Надворешната канцеларија за криминалистички работи Делчево до Основното јавно обвинителство Кочани, поднесе кривична пријава против правно лице – рудник од Македонска Каменица и против К.Б.К.(57) од Велика Британија, со дозвола за привремен престој во Македонска Каменица, одговорно лице во правното лице, поради постоење основи на сомнение за сторени кривични дела „загадување на животната средина и природа“ по член 218 и „загадување на добиточна храна и вода“ по член 223 од Кривичниот законик, соопшти денеска МВР.

Во периодот од 01.08.2024 до 04.08.2024, при процесот на флотација, од правното лице во река Каменичка, која се влева во акумулацијата Калиманци, испуштени се отпадни води, односно тешки метали (цинк, олово, кадмиум и жива) во двојно поголеми количини од дозволените, со што на подолг рок предизвикале опасност по животинскиот и растителниот свет во Каменичка река и акумулацијата Калиманци. Од правното лице, истиот период во Каменичка река и езерото Калиманци е испуштен и акутен токсин цијанид, од чие присуство во езерото Калиманци е предизвикано акутно труење на рибите. Со вештачење со наод и мислење на Институтот за сточарство и рибарство, а врз основа на извештаи од лабараториско испитување на примероци вода од лабараторија е констатирано присуство на штетни и опасни материи во водата- тешки метали, а констатирано е и присуство на акутен токсин цијанид во смртоносна доза, а кој е причинител на труењето на рибите, се вели во соопштението од МВР.

The post Кривична пријава за рудникот во Македонска Каменица и одговорното лице од Велика Британија за загадување appeared first on Република.

Општина Македонска Каменица почна постапка за јавна набавка за изградба на главен колектор од село Моштица до Македонска Каменица.

Kако што информираа од Општината, со постапката е предвидена и изградба на третиот крак од фекална канализација во село Моштица.

Проектот има проценета вредност од 6.120.000,00 денари, со предвиден рок на изградба од 180 денови. Наша цел, во согласност со Законот за јавни набавки е да обезбедиме највисок квалитет на услугата и најповолен понудувач со најниска цена, се вели во информацијата од Општината.

Според градоначалникот на Македонска Каменица, Димчо Атанасовски, станува збор за проект со клучно значење за подобрување на условите за живот, заштита на животната средина и зголемување на грижата за општата здравствената состојба на населението.

Реализацијата на истиот овозможува ефикасно собирање и одведување на отпадните води од овој дел на село Моштица и нивно поврзување со главната фекална канализација во Македонска Каменица, изјави Атанасовски.

Понудите можат да се достават најдоцна до 23.09.2024 до 12 часот на Електронскиот систем за јавни набавки.

The post Почна постапка за јавна набавка за изградба на главен колектор од село Моштица до Македонска Каменица appeared first on Република.

Членовите на дебатниот клуб од Македонска Каменица ги добија сертификатите од Здружението „Надеж Норе“ за учество во активностите кои здружението ги реализираше во соработка со Младинскиот Образовен Форум (МОФ) од Скопје. Во рамки на активностите прв пат во Македонска Каменица беше отворен дебатен клуб во кој членуваат околу 30 младинци.

-Досега почнувајќи од октомври 2023 одржани се над 30 тренинзи и предавања за дебата и медиумска писменост, младински активизам, младинско застапување и младински политики. Исто така, во текот на месец декември 2023 и мај 2024 година над 20 членови од овој клуб учествуваа и на две државни дебатни првенство на Македонија при што остварија и одлични резултати, истакнаа од здружението „Надеж Норе“.

Во соработка со МОФ како здружение следни планови се тие и наредната година да продолжат со работата на дебатниот клуб во Македонска Каменица.

-Постои можност и за проширување на активностите со отварање и на нови клубови за младински активизам и новинарство. Во текот на летниот период е планирано организирање на бесплатен младински дебатен камп за членовите од клубот, за кој што младите дополнително ќе бидат известени,  додадоа од здружението.

