Традиционално како и изминатите години македонската заедница во Србија и годинава го одбелжа  24 мај-Денот на сесловенските просветители Св. Кирил и Методиј.

Како што јави дописникот на МИА од Белград, пред споменик на Св.Кирил и Методиј кој е подарок на академскиот вајар Томе Серафимовски на градот Белград, венци положија македонскиот амбасадор Никола Тупанчески заедно со српските власти и амбасадорите на Словачка, Украина, Бугарија и на ЕУ, како и преставници на Националниот совет на македонското национално малцинство и здруженијата од Белград.

Вечерва во Педагошкиот музеј во организација на здружението Македониум ќе се одржи свечена академија на која д-р Анита Ангелевска ќе говори на темата „Кирилометодиевистика-траење низ вековите“ и Ангел Василковски на темата „Просветителството на Св.Кирил и Методиј како par excellence рамноапостолство“, придружувани со ансамблот „Македониум“ и хорот на ОУ „Доситеј Обрадовиќ“ од Белград.

Од 2019 година, 24 мај во Србија се слави како национален празник - Денот на словенската писменост и култура.

The post Македонците во Србија го чествуваа Денот на сесловенските просветители Св. Кирил и Методиј appeared first on Република.

Амбасадорката Билјана Стефановска-Сековска заедно со македонскиот почесен конзул во Западна Австралија, Зоран Ќосески, одржале средба со министерот за образование и младина на Австралија Ан Али при што разговарале за продлабочување на соработката на полето на образованието како и размена на студенти и наставен кадар помеѓу Македонија и Австралија.

Како што соопшти Ќосески, на средбата се разговарало и за културниот развој на македонската заедница во Австралија, за зачувување на јазичниот и културниот идентитет во рамките на мултикултурна Австралија, како и за интензивирање на севкупните политичи и економски односи помеѓу Македонија и Австралија при што министерката Али и амбасадорката Стефановска-Сековска изразиле обострано задоволство од развојот на билатералните односи меѓу двете земји.

Министерката Али, истакнала дека во рамките на својата мултикултурна политика, Владата на Австралија ќе продолжи и во иднина, како и досега, да ја почитува македонската заедница како и сите други етнички заедници кои живеат во Австралија и да дава поддршка на македонската заедница за нејзините проекти за развој и зачувување на македонскиот јазик и идентитет во Австралија.

The post Разговори за соработката во образованието како и за размена на студенти и наставен кадар помеѓу Македонија и Австралија appeared first on Република.