Премиерот Христијан Мицкоски утре во Белград ќе има одвоени средби со српскиот претседател Александар Вучиќ и премиерот Милош Вучевиќ.

Мицкоски ја предводи македонската делегација која ќе присуствува на третиот меѓународен саем за вино, храна, ракија и туризам „Винска визија на Отворен Балкан“. Според информациите од македонската Влада, премиерот ќе се обрати на отворањето на винскиот саем, како и на македонската вечер.

The post Премиерот Мицкоски утре во Белград ќе се сретне со српскиот претседател Вучиќ и премиерот Вучевиќ appeared first on Република.

Вицепремиерот и министер за односи меѓу заедниците Иван Стоилковиќ, заменик претседателот и министер за транспорт Александар Николовски и министерот за надворешни работи Тимчо Муцунски денес во Белград остварија средба со претседателката на Собранието на Србија, Ана Брнабиќ и со министерот Томислав Момировиќ, јави дописникот на МИА од Белград.

-На средбата се разговараше за можностите за натамошен развој на пријателските односи, потпирајќи се на заедничката историја и блиските културни врски. Посебен акцент беше ставен на парламентарната соработка, со заемно задоволство што во Собранието на Република Македонија е формирана парламентарна група за пријателство со Србија. Оваа иницијатива дополнително ќе ги зајакне политичките и дипломатските односи, обезбедувајќи нови можности за подобрување на билатералниот дијалог, се наведува во соопштенеито по средбата.

Брнабиќ го истакнала значењето на Македонија како економски партнер на Србија, како на полето на надворешната трговска и инвестициска соработка а се  разговараше и за Протоколот потпишан во Скопје, кој овозможува воспоставување слободен пазар на труд во рамките на иницијативата Отворен Балкан, што ќе придонесе за подобрување на деловното опкружување и решавање на проблемот со недостигот на работна сила“.

-Вицепремеирот Стоилковиќ, исто така, изрази задоволство од зајакнувањето на соработката и истакна дека силните и постојани врски меѓу двата народи претставуваат солидна основа за натамошно унапредување на соработката на сите нивоа. Тој додаде дека активно ќе работат на учество на претстојниот светски изложбен настан ЕКСПО 2027, што ќе биде уште еден важен чекор за подобрување на меѓусебните односи и промоција на регионот, се наведува во соопштението.

На крајот од средбата беше заклучено дека двете страни ќе се фокусираат на реализација на конкретни проекти и иницијативи, со цел понатамошна интеграција и подобрување на односите меѓу Србија и Македонија, што ќе придонесе за регионалната стабилност и просперитет.

По средбата со Брнабиќ, македонската делегација предводена од вицепремиерот Стоилковиќ имаше средба и со минстерот за внатрешна и надворепна трговија Томислав Момировиќ, на која е потврден заклуќокот дека меѓу двете држави нема отврени прашања и дека фокусот треба да се стави на економијата.

Од страната на Владата на Р Србија уште еднаш се потенцираше поддршката за учеството на РС Македонија на ЕКСПО 2027. Исто така, министерот Момировиќ ја иницираше потребата од средба на стопанските комори на двете земји како приоритет во блиска иднина, што беше потврдено и од наша страна.

The post Стоилковиќ, Николоски и Муцунски во Белград на средба со претседателката на Собранието Ана Брнабиќ и министерот Момировиќ appeared first on Република.

Припадници на Министерството за внатрешни работи на Република Србија од денеска до 30 овој месец ќе бидат присутни во Охрид, согласно договорената соработка на МВР на двете држави за време на туристичката сезона.

Соработката за заеднички полициски патроли беше договорена за време на официјалната посета на министерот за внатрешни работи Панче Тошковски на Србија на 25 јули оваа година.

Согласно Протоколот за соработка меѓу МВР на двете земји за соработка во текот на летната сезона, тројца полициски службеници на српската полиција од општа надлежност и еден од Одделението за криминалистика секојдневно во односниот период ќе работаат на терен заедно со нивните колеги од Македонија.

The post Македонско-српски полициски патроли до 30 август ќе патролираат низ Охрид appeared first on Република.

Односите меѓу државите се извонредни и невообичаено скандинавски на Балканот, оцени претседателката Гордана Сиљановска Давкова по билатералната средба со нејзиниот српски колега, Александар Вучиќ, во манастирот Прохор Пчињски. Двајцата претседатели  по билатералната средба изразија задоволство од досегашните односи и уверување оти ќе продолжат да се развиваат.

Сиљановска Давкова посочи дека АСНОМ е нашиот втор Илинден, најважниот или празникот на празниците за нас, бидејќи, вели, тоа е денот на создавањето на Антифашистичкото собрание на народното ослободување на Македонија, рече претседателката.

Односите јас денеска ги нареков, и ќе повторам и овде, како невообичаено скандинавски на Балканот, бидејќи она што правеа Данска, Финска и Шведска за Латвија, Летонија и Естонија еве јас денеска го почувствував овде, рече претседателката.

Таа кажа дека се радува што и од едната и од другата страна видела Македонци, Србии други граѓани што покажува дека „односите се извонредни, добрососедски во вистинска смисла на зборот, односи зад кои стои желба за солидарност, за помош и за трајна соработка".

Инспиративен е амбиентот, инспиративна беше духовната храна денеска и уште еднаш благодарност и за разбирањето бидејќи навистина логично е да го славите денот онаму каде што се случил. Такви денови и Србија има, споменици и мислам дека истото треба да продолжиме да го правиме. Можеби еден ден мислам дека е најдобро да го регулираме овој однос со потпишување на еден договор, тогаш навистина ќе дадеме еден добар пример, рече претседателката.

Сиљановска Давкова во изјавата за медиумите рече дека е заговорник на регионалната соработка, и верува во меѓусебната поддршка и разбирањето.

 Затоа треба да сториме се’ да ги решаваме проблемите меѓу себе, да не дозволуваме на „зелени маси“ да се решаваат зошто не случајно живееме едни крај други, рече претседателката која меѓу другото се заблагодари и за помошта од Србија во гасењето на пожарите.

Во однос на железницата таа кажа дека е важна и е надлежност на Владата.

Претседателот Вучиќ по билатералната средба го честиташе празникот Илинден на граѓаните, а на претседателката и посака успешна работа во следните години, а во Србија да се чувствува како во своја куќа оти е декогаш е добредојдена.

Сакам да го честитам денешниот празник Свети Илија на сите во Србија и сакам на вас Македонците да ви го честитам Илинден, голем празник за македонскиот народ и да им посакам уште многу години, децении и векови да го слават својот празник и ја молам претседателската во Србија да се чувствува како во своја куќа. Секогаш е добредојдена, рече Вучиќ.

