Министерката за одбрана на Португалија, Марија Хелена Кареирас утре ќе пристигне во прва официјална посета на Македонија, соопшти Министерството за одбрана.

За време на посетата, во Министерството за одбрана, министерката Кареирас ќе оствари тет-а-тет средба со министерката Славјанка Петровска, по што двете министерки ќе го потпишат и првиот договор за билатерална соработка на полето на одбраната.

The post Португалската министерка за одбрана утре во официјална посета на Македонија appeared first on Република.

Претседателот на Владата на Република Македонија Димитар Ковачевски денеска имаше билатерална средба со министерот за надворешни работи на Португалија, Жоао Гомес Кравињо, кој е во дводневна официјална посета на нашата земја.

На средбата премиерот Ковачевски и министерот Кравињо уште еднаш ја потврдија успешната билатерална соработка помеѓу Република Македонија и Португалија и разговараа за можностите за интензивирање и унапредување на економската билатерална и мултилатерална соработка, во контекст на постојната економска и енергетска криза со која се соочува светот.

Министерот за надворешни работи на Португалија изрази искрени честитки за отворањето на преговорите за полноправно членство на Република Македонија во ЕУ посочувајќи дека за оваа одлука беа потребни и политичка и државничка храброст. Кравињо го информираше премиерот Ковачевски дека Португалија е подготвена да обезбеди и политичка и техничка поддршка, во континуитет во текот на целиот евроинтеграциски процес.

На средбата со португалскиот министер за надворешни работи присуствуваше и вицепремиерката за политики за добро владеење Славица Грковска.

Според агендата министерот за надворешни работи на Португалија Кравињо, во рамките на официјалната посета имаше одделни средби со министерот за надворешни работи на Република Македонија Бујар Османи, со заменикот на претседателот на Владата за европски прашања Бојан Маричиќ, а средба е предвидена и со претседателот на државата Стево Пендаровски.

The post Ковачевски – Кравињо: Португалија е подготвена да обезбеди и политичка и техничка поддршка во евроинтеграцискиот процес appeared first on Република.

Португалскиот играч за врска Бруно Фернандеш постигна два гола во финалето на плејофот за Светското првенство 2022 година. Португалија синоќа во Порто ја совлада македонската фудбалска репрезентација со 2:0 и обезбеди пласман на Мундијалот во Катар.

Овој натпревар треба да се памети затоа што влеговме на Светското првенство. Беше многу важен натпревар, навивачите беа беспрекорни, атмосферата вечерва беше неверојатна. Луѓето разбираат што ни треба. За мене главната работа е да му помогнам на тимот. Ако е можно и да реализирам. Секако, сите сакаме да постигнуваме гол на секој натпревар, без разлика дали тоа е најважниот или најмалку важен. Не ги губам од вид идеите на нашиот тренер. Секогаш се трудам да го правам она што го бара тренерот. Главната работа е што Португалија победи. Секој има амбиција. Роналдо и јас не сме исклучок. Обично тој постигнува гол, а јас асистирам. Но, овој пат беше обратно, изјави Фернандеш.

Репрезентацијата на Португалија шести пат по ред ќе учествува на Мундијалот. Последен пат тимот го пропушти овој турнир во 1998 година. На Светското првенство 2006 година стигна до полуфиналето, во 2010 и 2018 година стигна до 1/8 финалето, во 2002 и 2014 година не ја помина групата. зс/

The post Фернандеш: Обично Роналдо дава гол, а јас асистирам, овој пат е обратно appeared first on Република.

Португалија поведе со 2-0 против Македонија на 23 минути пред крајот на финалниот натпревар од баражот за пласман на Светското првенство кое на крајот на годината ќе се игра во Катар.

Стрелец е Бруно Фернандеш, фудбалерот кој го постигна и првиот гол во првото полувреме. Селекцијата на Португалија го зголеми водството на 2-0, откако при обидот Барди да повлече напад, погреши, а по брзата контра погоди Фернандеш во 65-та минута

Линк од голот

https://lokalno.mk/wp-content/uploads/2022/03/port.mp4

https://republika.mk/sport/fudbal/bruno-nosi-prednost-za-portugalija-ja-kazni-greshkata-na-ristovski/

The post Бруно Фернандеш ни даде втор гол – ја сруши надежта на Македонија appeared first on Република.