Работата на дебатниот клуб во Македонска Каменица е во рамки на проектот на МОФ, „Младите размислуваат“. Во Македонска Каменица тој е реализиран и со поддршка од страна на СОУ „Миле Јаневски - Џингар“, за што од страна на Здружението „Надеж Норе“ изразуваат огромна благодарност. „Младите размислуваат“ е финансиран од УСАИД, по претходно одобрување од Министерството за образование и наука и Бирото за развој на образованието.

The post Сертификати за членови на Дебатниот клуб од Македонска Каменица appeared first on Република.

Надворешната канцеларија за криминалистички работи поднесе кривична пријава против И.Г.(32) од Македонска Каменица, поради постоење основи на сомнение за сторено кривично дело „демнење“.

Како што соопштуваат од МВР, пријавениот, во последните шест месеци следел и на друг начин психички малтретирал девојка со која претходно бил во љубовна врска.

The post Пријава за „демнење“ за дечко од Македонска Каменица кој со месеци ја следел и малтретирал бившата appeared first on Република.

Вчеравечер во 22.20 во Полициската станица Виница било пријавено дека на магистралниот пат Македонска Каменица – Виница, на место викано „Каменолом“, патничко возило „фолксваген тигуан“ со делчевски регистарски ознаки, управувано од Д.Ј.(42) од Делчево, излетало од коловозот.

На местото на несреќата од здобиените повреди починал возачот, а лекар од Итна медицинска помош констатирал смрт.

Сопатникот Д.Г.(33) од Делчево се здобил со тешки телесни повреди, констатирани во Градската општа болница „Св.Наум Охридски“ во Скопје.

Извршен бил увид од увидна екипа од ОВР Виница.

The post Тешка несреќа на патот кон Виница – загина возач, сопатникот се бори за живот appeared first on Република.

Во Делчево и Македонска Каменица во првиот круг од претседателските избори до 13:00 часот процентот на излезност се движи од 24 до 29 отсто.

Како што информираа од Општинската изборна комисија, во Делчево до 13 часот во оваа општина гласале 4200 граѓани од 14.490 граѓани со право на глас, колку што се запишани во избирачкиот список.

- Во проценти излезноста на гласачите во Делчево е 29 отсто до 13:00 часот. Гласањето се одвива во фер и демократска атмосфера, без никакви проблеми, информираа од ОИК Делчево.

Во Македонска Каменица 1598 или 24,06 проценти од гласачите го оствариле своето право на глас до 13:00 часот на првиот круг од претседателските избори 2024.

Вкупниот број на гласачи во избирачкиот список во оваа општина изнесува 6641 лице.

The post Излезноста до 13 часот во Делчево и М.Каменица се движи од 24 до 29 отсто appeared first on Република.

Во Македонска Каменица во рамки на Претседателските избори 2024 денеска треба да гласаат 6641 лица, кои се регистрирани во избирачкиот список. Гласачките места во оваа Општина биле отворени навреме, а гласањето се одвива без било какви проблеми.

До 09:00 часот кога е направен првиот пресек за излезноста на граѓаните од Општинската изборна комисија соопштија дека 3,55 е процентот на граѓани кои го оствариле своето право на глас

- Од вкупно регистрираните гласачи до 09:00 часот гласале вкупно 236 лица или 3,55 проценти од гласачите во Македонска Каменица го искористиле своето право на глас, информираа од ОИК.

Гласањето, како што додадоа, продолжува на избирачките места на кои граѓаните можат да го дадат својот глас за еден од седуммината кандидати за Претседател на државата.

Во меѓувреме, Општинската изборна комисија во соседната општина Делчево соопшти дека до 09:00 часот таму гласале 818 лица од вкупно 14.490 регистрирани гласачи што во проценти изнесува 5,65 проценти.

The post Во Македонска Каменица гласаат 6641 лице, излезноста до 9 часот 3,55 проценти appeared first on Република.

