Денес, претставници на Извршниот Комитет на ВМРО-ДПМНЕ, потпретседателката Гордана Димитриеска Кочоска, членот на ИК, Маја Кадиевска Војновиќ и Трајко Славески присуствуваа на заедничка средба во Американската Стопанска комора на Македонија – AmCham, со останати претставници на политичките партии.

Со задоволство може да констатираме дека клучните препораки за политиките во периодот од 2024-2028 година коишто беа преставени од страна на претставниците на AmCham се целосно содржани во Програмата #1198 на ВМРО-ДПМНЕ.

Главната цел на нашата политичка програма е постигнување на повисок животен стандард на граѓаните во Република Македонија. За да се постигне ова, претставниците од ВМРО-ДПМНЕ истакнаа дека се потребни силни системски промени и се надеваат дека ќе се обезбеди национален консензус во економските политики со останатите политички партии, коишто би останале во опозиција.

Исто така, беше истакнато дека дијалогот со AmCham и со останатите стопански комори и здруженија во Македонија ќе биде значаен за ВМРО-ДПМНЕ, а воедно ќе се очекува силна вклученост на претставниците од коморите во трансформирањето на македонската економијата.

Стабилните јавни финансии, борбата со сивата економија, создавањето на услови за поголема конкурентност, инвестиции и иновации на приватниот сектор, јавни инвестиции во подобрување на транспортната и енергетската инфраструктура, одржување на предвидливо даночно и регулаторно опкружување, според најдобрите ЕУ практики и директиви, се едни од главните столбови на нашата програма, коишто во најголем дел беа опфатени и од страна на претставниците на AmCham.

Градењето на силни институции, беспрекорна борба со корупцијата, ефикасно владеење на правото, дигитализацијата на јавните услуги, професионализацијата на јавната администрација се нашите големи заложби за подобра бизнис околина, и за поефикасни и достапни услуги за сите граѓани.

Свесни за климатските промени и потребата за заштита на животната околина, Програмата #1198 содржи мерки за зелена транзиција и зголемување на енергетската ефикасноста на ниво на држава. Ваквите заложби се во линија на препораките на AmCham.

Како главен проблем на нашата денешница, покрај негативните демографски промени т.е ниската стапка на наталитет, иселувањето на младите и на работоспособно население, е и ниската продуктивност на трудот во Македонија – тема којашто беше опфатена во денешните разговори. Во таа насока, голем дел од мерките во Програмата #1198 на ВМРО-ДПМНЕ се насочени кон развој на човечкиот капитал, почнувајќи од најмладите во градинките, па се до студентите. Наредната влада на ВМРО-ДПМНЕ ќе спроведе длабоки и суштински реформи во образовниот процес којшто треба да биде насочен кон новото време. Во рамки на програмата имаме мерки за воведување на СТЕМ образование, за финансиска едукација и стекнување на дигитални вештини уште од најраните години на населението, како и за преквалификација и доквалификација, за создавање на соодветни вештини на повозрасните кои се потребни на пазарот на труд. И за крај, големи напори ќе вложиме за зацврстување на здравствениот систем, едно од барањата на претставниците на AmCham, којшто тековно беше оценет како неефикасен и нетранспарентен.

The post Кочовска Димитриеска, Кадиеска Војновиќ и Славески на средба со Американската Стопанска Комора appeared first on Република.

Просечната нето плата по вработен во Македонија од 2016 до 2023 година порасна за 63,9%, помалку од периодот 2006 до 2016 година кога порасна за 65,3%. Но, кумулативниот раст на трошоците за живот (преку кој се мери инфлацијата) од 2016 до 2023 година е 35,1% и е многу повисок од 22,2% колку што беше од 2006 до 2016 година Растот на РЕАЛНАТА плата од 2016 до 2023 година е 21,3%, многу понизок од растот на РЕАЛНАТА плата за периодот од 2006 до 2016 година кога беше 35,3%. Сега, Битиќи и останатите, ве прашувам кога има поголем вистински раст на платите? Кога реално пораснаа платите повеќе, вели Маја Кадиевска Војновиќ-член на ИК на ВМРО-ДПМНЕ.

Понатаму таа тврди.

И уште нешто да ве информирам. Од јануари 2009 година настана структурна промена во податоците за платите, заради примената на концептот на “бруто плата”. Како и да е, вклучувањето на надоместоците за храна и превоз во платата во тој период се доход за вработените. И да се корегираат бројките за номиналниот раст на платите во тој период, високата инфлација во вашето владеење го изеде номиналниот раст на платите. Затоа беше потребно навремено да се спречи вртоглавиот раст на цените во економијата и добро да се менаџира енергетската криза. За што не успеавте. И сега повторно може да има раст на цените на основните прехранбени производи од март кога ќе се одмрзнат - вели Кадиевска Војновиќ.

Затоа, драги Таче, Битиќи итн. кога сметате номинална плата, реална плата или инфлација викнете некој стручен во оваа област да ви помогне. Не правите весела математика. Немате заслуги, а уште помалку ексклузивитет во номиналниот раст на просечната нето платата по вработен во економијата. Истиот во најголем дел од дејностите е воден од пазарот на труд, во кој има побарувачка, ама за жал веќе нема понуда на работна сила. Многу се иселија од вашите успешни политики.

И, не е исто да водите политики со армија на невработени и стапка на невработеност од 36% колку што беше во 2006 година и со стапка на невработеност намалена за 12,3 процентни поени колку што беше во 2016 година (23,7%). Во тоа време вистински политики придонесоа за отварање на нови работни места. Во ваш период на владеење, намалувањето на стапката на невработеност исклучиво е резултат на иселувањето т.е на намалувањето на работоспособната популација и на зголемениот број на граѓани кои преминаа од активни во неактивни лица (оние што не бараат работа, пензионери итн.). Платите (цената на трудот) имаат тенденција да растат кога има поголема побарувачка од понуда (како што е во вашиот период) и да се намалуваат или држат стабилни, ако има поголема понуда од побарувачка (како во претходниот 10 годишен период со армија на невработени). И за ова викнете си стручни лица да ви објаснат да не се срамите.

И УШТЕ НЕШТО. Животниот стандард на граѓаните не се мери само преку растот на платите. Многу фактори го дефинираат нивото на стандардот на граѓаните (на пр. да нема никогаш веќе случај онкологија, да има учебници за деца, да има домашно произведена ефтина струја итн.). На глобално ниво, користен наблизок индикатор за тоа дали пораснал животниот стандард е Бруто домашниот производ по глава на жител по константни цени по метод на паритет на куповна моќ. Е според тој индикатор (видете го извештајот на Светска банка за системска дијагностика на наша Македонија, ако не знаете да пресметате сами) немате мрднато од место. Најнизок прогрес имате кон ЕУ животниот стандард од сите земји во регионот, а и тие беа во ковид криза, и тие имаа енергетска криза. Со вашата стапка на раст на економијата, ќе нѝ требаат три генерации (60 години) за да го достигнеме стандардот на ЕУ. Ова е доказ дека сте самонаречена „европска“ влада, вели таа.

