ДУИ ќе го надградува „Мајскиот договор“ од 2007 година за коалицирање на „победник со победник“ на парламентарните избори.

Тој ќе биде промовиран на годишнината од Рамковниот договор на 13 август кога ДУИ ќе си прави приватна прослава.

Новиот „Мајски договор“ го  изработи американскиот експерт Пол Вилијамс и предвидува победник од македонскиот и албанскиот блок задолжително да коалицираат за идна влада.

The post ДУИ на годишнината од Рамковниот ќе го промовира „проширениот и надграден“ мајски договор appeared first on Република.

Американската амбасадорка Анџела Агелер во интервју за „360 степени“, нагласи дека е задоволна што владата е составена од различни групи и дека нема законска обврска според која ДУИ треба да е во влада

„Тоа е дел од жива демократија“-вели амбасадорката.

Агелер објасни дека победникот е тој што ги избира партнерите, но и дека „Европскиот фронт“, како и „Вреди“, биле коалиција. На крај, според неа, важно е дека во владата има диверзитет.

„ВМРО-ДПМНЕ го избра партнерот – ’Вреди’, која е исто така коалиција, исто како и „Европскиот фронт“ предводен од ДУИ. Сум имала разговори за ова со низа функционери на ДУИ и дури и нема законска обврска за тоа со кој ќе стапите во коалиција. Партијата која победи на изборите ја имаше можноста и избра да создаде коалиција со малцински групи во земјата. Тоа е од исклучителна важност зашто она што двете наши земји ги прави толку богати е диверзитетот, различните етнички групи и заедници и она што тие го носат за нашите демократии. Оттука, задоволна сум дека владата е составена од различни групи и нема законски обврски за ДУИ да се вклучи во владата. Знам дека има прашање на закон наспроти легитимитет, но факт е дека ВМРО-ДПМНЕ избра партнери од различни заедници во земјата и тоа е нивно право. Избраа тоа да го направат и ќе видиме како ова партнерство ќе функционира“,

изјави Агелер.

Извор: 360 степени

The post Агелер: ВМРО-ДПМНЕ ги избира партнерите во владата, нема законска обврска ДУИ да биде во неа appeared first on Република.

Мајскиот договор никогаш не бил дел ни од Уставот, ни од Рамковниот договор, ова владејачко мнозинство е легитимно, вели Претседателот на Собранието Африн Гаши во интервју за Радио Слободна Европа. Според него коментарите на ДУИ, за нелегитимност на „Влен“, се само политичка опозициска реторика.

-Можеби тој заборавил, тоа било „Мајскиот договор“ кој го потпишал со Никола Груевски и кој самиот го прекрши, но таквиот договор никогаш не беше дел од уставот и не стана и не може да има таков договор во Уставот, затоа што се коси со секое демократско право. Владата се прави со 61 пратеници, со мнозинство, а од друга страна албанската коалиција, ВЛЕН доби 107.000 гласови со што потполно го носи легитимитетот на Албанците во ова Собрание, вели Гаши.

Прашан зошто свечената заклетва прво ја прочита на албански, а потоа на македонски јазик Гаши вели дека читал така како што беше прочитано од пратеничката која претседаваше. Смета дека не го прекршил законот.

Првата седница се очекува да ја свика откако ќе се формализираат пратеничките групи и координаторите. Првиот закон кој очекува да се донесе е тој за организација на министерствата и ресорите.

-Како коалиција која е веќе на повидок меѓу ВМРО ДПМНЕ, ЗНАМ и ВЛЕН, е договорено, новата влада да почне со нова организација на државата, организација на министерствата и ресорите. Сакаме прво да го донесеме тој закон, за да може владата која ќе се бира да биде избрана во рамките на тој закон и таа нова организација. Затоа ќе сакаме и ќе се потрудиме заеднички со сите политички партии во Собранието, да се договориме, тој закон да биде еден од првите кои ќе биде поставен на пленарната седница, вели Гаши.

The post Мајскиот договор никогаш не бил дел ни од Уставот, ни од Рамковниот договор, ова владејачко мнозинство е легитимно, вели Гаши appeared first on Република.

Министерот за надворешни работи на ДУИ Бујар Османи вчера отворено се закани дека идна влада без ДУИ нема да има и оти принципот победник со победник мора да се применува. Османи отиде дотаму што вели дека ако ДУИ не влезе во владата дека немало да се почитува волјата на гласачите Албанци.

Ваквите закани на Османи дојдоа откако веќе станува извесна коалицијата помеѓу ВМРО-ДПМНЕ и Вреди која ја предводи албанската опозиција.

Османи веројатно заборавил или не сака да се сети како дојде до ова победникот на изборите, во случајов ВМРО-ДПМНЕ да го бира албанскиот коалициски партнер во владата.

Македонија е унитарна држава и победникот самиот бира односно одлучува со кого ќе коалцира во владата.Но, ова беше нарушено токму на барање на ДУИ во 2017 година.

ДУИ во 2008 годинна бараше од ВМРО-ДПМНЕ, победникот од македонскиот блок секогаш да коалицира со победникот на македонскиот блок. Тоа беше т.н Мајски договор кој не е никаков официјален пишан документ туку усмен, џентлменски договор.

