Резултатот 2:0 во корист на Грузија ги реши дилемите за првото место во групата. Грузијците одат понатаму и преку бараж ќе бркаат шанса за Европското првенство 2024.

Селектрот на македонската репрезентација Благоја Милевски е задоволен од играта на своите момци.

Најпрво сакам да ѝ честитам на Грузија за првото место и пласманот во баражот. Можам да бидам горд на момците како одиграа, но загубивме на ист начин, на наши грешки. Мислам дека заслуживме многу повеќе вечерва. Доминиравме 90 минути. Грешките се составен дел од фудбалот и спортот, но секој треба индивидуално да работи на психолошката подготовка пред да дојде на собир на репрезентацијата. Мораме да бидеме сконцентрирани и да бидеме поконкретни во самата завршница.

The post Милевски: Доминиравме 90 минути, а загубивме на наши грешки appeared first on Република.

Македонската фудбалска репрезентација ги загуби шансите за промоција во повисок ранг во Лигата на нации и место во баражот за пласман на ЕУРО 2024, откако вечерва претрпе пораз на гостински терен од Грузија во Тбилиси со 2:0 (1:0) во рамки на претпоследното коло во групата 4.

Грузија извојува победа искористувајќи ги максимално грешките во македонската одбрана, иако избраниците на селекторот Благоја Милевски во голем дел од натпреварот одиграа квалитетно и го диктираа темпото на играта.

Домаќините поведоа со автоголот на Бојан Миовски во 35 минута, а конечниот резултат го постави Квича Кварацкелија во 64 минута по кардинална грешка на дефанзивецот Дарко Велковски.

Македонските фудбалери доминираа на теренот до водечкиот гол на Грузија, а откако и во воведните 20-ина минути од вториот дел повторно не реализираа голем број шанси уследи втората казна од домаќините и втор пораз во ова издание на Лигата на нации од вечерашниот противник.

На едно коло пред крајот на натпреварувањето, Грузија го обезбеди првото  место во групата во Ц-дивизијата со 13 бодови, пред македонската репрезентација која остана второпласирана со седум бодови.

Противник на македонскиот состав во последното коло ќе биде Бугарија в понеделник во Скопје.

The post Македонските фудбалери поразени од Грузија во Лигата на нациите appeared first on Република.

Македонската фудбалска репрезентација вечерва од 18 часот во Тбилиси и гостува на Грузија во рамки на претпоследниот натпревар во групата 4 од Ц-Дивизијата во Лигата на нации.

Македонскиот состав предводен од селекторот Благоја Милевски најави дека ќе оди на победа против лидерот во групата, и покрај проблемите со многу повредени играчи.

Во црвено – жолтиот дрес вечерва ќе ги нема стандардните Стефан Ристовски, Аријан Адеми и Дарко Чурлинов, а ќе недостасуваат уште неколкумина повредени играчи.

Грузија води на табелата со 10 бодови и за промоција во Б – Дивизијата ќе и биде доволен и бод, додека избраниците на Милевски ќе треба да триумфираат најмалку со три голови разлика, а в понеделник да ја совладаат и Бугарија во Скопје, за да изборат пласман во повисок ранг во Лигата на нации

The post Вечерва сите сме Македонија: Бркаме три разлика против Грузија appeared first on Република.

Македонската фудбалска репрезентација доживеа тежок пораз од Грузија во 3. коло Ц-сегмент од Лигата на нации. Вечерва на „Тодор Проески“ во Скопје пред околу 10 илјади гледачи Грузијците победија со убедливи 3:0.

Стрелци на головите за гостинската селекција беа Буду Цицивадзе во 52. Квича Кваратскелија во 62. и Отар Китеишвили во 84. минута.

Грузија како што и најави пред натпреварот, дојде во Скопје и се реваншира за поразот на нивни терен во минатиот циклус, во натпревар кој одлучуваше кој ќе оди на Европското првенство 2020.

Избраниците на селекторот Благоја Милевски беа немоќни да сторат нешто повеќе, посебно ова се однесува на второто полувреме.

По овој пораз „црвено-жолтите“ останаа на четири бода и речиси ги загубија шансите за првото место во четвртата група, а со тоа и пласман во полуфиналето во плејофот. Грузија со максимални девет бода од три натпревари е лидер на табелата.

На вториот натпревар во оваа група, Гибралтар и Бугарија одиграа нерешено 1:1. Бугарите имаат два бода, Гибралтар еден.

The post Грузија ја прегази Македонија среде Скопје appeared first on Република.

Дојде премиерот со свитата и им го зеде местото на фудбалските легенди во ВИП-ложата, пишува Спортмедија.

Според пишувањето на порталот, неколку минути пред почетокот на дуелот Македонија – Грузија, се појавил премирот Димитар Ковачевски со неколку функционери на СДСМ и обезбедувањето ги преместило легендите Александар Васоски, Николче Новески, Гоце Седлоски, Љупчо Марковски, Неџмедин Мемеди за да седнат политичарите.

The post Дојдоа диви избркаа легенди: Ковачевски, Шилегов, Зечевиќ, Каевски им ги зедоа местата на Васоски, Седлоски, Мемеди… appeared first on Република.

Селекторот на фудбалската репрезентација на Грузија, Вили Сањол, најавува игра на победа на неговите избраници на утрешниот натпревар против Македонија на Националната Арена „Тодор Проески“ во рамки на третото коло од групата 4 во дивизијата Ц од Лигата на нации.

Грузија во првите две кола оствари две убедливи победи, против Гибралтар на домашен терен од 4:0 и на гости против Бугарија од 2:5.

Македонија пак, настапот во Лигата на нации го отвори со реми во Разград против Бугарија (1:1) и триумф од 2:0 на гостувањето во Гибралтар.

Сањол вели дека неговите фудбалери посакуваат победа што би претставувала еден вид одмазда за поразот во финалето на бараж натпреварот за пласман на ЕП 2020.

Максимално ја почитуваме Македонија, за која не врзуваат болни сеќавања од Тбилиси. Домаќините се фаворити на овој меч, не ние. Но тоа не значи дека однапред се предаваме. Напротив, дојдовме тука по победа затоа што Македонија е наш должник. Имаме два одлични натпревари во низа, и сега сакаме тоа да продолжи. Овој натпревар може да биде многу важен во битката за првото место, затоа сакаме три бода – изјави  Сањол на прес-конференцијата.

The post Сањол: Ја почитуваме Македонија, но дојдовме да победиме appeared first on Република.

Селекторот на фудбалската репрезентација на Македонија, Благоја Милевски го одреди составот од 11 фудбалери кои вечерва од 20.45 часот ќе истрчаат на Националната Арена „Тодор Проески“ на дуелот против Грузија.

Стартниот состав е идентичен на тој што истрча во Разград на стартот од новото издание во Лигата на нации.

Димитриевски ќе биде на голот, а во одбраната се Ашковски, Муслиу, Велковски и Алиоски. Во средниот ред Во средниот ред Спировски, Барди и Елмас, на крилните позиции Чурлинов и Трајкоски,  додека напаѓач е Милан Ристовски.

The post Стартниот состав против Грузија ист како со Бугарија appeared first on Република.