Медиумите од регионот пишуваат за изборот на Талат Џафери за прв премиер Албанец. „Новости“ пишува дека Македонците од денеска се кираџии во сопствената држава, пренесувајќи ја и пораката од пратеникот Антонио Милошоски дека „Џафери не може да биде добар премиер“.

Српска „Република“ пишува дека Македонија доби за прв пат премиер Албанец, кој е еден од водачите на УЧК во 2001 година.

„Вести онлајн“ пренесува анализа за случувањата во Македонија и што ќе ја очекува земјата во следниот период по изборите.

Бугарската телевизија „БТВ“ пишува дека Македонија го доби првиот премиер кој е етнички Албанец.

Грчките медиуми исто така ја пренесуваат информацијата дека Талат Џафери е избран за привремен премиер во Македонија.

The post Македонците од денеска кираџии во сопствената држава, коментираат српските медиуми appeared first on Република.

Македонците од општина Пустец годинава не можат да обезбедат огревно дрво. Порано ги обезбедуваше општината во договор со Националната агенција за заштитени подрачја, но сега тоа истата не го дозволува, јави весникот „Македониум“.

Револтот тие го искажале на протест пред општина Пустец, на денот кога се очекувала посетата на директорката на Националната агенција за заштитени подрачја, но таа ја откажала посетата, а жителите биле примени од градоначалникот Пали Колефски.

Ги поддржувам жителите во нивното барање за снабдување со огревно дрва бидејќи тоа е елементарно право. Ние сме планинска област и огревното дрво е незаменливо. Општината од мај направи список на жители за тоа колку огревно дрво ќе им треба за зимата. Барањето го доставивме до Агенцијата за заштитени подрачја. Сметавме дека ќе се реши како и претходните години, изјавил Колефски.

Според него, во изминатите години ова прашање го решавале во договор со Агенција, која прави маркирање на дрвата што може да се сечат, бидејќи станува збор за заштитено подрачје.

Сакаме да одиме да ги купиме дрвата како и досега, но ништо, изјавил Цветко Китани, претседател на месната заедница на село Леска.

Станува збор за околу 800 семејства за кои се потребни до осум илјади кубни метри огревно дрво. Општината чека дозвола од Националната агенција за заштитени подрачја за спроведување на договорот, бидејќи целата територија на општината има статус на национален парк „Преспа”.

The post Македонците од Пустец на протест, бараат огревно дрво appeared first on Република.

Пратеникот и потпретседател на ВМРО-ДПМНЕ, Александар Николоски учествува на сесијата на Парламентарното собрание на Совет на Европа (ПССЕ).

Во Совет на Европа во Стразбур во борба за Македонија и правата на Македонците.

Помеѓу другото ќе зборуваме и за:

- масовното следење на комуникации со малициозен софтвер како Пегасус и Предатор, како и сомнежите за следење на раководството на ВМРО - ДПМНЕ од страна на власта на СДСМ и ДУИ.

- предизвиците на екстремно десната идеологија и загрозувањето на правата на Македонците во Бугарија и во Албанија како резултат на оваа идеологија.

Секогаш за Македонија!, истакна Николоски.

The post Николоски од Стразбур: Во борба за Македонија и правата на Македонците appeared first on Република.

Мешањето од бугарската држава последните години и сега во време на попис во Република Албанија е зголемено и поагресивно, вели за Дојче Веле, Никола Ѓурѓај, претседател на Македонско друштво „Илинден”-Тирана и главен и одговорен уредник на весникот „Илинден“, кој се печати на македонски јазик во Тирана. Според него, цела бугарска машинерија е впуштена во притисоци кон Македонците да се попишат како Бугари со сите методи. Главна е делење пасоши и уцена да се пишат Бугари за да добијат државјанство, бидејќи само тоа „пали“ кај населението поради економски причини за да бегаат во западните земји за подобар живот. „Да беше Албанија или Македонија во ЕУ нема ни што да нудат“, оценува Ѓурѓај за ДВ.

Пописот во Република Албанија почна на 18 септември и завршува на 30 октомври годинава. Македонското друштво „Илинден“-Тирана почна со кампања „Горе главата – Изјасни се дека си Македонец“ во Република Албанија и во континуитет апелира до Македонците во Република Албанија да не се плашат и слободно да се попишат. „Тие со векови се Македонци коишто зборуваат македонски јазик“, вели Ѓурѓај. Во екот на пописот и зголемените притисоци на терен, тој ја опишува атмосферата во која што се спроведува најголемата статистичка операција во соседна Албанија.

Високи функционери од Бугарија ги посетуваат регионите каде што живеат Македонците во Голо Брдо, Мала Преспа, Гора и Врбник. Делат помош, нудат државјанства како на пазар, укажува претседателот на македонското друштво „Илинден“ во Тирана.

Ваквите предупредувања доаѓаат по информациите дека амбасадорот на Бугарија во Тирана, Ивајло Киров, допатувал во Пустец во време кога во Албанија се одржува пописот на населението и домаќинствата и граѓаните ќе бидат прашани и за нивната етничка припадност. Потпретседателот на Македонска алијанса за европска интеграција, Ефтим Митревски оваа посета ја оцени како мешање и форма на притисок.

Претседателот на македонското друштво „Мост“, Бесник Хасани, пак тврдеше дека бугарскиот амбасадор ги убедувал Македонците да се попишат како Бугари на пописот, притоа делејќи им на улица бесплатни електронски уреди – таблети и телефони.

Во пресрет на пописот, и потпретседателката на Бугарија, Илијана Јотова, беше во неколкудневна посета на Албанија, при што го посети селото Големо Острени и се сретна со претставници на бугарското национално малцинство од регионот Голо Брдо. Месноста Голо Брдо и селото Големо Острени се лоцирани на крајниот источен дел од Албанија. Населени се претежно со македонско население.

