Бугарија има Совет за малцинство, во кое го нема македонското, потсети претседателката Гордана Сиљановска Давкова во вчерашното гостување во дебатниот магазин „Click Plus“ на ТВ21.

https://republika.mk/vesti/makedonija/sovet-na-evropa-makedontsite-vo-bugarija-ne-mozhat-da-gi-uzhivaat-individualnite-maltsinski-prava/

Свест за постоење на малцинствата се гради, ако вие не ги почитувате пресудите на Судот во Стразбург, каде седи и бугарски претставник, значи вие и како држава не градите свест. Не велам јас, замислете сега Советот на Европа да побара од Бугарија да го смени Уставот, бидејќи Уставот како Устав што е инспириран од демосот, од индивидуализмот забранува партии врз етничка и верска поделба, но да го оставиме тоа ама Бугарија е потписник на Конвенцијата на заштита на правата на малцинствата, вели Сиљановска Давкова.

https://youtu.be/jTnceN0eyAM?si=BTArLEWge3GRkRhz

The post Бугарија има Совет за малцинство, во кое го нема македонското малцинство, потенцира Сиљановска-Давкова appeared first on Република.

Бугарија да ги преземе сите мерки за гаранција на правата на малцинствата на нејзина територија, вклучувајќи го и македонското малцинство, како и да ги отстрани сите бариери за регистрација на Македонците, се вели во најновиот извештај на Комитетот за елиминација на дискриминација на Обединетите нации, во кој се бара од Бугарија да ги преземе сите мерки за поттикнување на нивните активности и да соработува со малцинствата. Во извештајот е забележана и загриженост за постојаните пречки и одбивање на регистрација на македонските здруженија од страна на тамошната Агенција за регистрација и од судовите, врз основа на нивната македонска самоидентификација.

Комитетот го зема предвид објаснувањето дадено од делегацијата на државата членка дека сите нејзини граѓани имаат право на самоидентификација, вклучително и Македонците и Помаците. Сепак, Комитетот е загрижен поради извештаите дека на членовите на македонските малцински групи им е забрането слободното остварување на правото на слобода на собирање и слобода на здружување, стои во извештајот и се повикуваат бугарските власти да ги спроведат пресудите на Европскиот суд за човекови права.

До сега Европскиот суд за човекови права има донесено 16 пресуди во корист на македонските здруженија во Бугарија. Но официјална Софија до денес нема спроведено ниту една од нив.

Комитетот препорачува државата членка да ги разгледа сите можни средства за гарантирање на ефективно уживање на човековите права од страна на лицата кои припаѓаат на етничките малцинства, вклучително и македонските и помачките малцински групи, вклучително и преку спроведување на релевантните пресуди на Европскиот суд за човекови права, релевантни на правото на слобода на изразување и слобода на здружување, велат од ОН.

The post ОН повторно бара од Бугарија да ги гарантира правата на македонското малцинство appeared first on Република.

Бројни и документирани се страдањата на Македонците во Бугарија и нивното казнување со затворски казни само затоа што се чувствувале Македонци, пишува проф.д-р Катерина Тодороска, од Институтот за национална историја, додавајќи дека при тоа, лагите и монтирањето на обвиненија, било секојдневна пракса на бугарските власти.

Една таква судбина раскажуваат и документите на Стојан Герасимов, кои професорката ги споделува.

Во неговите материјали пишува дека лицето Стојан Герасимов Василев е Бугарин, ама бил иселен "во врска со, од него развиваната национална дејност по македонското прашање".
Дополнително е интересен делот од документот во кој се вели дека „За таа дејност... е осуден на осум месеци лишување од слобода, додека на делото е даден криминален карактер за кражба на машина за пишување". Секако, за "докажување на делото" бугарските служби изготвиле и Албум за „злоделото".
Што повеќе да се каже за „европските вредности" на Европејска Бугарија, која сѐ прпела во сопствената тиња, вели Тодороска.

The post Тодороска: Бројни и документирани се страдањата на Македонците во Бугарија и нивното затворање само затоа што се чувствувале Македонци appeared first on Република.

„Самиот факт што нема ниедна пресуда која е во корист на Бугарија, а сите се во корист на Македонците од Бугарија доволно говори која е позицијата и на Судот и на Советот на Европа во однос на правата на Македонците во Бугарија“, истакна потпретседателот на ВМРО-ДПМНЕ Александар Николоски при денешното гостување во емисија на Македонско радио.

