Полицијата беше најмногубројна на мечот помеѓу Македонија ЃП и ЦСКА Софија. На комплексот на ФФМ во Лисиче имаше овеќе обезбедување од публика.

https://republika.mk/sport/fudbal/samo-50-tini-bugarski-navivachi-vo-skopje-nikoj-ne-moze-da-im-se-doblizi/

Македонските и бугарските навивачи беа и физички раздвоени на трибините.

Дури и на новинарите не им беше дозволен пристап до навивачите кои беа околу 60. Но, иако се очекуваше дека ќе допатуваат најопасните "тифози" сепак во Скопје допатуваа "нормални" поддржувачи на бугарскиот клуб.

На теренот пак слаба игра со оглед на временските услови.

The post Повеќе полиција од публика на мечот Македонија ЃП-ЦСКА Софија appeared first on Република.

Само педесетина навивачи на ЦСКА денеска присуствуваа на мечот во Скопје Македонија ЃП во дуелот од Конференциската лига.

Тие се наоѓаат на изолирана трибина, а мечот засега поминува без инциденти и провокации.

Претходно фубалерите на ЦСКА Софија во Скопје пристигнаа со автобус на кој случајно или не има порака „Нема иднина без историја“.

https://republika.mk/sport/fudbal/cska-sofija-srede-skopje-porachuva-nema-idnina-bez-istorija/

The post Само 50-тини бугарски навивачи во Скопје, никој не може да им се доближи appeared first on Република.

Натпреварот меѓу Македонија Ѓорче Петров и ЦСКА Софија в четврток во 17 и 30 ќе играат на теренот на ФФМ во Скопје. Како што „Република“.мк прва објави, МВР од безбедносни причини бараше средбата да се игра во Струмица со изговор дека тој ден во Скопје има многу настани.

УЕФА очекувано тоа не го прифати и одлучи дека натпреварот ќе се игра во Скопје.

The post УЕФА контра МВР: Meчот Македонија ЃП-ЦСКА Софија ќе се игра во Скопје appeared first on Република.

Министерството за внатрешни работи ги потврди пишувањата на Република дека Бирото за јавна безбедност (БЈБ) бараат натпреварот од второто квалификациско коло на Конференциската лига на УЕФА, меѓу Македонија Ѓорче Петров и ЦСКА Софија да не се игра во Скопје.

МВР испрати предлог до ФФМ за натпреварот да се одигра во Струмица место во Скопје поради зголемен број настани во главниот град и ангажмани на СВР Скопје. ФФМ го испратиле барањето до УЕФА бидејќи тие одлучуваат, но до овој момент не е добиен одговор. Во секој случај гарантираме безбедно одвивање на натпреварот, каде и да се игра - одговорија од МВР на прашањата на Република дали е побарано натпреварот да се одигра во Струмица наместо во Скопје.

Република вчера објави дека натпревар е закажан за в четврток, 21 јули од 17.30 часот на тренинг центарот на ФФМ во Ново Лисиче, но, според неофицијални информации, со одлука на полицијата неговото одигрување на таа локација сериозно се става под знак прашалник.

Од извори на „Република“ дознаваме дека од БЈБ испратиле писмо до ФФМ, во кое се вели дека МВР не се нафаќа, односно не може да го организира тој натпревар со гарантирана безбедност. Дополнително, според овие неофицијални информации, во писмото се наведува дека проблемот не е во теренот на ФФМ, туку дека овој натпревар не може да се игра во Скопје, односно ниту на Националната арена „Тоше Проески“, каде што своите натпревари ги игра македонскта фудбалска репрезентација, туку, од БЈБ бараат дуелот меѓу Македонија ЃП и ЦСКА Софија да се игра во Струмица.

Ваквиот одговор на МВР личи како начин да се избегне одговорност, а топката ја префрлаат на УЕФА. Бугарските медиуми објавуваа дека Бугарија бара Скопје да биде изземен од организација на натпреварот, поради тензиите кои постојат меѓу двете земји на политички план.