На средбата разговарале и за политички прашања како евроинтегративниот пат на двете држави, за проблемите со кои се соочуваат, како и за прашања кои се од заеднички интерес на народите и на државите, а ја спомнаа и изгрдабата на брзата пруга од Будимпешта преку Србија и нашата земја до Грција.

Сигурен сум дека Србија и Македонија ќе ги развиваат уште повеќе меѓусебните односи, дека ќе ги градиме внимателно нашите односи со меѓусебна почит и дека ќе работиме на конкретни проекти. Денеска овде е и потпретседателот на Владата г. Стојиљковиќ. Како претседател на Србија изразив волја ние да ја градиме пругата до Прешово, а вие 190 километри од Табановце до Гевгелија за да овозможиме побрзо доаѓање до Солун со брза пруга и мислам дека тоа би било од огромно значење за двете страни, кажа Вучиќ.

Во однос на трговската размена  српскиот претседател укажа дека била 1,75 милијарди евра и изрази уверување дека во наредните две години ќе достигне над две милијарди евра во размена.

Уште многу, многу заеднички да направиме, меѓусебно да се подржуваме не само со иницијативата Отворен Балкан, туку секаде и на сите меѓународни форуми, организации и институции, рече Вучиќ кој очекува Сиљановска Давкова до крајот на годината да оствари официјална посета на Белград.

Во состав на државно-црковната делегација која ја предводеше претседателката Сиљановска Давкова на чествувањето во манастирот „Св. Прохор Пчински“ беа потпретседателката на Собранието, Весна Бендевска, заменик претседателот на Владата и министер за односи меѓу заедниците Иван Стоилковиќ, македонскиот амбасадор во Република Србија, Никола Тупанчески, претставниците од Сојузот на борци, Наум Буревски и Снежана Несторовска и митрополитот Кумановско-осоговски г. Григориј.

The post Односите ни се невообичаено скандинавски, се чувствува тоа, вели македонската претседателка, Вучиќ ѝ порача: Овде сте како во своја куќа appeared first on Република.

Министерот за надворешни работи и надворешна трговија, Тимчо Муцунски денеска остварил средба со амбасадорката на Србија, Невена Јовановиќ, на која било констатирано дека двете земји одржуваат и негуваат одлични билатерални односи, со посебен фокус на развиената економска и трговска соработка.

Како што соопштија од МНР, на средбата бил поздравен фактот што Србија е наш петти најголем трговски партнер во 2023 година.

Муцунски и Јовановиќ како особено значајно прашање го оцениле процесот на интегрирање на двете земји во ЕУ, што претставува гаранција за целокупната регионална и европска стабилност. Воедно, се наведува во соопштението, било нагласено дека двете земји се залагаат за негување на добрососедските односи, што претставува значаен аспект во насока на постигнување напредок на полето на евроинтеграциите.

Согововниците констатираа заемен интерес и посветеност за натамошно унапредување на билатералната, регионалната и соработката во меѓународните организации, во функција на нејзино збогатување со нови содржини во интерес на просперитетот, мирот и безбедноста на регионот и пошироко, соопшти МНР.

На средбата се говорело и за солидната соработка и во делот на заштитата на националните малцинства во двете земји.

The post Македонија и Србија одржуваат и негуваат одлични билатерални односи, се согласија Муцунски и Јовановиќ appeared first on Република.

Унгарија испраќа 31 полицаец на границата меѓу Србија и Македонија за да помогне во борбата против илегалната миграција, соопшти денеска државниот секретар на Министерството за внатрешни работи на Унгарија, Бенце Ретвари, цитиран од „Данас“.

Унгарската полиција не ја штити само границата на една земја, туку и на цела Европа. Полицајците презедоа тешка задача, бидејќи во наредниот период ќе ја чуваат 113-километарската граница меѓу Србија и Македонија, која е дел од главниот пат на илегалната миграција, се вели на веб-страницата на унгарската полиција.

Соработката е долгогодишна, истакнува Ретвари и „ова е втор контингент унгарски полицајци кои ќе служат во Србија“.

Според него, унгарската полиција е посветена на спречување илегални преминувања на мигранти на територијата на Европската унија и за таа цел им понудила поддршка на земјите од Западен Балкан.

Главната задача на унгарската полиција е спречување и откривање на илегални гранични премини, патролирање на патиштата во непосредна близина на границата, како и соработка во откривање на трговци со луѓе и илегални мигранти, истакна Ретвари.

Унгарските полицајци кои ќе служат во Србија ги извршуваат своите должности под контрола и надзор на органите за спроведување на законот во земјата домаќин, додаде Ретвари.

The post Унгарска полиција ќе помага против илегалци на границата Србија-Македонија appeared first on Република.

Објаснувајќи го извлекувањето на македонските државјани од Израел со авион на „Ер Србија“, српскиот претседател Александар Вучиќ истакна дека Македонците им се браќа на Србите.

Македонците се наши браќа, така што тоа се подразбира. Што и да бараат, секогаш ќе им излеземе пресрет, изјави Вучиќ на српската телевизија Прва.

Вучић:Македонци су наша браћа!
🇲🇰🇷🇸 pic.twitter.com/lyYaAW83gi

— Miroslav Tričković (@trichko) October 29, 2023

The post Вучиќ: Македонците се наши браќа, што и да побараат секогаш сме тука за нив appeared first on Република.

Македонија и Србија почнаа да применуваат заеднички систем за наплата на патарина со еден „таг“.  Наместо да запираат или да купуваат дополнителен уред или картичка, возачите од двете земји ќе може со еден уред да платат патарини.

Од Јавното претпријатие за државни патишта за МИА информираа дека системот ги поминал успешно сите тестирања, подготвен е за употреба и е функционален.

ТАГ-от (микробранов транспондер) треба да се регистрира (преконфигурира) на веб пoрталот openbalkan-etc.com

Изминатиов период се правеше подготовка на интеграцијата на системите за наплата на патарина на Република Македонија и Република Србија. Исто така, се вршеше подготовка и изработка на безбеден и ефикасен начин за реализација на трансакциите во двете земји. Во интеграцијата на системот е ангажиран кадар што и досега работеше на воспоставување на електронската наплата, објаснуваат од ЈПДП.

Примената на т.н „еден таг“ треба да ја зголеми безбедноста во сообраќајот и да го намали метежот на автопатиштата.

Очекуваме овој начин на плаќање на патарина да го растовари и протокот на возила на наплатните рампи, да се намали емисијата на штетни гасови од моторните возила, а предност за граѓаните е што во таканаречениот шпиц во сезоната нема да чекаат во редици, а ова, пак, значи дека побрзо ќе стигаат до одредената дестинација, велат од ЈПДП.

Проектот беше најавен во септември 2021 година  во рамки на иницијативата „Отворен Балкан“, а во март годинава  на 31 март годинава министерот за транспорт и врски Благој Бочварски и српскиот министер за градежништво, транспорт и инфраструктура Горан Весиќ потпишаа меморандум за соработка за интероперабилниот електронски систем за наплата на патната такса, како дел од процесот „Отворен Балкан“.

