Министерството за енергетика во Турција и вие како институција може да имате соработка. Можеби за вас изгледа иронично, ако е така се извинуваме. Но кога има одлична соработка меѓу две приватни лица или институции мислам дека не е навреда - повтори Бектеши.

The post Бектеши: „Макпетрол“ да учествува со понуда, а не да соопштува цени откако ќе заврши повикот appeared first on Република.

Согласно договорот помеѓу „Макпетрол“ АД Скопје и „Гаспром експорт“, како и движењето на цената наприродниот гас на светските берзи, од „Макпетрол“ АД Скопје известуваат дека цената на природниот гас за месец февруари ќе се намали за 40% за мегават час, во однос на цената за месец јануари оваа година.

Воедно, сакаме да информираме дека малопродажната цената на погонското гориво за моторни возила, Метан (CNG), кој се продава на бензинските станици на Макпетрол се намалува за 41 денари за килограм во однос на цената од минатиот месец која изнесуваше 123,50денари за килограм, односно новата цена ќе биде 82,50 денари за килограм или 58.40 денари за литар, велат од „Макпетрол“.

The post „Макпетрол“: 40 отсто пониска цена на природниот гас во февруари appeared first on Република.

До 31.2.2022г на сите повици на ЕСМ Продажба и Енергетика за набавка на природен гас пристигнуваше единствено понуда од Макпетрол и истата се прифаќаше без оглед дали понудената цена беше повисока од тековните цени на берзата.

Со потпишување на Договорот меѓу Р. Македонија и Р.Бугарија се отвори можност и други снабдувачи со природен гас да поднесат понуди.

Во моментот на носење на одлуката за избор на најповолна понуда за набавка на природен гас за јануари 2023г, во постапката спроведена од страна на ЕСМ Продажба, цената понудена од Балкан Јутилитис од 115,97е/MWh беше пониска од цената понудена од Макпетрол од 116,20e/MWh. Во тој момент цената на берзата изнесуваше 137 e/MWh.

Доколку Макпетрол како голем трговец и снабдувач на пазарот имаше сознанија за корективни движења надолу на берзанската цената на гасот, ќе беше позитивно да понуди пониска фиксна цена согласно пазарните предвидувања на компанијата, со оглед на тоа што во јавниот повик беше јасно наведено дека услов за разгледување на понудите е понудена фиксна цена.

ЕСМ Продажба во следните денови ќе спроведе јавен повик и постапка за набавка на природен гас за февруари 2023г, на кој го повикуваме и Макпетрол и другите лиценцирани снабдувачи и трговци со гас да достават понуди со што пониска фиксна цена.

The post ЕСМ: Ако „Макпетрол“ знаеле дека цената на гасот ќе падне, требало да понудат пониска цена appeared first on Република.

Повеќе од 40 компании во Македонија имаат лиценци за увоз на природен гас, што целосно ги демантира тврдењата на министерот за економија, Крешник Бектеши, дека „Макпетрол“ има монополска позиција на овој пазар.

Оваа изјава, како и низа други кои што од негова страна беа пласирани, служат само за да ја дефокусираат јавноста од главниот проблем - дека државата и нејзините институции популистички се фалат оти пазарот со природен гас е либерализиран, а притоа земјата ниту има сертифициран оператор, ниту се донесени нужните подзаконски акти, ниту се вопоставени правилата на функционирање.

Во однос на изјавата на премиерот Димитар Ковачевски дека во енергетска криза не треба да се има пристап кон работата што вклучува уцени, „Макпетрол“ истакнува оти најавата дека нема да увезува гас од 1 јануари е резултат исклучиво на избрзаната одлука за промена на правилата на пазарот со природен гас. Не е во прашање никаква уцена, туку економски оправдано решение со цел да се избегне генерирање енормни загуби и долгови кои компаниите што увезуваат гас никогаш нема да можат да ги наплатат затоа што потрошувачите на овој енергенс нема да бидат во можност да ги исплатат.

