Поранешниот апсолутен светски шампион во бокс во тешка категорија, Мајк Тајсон, ги сподели своите емоции по поразот во борбата со блогерот Џејк Пол ноќеска во Арлингтон (Тексас, САД).

Борбата имаше официјален статус и траеше осум рунди. Дваесет и седумгодишниот Пол победи со едногласна одлука (80:72, 79:73, 79:73).

-Не сум изненаден што се случи ова. Не се обидував никому ништо да докажам, само мило ми е што успеав да се борам. Пол е добар борец. Дали е ова крај на кариерата? Зависи од ситуацијата. Мислам дека ова не е мојата последна борба, изјави Тајсон по мечот.

Педесет и осумгодишниот боксер го претрпе седмиот пораз во 57 меч во професионалната кариера.

(МИА)

The post Тајсон: Не мислам дека ова е мојата последна борба appeared first on Република.

Јутјуберот Џејк Пол (27) го победи Мајк Тајсон (58) во професионална борба што се одржа во Далас.

Пол славеше со едногласна одлука на судиите на стадионот „Далас каубојс“ со 80:72, 79:73, 79:73.

Долгоочекуваниот спектакл пред околу 80.000 гледачи го пренесуваше „Нетфликс“, а борбата се одржа под покровителство на Атлетската комисија на Тексас.

Тајсон доста добро ја започна борбата, беше брз и агилен, но дека е човек во години се покажа на почетокот на втората рунда кога почна да го губи здивот.

Пол беше видно посвеж, поактивен во продолжението и по осум рунди од две минути славеше.

Ова беше прва професионална борба на Тајсон од јуни 2005 година, кога загуби од Кевин Мекбрајд.

Сега има биланс од 50 победи и седум порази, додека Пол има скор од 12 триумфи и еден пораз.

https://www.youtube.com/watch?v=Aja2KfuoqGA

The post Јутјуберот Пол го победи Тајсон appeared first on Република.

Одложен е боксерскиот меч меѓу поранешниот апсолутен светски шампион Мајк Тајсон (САД) и неговиот сонародник, блогерот Џејк Пол, соопштија од компанијата „Мост Валјубл Промоушнс“ која е организатор на борбата. Дуелот требаше да се одржи на 20 јули во Вашингтон.

-За жал, долгоочекуваната борба помеѓу Пол и Тајсон ќе биде одложена. По консултација со лекарите на Тајсон, му беше препорачано да прави минимална физичка активност неколку недели, по што ќе може да продолжи со целосни тренинзи. Двајцата дојдоа до заклучок дека им треба рамноправен терен за да влезат во борба во добра форма, се вели во соопштението.

Новиот термин на натпреварот ќе биде објавен на 7 јуни. Борбата треба да се одржи кон крајот на оваа година.

Пред неколку дена се дозна дека здравствената состојба на Тајсон се влошила за време на лет и дека му е потребна лекарска помош. Подоцна, претставник на боксерот изјави за медиумите дека здравјето на спортистот е добро.

Тајсон, кој на 30 јуни ќе наполни 58 години, има 50 победи (44 со нокаут) и 6 порази во професионалниот ринг. Американецот стана апсолутен светски шампион во тешка категорија и беше сопственик на појасите на Светскиот боксерски совет, Светската боксерска асоцијација и Меѓународната боксерска федерација.

Рекордот на 26-годишниот Пол вклучува девет победи (шест со нокаут), еден пораз. Во професионалниот ринг се натпреварува од јануари 2020 година. Американецот е познат пред се како блогер и актер.

The post Одложен боксерскиот меч меѓу Мајк Тајсон и Џејк Пол appeared first on Република.

На почетокот на март беше објавено дека легендарниот Мајк Тајсон ќе се соочи со Џејк Пол на 20 јули во рингот на стадионот „АТТ и Т“ во Арлингтон, Тексас.

Борбата меѓу 27-годишниот Јутјубер и 57-годишниот поранешен светски шампион во бокс ќе се емитува на платформата „Нетфликс“.

Се уште не е јасно каква точно ќе биде регулативата и колку рунди ќе се борат двајцата.

Тајсон објави видео на тренинг со експертот Рафаел Кордеиро и напиша: „Прв ден е, забавата штотуку започна“

The post Мајк Тајсон се враќа во рингот appeared first on Република.

 Поранешниот неприкосновен светски шампион во бокс во тешка категорија, Мајк Тајсон (50-6 победи-порази) за свој најтежок противник во кариерата го смета поранешниот шампион на ВБЦ и ИБО, Пинклон Томас (43-7).

Мислам дека Пинклон Томас беше мојот најтежок противник. Никогаш не би рекол дека ми беше најтежок противник, но пред две години гледав снимка од нашата борба, мојот пријател ме советуваше да ја гледам. Го совладав, но добив 17 силни удари во глава, изјави Тајсон.