На патарините во државава од почетокот на годинава заклучно со 31-ви мај од наплата на патарина остварен е вкупен промет од 1.321.951.952 денари (21.495.154 евра)

Остварен е зголемен промет во однос на истиот период во 2022 (за првите пет месеци) во висина од 248.009.407, денари повеќе, или изразено во евра 4.032.673 поголем промет што претставува зголемување од над 23 проценти.

Електронската наплата во вкупно остварениот промет од наплата на патарина учествува со удел помеѓу 30 проценти до 33 проценти.

Електронски систем за наплата на патарини во државава е воведен од јули 2019 година на седум наплатни станици на Коридор 10, а во тек е модернизација со поставување таков систем на наплатните станици Миладиновци, Глумово, Желино, Тетово и Гостивар на Коридорот 8.

The post Воведена патарина со еден „таг“ во Македонија и Србија appeared first on Република.

Манифестацијата „Денови на македонската култура“ е отворена во Белград со изложбата на слики „Очите гледаат се“ на авторката Гордана Јаневска, во галеријата „Никола Радошевиќ“.

На отворањето на изложбата, што ќе трае до 21 мај, пригодни говори и поздрави имаа Зорица Митровиќ, претседател на македонското друштво во Белград „Македониум“ и Синиша Новески, скулптор и уметнички директор на фестивалот „Деновите на македонската култура“.

Очите се портата и преминот помеѓу духовното и реалното, метафизичкото и објективното, а со тоа сликите на авторката се визуелно и интимно искуство и претстава на нејзиниот поглед на светот, луѓето и природата, се вели во текстот за изложбата подготвена од Синиша Новески.

Сликарката имаше голем број самостојни и групни изложби во Македонија и во странство, додека изложбата „Очите гледаат се“ е нејзино прво авторско претставување во Белград.

The post „Денови на македонската култура“ во Белград appeared first on Република.

Она што беше значајно за Србија во 2022 година се априлските избори на сите нивоа со кои се потврди повеќегодишната доминација на власта на Александар Вучиќ и неговата Српска напредна странка (СНС), изборот на нова Влада на чело со Ана Брнабиќ, влијанието на руската агресија врз Украина и одбивањето на Србија да се приклучи кон санкциите на ЕУ, што влијаеше врз енергетската криза и евроинтегративните процеси, како и Бриселскиот дијалог со Косово за нормализирање на односите кој кон крајот на годината колабираше, со енигматскиот француско-германски предлог и подигање на борбената готовност на вооружените сили кон Косово, ситуација која ќе ги услови смерниците на Србија и во 2023 година.

Оценка за односите на Србија и Македонија во 2022 ги даде самиот претседател Вучиќ како „најдобри односи во историјата“, на што влијаеа динамиката на Отворен Балкан со потпишување бројни договори, зголемување на економската соработка, извозот на српско млеко, брашно, храна и покрај забраната за други држави, затворањето на единственото отворено прашање –црковното прашање со признавањето на МПЦ-ОА од страна на СПЦ и заедничките литургии, заедничкото чествување на АСНОМ во Прохор Пчински, заедничката соработка во решавањето на енергетската криза.

И кога имавме одредени проблеми, бевме секогаш блиски, а денес сме најблиски и повеќе немаме ниту едно отврено прашање и горд сум што можам да кажам дека имаме најдобри односи во историјата и верувам дека ќе бидеме умни така и да ги одржиме со децении, изјави Вучиќ на самитот Отворен Балкан во Белград.

Епитетот „историски“ првпат го употреби шефот на српската дипломатија, Никола Селаковиќ во февруари во Скопје на заедничката прес-конференција со Бујар Османи.

Констатиравме со посебно задоволство дека во 2021 година нашата економско-трговска размена достигнала нешто што е историско ниво, милијарда и 120 милиони евра и со тоа го надминавме нивото на размена од периодот пред пандемијата со Ковид-19. Нашиот извоз во Република Македонија стигна до историско ниво од 815 милиони евра, а увозот од Македонија во Србија е зголемен за 41,7 отсто. Нашата вкупна економска размена е зголемена за 30,4 отсто и уверени сме дека со натамошното спроведување на иницијативата Отворен Балкан што го гледаме како голема шанса за регионот, нашата трговска и економска размена ќе продолжи да расте, рече Селаковиќ.

Соработката преку Отворен Балкан продолжи да ги продлабочува економските и политички односи меѓу Македонија и Србија и на јунскиот Самит во Охрид со потпишувањето договор со којшто се олеснува меѓусебното признавање на дипломите и научните степени, издадени од високообразовни институции и други овластени институции во трите земји на Отворен Балкан.

Денеска во Охрид, сакам на нашите домаќини, на браќата и сестри Македонци, да им кажам дека ние од Србија ништо не бараме, од никого, ниту од Македонија, само сакаме да имаме братски и пријателски односи и на нас секогаш може да сметате, изјави Вучиќ на јунскиот самит во Охрид.

Во рамките на инструментите што ги нуди Отвoрен Балкан, во март во Белград министерот за земјоделство, шумарство и водостопанство Љупчо Николовски со министер за земјоделство Бранислав Недимовиќ постигна договор за тргање на забраната за извоз од Србија во Македонија на пченица, пченка, брашно, масло за јадење,

за да потоа српската влада донесе и одлука за тргање на забраната, само за Македонија и Албанија, за извоз на сурово и пастеризирано млеко.

Во септември во Белград се одржа нов Самит на Отворен Балкан и првиот голем саем на ОБ-Винска визија со над 400 производители на вино и храна од над 22 земји, на кој имаше рекордни 42 винарии од Македонија, како и Македонска вечер на која покрај лидерите од регионот беа и голем број бизнисмени.

На политичкиот дел на Самитот ОБ, Вучиќ им честита на Македонија и Албанија на почетокот на преговорите со ЕУ на што Србија помогна во остварување на таа цел (координација и задничката прес конференција во Брисел) и изрази надеж дека Иницијативата ОБ и понатаму ќе допринесе на економското јакнење и поврзување, „да говориме во регионот заедно со еден глас кога се работи за клучни прашања“.

Премиерот Димитар Ковачевски на отворањето на лидерскиот Самит истакна дека „денес е повеќе од јасно дека Македонија, Албанија и Србија со инцијативата Отворен Балкан го направија вистинскиот чекор во клучен момент“.

На Самитот беа попишани договори за механизмите за обезбедување на храна во Западен Балкан, Меморандум за разбирање и соработка во областа на кинематографијата и аудиовизуелните дејности и Оперативен план во областа на цивилната заштита.

