Една од најнадежните и најперспективни македонски пејачки од новата генерација, младата Марија Спасовска, на тукушто завршениот фестивал на забавни мелодии „Макфест“ во Штип го покажа сиот свој талент.
И као пејачка која извонредно на сцената во домот на културата „Ацо Шопов“ ја донесе својата нова фестивалска тема, но и како мошне надарен автор која и овој пат самата ги потпшишува и музиката и стиховите на песната „Страв“!
Сигурна, самоуверена, со одлична интерпретација и впечатлив сценски настап Марија ја покажа сета своја зарелост, полека вбројувајќи се во македонската женска пејачка поп елита која ги вбројува „новите деца“ на естрадата.
„Страв“ е модерна тема, музички обоена со современи звуци и бои, онакви какви што се користат во новите светски музички трендови, одлично вокално изведена од аасамата пејачка и автор, аранжирана од еден од македонските музички мајстори на сите жанрови, каков што Никола Мицевски, а снимена и миксана во студиото „ХL Момировски“, каде Никола Мицевски и Дејан Момировски ги потпишуваат продукцијата и миксот на истата.
Лирски, во песната содржани се грст емоции, но без лигава патетика, туку низ стихови кои искрено и едноставно ја оддаваат емотивната состојба на една млада девојка и сите нејзини стравови и недоумици, дали одново на старата љубов од која се изгорела повторно да и се препушти или да се обиде сосема да ја заборави?
При тоа она што останало од истата е доволно цврста емотивна нитка, која тешко се раскинува, по која остануваат љубовните погледи со очи ширум отворени… И „Страв“ грешкат да не се повтори!
За песната е снимено едноставно, но мошне функционално видео кое во целост ја следи целата содржинска фабула во стиховите, уметнички боејќи ја лириката и музичките ноти со визуелна перцепција во различни сцени, кои се снимени на неколку локации. Дел во македонската престолнина Скопје, дел во блиското крајбрежје на градот во јужносто соседство во кој пејачката сега е на прва година студии, прекрасниот и сончев Солун.
Видеоспотот го потпишува режијата на Томислав Живковиќ кој се наоѓа и во неколку други улоги при реализацијата на истиот, заедно со бројната екипа потпишана под видеото кое можете да го проследите во продолжение без „Страв“ дека попусто сте изгубиле неколку минути од вашето драгоцено време.

https://www.youtube.com/watch?v=B0AevPxmrJ8

The post Марија Спасовска на „Макфест“ во Штип го покажа сиот свој талент appeared first on Република.

Годинашното издание на Фестивалот на музика „Макфест“ ќе се одржи на 25 и 26 октомври, во Домот на културата „Ацо Шопов“ во Штип. Оваа година новост на фестивалот е што се одбрани дури 28 песни, а останатото е исто, што значи и годинава „Макфест“ќе има ревијален карактер. Првата вечер, на 25 ќе настапат изведувачи, кои се недволно афирмирани, а жири комисија и публиката во салата ќе ги одберат најдобрите 6 кои ќе настапат втората вечер, на која ќе настапат познати музички имиња. Списокот на изведувачи, како што велат од организацијата на фестивалот, ќе биде наскоро објавен.

-Оваа година имаме повеќе песни од изминатите години. За споредба ќе ја кажам 2022 година, а тоа е откако оваа постава почна да го работи „Макфест“, кога имавме помалку од 15 песни пријавени на конкурс. Тоа ни беше „наследство“ од претходното раковдство на фестивалот. Лани имавме 56 пријавени композиции, а оваа година над 70. Тоа се бројки идентични на бројот на пријавени песни на конкурсите на „Макфест“ пред 20-тина години кога македонската забвана музика котираше многу подобро. Оваа година одбравме повеќе компоизиции на фестивалот, за разлика од минатите години. Одбравме вкупно 28 песни, рече уметничкиот директор, Роберт Саздов.

Организатор на фестивалот и годинава е Општина Штип, уметничкиот директор е Роберт Саздов, а член на уметничкиот совет е Јован Јованов

The post „Макфест 2024“ ќе се одржи на 25 и 26 октомври appeared first on Република.