Николоски истакна дека Советот на Европа е најстарата организација во која е обединета Европа и чија примарна цел е заштита на основните човекови и граѓански права. Познатиот Суд во Стразбур каде граѓаните ја бараат правдата кога не можат да ја најдат правдата во домашните судови е токму под директна надлежност на Советот на Европа.

„Македонците кои живеат во Бугарија немаат право на изјаснување, немаат право на самоидентификација како Македонци, немаат право на образование и користење на македонскиот јазик и немаат право да учествуваат на избори односно забрането им е да формираат политичка партија и да учествуваат на избори“, кажа Николоски.

Тој посочи дека тоа што во Советот на Европа го кажал се голи факти и гола вистина. Од една страна не ги спроведуваат пресудите за Македонците во Бугарија, а од друга страна се многу гласни за минорни прашања кои се надвор од Бугарија.

Николоски додаде дека она што очигледно ја заболело бугарската делегација се фактите кои таму ги кажал.

„Во однос на ова Македонците имаат поднесено бројни пресуди до Европскиот Суд за човекови права и имаат добиено 16 пресуди. Досега Бугарија нема спроведено ниту една од овие 16 пресуди. Бугарија е во топ 7 најлоши држави во Европа по не спроведување на пресуди на Европскиот Суд за човекови права. До денес Бугарија нема спроведено 166 пресуди на судот, од кои околу 10 или 16 проценти се однесуваат на Македонците“, потенцираше Николоски.

Николоски е дециден дека десетици илјади Македонци живеат во Бугарија немаат права, а тука Бугарија го блокира почетокот на преговори на Македонија со ЕУ со измислени прашања и прашања кои немаат допир со реалноста.

The post Ниедна пресуда на Судот и на Советот на Европа не е во корист на Бугарија, потсети потпретседаелот на ВМРО-ДПМНЕ appeared first on Република.

Во април на редовната сесија на парламентарното собрание во Советот на Европа, во која една од главните точки е спроведување на пресудите од Европскиот суд за човекови права, ќе бидат вметнати во тој извештај пресудите кои што се однесуваат на Македонците од Бугарија, а кои што Бугарија не ги спроведува, откри денеска потпретседателот на ВМРО-ДПМНЕ Александар Николоски.

Во април има редовна сесија на Парламентарното Собрание на кој што една од главните точки е спроведување на пресудите од Европскиот суд за човекови права од Стразбур, и исто така јавноста малку знае дека јас сум еден од луѓето кои што го следи спроведувањето на овие пресуди и сум дел од тој Комитетот во Советот на Европа. Ќе има доста жестока дискусија во однос на Бугарија, затоа што еве можам ексклузивно и за јавноста да кажам дека ќе бидат вметнати во тој извештај пресудите кои што се однесуваат на Македонците од Бугарија, а кои што Бугарија не ги спроведува. Но, повеќе за тоа ќе може да зборуваме во април, откри ексклузивно Николоски.

The post Пресудите за Македонците од Бугарија кои не се спроведуваат ќе бидат вметнати во Извештајот на Советот на Европа appeared first on Република.

Стојко Стојков од ОМО Илинден Пирин за Алфа вели дека нереално е во Бугарија да живеат само 1.143 Македонци колку што покажа последниот попис.

Немаа слобода да се изјаснуваат, немаше табела за македонска националност, а информациите говорат дека попишувачите одбивале или тврделе дека нема како да ги попишат тие што се чуствуваат Македонци, коментира Стојков.

Но, вели дека властите не успеаја во своите намери да покажат дека Македонци не живеат во Бугарија. Тој е категоричен дека оваа бројка од 1.143 Македонци се само оние кои се попишале онлајн. Вели дека кога би можеле без страв да кажат дека се Македонци, бројката на македонското малцинство ќе биде поголема.

Освен Бугари, кои доминираат со скоро 85 проценти, како припадници на други етнички заедници се прикажани Турците и Ромите, а сите други, за кои не се соопштени податоци за припадноста, се прикажани во група „други“ кои сочинуваат 1,3 отсто од населението.

The post Немало графа за Македонците: Бугарските попишувачи одбивале или тврделе дека нема како да ги попишат тие што се чувствуваат Македонци appeared first on Република.

Свидетелство за завршено основно образование на ученикот Георги Костадинов, по народност Македонец, во учебната 1958-59 година. Костадинов учел во Третото Основно училиште во Благоевград во пиринскиот дел на Македонија (денес под бугарска власт).