Начелно и само на хартија, направено е превземање на регулативата на овој сектор од Европската Унија, а притоа целосно се игнорира реалноста на македонскиот пазар, која што укажува дека таа е неприменлива. Причините за тоа се многубројни, но главна несомнено е таа што укажува дека нашиот пазар е мал, a гасот што тука пристигнува, тука и завршува. Тоа, од една страна, значи дека како земја не сме во можност да увезуваме доволни количини, а од друга, дека немаме количини што би направиле баланс на тие што нема да се потрошат.

Во такви услови, потребни се прецизни подзаконски акти и правила кои што ќе го регулираат функционирањето на пазарот. Овие што сега избрзано се наметнуваат се економски неисплатливи и со нив ќе се нанесат огромни штети и на увозниците и на крајните потрошувачи.

Енергетската заедница, организација што ги обединува државите од југоисточна Европа и тие од ЕУ, чие седиште е во Виена, во својот ноемврски извештај направи анализа на македонскиот пазар со гас во која што заклучи дека процесот на негово разврзување е комплетиран одвај осум проценти. Тие истакнуваат дека процесот на спојување на ГА-МА и НЕР е во тек, исто како и сертифицирањето на новата компанија.

Енергетската заедница го препорачува следново:

- Сертификацијата на операторот на системот за пренос да се изврши во најкус можен рок, а соодветните подзаконски акти да бидат финализирани и одобрени без натамошно одлагање. Новиот преносен систем-оператор треба да продолжи со целосна имплементација на сите правила релевантни за функционирањето на системот, надминувајќи ги празнините во последната деценија - истакнуваат од Енергетската заедница.

Досега, овие препораки од Енергетската заедница, каде што заедно со ЕУ членува и Македонија, не се донесени. Тоа само укажува дека наводното либерализирање на пазарот се прави на паушален начин и притоа креира услови за работа кои што и на краток и на долг рок ќе бидат катастрофални за компаниите што се занимаваат со увоз на природен гас, како и за нивните потрошувачи.

За „Макпетрол“, клиентите се најзначајни и како и секогаш кога постојат предизвици, компанијата е подготвена преку разговори да се стигне до решение кое што ќе биде издржано, односно чии евентуални недоследности нема да паднат на грбот на увозниците, но и на крајните корисници на природен гас во земјата.

The post „Макпетрол“ не е никаков монопол – во Македонија има над 40 лиценцирани увозници на природен гас appeared first on Република.

Компанијата Макпетрол беше известена за преговорите кои ги водеше државата преку ГА-МА со Булгартрансгаз се со цел да се стабилизира пазарот со снабдување на гас. Макпетрол веќе 21 година го има монополот за снабдување со гас во државата, но заврши времето на монополи, ние се заглагаме за либерализација на пазарот, вклучително и пазарот на природен гас како што правиме во другите сектори, кажа министерот за економија Крешник Бектеши при гостување во Дневникот на Сител.

Министерот кажа дека сите консултации се завршени и ние како држава ги реализираме сите обврски кои ги имаме превземено од Енергетската заедница, а ако не се донесеше ваква одлука, како што кажа министерот државата можеше да се донесе во ситуација на целосна зависност од Русуија.

„Со помош на нашите стратешки партнери од Европската унија со макотрпна работа на НЕР и ГА-МА ние успеавме да ослободиме капацитети на гасоводот помеѓу Македонија и Бугарија кој беше целосно закупен од Гаспром, каде што ќе се отвори пазарот и согласно конкуретните цени кој е по квалитативен кој е подобар ќе може да ги снабдува потрошувачите во нашата држава со гас“, кажа Бектеши.

Министерот кажа дека претставници од Макпетрол во текот на вчерашниот ден имале состаноци со надлежните институции каде разговарале за сите услови кои се предвидени за договорот меѓу ГА- МА  и Булгартансгаз гас и немало никакви забелешки  и тие забелешки кои што ги имале биле разјаснети, а денеска без никаква претходна најава доставија соопштение со кое најавуваат прекин на испораката на гас во државата.