Делат помош, нудат државјанства како на пазар и тоа го прави земја што е во ЕУ пред очите на целокупна јавност во Република Албанија. Дали институциите го гледаат тоа и амбасадите акредитирани во Република Албанија, бидејќи јасно е дека не е дозволено во време на попис да се прави притисок врз населението, вели нашиот соговорник. Тој ги повикува институциите во Република Албанија да преземат мерки и странските амбасадите во Република Албанија, како и институциите во татковината Македонија.

Целиот текст на Дојче Веле

The post Никола Ѓурѓај: Нудат бугарски државјанства како на пазар appeared first on Република.

Двајцата познати активисти за правата на Македонците во Албанија, Панди Јани од Пустец, Мала Преспа и Едмонд Османи, од Требиште, Голо Брдо, побараа од Македонците во оваа земја, пред престојниот попис на населението и домаќинствата, што почнува в понеделник да не потклекнуваат под никаков притисок и да се изјаснат она што единствено се-Македонци.

Го повикувам својот македонски народ да не потклекнува под никаков притисок и да не се дели од неговото македонско ткиво. Ние сме биле, сме и ќе останеме Македонци и покрај обидите на Бугарија да не прикаже како нешто што не сме. Со векови сме на овие простори како Македонци и тоа и ќе останеме. На моите драги Македонци, каде и да живеат во Република Албанија, им порачувам слободно да се изјаснат на прашањата за етничката, јазичната и религиска припадност. Да издржиме сите заедно, да не се делиме и да докажеме дека сме она што и навистина сме - Македонци, вели за МИА, Јани, претседател на огранокот на Партијата на слободата, на поранешниот албански претседател Илир Мета, кој често ја посетуваше Преспа и се среќаваше со, како што редовно ја нарекува, прекрасната македонска заедница.

Јани, кој беше кандидат за градоначалник на Пустец на последните избори во мај годинава, вели дека местото редовно го посетуваат бугарски емисари, но оти и покрај она што го подаруваат на „некои продадени души“ нема да постигнат ништо.

Едмонд Османи, потпретседател на единствената македонска партија во оваа земја, Македонска алијанса за европска интеграција (МАЕИ) и прв човек на адинистративната единица Требиште, соседна на Острени, каде што пред два дена престојуваше бугарската потпретседателка Илијана Јотова, придружувана од бугарски универзитетски професори и академици, вели дека вакви посети се редовни, но „попусто бараат Бугари“ зашто „ние сме Македонци и ништо друго“.

Зборуваме македонски и дома и во меѓусебни средби, тоа не ни го одзеде ни најдивата комунистичка дикататура. Нашите деца се до поаѓање на училиште тешко го разбираат албанскиот јазик а не пак бугарскиот. Какви Бугари бараат само тие знаат или оние малку продадени души. Ние ако сме во потешка економска состојба не сме дошле до тоа за децата да ни носат ранчиња и по некое благо. Низ многу тешки премрежија сме поминале и сме опстоиле и сега нема да не поколеба никој и ништо. Ние сме и остануваме Македонци.

 

Сакам да ја повторам изреката што претходно ја кажав за вашата редакција: Со векови зборуваме, пееме и плачеме на македонски и сега сака некој користејќи ја сиромаштијата да не направи она што не сме. Но, едно им порачувам, дека ниту сме биле ниту ќе бидеме Бугари, Ние сме Македонци и така и ќе останеме“, вели Османи за МИА.

Исто така, потсетува на постојната албанска статистика, дека ова е 12-ти попис на населението во Албанија и оти во изминатите 11 ниту еден граѓанин на Албанија не се изјаснил како Бугарин, но затоа има Македонци, Грци, Роми, Египќани, Власи, Бошњаци, Срби, Црногорци.

Има ли поголема потврда за постоењето на Македонците и непостоењето на Бугарите, заклучува Османи.

The post Македонски активисти од Албанија: Не се делете од македонското ткиво, кажете гласно дека сме Македонци appeared first on Република.

Министерството за надворешни работи (МНР) ги охрабрува сите Македонци во Албанија слободно да ја изразат својата етничка, јазична и религиска припадност, согласно законската регулатива и позитивната демократска пракса во Албанија, на претстојниот попис на населението во Република Албанија, кој почнува на 18 септември и ќе се реализира следните шест недели.

Албанија е препознатлива во светот по своето мултиетничко и мултикултурно општество, на начин како тоа е постигнато во Македонија, и кое претставува непроценливо автентично политичко и културно наследство. Препознавајќи ја улогата на Македонците како лојални граѓани на Албанија, претстојниот попис ќе им овозможи преку слободното изразување на својот идентитет, да ја потврдат со тоа и сопствената етничка, јазична, религиска и идентитетска припадност. Со тоа и дополнително ќе се потврди улогата на македонската етничка заедница во Албанија, во градењето мостови на пријателство меѓу двете држави, велат од МНР.

Македонија и Албанија, додаваат, се земји со исклучителни пријателски односи.

Министерството за надворешни работи и институциите на Република  Македонија ќе останат во интензивна комуникација со претставниците на македонската етничка заедница во Албанија, исто како и со институциите на Република Албанија, меѓу другото и за прашањата кои ги засегаат идентитетските прашања. Продолжуваме активно да се ангажираме за заштита и промовирање на овие права на ист начин како што тоа го правевме и досега, посочуваат од МНР.

The post МНР ги повикува Македонците во Албанија слободно да ја изразат својата етничка, јазична и религиска припадност на претстојниот попис appeared first on Република.

Македонското друштво Илинден Тирана најостро ја осудува, како што ја нарекува, антимакедонската дводневна посета на бугарската потпретседателка Илијана Јотова на Република Албанија, каде што беше придружувана од бугарски универзитетски професори и академици, сето тоа во пресрет на пописот на населението во Република Албанија.

Програмата на нивната акција „Бугарите во Албанија“ предвидува отворање „неделно училиште на бугарски јазик во Елбасан“, а во Тирана промоција на книгата на Спас Тошев „Бугарите во Албанија“, како и отворање на бугарски јазик. Неделно училиште во село Големо Острени, Голо Брдо. На ваквите бугарски активности остро реагираат Македонците во Голо Брдо и Елбасан, како и во цела Република Албанија.