The post Драги Таче и Битиќи, не играјте весела математика: Кадиевска Војновиќ направи паралела на растот на платата и стандардот appeared first on Република.

ВМРО-ДПМНЕ е народна партија и има докажано дека најголемото усогласување на пензиите е во време на владеење на ВМРО-ДПМНЕ. Актуелната власт сака да покаже дека усогласувањето кое го направи е највисоко во историјата, но тоа не е точно. Најголемото усогласување е во 2008 година и потоа во 2013 година, рече Маја Кадиевска Војновиќ, член на Извршниот комитет на ВМРО-ДПМНЕ на вечерашната дебата во Свети Николе насловена како „Време за промени во пензиската политика - Нови политика до подобра иднина“ која е во рамки на кампањата „Важно е! Од тебе зависат промените“.

Според неа формулата која беше во времето на ВМРО-ДПМНЕ ги земаше во предвид трошоците за живот и просечната плата.

Истата формула ја укина оваа власт за да ја врати повторно пред една година и што се случи во меѓувреме, а инфлацијата галопираше. Колку и да сакаат претставниците на власта да се фалат дека стабилизираат нешто, ништо не е точно, кажа Кадиевска Војновиќ.

Според неа сега инфлацијата е околу 7 проценти што повторно е историски највисока инфлација.

Повозрасните паметат дека до 1995 имавме многу високи стапки на инфлација и намалување на животен стандард повторно во време на СДСМ. Цените растат во континуитет и најголем проблем е што сегашната власт која беше креатор на инфлацијата, значи не е увезена инфлацијата, не се справија со енергетска криза, со стокови резерви. Неколку пати замрзнаа цени и немаше никаков резултат, само зборуваа дека ја решаваат кризата, вели Кадиевска Војновиќ.

Кадиевска Војновиќ укажа дека минималната пензија во 2016 година беше околу 8 илјади денари, а минимална плата околу 10.800 денари.

Бројот на пензионери со минимална пензија на крај на 2016 година бил само 7,8 отсто од вкупниот број на пензионери. А сега знаете ли колку пензионери се со минимална пензија, 28 проценти од вкупниот број на пензионери и тука е проблемот. Најновите податоци ќе покажат дека веројатно неспособноста на Владата да ги зголеми сукцесивно пензиите согласно со раст на трошоци за живот ќе резултира во податоците за 2021 и за 2022 година со пораст на сиромаштија на пензионерите, изјави Кадиевска Војновиќ.

Според неа буџетот на државата е одговорност, а сега е гломазен во вредност од 4,5 милијарди евра, а само трансферите за пензии се 1,4 милијарди евра или 28 проценти од државниот буџет.

Дали ќе има пари за пензии, ќе има, само треба да се прекинат сите јавни набавки во четири очи, договорни услуги во кои се крадат многу пари, да се намали расипничко трошење за се и сешто. Со рационално трошење ќе има пари за пензии, заклучи Кадиевска Војновиќ.

The post Пари за пензии ќе има само треба да се прекине со јавни набавки во четири очи и да се намали расипничко трошење на Владата appeared first on Република.

Додека фокусот на јавноста е болната инфлација и намалениот животен стандард, Владата тивко ама сигурно не носи во пропаст со силното темпо на задолжување како на меѓународен, така и на домашен пазар. Јавниот долг на крајот од јуни 2023 година (последен објавен податок) достигна 8,3 милијарди евра, додека само државниот долг дојде до нивото од 7,3 милијарди евра.

Но, она што е сигурно, државниот долг забрзано расте и тоа на домашниот пазар на државни хартии од вредност (ДХВ). А само за потсетување, Владата годинава веќе издаде четиригодишна еврообврзица од 500 милиони евра со купонска камата од 6,96% за отплата на еврообврзницата издадена во 2016 година во износ од 450 милиони евра со купонска камата од 5,62%. Рефинансирањето беше поскапо и ќе биде скапо.

Во наредните години, односно од 2025-2028 година достасува за исплата пазарен надворешен долг од вкупно 2,4 милијарди евра, износ на издадените еврообврзници на оваа Влада. Ова значи или скапо рефинансирање, во услови кога каматните стапки растат и ќе бидат најверојатно на високо ниво одреден период, или силна фискална консолидација, која значи резови во Буџетот на трошењата и собирање на повеќе приходи. Владата не се одлучи за резови во своите трошења, напротив си троши нерационално и коруптивно, ама затоа се реши да го зголеми ДДВ на 1.600 призводи и да воведе данок на солидарност за успешните фирми. Никако да се реши да ги гони неплаќачите на даноци, неплаќачите на сметки за струја итн, но се реши да ги амнестира сите кои го уништија државниот Буџет.

И така, само за девет месеци од 2023 година Владата собра вкупно 420 милиони евра од домашниот пазар на државни хартии од вредност, со што домашниот пазарен долг на крајот на септември достигна фантастични 2,9 милијарди евра. „Инвентивно“ издаде граѓанска обврзница, па зелена обврзница, па пак ќе издава сега граѓанска обврзница, а физичките лица и вака и така можеа до сега да инвестираат на редовните аукции на ДХВ. Но, за парите што ги собра ни збор. За кои „зелени“ проекти се парите од зелената обврзница? За кои мерки се парите од граѓанската обврзница? Нели се во функција на развојните проекти на државата? Кои развојни проекти? Зошто тогаш не се издаде развојна обврзница?

Ова силно темпо на задолжување т.е растот на домашниот долг од 420 милиони евра за само девет месеци е историски највисок, дури повисок и од растот во цела 2020 година за време на ковид кризата. Државата од почетокот на година се задолжува главно преку денарски ДХВ, имајќи предвид дека интересот е поголем заради повисоките каматни стапки од оние со девизна клаузула. Рочноста на новите запишани ДХВ е во полза на долгорочните, но загрижува растот на трезорски записи од 114 милион евра (12 месечни ДХВ) и на двегодишните обврзници од 148 милион евра. Ова значи дека вкупно 264 милион евра ќе достасаат за две години. Каматната стапка на 12 месечните трезорски записи изнесува 4,25%, а на двегодишните обврзници 5,25% и 5,0%. За споредба, на 15 годишните државни обврзници изнесува 6,15%. Власта со ова си купува скапи пари за време на последниот нивен мандат.

И кој купува државни хартии од вредност? Нормално е да се инвестира при вакви високи каматни стапки. Приватните пензиски фондови во последните неколку години се најзначаен инвеститор, што во дел заради регулаторни барања, што во дел заради усогласување на билансната структура. Потоа се домашните банки, кои имаат регулаторни барања да држат одреден дел од средствата во ликвидна актива (ДХВ го имаат тој третман) и заради тековните вишоци на ликвидност. Осигурителниот сектор исто инвестира, а физичките лица за прв пат по долги години пласираа околу 28 милион евра, и тоа 10 мил. евра во граѓанската обврзница и остатокот во други ДХВ.