“Со сите надлежни институции веќе разговараме за  различни опции и најверојатно ќе се најде решение, но според мене ова целосно неодговорно однесување од страна на компанијата Макпетрол и за жал мислам дека може има и надворешни сили што влијат на вакви одлуки, но ние сме демократска држава имаме закони иќе постапиме согласно законите и никој нема да оставиме да биде над државата“, кажа Бектеши.

https://republika.mk/vesti/ekonomija/od-1-januari-makpetrol-nema-da-uvezuva-i-da-isporachuva-gas/

Министерот информираше дека во консултација со премиерот Ковачевски дадено е задолжение да се донесе закон со кој ќе се регулира за начинот на однесување на стратешки компании во државата посебно во време на криза, по примерот на Германија и Италија и дека за ова законски решение очекува поддршка од пратениците.

„Во врска со парното греење во ЕСМ веќе има пристигнато понуди од други снабдувачи со природен гас , согласно информациите кои ги имам од ГА-МА и од НЕР веќе  капацитетите од бугарската страна се закупени од одредени  снабдувачи, а ќе биде објавен и уште еден јавен повик за снабдување со гас“ кажа министерот.

Во врска со цените на струјата од 1 јануари министерот уште еднаш повтори дека нема да има зголемување на цената за домаќинствата и малите потрошувачи, дури можно е да има и намалување.

Во врска со цените на основните прехранбени производи кои се очекува да се намалат откако компаниите од прехранбениот сектор од 1 јануари почнаа да се снабдуваат со субвенционирана струја од државата, министерот кажа дека инспекторите на Државниот пазарен инспекторат се на терен но дека се разгледува воведување на нов данок на добивка во сектори кои направиле големи профити во време на криза.

The post Бектеши: Макпетрол сака вечно да биде монопол на пазарот, тоа нема да се оствари appeared first on Република.

Поради чувствителноста на ситуацијата и јавниот интерес на оваа тема, „Макпетрол“ АД Скопје ја известува јавноста дека од 1 јануари 2023 година, Компанијата нема да увезува и да им испорачува природен гас на своите потрошувачи.

Причината за оваа ситуација се новите услови на работа кои ги предвидува прерано потпишаниот Договор за интерконекција помеѓу државното претпријатие „ГА-МА“ АД и „Булгартрансгас“ од Бугарија, поради кој досегашните услови според кои „Макпетрол“ АД увезува и испорачува природен гас до своите потрошувачи, не се применливи.

-Од причина што до овој момент не се донесени подзаконските акти согласно Законот за енергетика, кои ќе го регулираат работењето на пазарот на природен гас во согласност со договорот за интерконекција, „Макпетрол“ АД Скопје нема можност да отпочне со новите услови на работа предвидени со новиот Договор за интерконекција. Дополнителен проблем преставува и фактот што и по 5 (пет) години од донесувањето на Законот за енергетика сè уште нема сертифициран Оператор на системот за пренос на природен гас, кој е должен да ги донесе потребните подзаконски акти.

Токму поради ова, „Макпетрол“ АД Скопје, во согласност со Договорот за интерконекција, побара од државната компанија „ГА-МА“ АД Скопје да обезбеди согласност од „Булгартрансгас“ да продолжи со работа според старите услови, заклучно со 30 септември 2023 година, во кој период би се донеле сите подзаконски акти и сите учесници на пазарот на природен гас би се подготвиле за новиот начин на работа, кој е многу посложен од досегашниот.

„Макпетрол“ АД Скопје ги информираше сите релевантни институции во Државата за неподготвеноста на целиот пазар на природен гас за примена на Договорот за интерконекција, уште пред неговото потпишување. Во однос на горенаведеното, „Макпетрол“ АД потенцираше дека потпишување на таков договор е избрзана одлука, на која задолжително треба да претходи донесување на сите подзаконски акти, како и подготовка на сите учесници на пазарот на природен гас за новите услови на работење, но истото не беше земено предвид.

„Макпетрол“ АД Скопје изразува жалење за оваа несакана ситуација и ќе направи сè што е во негова моќ за да може да се надмине истата што поскоро, стои во соопштението од компанијата.

The post Од 1 јануари „Макпетрол“ нема да увезува и да испорачува гас appeared first on Република.