 Дали овој натпревар воопшто треба да се игра во главниот град на Македонија? УЕФА има практика брзо да реагира на политичките тензии и да ги испраќа натпреварите на неутрални терени. Во конкретниот случај, дури и ова е повеќе од погодно, бидејќи српскиот град Ниш е блиску до двата главни града. Во последните години, УЕФА не дозволува тимови од Ерменија и Азербејџан, како и од Русија и Украина да се сретнат на турнирите. ЦСКА мора да ја посети базата на репрезентацијата на Македонија, именувана од „Македонија ЃП“ за арената на натпреварот. Доколку „Црвените“ ја контактираат УЕФА за проблемот, голема е веројатноста Нион да направи промена. Ова не важи за гостувањето на „Македонија ЃП“, бидејќи во Софија нема слична атмосфера, стои во анализата на бугарскиот дневен весник „Труд“.

https://republika.mk/sport/fudbal/biroto-za-javna-bezbednost-ne-dozvoluva-makedonija-gjp-i-cska-sofija-da-igraat-vo-skopje/

The post МВР ги потврди пишувањата на Република: БЈБ не дозволува Македонија ЃП и ЦСКА Софија да играат во Скопје appeared first on Република.

МВР, поточно Бирото за јавна безбедност (БЈБ) бараат натпреварот од второто квалификациско коло на Конференциската лига на УЕФА, меѓу Македонија Ѓорче Петров и ЦСКА Софија да не се игра во Скопје.

Овој натпревар е закажан за в четврток, 21 јули од 17.30 часот на тренинг центарот на ФФМ во Ново Лисиче, но, според неофицијални информации на „Република“, со одлука на полицијата неговото одигрување на таа локација сериозно се става под знак прашалник.

Од извори на „Република“ дознаваме дека од БЈБ испратиле писмо до ФФМ, во кое се вели дека МВР не се нафаќа, односно не може да го организира тој натпревар со гарантирана безбедност. Дополнително, според овие неофицијални информации, во писмото се наведува дека проблемот не е во теренот на ФФМ, туку дека овој натпревар не може да се игра во Скопје, односно ниту на Националната арена „Тоше Проески“, каде што своите натпревари ги игра македонскта фудбалска репрезентација, туку, од БЈБ бараат дуелот меѓу Македонија ЃП и ЦСКА Софија да се игра во Струмица.

https://republika.mk/sport/fudbal/od-utre-vo-prodazba-biletite-za-mechot-makedonija-gjp-cska-sofija-kje-chinat-300-denari/

Ваквото барање навестува дека највисоките полициски структури се обидуваат да ја исполитизираат атмосферата околу одигрувањето на овој натпревар против славната бугарска екипа, затоа што е крајно нелогично МВР да тврди дека овој натпревар не може да се игра во Скопје, кога со години се играат натпревари, дури и од висок ризик, како на клупско, така и пред се на репрезентатвно ниво.

Уште повеќе, што токму на тој стадион во Ново Лисиче, само пред ден-два, гостуваше Легија Гдањск со околу 250 полски ултрас навивачи, кои ширум Европа важат за едни од најпроблематичните, а секако понезгодни од навивачите на ЦСКА, а кои се најавени дека присуствуваат на дуелот во бројка што се движи околу 60 луѓе.

https://republika.mk/sport/fudbal/vo-skopje-dopatuvaa-250-polski-huligani-kje-marshiraat-od-kej-do-novo-lisiche/

Затоа, не може да држи вода евентуалното образложение дека токму присуството на бугарските навивачи е непремостлив проблем за одигрување на мечот, со оглед на тоа што веќе е најавено дека заедно со нив, во Скопје треба да пристигнат и одреден број припадници на бугарската полиција, кои ќе бидат покрај нив во текот на целиот нивен престој на македонска територија.

Истовремено, прилично стандардна процедура во вакви случаи е движењето на гостинските навивачи низ главниот град да биде ограничено само во хотелот во кој ќе бидат сместени (и секако, на стадионот) и да не смеат да го напуштат истиот и слободно да се движат низ улиците.

https://republika.mk/sport/fudbal/bugarska-policija-doagja-vo-skopje-so-cska/

Политизацијата на ваквата одлука на БЈБ, може да се заклучи и според тоа што оди во чекор со пишувањата на бугарските медиуми од изминатава недела, во кои се објавуваше дека „поради политички тензии“ натпреварот не смее да се игра во Скопје. Притоа, како можност за одигрување на средбата се спомнуваа и локации надвор од Македонија.

https://republika.mk/sport/fudbal/opasna-igra-bugarija-gi-sporeduva-mechevite-so-makedonski-ekipi-kako-onie-megju-rusija-i-ukraina-koi-se-vo-vojna/

Ваквата одлука на БЈБ ги става во многу незгодна позиција, како клубот, така и Фудбалската федерација, особено што подготовките за натпреварот се веќе во поодмината фаза. За тоа сведочи и тоа што УЕФА, која е прилично внимателна при безбедносни прашања за кој било меч во нејзина надлежност, веќе има обајевно најава за натпреварот во која, освен официјалните лица, се наведува дека место на одигрување ќе биде Тренинг центарот на ФФМ.