Насоченоста на домашниот пазар на ДХВ одамна е стратегија. Но, ваквото темпо на задолжување на домашниот пазар покажува дека Владата нема друг пристап до средства и дека троши интензивно. Толку фалените „успешни“ политики на оваа Влада не ја ослободија втората исплата од заемот за ликвидност и претпазливост на ММФ од 155 милион евра. Средствата беа по значајно пониска каматна стапка од тековните каматни стапки кои ги нуди државата. Зошто ММФ се повлече, останува да видиме. Но, едно е сигурно. Оваа Влада ја наруши фискалната одржливост, ги уништи јавните финансии и го набилда долгот како никогаш до сега. Кризите не се изговор. Истите, оваа Влада неспособно ги изменаџира, ама затоа во аманет на сите нас ни остава висок и неодржлив јавен долг.

Колумна на Маја Кадиевска Војновиќ, член на ИК на ВМРО-ДПМНЕ за порталот Пари.мк.

The post Кадиевска Војновиќ: Владата се презадолжува, како надворешно така и домашно! appeared first on Република.

Членот на ИК на ВМРО-ДПМНЕ, Маја Кадиевска Војновиќ во дебатниот магазин „Click Plus“ на ТВ21 истакна дека буџетот моментално ни е дупка без дно.

Одговорно тврдам дека буџетот моментално ни е дупка без дно. Ја имаме нарушено фискалната одржливост. Тоа економистите добро го знаат што значи, вели Кадиевска Војновиќ.

https://youtu.be/zeNCkxQUayo?si=q4cqsbHwi9kMk-u5

The post Кадиевска Војновиќ: Буџетот моментално ни е дупка без дно appeared first on Република.

Бидна првата таканаречена граѓанска обврзница, која е чист пиар на владата и уште еден показател за потонатиот рејтинг на владата на ДУИ и СДСМ, објаснува Маја Кадиевска Војновиќ, член на ИК на ВМРО-ДПМНЕ

Владата, веќе четврта година по ред троши значително повеќе пари од тоа што го собира во буџетот и има големи буџетски дупки (дефицити). Во континуитет ја толерира обемната сива/црна/неофицијална економија, троши за високи аванси и провизии за сомнителни договори, префрла високи суми пари до ЕСМ, со и без енергетска криза.

Е, тие дупки треба да се покријат. И како ги покрива оваа влада? Позајмува, се задолжува во странство и дома, и тоа сега по високи каматни стапки.

Најново, владата позајми и од граѓаните преку таканаречена граѓанска обврзница. А од друга страна, пак, граѓаните се тие (и фирмите) што ќе платат за високата каматна стапка на оваа обврзница.

ЗОШТО ВЕЛАМ ПИАР?

Хрватска издала, па и ние треба да издадеме. Друг пример, како што знам јас, нема. И да има, тоа е реткост во светски рамки.

Знам дека светот издава зелени обврзници (за поттик на свесноста за животната средина и глобалното затоплување), знам дека светот издава општински обврзници (за мобилизација на средства што се трошат во општините, што беше и намера на многу градоначалници на ВМРО, кои се стопирани од централната власт), знам дека поприфатливо е да се издаде некоја развојна или проектна обврзница, зашто барем така ќе знаеме за што ќе се трошат парите. Но, граѓанска!?-објаснува Маја Кадиевска Војновиќ, член на ИК на ВМРО-ДПМНЕ

Прво. Зошто викам пиар? Па, и досега граѓаните можеа да инвестираат на редовните аукции на државни хартии од вредност (ДХВ), исто како и сите други учесници – банки, осигурителни друштва, пензиски фондови, фирми, ФОД. И инвестираа граѓаните скромно, ама ги имаше.

Второ, според владата, со оваа таканаречена граѓанска обврзница ќе се мобилизирал кешот под перница. Баш ме интересира колку од 25 милиони евра, колку што граѓаните запишаа во обврзницата, е кеш внесен на шалтерите во банките. Или испадна дека заштедите се повлекоа и се насочија кон инвестирање во граѓанската обврзница?

Па, како и да не биде кога каматната стапка е 5 отсто на оваа граѓанска обврзница со рок од две години, а на оваа рочност, банките даваат речиси двојно помалку, односно имаат двојно пониски каматни стапки. Први алармиравме дека ова ќе има ефект врз повлекувањето депозити од банките и врз растот на каматите во банките, а со тоа и врз растот на каматите на кредитите.

Ако сакавте кешот да го искорените, господа од власта, имате во аманет оставена изработена стратегија уште во 2018 година! Или не одговара некому кешот да се искорени, па сега правите само пиар?

КАКВИ СЕ ОВИЕ РЕФОРМИ?

Трето, во граѓанската обврзница инвестираа 0,08 отсто од домашната популација над 15 години или 1.283 граѓани, што, според владата, е „одлична“ излезност и „одличен“ рејтинг. Тие 0,08 отсто или 1.283 лица инвестираа 25 милиони евра, или просечно по човек, тоа е околу 20 илјади евра.

Но, некој инвестирал само 10.000 денари (минимален праг), а некој инвестирал многу повеќе од овој просек на 20 илјади евра. Е пак тоа е над износот од 15 илјади евра, кој, според Законот, треба да се пријави до Управата за финансиско разузнавање. Направивте анализа или ние ќе ја правиме?

Четврто, министерот за финансии кажа дека ќе издаваат граѓански обврзници во износ од 50 милиони евра оваа година. На првата аукција понудија само 10 милиони евра, релативно низок праг, за сѐ што се инвестира над тој праг да се пријави како успех.

Петто. Кажаа дека две години се подготвува издавањето на граѓанската обврзница, но баш сега биле исполнети предусловите за нејзиното издавање. Кои предуслови? Целата процедура за издавање и техничка поддршка се правеше во пет до дванаесет.

Шесто. Со ова јасно се кажа дека се потребни пари во буџетот зашто тој не се полни со предвидената динамика. Со ова исто се кажа дека парите од заемот на ММФ од 155 милиони евра, кои требаше да стигнат во мај оваа година, не пристигна.

Зошто? Затоа што владата им вети на ММФ дека ќе собере средства од данокот на солидарност, повисоко ДДВ на некои производи и повеќе од данокот на добивка.

Плаќачите пак ќе плаќаат, неплаќачите пак нема да плаќаат. Какви се овие реформи? Зар ова е инклузивно и еднакво општество за сите?

The post Чист пи-ар: Дознајте сѐ за граѓанската обрзница на власта appeared first on Република.

Денес во рамки на првиот женски економски форум - „Финансиска писменост“ во  организација на „Јас Сум Жена“ и „Global Shapers Skopje Hub“ главен говорник беше членот на Извршниот комитет на ВМРО-ДПМНЕ - Маја Кадиевска Војновиќ.

