На Европското првенство во билијард оваа година кое ќе се одржи во Потчетртек, Словенија ќе учествуваат четворица Македонци кои се пријавени во три различни конкуренции.

Селекторот Горан Ѓурчиновски се одлучи за Христо Василевски, Владимир Ѓоргиоски, Андреј Ѓурчиновски и Илија Димовски (Лонгони).

Василевски располага со огромен потенцијал, поради што верувам дека може да направи изненадување и биде незгоден ривал за фаворизираните имиња со долг стаж. Во сениорска конкуренција во категоријата „спортисти со хендикеп“, ќе не претставува Ѓоргиоски. Другите двајца патници се младинците Андреј Ѓурчиновски (Гран Клуб) и Илија Димовски (Лонгони), кои и минатата година играа во конкуренција на младинци, поточно во конкуренција на играчи до 17 и 19 години, изјави македонскиот селектор.

Македонските натпреварувачи ќе учествуваат во три старосни категории, а ќе се играат четири дисциплини: „осумка“, „деветка“, „десетка“ и 14.1.

The post За првпат во историјата четири играчи ќе ги бранат боите на Македонија на Европско првенство во билијард appeared first on Република.

Македонската репрезентација во традиционално таеквондо (МТТФ) од 15 до 22 април ќе учествува на Европското таеквондо ИТФ првенство што ќе се одржува во словенечкиот град Копер.

Боите на нашата земја во Словенија ќе ја бранат шестмина натпреварувачи, и тоа актуелната европска шампионка Христијана Парулеска, Давид Крстески, европски вицешампион од 2022 година, Елена Јанеска исто европска вицешампионка од 2022 година, потоа Марио  Крстески, државен првак во борби, Софија Колушоска, државен првак во форми и Владимир  Димитриевиќ, исто така државен првак во борби.

- Сите членови на нашата екипа имаат антидопинг сертификати, кои се задолжителни за учество на сите врвни натпреварувања. Подготовките се реалзираа последните два месеци секојдневно, под будното око на националниот селектор Саша Поповски црн појас В дан, го дадовме максимумот и се надеваме на солидни резултати. Според нивниот историјат на успеси, можеме да веруваме во нашите натпреварува“, изјави пред заминувањето за Словенија Марјанчо Лазаревски, претседател на МТТФ и предводник на нашата репрезенатција.

Тој појасни дека сите репрезентативци се добро подготвени за да ја претстават нашата држава во најубаво светло што е добар показател, основа за верба во добар пласман.

- Нашите репрезентативци имаат освоено  многубројни медали, па се надеваме дека ќе го дадат максимумот и ќе не израдуваат со добар пласман, вели Лазаревски.

The post Македонската репрезентација во традиционално таеквондо на Европскиот шампионат во Словенија appeared first on Република.

Селекторот на македонската фудбалска репрезентација, Благоја Милевски е претпазлив пред утрешниот натпревар од квалификациите за Еуро 2024 со Малта и покрај тоа што „црвено-жолтите“ на хартија се големи фаворити.

- Анализите што ги правевме се од нивните четири последни натпревари, но имаат нов селектор и не значи дека ќе играат така. Малта е квалитетна селекција која заслужува респект. Што се однесува до нашата репрезентација, очекувам успешен старт на овој квалификациски циклус за кој подолго време се подготвуваме. Денес во фудбалот фаворити нема, но се што ќе се случува на утрешниот натпревар ќе зависи само од нас. Во Лигата на нации имавме проблем со реализацијата и мора да се подобриме во овој елемент.

Натпреварот ќе се игра утревечер од 20:45 часот на Национална арена „Тодор Проески“ во Скопје.

Милевски информираше дека за овој и за натпреварот со Фарски Острови в понеделник, нема да може да смета на повредениот Доријан Бабунски

The post Македонија очекува победа против Малта appeared first on Република.