Културно-информативниот центар на Република Македонија во Софија во рамките на Единаесеттиот меѓународен франкофонски фестивал „Солеј“ ќе учествува со два настана.

На 5 јуни 2022, 18:00 часот, во Градска галерија во Созопол ќе биде отворена изложбата „Слобода?!“, составена од дела на македонски и бугарски современи ликовни уметници.

По отворањето на изложбата од проектот „Поврзување“ во Градската галерија во Созопол, КИЦ на Република Македонија учествува во културната програма на Единаесеттиот меѓународен франкофонски фестивал „Солеј“ со уште еден културен настан, а тоа е концертот на Трио Академико (Златка Митева – флејта, Бранко Павловски – кларинет, Наташа Трбојевиќ – пијано) . Концертот на наставниците од Факултетот за музичка уметност во Штип ќе се одржи на 5 јуни (недела) 2022, со почеток од 20:30 часот во Археолошкиот музеј на Град Созопол.

The post Македонскиот културен центар во Софија учествува со изложба и концерт на 11. Меѓународен франкофонски фестивал „Солеј“ appeared first on Република.