Објавена е нова ранг листа на најмоќните пасоши во светот која се води од тоа со кој пасош каде можете слободно да патувате без да ви биде потребна виза. Според „Henley Passport Index“ (HPI) од земјите од поранешната држава, Босна и Херцеговина сè уште е најлошо рангирана и е на 43-то место, заедно со Албанија. Граѓаните на овие земји слободно можат да патуваат во 123 земји.

На оваа листа највисоко котира Словенија. Таа е на 10 место со 184 земји во кои можат да патуваат нејзините граѓани без виза. По неа е Хрватска, на 11. место, затоа што на нејзините граѓани им овозможила без виза да патуваат во 183 земји. Српскиот пасош е на 34 место со 140 дестинации. Црна Гора е на 41 место со 128 дестинации.

Македонија го дели 41 место со Црна Гора. Со нашиот пасош можеме без виза да патуваме во 128 земји.

Најмоќниот пасош во светот е сингапурскиот, со кој без виза може да се патува во дури 195 земји.

На второ место се пасошите на Јапонија, Германија, Франција, Италија и Шпанија кои овозможуваат безвизно патување до 192 дестинации. Високо рангирани се и Јужна Кореја, Шведска, Финска, Австрија, Ирска, Луксембург и Холандија, кои ја делат третата позиција, а чии граѓани можат без виза да патуваат во 191 земја.

На дното на оваа листа, на 103. место е Авганистан, чиј пасош дозволува патување во само 26 земји без виза. Претпоследна е Сирија со 28 дестинации, додека Ирак е на 101 место со 31 дестинација. Бројот 100 на листата го делат Пакистан и Јемен со 33 дестинации.

The post Авганистанскиот пасош е најслаб во светот, а на Балканот две земји го делат последното место appeared first on Република.

Интернет страницата Passport Index редовно објавува листа на најмоќните пасоши во светот, а според последниот список на прво место е пасошот на Обединети Арапски Емирати.

Паспрот Индекс ги рангира пасошите на 96 земји ширум светот.

Оние кои имаат пасош од ОАЕ можат да патуваат во 180 земји низ светот без виза.

Второто место, со можност за патување во 178 земји без виза, го делат пет земји – Германија, Шпанија, Франција, Италија и Холандија.

Третото место без виза може да патува во една земја помалку – 177, а го делат пет земји и тоа Шведска, Финска, Луксембург, Австрија и Швајцарија.

Шест земји се на четвртото место – Данска, Белгија, Португалија, Полска, Ирска и Јужна Кореја, а оние кои ги поседуваат овие пасоши можат без виза да патуваат во 176 земји.

Петтото место го делат осум земји. Оние кои имаат пасош на Сингапур, Грција, Норвешка, Чешка, ОК, Унгарија, Јапонија или Нов Зеланд, можат да патуваат во 175 земји низ светот без виза.

На шестото место се три пасоши – словачки, американски и австралиски. Со нив може да се патува во 174 земји без виза.

Словенија го дели седмото место со четири други земји – Малта, Естонија, Литванија и Канада, а нивните граѓани можат да патуваат без виза во 173 земји.

Во топ 10 е и Хрватска, која го дели тоа место со Летонија, Исланд и Лихтенштајн. Со овие пасоши можат да се посетат 172 земји без виза.

Оние кои имаат бугарски, романски или кипарски пасош без виза можат да влезат во една земја помалку.

Српскиот пасош е на 32 место, а со него без виза може да се патува во 137 земји.

Пасошот на Македонија е на 36 место, заедно со Самоа и Тувалу, чии граѓани без виза можат да патуваат во 130 земји.

Црногорскиот пасош е на 37 место кое го дели со турскиот пасош, а со нив без виза може да се патува во 129 земји.

Пасошот на БиХ е на 44 место, а оние кои го поседуваат можат без виза да посетат 121 земја.

The post Објавена листата на најмоќните пасоши во светот, македонскиот на 36 место appeared first on Република.