Младата пејачка Тијана Периќ со песната „Бумеранг“ направи бум како дебитант на 38. издание на „Макфест“ . Со впечатливата креација во црвена боја на модната креаторка Ива Спасовска и одличниот настап во придружба на танчерите од Акваденс ги освои симпатиите и на публиката во салата и на жирито и се пласираше меѓу петте најдобри од првата фестивалска вечер. Ја имаше честа да ја отвори ревијалната вечер и да настапи заедно со многу наши познати музички звезди.

Да се појавам на Макфестовската сцена за мене беше остварување на една од многуте музички желби и цели, затоа што тоа е сцена на која што настапиле најголемите македонски sвезди и настанале безброј македонски безвременски хитови. Мојот настап оваа година беше сосем спонтан, но мислам дека сето тоа го направи уште поинтересно целото мое искуство и ќе ми остане засекогаш врежано во мене. Покрај што настапив првата вечер, поминав во оние пет кои настапуваат и на ревијалната вечер и тоа беше навистина голема среќа затоа што бев одбрана од прекрасно жири и навистина ми беше чест, а уште поголема чест ми беше што бев прва и ја отворив ревијалната вечер и ја делев таа вечер сцената со веќе многуте познати музички имиња. Задоволна сум од својот настап во целина затоа што имав прекрасен тим позади мене кои помогнаа песната да звучи модерно и како што многумина луѓе кажаа “да не излезе од глава”, а воедно и сценски настап кој ќе се издвои и ќе биде претпознатлив и запаметен сам по себе. Песната “Бумеранг” ја напиша Ефтимија Јованова, а во тимот на обработка учествуваа и Јован и Иван Јованови. Александар Ристовски-Принц се погрижи за спотот, а пак на сцената на Макфест ме придружуваа танчери од Aqua Dance. За изгледот да биде онаков каков што беше и да биде црешичка на шлагот се погрижи Ива Спасовска за креацијата и студио “Диор” во Штип за шминката и фризурата. И секако, можам со сигурност да кажам дека повторно ќе ме видите на Макфест.

Тијана зад себе веќе има две балади , „Писмо“ и „Сонувам“, а во подготвока е снимање на видео запис за нејзината следна песна која ја најавува за почетокот на декември.

https://www.youtube.com/watch?si=o9yioSNRizE8hxD8&fbclid=IwAR1WXZc3OWEHWXsNmIKHAuaFY7HbH6pIbpQz9uKEruYpdL639RzKazHIwP8&v=dMemQ2WHVUo&feature=youtu.be

The post Тијана Периќ ги освои симпатиите на публиката и жирито на „Макфест“: Ми беше чест што ја делев сцената со многу познати музички имиња appeared first on Република.

Изминатиов викенд, на 20-ти октомври на Фестивалот за забавни мелодии Макфест во Штип, младата талентирана пејачка со одлични гласовни способности Теона Јованоска го имаше своето деби на македонската музичка сцена, во рамките на првата дебитантска вечер.

Теона настапи со љубовната балада „Јас без тебе“, со која ги освои симпатиите на публиката. Со нејзиниот моќен глас, чиста дикција и едноставност на сцената публиката лесно ја препозна по аплаузот со кој ја поздрави по завршувањето на настапот. Од своите искусни колеги доби и бројни комплименти дека од нејзиниот настап и глас сѐ се слуша и сѐ се гледа, дека е родена да биде ѕвезда, и да продолжи да вложува во развој на нејзината музичка кариера.

Музиката и текстот се на неповторливата Сара Мејс, која воедно е и нејзина долгогодишна менторка по пеење. Аранжманот е на Иван Петровски, а спотот е во режија е Каролина Ди.

Теона Јованоска е новото музичко лице што носи свежина на македонската поп сцена.

https://youtu.be/87keMsFZjKQ?si=Pubzj72YBC9yWApE

The post Теона Јованоска со „Јас без тебе“ ја освои публиката на „Макфест“ appeared first on Република.