Немаме најава за забрана за проток на природен гас. Трговците редовно ги снабдуваат индустриските капацитети со гас, изјави денеска министерот за економија Крешник Бектеши.

– Немам информација дека е запрен гасот за Македонија. Имаме трговци кои редовно ги снабдуваат индустриските капацитети и другите потрошувачи со гас. Немаме никаква најава за забрана за проток на природен гас од интерконекторот што го имаме со Република Бугарија, рече Бектеши на прес-конференцијата по средбата со поглаварот на Исламската верска заедница.

Во однос на тоа дали ќе се склучи договор со „Макпетрол“ за набавка на природен гас, Бектеши рече дека за тоа треба да одлучи ЕСМ.

– Ако ЕСМ има интерес во делот на цената зошто не би се склучел договор со Макпетрол или со други снабдувачи на гас. Ако цените се многу високи, ЕСМ има обврска да најде што поволна цена која нема да влијае на цените на потрошувачите, рече Бектеши

The post Владата не ја исклучува можноста пак да склучи договор со Макпетрол за набавка на гас appeared first on Република.

Ненадејното намалување на маржите за трговија со горива од 4,5 на три денари, односно за 33 отсто, што историски претставува најниска маржа за трговците, создаде непазарни услови кои ќе доведат до криза со снабдувањето со нафта и нафтени деривати, соопшти денеска компанијата „Макпетрол“.

Имајќи ја предвид нагласено тесната поврзаност на редовната испорака на горивата со нормалното функционирање на општеството, од компанијата – дистрибутер на нафтени деривати денеска во соопштение предупредуваат дека постои сериозен ризик за целосна блокада на економијата, не само на краток, туку и на подолг рок.

Ваквите мерки, што Регулаторната комисија за енергетика и водни услуги (РКЕ) и останатите институции ги носат без никаква консултација со трговците, во овој случај тие со нафта и нафтени деривати, се несоодветни на глобалната криза од која особено се зафатени компаниите што се занимаваат со снабдување гориво. Овој сектор изминативе недели веќе работи со загуба поради несоодветната методологија за пресметка, што доведува набавните цени да се повисоки од постоечката малопродажна. Со дополнителното намалување на маржите, загубите ќе бидат огромни. Укажуваме дека тоа може да принуди одредени трговци да престанат да продаваат гориво, а тоа е опција која што и „Макпетрол“ сериозно ја разгледува – истакнуваат од компанијата.

Компаниите што снабдуваат нафта и нафтени деривати, стои во соопштението, не можат врз себе да го понесат товарот на вештачко држење ниска цена на горивата, како социјална категорија. Сепак, станува збор за обврска на државата и на сите мерки што ѝ стојат на располагање, но не на сметка на пазарната логика и приватните компании. Оваа популистичка мерка е неодржлива и може да создаде дополнителна паника меѓу граѓаните, зголемена побарувачка и недостиг на гориво, истакнува „Макпетрол“.

Претседателот на РКЕ Марко Бислимовски по одлуката за намалување на трговската маржа за 33 отсто на сите трговците со нафтени деривати изјави дека тоа е единствен механизам кој на РКЕ му стои на располагање.

Сега го активираме затоа што ова се вонредни услови и мора сите да покажат солидарност. На овој начин, во крајната цена влијаеме делумно да се амортизира огромниот пораст – наведе синоќа во пишана изјава Бислимовски.

Според него, дополнително олеснување врз притисокот на крајната цена ќе бидат и најавените законски. измени во делот на ДДВ и акциза, кои апелира да се донесат побрзо.

Најавени се намалувања на цените на бензините и другите нафтени деривати од мерката за намалување на стапката на ДДВ од 18 на 10 отсто при промет на енергенсите: дизел, безоловен бензин, гасно масло, течен нафтен гас (ТНГ) и метан, како и од мерката за намалување на акцизата врз основа на берзанските цени.

The post Намалувањето на маржата ќе предизвика криза со горивата и блокада на економијата, велат од „Макпетрол“ appeared first on Република.