Сепак, по барањето на БЈБ, од ФФМ ќе мора да ја известат УЕФА и евентуално да побараат дозвола натпреварот да биде преместен на друга локација.

Дополнителен проблем е тоа што, теренот во Струмица, наведен во писмото на БЈБ како пожелна локација, во моментов не ги исполнува во целост критериумите на УЕФА за одигрување на меч од европските купови. Потврда за такво нешто е и тоа што Академија Пандев, на која Струмица и е домашен терен, против Легија Гдањск мораше да игра токму на Тренинг центарот на ФФМ, што сега според БЈБ е спорен.

По се ова, останува да се види каков ќе биде одговорот на УЕФА, која вообичаено не прифаќа мешање на политика и политички прашања во своите натпреварувања. Во моментов опциите се европската куќа на фудбалот да „прогледа низ прсти“ за стадионот во Струмица, да треба мечот да се игра во надвор од Македонија или, пак, МВР и БЈБ, ќе го променат својот став и натпреварот ќе се игра онака како што првично беше замислено и веќе испланирано.

The post Бирото за јавна безбедност не дозволува Македонија ЃП и ЦСКА Софија да играат во Скопје appeared first on Република.

Македонија Ѓорче Петров објави детали за продажбата на влезници за натпреварот против ЦСКА Софија во второто коло на Конференцсиката лига на УЕФА. Дуелот меѓу Македонија ЃП и ЦСКА Софија ќе се одигра на 21 јули на тренинг-центарот „Петар Милошевски“ при ФФМ.

Продажбата на билетите почнува од утре и ќе се одвива во периодот од 9 до 11, како и од 17 до 20 часот се до денот на натпреварот. Секој ќе може да купи најмногу две влезници и да покаже документ за идентификација. Цената на билетите изнесува 300 денари.

The post Од утре во продажба: Билетите за мечот Македонија ЃП – ЦСКА Софија ќе чинат 300 денари appeared first on Република.

Опасна игра доаѓа од Бугарија. Наместо политика овојпат на фудбалски терен. Повод е мечот од Конференциската лига помеѓу Македонија-ЃП и ЦСКА од Софија.

Првиот дуел треба да се игра на комплексот на ФФМ во населбата Лисиче. Како што се пропозициите на УЕФА домаќинот одреди проценти билети од капациетот на стадионот а тоа е само 60 билети.Тоа не им се допаднало на гостите од Софија и барале повеќе билети.

Oд организаторот на мечот било понудено натпреварот да се игра на Националната арена. Но и тоа Бугарите не го прфатиле.

https://republika.mk/sport/fudbal/bugarite-baraat-mechot-makedonija-gjp-cska-da-se-igra-vo-nish-namesto-vo-skopje/

Прашањето е што се плаши бугарската екипа? Дали се исплашени од моменталната политичка состојба и антибугарските протести или навистина сакаат што поголем број фанови да дојдат во Скопје и да го бодрат својот тим?

Она што посебно загрижува е што гостите бараат од УЕФА да го смени местото на одигрување на мечот и тој да се игра на неутрален терен. Дури и предлагааат тоа да биде Ниш кој според нив била идеална дестинација бидејќи бил подеднакво одалечен и од Скопје и од Софија.

Ова е опасно барање на Бугарите бидејќи УЕФА дозволува промена на местото на одигрување само во екстремни случаи кога во градот е небезбедно или кога државата е во војна. Во Македонија непречено доаѓаат бугарски и европски политичари и влакно не им фали.

Другата опасна теза што ја наметнуваат Бугарите е што мечевите меѓу нивни и наши екипи ги споредуваат со оние меѓу руски и украински, држави кои се во војна.

[caption id="attachment_510372" align="alignnone" width="586"] Од дуелот Македонија - Бугарија[/caption]

А допрва во септември треба во Скопје да играат репрезентациите на Македонија и Бугарија.

The post Oпасна игра: Бугарија ги споредува мечевите со македонски екипи како оние меѓу Русија и Украина кои се во војна appeared first on Република.