Овогодинешното 38. макфестовско издание не помина без двократниот победник на единствениот фестивал на забавна музика кај нас - Бојана Скендеровски, која на сцената ја донесе одличната „Да те немам“.

https://www.youtube.com/watch?v=_VluzHKqMAk

Станува збор за брза, клупска песна чии аранжман и музика ги потпишува самата, додека текстот е дело на Робин Зимбаков.

Песната е во малку поинаков стил, но некако сакав на мојата публика да ѝ приредам мало освежување, а воедно сакав да донесам и нешто ново и поразлично и во мојот репертоар, вели Бојана и открива дека нема да застане тука.

Веќе наголемо, вели, се работи на нови песни, се размислува за дует, солистички концерт, а, секако, тука е и проектот „Македонијо во срце те носиме“ кој продолжува напролет.

Освен што на сцената донесе стилски поразлична песна, Бојана се потруди и комплетниот настап и појавувањето да биде уникатно и впечатливо.

За мојот изглед овој пат беше задолжена Ивана Кнез, која инспирацијата за креацијата ја најде во приказната од романот „Дилбер Стана“ на Стале Попов – девојка заробена во прекрасна гардероба и сопствени соништа во копнеж и мечта по љубов. Бисерите како заштитен знак на Ивана Кнез симболизираат моќ за трансформација на негативното во позитивно, кога од проблем се создава волшепство исто како што школката од зрно песок го создава бисерот. Со вера, надеж и љубов, од жена за жени... “, раскажува Бојана и вели дека и таа како во приказната за бисерот ќе се труди и понатаму да создава волшепства.

Бојана беше двоен победник на Макфест – прв пат во 2003 година кога ја отпеа темата „Немам одбрана“ и втор пат во 2015 година кога триумфираше со „Диви цветови“.

The post Бојана Скендеровски со стилски поразлична песна и уникатна и впечатлива појава на „Макфест“ appeared first on Република.

„Бакни ме за крај“ е насловот на композицијата што Симона Поповска ја отпеа викендов на Макфест. Станува збор за песна која е комплетно авторско дело на Горјан Стојановски, а за неа Симона веќе сними и видеозапис, кој го работеше со Крсте Шупев. За нејзиниот изглед во видеото, но и на Макфест беше задолжен стариот и проверен соработник Бобан Тодоровски (шминка и фризура), додека уникатната креација со која се појави на сцената во Штип и која всушност ја претстави како феникс ја изработи Златко Јовановски – ЈЗЈ.

Статистички секоја четврта жена во светот е жртва на родово базирано психолошко насилство од страна на партнерот, а токму преку фениксот кој беше инспирација и за креацијата што ја носев на Макфест сакав да ја испратам пораката што се појавува и на крајот од видеото - дека секој има свој пат и право да го изоди. Секој треба и може да го разбуди фениксот во себе, кој всушност ја симболизира трансформацијата и обновувањето, вели Симона, која по музичката пауза заради мајчинството и семејството реши да се фокусира на создавањето нова музика и да им се врати на живите настапи.

Доста одморав време е за настапи, по Макфест каде имав побрза, да речам клупска песна, веќе се подготвувам за нова, ако сѐ оди како што треба за отприлика два месеци ќе промовирам нешто ново, вели Симона, која цврсто гази по својот избран пат во кој освен за семејството и пеењето место има и за медицината и работата на која ѝ е максимално посветена.

https://www.youtube.com/watch?v=St9F-2HPUo8

The post Симона Поповска сними видео за макфестовската „Бакни ме за крај“ appeared first on Република.

Владо Јаневски, Андријана Јаневска, Бојана Скендеровска, Алексансар Тарабунов, Ламбе Алабаковски, Полина, Љубојна, Таско, но и младите и талентирани Александра Трајчевска, групата Blue, Драгана Јовановска, Јасмин Алиевски и Тијана Периќ ги испеаја новите хитови на 38. издание на ,,Макфест".

Oрганизаторот на „Макфест“ од Општина Штип, Александар Арсовски, вели дека се задоволни од сработеното, а на публиката се понудила музика за сечиј вкус, како за  помладите, така и за повозрасните генерации.