Во бројните билатерални средби, вицепремеирот за европски прашања Бојан Маричиќ најави потпишување на Меморандум за соработка со Србија за евроинтеграциите, министерката за култура Бисера Костадиновска-Стојчевска потпиша Програма за соработка меѓу Министерството за култура на Македонија и Министерството за култура и информирање на Србија за периодот од 2022 до 2025 година.

[caption id="attachment_593361" align="alignnone" width="640"] epa10029745 (L-R) Albanian Prime Minister Edi Rama, North Macedonia's Prime Minister Dimitar Kovacevski, and Serbian President Aleksandar Vucic attend a press conference following an EU-Western Balkans leaders' meeting in Brussels, Belgium, 23 June 2022. The progress on EU integration and the challenges which the Western Balkans countries face in connection to the Russian invasion of Ukraine are topping the agenda when EU and Western Balkan leaders meet prior a European Council meeting. EPA-EFE/STEPHANIE LECOCQ[/caption]

Министерот за економија Крешник Бектеши со министерката за рударство и енергетика, Зорана Михајловиќ разговараше за соработката меѓу двете министерства во областа на енергетиката, енергетската безбедност и за нови проекти, а Министерот за транспорт и врски Благој Бочварски со министер за градежништво, транспорт и инфраструктура, Томислав Момировиќ разговараше за заеднички инфраструктурни проекти и за електронска наплата на патарина на автопатиштата на земјите членки на ОБ.

На прес-конференцијата по Самитот тројцата лидери порачаа дека „не чека тешка зима, но затоа потпишавме повеќе договори заедно да ја пребродиме“.

А пребродувањето на „тешката зима“ започна уште во мај во Александропули во Грција на почетокот на работите за изградба на терминал за течен природен гас кога Вучиќ порача дека изградбата на ЛНГ терминалот е голем и важен настан за целиот Балкан и дека Србија треба гасно да се поврзе со Македонија…и дека „ќе треба да се направи нешто за да се поврзе и со Македонија и дека таму мора да се направат многу работи“.

Нешто повеќе за идната енергетска сорботка на двете држави Вучиќ кажа во октомври за време на обиколката на работите на изградбата на гасниот интерконектор Ниш – Димитровград со претседателката на Европската комисија, Урсула фон дер Лајен, дека Србија ќе изгради гасна конекција со Македонија, што ќе чини над 70 милиони евра, што ќе биде важно за диверзификација на изворите за снабдување со гас.

Господине претседателе, вие ми објаснивте дека тоа е многу важно, а тоа е изградбата на гасен интерконектор меѓу Србија и Македонија, со што регионот ќе се комплетира. Сето тоа е во нашите проекти, изјави Фон дер Лајен.

Вучиќ на претседателката на Еврокомисијата и пренесе дека за Србија е многу важна оваа интерконекција и дека треба да се изградат околу 70 километри гасовод кон Македонија од српска страна, а земјава да изгради уште 23 километри.

Јас молам за овој проект, кај комесарот Оливер Вархеји и претседателката на ЕК, Урсула, веќе го прифатиле со Македонија. Многу ни е важно со ова да стартуваме што поскоро, бидејќи денес во Скопје постои гасна електрана и ние и да имаме гас, не можеме директно да одиме со Македонците, туку преку Бугарија, па комплетен реверсен дел да правиме со нив и сето ова ни е многу важно, изјави Вучиќ.

Во ноември премиерот Димитар Ковачевски и претседателот Александар Вучиќ во Белград потврдија дека двете земји се многу поблиску до решение од она што беа на почетокот во преговорите за искористување на вишоците на природен гас на Србија за потребите на нашата гасна централа (ТеТо) за производство на електрична енергија.

Покрај гасното поврзување, во 2022 година почнаа разговори и за изградба на нафтовод до Македонија и пристаништето Драч во Албанија, „за да ја премрежиме нашата земја со нафтовод, за што ќе започнеме брзи разговари со нашите партнери од Отворен Балкан и регионот“, рече Вучиќ.

Нов импулс 2022 година во инфраструктурното поврзување на двете држави даде и најавата на проектот за реконструкција на пругата Ниш-Прешево-Македонија за возови со голема брзина во должина од 92 километри како дел од проектот за модернизација на коридорот Белград-Ниш-Прешево.

Епитетот „историска“ 2022 година ќе го има и поради затворањето на единственото отворено прашање –црковното прашање со признавањето на МПЦ-ОА од СПЦ и заедничките литургии на двете цркви.

На почетокот на мај во Белград на заседанието на Светиот архиерејски синод на СПЦ беше донесена едногласна одлука за прифаќање на автокефалноста на МПЦ, по што на 9 мај во соборниот храм „Свети Сава“ во Белград српскиот патријарх Порфириј и архиепископот охридски и македонски Стефан служеа архијерејска литургија за воспоставување „литургиско и канонско општење на двете сетрински цркви“, односно литургија на помирувањето.

По заедничката литургија на МПЦ и СПЦ во Скопје, патријархот Порфириј ја соопшти одлуката на Соборот, кој „едногласно и еднодушно излезе во пресрет на барањата на Македонската православна црква – Охридска архиепископија“ и ја прифати нејзината автокефалност. На 5 јуни патријархот Порфириј му врачи акт на поглаварот на МПЦ-ОА, г.г Стефан, со кој се потврдува одлуката на СПЦ, која беше објавена на 24 мај по сослужувањето на заедничка литургија во Соборниот храм во Скопје, со која СПЦ ја одобри и упати благослов за автокефалноста на МПЦ – ОА, ставајќи крај на 55-годишниот спор меѓу двете цркви.

Денеска по благодата Божја имаме прилика да го овенчаме тоа што веќе постои меѓу нас, а тоа е единството, кое во еден период беше нарушено, но е воспоставено во духот на Црквата, а тоа е Македонската црква – Охридската архиепископија дека има не само услови потребни да се организира во контекст на автокефална црква и дека тоа е најдобар можен начин и метод за животот на нашите православи браќа и сестри во Македонија. Затоа она што веќе го реализиравме преку служењето на литургија во Скопје, денеска чувствуваме и јавно пред сите да го објавиме документот, кој се нарекува томос, изјави Порфириј по литургијата во Белград.

Овој истористи исчекор меѓу двете цркви, држави и народи вроди со плод, по 18 години пауза, политички да се „издејствува“ одбележувањето на Илинден во манастирот „Св. Прохор Пчински“ од претседателот Стево Пендаровски откако доби „благослов од српскиот Патријарх Иринеј и поддршка од претседателот Александар Вучиќ“, а го потврди и министерот за надворешни работи Никола Селаковиќ, кој ја предводеше српската државно-црковна делегација во Прохор Пчински.