Според реакциите на жителите на селото Големо Острени и на целата област Голо Брдо, со ова се поткопува историската вистина дека во мугрите на 4 март 1916 година, бугарската војска за време на бугарската окупација на Голо Брдо го зазеде Елез Кочи и Ќазим Дука од село Големо Острени. По бруталното мачење, двајцата биле живи закопани во близина на реката во селото Верница, Голо Брдо. Со оглед на тоа што училиштето отворено од Јотова во Големо Острени го носи името на Елез Кочи, кој беше убиен од бугарските ѕверови, јасна е пораката дека Бугарите сакаат да ѝ кажат на младата генерација Македонци од Голо Брдо дека треба да ја заборават својата историја и жртвите на бугарските ѕверства. Според Македонците во Голо Брдо, ваквиот чин е неприфатлив и не смее да се повтори.

Македонското друштво Илинден Тирана, како претставник на Македонците од Република Албанија, се солидаризира со бројните реакции на македонското население во Голо Брдо. Воедно, сметаме дека е потребно на светската јавност да ѝ ја пренесеме пораката на Македонците од Голо Брдо, и јасно да го декларираме македонското чувство на Македонците од Голо Брдо. Од нив во повеќе наврати беше побарано да се изјаснат како Бугари. Македонците во Република Албанија велат дека отсекогаш биле Македонци и никогаш нема да бидат Бугари. Сепак, ниту овој јасен протест на Македонците во Република Албанија не ја спречи крајно гнасната намера на Бугарија да ја заведе светската јавност дека Македонците во Република Албанија се всушност Бугари. Во исто време, користејќи евтина пропагандна акција, се обидуваат да го избришат сеќавањето на крвавите бугарски акции, при кои беа убиени патриоти како Елез Кочи и Ќазим Дука.

Промоцијата на кампањата „Бугарите во Албанија“ има за цел да ја искриви вистината и да го прикаже македонското население во Република Албанија како Бугари. Сфаќаме дека оваа акција е неопходна за Бугарите кои сакаат да ги оправдаат своите асимилаторски постапки во Република Албанија пред земјите од Европската Унија, свесни дека нивното однесување е апсолутно неприфатливо што доаѓа од членка на демократска унија. Од друга страна, ваквата „посета“ на високи бугарски претставници на Република Албанија треба да ги „потсети“ албанските власти дека на претстојниот попис во земјава треба да се погрижат да се зголеми бројот на Бугарите, во однос на претходниот попис, во која немаше ниту еден самопрогласен Бугарин во Република Албанија. Уцената на Бугарите кон албанската Влада го поврзува приемот на Република Албанија во Европската Унија, а цената треба да ја платат Македонците во Република Албанија.

Ваквите насилни дејствија на бугарската политичка елита, насочени кон асимилација на Македонците во Албанија, се од старт осудени, бидејќи Македонците нема да бидат прифатат да се декларираат како Бугари – се вели во писмото на Македонското друштво Илинден во Албанија.

The post Македонците од Албанија до Јотова: Не барајте Бугари меѓу нас, ние не ги забораваме бугарските ѕверства во Голо Брдо appeared first on Република.

БУГАРИ ВО АЛБАНИЈА НЕМА! ИМА САМО МАКЕДОНЦИ ОД КОИ НЕНАРОДНАТА ВЛАСТ СЕ ОТКАЖУВА! Кога Македонија не работи, ќе работи асимилаторската политика на Бугарија! Наместо да ги спроведе пресудите на Европскиот суд за човекови права од Стразбур со кои се бара признавање на Македонците во Бугарија и нивното право на здружување и мајчин македонски јазик, Бугарија бара непостоечки Бугари во Албанија, купувајќи ги душите на луѓето кои се напатени и измачени и живеат во тешка сиромаштија во Албанија, нудејќи им бугарски пасоши со кои можат да одат во побогатите земји на ЕУ по парче леб. Таа е вистината!, вели потпретседателот на ВМРО-ДПМНЕ, Александар Николоски.

-Бугари во Албанија нема, има Македонци кои матичната држава Македонија не ги штити и ги остава сами на себе.
За брзо време ненародната власт на СДСМ и ДУИ во Македонија ќе падне и Македонците и во Албанија и во цел свет ќе бидат со гордо крената глава!, пишува Николоски на Фејсбук.

The post Николоски: Бугари во Албанија нема! Има само Македонци од кои ненародната власт се откажува! appeared first on Република.

Според резултатите од пописот одржан во 2022 година, објавени деновиве на сајтот на Републичкиот завод за статистика (РЗС), во Србија живеат 6.647.003 лица, од кои како Македонци по националност се декларирале 14.767 лица.

Доколку се споредат податоците од пописите во Србија, во 2011 година како Македонци се изјасниле 22.755 лица, на пописот во 2002 имало 25.847 Македонци, а во 1991 имало 45.068 нашинци. Тоа укажува дека континуирано се намалува број на граѓани во Србија кои се изјаснуваат како припадници на македонското малцинство.

Кај резултатите од пописот, бројната состојба на секој народ надвор од својата матична држава во друга држава, се важни за секоја заедница, па така и за македонската заедница во Србија. Неофицијалните податоци со кои располагаат Македонците во Србија, но и неофицијалните податоци од ОБСЕ, говорат дека во Србија живеат околу 150.000 до 200.000 Македонци.

Македонците во Србија ги имаат сите права, дури и поголеми права во однос на Македонците од остатите републики на Балканот, при што може да се истакнат остварените резултати во образованието, културата, информирањето и службената употреба на јазикот и писмото, како и дека Македонците можат слободно да се изјаснат за својата национална припадност. Затоа загрижува опаѓањето на нивниот број, за безмалку половина за десет години.

На ова состојба треба да се посочи дека во Србија на последниот попис за првпат како Горанци (област Гора на Шар Планина-Косово) се изјасниле 7.700 лица.