Водители на Фестивалот на забавни мелодии „Макфест“ и годинава беа Маријана Станојковска и Димитар Атанасовски, а за време на втората вечер како водители се појавија Светлана Црнокрак, Миро Кацаров и Вера Јанковиќ, која публиката ја поздрави со макфестовски рефрен, додека, пак, штипската публика возврати со долги и силни аплаузи за единствената Јанковиќ, која пред десет години го водеше фестивалот.

На 38. издание на  „Макфест“ во две фестивалски вечери беа испеани 26 нови забавни песни.

Градоначалникот на Општина Штип, Иван Јорданов, на Пајак и Лара им додели парична награда од 120.000 денари, за најслушна песна во текот на годината.

The post Заврши 38. издание на „Макфест“ appeared first on Република.

Заврши првата фестивалска вечер на „Макфест“ на која беа изведени 13 песни, а публиката и жирито одлучија вечерва да се слушнат пет песни. Најголем број гласови од публиката доби Александра Трајчевска, потоа групата Блу, Драгана Јовановска, Јасмин Алиевски и Тијана Периќ.

Според организаторот на фестивалот од Општина Штип, Александар Арсовски, првата вечер поминала одлично, а публиката и жирите одлучија кои песни ќе се слушнат и изведат на сцената на втората вечер.

Во Центарот за култура „Ацо Шопов“-Штип, вечерва со свои нови песни ќе настапат Владо Јаневски, Љубојна, Александар Тарабунов, Андријана Јаневска, Ламбе Алабаковски, Бојана Скендеровски, Таско, Симона Попоска, Марија Спасовска.

Во 12:00 часот во хотелот „Оаза“ денеска е закажан прес-конференција на којашто организаторот и уметничкиот директор на „Макфест“ ќе ги презентираат впечатоците, но и што ќе се случува на втората фестивалска вечер.

Фестивалот „Макфест“ втора година по ред нема натпреварувачки карактер. Станува пракса да се додели награда за најслушна песна во текот на годината, а оваа година со над 27 милиони преглед на Јутуб е песната „Бела“ изведена од Пајак и Лара.

The post Се одржа првата фестивалска вечер на „Макфест“, вечерва е на ред втората appeared first on Република.

Фестивалот на забавни мелодии “МАКФЕСТ 2023“ – Штип, денес, 12-ти Октомври (Четврток) со почеток во 12.00 часот во хотел ХИЛТОН  во Скопје ја одржa првата  предфестивалска PRESS конференција.

На неа обзнанети сите детали и поединости околу одржувањето на годинешниот  „Макфест 2023“, како и комплетните листи на учесници на двете фестивалски вечери, изведбите, правилата и пропозициите… и сето останато што ќе се случува годинава на најреномиранот македонски фестивал на забавна музика.

Пресот го отвори градоначалникот на Општина Штип, Иван Јорданов, кој во својство на прв човек на организаторот говореше за суштината, значењето, улогата и сето она што „Макфест“ како фестивал значи не смо за општината и нејзината околина, туку и за цела македонија, македонската култура и јазик и националниот идентитет воопшто. При тоа потенцирајќи дека брендот кој трае цели 38 години продолжува да се негува, но на  нов,современ, модерен начин, најмногу близок до младите и нивното поимање на новите музички правци.

Уметничкиот директор на фестивалот, композиторот и музичар Роберт Саздов потенцираше  дека годинешново издание во двете фестивалски вечери има потенцијал да изросди повеќе хитови отколку една Евровизија. Дека песните се модерни, современи, жанровски различни, но певливи и бргу допираат до публиката.

Главниот кординатор на Макфест како претставник од организаторот – општина Штип, Александар Арсовски говореше за техничко – организационите детали на годинешниот „Макфест“  кој со помош од срдствата од општината, помагателите и спонзорите ќе добие една сосема нова компонента како во содржинскиот, така и во техничко-визуелниот квалитет и понуда.