Откривањето на спомен-плочата посветена на одржувањето на АСНОМ од страна на српските власти и одржувањето на заедничката литургија на владиците на СПЦ и МПЦ-ОА, го навестија она што од таму го порача претседателот Стево Пендаровски, дека тоа ќе биде камен-темелник на новите односи и оти ако не се почитуваат нашите и српските свети места од минатото, нема да имаме никаква иднина во билатералните односи.

Ова е местото каде што е формирана современата македонска држава. Од различни причини не можевме да дојдеме тука и на ова место тука да го прославиме тој празник, па правевме некакви алтернативни, паралелни прослави во близина, но не и овде, каде што е навистина одржано историското заседание на АСНОМ. Јас се надевам дека ова е почеток на една добра традиција, во која 2 Август, ова е нашиот втор Илинден, ќе го прославуваме тука, и од тука натаму, како велат старите, со сите нишани ќе доаѓаме да одадеме почит на оние кои ја формирале македонската држава во 1944 година, изјави претседателот Пендаровски.

Историски добрите односи меѓу Србија и Македонија, останува во 2023 година да се надградат со уште две значајни работи-конечното отварање на Културно-информативните центри во Белград и Скопје и по 30 годишна пауза отварањето на Лекторат за македонски јазик во Белград, што како потреба соодвестува на „историските“ односи меѓу македонскиот и српскиот народ.

The post Во 2022 Македонија и Србија со „историски“ добри односи appeared first on Република.

Српската вицепремиерка и министер за рударство и енергетика, Зорана Михајловиќ денеска изјави дека за Србија е стратешки важно да изгради нафтовод со кој ќе излезе на Медитеранот, односно до пристаништата во Албанија и Грција и да биде транзитна рута кон север, поврзувајќи се со Унгарија, јави дописникот на МИА од Белград.

Стратешки ни е важно да се поврземе преку Ниш и понатаму до Скопје со Солун и со Албанија, што ќе ни овозможи да имаме пристап до разни добавувачи и сите видови нафта и да имаме нафтовод до Унгарија и пристап до руски нафта. Се проценува дека за оваа диверзификација се потребни околу една милијарда евра. Тоа е голема инвестиција, но и дава можност на Србија да биде целосно безбедна кога е во прашање снабдувањето со нафта, но и да биде транзитна рута. Тоа секако би бил меѓународен проект кој не се однесува само на Србија, туку и на други земји од регионот, а за такво нешто има интерес од други земји и меѓународни финансиски институции - изјави Михајловиќ за ТВ Курир, соопштија од ресорното Министерство.

Таа изјави и дека на новата влада најважна ќе и биде енергетиката бидејќи така Србија ќе биде политички посилна да ги спроведе потребните промени.

Во декември, минатата година го отворивме кластерот 4 во преговорите со ЕУ, во кој е вклучена и енергетиката, но оттогаш немаме голем напредок, бидејќи имаме опструкции во „Србијагас“ и во ЕПС, а не успеавме да направиме повеќе и во областа на ОИЕ (Обновливи извори на енергија), бидејќи имаме компании кои не сакаат промени. Затоа е важна новата влада, бидејќи ќе биде политички посилна и ќе може да ги спроведе неопходните чекори во енергетската транзиција. Во енергетиката работите мора да се менуваат многу побрзо бидејќи ова ќе биде најважната област во следните 10 години, изјави Михајловиќ, се наведува во соопштението.

И мандатарката на Владата Ана Брнабиќ, изјави денеска дека „Србија почнува да гради нова енергетска политика“. Таа порача дека тое ќе биде главен приоритет на идната влада и дека енергетиката е „прашање на националната безбедност поради што мораме да ја смениме за да ја направиме Србија енергетски понезависна и побезбедна, а овие работи се менуваат од ден на ден“, наведувајќи го примерот на Хрватска и нафтоводот ЈАНАФ.

Целиот регион би морал подобро да соработува во енергетиката, имаме огромни капацитети кои би можеле да ги искористиме за енергетска безбедност и ќе се обидеме да го направиме тоа заедно со претседателот Вучиќ, бидејќи регионот мора да работи заедно, да биде поврзан и стабилен- рече Брнабиќ.

Опишувајќи како ситуацијата во енергетскиот сектор се менува „од ден на ден“, таа рече дека, доколку не се случеше она што се случи со нафтоводот ЈАНАФ, нафтоводот до Унгарија немаше да биде во експозето што го подготвува, а сега е „стратешки проект кој ќе почне да се работи во најкраток временски период“.

The post Србија има стратешки интерес за изградба на нафтовод кон Македонија, Грција и Албанија, како и кон Унгарија appeared first on Република.

Периодот што следи ќе биде многу тежок за државата, но излезот и стабилноста на електроенергетскиот систем во земјава го гледаме во регионалното вмрежување и во помош во рамки на иницијативата Отворен Балкан, истакна претседателот на државата Стево Пендаровски.

– Договорот, што се уште е во подготовка, Србија да ни помага со природен гас, а ние да ѝ помогнеме со струја, иако не е направен во рамки на Отворен Балкан го гледаме како шанса за енергетска стабилност на земјава. Сепак, тука сакам да истакнам дека Србија е во теснец во договорот со руски Гаспром, бидејќи овој енергетски гигант ги бара сите детали – од испорачувањето на енергенсот, па се до тоа кој ќе биде последниот корисник. Тука постојат правни дилеми кои се обидуваме да ги пребродиме со цел граѓаните, но и компаниите да бидат задоволни, а државата да го преброди овој тежок период, потенцира Пендаровски во интервју за „Слободен печат“.

The post Пендаровски: Договорот е Србија да ни помага со природен гас, а ние да ѝ помогнеме со струја appeared first on Република.

Српскиот претседател Александар Вучиќ на денешната прес конференција на која обелодени за резервите на Србија со храна и енергенси истакна дека за зимава и Македонците може да сметаат на српскиот гас.

Ги решаваме и проблемите со Македонците затоа што тие имаат гасна централа (се мисли на Те-То), која може да произведува струја на гас. Тоа се 5-7 проценти од струјата за зимската потрошувачка. – рече Вучиќ.

Ова е само еден од низата случаи на помош од Република Србија и претседателот Вучиќ за нашата земја.

The post Вучиќ: За зимава и Македонците може да сметаат на српскиот гас appeared first on Република.

Министерката за човекови и малцински права и социјален дијалог, Гордана Чомиќ, денеска распиша избори за членови на Националните совети на националните малцинства (НСНМ) во Србија за 13 ноември, меѓу кои и на НСНМ на македонското малцинство, јави допсиникот на МИА од Белград.

Членовите на Советот, како што рече Чомиќ на прес-конференцијата, ќе се избираат директно или преку електорско собрание.

Како што кажа, Министерството за човекови и малцински права и социјален дијалог на 3 септември привремено склучи, согласно законот, посебни избирачки списоци кои се водат за 23 национални малцинства кои имаат свои права во Србија, со цел да се утврди кои национални малцинствата одат на непосредни, а кои поради недоволен број на доброволно запишани гласачи ќе гласаат преку електорско собрание.