Ако се имаат предвид повеќе реални фактори што влијаат на изјаснувањата на пописот, миграциите на младите Македонци како и сите други млади, природната смртност, „постојаната тивка“ асимилација која ја има во Србија, слогата односно неслогата, делбите помеѓу Македонците во Србија за кои најголема вина има Националниот совет, без оглед на изјавите од советот колку и што е сработено, дека ги имаме сите права, немањето на КИЦ и Лекотрат, не е никакво изненадување, што за овој попис бројот на Македонци во Србија е 14.767, вели за МИА Славе Груевски од Здружението на Македонците „Даме Груев“ во Србија.

Тој оценува дека резултатите од пописот се битни за финансирањето на Националниот совет на Македонците во Србија и над 50-те здруженија.

Од вкупните средства што државата ги издвојува за Националните совети, 30 проценти се распоредуваат подеднакво за сите совети, а останатите 70 проценти се делат на советите, сразмерно на бројот на секое малцинство по последниот попис. Бројките од пописот, се битни и за нашата матица земја, не само заради гласањата во амбасада, туку и заради грижата за нас, кои сме надвор од нашата матица и кои треба да бидеме мост на поврзување во многу области, вели Груевски.

Според резултатите од пописот, објавени на веб-страницата на РЗС, во Србија има вкупно 6.647.003 граѓани, од кои најмногу, како и на претходните пописи, се Србите, 5.360.239. Според резултатите , Албанци има 61.687, Бошњаци 153.801, Бугари има 12.918, Буњеваци 11.104, 21.013 Власи, 7.700 Горанци и 27.143 граѓани кои се идентификувале како Југословени.

На пописот имало и 184.442 Унгарци, 14.767 Македонци, 39.107 Хрвати, 20.238 Црногорци 2.829 Словенци, 13.011 муслимани, 2.573 Германци и 131.936 Роми.

Според објавените податоци, во Србија има 23.044 Романци, 10.486 Руси и 11.483 Русини, 41.730 Словаци, и 3.969 Украинци.

Како „останати“ според објавените податоци има 21.643 лица, а од оние што се изјасниле за регионална припадност 11.929.

Не се изјасниле 136.198 лица, а како „непознати“ се запишани 322.013 граѓани.

The post Во Србија има сѐ помалку Македонци appeared first on Република.

Кога ќе им го укинеш предметот Историја на децата на возраст на 10-11 години, кога се најчувствителни, кога практично детето почнува да го формира светот и кога буквално се буди неговата свест за сопствено идентитетско осознавање, за сопственото потекло, за припаѓање кон народ, кон држава, тоа значи дека им ја укинуваш нивната иднина како Македонци, вели професорот по социологија Илија Ацески во изјава за „Нова Македонија“.

Прашање е дали ова е направено смислено. Случајно сигурно не е, но доколку е случајно, тогаш е уште пострашно, вели Ацески.

Според социологот, несфатливо е некој да се дрзне да ја укине Историјата како предмет, бидејќи таа е клучна за идентитетското осознавање на една личност.

Нејасно е како едно дете од десет години ќе го оставиме незапознаено со тоа кое е, што е, да биде лоцирано во тој свет на етничко, историско, национално, народно битисување… Не можам да најдам зборови како да го објаснам ваквиот несфатлив чин, вели Ацески и стравува дека младите генерации ќе бидат оставени како „табула раза“, да ги обликува кој како што ќе стигне.

Ние живееме во време на наплив на информации отсекаде, во време на интернет, и кога на овие генерации ќе им ја испумпаш и таа и онака тенка врска со сопствената историја и идентитет, тогаш за што зборуваме повеќе. Искрено, не верувам дека дотаму ќе оди работата, вели професорот.

Негово мислење е дека децата мора да ја знаат историја на сопствената држава и никој не смее да ги лиши од тоа сознание.

The post Проф. Ацевски: Кога им ја укинуваш историјата на деца од 10-11 години, значи дека им ја укинуваш нивната иднина како Македонци appeared first on Република.

Неколку македонски ултра-маратонци викендов настапија на трката во Истра која е дел од светската серија на ултра-маратони.

Голем подвиг на Македонците, некои од нив настапија на трката на 168,6 км, а дел се натпреваруваа на 110 км, имавме натпреварувачка и на 42,1 километар.

Најдобар наш натпреварувач беше Виктор Најдовски кој делницата од 168,6 километри ја мина за 28 часа, 49 минути и 13 секунди. Тој заврши на 68. место.

Јовица Јованчев беше втор наш најдобар натпреварувач, со време од 36 часа, 31 минута и 19 секунди тој го освои 150. место, Дарко Шиповиќ стигна пет секунди подоцна од него и ја финишираше трката како 151.

На трката со делница од 110 километри, најдобра Македонка беше Радмила Јованова со време од 17 часа, 51 минута и 14 секунди. Таа во својата категорија беше 16. место, а како 25. девојка ја мина целта. Во вкупниот пласман на сите натпреварувачи на 110 километри, таа заврши на 152. место.

На оваа далечина настапи и Бобан Стојановски кој оствари време од 20 часа, 25 минути и 48 секунди. Тој го освои 229. место.

Имавме натпреварувачка и на трката од 42,1 километар. Сунчица Близнаковска делницата ја помина со време од 6 часа, 10 минути и 31 секунда.

The post Успешен настап на македонските ултра-маратонци во Истра appeared first on Република.

Граѓаните на Бугарија и на  Македонците имаат најкус очекуван животен век во регионот, а се ниско позиционирани и на европската листа, покажува анализата што ја објави веб-страницата „Landgeist“ базирана на податоци на Програмата за развој на ОН (УНДП).

Очекуваниот животен век на Бугарите е 74,9 години, а на Македонците 75,7. Следуваат Србите и Албанците со 75,8 години, Црногорците со 76,8, жителите на Босна и Херцеговина со 77,3 и Хрватите со 78,3 години. Најдлоговечни во регионот се Грците чиј очекуван животе век е 82,1 година.

Во Европа најкус животен век имаат Украинците 72 и Русите 72,4 години.

Најдолго, пак, живеат Италијанците 83,6, Шпанците и Швајцарците 83,4 години.