Македонските граѓани, при валидни и важечки лични документи, се принудени да вадат нови заради власта на СДС, која ги обврзува да го сторат тоа до февруари. Едно просечно семејство за да извади нови документи треба да потроши над 180 евра, многу време и нерви, oбвинува ВМРО-ДПМНЕ.

Сликите од редици на граѓани кои брзаат да извадат документи потсетуваат на некоја земја од третиот свет, каде што пред хангари, во девалвирачки услови под секое достоинство граѓаните чекаат редици со часови.

За ова директна одговорност имаат Оливер Спасовски и владата на СДС. Патем да биде поапсурдно подобри услови за вадење на документи имаа 215 белосветски криминалци, нарко-дилери, убијци, мафијаши и слични ликови кои добија гланц нови пасоши од просториите на МВР со злоупотребен идентитет,  пред само некое време. Тие криминалци имаа ВИП третман во споредба со македонските граѓани кои на дожд, ветер и студено време чекаат пред хангар да се сликаат за документ, бидејќи власта на СДС ги обврзува, велат од ВМРО-ДПМНЕ.

The post Овие криминалци добија пасоши побрзо од македонските граѓани appeared first on Република.

The post Легален македонски пасош е 200.000 евра, за криминалците и над 10 пати поевтино appeared first on Република.

Отчет од директорот на Агенцијата за национална безбедност Виктор Димовски за тоа како контроверзниот украински политичар Онишченко добил позитивна безбедносна оценка за македонски пасош бара пратеничката група на ВМРО-ДПМНЕ. Отчетот се бара преку собраниската Комисија за надзор на безбедносните служби свикана за среда.

Од владејачкото мнозинство пак, засега без коментар дали ќе го обезбедат кворумот на оваа Комисија со која претседава опозицијата за таа вопшто и да се случи.

Поради скандалот со Украинецот, викендов опозицијата побара и повлекување на Димовски како предлог на МНР за амабсадор за Франција. По објавените информации за Укринецот, премиерот Ковачевски најави ревизија на случајот.

Онишченко го доби македонскиот пасош од Владата врз основа на барање на Федерацијата за коњачки спортови од каде оцениле тој може да придонесе за развој на овој спорт. Дури 4 државни институции, меѓу кои и АНБ дале позитивно мислење за него и покрај тоа што тој од лани е на црната листа на САД, но има информации дека е распишана и меѓународна потерница.

The post Собранието ќе бара објаснување од директорот на Агенцијата за национална безбедност како Онишченко добил македонски пасош appeared first on Република.

Полициската управа на Истанбул соопшти дека во работите на ископување во подрачјето на Саријер не е пронајдено ништо сомнително во ископувањето во областа Саријер и дека против оние кои ја доведуваат јавноста во заблуда ќе бидат преземени правни постапки, јавува Агенција Анадолија (АА).

Во соопштението се наведува дека Секторот за борба против организираниот криминал откри дека лицето З.Б., странски државјанин и член на организирана криминална група, влегол во Турција со лажен македонски пасош издаден на име Ј.А.Б. и дека престојувал во Истанбул.

Тоа лице е фатено во подрачјето на Саријер во полициска акција спроведена на 4 ноември

При претрес во живеалиштето на тоа лице пронајдени се и запленети лажна лична карта, пасош и дигитален материјал.

По добиена дојава дека тело на едно лице е закопано во градината на истата таа резиденција, по налог на јавен обвинител извршени се работи на ископување и не е пронајдено ништо сомнително. Полициската управа на Истанбул работи на заштита на мирот и благосостојбата на нашиот град. Одлучно продолжува со борбата против сите видови криминал и криминалци, се наведува во соопштението.

The post Истанбулската полиција уапсила странец член на криминална група со лажни македонски документи appeared first on Република.

Емре Олур, портпаролот на Седат Пекер (кој доби македонски пасош), екстрадиран од Албанија во Турција, објави порталот ДуваР.

