Со жрепка во седиштето на ЕХФ во Цирих попладнево беа одредени квалификациските групи за пласман на Европското првенство во ракомет за жени во 2024 година.

Жрепката одлучи Македонија да биде во групата 5 заедно со Шпанија, Литванија и Азербејџан.

Домаќини на Европското првенство идната година ќе бидат Швајцарија, Австрија и Унгарија, а пласман на завршниот турнир ќе обезбедат двете најдобро пласирани репрезентации во осумте квалификациски групи, како и четирите најдобро треторангирани селекции.

Евроквалификациите стартуваат во октомври оваа есен, а ќе финишираат во април идната година.

The post Македонските ракометарки во група со Шпанија, Литванија и Азербејџан во квалификациите за ЕП2024 appeared first on Република.

Ракометната федерација на Македонија (РФМ) од денеска до 10 август ќе биде домаќин на Светското првенство за ракометарки до 18 години.

Натпреварите ќе се играат во Скопје, во СЦ „Борис Трајковски“ и СЦ „Јане Сандански“, а влезот за навивачите ќе биде слободен.

На турнирот ќе учествуваат 32 репрезентации. Македонскиот тим ќе игра во групата Б, заедно со Иран, Сенегал и Узбекистан.

Воведниот натпревар „црвено – жолтите“ ќе го играат вечерва од 20:30 часот против Сенегал, по што ќе следуваат дуелите против Узбекистан, в недела, и против Иран на државниот празник 2 август.

Сите три натпревари од групната фаза македонските ракометарки ќе ги играат во СЦ „Борис Трајковски“ со почеток во 20:30 часот.

The post Скопје од денеска домаќин на Светското првенство за ракометарки до 18 години appeared first on Република.