„Во изминатиот период каде и да одевме се чувствуваше енергијата и желбата на луѓето за промени. Во изминатите денови се среќавав со пензионери, лекари, млади лица, со војници со полицајци и секаде каде што разговарав со луѓето сите кажуваат дека состојбата е претешка, сите беа разочарани од животот кој што го живеат и животниот стандард кој што е намален и од понижувањата и газењето на македонските национални интереси. Македонија ги живее најтешките години, но желбата за промени е толку голема, што силно ќе ги победиме“, посочи Драган Ковачки, носител на пратеничката листа на ВМРО-ДПМНЕ и коалицијата, на митингот во Македонска Каменица.

Тој посочи дека на овие избори ВМРО-ДПМНЕ ја нуди програмата „Платформа 1198“, а ВМРО-ДПМНЕ се што ветува и реализира и затоа ја бара поддршката од граѓаните.

„За земјоделците ветуваме 800 милиони евра директна поддршка за 4 години, ги ставивме луѓето на прво место. Затоа ги ставивме и економијата и инфраструктурата во фокусот. За инфраструктура планираме околу 2 милијарди евра да инвестираме во 4 годишниот мандат. Македонска Каменица ќе ја поврземе со асфалтен пат со Крива Паланка, дополнително локален пат од Косевица до Моштица, локален пат од Тодоровци до Луковица, реконструкција на локалниот пат до Луковица, изградба на локален пат од Саса до Цера, изградба на повеќе патишта во Саса и Костин Дол, изградба на повеќе улици во Каменица како ул. „Питу Гули“, ул. „Карпошова“ и ул. „Миле Јаневски Џингар“. Реконструкција на улица „Илинденска“ и изградба на пешачки мост на Каменичка Река, изградба на фекална канализација во Моштива, Косевица и колектор од Моштица до Македонска Каменица и многу други проекти“, истакна Ковачки.

The post Ковачки: Фокусот ќе ни биде изградба на инфраструктурата, многу нови патишта во Македонска Каменица и нејзино поврзување со Крива Паланка appeared first on Република.

„Во очите на граѓаните има една желба да што побргу заврши сето ова кое што се случуваше шест и половина години. И да имаме еден почеток кој што ќе не води кон една иднина која што сите некако како да ја чекаат изминативе три децении, а никако да дојде“, истакна претседателот на ВМРО-ДПМНЕ, Христијан Мицкоски од митингот во Македонска Каменица.

Можам да ви кажам од мое име, од името на ВМРО-ДПМНЕ и Коалицијата дека како никогаш порано како генерација политичари сме одлучни да направиме трансформација во Македонија. Трансформација со која што многу од работите кои што денеска се погрешни и создаваат фрустрација, на моменти лоша емоција кај некого, или пак не враќаат назад во времето ќе исчезнат, ќе се врати надежта, ќе се врати оптимизмот, рече Мицкоски.

Мицкоски додаде дека ВМРО-ДПМНЕ и Гордана Силјановска Давкова ќе победат на 24-ти април, а на осми мај ќе се потврди победата со историски печат.

Мора победата да биде изразена со мнозинство во Парламентот. Тоа значи дека мора да имаме 61 пратеник за да можеме сето ова кое што јас го зборувам сега да го спроведеме и реализираме. Ние не сме чудотворци, чудата се невозможни, секој оној кој што ветува чуда не ја говори вистината. Ние само сакаме да ја пренесеме вистината онаа која што ние ја чувствуваме, да ја слушнеме вистината која што е поврзана со секојдневието, со реалноста и врз основа на можностите сето тоа да го реализираме во следниот период“, појасни тој.

Тој посочи дека ВМРО-ДПМНЕ преку трибините кои што ги организираше во изминатиот период ја слушна вистината од граѓаните и нивните потреби. И огромен дел од тие потреби се содржани во изборната програма „Платформа 1198“.

Бројка која што симболички сака да прикаже 1198 проекти, политики кои што во годините кои што следат ќе значат трансформација на Македонија“, укажа Мицкоски.

Мицкоски ги замоли граѓаните да излезат во помасовен број на избори за да се победи оваа актуелна власт која што Македонија ја уништи на секое можно поле.