На тема „Потребата од финансиска писменост во Македонија“, Кадиевска Војновиќ потенцираше дека тековно едукативниот систем е еродиран и истиот не поддржува финансиска писменост. Според неа, во образованието се учи сѐ, ама не и за современите текови и финансиите, а финансиите го вртат светот. На Македонија и треба зголемување на степенот на финансиска писменост, а тоа може да се постигне само институционално т.е со воведување на едукација за финансии уште во основно училиште. За повозрасните потребни се специјализирани обуки од давателите на финансиски услуги. Според неа итно е потребно да се зголеми квалитетот на образованието кон новото време за да се задржат младите во економијата, нашите таленти и  идениот потенцијал за раст.

Статистичките мерења според неа се поразителни. Според меѓународните мерења населението над 18 години во Македонија има ниско финансиско знаење, однесување и ставови, што е во рамки на групата земји од Јужноисточна Европа кои заостануваат во многу сегменти зад западноевропските држави. Според анкетата на НБРМ, повеќе од половината од младите (на возраст од 13-15 години) сметаат дека делумно знаат како да управуваат со парите, а истото во најголем дел го учат од своето семејство, додека формалното образование обезбедува низок процентот на финансиска едукација.

Кадиевска Војновиќ потенцираше дека финансиската инклузија или вклученост е сѐ уште ниска во одредени сегменти. Така, според најновите податоци од Финдекс базата на Светска банка за 2021 година и покрај тоа што поголемиот дел од населението над 15 години има сметки во банки (85,3%), само 14,9% од населението штеди во банки (50% од оние кои имаат сметки во банка) и само 22% позајмува пари од официјални финансиски институции (од младите само 6,5%, од посиромашните само 17,6%). Наспроти ова, депозитите на домаќинствата од крајот на 2010 година до февруари 2023 година се имаат зголемено за високи 2,9 милијарди евра, а кредитирањето на банките на физичките лица за овој период расте за 2,3 милијарди евра. Ова покажува две работи, ниска финансиска моќ односно низок расположлив доход за штедење (или способност за позајмување) кај поголем дел од населението и висока концентрација на депозитната база кај домаќинствата со повисоки примања. Финдекс базата на податоци покажува дека сопственици на кредитни картички се само 22% од населението (52,6% поседуваат дебитни картички), додека позначаен процент 88,4% од населението имаат пристап до интернет и 94,6% имаат мобилни телефони. Сепак, според Кадиевска Војновиќ користењето на мобилните и интернетот за финансиски трансакции како плаќања, земање на кредити, депозити, осигурување, тргување со хартии од вредност е ниско, зошто во Македонија сѐ уште не е развиен финтекот секторот. Користењето на мобилниот телефон или интернетот е највеќе за проверка на салдото на сметката (кај 43,2% од тие што имаат сметки), помалку за плаќање на сметки (само кај 28,3%) и за купувања на интернет (кај 30,5%).

Кадиевска Војновиќ потенцираше дека потребата од финансиска писменост не е само од личен интерес, туку е и од национален интерес. Финансиската писменост овозможува носење на информирани одлуки за личните и јавните финансии. Ефикасното управување со парите го намалува ризикот од финансиски грешки, што води кон подобра финансиска благосостојба, намален долг и зголемени заштеди. Истото овозможува планирање за иднината и помага при справување со неочекуваните финансиски предизвици. Кадиевска Војновиќ потенцира – финансиската писменост е потребна не само за успешно управување со личните финансии, тука и за македонското општество како целина.

The post Кадиевска-Војновиќ: Потребно е воведување едукација за финансиите уште од основно училиште appeared first on Република.

„Политичката нестабилност инвеститорите секогаш ја гледаат како еден голем ризик фактор, а ние во Македонија имаме политичка нестабилност бидејќи немаат стабилност во Влада. Значи имаме Влада која што менува министри на секои шест месеци, година дена и тоа укажува дека нема стабилност во таа Влада. И затоа би требало да имаме значи предвремени парламентарни избори за една стабилност и една издржливост на политичката сцена“, истакна Маја Кадиевска Војновиќ, член на ИК на ВМРО-ДПМНЕ.

Кадиевска Војновиќ додаде дека повлечената еврообврзница го наруши рејтингот на државата пред инвеститорите. И тоа рејтингот во смисла дека Владата покажа неозбилност во еден процес на издавање на еврообврзница на меѓународни пазари.

Со целиот овој јавен долг дали било СДС на власт, дали било ВМРО, дали било ДУИ, Алијанса, и кој и да е, значи паѓа на товар на граѓаните. Значи граѓаните се оние кои што на крај имплицитно дали преку зголемување на даноци, дали фирмите преку зголемување на даноци, ќе треба да ги вратат сите овие позајмени пари“, нагласи таа.

Таа посочи дека ова што се случи потресот со еврообврзницата првин иницираше скапо задолжување на домашен пазар од страна на државата. А, скапото задолжување и ваквата потрага по пари, по ликвидност за да се исфинансира Буџетот го истиснува приватниот сектор да позајмува од банките, бидејќи еден од инвеститорите на оваа издадена двегодишна еврообврзница токму се банките.

Гледаме дека не се исплатени плати на доктори. А, дали има ликвидност во Буџетот? Дел од овие средства од повлечената еврообврзница беа најверојатно за да се обезбеди ликвидност во Буџетот. А, дел веројатно и за некои стари долгови“, заклучи Кадиесвак Војновиќ.

Таа нагласи дека владата не треба да се доведе во ситуација да нема пари. Државата не смее да си дозволи да не исплаќа плати на граѓаните, особено во здравствениот сектор.

Ја нарушивме фискалната одржливост, повлече таа.

The post Кадиевска Војновиќ до Владата: Дали нема плати во здравството затоа што нема ликвидност на буџетот, затоа што ја откажавте еврообврзницата? appeared first on Република.

Маја Кадиевска-Војновиќ, член на ИК на ВМРО-ДПМНЕ зборуваше за македонската еврообврзница која што вчера беше откажана и потенцираше дека тоа е шок кој ќе остане во историјата на издавањето на еврообврзницата и дека таква состојба немало на меѓународните финансиски пазари.

Вчера се случи еден потрес во светски размери и потрес во светски рамки. Верувајте дека во финансискиот свет и оние кои што работат, сега зборам и од домашните субјекти но и меѓународните се веќе се на некој начин шокирани односно изненадени и ова веројатно ќе остане во историјата на издавање на еврообврзниците, значи на долг на една држава, ќе биде запишано во учебниците. Вчера кога се појави информацијата на овие платформи на кои се тргува, на Блумберг и другите дека е откажана македонската обврзница, тоа беше шок за инвеститорите, зошто ова е преседант кој што се случува. Значи замислете имаме инвеститори, ја купиле нашата обврзница, рачунале дека ќе добијат принос, купон, купонска камата од 6.25, некои од нив може и ја препродале, најверојатно има и секундарно тргување и наеднаш излегува информацијата пу-пу ништо не важи, односно Р. Македонија како суверена држава ја откажува еврообврзницата. Замислете кој потрес е ова, значи ова не се случило, одговорно тврдам дека ваква состојба немала на меѓународните финансиски пазари, истакна таа.

Кадиевска Војновиќ во текот на своето гостување властите треба да направат план и стратегија како ќе ги исфинансираат приходите и буџетскиот дефицит.