Како што веќе беше најавено, поповеќе од три децении, на сцената на најугледниот фестивал на збавни песни во Македонија, се враќа и една од од најголемите македонски поп ѕвезди на сите времиња – Владо Јаневски. Тој на прес конференцијата направи емотивен осврт и носталгична прошетка по спомените од фестивалските години, потсетувајќи ги новинарите дека на сцената на домот на културата во Штип е уште од првиот „Макфест“. Тогаш како клавијатурист на групата „Бон Тон“ во нивната тогашна песна „Старо купувам“, за подоцна и самиот да биде дел ѕвездените учесници со неговите „Еден бакнеж“ и „Чаирска романтика“, а сега со неговата нова фестивалска тема во најава „Златни години“. аневски исто така говореше за аначењето и улогата на „Макфест“ за Штип, Македонија, но и за младите имиња кои допрва доаѓаат на естрадната сцена.

Членот на уметничкиот совет Јован Јованов која за оваа цел допатува директно од Канада каде последниве години живее и работи, зборуваше за сценскиот изглед на годинешното фестивалско издание, како и за целокупниот визуелен дизајн, но и за застапеноста на современите форми на презентација на фестивалот и неговите содржини преку постојните Интернет платформи и социјалните мрежи.

Пред бројните претставници на медиумите и дел од пејачите  кои беа присутни низ посебна видеопрезентација на видеобимот беа претставени сите учесници…

По 13 во секоја од двете фестивалски вечери, со визуелна најава на изведувачот, името на песната и аудио на рефренот од истата, која ќе ја изведува.

Споменатите протагонисти на крајот одговараа на прашањата од новинарите, а целата Прес конференција ја модерираше официјалниот ПР на „Макфест 2023“, новинарот и водител Антонио Димитриевски кој меѓудругото појасни дека и двете фестивалски вечери на „Макфест 2023“ ќе бидат директно пренесувани на националниот сервис, на првиот канал на МТВ 1, но и на првата програма на Македонското радио- радио Скопје.

Инаку текот на ПРЕСС конференција во живо беше пренесува преку лајв стриминг од страна на Интернет телевизијата „Џингл ТВ“ од Скопје, па така истата можеше во живо да ја проследи целата македонска јавност на Интернет.

По официјалниот дел на ПРЕСС-от следуваше коктел дружење со претставниците на медиумите, како и со дел од пејачите – учесници на годинешниов „Макфест 2023“ кои дојдоа да присуствуваат на прес конференцијата

The post Големи ѕвезди на „Макфест“ appeared first on Република.

Како што најавија организаторите, годинешново 38-мо издание на фестивалот на забавна музика „Макфест 2023“ во Штип, според списокот на музички имиња и квалитетот на песните кои ќе ги изведуваат, нуди мошне атрактивна музичка понуда.
Покрај оние помладите или помалку афирмираните музички имиња кои ќе настапат во првата фестивалска вечер, втората најавува вистинска македонска музичка „прва лига“ засилена со неколку македонски суперѕвезди. Некои од нив пред извесен број години учествувале на „Макфест“, некои за прв пат ќе застанат на фестивалската сцената на домот на културата во Штип, но сите заедно се едни од најголемите македонски музички имиња со бројни хитови зад себе што и денес ги пејат и повозрасните и помладите, а радиостаниците со години не престануваат да ги вртат.
Едно од нив спаѓа меѓу најголемите македонски поп ѕвезди на сите времиња, човекот кој напишал и испеал десетици хитови и оставил зад себе дузина безвременски балади кои ги пеат неколку генерации. Или што би рекле пејачот за сите времиња и сите возрасти, „чаирскиот романтичар“ Владо Јаневски повторно ќе пее на „Макфест“. Триесет (30) години по „Чаирска романтика“, ѕвездата во своите „златни години“ се враќа на сцената на најугледниот македонски фестивал на забавна музика и тоа токму со песна насловена „Златни години“.
„Триесет години после „Чаирска романтика“ и „Еден бакнеж“ доаѓам повторно на Макфест… На 21-ви октомври со нова песна насловена „Златни години“… Се гледаме на „Макфест“! – ќе порача Владо во своето видео-обраќање на Инстаграм, како најава за неговото учество на фестивалот.