The post Емре Олур, портпаролот на Седат Пекер, кој доби македонски пасош, екстрадиран од Албанија во Турција appeared first on Република.

Убијците на Јован Вукотиќ (42), водачот на Шкаљраскиот клан, кој беше брутално убиен во Истанбул, наводно со месеци се обидувале да го најдат, откако во август минатата година ја напуштил Црна Гора и потоа му се губи секаква трага.

Според неофицијални информации, убијците успеале да дојдат до водачот на „Шкаљарците“ откако ја лоцирале неговата сопруга! Инспекторите се сомневаат дека зад бруталната ликвидација стои спротивставениот Кавачки клан, со кој Вукотиќ и неговата организација се во конфликт од 2014 година.

Безбедна куќа

Вукотиќ беше крајно претпазлив бидејќи знаеше дека со години е мета и дека ривалскиот Кавачки клан се обидува да му влезе во трага. Извесен период се шпекулира дека тој и неговото семејство нашле „сигурна куќа“ во Истанбул. Сепак, како што се сомнева, суровите убијци успеале да ја лоцираат неговата сопруга и така да дојдат до него - открива извор на српски „Курир“.

Како потсетување, Вукотиќ беше убиен во автомобилот во кој бил со бремената сопруга Маша М. и нивната ќерка.

https://republika.mk/vesti/balkan/narkobosot-vukotikj-koj-od-mvr-na-spasovski-dobi-makedonski-pasosh-e-ubien-vo-istanbul/

Изворот на „Курир“ открива дека, судејќи по изјавите на сведоците и трагите пронајдени на местото на убиството, Јован Вукотиќ забележал дека е во животна опасност.

Одредени докази од местото на злосторството укажуваат дека тој се обидел да го откачи појасот, но не успеал, бидејќи убијците биле побрзи. Тоа укажува дека веројатно ги забележал кога со голема брзина се приближувале кон автомобилот. Можно е да имал намера да се наведне и на тој начин да се заштити - изворот на „Курир“ открива нови детали од истрагата за ликвидацијата.

Двајца напаѓачи

Тој наведува и дека сведоците опишале дека неговата сопруга врескала и викала помош, а преплашеното дете плачело во автомобилот.

Се сомнева дека имало двајца напаѓачи на мотоцикл. Според неофицијални информации, убијците со мотор се приближиле до автомобилот, сопатникот испукал неколку истрели, а потоа стиснале гас и побегнале.

Во убиството сигурно имало повеќе луѓе, сигурно е дека го следеле Вукотиќ барем неколку дена и го чекале вистинскиот момент. Не е исклучена можноста некој да им дал сигнал на убијците кога да одат - додава соговорникот на „Курир“.

Според неофицијални информации, Вукотиќ со себе имал пасош на друго име, кој најверојатно го користел за да ја затскрие трагата. Да потсетиме, за време на судскиот процес за употреба на фалсификуван македонски пасош, Вукотиќ пред судот во Белград призна дека користел патна исправа со негова слика, но со друго име, за да ги преминува границите, како и за „корумпираните полицајци да не ги информираат убијците каде се наоѓа“.

https://republika.mk/vesti/balkan/koj-beshe-jovica-vukotikj-odnosno-georgi-andonov-ja-imashe-najzgodnata-manekenka-na-soprugata-i-podmetnaa-cijanid-za-da-go-otrue/

Засега не е познато како убијците ја лоцирале Маша М., со која Вукотиќ е во вонбрачна врска од 2018 година. Таа ќе биде сослушана во турската полиција бидејќи е очевидец на злосторството што се случи – додава изворот на „Курир“.

Исто сценарио

Соговорникот на „Курир“ потсетува дека во јануари 2020 година убијците успеале на ист начин во Атина да го лоцираат најблискиот соработник и кум на Вукотиќ, Игор Дедовиќ. За потсетување, Дедовиќ беше убиен заедно со членот на кланот „Шкаљарците“, Стеван Стаматовиќ, во ресторан во главниот град на Грција, пред очите на многу гости, но и на нивните сопруги и деца.

