Универзитетската професорка Маја Бојаџиевска е годинашна добитничка на државната награда „Св. Климент Охридски, во областа на воспитанието и образованието, а во областа на културата и уметноста добитници се писателот Милован Стефановски, сликарот Мирослав Масин и актерот Рефет Абази, соопшти Министерството за култура.

Наградата се доделува како највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Македонија.

Претседател на Одборот за доделување на наградата беше писателот Томислав Османли, а наградата ќе им биде врачена на добитниците на 8 декември во 12 часот во свечената сала на Собранието.

The post Државната награда „Св. Климент Охридски“ за професорката Бојаџиевска, писателот Стефановски, сликарот Масин и актерот Абази appeared first on Република.