Во 2020 имаше ковид пандемија, имаше намалување на приходи, но имаше и многу високо трошење на државата, имавме околу 870 милиони евра дефицит. Помина пандемијата, 2021 некои опашки, но оваа влада не престана да троши. Имавме 650 милиони дефицит. Помина и 2021 и 2022 година, имавме исто дефицит околу 600 милиони и сега доаѓа 2023 година со планиран дефицит од 700 милиони. Ова треба да се исфинансира. Ние ги немаме тие пари. Што значи дефицит, тоа значи дека не собираме доволно приходи за да ги исфинансираме сите планирани расходи на државата. Опција има владата да задолжи на домашен пазар односно да издаде должнички хартии од вредност на домашен пазар, да прибере пари од дома за да го исфинансира дефицитот или пак да се задолжи на странските пазари. Покрај дефицитот кој што оваа година е 700 милиони евра и е нов долг создаден од оваа влада треба да исплати државата и стари долгови, за цела година се 874 милиони евра стари долгови. И ако ги додадеме и старите долгови, вкупните потреби за финансирање, Македонија за оваа година ќе треба да исплати една милијарда и 500, додаде таа.

The post Кадиевска-Војновиќ: Откажувањето на еврообврзницата од страна на Владата е шок за меѓународните финансиски пазари appeared first on Република.

Владата со буџетот за 2023 година потврди дека Македонија е влезена во период на стагфлација, односно по нискиот раст оваа година, во 2023 година планираат низок раст од 2,9% и повторно висока инфлација од 7,1%, вели во интервјуто за порталот „Пари“ финансискиот експерт и поранешен вицегувернер на Народната банка, Маја Кадиевска Војновиќ, која се приклучи кон острите критики од експертите за усвоениот буџет и фискалната политика во земјава.

Владата со буџетот за 2023 година планира да потроши 5,3 милијарди евра што е за 65% повеќе од последниот буџет во 2017 година на претходната власт (од 3,2 милијарди евра). Веќе втора година по ред вкупните расходи годишно растат над половина милијарда евра, а во меѓувреме справувањето со кризи потфрла и реализација на инфраструктурни проекти нема. Генерално, Владата со буџетот за 2023 година потврди дека Македонија е влезена во период на стагфлација, односно по нискиот раст оваа година, во 2023 година планираат низок раст од 2,9% и повторно висока инфлација од 7,1%. Но, проекцијата за растот е опимистичка во услови кога забавува економската активност на нашите најголеми трговски партнери и кога забавува и домашната побарувачка заради високите малопродажни цени кои го еродираат реалниот доход на населението и високите цени за струјата, кои ја намалуваат ликвидноста на домашните фирми и можноста за инвестиции. Владата докажа дека нема капацитет да реализира капитални проекти, па затоа базирањето на растот на инвестициската активност на државата е неразумно. Од друга страна, ризиците за инфлацијата се во нагорна насока, поттикнати од надворешни и домашни фактори. Буџетот се полни од инфлацијата, а не од реалната економија, вели таа.

Целото интервју на Пари

The post Кадиевска Војновиќ: Буџетот за 2023 година e влез кон банкрот! appeared first on Република.

Обвинувањата на градоначланичката на Скопје, Данела Арсовска, дека претседателот на ВМРО-ДПМНЕ, Христијан Мицкоски, ја навредувал и и се заканувал, предизвикуваат голем револт кај женските припаднички на партијата.

Тие, гневни поради ваквите, како што истакнуваат, лажни обвинувања на Арсовска, јавно реагираат истакнувајќи дека Мицкоски секогаш покажувал дека и по карактер не е човек којшто би се заканувал некому, а истовремено зборуваат за случаи на некоректниот однос на Арсовска во нивната меѓусебна комуникација.

Една од тие што се одлучија за јавна рекација е претседателка на Унијата на жени на ВМРО-ДПМНЕ, Жаклина Пешевска, која обелоденува дека порталот Инфомакс, кој важи за близок до Данела Арсовска, и поставил прашање за официјален коментар за наводните закани на Мицкоски кон Арсовска, но откако одговорила дека таквите наводи се лажни, нејзиниот одговор воопшто не бил објавен.

Во текот на вчерашниот ден добив прашање од Инфомакс и Александра Петровска.
Прашањето беше:

„Почитувана, како претседателка на УЖ на ВМРО-ДПМНЕ, како ги коментирате изјавите на градоначалничката Арсовска дека добивала закани од Христијан Мицкоски. Дали осудувате вакво насилство и дали доколку се докаже дека е вистина ќе побарате извинување од Мицкоски?
Со почит,
Александра Петровска, Инфомакс“.

 

Чекав 24 часа да го објават одговорот, тој не беше објавен. Иако се согласи да го објават во целост.Во прилог одговорот кој го дадов:

 

Одговор на вашето прашање, воедно би замолила, во име на професионалното известување и вашата декларативна заложба информациите да се без цензура, истиот да биде пренесен во целост:

...

 

Како жена која што ја предводи најголемата политички организирана структура на жени во Македонија можам да кажам дека изнесените тврдења за некакви закани се комплетна лага и измислица. Впрочем претседателот Мицкоски секогаш давал огромна поддршка во борбата за правата на жената, а како човек кој има лично искуство од тимската работа во партијата и директна соработка со Претседателот на партијата можам да посведочам дека тоа што го соопшти Арсовска не е дел од неговата култура, ниту пак е карактерна особина на претседателот Мицкоски, нешто што пак не можам да го кажам за г-ѓата Данела Арсовска.

 

Ќе потсетам дека таа впрочем освен од раководните органи на партијата, имаше огромна поддршка и од мене лично и од целата Унија на жени на ВМРО ДПМНЕ. Јас лично бев вклучена во борбата против говорот на омраза кој беше насочен кон г-ѓата Арсовска во изборната кампања, а таа денес очигледно ја превзема палката и ударното место во сеење на лаги и говор на омраза, нешто против што се боревме.

 

Секој ден станува појасно која е суштината на средбите на Арсовска со Ковачевски, и создавањето на димна завеса за сите скандали на власта. Жалам што Арсовска ја превзема таа улога која и ја додели власта, и ќе и препорачам помалку да служи за туѓи интереси и да не биде водена од тендер политиката, и повеќе да е фокусирана кон решавањето на проблемите на скопјани.

 

Самото количество на лаги отвора и сомнеж за деловна неспособност во раководењето на градот, нешто за што треба да се позанимава и самиот систем на државата.Плус со глумењето жртва во политиката ги дискриминира и иритира сите оние жени кои биле навистина жртви во политиката, наведува Пешевска.

Свое јавно обраќање има и портпаролката на Марија Митева, која истакнува дека додека Арсовска ја имала поддршката од сите членови на ВМРО-ДПМНЕ, тогаш таа немала никаква забелешка за односот, но кога и било посочено дека нејзиното работење ќе треба да донесе промени, работа и резултати во градот, тоа изостанало, а Арсовска почнала да се жали за некоректен однос кон неа.