И тогаш истражителите се сомневаа дека „Шкаљарците“ се лоцирани преку нивните сопруги, кои дошле во Грција да поминат семејни одмори. Вечерата на која биле убиени требало да биде проштална, бидејќи следниот ден сопругите требало да се вратат дома. Очигледно, тие биле толку внимателни што сопругите и децата се возеле до ресторанот одделно, со такси. Сепак, убијците веќе го знаеле секој нивен потег. Влегоа во ресторанот, се раширија околу масата и пукаа во „Шкаљарците“, а потоа излегоа надвор и тргнаа со автомобилот што ги чекаше - се присетува соговорникот на „Курир“.

https://republika.mk/vesti/makedonija/ubienite-shkaljarci-vo-atina-stignale-so-makedonski-pasoshi-albanec-pak-si-kupil-pasosh-so-zensko-ime/

The post Водачот на „Шкаљарците“ го следеле преку бремената сопруга: „Македонецот“ Вукотиќ во Истанбул престојувал со свој пасош на друго име appeared first on Република.

Oткако вчера се објави дека во Истанбул е убиен Јовица Вукотиќ, водач на Шкаљарскиот клан се поставуваат неколку прашања.

Со каков пасош е тој убиен ако се знае дека МВР му издаде македонски пасош и тој стана Георги Андонов?

Токму со наш пасош Вукотиќ беше уапсен токму во Турција пред три години од каде беше со специјален авион однесен во Србија. При апсењето тој тврдеше дека има легален македонски пасош и ја говореше вистината.

Неговиот вистински лик беше додаден на идентитетот на извесен Георги Андонов. Веројатно станува збор за лице кое никогаш не извадил наш пасош или веќе не живее во Македонија.

Поранешниот премиер Зоран Заев тврдеше дека не знае кој е Вукотиќ а пак министерот за внатршни работи Оливер Спасовски лани на брифиг со новинарите убедуваше дека овие пасоши се поништени но не достави ниту еден доказ.

Затоа, МВР е должно да одговори дали Вукотиќ во Турција влегол со наш пасош!

https://republika.mk/vesti/balkan/raspishana-poternica-za-vukotikj-dali-vodachot-na-shkaljarskiot-klan-izbega-so-makedonskiot-pasosh/

The post МВР не докажа дека пасошите на криминалците се поништени, дали Вукотиќ е убиен со македонски пасош?? appeared first on Република.

Наркобосот Вукотиќ, кој од МВР на Спасовски доби македонски пасош во Драчево (на име Георги Андонов), е убиен во Истанбул.

The post Наркобосот Вукотиќ, кој од МВР на Спасовски доби македонски пасош, е убиен во Истанбул appeared first on Република.

Министерството за надворешни работи испрати мобилна екипа во Амбасадата во Пекинг, со цел драстично да се скрати постапката за издавање патни исправи на нашите државјани и во НР Кина.

Со новата опрема, времето на чекање треба да се скрати на неколку недели, од претходните 6-9 месеци (а во прекуокеанските земји и повеќе од година дена).

Проширување на проектот во Кина досега беше оневозможен поради рестриктивни мерки за карантин - соопштија од МНР.

Со ова, бројот на дипломатско-конзуларни претставништва опремени со ваква опрема се зголемува на 15.

The post Во Кина почна мобилно издавање македонски пасоши appeared first on Република.

Со македонскиот пасош може без виза да се патува во 124 држави во светот, со што тој е рангиран на 33-то место на листата изработена според индексот на патни исправи „Артон Капитал“, со кој се опфатени пасошите на 193 земји членки на Обединетите нации и плус на Ватикан, Косово, Тајван, Макао, Хонг Конг и палестинските територии.

