Ракометната федерација на Македонија (РФМ) соопшти дека билетите за Европското првенство во ракомет кое се игра во јануари се распродадени од страна на организаторот.

РФМ преку соопштение ги информира навивачите дека нема билети за престојното Европско првенство во Германија. Организаторот ги распродал влезниците за групата А каде што е и Македонија.

„Ве известуваме дека до Ракометната Федерација на Македонија секојдневно пристигнуваат барања за билети за претстојното Европско ракометно првенство во машка сениорска конкуренција, кое ќе се одржува во Германија во период од 10ти до 28ми јануари 2024 година.

Ракометната Федерација на Македонија, односно машката сениорска репрезентација е учесник на претстојниот спортски настап, согласно регулативата на Европската ракометна федерација правата за продажба на билети за европски спортски настани се кај домаќинот на првенството, во овој случај тоа е ракометната федерација на Германија и нивниот организационен комитет.

Европската ракометна федерација преку своите медиумски соопштенија уште во месец мај 2023 година, објави дека има огромен интерес за билети за претстојното првенство и дека половина од билетите за натпреварите во продажба се веќе распродадени, особен интерес и побарувачка за билети имаше во групата А каде настапува и македонската сениорска репрезентација, бидејќи во група А се наоѓа и домаќинот Германија.

Од страна на организаторот преку online мрежата за продажба, во месец септември 2023 година беа пуштени во продажба и последните слободни 10.000 билети, кои во екстремен брз временски рок беа распродадени.

Ве молиме бидете информирани дека билетите за натпреварите во Група А каде настапува и македонската репрезнетација, по добиената информација од страна на ракометната федерација на Германија и нивниот организационен комитет се распродадени“, стои во соопштението на РФМ.

Вообичаено за големите натпреварувања секоја репрезентација добива контингент на билети за своите навивачи, но овојпат тоа не е случај. Оние Македонци кои купиле билети по регуларен пат, ќе можат да ја бодрат репрезентацијата во живо.

The post Распродaдени се билетите за ракометното ЕП во Германија, нема карти за македонските навивачи! appeared first on Република.

Македонските навивачи се веќе на улиците на Прага и се загреваат за натпреварот на Македонија против Украина кој се игра од 15:00 часот.

Со македонски знамиња и симбоили, со навивачки песни и одлична атмосфера со многу расположение македонските навивачи се загреваат пред натпреварот на македонската фудбалска федерација денеска против Украина за евроквалификациите.

The post Се загрева атмосферата со македонските навивачи во Прага appeared first on Република.

Македонски навивач ја шокираше новинарската екипа на БТВ која го праша за тоа што мисли за бугарскиот народ, во пресрет на натпреварот помеѓу Македонија и Бугарија во Лигата на нации.

Навивачот им посочи дека ние си имаме свои и тие си имаат свои херои, но она што е најинтересно е што помеѓу бугарските херои тој го напомена и екс премиерот Зоран Заев.

Погледнете го видеото и реакцијата на новинарската екипа:

The post Македонски навивач им порача на Бугарите: Вие си имате свои херои како Зоран Заев, ние наши како Гоце Делчев, Јане Сандански и Горан Пандев appeared first on Република.

Расмус Бојсен, данскиот ракометар и поранешен репрезентативец, ја посочи македонската Фаланга, како најдобра навивачка група во светскиот ракомет после комплетирањето на првата фаза на Европското првенство во Унгарија и Словачка.

Иако Македонија заврши трета одзади на овој континентален шампионат после трите порази од Словенија, Црна Гора и од светскиот првак Данска, македонските навивачи се број еден и за Бојсен нема дилема кој е најдобар на трибините.

„Навивачите се вратија и беа прекрасни досега. Ракомет без навивачи на трибините не е исто, а моите три најдобри ракометни навивачи на светот се – Македонија, Унгарија, па Хрватска“, објави Бојсен.

Македонската Фаланга никогаш Македонија не ја остава сама, па во Дебрецин уште еднаш ја покажа сета приврзаност кон ракометната селекција, а Данците ги остави без зборови со навивањето во понеделникот и при негатива од десет голови разлика, кога едноставно ечеше македонска песна во „Феникс Арената“, а после поразот три минути им пееа на избраниците на Кирил Лазаров и не ги пуштаа да си заминат во соблекувалните.

The by far best part of this championship so far? The fans are back - and they have been amazing!

Handball without fans in the stands is just not the same.

My top 3 handball fans of the world:
1. Macedonians
2. Hungarians
3. Croatians

What’s yours?#handball

— Rasmus Boysen (@RasmusBoysen92) January 19, 2022

Преземено од Спорт1

The post Македонците се најдобри ракометни навивачи на свет! appeared first on Република.

Дисцилплинската комисија на Европската ракометна федерација (ЕХФ) го казни црногорскиот ракометар Марко Ласица со 5.000 евра (од кои 2.000 евра се условна казна на две години), откако влезе во конфликт со македонските навивачи по вчерашната победа на Црна Гора против Македонија (28-24) на Европското првенство во Унгарија и Словачка.

Ласица плукна кон навивачите на Македонија, по што за среќа беше избегнат поголем инцидент, поради реакцијата на соиграчите на Ласица. Денеска, тој се извини на македонските навивачи.

Сакам да се извинам на македонската јавност и да ја објаснам ситуацијата. Во текот на целиот меч бев гаѓан со монети и плукан, а по натпреварот еден таканаречен навивач повторно ме плукна кога бев во негова близина. Направив грешка и затоа се извинувам. Посебно ја ценам македонската публика и нејзината посветеност кон репрезентацијата и клубовите. Мојата реакција е за осуда и уште еднаш се извинувам – вели Ласица.

https://republika.mk/sport/rakomet/skandalozno-odnesuvanje-na-crnogorski-reprezentativec-lasica-gi-plukna-makedonskite-navivachi/

The post Ласица им се извини на македонските навивачи што ги плукаше appeared first on Република.