„Landgeist“ забележува дека има прилично голема разлика во очекуваниот животен век на луѓето во Западна и во Источна Европа. Посочува и дека гледано по региони најкратко живее населението во северозападна Бугарија 69,7 години и во јужна и источна Србија 71,9 години.

Најдолг животен век имаат луѓето во италијанскиот регион Тичино 85,7 и во шпанскиот Мадрид 85,4 години.

The post Бугарите и Македонците живеат најкратко во регионот appeared first on Република.

Граѓаните на Бугарија и на Македонците имаат најкус очекуван животен век во регионот, а се ниско позиционирани и на европската листа, покажува анализата што ја објави веб-страницата „Landgeist“ базирана на податоци на Програмата за развој на ОН (УНДП).

Очекуваниот животен век на Бугарите е 74,9 години, а на Македонците 75,7. Следуваат Србите и Албанците со 75,8 години, Црногорците со 76,8, жителите на Босна и Херцеговина со 77,3 и Хрватите со 78,3 години. Најдлоговечни во регионот се Грците чиј очекуван животе век е 82,1 година.

Во Европа најкус животен век имаат Украинците 72 и Русите 72,4 години.

Најдолго, пак, живеат Италијанците 83,6, Шпанците и Швајцарците 83,4 години.

„Landgeist“ забележува дека има прилично голема разлика во очекуваниот животен век на луѓето во Западна и во Источна Европа. Посочува и дека гледано по региони најкратко живее населението во северозападна Бугарија 69,7 години и во јужна и источна Србија 71,9 години.

Најдолг животен век имаат луѓето во италијанскиот регион Тичино 85,7 и во шпанскиот Мадрид 85,4 години.

The post Македонците и Бугарите имаат најкус животен век во регионот appeared first on Република.

Тројца Македонци и еден Италијанец, загинаа во тешка сообраќајна незгода во Италија, пренесуваат италијанските медиуми.

Во раните утрински часови започна разјаснувањето за драматичната несреќа која ги чинеше живот четирите лица, млад Италијанец и тројца Македонци, пишуваат медиумите.

Според досегашните информации македонските државјани имале околу 30 години.

Динамиката на страотниот судар се уште ја испитува сообраќајната полиција во регионот Асти.

The post Во сообраќајна несреќа во Италија загинаа тројца Македонци appeared first on Република.

Во април на редовната сесија на парламентарното собрание во Советот на Европа, во која една од главните точки е спроведување на пресудите од Европскиот суд за човекови права, ќе бидат вметнати во тој извештај пресудите кои што се однесуваат на Македонците од Бугарија, а кои што Бугарија не ги спроведува, откри денеска потпретседателот на ВМРО-ДПМНЕ Александар Николоски.

Во април има редовна сесија на Парламентарното Собрание на кој што една од главните точки е спроведување на пресудите од Европскиот суд за човекови права од Стразбур, и исто така јавноста малку знае дека јас сум еден од луѓето кои што го следи спроведувањето на овие пресуди и сум дел од тој Комитетот во Советот на Европа. Ќе има доста жестока дискусија во однос на Бугарија, затоа што еве можам ексклузивно и за јавноста да кажам дека ќе бидат вметнати во тој извештај пресудите кои што се однесуваат на Македонците од Бугарија, а кои што Бугарија не ги спроведува. Но, повеќе за тоа ќе може да зборуваме во април, откри ексклузивно Николоски.

The post Пресудите за Македонците од Бугарија кои не се спроведуваат ќе бидат вметнати во Извештајот на Советот на Европа appeared first on Република.

Четири искусни медицински сестри биле набркани од работа само затоа што се Македонки, aлармираше Бране Петрушевски од ВМРО-ДПМНЕ нарекувајќи го овој скандал ДУИзација на Куманово.

https://republika.mk/vesti/makedonija/iskusni-meditsinski-sestri-izbrkani-od-rabota-od-bolnitsata-vo-kumanovo-za-na-nivno-mesto-da-se-vrabotat-kadri-na-dui/

Пратеникот вели дека откако вчера објави за овие за скандалозни вработувања во ЈЗУ Здравствен дом Куманово, до него непрестајно стигаат информации од вработените дека таму се врши константен мобинг врз Македонците.

Јавашлукот на ДУИ во институциите мора да престане! Барам од надлежните институции да се поништи огласот кој не е спроведен согласно балансерот, на кој секогаш се повикува ДУИ, со што е незаконски и дискриминирачки.
Каков, таков, балансерот му наложува на директорот од ДУИ, НЕ да вработува само Албанци (ова не е прв ваков оглас), туку од 10-те вработувања согласно последниот оглас МОРА 5 да се Македонци, 4 Албанци и 1 Србин, порача Петрушевски.

The post Константен мобинг врз Македонците вработени во кумановската болница appeared first on Република.

Мој прв впечаток е дека Македонците се отворени да зборуваат за своите сексуални проблеми, директно се ориентирани на проблемот и доверливи уште од првата средба, спремни да платат советување со желба да си помогнат, вели во интервјуто за „Црнобело“ д-р Фросина Крстаноска, клинички сексолог кој долги години наназад работи во оваа област.

Идат во парови уште од првата средба. Мене ми е голем предизвик и се залагам да им помогнам на секој начин, секако на професионално ниво со дискреција. Со оглед на тоа не добиваат напишан наод од лекар, само рецепти за лекови ако е потребно, вели д-р Крстаноска.

Таа открива кои се главните проблеми заради кои пациентите најчесто ја посетуваат нејзината амбуланта, но и за тоа што може да се очекува од третманите кај сексолог.

Вагинизмот е состојба кај жените кога не е можна пенетрација заради болки, се докажува после преглед кај гинеколог, a сексологот може да помогне и да се работи на намалувањето на стравот, опуштање и вежби. Третманот за предвремена ејакулација е со советување, вежби и лекови, но не може на сите да им се помогне, вели сексологот.

Целото интервју на „Црнобело“

The post Македонците најчесто се жалат на еректилна дисфункција и недостаток на желба за секс, вели сексологот Крстаноска appeared first on Република.