И тој договор се почитуваше се до 2017 година после изборите во 2016 година кои ВМРО-ДПМНЕ ги доби со 51 пратеници а СДСМ имаше 49. Кај Албанците најмногу гласови освои ДУИ.

И тогаш се случи онаа прес конференција на 29 јануари 2017 година во Мала Речица која ја држеше кој друг ако не Бујар Османи. На таа прес конференција рече дека „ДУИ не донела одлука за коалциција со ВМРО-ДПМНЕ иако таа партија победила на изборите“.

-Дебатата беше, конструктивна и добронамерна со цел да се донесе најдобрата одлука за сите граѓани на Република Македонија. Едногласно заклучивме дека таа дебата не може да биде исцрпена и дека немаме доволно аргументи да се определиме за една од петте опции кои беа ставени на маса“ рече Османи во ноќните часови пред седум години.

Неколку месеци подоцна ДУИ направи влада со СДСМ и не ја почитуваше волјата на мнозинството Македонци кои гласаа за ВМРО-ДПМНЕ и покрај сите Шарени револуции, СЈО и Договор во Пржино.

Затоа на Османи ќе му биде подобро да каже кој заѕвони на црвениот телефон во Мала Речица таа студена ноќ и им нареди да не коалицираат со ВМРО-ДПМНЕ, а не да се заканува. Мајски, јунски или било каков договор не може да важи само кога му одговара на ДУИ.

The post Што говореше Османи во 2017 година: ДУИ не донесе одлука за коалиција со ВМРО-ДПМНЕ иако победи на изборите appeared first on Република.

Потпретседателот на ВМРО-ДПМНЕ, Тимчо Муцунски за дневникот на Сител истакна дека принципот победник со победник не важи за ВМРО-ДПМНЕ затоа што истиот е веќе нарушен од трана на ДУИ во 2016 година, како и дека посакуван коалициски партнер се партиите од албанската опозиција, а целта на ВМРО-ДПМНЕ е да се стигне до 61 пратеник и повеќе.

Муцунски посочи дека и анкетите покажуваат дека партиите од албанскиот опозициски блок се доближуваат до ДУИ, а може и да го надминат.

Принципот победник со победник беше нарушен од страна на ДУИ в 2016 година, што значи дека истиот веќе не треба да се применува. Наш посакуван партнер и тоа јавно го кажуваме е коалицијата од албанската опозиција. Анкетите на јавното мислење и тие анкети кои внатрешно ги гледаме и тие кои се објавуваат покажуваат дека веќе навистина со рејтинг се доближуваат, а можеби и ќе го надминат ДУИ, но на граѓаните е да одлучат каков ќе биде резултатот, изјави Муцунски.

Муцунски нагласи дека за ВМРО-ДПМНЕ е клучно да се стигне до бројката 61 и потоа да се надмине таа бројка.

The post Мајскиот договор е мртов: Принципот победник со победник веќе не важи, го наруши ДУИ appeared first on Република.

Артан Груби откако стана прв вицепремиер како да има амнезија за политичката случувања во Македонија.Тој се чини дека заборава дека неговата партија непрекинато е на власт 14 години и дека ДУИ одлучува за тоа дали ВМРО-ДПМНЕ или СДСМ ќе ја формира владата.

Тој во емисијата  Клик Плус на ТВ21 проговори за тоа што се случуваше  рече дека во 2008 година кога токму ДУИ беше на власт и кога беше НАТО самитот на кој Македонија доби вето од страна на Грција.

Тој смета дека ветото донело анти ЕУ и анти НАТО расположение но оти ДУИ не можеле ништо да направат.

Додава дека во 2008 година „требаше да станеме членка на НАТО, но добивме вето од Грција и не влеговме“.

„Тоа создаде почва за анти европски и анти НАТО расположение во државата, евроскептицизмот порасна не само меѓу граѓаните туку и самите политички лидери во тоа време се свртија на друга страна. Со текот на времето тоа доведе до заробени институции, заробена држава. Ние како ДУИ не можевме ништо да направиме затоа што ВМРО ДПМНЕ беше многу силна, имаше 61 пратеник, потоа 63 пратеници, не можевме да направиме ништо, рече Артан Груби. Тој претходно посочи дека одлуката на ДУИ да го расипе таканаречениот „мајски договор“ со Груевски се покажала дека била исправна. По формирањето на владата без Груевски и со СДСМ земјата е сега членка на НАТО и многу блиски до започнување на преговори со ЕУ“,-изјави Груби.

Како всушност беше

По изборите во 2006 година ВМРО-ДПМНЕ за коалицски партнер ја избра ДПА на Мендух Тачи.Две години подоцна по притисок на меѓународниот фактор во владата влезе ДУИ која тогаш не беше на ова ниво денеска и не можеше да поставува услови. Уцените дојдоа дури по неколку години. Како капак на се дојде прекршувањето на т.н Мајски договор“ кој беше воспоставен токму по барање на ДУИ според кој идните влади ќе ги сочинуваат победничките партии во македонскиот и албанскиот блок. Но по изборите во 2016 година иако ВМРО-ДПМНЕ победи кај Македонците а ДУИ кај Албанците, партијата на Груби одлучи да влезе во прегратките на Заев каде што е и денеска.

The post Заборава дека ДУИ 14 години е на власт: Груби вели дека имало режим во владата во која учестуваше и ДУИ appeared first on Република.