Кога конкретно, ЛИЧНО И ДИРЕКТНО ја добиваше поддршката, кога конкретно, лично и директно ја бараше поддршката тогаш приказната беше поинаква. Кога конкретно, ЛИЧНО И ДИРЕКТНО ти беше посочено дека ќе требаат промени, работа и резултати, беше сигурна дека менаџер како тебе не ни знае поинаку.

 

Е сега, конкретно, ЛИЧНО И ДИРЕКТНО кога ги нема резултатите, поддршката лажно ја претвори во наводни закани. Со насмевка на лице презентираш скандалозни наводи, мора да признаеме ако не во работа, барем во манипулација си неприкосновена.

 

Не жена, ниеден човек не треба да се служи со вакви манипулации и спокојно да продолжува да ја ужива власта.

 

Но, времето на валкани лаги ќе го претвориме во време на чиста вистина!, коментира Митева.

Членот на ИК на ВМРО-ДПМНЕ, Маја Кадиевска Војновиќ, пак, истакнува дека не е љубител да коментира на политички теми затоа што смета дека во време на економски колапс на државата нема место за дневна политика, но дека неправедните и невистините обвинувања на Арсовска, како што вели, ја извадиле од кожа.

Изјавата на градоначалничката Данела се коси со карактерот и културата на претседателот Мицкоски. Тоа не е Христијан Мицкоски. Однесувањето, зборувањето и мислењето на претседателот Мицкоски се на највисоко ниво и создаваат високо ниво на внатрепартиска демократија која е столб за развој на една партија и држава. Самиот факт што успеа да ја консолидира партијата кога беше најтешко и да ја направи победничка на последните локални избори покажува дека го имаме вистинскиот лидер.

 

Доста ни е од политичари кои само омаловажуваат и навредуваат. Ние треба да станеме европска и цивилизирана Македонија! За тоа се бориме..., порачува Кадиевска Војновиќ.

Од своја страна, потпретседателката на ВМРО-ДПМНЕ, Гордана Димитриеска Кочоска, истакнува дека лажните обвинувања што Данела Арсовска ги изнесе за Мицкоски, се ссамо обид на една незрела политичарка да се истакне и да го сврти вниманието од хаосот што го продуцира.

https://republika.mk/vesti/makedonija/dimitrieska-kochoska-nezreli-politichari-poradi-haosot-koj-go-produciraat-imaat-zelba-da-se-istaknat-izmisluvajkji-lagi-za-mickoski/

The post Лажните обвинувања на Арсовска за наводните закани на Мицкоски предизвикуваат реакции на жените од ВМРО-ДПМНЕ appeared first on Република.

Членот на ИК на ВМРО-ДПМНЕ, Маја Кадиевска Војновиќ во вчерашното гостување во емисијата „Клик Плус“ на ТВ21 истакна дека за инфлацијата има фактори кои што се увезени и се заеднички за сите држави во светот и во Европа и има фактори кои што се домашни кои придонесуваат за двоцифрената инфлација во Македонија која е највисока од 95-та година навака.

Таа како увезени фактори ја спомна ковид пандемијата која го затвори производниот процес и војната во Украина која дополнително ја засили инфлацијата, а двоцифрената и највисока инфлација на Македонија, истакна дека се должи на домашните фактори како што е зголемувањето на плати без да биде зголемена продуктивноста и намалувањето на работната сила меѓу другото и преку вработувања во јавниот сектор.

Политиката на раст на плати без притоа да биде зголемена продуктивноста на самите фирми услови зголемување на трошокот за труд по единица производ, а тоа значи дека во еден подолг временски период, не зборувам за оваа година, зборувам за еден период од 5 години од 2016-та навака, ние имаме раст на бруто платите, а имаме пад кумулативно на продуктивноста. Тоа направи да фирмите тоа што не произведуваат повеќе, за да си го задржат профитот го пренесоа врз финалните цени. Тоа е првиот домашен фактор, а вториот домашен фактор кој што услови да имаме инфлација ни е самиот пазар на труд и она што ни се случува на пазарот на труд. Кај и да идете кај приватните компании кажуваат дека не можат да најдат работна сила. Ние како население како Македонија се иселуваме. Се иселува и македонска и албанска популација и секаква и затоа немаме работноспособно население. Во такви услови кога и државата во последниве две три години, чудно, меѓутоа во две најголеми кризи, пандемиска и енергетска, вработува во јавен сектор, го обсорбира оној слободен дел од работната сила и за приватниот сектор не останува ништо. Не создаваме народ, се иселува младо население - потенцираше Кадиевска Војновиќ.

The post Кадиевска Војновиќ: Двоцифрената инфлација во Македонија се должи на домашните фактори и погрешните политики appeared first on Република.

Маја Кадиевска Војновиќ, член на ИК на ВМРО-ДПМНЕ вели дека внатрешниот долг на државата на крај на септември 2022 година е 407 милиони евра (раст од ковид-19 наваму за 131 мил.евра).

Државата должи на приватниот сектор 207 милиони евра (раст од ковид-19 наваму за 88 мил.евра). Јавните здравствени установи должат 104 мил. евра (раст од ковид-19 наваму за 58 мил.евра).
Прашање: каде отидоа за ковид парите ако толку се кумулирал долг во здравството? Нели се задолжувавме за помош на здравство?, вели Кадиевска Војновиќ.

The post Кадиевска Војновиќ: Јавните здравствени установи должат нови 58 милиони евра од ковид-кризата appeared first on Република.

Годишната стапка на инфлација во Македонија во септември 2022 година е петта највисока во Европа, а индикаторот на доверба на македонските потрошувачи во септември 2022 година е четврти најнизок во Европа, пишува Маја Кадиевска Војновиќ, член на ИК на ВМРО-ДПМНЕ.

Инфлацијата во ЕУ е 10,9%, во Македонија е 18,7%! Тотално промашена и закаснета домашна економска и енергетска политика за сузбивање на инфлацијата. Вистинскиот лек на раната уште не е решен. Зголемените сметки за електрична енергија на фирмите и во иднина ќе се пренесат на финалните цени или ќе се пренесат врз раст на невработеноста. Потрошувачите се во паника! Фирмите и вработените се во паника! А, како да не бидат? Докажан кризен менаџмент на оваа Влада еднаков на 0. А според сите предвидувања зимата 2023/2024 година ќе биде полоша!
Четирите стратегии како приоритет за кои пишував уште во март не се исполнети:
1. Обезбедување на сигурност за храна - ја имаме, но по цени до плафон.
2. Обезбедување на енергетска сигурност - ја немаме ни на краток, ни на средeн рок. Воедно цените на електрична енергија за фирмите се меѓу највисоките во Европа.
3. Обезбедување на одржлив економски раст. Нема никаква стратегија за раст.
4. Обезбедување на фискална одржливост на долг рок. Ја изгубивме заради недисциплинираното трошење на Владата од Ковид-19 наваму. Ја губиме уште повеќе и не носи кон постепена должничка криза. Хемингвеј кажал: “How did you go bankrupt?"
Two ways. Gradually, then suddenly.”