Во недела, на 13 ноември, на непосредни избори ќе се избираат членови на советот на 19 национални малцинства, додека четири малцинства, македонското, горанското, хрватското и црногорското ќе се избираат преку електорско собрание, рече Чомиќ.

Изборите преку електорско собрание се начин на посреден избор на членови на националните совети, бидејќи на тие избори право на глас немаат сите припадници на националното малцинство запишани во посебен избирачки список, туку само оние кои во законски регулирана процедура ќе се пријават и ќе ги исполнат законските услови да бидат електори (избирачи), односно да на електорско собрание избираат членови на свој НСНМ.

Клучен услов одреден избирач да добие статус на електор е со свој потпис да го поддржат одреден број избирачи – припадници на националното малцинство.

Националните совети во Србија, меѓу кои е и Македонскиот национален совет, е државна институција, финансирана од буџетот на Србија, преку која националните малцинства во Србија ја остваруваат својата со Уставот загарантирана самоуправа во образованието, културата, информирањето, употребата на јазикот и писмото, но не и во политиката.

Националните совети се финансираат од буџетот на Република Србија, од автономната покраина Војводина и единиците на локалната самоуправа и како и останатите организации кои се носители на јавни овластувања, важно е да работат и средствата да ги трошат транспарентно.

Но, на повеќе досегашни средби на македонците во Србија, како и на средбите со преставници на македонските власти, беа искажани големи проблеми и неслога, со обвинувања на работата на постоечкиот Национален совет и распределбата на финасиски сретства меѓу нив.

Во Србија според пописот од 2011 година, за разлика од минатите години бројот на македонците опаѓа, или 22.755 лица се изјасниле како припадници на македонската националност, што е околу 0,32 отсто од вкупниот број на жители во Србија.

Според неофицијалните проценки во Србија живеат над 100.000 Македонци.

The post Македонците во Србија на 13 ноември на избори за свој Национален совет appeared first on Република.

И кога имавме одредени проблеми, бевме секогаш блиски, а денес сме најблиски и повеќе немаме ниту едно отврено прашање и горд сум што можам да кажам дека имаме најдобри односи во историјата и верувам дека ќе бидеме умни така и да ги одржиме со децении, изјави српскиот претседател Александар Вучиќ во воведното излагање на политичкиот дел од самитот Отврен Балкан, јави дописникот на МИА од Белград.

Тој им честита на Македонија и Албанија на почетокот на преговорите со ЕУ на што Србија помогнала во остварување на таа цел и изрази надеж дека Иницијативата ОБ и понатаму ќе допринесе на економското јакнење и поврзување, да говориме во регионот заедно со еден глас кога се работи за клучни прашања.

Тој кажа дека воведувањето на зелените коридори на ОБ допринесе до раст на трвовијата од 17 отсто, отварањето на наменскити ленти на ОБ на границите доведе до намалување на чекањето на 15 минути.

Србија продолжува да работи на модернизација на граничниот премеин Прешево и планирано е до 2022 година да се додадат уште две ленти, а се надеваме на уште поинтезивно унапредување на фитосанитарните и ветеринарните сертификати, а докуметите кои денес ги потпишуваме се резултат на заедничката посветенст на работа во изминатиот период, меѓу кои е Договорот за непречено снабдување на основните животни намирници на ОБ со што доколку било која држава донесе забрана за ивоз за прехранбени производи, тоа нема да се однесува на земјите членки на ОБ, рече Вучиќ.

Вучиќ ги повика и властите и опозицијата во земјите на ОБ да го разберат значајот на овој проект и да помогнат да се направи нешто големо заради нашата иднина.

Тој ги неведе сите досегашни договори и меморандуми и го поздрави одржувањето на Првиот меѓународен саем Винска Визија Отврен Балкан.

Српскиот претседател се заблагодари на учеството како гости на Самитот на премиерот на Црна Гора Дритан Абазовиќ, претседателот на советот на министри на БИХ Зоран Тегелтија, на шефовите на дипломатијата на Унгарија и Турција Петер Сијарто и Мевлед Чавушоглу што кажува колку сме сите ние поврзани и потребни едни на други, и зачестелноста на овие Самити, без разлика што некои не се формално дел на ОБ, како и дека сите тие со сите земји на ОБ ќе можат да развијат најуспешна можна соработка.

The post Вучиќ: Со Македонија сме најблиски, да сме умни и така да останеме со децении appeared first on Република.

Србија и Македонија немаат лесен пат кон Европската Унија и имаат многу допирни точки за заеднички да работат и заедничка да разменат искуства, поради што двете држави за таа цел ќе потпишат меморандум за соработка за евроинтеграции, договорија на денешната средба во Белград во рамки на Отворен Балкан, вицепремиерот за европски прашања Бојан Маричиќ и министерката за евроинтеграции Јадранка Јоксимовиќ, јави допсиникот на МИА од Белград.

Маричиќ по средбата изјави дека со задоволство се прифаќа идејата да се направи меморандум за соработка и тој да се надгради во контекст на новата методологија и кога Македонија ги започна преговорите, што ќе биде корисно и за двете држави, оти ако работиме заедно ќе можеме да напредуваме побрзо и да имаме подобри резултати за нашите граѓани.

Двете земји покажаа многу во реформите и решавањето на тешките прашања, и сметаме дека се покажавме како кредибилен партнер на Европската унија и покажавме солидарност со ЕУ, изјави Маричиќ на прес – конференцијата по средбата.

Тоа, како што посочи вицепремиерот Маричиќ, ни дава право да побараме да бидеме вклучени во решавањето на сегашните и идните кризи поврзани со енергетското снабдување, со снабдувањето со храна и струја.

Сето ова се прашања кои се поврзани со опстојувањето на нашите граѓани во овој тежок период што ни престои. Бидејќи се покажавме како кредибилен партнер на ЕУ и очекуваме од неа да не вклучи во идните планови за решавање на овие проблеми за државите членки на Унијата, изјави Маричиќ.

Српската министерка Јадранка Јоксимовиќ рече дека им честитала на Македонија и Албанија за отворањето на преговорите за членство во ЕУ, и дека Србија „земајќи во предвид какви се таа политички барања имала кои го одолжиле нејзиниот пат, го разбира тешкиот пат што го измина Македонија и низ што се помина за да ја постигне целта.“

Ние разговаравме и за бројни проекти финасирани од ЕУ во рамки на Европскиот инвестициски план за Западен Балкан, за гасниот интерконектор меѓу Србија и Македонија, што во овој момент е од исклучително значење за граѓаните и кои се предизвиците пред нас, изјави Јоксимовиќ.