„Макпетрол“ соопшти дека денеска изутрина обезбеди сето расположливо гориво од „Окта“, кое во текот на денов и ноќва ќе биде испорачано на бензинските пумпи. Компанијата очекува дека снабдувањето со сите видови горива на бензинските станици на „Макпетрол“ во следните денови ќе се нормализира.

Побарувачката на горива во земјава изминативе денови е енормно зголемена, а меѓу главните причини за тоа се шпекулациите и гласините во јавноста дека ќе има недостаток, како и цените на светските берзи. Дополнително, снабдувањето беше отежнато затоа што нашиот дистрибутер ‘Окта’ во недела не работи. Исто така, и во Грција, од каде што се набавува горивото, недела е неработен ден, а и овој понеделник е државен празник. Сето ова придонесе да се појави привремен недостаток на дизел-гориво на некои наши бензински станици“,  соопшти „Макпетрол“.

Од компанијата укажуваат дека состојбите на глобалните нафтени пазари се менуваат секојдневно, цените постојано се зголемуваат, а како резултат на тоа, снабдувачите се соочуваат со проблеми при навремената достава на горива до своите партнери.

The post Лажеa и Владата и „Макпетрол“ – дизел нема appeared first on Република.

„Макпетрол“ и во овие особено тешки и комплексни услови поради новонастанатата глобално-политичка ситуација, како резултат на која има неколкукратно зголемување на цените на сите нафтени деривати, ќе продолжи да работи без застој и рестрикции со цел граѓаните и компаниите да функционираат без проблеми, се вели во соопштението од компанијата.

Сепак, набавката на гориво во буриња, канистри, канти и други садови е спротивно на законските регулативи, бидејќи несоодветното складирање и чување на горивата може да предизвика опасни ситуации по животот на луѓето, како и загадување на околината, информираат од „Макпетрол“.

Според нив, поради новонастанатата ситуација, компаниите што се дел од оваа економска гранка се наоѓаат во исклучително тешка ситуација, што, како што тврдат, подразбира и работа со загуба.

The post „Макпетрол“: Набавката на гориво во буриња, канистри и канти е противзаконска appeared first on Република.

Информациите дека цените на горивата од идната недела ќе се зголемат за дури 10 денари по литар создадоа километарски колони на бензинските пумпи. во сите градови. Возачите не се вознемирени дека гориво ќе нема, туку брзаат да наточат по пониски цени.

Макпетрол ги известува потрошувачите дека нема рестрикции и прекин во снабдувањето на гориво на бензинските пумпи на оваа компанија и покрај фактот дека во овој момент Макпетрол работи со загуба.

Компанијата апелира до потрошувачите да не прават залихи од гориво поради безбедносни причини за да не ја загрозат општата безбедност на граѓаните, објави Телма.

Вработени во Макпетрол од Тетово и од Скопје потврдуваат дека на дел од нивните пумпи не се точело гориво во вредност поголема од 1.000 денари.

„Од вчера на некои пумпи во Тетово и околината не беше дозволено да се точи гориво за повеќе од 500 до 1.000 денари, а денеска добивме забрана да точиме во канти, дозволено е само во возила. Многу луѓе доаѓаа со по десет-дваесет канти, но ги враќавме,“ вели за „Слободен печат“ вработен во Макпетрол.

И струмичките медиуми јавуваат дека на бензинските пумпи во овој град има редици.

На совојалните медиуми се објавуваат видеоснимки од километарските колони пред пумпите.

The post Километарски колони на бензинските: Граѓаните исплашени од најавените цени на горивата, пумпите не точат во канти appeared first on Република.

Макпетрол ги известува потрошувачите дека нема рестрикции и прекин во снабдувањето на гориво на бензинските пумпи на оваа компанија и покрај фактот дека во овој момент Макпетрол работи со загуба.

Компанијата апелира до потрошувачите да не прават залихи од гориво поради безбедносни причини за да не ја загрозат општата безбедност на граѓаните.

Извор: Телма

И струмичките медиуми јавуваат дека на бензинските пумпи во овој град има редици.

The post Нема рестрикции во снабдувањето со горива, колоните се поради најавено поскапување appeared first on Република.