Македонци во Србија денеска во местото Костолачка Коса, крај српскиот град Пожаревац, им одадоа почит на 1295-те загинати Македонци од Вардарскиот баталјон во Првата светска војна, јави дописникот на МИА од Белград.

Одбележувањето во атарот на црквата „Св. Ѓорѓи“, пред споменикот на 627 загинати Македонци или како што пишува на него „Вардарци“, беше во организација на Македонското здружение „Кочо Рацин“ од Белград.

Ние секоја година во ова време го одбележуваме настанот од 1915 година на местото на загинување на Македонците од Вардарскиот баталјон и се потсетуваме на нивните храбри срца и евоцираме спомени од тие времиња, изјави претседателката на здружението „Кочо Рацин“, Лидија Демниева.

За време на Првата светска војна, Кралството Србија извршило мобилизација на Македонците во територијата на денешна Македонија, од кои е формиран и Вардарскиот баталјон, со вкупно 1300 борци од Тетовско, Гостиварско, Кумановско, Поречието и од Кривопаланечкиот и Кратовскиот регион. Од нив во борбите со австро-унгарската и германската војска, борејќи се во рамки на српската војска, загинат е речиси целиот Вардарски баталјон или вкупно 1295 војници, од кои – 473 во борбите за одбраната на Белград и Смедерево, 627 војници загинале на Костолачка Коса, 60 ги загубиле животите при повлекувањето на српската војска кон Албанија, каде загинуваат уште 60 војници, со што Првата светка војна ја преживеале само пет припадници на оваа единица.

Македонците од Србија поднесоа и иницијатива до надлежните српски власти да се подигне споменик за сите паднати 1295 Македонци од Вардарскиот баталјон.

Тој споменик би требало да се подигне во село Петка, кое се наоѓа недалеку од овде, каде што има веќе споменик за паднатите борци, но од српска националност. Ние бараме тоа да се официјализира и да се направи и за нашите Македонци од Вардарскиот баталјон. Се надеваме дека Владата на Република Србија и Министерството за култура ќе ни овозможат тоа и да го реализираме, изјави Демниева.

На одбележувањето и полагањето свежи венци присуствуваше и претседателот на пожаревачката Градска општина Костолац, Серџо Крстаноски и делегација на Македонската амбасада во Белград, предводена од в.д. амбасадорот Михаела Веселинов.

The post Во Костолачка Коса во Србија одадена почит на 1295 загинати Македонци од Вардарскиот баталјон во Првата светска војна appeared first on Република.

Македонското меѓународно движење за човекови права гордо информира дека го финансирале отворањето на македонскиот културен центар „Никола Вапцаров“ во Благоевград, или како што потенцираат од ММДЧП- во Горна Џумаја во Пиринска Македонија. Официјалната церемонија ќе се одржи на 30 октомври 2022 година.

Во соопштението на ова движење пишува:

Културниот центар ќе го управува Македонското здружение за заштита на основните индивидуални човекови права, организација која се залага за правата на угнетуваното македонско малцинство во Бугарија. Здружението ќе продолжи да добива финансиски средства од Македонското меѓународно движење за човекови права.

Димитар Ковачевски, „премиер“ на режимот на власт во Република Македонија, вети дека ќе финансира отворање на македонски културен центар во Пиринска Македонија по протестите во кои беше осуден неговиот режим заради отворањето на бугарски клуб во Битола именуван според озлогласениот бугарски соработник на нацистите и воен злосторник Ванчо Михајлов, со кој се глорифицира нацизмот.

Клубот беше отворен на барање на бугарската Влада – и на Европската Унија – која продолжува да ги задоволува бугарските јавно декларирани цели да се избрише македонскиот етнички идентитет, култура историја и постоењето на големото македонско малцинство во Бугарија, како услов за Бугарија да го крене своето вето за приемот на Република Македонија во ЕУ.

Како што и се очекуваше, режимот не го исполни „ветувањето“ и одбра да продолжи да им помага на Бугарија и Грција да го задушуваат македонскиот идентитет и човековите права низ Балканот.

ММДЧП ги повикува организациите за заштита на човековите права, медиумите, новинарите, политичките партии и сите што се навистина заинтересирани да ги бранат човековите права да го осудат систематското кршење на правата на Македонците. Ве повикуваме, како набљудувачи и поддржувачи, да присуствувате на церемонијата на 30 октомври. Подетални информации ќе бидат објавени дополнително.

Можете да донирате за македонскиот културен центар „Никола Вапцаров“ и/или за бројните други проекти на ММДЧП за заштита на човековите права преку оваа страница – https://mhrmi.org/donations. Македонците се соочени со најсериозната закана за нашиот идентитет – и постоење како Македонци – во скорешната историја. Дејствувате веднаш, стои во соопштението од ММДЧП.

The post Македонското меѓународно движење за човекови права финансира отворање на македонскиот културен центар во Благоевград appeared first on Република.

Македонската заедница во Албанија нема никаква врска со Бугарија во однос на јазикот, традициите и обичаите, велат Македонците од Преспа, Голо Брдо, Гора.

Во Албанија живеат Македонци, Бугари ниту имало ниту има. Бугарија само вештачки сака да создаде непостоечко нејзино малцинство. Според сите пописи спроведени во Албанија од создавањето на албанската држава до последниот попис, нема ниту една личност, ниту еден изјаснат за Бугарин во регистрите на албанската држава, зборуваме, пееме, тагуваме на македонски и тој факт никој не може да го оспори. Сме опстоиле со векови под многу притисоци, закани, нашиот македонски ген никој нема да го уништи“. Ова би бил кусиот приказ од она што може да се слушне од Македонците било да живеат во областите Преспа, Голо Брдо, Гора, каде концентрацијата е најголема, но и во Тирана, Драч, Елбасан, Корча, каде што ги има по неколку десетици илјади.