Покрај него, меѓу останатите познати музички имиња како што е веќе најавено годинава ќе настапат уште дузина македонски музички ѕвезди, меѓу кои и: чуварите на македонската етно традиција, групата „Љубојна“, Андријана Јаневска, Ламбе Алабакоски, Бојана Скендеровски, Александар Тарабунов, Огнен Здравковски, Таско…
И уште грст други познати имиња од „првата лига“ на македонската музичка сцена, кои ќе се појавата на фестивалската сцена за да создадат „музичка фестивалска симфонија за цела Македонија“ – како што гласи и годинешниот фестивалски слоган.
Се разбира истите засилени со шесте најдобри со највпечатливи песни и нивните изведувачи од првата фестивалска вечер, кои ќе им се придружат на оние во втората макфестовска ноќ на ѕвездите.
Низ двете фестивалски вечери кои и годинава директно ќе ги пренесува МРТ, публиката во домот на културата во Штип како и онаа покрај ТВ екраните и овој пат ќе ја водат фестивалските домаќини, познатата водителска двојка Марјана Станојковска и Димитар Атанасовски. Но пред и за време двете фестивалски вечери на црвениот тепих, на сцената и зад неа – во бекстејџот ќе се појават и неколку други познати македонски естрадни и јавни личности, во улога на фестивалски презентери.
Сепак комплетниот список на учесници во обете фестивалски вечери, сите детали и поединости околу сцената, изведбите, правилата и пропозициите… и сето останато што ќе се случува на годинешниот „Макфест 2023“ јавноста ќе биде запознаена на официјалната ПРЕСС конференценија за медиумите и новинарите која ќе се одржи на 12-ти октомври, четврток, во 12.00 часот во хотелот „Хилтон“ во Скопје.
Се’ на се, годинава не очекува еден малку поинаков, музички посвеж, помодерен и потрендовски фестивал, збогатен со големи музички имиња од македонската естрада, a од друга страна и избор на песни за сите генерации… Од оние што веднаш стануваат инстант хитови, до оние што ќе останат безвременски евергрини, какви што Макфест отсекогаш знаел да даде. Затоа и се очекува и оваа да биде една од оние макфестовски „златни години“!

The post Владо Јаневски повторно на „Макфест“: 30 години по „Чаирска романтика“ ѕвездата се враќа на фестивалот со „Златни години“ appeared first on Република.

Како што најавија организаторите, годинешново 38-мо издание на фестивалот на забавна музика „Макфест 2023“ во Штип, според списокот на музички имиња и квалитетот на песните кои ќе ги изведуваат, ветува уште посодржајна и поатрактивна музичка понуда од минатата година. Ако фестивалот лани направи крупен исчекор од  „неколкугодишната летаргија“, годинава се очекува тој со крупни чекори „од седум милји“ да  зачекори кон изданијата од своите најдобри денови во долгата и богата историја.

За тоа гаранција даваат најнапред избраните композиции во обете фестивалски вечери. Првата вечер на млади надежни имиња и фестивалски дебитанти  воедно има и натпреварувачки карактер, зашто половината најдобри од неа ќе се најдат на сцената на “Макфест 2023“ и во следната, ревијална вечер, рамо до рамо со поголемите, попознати и веќе етаблирани естрадни имиња.

Некои од нив како Драгана Јовановска, Тијана Периќ, Бранкица Свирков – Бани (во дует со Томе Токи), Марија Грујовска, Александра Трајческа… веќе имаат големо естрадно искуство, зашто некои од нив учествувале на поголеми и помали домашни и регионални музички, талент, шоу натпреварувања и фестивали, па поединци дури имаат и фестивалски победи или освојувале друг тип награди.

Како и да е, севкупно и првата вечер ветува одличен сценски настап, потенцијални хитови и балади, интересни дуети и избор на најдобрите кои ќе ја комплетираат втората, ревијална вечер.