The post Свидетелство од 1958 година од Пловдив, народност – Македонец appeared first on Република.

Владата без легитимитет на СДСМ и ДУИ, која целосно ја изгуби контролата на државниот апарат, секој претходен проблем го заташкува со отварање на нов, што поголем или поскандалозен проблем, свесна за падот кој ѝ следи, сламката на спасот ја гледа во отпочнувањето на преговорите со ЕУ, алармираат од Левица.

Според неофицијални извори на кои се повикуваат неколку медиуми, од страна на министерот Османи се врши притисок за „пригушување“ на македонската дипломатија, што резултира со нејзино недејствување во Советот на Европа на штета на националните интереси. Иако, во Советот на Европа изминатиов период била иницирана посериозна активност за спроведување на пресудите на Европскиот суд за човекови права против Бугарија, МНР предводено од Османи реагирало македонските дипломати да не учествуваат во овој круцијален процес. Ваквата насока на движење е во целосен склад со незастапувањео на интересите на Македонците во Бугарија, кои години наназад се изложени на агресивна асимилација и прогон, додека од другата страна се бара бугарскиот народ да стане конститутивен елемент на државата, внесен во официјалниот Устав, велат од Левица.

Потсетуваат дека Македонија зад себе има 16 пресуди на Европскиот суд за човекови права (ЕСЧП) во своја корист, како најсилен аргумент, а воедно и инструмент кој треба да го користи во движењето на процесот, меѓутоа однесувањето на македонското МНР и Министерот Османи е тотално сервилно.

Прашањето кое останува отворено е зошто Македонија не ги користи пресудите во своја корист на ЕСЧП и не се залага за својата конвенционална должност во Советот на Европа (Европска институција за заштита на човековите права) истите да бидат спроведени?

Индикациите укажуваат дека ваквото недејствување на македонската дипломатија е исклучително како резултат на нејзино „пригушување“ од страна на министерот Османи, што ја потврдува тезата за спремноста на оваа Влада, задоволувајќи ги бугарските апетити, да проголта ново велепредавство за „европски цели“, зошто таму је гледа сламката на спасот, велат од Левица.

The post Oсмани ги саботира Македонците од Бугарија вршејќи притисок врз македонските дипломати appeared first on Република.

Денес, највисока партиска делегација составена од претседателот на Левица, проф. д-р Димитар Апасиев и генералниот секретар Јована Мојсоска, беше дел од чествувањето на 107 годишнината од смртта на македонскиот револуционер Јане Сандански - предводникот на левото крило на Организацијата, соопштија од Левица, додавајќи дека делегацијата учествуваше на централната манифестација, организирана од здруженијата на македонското малцинство во Мелник (Пиринска Македонија), а потоа - во Роженскиот манастир - положи и свежо цвеќе на гробот на еден од најголемите македонски дејци.

Сандански претставува маркантна личност во борбата за национално ослободување на македонскиот народ, како доследен револуционер кој се борел против врховистичките идеи на бугарските власти.
Санданизмот, во неговите чисти идеолошки позиции, претпоставува дека македонскиот народ може да ја достигне слободата само со сопствени сили - без да се потпира на туѓа помош!
Денес, кога квинслишката власт на СДС и ДУИ во Македонија го промовира неоврховизмот и се потчинува пред негаторските политики на официјална Софија, санданистичките идеали се стожерот на националната слобода и самобитноста на македонскиот народ, порачаа од Левица.

The post Апасиев и Мојсоска меѓу Македонците во Бугарија, се поклонија на гробот на Јане Сандански appeared first on Република.

Американскиот Стејт Департмент во годишниот извештај за состојбата со човековите права во Бугарија, ги критикува властите за ускратувањето на човековите права на етничките Македонци. Се посочуваат 14-те пресуди на Европскиот суд за човекови права, за кои се вели дека властите во Софија ги игнорираат.

Властите продолжија да негираат регистрација на етничко-македонски активистички групи како што се Обединетата македонска организација „Илинден“, Друштвото на угнетените Македонци-жртви на комунистичкиот терор, Здружението за одбрана на индивидуалните граѓански права и Македонскиот клуб за етничка толеранција во Бугарија, и покрај 14 претходни одлуки на Европскиот суд за човекови права дека негирањето ја нарушува слободата на здружување на групите, се вели во дел од Извештајот посветен на слободата на здружување.

The post Стејт департментот ја критикува Бугарија поради негирање на Македонците appeared first on Република.