Пред шест и половина, седум години оние т.н. шарени, обоени револуционери низ Македонија ветуваа ќе донеле живот, потоа ветуваа дека ќе донесат едно општество за сите, но за жал ако се присетиме на тоа што го ветија и тоа што го реализираа тогаш ќе дојдеме до еден заклучок дека од тоа што ветија ништо не реализираа, а реализираа тоа што не ветија. Односно тоа што го ветуваа не го реализираа тоа што беше добро, а реализираа погрешно а тоа не го ветуваа“, потсети Мицкоски.

Затоа претседателот на ВМРО-ДПМНЕ, Христијан Мицкоски ги повика граѓаните на избори да го заокружат бројот 2, време е за подобра иднина на Македонија, време е за Македонија повторно твоја.

The post Мицкоски: ВМРО-ДПМНЕ и Коалицијата ќе направат трансформација во Македонија, со „Платформа 1198“ ќе се решат проблемите на граѓаните appeared first on Република.

Изворниот македонски мелос продолжува да се слуша ширум пазарите во земјава, претежно во источниот дел. Сето тоа благодарение на двајцата ентузијасти и вљубеници во музиката, Лемпи и Влатко, кои изведувајќи ги песните карактеристични за Александар Сариевски и останатите бардови на народната песна, предизвикуваат воздишки меѓу граѓаните.

The post Лемпи од Финска и Влатко од Македонска Каменица пеат по пазари и ги забавуваат луѓето appeared first on Република.

На 29.12.2023 во 20.53 часот било пријавено дека во клуб на пензионери во Македонска Каменица по претходна расправија бил нарушен јавниот ред и мир со физичка пресметка помеѓу Д.Р.(70) и Д.А., двајцата од Македонска Каменица.

Се преземаат мерки за расчистување на случајот.

The post Пензионери се степале во Македонска Каменица appeared first on Република.

Македонска Каменица се вбројува во општините, каде наставата во сите училишта секој понеделник ќе започнува со интонирање на државната химна. Одлуката едногласно ја усвои Советот на Општината на вечерашната одржана седница.

Едногласно изгласаната одлука од Советот на општина Македонска Каменица доаѓа по иницијатива од градоначалникот на Општината, Димчо Атанасовски. Се работи за иницијатива преку која во иднина и на територијата на Општина Македонска Каменица ќе се изразува почит кон татковината. Целта е подигање на националното чувство и љубовта на дечињата кон Македонија, македонската култура и традиција, се вели во текстот од иницијативата.

Одлуката ќе важи за основното и средното училиште во градот, како и подрачните училишта во руралните средини.

Според одлуката усвоена на 32-та Седница на Советот на општина Македонска Каменица, секој понеделник пред почетокот на наставата државната химна ќе биде интонирана во Средното општинско училиште „Миле Јаневски Цингар“, Општинското основно училиште „Св. Кирил и Методиј“, како и подрачните училишта на целата територија на Општина М.Каменица.

The post Од понеделник државната химна ќе се интонира и во училиштата во Македонска Каменица appeared first on Република.

Вчера околу 11,40 часот било пријавено дека на ул.„Каменичка“ мотоцикл „хонда“, управуван од И.К.(20) од Македонска Каменица изгубил контрола и излетал од коловозот, по што И.К. испаднал од моторот, а моторот удрил во патничко моторно возило „рено лагуна“ со делчевски регистарски ознаки, управувано од С.Д.(47) од Делчево.

Во незгодата со тешки телесни повреди се здобил И.К, кој на пат кон болница починал. Од страна на лекар од итна медицинска помош констатирана е смрт.

Увид на местото на настанот извршиле Јавен обвинител и екипа од Полициска станица Делчево.

По наредба на Јавен обвинител телото на починатиот е предадено за обдукција.

The post Загина 20-годишник од Македонска Каменица appeared first on Република.