Таа кажа и дека на Скопје му е понудена секаква помош во преговарачкиот процес со ЕУ и дека утре во рамки на политичкиот дел од Отвoрен Балкан ќе се одржат важни панели кои ќе се однесуваат на европските проекти, вклучително и на гасниот интерконектор меѓу Србија и Македонија, но и енергетските прашања и снабдувањето со храна.

The post Македонија и Србија ќе потпишат меморандум за соработка на заедничкиот европски пат appeared first on Република.

Младите во Србија имаат најпозитивен однос кон припадниците на црногорската и македонската националност, а најнегативен однос кон албанската, покажа овогодинешниот Алтернативен извештај за положбата и потребите на младите, објави „Krovna organizacija mladih Srbije“ (KOMS).

На скала од еден до четири, со резултат од еден што значи „секогаш имавме блиски и пријателски односи со нив“, два – „граѓанин како сите други“, три „не ми пречат, но јас не би се дружел се со нив“, четири „Не ми се допаѓаат“ – Црногорците добија вкупна оценка 1,68.

Македонците (1,75), Бошњаците (1,82), Унгарците (1,94) и Романците (1,95) беа вклучени во групата пријателски националности на територијата на Србија и во околината.

Оценката дека се „граѓани како и сите други“ младите ја дале за Хрватите со 2,04 и Бугарите со 2,09, а Албанците поминале најлошо.

Оценката од 2,52 вели дека не се во категоријата со која младите би се поврзале, а според ова истражување и народи кои младите „не ги сакаат“ во српската средина.

Комплетниот извештај „KOMS“ ќе го објави на 12 август за Денот на младите пишуваат српските медиуми.

The post Младите Срби најмногу ги сакаат Македонците и Црногорците, Албанците не ги сакаат во својата средина appeared first on Република.

Не е време за креирање лажни вести и за создавање паника меѓу граѓаните, државата ќе има доволно храна, порачуваат надлежните. Земјоделците ги поздравуваат интервентните мерки, најавуваат дека максимално ќе ги искористат и дека производството ќе биде зголемено. Според експертите, во моментов нема простор за посериозна интервенција, освен да се нормализира увозот на пченица и масло од Србија. Руско-украинскиот конфликт, велат, нема да има некоја посериозна улога, но ќе влијае индиректно, врз порастот на цените на земјоделско-прехранбените производи.

Како што беше заклучено на Работната група 1 – Земјоделство и рурален развој, кризата, прво предизвикана од корона пандемијата, а сега и од војната во Украина, ги откри слабостите во системите за храна и укажа на потребата од трансформација – производството да биде одржливо и да се сменат куповните навики.

Моментно недостигаат ѓубрива, семенски материјал, горива, пестициди и други суровини чија цена континуирано се зголемува. Производите поскапуваат, зашто се купува храна од паника. Ваквата реалност ја наметнува потребата од донесување итни, ургентни мерки со цел ублажување и надминување на последиците.

Анализите на светските истражувачки центри, пак, покажуваат дека во однос на порастот на цените критична ќе биде 2022 година. Потоа се очекува да се намали ценовниот удар.

Храна и житни култури мора да има. Ниту една обработлива површина нема да остане незасеана, ѓубриво има доволно, секој земјоделец добива рекордна подршка и субвенција. Целта е зголемување на домашното производство и намалување на увозната зависност. Пари се обезбедени за сите земјоделски гранки, простор за грижи нема. Ќе повторам, не треба да има паника кај граѓаните, тие треба да бидат мирни. Храна ќе има доволно, но треба сите одговорно да се однесуваме, рече министерот за земјоделство, шумарство и водостопанство, Љупчо Николовски и додаде дека Планот за производство на храна постојано ќе биде дополнуван со нови мерки и политики.

Во однос на маслото за јадење, тој очекува Србија да ја крене „рампата“, како и за останатите производи.

Наша единствена цел е тргање на забраната за сите компании, за сите склучени договори. Ќе испратиме забелешки за одредени договори кои не биле опфатени во делот на пченицата и пченката. Согласно разговорите, очекуваме тргање на забраната за сите производи. Има и други за кои има барања, макотрпно и деноноќно работиме. Верувам дека со сите наши напори и преку постојаната комуникација со земјите од регионот, ќе обезбедиме се што е потребно, подвлече министерот.

Тој рече дека ќе одат во Турција на разговори за обезбедување вештачко ѓубриво иако, како што додаде, во моментов има залихи.

Задоволни сме од мерките за помош што се донесени. Останува ние да го зголемиме производство, да станеме независни од сите зрнести производи. Годинава за 20 отсто најмалку ќе биде зголемено производството на сончоглед. Очекувам зголемено проиозводство на килограм по хектар благодарение на стимулацијата од државата, рече Петре Стојковски од Асоцијација на земјоделци.

И Стеванче Јорданоски од Националната федерација на фармери смета дека мерките ќе придонесат за поголемо пропизводство.

Дадовме неколку предлози кои беа усвоени. Резултатот досега е за поздравување. Треба да се искористат дополнителните мерки од Интервентниот фонд. Се надеваме дека ќе влијаат позитивно, ќе се зголеми производството на пченица и други житни култури. Но, голем дел од производството не зависи само од нас, тука се и климатските промени, истакна Јордановски.

Според професорот на Факултетот за земјоделски науки и храна, Драги Димитриевски, државата ќе треба посериозно да интервенира за да се замени сегашниот увоз кој е сериозен, со домашно производство.

Руско-украинскиот конфликт нема некоја посериозна улога, зашто главните земјоделско-прехранбени производи што ги увезуваме, доаѓаат најмногу од Србија, Хрватска и Унгарија, а нешто доаѓа и од Бугарија. Конфликтот ќе има само индиректно влијание врз порастот на цените на земјоделско-прехранбените производи зашто ќе има нарушување на глобалниот пазар со прехранбени производи. Целата побарувачка ќе се обиде да најде алтернативни пазари, а тоа ќе доведе поскапување на производите. Во овој момент нема поголем простор за посериозна интервенција, освен да се нормализира увозот од Србија, како што е најавено, пред се на пченицата и сончогледовото масло за јадење, а за среден и подолг рок ќе треба да се направат сериозни анализи и стратегија за храна, како и програма за функционирање на целиот систем во услови на криза, оцени Димитриевски.

Неопходни се анализи, дополни професорот, кои ќе покажат кои капацитети ни се на располагање и може да се стават во функција на производство на храна.

Пред се мислам на земјиштето како основен ресурс – да се направи анализа што е слободно од него и да се понуди на земјоделци кои сакаат да произведуваат. Ние имаме ниска продуктивност и преку апликативни истражувања терба да се обезбеди зголемување на приносот по единица капацитет за да се зголеми и производството на основните производи, укажа Димитриевски.

Во вакви услови на криза, како што напомена словачкиот амбасадор Хенрик Маркуш, многу е важна економската дипломатија.

