Следниот неработен ден 24 мај (петок) Денот на Свети Кирил и Методиј.

Потоа како неработен ден е празникот Илинден кој се празнува на 2 август (петок), Ден на Републиката, 8 септември (недела), Ден на независноста, односно 9 септември (понеделник) е неработен ден, 11 октомври (петок), Ден на народното востание, 23 октомври (среда), Ден на македонската револуционерна борба; 8 декември (недела), “Св. Климент Охридски”, односно 09 декември (понеделник) е неработен ден.

За граѓаните од православна вероисповед: 21 јуни (петок), Духовден, петок пред Духовден; 28 август (среда), Успение на Пресвета Богородица (Голема Богородица).

За граѓаните од католичка вероисповед 01 ноември (петок), Празникот на сите светци; 25 декември (среда), првиот ден на Божик.

За граѓаните од муслиманска вероисповед: 16 јуни (недела), Курбан Бајрам, првиот ден на Курбан Бајрам

За граѓаните припадници на албанската заедница во РСМ: 22 ноември (петок), Ден на албанската азбука

За граѓаните припадници на влашката заедница во РСМ: • 23 мај (четврток), Национален ден на Власите

За граѓаните припадници на еврејската заедница во РСМ: 12 октомври (сабота), Јом Кипур, првиот ден на Јом Кипур

За граѓаните припадници на бошњачката заедница во РСМ: 28 септември (сабота), Меѓународен ден на Бошњаците

За граѓаните припадници на турската заедница во РСМ:21 декември (сабота), Ден на настава на турски јазик

The post Следува уште по еден продолжен викенд во мај и во јуни appeared first on Република.

Кон средината на месецот Меркур излегува од ретроградната фаза и полека ја напушта својата сенка. Затоа мај е време кога анализираме сме правеле во минатото и размислуваме што сè сме научиле и почнуваме да ги применуваме лекциите од искуството.

https://republika.mk/zivot/astro/sreknite-datumi-vo-maj-za-sekoj-horoskopski-znak/

Но, астролозите истакнуваат дека само два хороскопски знаци ќе имаат посебна среќа, можности за просперитет и позитивна енергија овој месец.

Бик

Работа: Овој месец морате да бидете повредни од обично со оглед на тоа што од вашата работа зависи колку ќе заработите. Реализацијата на договорите ќе биде во центарот на вашите работни активности. Способноста за добро економирање, со вашиот финансиски потенцијал, ќе биде клуч за успех на работа. Бидете подгтовени да повторите некои потези.

Љубов: Вие сте еден од најсреќните знаци на овој план. Ако сте решиле нешто да поправите во љубовните односи, сега е вистинско време. Обрнете внимание на Стрелец и Риби, доколку барате нов партнер. Без оглед на тоа дали влегувате во нова врска или сте задоволни со вашиот партнер, ова е месец кога треба да бидете потолерантни отколку обично.

Здравје: Многу сте напнати, како последица на секојдневниот стрес. Морате да се опуштите.

Јарец

Работа: Ова е најдобриот пат за реализирање на финансиите. Тоа подразбира и претходно склопување на договори, па подоцна и негова реализација. Вашиот претприемачки дух, ако го имате, би можел да ги надмине сите неповолни неприлики и да ви донесе професионален чекор на подобро. Упорноста и непоколебливоста во решавањето на проблеми се вашите главни адути.

Љубов: Љубовта во текот на овој месец ќе расцвета. Сепак, морате да бидете внимателни во комуникацијата со партнерот и потолерантни од вообичаено. Бикот и Лавот се вашите фаворити во случај да барате нов партнер. Доколку веќе имате партнер, добро би било да седнете и да разговарате со проблемите кои ги одолговлекувате веќе подолго време.

Здравје: Проблеми со стомакот.

The post За два хороскопски знаци мај носи позитива, среќа и просперитет appeared first on Република.

Мај носи бројни можности и среќни моменти на секој знак од зодијакот. Некои денови ќе бидат особено поволни за личен раст, љубов или успех. Во продолжение дознајте кој е вашиот среќен датум.

Овен: 4 мај

Овој ден е идеален за започнување нови проекти или преземање иницијатива на работа. Искористете го 4 мај активно да ги решавате предизвиците кои ви се на патот.