Според сите пописи спроведени во Албанија од создавањето на албанската држава до последниот попис, нема ниту една личност, ниту еден изјаснат за Бугарин во регистрите на албанската држава. Во областа Преспа во 2011 година кога беше спроведен пописот и во селото Врбник во Деволската област, 100 отсто сите се изјаснати за Македонци. Немаме ниту еден Бугарин. Бугарска заедница во Албанија значи проектот на Голема Бугарија. Проблемот е повеќе поврзан со Македонија. Бугарија не ја признава македонската нација. Секаде каде што има Македонци, таа тврди дека се Бугари и сега ја шири својата пропаганда во областите каде што живее македонското малцинство, во областа Гора, Голо Брдо, во областа Пустец, во Врбник - вели за МИА лидерот на единствената македонска партија, Македонска алијанса за европска интеграција (МАЕИ), Васил Стерјовски.

Претседателот на македонското друштво „Илинден“ – Тирана, Никола Ѓурѓај е на истото мислење и вели дека во Албанија нема Бугари, туку единствено Македонци.

Јас, како и десетици илјади, меѓу нив и универзитетските професори Вита Која, Кимет Фетаху, заменик градоначалникот на Тирана Мазнику, семејството Никола, чија снаа Линдита, која исто така зборува македонски, е претседателка на Парламентот и многу други потекнуваме од Голо Брдо и секогаш гордо кажуваме дека сме Македонци. Така е и со нашинците во Гора. Еден од најголемите борци за правата на Македонците, Назиф Докле, до последниот здив ја кажуваше вистината дека во Гора живеат единствено Македонци. Колку Бугари има во Албанија? Е тоа го покажаа последните избори за пратеници во Бугарија, кога за гласање во Амбасадата во Тирана беа пријавени само вработените во неа - вели Ѓурѓај.

Тој со доза на огорченост и разочарување оценува дека „внесувањето на бугарското малцинство во законот за заштита на малцинствата во Албанија под притисок на Софија е срамен чин“.

И тие и обичните граѓани Македонци и нивните претставници организирани во единствената партија, Македонска алијанса за европска интеграција, МАЕИ, друштвата „Илинден“, „Сонце“, „Мир“… признаваат дека последните години се соочуваат со агресивна политика од страна на Бугарија за нивна асимилација и се разочарани што албанската држава под закана од Бугарија за вето во евроинтеграциите попушти и во законот за заштита на малцинствата го внесе и бугарското.

Македонците во Албанија во последните години се соочуваат со агресивна политика од страна на Бугарија за нивна асимилација. Оваа бугарска политика на терен последните години се одвива со молчење на Албанија, во повеќе наврати и со нејзина помош, се со цел Албанија да не биде попречена од страна на Бугарија, за да го започне преговарачкиот процес за членство во ЕУ - вели Стерјовски.

Тој додава дека така било и со признавањето на непостоечко бугарско малцинство во 2017 година, без исполнување на ниту еден критериум за постоење на едно малцинство, кога, како што тврди тој, „Албанија во последен момент потклекна пред заканите на Бугарија со вето за започнување на преговорите за членство во ЕУ“.

Стерјовски потсетува дека при расправата за Предлог-законот за заштита на малцинствата, на која присуствувал и претставник на бугарската Амбасада и на „лажните Бугари во Албанија“ на нивното барање, реагирал тој, во што го поддржал и тогашниот министер за Европа и надворешни работи, Дитмир Бушати, кој рекол дека и во „Италија и Грција со стотици илјади Албанци имаат италијански, односно грчки пасош, но не се Италијанци, ниту Грци“.

Искористувајќи го членството во Европската Унија, Бугарија, изврши притисок врз Албанија и така беше признато во 2017 година непостоечко бугарско малцинство, кога не се исполнуваше ниту еден критериум за признавање на вакво малцинство затоа што од сите пописи направени во Албанија од создавањето на албанската држава до денес нема ниту едно лице кое се изјаснило за Бугарин. Исто така, во сите извештаи што Албанија ги прави за меѓународните организации кои ги следат правата на малцинствата, во ниту еден од овие извештаи не стои дека албанската држава изјавила дека има бугарско малцинство. Токму под притисокот на Бугарија во 2017 година и заканата со вето на членството на Албанија во ЕУ беше признаено непостоечко бугарско малцинство - посочува тој.

Според него Бугарија ја смета за бугарска не само македонската заедница во Албанија, туку и во балканските земји и тоа е поврзано со политиката на Софија кон Скопје.

Не дека не се свесни дека во Албанија нема бугарско малцинство. Сето ова е поврзано со политиката и односот на бугарската држава, што таа го има воопшто со македонската нација и со Македонија но и секаде каде што има македонско малцинство во другите балкански земји, Бугарија тврди дека тие се Бугари - вели Стерјовски.

Доколку видите, вели тој, македонската заедница во Албанија, нема никаква врска со Бугарија во однос на јазикот, традициите, обичаите, песните.

Таа е компактна и е на граница со Македонија, не е на граница со Софија и нема никаква врска. Ако го погледнете фолклорот, песните, на пример, имате многу песни од времето на османлискиот период што ги пееме за ослободувањето на Македонија, нема ниту една песна за Бугарија. Зборот ми е немаме никаква врска - нагласува тој.

Во однос на добивањето бугарски пасоши, тој вели дека тоа е профитабилен бизнис, дури попрофитабилен од одгледувањето хашиш, а пасош земаат не само Македонците туку и етнички Албанци.

Еден бугарски пасош сега чини од 15 до 20 илјади евра, за еден пасош. Има Албанци, Албанци, не Македонци, кои плаќаат од 15 до 20 илјади евра. Затоа, велам како бизнис е поисплатлив од садење хашиш. Чини и до 20 илјади евра еден бугарски пасош за Албанци по националност. Зборувам за албански државјани кои живеат во Албанија, а не во Бугарија - додава тој.

Посочува дека нема информации колку бугарски пасоши се издадени во Албанија во последните години, но „повеќето од нив ги имаат земено Албанците, а не Македонците“.