Општина Македонска Каменица прогласи тридневна жалост по повод смртта на сограѓаните кои загинаа во сообраќајна несреќа во Италија. Во директен судир во градот Ница Монферато, во италијанската провинција Асти, дел од регионот Пиемонт, загинаа тројца македонски и еден италијански државјанин. Од Македонска Каменица загина З. С. (33), од село Саса А. К.(31), а В. И. (30) од село Пекљани, Виничко.

11,12 и 13 април ќе бидат денови на жалост во чест на нашите сограѓани кои загинаа во сообраќајна несреќа во Италија. Тие млади и примерни луѓе секогаш ќе останат меѓу нас. Општината ќе излезе во пресрет на семејствата, велат од Општината Македонска Каменица.

Од Советот на Општина Македонска Каменица информираат дека, по дополнителни консултации со службите во Општината ќе ја разгледаат можноста за одобрување на финансиски средства за семејствата на загинатите во трагичниот настан.

Од македонското Министерство за надворешни работи веќе претходно соопштија дека претставниците на конзулатот и амбасадата во Италија се во контакт со дел од семејствата на починатите. Тие ќе бидат на располагање за асистенција во врска со преносот на останките од Италија.

The post Македонска Каменица завиена во црно: Тридневна жалост за сограѓаните кои загинаа во сообраќајка во Италија appeared first on Република.

Советот на општина Македонска Каменица вечерва прогласи тридневна жалост, поради трагичниот настан кој вчера се случи во областа Пиемонт, Италија, каде во сообраќајна несреќа животот го загубија двајца жители од Македонска Каменица.

Одлуката за прогласување на тридневна жалост во Општина Македонска Каменица беше донесена едногласно на вечерашната итна Седница на Советот на Општина Македонска Каменица.

Македонска Каменица е завиена во црно. Македонска Каменица е во жалост. Згаснаа млади животи. Почитувани сограѓани, Советот на Општина Македонска Каменица изразува искрено и длабоко сочувство до фамилиите на трагично загинатите млади момчиња. Денес, Советот на Општина Македонска Каменица на Вонредна седница едногласно донесе одлука да прогласи тридневна жалост во деновите 11, 12 и 13 април 2023 година, вторник, среда и четврток. Момчиња почивајте во мир, нека Ви е светол патот во вечноста. Секогаш ќе се сеќаваме на Вас, се вели во соопштението од каменичкиот Совет по повод прогласувањето на Тридневната жалост.

Оттаму додадоа дека по дополнителни консултации со службите во Општината ќе ја разгледаат можноста за одобрување на финансиски средства за семејствата на загинатите во трагичниот настан.

Во сообраќајната несреќа која синоќа се случи во близина на италијанскиот град Асти, како што претходно потврдија од Министерството за надворешни работи, животот го загубија тројца македонските државјани З.С. - 33 години од Македонска Каменица, А.К. - 31 година од селото Саса, како и В.И. – 30 години од село Пекљани, Виничко

The post Тридневна жалост во Македонска Каменица поради трагичната смрт на двајца млади каменичани appeared first on Република.

Јавното претпријатие ,,Камена Река" од Македонска Каменица го започна процесот за рано третирање и пикирање на разноврсен цветен асортиман наменет за хортикултурно уредување и разубавување на Македонска Каменица.

И оваа година како што информираа од претпријатието расадникот за сопствени потреби на ЈП Камена Река, ќе произведе над 20.000 разновидни цвеќиња.

Оваа импозантна бројка на цвеќиња е според утврдениот динамички годишен план за цветно декоративно уредување на градот. Истата биде засадена во парковите и останатите јавни зелени површини во урбаната средина, информираа од претпријатието. Со хортикултурно уредување како што додадоа ќе бидат опфатени и останатите делови од градот.

-Работиме на зголемување на јавните површини опфатени со хортикултурно уредување, со што ќе бидат засадени и делови од повеќе приградски населби во општина Македонска Каменица, додадоа од ЈП ,,Камена Река". Во моментот се работи на подготвување на површините, по што ќе се реализира најавената акција за хортикултурно уредување во М.Каменица.

The post Со над 20 илјади цвеќиња хортикултурно ќе се уредува Македонска Каменица appeared first on Република.