Бик: 15 мај

Во средината на месецот посветете се на личниот развој или започнете нови здравствени рутини. Исто така е добро време да инвестирате во вашите долгорочни цели.

Близнаци: 23 мај

Овој ден е одличен за социјални активности и за поврзување со пријателите. Искористете ја оваа можност за зајакнување на постоечките врски или за создавање нови.

Рак: 12 мај

Раковите ќе најдат хармонија во семејниот живот на 12 мај. Фокусирајте се на семејните односи и подобрете ја вашата животна средина.

Лав: 19 мај

Лавовите ќе блеснат на 19 мај. Искористете го овој ден за презентации или креативни проекти. Исто така, ќе ви се даде можност да ги изразите своите емоции и страсти.

Девица: 6 мај

На 6 мај Девиците ќе се посветат на организација и детално планирање. Исто така е идеално време да започнете нова рутина за вежбање.

Вага: 30 мај

Вагите на овој ден ќе најдат рамнотежа помеѓу деловните и личните обврски. Идеално време е да запознаете нови деловни партнери или да започнете нови проекти.

Шкорпија: 11 мај

Сите аспекти од животот ќе се подобрат за Скорпиите на 11 мај. Добро време е за решавање долгогодишни проблеми или за длабоки емотивни разговори.

Стрелец: 3 мај

Стрелците треба да го искористат овој ден за авантури или учење нови работи. Одлично време е да одите на мало патување.

Јарец: 22 мај

Овој ден ќе им донесе стабилност на Јарците во нивните финансиски и професионални потфати. Размислете за долгорочни инвестиции или стратешки планови.

Водолија: 16 мај

Овој ден е идеален за социјални иницијативи или работа на проекти кои бараат иновативно размислување. Поврзете се со луѓе кои ја споделуваат вашата визија.

Риби: 27 мај

Рибите ќе имаат повеќе емоционална сила од вообичаено на 27 мај, што е идеално за уметнички потфати или духовни практики. Најдете време за саморефлексија или креативно изразување.

The post Среќните датуми во мај за секој хороскопски знак appeared first on Република.

Во фокусот. Тоа се двата збора што ја карактеризираат, ја означуваат понудата на филмското мени на Кинотека. Акцент и посебна тематска целина посветена на великанот на седмата уметност, нашиот филмски автор Столе Попов.

Оваа година битната кинотечна награда „Златниот објектив“ќе му биде доделена на Столе Стојан Попов – режисер, сценарист, продуцент и автор, кој во голема мера ја задолжи националната кинематографија – како со својот наградуван филмски опус, така и со својот педагошки и менаџерски ангажман на полето на седмата уметност и филмското образование.

Режисерот Попов ќе биде официјално присутен на самата церемонија, а присутните филмски работници ќе бидат во можност да проследат темелна анализа и осврт за и околу неговото творештво. На големото платно во кино салата повторно ќе може да се видат клучните остварувања со неговиот режисерски потпис – документарните филмови ОГАН, ДАЕ, АВСТРАЛИЈА, АВСТРАЛИЈА, како и веќе антологиските играни филмови ЦРВЕНИОТ КОЊ, СРЕЌНА НОВА 1949, ТЕТОВИРАЊЕ. Во рамките на циклусов ќе биде прикажан и македонскиот револуционерен  вестерн-проект, ДО БАЛЧАК, реализиран по сценарио на легендата на македонската театарска и филмска драматургија, Горан Стефановски.

Во 70-тите години од минатиот век, македонската филмска продукција добива нов импулс со појавата на една нова авторска генерација. Суштината на оваа појава беше како веќе воспоставените традиционални вредности во македонскиот филм да не бидат само фактографска придобивка туку да се надградат со едно ново, естетско значење. Столе Попов претставува исклучителен пример за погоре напишаното.

Роден е 1950 година, во Скопје, Република Македонија. Дипломирал филмска режија на Академијата за театар, филм и телевизија во Белград.

Од 1978 до 1988 година работи како режисер во „Вардар филм“, а од 1985 до 1986 година ја врши должноста директор на филмската куќа. Од 1989 година работи како професор по филмска режија на Факултетот за драмски уметности во Скопје и е раководител на катедрата по филмска режија. Од 1997 година е член на Европската филмска академија.