Концептот на економска дипломатија, воведен во последната декада, Македонија многу добро го разбра и почна многу иницијативи и проекти во овој правец. Во време на криза оваа дисциплина добива ново ниво на значење. Економската дипломатија мора да го пренасочи фокусот и да му помогне на земјоделскиот сектор да ја преживее кризата, земјоделците да продолжат со своите мисии и да обезбедуваат основни производи за живот, рече амбасадорот.

Според проекциите, до крајот на годинава се очекува Интервентниот фонд засега тежок 400 милиони денари, да достигне 600 милиони денари, вклучувајќи ги и мерките за претстојната есенска седиба. мч/дма/

The post Храна ќе имаме, само Србија да се смилува за маслото appeared first on Република.

Како Влада и министерство посветено работиме и ги помагаме земјоделците. Подготвивме и донесовме Интервентен фонд во вредност од 400 милиони денари, а преку дополнителните мерки кои ќе бидат донесени и есенската сеидба, до крајот на годината овој фонд ќе достигне вредност од 600 милиони денари, изјави министерот за земјоделство, шумарство и водостопанство, Љупчо Николовски, во денешното гостување во вестите на Сител телевизија.

Министерот Николовски посочи дека целта на министерството е преку Интервентниот фонд и Планот за производство на храна, да ги мотивира земјоделците и да им ги олесни трошоците за производство на стратешки култури, но и да се зголеми домашното производство, а со тоа да се намали увозната зависност на нашата земја од овие култури.

Ние целиот период претходно макотрпно работевме со сите потсекторски групи, посебно со подсекторската група за жито, се со цел да имаме јасна слика за потребите на земјоделците и да донесеме точни мерки за поддршка. На располагање беше и Факултетот за земјоделски науки и храна кој директно се вклучи во подготовката на Планот за производство на храна, кој Владата оваа недела го донесе, односно првите мерки од овој план. Овие мерки имаат за цел да го мотивираат производството, но и приносот. За секој еден хектар пченица земјоделците ќе добијат 4000 денари само за вештачко ѓубриво и ако остварат принос од 4000 килограми по хектар добиваат дополнителна субвенција од 5700 денари. Кај сончогледот добиваат 2.500 денари по хектар за вештачко ѓубриво и 5700 денари дополнителна субвенција доколку остварат принос од 1,5 тон по хектар и истиот го предадат во преработувачки домашен капацитет, рече министерот Николовски во интервју за Сител.

Министерот Николовски потенцира дека земјоделците навремено и брзо ќе ги добиваат парите, а плаќањето ќе се врши на недела основа преку посебно утврден модел за исплата со Платежната Агенција. Целта е земјоделците веднаш да имаат пари за почеток со оваа сезона при набавка на ѓубрива и прихрана.

Планот за производство на храна предвидува и активирање на дополнителни земјоделски површини. Секоја педа обработливо земјиште ја ставаме на располагање за производство на стратешки култури. Веќе има подготвен јавен оглас, кој Владата треба да го донесе, за доделување на 6.000 хектари за зголемување на производството со житни култури. Дополнително како министерство разгледуваме и можност за ставање во функција и на приватното необработливо земјоделско земјиште преку подготовка на посебен концепт како истото да биде ставено на располагање за производство на храна, изјави министерот Николовски.

Во однос на одлуката од страна на Владата во Република Србија за донесување на одлука за доделување на рафинирано и нерафинирано масло за јадење, министерот Николовски изјави дека е во постојана комуникација и оваа одлука ќе биде донесена на следната владина седница во Република Србија.

Оваа недела Владата на Република Србија ја донесе одлуката за тргање на забраната за нас, а се однесува за 100.000 тони пченица и 20.000 тони пченка и тој процес веќе започна. Се подготвува и сум во постојана комуникација со потпретседателот на Владата Недимовиќ, за на следната седница на Владата во Србија да помине и оваа одлука за рафинирано и нерафинирано масло за јадење, изјави министерот Николовски.

Министерот упати порака за смиреност, лажните вести и паника нема да донесат ништо добро за граѓаните. Само заедно и сплотено можеме да помогнеме на македонското земјоделство.

The post Николовски ќе средел за зејтинот како што средил за пченицата, да не креваме паника и да не шириме лажни вести appeared first on Република.

И покрај завчерашните најави од Владата дека со Србија е договорено укинување на забраната за извоз во нашата земја на пченица, пченка и сурово сончогледово масло за јадење, во одлуката по одржувањето на седницата на Владата на Република Србија, никаде не е споменато сончогледовото масло.

Во соопштението што го објави Владата на Србија на својот официјален сајт по завршувањето на седницата, се споменуваат само меркантилна пченица и меркантилна пченка.

На седницата беше усвоен и Заклучок со кој се одобрува извоз на меркантилна пченица и меркантилна пченка на правни лица кои ги извезуваат овие производи во Република Македонија врз основа на договори склучени пред влегувањето во сила на Одлуката за привремена забрана за извоз на основни агри -прехранбени производи.

Овој заклучок овозможува реализација на веќе договорени деловни аранжмани меѓу компании од Србија и регионот. Тоа нема да предизвика нарушувања во функционирањето на домашниот земјоделско-прехранбен сектор, ниту да ја загрози прехранбената безбедност на населението и ќе придонесе за градење доверба и одржување на добри трговски односи во регионот, се вели во соопштението.

Македонските производители на масло за јадење кои главно го купуваат нерафинирано од Србија, деновиве изјавија дека со нетрпение ја чекаат одлуката за продолжување на увозот од Србија.

Директорот на фабриката „Витаминка“, во чија сопственост е и фабриката за масло за јадење „Брилијант“, Симон Наумовски, вели дека се во вистинска паника.

Искрено кажано, во паника сме. Нашиот добавувач од Војводина ни кажа дека не може да ни испорача сурово масло затоа што српската влада не донела одука за укинување на забраната за извоз. Од утрово насекаде вртиме телефони. Преговараме со трговци од Украина, Унгарија и Бугарија. Нам ни требат 200 тони месечно сурово масло – вели Наумовски.

Во однос на цените, тој потенцира дека тоа е берзански производ на кој никако не може ценовно да се влијае.

„Брилијант“ е најголем производител на сончогледово масло во државава, и како што вели Наумовски, станува збор за најсовремен начин на производство, со капацитет што е два и пол пати поголем во однос на потребите на Македонија.

Во Србија, пак, ги намалија површините засеани со други земјоделски производи за сметка на сончогледот.

Се проценува дека засеаните површини под сончоглед во Украина би можеле да паднат во 2022 година на најниско ниво во последните 13 години, на околу 4,2 милиони до 4,4 милиони хектари, или 35 отсто во споредба со нивото од 2021 година.

The post Србија не дозволи извоз: Производителите панично бараат суровина, ќе останеме без масло за јадење appeared first on Република.