Неколку илјади агресивни мајмуни ги принудија жителите на еден тајландски град да ги затворат своите продавници, а туристите и купувачите да избегаат.

Градот Лопбури, кој се наоѓа на околу стотина километри северно од главниот град Бангкок, е познат по населението макаки, ​​кое привлекува туристи од целиот свет. Сепак, градот кој некогаш имал силна локална економија сега е во опасност да стане град на духови бидејќи околу 3.500 мајмуни буквално го презеле.

Градските мајмуни се многу сакани, мештаните дури одржуваат годишен фестивал во нивна чест, но сега компаниите и малите бизниси ги затворија своите продавници, а туристите се држат настрана. Продавачите од трговскиот центар велат дека мајмуните често упаѓале во продавници и ги вознемирувале мештаните и туристите кои доаѓале да пазарат. Тие ги оштетија и тезгите, принудувајќи ги сопствениците да платат за поправки.

Палавите мајмуни станаа толкав проблем што локалниот трговски центар беше ставен на продажба пред две години, но сепак нема купувачи иако продажната цена во меѓувреме е намалена. Трговскиот центар првично се продаваше за околу 2 милиони евра, но цената сега е намалена за речиси 500.000. Трговскиот центар, исто така, ги намали кириите за да им помогне на сопствениците на продавниците да се справат со ударот на нивниот профит, но градот сè уште се бори да закрепне.

- Претходно, кинески инвеститор ја посети областа за да ја провери изводливоста на инвестицијата. Меѓутоа, кога инвеститорот сфатил дека проблемот со популацијата на мајмуните, кој го загрозува срцето на градот, не е решен, ја одложил инвестицијата на неодредено време - според локалните власти.

Мајмуните, кои имаат целосен недостаток на страв од луѓето, покажуваат исклучително храбро однесување, се качуваат преку шофершајбните на возилата во движење и скокаат на сите минувачи на улица. Локалните жители велат дека има дури и ривалски банди кои ја обележуваат нивната територија - што доведува до конфликт кога животните ќе се сретнат.

Владините претставници се обидоа да ја контролираат популацијата на дивите мајмуни во последниве години, но не успеаја да ја ограничат бројката бидејќи животните продолжуваат да се размножуваат.

Голем број мајмуни беа стерилизирани во 2020 година како дел од владината програма, откако нивниот број излезе од контрола за време на пандемијата. Службениците на одделот за диви животни ги намамиле животните во кафези со овошје и ги однеле во клиника каде што биле анестезирани и стерилизирани и оставени со тетоважа за да ја одбележат нивната стерилизација, но властите едноставно не можат да го следат тоа.

The post Мајмунски напад на Тајланд appeared first on Република.

Улиците во Скопје се претворени во „руски рулет“. Излегуваш од дома и не знаеш дали ќе се вратиш. Се молиш, некоја пијана или трезна будала да не те „собере“ на улица и да завршиш на КАРИЛ или може уште полошо.

За еден ваков настан раскажува скопјанецот Љупчо Ангелов на социјалните мрежи. Вели „за малку ќе не прегазеше еден човек на зелено уклучено за пешаци“ и додава дека е лут поради тоа што сме дозволиле да станеме „Див запад“ каде ништо не функционира и не се почитуваат законите.

Настанот се случил на булеварот „Митрополит Теодосиј Гологанов“, во петокот 15 минути после 21 часот.

Си прелета на црвено без око да му трепне. Да не изреагиравме бргу и да се вратиме назад на тротоарот, ќе не смачкаше како муви“, раскажува Љупчо.

Toj додава дека тој е сведок на вакви настани кои секојдневно се случуваат, и не само тука, туку на булеварите „Партизански одреди“ и „8-ми септември“.

Не може никој на овие мајмуни да им објасни дека колата, џипот или моторот не е за демонстрирање сила, односно лечење фрустрации, туку е средство кое треба да те пренесе од точка А, до точка Б. Безбедно, како за тебе и тие што ги возиш, така и за останатите учесници во сообраќајот“, вели Љупчо во својата фејсбук објава.

Се чини дека освен брзото и лудо возење има уште една затрашувачка појава, а тоа е зголеменото насилство во сообраќајот. Полициските билтени, секојдневно се полнат со мали и поголеми инциденти поврзани со предност и несогласување на улиците. Многу често читаме за физички пресметки и обид за убиство. За ова пишува тој во својот фејсбук статус.

Да не зборам дека ако му дигнеш рака со негодување на некој таков, може да искочи од кола и да те претепа, а нема да ме зачуди и пиштол да извади и да ти го стави на глава“, додава тој во својата фејсбук објава.

На крајот на својот фејсбук Љупчо удира директно во сржта на проблемот.

ОВА ЛУДИЛО МОРА ДА ПРЕСТАНЕ ВЕДНАШ! Апсолутно не ме интересира дали Таравари или некој друг ќе влезе или нема да влезе во владата. Не ме интересира ни Пендиков, ни Мендиков, ништо повеќе не ме интересира од мојата лична безбедност и безбедноста на моите блиски. Уште сум избезумен и многу, многу лут што дозволивме да станеме „Див запад“, каде што не владее законот, туку „колтот“, односно „посилниот“, заклучува тој.

Целиот фејсбук статус:

The post Улиците во Скопје се „руски рулет“: На овие мајмуни не може да им се објасни дека џипот или моторот не е за демонстрирање сила appeared first on Република.

Почина познатиот навивач на Победа Прилеп и челна на нанивачката група „Мајмуни“, Мартин Димоски - Мевцето.

Премалку е брат наш,боли и нема да престани.Чувај не и се гледаме еден ден таму горе !

 

1988-2022, Мартин Димоски - мевцето, објавија на социјалните мрежи од навивачката група.

The post Почина навивачот на Победа Прилеп, Мартин Димоски – Мевцето appeared first on Република.

Вработените во шведска зоолошка градина успеале да фатат три шимпанза кои побегнале од нивниот ограден простор и да ги вратат на безбедно место, но затоа, пак, четири мајмуни биле застрелани.

Од зоолошката градина Фурувик објавија дека преживеаните животни сега се згрижени, а на едно од нив, кое е повредено, му е потребна ветеринарна нега.

Мајмуните избегале откако некои од нив успеале да се извлечат од оградениот простор. Службениците морале да пукаат во нив бидејќи биле опасност за јавноста.

Две животни биле застрелани во просторот на зоолошката градина каде што избегале, а смртта на шимпанзо била потврдена во нивниот простор. Кога чуварите конечно успеале да влезат во кафезите за шомпанза, го пронашле телото на четвртото шимпанзо.

Тоа што се случи е голема трагедија и огромен неуспех за нас“, се вели во соопштението на зоолошката градина на Фејсбук.

Во соопштението се вели дека чувствуваат голема тага поради тоа што се случило и тагуваат за нивните сакани шимпанза, дека сакаат да утврдат како тоа можело да се случи и дека истрагата ќе покаже каде згрешиле, а каде можеле поинаку да постапат.

Зоолошката градина се наоѓа во близина на Гавле, 165 километри северно од Стокхолм и е дел од забавен парк. Според веб-страницата на паркот, тој е дом и на единствениот истражувачки центар за мајмуни за нордиските земји.

Не е првпат животни да избегаат од шведските зоолошки градини во последните месеци. Во октомври, отровна кобра побегна од својот терариум во зоолошка градина во Шведска, но беше безбедно вратена по една недела.

The post Четири шимпанза биле убиени, а три фатени и вратени во кафезот: Трагична драма во зоолошка градина во Шведска appeared first on Република.