Добитник е на повеќе од 50 врвни европски и светски филмски награди и признанија, од кои посебно се издвојуваат осумте гран прија на разни интернационални фестивали и двете номинации , за „Оскар“ на Американската и „Феликс“ на Европската филмска академија.

Столе Попов беше номиниран за наградата Оскар на Американската филмска академија за најдобар краткометражен документарен филм со ДАЕ (МАЈКА) во 1979 г.

Домашната кино-сцена ќе биде претставена и преку ретроспективна проекција на кратки форми. Филмофилите ќе бидат во можност повторно да ги видат филмовите потпишани од етаблираните дејци Кочо Недков, Дарко Марковиќ, а ќе биде прикажан и краткиот филм ВЛАКНА, по сценарио и во режија на Елеонора Венинова.

На менито на Кинотека, месецов се наоѓа и промоцијата на новиот филм потпишан од францускиот кино-провокатор Франсоа Озон. Се работи за еден навистина интересен, постмодерен осврт и своевиден римејк на делата потпишани и креирани од легендата на германскиот нов бран, Рајнер Вернер Фасбиндер.

Ако имате дилема дали да го поминувате своето слободно време во салата на Кинотека или, пак, надвор, на убавото време, не се двоумете. Има време и за едното и за другото. Но секако, не смее да се изостави понуденото, подготвеното програмско мени на Кинотека, особено богато и значајно месецов.

9 МАЈ (ЧЕТВРТОК) 18:00 ч.
15 МАЈ (СРЕДА) 18:00 ч.
ТЕШКА ГОДИНА
(A Difficult year)
Игран филм, Франција
2023, 120 мин., колор, ДЦП
Режија: Оливие Накаш, Ерик Толедано (Olivier Nakache, Éric Toledano)
Сценарио: Оливие Накаш, Ерик Толедано (Olivier Nakache, Éric Toledano)
Улоги: Пио Мармаи, Џонатан Коен, Метју Амалрик, Ноеми Мерлан, Даниел Лебрун (Pio Marmaï, Jonathan Cohen, Mathieu Amalric, Noémie Merlant, Danièle Lebrun)

Длабоко заглавени во долгови, Алберт и Бруно се обраќаат кај социјален работник за да им помогне да се справат со нивните животи. На една од групните сесии, наидуваат на соседната сала за состаноци каде се собираат млади активисти, предводени од возбудлив организатор.
Привлечени повеќе од бесплатното пиво и чипс отколку од борбата на групата против консумеризмот и заштитата на животната средина, Алберт и Бруно се приклучуваат на движењето без многу убедување, но наскоро почнуваат да чувствуваат можност…

Возрасна категорија: 16 години
Влезница: 150 денари

9 МАЈ (ЧЕТВРТОК) 20:00 ч.
БУРЕ БАРУТ
(Bure Barutа)
Игран филм, Србија, Македонија, Франција
1998, 102 мин, 35мм
Режија: Горан Паскаљевиќ (Goran Paskaljević)
Сценарио: Горан Паскаљевиќ, Дејан Дуковски (Goran Paskaljević, Dejan Dukovski)
Улоги: Мики Манојловиќ, Мирјана Карановиќ, Небојша Глоговац (Miki Manojlovik, Mirjana Karanovik, Nebojsa Glogovac)

Белград, средина на деведесеттите години од минатиот век. Во текот на една вечер, животот на дваесетина луѓе се вкрстува на неочекувани и непријатни начини. Незрел и гневен младич краде автомобил, а станот на неговиот татко бива уништен. Мане, по враќањето од странство, открива дека неговата сакана Наталија има нов љубовник. Таксист купува пијалак, а насилен човек со садистички карактеристики го осакатува. Пропаднати пријателства, непријатни признанија, насилството и агресијата еруптираат во текот на една судбоносна вечер.

Филмот БУРЕ БАРУТ е во режија на познатиот југословенски и српски режисер Горан Паскаљевиќ. Сценариото за филмот е адаптација на драмскиот текст на авторот Дејан Дуковски, кој од 1995 година е поставен на сцената на Југословенскиот Драмски Театар.