The post Кадиевска Војновиќ: Годишната стапка на инфлација во Македонија е петта највисока во Европа appeared first on Република.

„Економскиот тим на ВМРО-ДПМНЕ работи не само за енергетската криза, туку и за економските теми и целокупната економска ситуација. Прв пат во историјата опозиционен лидер излезе со предлог за излез од кризата“, изјави за Анализа на ТВ 24, Маја Кадиевска Војновиќ, член на ИК на ВМРО-ДПМНЕ.

Кадиевска Војновиќ истакна дека ситуацијата во Македонија е алармантна и дека бизнисот сериозно алармира дека ситуацијата е излезена од контрола

Се понудивме како партија. Критиките се едно и тие се во насока на решавање на кризата од која сме засегнати и затоа го нудиме концептот на претседателот Мицкоски, и јас сум задоволна што прв пат во историјата еден опозиционен лидер на конструктивен начин излезе со издржан предлог. Сметаме дека треба да се разговара во едни вакви тешки времиња за кои населението е свесно, но допрва следува потешко, рече Кадиевска Војновиќ.

Таа посочи дека излегоа резултати од анкета од Стопанска комора која покажува дека бизнисот не може да ги издржи цените на електричната енергија, а тоа ќе значи намалено производство и намален број на вработени, односно откази.

Денес Стопанската комора на Македонија објави резултати од една анкета од 1.600 субјекти на слободниот пазар, каде што кажува дека не се убави сознанијата. За јавноста е важно ова дека го кажува бизнисот кој е погоден од високите цени на струјата. Првите сознанија се дека кај одредени компании состојбата е во висок степен на сериозност и почнуваат со отпуштања, принудни одмори, редуцирање на производство и дека следните 2 месеци ќе биде голем проблем бидејќи истекуваат постоечките договори за набавка, истакна Кадиевска Војновиќ.

Таа додаде дека најголемите компании се погодени од цените на електрична енергија и истите според овие цени треба да дадат половина милијарда евра за електрична енергија.

Стопанската комора имаше и предлози дадено до владата, бизнисот вработува 650.000 граѓани и тој е тој кој го полни буџетот и ако на бизнисот сега треба да му се помогне, посочи таа.

„На регулиран пазар се 70.000 правни субјекти со кои што и ние имаме комуникација со сите нив, и викаат ние не плаќаме евтина струја. Колку е струјата на сите мали бизниси на кои што е регулирана? Во Србија е 100 евра за мегават, а во Босна и Херцеговина е 65 евра, ајде Босна и Херцеговина извезува и е нето извозник, а Србија и увезува одреден процент на струја. А, Косово е 70 евра за мегават, Бугарија е 128 евра за мегават, а ова се податоци од Стопанската комора. Романија плаќа 180 евра за мегават, Грција е 220 со тоа што го субвенционира остатокот. Ова се податоци за струја за бизниси по мегават на час во регионот колку се плаќа. Македонија и на регулиран пазар, малите фирми плаќаат 230 евра за мегават на час“, истакна Кадиевска Војновиќ.

Кадиевска Војновиќ додаде дека бизнисите во Македонија имаат најскапа струја во регионот.

Дали се справуваме добро со кризата? Не се справуваме, а набргу на населението ќе му стане јасно. Не сакам да звучам апокалипстично, ниту да создавам паника меѓутоа набрзо ќе си ги имаме рестрикциите, бизнисот нема да биде субвенциониран поради тоа што државата не обезбеди навремено средства. Заради тоа што за да го платиме енергенсот и струјата ни се потребни средства. Значи проблемот е во менаџирањето, нагласи Кадиевска Војновиќ.

При своето гостување Кадиевска Војновиќ се осврна и на инфлацијата во државата.

Гледам колку се пораснати Импут 1, односно сите оние елементи како ѓубрива, енергија и сите трошоци за земјоделецот колку се пораснати во однос на лани и во август последна броја е објавена значи овој Импут 1 кој е најзначаен и највеќе влијае врз Аутпут цената во земјоделството се пораснати за 23 проценти, рече Кадиевска Војновиќ.

„Само ѓубривата што ги користат земјоделците се пораснати за 58 проценти а енергијата тука цела енергија, течни горива, мазива и цела останата енергија што ја користат земјоделците за 40 проценти“, рече Кадиевска Војновиќ.

Таа посочи на тоа дека ако трошокот на земјоделецот му е зголемен за 23 проценти истиот земјоделец во месец август Аутпутот го продавал за 12 проценти. Тогаш значи земјоделецот вака пресметано има загуба.

Вториот елемент во нашата кошница на производи како се пресметува инфлацијата. Имаме земјоделски производи и производи од преработувачка индустрија произведена од домашни производи, меѓутоа имаме и одредени стоки и услуги кои доаѓаат од увоз, кажа Кадиевска Војновиќ.

Кадиевска Војновиќ заклучи дека инфлацијата не постои од вчера, туку инфлацијата во Македонија е разгорена од 4-ти месец минатата година.

The post Кадиевска Војновиќ: Првпат во историјата опозициски лидер излезе со издржан предлог за излез од кризата appeared first on Република.

Гледам колку се пораснати Импут 1, односно сите оние елементи како ѓубрива, енергија и сите трошоци за земјоделецот колку се пораснати во однос на лани и во август последна броја е објавена значи овој Импут 1 кој е најзначаен и највеќе влијае врз Аутпут цената во земјоделството се пораснати за 23 проценти, рече Маја Кадиевска Војновиќ член на ИК на ВМРО-ДПМНЕ во вечерашното гостување во емисијата „24 Анализа“ на Телевизија 24.

Само ѓубвривата што ги користат земјоделците се пораснати за 58 проценти, а енергијата, течни горива, мазива и цела останата енергија што ја користат земјоделците за 40 проценти, рече Кадиевска Војновиќ.

Таа посочи на тоа дека aко трошокот на земјоделецот му е зголемен за 23 проценти истиот земјоделец во месец август Аутпутот го продавал за 12 проценти. Тогаш значи земјоделецот вака преметано има загуба.

Вториот елемент во нашата кошница на производи како се пресметува инфлацијата. Имаме земјоделски производи и производи од преработувачка индустрија произведена од домашни производи, меѓутоа имаме и одредени стоки и услуги кои доаѓаат од увоз, кажа Кадиевска Војновиќ.

Таа истакна дека кај производителите на индустриски и домашен пазар за сите производители во просек во август овие цени на производители на индустриски производи се пораснати за 26 проценти.

Кадиевска Војновиќ заклучи дека инфлацијата не постои од вчера, туку инфлацијата во Македонија е разгорена од aприл минатата година.

The post Кадиевска Војновиќ: Инфлацијата не постои од вчера, таа е разгорена од минатиот април appeared first on Република.

Лидерот на ВМРО ДПМНЕ Христијан Мицкоски и економскиот тим на партијата утре ќе има средба со претседателот на Владата Димитар Ковачевски.