Во неа пак годинава ќе имаме вистинска македонска музичка „прва лига“ засилена со неколку македонски суперѕвезди. Некои од нив пред извесен број години учествувале на „Макфест“, некои за прв пат се на сцената на домот на културата во Штип, но сите заедно се едни од најголемите македонски музички имиња, со бројни настапи, концерти, турнеји и секако… дузина хитови зад себе што и денес ги пејат и повозрасните и помладата публика, радиостаниците  со години не престануваат да ги вртат во радиоетерот.

Музички и продукциски, уметничкиот директор Роберт Саздов и неговиот тим соработници како што самиот изјави, направија се’ звукот на „Макфест“ да биде уште поблизок до актуелните, светски, музички трендови  од друга страна, со свеж  звук и модерна продукција блиски до младата публика, да не се заборави и онаа повозрасната, која ќе може да ја препознае песната блиска до нејзиниот вкус и сензибилитет. Со еден збор на „Макфест 2023“ ќе има музика за сите вкусови и возрасти.

Со таа цел и во тој дух е создаден и годинешниот слоган, односно годинешното мото на фестивалот:  „38 години Макфест – „Фестивалска симфонија за цела Македонија“! Како дел од фестивалскиот редизајн е и новата официјална музичка шпица на „Макфест“, која после цели 32 години ќе ја доживее својата замена, а нејзин автор е токму уметничкиот директор на фестивалот, реномираниот македонски  композитор и музичар, Роберт Саздов.

Организационо-извршната и продуценстка екипа  предводена од Александар Арсовски, организатор и координатор на Макфест од општина Штип,  исто така има полни раце работа, сакајќи фестивалот покрај музичките, да го надополни и со иновативни визуелно-сценски содржини, кои ќе ја збогатат комплетната аудио-визуелна слика на „Макфест 2023“ за комплетно уживање и на публиката во салата и на ТВ гледачите.

Претходно за сите детали и поединости, претставниците на македонските медиуми ќе бидат известени и информирани на ПРЕСС конференцијата со мини коктел, која е планирана да се одржи во првата половина на месец октомври во еден елитен хотел во Скопје. На неа ќе бидат презентирани и најмалите ситници околу учесниците, композициите, водителите, презентерите, жирито, црвениот тепих, фоајето, сцената, бекстејџот… И секако директниот ТВ пренос на МРТ од двете вечери, но и директниот „лајв стриминг“ на Интернет  и социјалните мрежи на уште неколку интернет канали и платформи на кои сите случување пред почетокот, за време на одржувањето и по завршувањето на „Макфест 2023“ ќе бидат директно емитувани, а изјавите, разговорите, интервјуата… на фестивалските  протагонисти преку снимки, поткасти и емисии и одложно емитувани.

Се на се’,  на годинешниов „Макфест 2023“  кој ќе се одржи на 20 и 21 октомври во Центарот за културата „Ацо Шопов“ во Штип очекувајте едно многу поинакво издание на најпознатиот фестивал во Македонија.

The post „Макфест 2023“: Македонската музичка „прва лига“ и музика за сите вкусови и возрасти appeared first on Република.

Во однос на „Макфест“ дадената сума е во согласност со апликацијата, а тука беа земени в предвид повеќе параметри, рече министерката Бисера Костадиновска Стојчевска на брифинг со новинарите, по реакцијата на градоначалникот на Штип дека овие пари се премалку и  дека Министерството за култура продолжува да ја понижува македонската естрада и фестивалот, но и Штип како град домаќин.

Комисијата смета дека квалитетот на фестивалот е во пад, како од авторски, така од изведувачки и продукциски аспект. Не се изведува во живо, освен пеењето што е еден од клучните параметри во оценката на комисијата. А и самата општина учествува во негово орган изирање, рече министерката и додаде:

Нема да ја коментирам изјавата на градоначалникот која е под секое нив на политичар, кој е одговорен како што треба да е тој, бидејќи оваа апликација е втора година по ред иста, рече Костадиновска-Стојчевска.

https://republika.mk/vesti/kultura/ministerstvoto-za-kultura-saka-da-go-zgasne-makfest-reagira-gradonachalnikot-na-shtip/

The post Комисијата смета дека квалитетот на „Макфест“ е во пад, како од авторски, така од изведувачки и продукциски аспект appeared first on Република.