Како што јави дописникот на МИА од Белград, според овој индекс, Србија е на 25 место бидејќи нејзините граѓани можат без виси да посетат 134 земји, Црна Гора го дели 33-то место со земјава со можност за патување во 124 држави, Босна и Херцеговина е на 41 место, со чиј пасош може слободно да се влезе во 116 земји, а Косово е на 82 место.

Јапонија, Сингапур и Јужна Кореја се трите земји со „најмоќни пасоши“, бидејќи нивните граѓани можат да патуваат во сите земји во светот без виза.

Земји со „најмоќни пасоши“ во Европа се Германија и Шпанија, со чии патни исорави може без виза да се патува во 190 држави, а потоа следат Финска, Италија и Луксембург со „слободен влез“ во 189 земји.

Австрија, Данска, Холандија и Шведска се на делба на петтото место, додека Франција, Ирска, Португалија и Велика Британија го делат шестото место. Нов Зеланд и САД се на седмото, веднаш по нив како осмопласирани се Белгија, Норвешка и Швајцарија.

Граѓаните на Авганистан повторно се на дното на листата со најслаб пасош, бидејќи можат да патуваат само во 27 земји откако ќе поднесат барање за виза.

The post Со македонски пасош може да се патува во 124 земји без визи appeared first on Република.

Откако српските власти објави дека водачот на Кавачкиот клан Радоје Звицер подготвувал атентат врз претседателот Александар Вучиќ, македонското МВР побрза да објави дека пасошите на овие криминалци се поништени. МВР не демантира дека им издале пасоши туку дека патните исправи веќе се поништени и тие не можат веќе да ги користат за патување.

„Република“ направи пресек кој се од светските и балканските криминалци станаа „Македонци“

Најголемо внимание предизвика Седат Пекер од Турција. Тој самиот објави дека се се сретнал со Заев во неговиот дом и оти македонската лична карта ја добил откако се сликал во полициската станица во Драчево. Тој го доби името Џадин Адемовски.

Пекер во Македонија воопшто не се криеше и се шеташе на Матка, низ Кејот а се фотографираше со членови и активисти на СДСМ а за него беа и обезбедени и автомобили со флешери за побрзо да се пробива низ гужвата.

Во Црна Гора владеат два клана Кавачки и Шкаљарски.Заев и МВР не ги делеле и на двајцата нивни водачи им доделиле македонски пасош.

Јовица Вукотиќ од Шкаљарците самиот во судот во Белград призна дека има македонски пасош на име Георги Андонов и за него платил помеѓу 15 и 25.000 евра. Со него беше и уапсен во Анкара Турција.

При апсењето тој тврдеше дека пасошот е најрегуларен и тоа е точно.Тоа се нормални пасоши на луѓе кои навистина постојат но никогаш не аплицирале за пасош и на кои само е вметната фотографија од криминалците.

Како егзекутор на Кавачкиот клан е познат Стефан Ѓукиќ кој исто така доби македонски пасош и стана Каче Герги.

Македонски патни исправи добиле и Игор Дедовиќ и Стеван Стаматовиќ од Шкаљарскиот клан кои во 2020 година беа изрешетани во ресторан во Атина.Тие во 2018 година станаа Горан Тасевски и Емил Филипов но нашите патни исправи не ги спасија од одмаздата на Кавачкиот клан.

Македонец по заслуга на Заев и Спасовски стана и водачот на италијанската мафија Ндрангета. Валид Иса Хмаис кој важи за главниот перач на пари од трговијата со кокаин на италијанската нарко мафија на 09.01.2019 година во Скопје во регуларна постапка се сликал во управните служби на МВР, а потоа и го подигнал македонскиот пасош со украден идентитет на Македонец од Корча, Вурмо Таќо роден 1965-тата година.

И како за финале пред неколку месеци беше откриено и дека Луис Волина, косовски нарко бос беше фатен во Шпанија со македонски пасош и осуден на пет години затвор.

The post Не е само Звицер: Maкедонски пасоши добија и Седат Пекер, водачот на „Шкаљарците“ Вукотиќ и на италијанската „Ндрангета“ appeared first on Република.