Вратени им се камионите и превезуваната роба на македонските транспортери кои беа запленети од украинските власти на граничниот премин „Јагодине” меѓу Украина и Полска, соопшти МНР.

По многубројните активности преземени од страна на Министерството за надворешни работи и нашите амбасади во Полска и Украина, како и благодарение на соработката од страна на украинските надлежни институции, на транспортерите на камиони на граничниот премин меѓу Украина и Полска – „Јагодине” им беа вратени камионите и превезуваната роба, што претходно беа запленети од страна на украинските локални власти. Со ваквиот чекор, а благодарение на преземените дипломатски активности беше решен проблемот на нашите превозници и беа избегнати големи материјални штети за нивните компании, стои во соопштението од МНР.

The post Украина им ги врати запленетите камиони на македонските превозници appeared first on Република.

По речиси две недели чекање на границата меѓу Украина и Полска, возачите на валандовска фирма добиле дозвола да излезат од државата, меѓутоа без нивните камиони.

Сопственикот на фирмата кажа дека 2 камиони биле запленети без никакво објаснување и документ. Украинските гранични служби синоќа им соопштиле на возачите дека имаат околу пет минути да ги земат личните работи и да си заминат од државата.

Освен македонските камиони, биле одземани и неколку руски и белоруски камиони кои во претходните две недели беа заглавени на украинската граница.

Газдата на валандовската фирма бара помош од институциите за да може да си ги врати возилата кои чинат повеќе од 200.000 евра.

Двата камиони биле товарени со јаболко кое патувало кон Русија, а во Украина влегле пред да почне воената операција на руската армија на територијата на Украина.

The post Украина заплени два македонски камиони appeared first on Република.