Ова го потврди вечерва Маја Кадиевска - Војновиќ, член на Извршниот комитет на ВМРО ДПМНЕ во емисијата „24 анализа“ на ТВ 24.

Прифатен е повикот од премиерот Ковачевски за утрешна средба каде ќе присуствува економскиот тим на ВМРО-ДПМНЕ предводен од Христијан Мицковски. Ги нудиме нашите ресурси и концептот. Утре ќе биде запознаен и премиерот. Би требало да се разговара во вакви тешки времиња и треба да седнеме заедно најголемата опозициона партија со Владата, изјави вечерва Кадиевска.

Средбата ќе се одржи утре попладне во Владата, во 16 часот, потврдија за МИА од Владата.

The post Утре средба на економскиот тим на Мицкоски и премиерот Ковачевски appeared first on Република.

ВМРО-ДПМНЕ објаснија зошто се против даночните реформи кои ги предлага владата. На денешната пред-конференција аргументите на партијата ги образложи членот на ИК на ВМРО-ДПМНЕ, Маја Кадиевска Војновиќ.

Во услови на тешка енергетска криза којашто го крахира бизнисот и домашните буџети на домаќинствата, во услови на галопирачна инфлација којашто го јаде животниот стандард на населението, ние како одговорна опозиција, како најголема политичка партија во Република Македонија ја прифативме поканата на министерот за финансии да дискутираме за даночните реформи и да ги искажеме нашите аргументи зошто сме против предложениот концепт на даночните реформи и да укажеме дека доколку оваа Влада и ова парламентарно мнозинство ги донесе истите, дека по промена на власта нема да живеаат никаква иднина.

Кои се нашите аргументи?

1. Предложениот концепт не можеме да го наречеме даночна реформа, од причина што истиот нема стратегиски пристап. Министерството за финансии го оценува само фискалниот ефект од концептот реформа, меѓутоа но не го оценува севкупниот економски ефект. Промените во даночната политика може да дестимулираат одредени сектори, може да доведат до намалени добивки, намалени приливи, намалени инвестиции, намален расположливиот доход на населението и крајно – намалена основа за одданочување. Уште повеќе, измените во даночната политика може да имаат негативно мултипликативно влијание врз економијата, од причина што неоценетото однесувањето на деловните субјекти можеби да се прелеат од еден кон друг сектор во економијата.

2. Второ, втор аргумент. Предложениот концепт ниту ќе обезбеди поголема праведност, ниту ефикасност во оданочувањето, ниту ќе ја намали сивата економија. ВМРО-ДПМНЕ смета дека предложената даночна реформа е во корист на неплаќачите на данок, а е на штета на легалните бизниси и на легалниот доход односно (заштеди) на граѓаните и со истата не се намалува даночната евазија, ниту пак се постигнува правичен и ефикасен даночен систем. Ако Владата навистина сака да воспостави систем на правичност и ефикасност во одданочувањето треба да започне од одданочување на сивата економија. Загубата на даночни приходи во Македонија произлегува од високата сива економија, а не од т.н. даночни расходи односно од даночните ослободувања или стимулации. Сивата економија, којашто не е одданочена според различни мерења се движи во интервал од 20-40% од БДП. Но, вистинската борба со сивата економија од страна на оваа Влада не постои. Стратегијата за формализирање на неформалната економија којшто беше изработена уште во 2018-та и го опфати периодот од 2018-2022. Никој не знае до каде е спроведена, внимавајте веќе се поминати пет години, а немаме никакви ефекти од оваа стратегија. Сивата економија ја има во ненаплатата на данокот на додадена вредност, во ненаплата на данокот на имот и во високата употреба на кешот којшто е во секојдевното живеење. Само за илустрација, приходите од данокот на имот во 2021 година се само 64 милиона евра или 0,6% од БДП, а неговата наплата значајно се разликува по општини. Постојат општини кадешто воопшто не се наплаќа данокот на имот, меѓутоа постојат и општини со висока наплата на данокот на имот по глава на жител. Затоа ние сметаме дека проширувањето на даночната основа треба да започне од тука, а не од категориите опфатени со концептот на даночна реформа.

Даночите измени се однесуваат на:

1. Фирмите, воопшто и посебно за микро и малите трговци;
2. Населението – односно на расположливиот доход на населението и вработувањата;
3. Осигурителен сектор;
4. Банкарски сектор;

https://youtu.be/bh4Q-SfEsV8

The post Кадиевска Војновиќ: Предложената даночна реформа е првата сметка која се префрла на товар на бизнисот и граѓаните од недомаќинското работење на владата appeared first on Република.

Од објавените податоци со мај, Македонија е на врвот на листата според годишната стапка на инфлација во Европа! Во еврозоната инфлацијата е 8.1%, кај нас 11.9%! Не е се увезено… нешто е и домашно создадено!, објанува Маја Кадиевска Војновиќ.

The post Кадиевска-Војновиќ:Македонија е на врвот на листата според годишната стапка на инфлација во Европа appeared first on Република.

И покрај тоа што владата се фали дека има номинален раст на платите и кажува дека единствена економска мерка и стигнале над 30.000 денари, но ако имаме намалување на реалната вредност на платите, и тоа во јавен сектор. Нема усогласување ниту со минималната плата, ниту со стапка на инфлација. И тука зборувам за одбрана, полиција, образование, комунални претпријатија, енергетски систем, таму нема усогласување на плата, изјави за „Утрински брифинг“ Маја Кадиевска Војновиќ, член на ИК на ВМРО-ДПМНЕ.

Таа истакна дека власта во континуитет има политика која е популистичка,  бидејќи продуктивноста не го следи растот на плати.

Ако нема продуктивност која ја нема во државата, значи дека тоа се пренесува на финалните цени. Тоа значи дека еден дел од инфлацијата е домашно создаден, заради подолг временски период каде растот на плати е усогласен со продуктивноста, а немаме ни приватна потрошувачка, изјави Кадиевска Војновиќ.

Кадиевска Војновиќ потенцираше дека оваа година тешко и дека ќе има раст на економијата бидејќи странски инвестиции нема, а домашните компании се тешко погодени од кризата и немаат ликвидност.

Сметам дека оваа година тешко ќе забележиме раст во економијата. Ако ги гледаме проекциите, она што е значајно е инвестициската активност на компаниите, а ние не само што немаме странски инвестиции туку има и погубна политика подолг временски период. Домашниот приватен сектор нема потенцијал да инвестира, бидејќи беше погоден од зголемување на минимална плата, растот на суровини, енергенси.  Она што загрижува дека од почетокот на годината до април има намалување на денарската ликвидност на компаниите во банките и тоа е уште еден сигнал, рече Кадиевска Војновиќ.

Дека нема да има раст на економијата, Кадиевска Војновиќ укажа на уште еден крупен индикатор, надворешната трговија, односно и извозот ќе биде погоден, а тоа што е клучно е личната потрошувачка на населението.

The post Кадиевска Војновиќ: Платите не се усогласени ниту со минимална плата ниту со инфлација appeared first on Република.