Општинската организација на Црвен крст Делчево ќе организира бесплатни гинеколошки прегледи за жените од населените места во општина Македонска Каменица. Во оваа општина како што најавија од Црвен крст од 20.03.2023 година започнува со работа мобилната гинеколошка амбуланта која ќе биде сместрна во паркот кај Дом на културата во Македонска Каменица.

-Во оваа мобилна амбуланта ќе се нудат бесплатни гинеколошки прегледи за жените од населените места во општината, со цел превенција од рак на грлото на матката. За бесплатен ПАП тест заинтересираните жени можат да се пријават на телефонските броеви +389 33 412 010 и +389 70 254 650, а термините за преглед се секој работен ден со почеток од 10 часот, информираа од Црвен крст Делчево.

Со работата на мобилната амбуланта очекуваа да се зголеми бројот на жени од ранливите групи и од руралните и оддалечените места кои ќе направат бесплатни гинеколошки прегледи.

-Контролите ги вршат гинеколози од Универзитетската клиника за гинекологија и акушерство и повеќе болници во државата. Прегледите се најдобра заштита од рак на грлото на матката и затоа целта е да се подигне свеста за важноста од редовни скрининзи, додадоа од Општинската организација на Црвен крст која делува и на подрачјето на Општина М.Каменица.

Работата на мобилните амбуланти е овозможена со поддршка на Министерството за здравство, Македонската асоцијација на гинеколози и опстетичари – МАГО, Македонското лекарско друштво, Црвениот крст и УНФПА – Фондот за население на Обединетите нации.

The post Од понеделник бесплатни гинеколошки прегледи во општина Македонска Каменица appeared first on Република.

Општина Македонска Каменица ќе инвестира во изградба на фотонапонски централи во повеќе јавни институции во градот. Целта, како што информираа од Општината, е заштеда на финансиски средства кои ќе бидат инвестирани во различни социјални програми.

По најавата за инвестиции во Индустриската зона, со огромно задоволство најавуваме дека започнуваме со нов грандиозен проект во Македонска Каменица. Заедно со локалните институции и претпријатија ќе изградиме фотонапонски електроцентрали на сите јавни објекти во нашиот град, проект со кој ќе се штедат огромни финансиски средства кои ќе бидат инвестирани во различни социјални програми, информираа од Општината.

Проектот, како што додадоа, ќе се реализира етапно.

Во првата фаза ќе се градат фотонапонски електроцентрали на Домот на култура, на Дневниот центар за лица со посебни потреби и на Куќа на спорт, по што ќе следуваат Градски пазар и образовните установи, додадоа од Општината.

Активноста, како што дополнија, се реализира како резултат на ветувањата кон граѓаните, за што најавија дека продолжуваат посветено во напорите за градење на најмодерна и еколошки најчиста општина во државата.

The post Ќе се градат фотонапонски централи на повеќе јавни институции во Македонска Каменица appeared first on Република.

Поради сообраќајна несреќа помеѓу две возила што се случила вечерва во прекин е сообраќајот на магистралата А3 на влезот во Македонска Каменица.

Увид на местото на настанот вршат екипи на сообраќајната полиција од каде информираат дека несреќата е резултат на судир помеѓу две возила кои се движеле во спротивен правец.

На местото на несреќата поставена е соодветна сообраќајна сигнализација, а според првичните информации нема повредени лица во сообраќајната несреќа.

Повеќе информации од полицијата најавија во текот на вечерта.

The post Сообраќајка на влезот во Македонска Каменица appeared first on Република.

Претседателот на ВМРО-ДПМНЕ Христијан Мицкоски ги пости рударите од Македонска Каменица, а се сретна и со семејството на 13-годишното момче кое го загуби животот во сообраќајна несреќа.

Денеска бев во посета на рударскиот град Македонска Каменица каде што на граѓаните им изразив длабоко сочувство за трагичниот настан во кој животот го загуби 13 годишно момче.

The post Мицкоски го посети семјеството на момчето кое загина во сообраќајка во Македонска Каменица appeared first on Република.