Бугарскиот пасош во моментов е билет за да избегате во ЕУ и како граѓанин на ЕУ да ги користите привилегиите на Европската Унија. Последниве години, овие две-три години тоа е присутно, кој земал, си заминал на запад заедно со семејството, констатира тој.

Тоа го потврдуваат и жители на Голо Брдо.

Нашата област, заедно со областа Гора се најсиромашни во Албанија. И во 21 век немаме соодветни патишта, водовод, никакви можности за вработување. Сиромаштијата која тежи врз плеќите на жителите ги принудува да земат бугарски пасош за да може да обезбедат егзистенција во некоја западноевропска земја. Тоа, ви велам е од немајкаде, принудени се, а за националното чувство тоа од нашите срца не може да го избрише никој. Нека знае секој, целиот свет, ние сме биле, сме и ќе останеме Македонци, вели Или Халилај од село Требиште.

Стерјовски, кој беше прв пратеник во албанскиот Парламент, кој јавно се декларира како Македонец, оценува и дека македонското малцинство се чувствува загрозено а однесувањето на Бугарија „внатрешно мешање во работите на Албанија, од каде пак нема никаква реакција“.

Македонското малцинство се чувствува загрозено. За жал, немаме одговор од албанската држава за сета оваа бугарска пропаганда што се одвива во областите каде што живее македонското малцинство. За нас, активноста на Бугарија, која со методите на 19. век се обидува да го асимилира македонското малцинство во Албанија е мешање во внатрешните работи на Албанија. Како пратеник во Парламентот на Албанија, многупати сум ја искажал оваа загриженост, особено работата на бугарската Амбасада и сите активности што ги спроведува за асимилација на македонското малцинство во Албанија. Побарав реакција од албанските институции, но за жал, за Албанија приоритет беше отворањето на преговорите за членство во ЕУ и да нема проблеми со Бугарија и ја остави слободно да се шири оваа бугарска пропаганда и за жал, имаме грубо мешање во внатрешните работи на Албанија за асимилација на македонското малцинство - посочува Стерјовски.

Тој нагласува и оти побарал реакција од албанските институции, но, такво нешто немало досега.

Но, за жал, за Албанија приоритет беше отворањето на преговорите за членство во ЕУ и да нема проблеми со Бугарија остави слободно да се шири оваа бугарска пропаганда. За жал, имаме грубо мешање во внатрешните работи на Албанија за асимилација на македонското малцинство - посочува тој.

Статус на малцинство албанските власти признаваат во општина Пустец и Врбник, но и тие доколку ја напуштат областа и се населат во друг дел на земјата автоматски во граѓанската евиденција стануваат Албанци. Македонско малцинство во Голо Брдо било признаено до педесеттите години од минатиот век, до кога имало и настава на македонски.

Според претставниците на македонските асоцијации во земјата живеат над 120 илјади етнички Македонци.

Во меѓувреме македонската заедница е пред друг предизвик, да се прифатат барањата за формирање две нови општини на македонското малцинство во областа Гора во округот на Кукс и областа на Голо Брдо во округот на Пешкопеја (Дибра), што е барање на жителите уште при донесувањето на законот во 2014 година, како и преименување на Пустец во општина Преспа.

Го поздравуваме формирањето на специјалната собраниска комисија за новата територијална реформа и се надеваме дека ќе се прифатат нашите барања. По територијалната поделба во Република Албанија што се случи во 2014 година, Владата ги укина општините Требиште, Острени и Стеблево во областа Голо Брдо, за да првите две ги приклучи кон општина Булќиза,а третата кон Либражд, како и општините Шиштавец, Топојан и Запот, во областа Гора, кои сега се потпаѓаат под општина Кукс. Македонците од двете области денеска се најмалку претставувани, зашто немаат ниту еден советник во општинските совети на Булќиза и Кукс, а на прсти може да се избројат оние кои се вработени во локалните самоуправи. Нема речиси никакви инвестиции па проблемите со недостиг на водовод, канализација, патишта, електрична енергија и понатаму се присутни - вели за МИА Едмонд Османи, потпретседател на македонското друштво „Мост“.

Тој оценува и дека можеби е единствен пример во светот, оној на жителите од административната единица Требиште, област Голо Брдо, кои, поради недостиг на асфалтни патишта, мораат да минат преку двата гранични премина со Македонија, за да стигнат до Булќиза за одредена услуга.

Идентична е состојбата и со жителите на Борје и Шиштевец, област Гора, кои минуваат преку два премина со Косово, за да стигнат во Кукс - рече Османи.

Тој додаде дека заедно со Стерјовски, во име на Македонците од Мала Преспа, побарале општина Пустец, која е единствена македонска општина, според актуелната територијална поделба, да се именува во Преспа, бидејќи Пустец е само едно од деветте села а исто така дури 90 отсто од територијата што ја зафаќа Националниот парк „Преспа“ е токму во оваа област.

Барањето го поддржува и друштвото „Илинден“.

Го поддржуваме барањето, како и претходно, со надеж дека дека ќе има позитивен одговор. Да напоменам дека поради лошата патна инфраструктура жителите во споменатите области, Голо Брдо и Гора, треба со часови да патуваат до општинските центри за каква било услуга, а во зимскиот период поради обилните снежни врнежи остануваат завеани со недели а згора на тоа и без електрична енергија - вели Ѓурѓај.

Македонците во Албанија и во 21 век се соочуваат со многу проблеми, чекаат одговор на барање доставено уште пред три децении, по падот на комунизмот за признавање статус на малцинство на целата територија на земјата, но како што велат она што е посебна карактеристика е нивната сплотеност, која во ниту еден момент не била доведена во прашање.

Чиста вистина е дека Македонците во Албанија, никогаш не се одвојувале по религиска припадност, православни и муслимани, туку единствено сме Македонци, што гордо го кажуваме. Заедно сме биле низ историјата, заедно сме и сега-како Македонци а кој сака нека бара негово малцинство, се му е попусто, заклучуваат соговорниците.

The post Maкедонска заедница во Албанија: Немаме никаква врска со Бугарија, тука Бугари ниту имало ниту ќе има! appeared first on Република.