Министерството за култура од годишниот буџет за тековната година за фестивалот за забавни мелодии издвои само 6.500 евра. Градоначалникот на Општина Штип Иван Јорданов на денешната прес-конференција истакна дека втора година по ред Министерствoто за култура е со намера да го згасне и уништи најреномираниот фестивал за забавни мелодии „Макфест“.

Според Јорданов, оваа одлука е понижување за македонската естрада, штипјани, како и за целата македонската јавност.

Буџетот, кој што е предвиден од страна на Министерството за култура за манифестации и настани оваа година е во износ од 760 милиони денари, а за „Макфест“, најпопуларниот и единствениот македонски фестивал, се предвидени срамни 400.000 денари, вели Јорданов.

Тој на прес-конференцијата истакна дека во име на транспарентноста, наведува само неколку примери, каде ќе се одлеат парите на македонските граѓани во тековната година.

За „Лира фест 2023“ се одвоени повеќе од милион денари. За „Шкупи фест“ се одвоени повеќе од еден милион денари, но за „Макфест“ помалку од 400.000 денари. Овие средства нема да ги примаме, ќе ги вратиме и можат слободно да ги пренаменат за друг настан што оваа година сакаат да го финансираат, додаде Јорданов.

Посочи дека организацијата на фестивалот „Макфест“ чини околу шест милиони денари, колку што и во минатото ресорното министерство одвојуваше средства.

Општината и годинава од сопствениот буџет, со помош на општествено одговорни компании и спонзори ќе обезбеди финансии за да не дозволи да згасне брендот на градот Штип и на македонската забавна мелодија, рече Јорданов.

The post Министерството за култура сака да го згасне „Макфест“, реагира градоначалникот на Штип appeared first on Република.

Од следната година ќе се воведе посебен критериум кој ќе може да настапи на „Макфест“. Ова во новата „Еден на еден“ го најави уметничкиот директор Роберт Саздов, кој рече дека музички фестивал од тој калибар не треба да биде мегдан за претставување на нови пејачи или промоција, туку место каде повторно ќе настапуваат само врвни музички имиња.

Ќе може да настапуваат само пејачи кои имаат, пример, најмалку три видеа со над 100 илјади прегледи на „Јутјуб“ или минимум 10.000 следачи на „Инстаграм“, рече тој.

Се сеќава некој на Сара Марковска? Не!, рече тој потсетувајќи дека таа победила во 2012 година, кога Тамара заврши на второто место.

https://youtu.be/mLIKzYRgDMA

The post „Се сеќава некој на Сара Марковска? Не!“: На „Макфест“ ќе настапуваат само пејачи со многу прегледи на „Јутјуб“ или следачи на „Инстаграм“ appeared first on Република.

Една од водителите на „Макфест“ беше и Лила Филиповска. Таа на црениот тепик се појави  со шлиц до колковите што беше поздравено од обожавателите кои ја чекаа надвор.

Отако продефилира со својата придружба таа влезе во салата каде беше пречекана со аплауз од публиката.

The post Лила со шлиц до колковите на црвениот тепих на „Макфест“ appeared first on Република.

Вечерва во Штип започнува 37. издание на еден од најреномираните фестивали во македонската музичка историја „Макфест“ 2022.

На сцената во Домот на културата „Ацо Шопов“, вечерва ќе се одржи првата фестивалска вечер посветена на младите ѕвезди.

Ова  издание на фестивалот ќе биде различно по многу работи. Втората вечер ќе биде ревијална, нема да има победници.

Новина е што фестивалот ќе го водат дури пет водители. Двајца главни водители ќе бидат Марјана Станојковска и Димитар Атанасовски, додека, пак, во улога на презентери-ѕвезди ќе бидат Лила Филиповска, Миланка Рашиќ, Јана Бурчевска и познатиот ракометар Борко Ристовски.

The post Борко Ристовски е еден од петте водители на годинашниот „Макфест“ appeared first on Република.