Филмот на Паскаљевиќ е добитник на повеќе награди и признанија меѓу кои се издвојуваат ФИПРЕСЦИ наградите на Европските филмски награди и на Венецискиот филмски фестивал, како и Бронзената Камера 300 на Интернационалниот фестивал на филмската камера „Браќа Манаки“.

Возрасна категорија: 16 години
Влезница: 150 денари

13 МАЈ (ПОНЕДЕЛНИК) 17:00 ч.
20 МАЈ (ПОНЕДЕЛНИК) 17:00 ч.
АНАТОМИЈА НА ПАДОТ
(Anatomie d’une chute)
Игран филм, Франција
2023, 152 мин., колор, ДЦП
Режија: Жастин Трие Толедано (Justine Triet)
Сценарио: Жастин Триe, Артур Харари (Justine Triet, Arthur Harari)
Улоги: Сандра Хулер, Свон Арло, Мило Мачадо – Гранер (Sandra Hüller, Swann Arlaud, Milo Machado-Graner)

Кога нејзиниот сопруг мистериозно умира, паѓајќи од балкон, писателката и мајка Сандра Војтер станува главен осомничен. Единствен сведок на прераната смрт на сопругот е нејзиниот слеп син, што дополнително ја комплицира ситуацијата. Сандра мора да се соочи со последиците од чувањето тајни, справувајќи се со судењето за убиство на нејзиниот сопруг, додека нејзиниот невин син мора да избере помеѓу семејната лојалност и вистината.

АНАТОМИЈА НА ПАДОТ (Anatomie d’une chute) е возбудлив судски трилер, во режија на Жастин Трие. Во филмот таа ја испитува тенката линија кога вистината станува фикција, а фикцијата вистина. Употребувајќи го минималистичкиот интензитет на камерната драма – и користејќи сложена, елипсовидна монтажа – Триет конструира мистерија која на крајот е помалку за смртта колку за скриените животи што ги водиме.

Филмот ја имаше својата премиера на 76-тото издание на Кански филмски фестивал во 2023 година, каде што ја освои Златната палма. Филмот е добитник на два Златни глобуса, како и Оскар за најдобро оригинално сценарио.

Возрасна категорија: 16 години
Влезница: 150 денари

10 МАЈ (ПЕТОК) 20:00 ч.
ОГАН
(Fire)
Краток документарен филм, Македонија
1974, 12 мин, ДЦП
Режија: Столе Попов (Stole Popov)
Сценарио: Столе Попов (Stole Popov)

Филмот претставува апотеоза на човековото знаење и способноста во процесот на работата да ја потчини и насочи огнената стихија. Атрактивните секвенци, кои речиси може да се почувствуваат, во кои при огромна температура на сите страни летаат искри, на филмот му придаваaт дополнителна поетска длабочина, за што, впрочем, покрај режисерот и сценарист Столе Попов, заслужен е и кинематограферот Мишо Самоиловски, кој беше повеќекратно награден за исклучително добро завршената работа на овој филм.

Документарниот филм ОГАН се закити со главната – Прва награда – на Фестивалот на документарен и краткометражен филм во Белград во 1974.

АВСТРАЛИЈА, АВСТРАЛИЈА
(Australia, Australia)
Документарен филм, Македонија
1976, 71 мин, ДЦП
Режија: Столе Попов (Stole Popov)
Сценарио: Божин Павловски (Stole Popov)

Филмот го одразува животот на македонските иселеници и печалбари во Австралија. Со нивното заминување во далечната земја, во туѓина, некои од нив успешно се социјализираат, а некои, пак, постојано остануваат со дилемата за своето враќање. Преку личните, автентични сведоштва и метафоричната дескрипција на севкупниот живот во новото опкружување, изразена со мозаични филмски експресии, филмот допира многу болни точки од животот на печалбарите.
Најголемата вредност на филмот е во начинот на кој режисерот, во манир на голем документарист, го систематизира обемниот материјал и ја раскажува филмската приказна преку контрапунктирање на македонската традиција и австралиската реалност.

Документарниот филм на Столе Попов е еден од најпрепознаените документарци во југословенската и македонска кинематографија. Во 1976 година филмот се закити со специјалната награда од публиката на филмскиот фестивал во Тузла, Босна и Херцеговина.

