Женската сениорска ракометна репрезентација го завери пласманот на Европското првенство на едно коло пред крајот на квалификациите, но избраничките на Грчевски денеска покажаа дека неслучајно местото им е на завршниот турнир.

Нашите девојки со стил го заверија пласманот на континенталното натпреварување во меч во кој немаше голем императив за победа, но факт е дека сите покажаа максимално залагање и огромна желба за победа.

Македонија ја надигра Литванија и со 34:24 запиша четвртата победа во квалификациите, а триумфот е уште поважен ако се знае дека не играше Сара Ристовска.

Девојките на Грчевски ги контролираа случувањата на теренот во текот на целиот меч и беа за неколку класи подобри од ривалките, за што сведочи и двоцифрениот триумф остварен на крајот.

Ризоска и Седлоска беа најефикасни во нашиот табор со по шест постигнати гола, додека најдобра ракометарка на теренот беше Арчишевскаја од противничкиот тим која постигна дури десет погодоци.

The post Ракометарките со убедлива победа го заокружија пласманот на ЕП appeared first on Република.

Македонската женска ракометна репрезентација обезбеди пласман на Европското првенство (ЕП) кое ќе се одржи во декември, откако попладнево го совлада Азербејџан во Баку со 37-22 (19-12) во претпоследниот натпревар во квалификациската група 5.

За избраничките на селекторот Кристијан Грчевски ова е трета победа во петтиот квалификациски дуел со која се зацврстија на второто место на кое и ќе го завршат квалификацискиот циклус доколку Литванија вечерва загуби на гостувањето од фаворитот Шпанија.

Јована Саздовска со седум голови беше најефикасна во македонскиот табор во триумфот над Азербејџан.

Место на континенталниот собир ќе обезбедат и четирите најдобро третопласирани репрезентации во осумте групи што пласманот на Македонија на ЕП го прави сигурен уште пред завршното коло во кое избраничките на Грчевски в недела во Скопје ќе ја пречекаат Литванија.

Европското првенство ќе се одржи во декември во Австрија, Швајцарија и Унгарија.

The post Македонските ракометарки се пласираа на Европското првенство appeared first on Република.

Mакедонската женска ракометна репрезентација претпладнево отпатува за Шпанија каде утре во градот Ланзароте го игра четвртиот натпревар во рамки на квалификациската група 5 за пласман на Европското првенство.

Избраничките на селекторот Кристијан Грчевски во четвртокот во Скопје беа поразени од утрешниот противник со 19-31, но и покрај поразот имаат реални шанси за пласман на завршниот турнир.

Дуелот во Ланзароте е со почеток во 18 часот.

Македонските ракометарки се второпласирани во групата со четири бодови, два повеќе од Азербејџан на третото место. Шпанија е лидер со максимални шест бодови, а Литванија е последно пласирана со три порази по воведните три кола.

The post Македонските ракометарки отпатуваа на реваншот во Шпанија appeared first on Република.

 Македонската женска ракометна репрезентација не успеа да се пласира на Светското првенство 2023, откако вечерва во реваншот од мундијалскиот бараж против Украина на неутрален терен загуби со 31-22.

Избраничките на селекторот Љубомир Савевски имаа негатива од првиот натпревар во Скопје (22-24), а сите надежи за резултатски пресврт на реваншот во унгарскиот град Кишварда исчезнаа веќе по првото полувреме.

Македонските ракометарки беа рамноправни до средина на првиот дел кога при водство на Украина од 10-8 уследи голем пад во играта со безброј технички грешки што противникот ги искористи да замине на пауза со предност од 24-12.

Најефикасна македонска ракометарка беше Леонида Гечевска со девет голови.

Македонија остана на пет мундијалски учества од кои последното во 2017 година во Франција.

Светското првенство ќе се одржи од 30 ноември до 17 декември во заедничка организација на Шведска, Данска и Норвешка

The post Нов пораз од Украина: Женската ракометна репрезентација може да игра на СП или ЕП само ако го организираме appeared first on Република.

Сите категории на женскиот ракомет веќе некое време се комплетно водени од координатор-тренерот Љубомир Савевски, по поразот од Украина посочи дека ќе преземе одговорност и нема да го продолжува договорот доколку не види напредок во најсилната репрезентација. Македонија загуби на домашен терен од Украина со резултат 22:24 во првиот бараж за настап на Светското првенство, па иако Савевски се надева на подобро издание во Унгарија и надополнување на негативата од два гола, не пропушти да нагласи дека е подготвен да преземе одговорност.

– Што да ви кажам, разговараме година и пол за ова. Истото ни се случи против Словенија, Црна Гора. Премногу сме импресионирани кога играме на домашен терен и играме подобро на гости. Во првиот дел, изгледаше како да не сме работеле ништо во овој изминат период. Второто полувреме беше сосема поразлично, некои млади ракометарки покажаа дека можат многу повеќе.Се надевам дека во Унгарија ќе покажеме многу подобра игра и целосно издание во двете полувремиња. Два разлика не е голема негатива, Украинките не се како другите големи екипи од Европа и прават доста грешки, мислам дека имаа девет технички грешки во вториот дел. Со овие играчи, ако бидеме мотивирани, ќе одиме да изненадиме на неутрален терен, нема друго што да правиме. Загубивме дома, се надевавме на четири-пет разлика за нас, но во многу ситуации не ни помогнаа ниту судиите. Ни останува да се поправиме и да видиме на кое место сме. Мојот договор е до септември, ако не успеам да направам напредок, ќе поднесам одговорност – изјави Савевски.

The post Савевски: Ќе преземам одговорност ако не направиме напредок appeared first on Република.

Ракометната федерација на Македонија донесе одлука влезот на претстојниот бараж натпревар за Светското првенство на женската репрезентација со Украина да биде слободен.

Натпреварот ќе се игра на 8 април во СЦ „Борис Трајковски“ во Скопје. Македонските ракометарки заслужуваат поддршка од трибините и затоа РФМ апелира на што поголема посетеност.

Избраничките на селекторот Љубомир Савевски ветуваат максимално залагање и голема борба за остварување што подобар резултат.

Реваншот на кој Украинките формално ќе бидат домаќинки ќе се игра на во Унгарија на 11 април

The post Во сабота бодрете ги нашите ракометарки бесплатно appeared first on Република.