Македонската репрезентација во моментов го игра финалниот натпревар од баражот за Светското првенство против Португалија. На полувремето од натпреварот водството му припадна на Португалија (1:0).

Нашата репрезентација одлично го започна натпреварот, воведните минути се играа смирено на двете страни.

Во 14. минута од натпреварот Роналдо имаше одлична шанса за да го отвори резултатот но сепак беше непрецизен и остана 0:0.

Некаде на средината на полувремето Алиоски шутираше надвор од шеснаесетникот, но неговиот удар беше блокиран од одбранаа на Португалија.

Во 32. минута од натпреварот Бруно Фернандеш ја затресе мрежата на Македонија и донесе водство на Португалија од 1:0.

Останува да го проследиме второто полувреме и да видеме дали селскторот Милевски ќе најде решение да го сврти натпреварот во наша корист.

Извор: СпортМ

https://republika.mk/sport/fudbal/bruno-nosi-prednost-za-portugalija-ja-kazni-greshkata-na-ristovski/

The post Португалија води на полувреме против Македонија appeared first on Република.

Португалија поведе со 1-0 против Македонија во финалето од баражот за пласман на Светското првенство во Катар.

Бруно Фернандеш е стрелец на голот, со асистенција на Кристијано Роналдо, откако претходно Стефан Ристовски направи грешка и ја изгуби топката.

https://republika.mk/sport/fudbal/link-vo-zivo-od-mechot-makedonija-portugalija/

The post Бруно носи предност за Португалија, ја казни грешката на Ристовски appeared first on Република.

Линк за следење на натпреварот Португалија - Македонија

Линк 2 за следење на натпреварот Португалија - Македонија

The post Линк во живо од мечот Македонија – Португалија appeared first on Република.

Насловната страница на шпанскиот спортски магазин Марка пред денешниот историски дуел на Македонија:

The post Македонското знаме и Македонија на насловната на шпанска „Марка“ appeared first on Република.

Македонскиот репрезентативен голман, Столе Димитриевски најавува максимална борбеност против Португалија во вечерашното финале од плејофот за пласман на Светското првенство 2022.

Наше е да излеземе на „Драгао” и да го дадеме најдоброто од себе. Ништо повеќе, ништо помалку. Овој меч е тоа што го посакувавме цел живот. Го заслуживме и ќе се бориме да го оствариме сонот. Нашиот и на цела Македонија, изјави Димитриевски за „Видеолотарија Касинос Австрија“ партнерот на „црвено-жолтите“.

На својот 54-ти настап во националниот дрес, Димитриевски сигурно ќе биде изложен на огромни искушенија, соочен со налетите на еден од најдобрите фудбалери во историјата на оваа игра, Кристијано Роналдо, меѓутоа и на неговите вонсериски колеги од репрезентацијата како Бруно Фернандеш, Диого Жота, Жоао Феликс…

Ќе биде исклучително тешко. Португалија е една од најсилните светски репрезентации. Имаат неверојатен индивидуален квалитет, покриени се на сите позиции и секако дека влегуваат како фаворити. Треба да го исполниме тоа што од нас го бара селекторот. Секој ја знае својата задача и мора да бидеме максимално фокусирани. Веруваме во себе и ќе излеземе со желба и мотив да испишеме историја за македонскиот фудбал, додаде Димитриевски.

Португалците играат за осми настап на Мундијалите, Македонците за историски, прв.

Натпреварот ќе се игра на „Драгао“ во Порто со почеток во 20 часот и 45 минути.

The post Димитриевски: Ќе се бориме да го оствариме сонот на Македонија appeared first on Република.

Легендата на македонскиот фудбал Дарко Панчев во разговор за српски „Курир“ пред историскиот натревар со Португалија вели дека селекторот Благоја Милевски треба да разговара со српскиот стратег Пикси за овој дуел.

Србија ја победи Португалија во групите и затоа ќе му препорачам на нашиот селектор Милевски да разговара со Драган Стојковиќ Пикси, сигурен сум дека има што да му каже. Да го најде како знае и умее. Нека се јави во федерацијата. Да добие совет, информација. Сепак Пикси е поискусен тренер, а да не заборавиме и каков фудбалер беше. Еден од најголемите на овие простори. Тоа може да му биде корисно, не треба да е суетен, треба да му се јави и да го праша, изјави Панчев.

The post Панчев: Милевски како знае и умее да му се јави на Пикси appeared first on Република.