„Челичниот“ Мајк го победи Томас со технички нокаут во шестата рунда. Борбата се случи на 30 мај 1987 година во Лас Вегас, САД

The post Тајсон откри кој му бил најтежок противник appeared first on Република.

Легендарниот американски боксер, Мајк Тајсон, покажува дека добро се снаоѓа во бизнисот.

„Челичниот Мајк“ сериозно почна да се бави со бизнис со марихуана во Калифорнија, а сега го шири својот бизнис и во Европа.

Неодамна Тајсон отвори кафуле во Амстердам, град во кој е легализирана марихуаната.

Овде љубителите на марихуана ќе имаат можност да пробаат дел од моите производи од канабис. Тоа веќе го направив во Калифорнија, а се надевам дека и Европејците ќе бидат задоволни од моите производи, порачува Тајсон.

The post Му оди бизнисот со марихуана: Мајк Тајсон отвори канабис-кафуле во Амстердам appeared first on Република.

Легендарниот американски боксер Мајк Тајсон забележа голем број на победи во рингот во текот на кариерата, а последната е забележана на 22 февруари 2003 година против Клифорд Етјен!

Животот на Етјен продолжи  и сега кога е во затвор осуден на 105-години за вооружен грабеж, киднапирање,украде автомобил со жена и нејзините деца внатре и обид за убиство на полицаец.

Во затворот пронајде нова страст - сликарството! Имаше свое студио и таму уживаше во новата љубов се додека неодамна се обидоа да го убијат.

Затоа неодамна е префрлен од еден во друг затвор, а во новата дестинација не може да слика и за тоа се жали на затворските власти.

The post Последниот боксер кого Тајсон го нокаутира лежи 105 години во затвор appeared first on Република.

Поранешниот апсолутен шампион во тешка категорија, Мајк Тајсон нема да биде обвинет за инцидентот во авионот минатиот месец, кога тепаше еден досаден фан, потврди обвинителството во Сан Матео, Калифорнија.

„Го разгледавме извештајот на полицијата на Сан Франциско и Сан Матео и различните видео-докази и одлучивме дека нема да има обвинение против господинот Тајсон поради условите под кои дојде до конфронтацијата. Тука го вклучуваме однесувањето на жртвата пред инцидентот, разговорот со Тајсон, како барањето на двајцата да нема обвинение“, се вели во објавата.

Тајсон тврдеше дека се соочил со „агресивен патник“ кој почнал да го малтретира и фрлил со шише вода кон него пред летот од Сан Франциско до Форт Лодердејл, Флорида. Двајцата беа приведени од полицијата, а потоа пуштени.

The post Тајсон нема да биде обвинет за тепачката во авионот appeared first on Република.

Поранешниот боксерски шампион во тешка категорија, Мајк Тајсон, во авион нападнал патник кој го вознемирувал. На видеото што се појави на социјалните мрежи се гледа како Тајсон удира човек на седиштето зад него откако претходно бил вознемируван од истиот патник.

Инцидентот се случил пред летот од Сан Франциско до Флорида.

„ТМЗ“ објави дека патникот бил во алкохолизирана состојба, додека Тајсон по инцидентот веднаш се симнал од авионот

Mike Tyson laid hands on man annoying him on a plane 👊 pic.twitter.com/6u94mAwDvv

— My Mixtapez (@mymixtapez) April 21, 2022

The post Мајк Тајсон претепал патник во авион appeared first on Република.

Легендарниот боксер Мајк Тајсон (55) беше дел од тежок инцидент во авион. Тајсон бил изнервиран од еден од патниците кој со своето однесување ги преминал сите граници, па славниот боксер решил да реагира.

„Железниот“ Мајк се свртел кон момчето што го малтретирало, а потоа му задал неколку удари, пишува „ТМЗ“.

Тајсон бил многу добро расположен пред летот. Се фотографирал со момците, но тие потоа почнале да се исмејуваат со познатиот шампион. Ова особено важело за дечкото кое седело зад Мајк и ги преминало сите граници.

Шампионот решил да реагира. Се свртел и му дал две-три шлаканици на момчето, кое потоа ги покажа трагите од ударите во главата.

https://twitter.com/tariqnasheed/status/1517144287929982984?ref_src=twsrc%5Etfw%7Ctwcamp%5Etweetembed%7Ctwterm%5E1517144287929982984%7Ctwgr%5E%7Ctwcon%5Es1_&ref_url=https%3A%2F%2Fsportclub.mk%2Fvideo-besniot-majk-tajson-pretepa-chovek-vo-avion%2F

The post Мајк Тајсон претепал човек во авион appeared first on Република.