Возрасна категорија: за сите возрасти
Влезница: 150 денари

11 МАЈ (САБОТА) 20:00 ч.
ДАЕ (МАЈКА)
(Dae)
Краток документарен филм, Македонија
1979, 16 мин, ДЦП
Режија: Столе Попов (Stole Popov)
Сценарио: Анте Поповски (Ante Popovski)

Дае (Мајка) е филм во кој на поетски начин се портретира животот на едни од последните Роми-номади. Тој изобилува со многустрана иконографија како извор на инкарнација на романтичното разбирање на животот без огради. Оваа поетска визија за животот на последните номади е снимена во автентичниот амбиент на чергарската населба спроти празнувањето на најголемиот ромски празник. Како атавистички обележја на нивните верувања, во кои спаѓа и ритуалното капење како симболично пречистување и причест на душата и телото, мистеријата на раѓањето и дочекувањето на новиот живот, па сè до желбата за живот без стеги, презентирана низ метафората на бесниот галоп на коњите, тие атакуваат врз сетилата на гледачот и не го оставаат рамнодушен по гледањето на филмот.

Филмот ДАЕ се здоби со номинација за Оскар на Американска филмска академија во 1979.

ЦРВЕНИОТ КОЊ
(The Red Horse)
Игран филм, Македонија
1981, 137 мин, ДЦП
Режија: Столе Попов (Stole Popov)
Сценарио: Ташко Георгиевски, Столе Попов (Tasko Georgievski, Stole Popov)
Улоги: Велимир Бата Живојиновиќ, Јорданчо Чевревски, Илија Џувалековски (Velimir Bata Zivojinovik, Jordanco Cevrevski, Ilija Dzuvalekovski)

Дејството на филмот се одвива од крајот на Граѓанската војна во Грција до почетокот на 1960-тите години. Во филмот се прикажува тешката судбина на Борис Тушев и неговите другари кои ја трпат тортурата на официјалната власт.

Творечкиот ангажман на режисерот Попов, во овој филм е свртен кон историската тематика, која и дотогаш беше една од битните ознаки на македонската филмска поетика. Така, временскиот период што го зафаќа драмското дејство на филмот се протега од крајот на Граѓанската војна во Грција, па преку зенитот на сталинизмот во Советскиот Сојуз и сталиновата смрт во почетокот на педесеттите години, па сè до почетокот на шеесеттите години.
Снимателот Бранко Михајловски и сценографот Властимир Гаврик – успешно во реалистичка смисла, а и максимално функционално во драматуршка смисла – успеваат мошне сугестивно да му ги пренесат на гледачот искуството и креативната надградба на оваа драматична сторија. Некаде во овие драматуршки текови се наоѓа и музичката придружба на филмот, дело на композиторот Љупчо Константинов

„ЦРВЕНИОТ КОЊ е жесток филм за егзилот, во режија на Столе Попов… Со голема уверливост Бата Живоиновиќ игра херојски партизански борец кој обесхрабрен се откажува од сè, со цел да се врати дома, но само за да најде туѓа земја каде што повеќе не припаѓа.“ Со овие пофални зборови Linda Gross, филмската критичарка на влијателниот L.A.Times го опиша токму овој филм на режисерот Попов.

Возрасна категорија: 16 години
Влезница: 150 денари

14 МАЈ (ВТОРНИК) 18:00 ч.
МАКЕДОНСКИ КРАТКИ ФИЛМОВИ

ДУПЧАЧИ
(Miners)
Краток игран филм, Македонија
1978, 11 мин, 35мм
Режија: Недков Кочо (Koco Nedkov)
Сценарио: Недков Кочо (Koco Nedkov)

Во постојаната и сурова борба на човекот да ја совлада природата, тој ќе започне со уништување на својот најголем сојузник. Автентична приказна за една помалку позната професија која започнува онаму каде што завршува асфалтот. Во планински амбиент, кој го украсуваат разновидни растенија и каде што живеат многубројни инсекти, птици и животни, доаѓа човекот, за да внесе немир и од дамнина скротената утроба на земјата и исконскиот мир во природата го нарушува со татнежот на експлозивот и ревот на машините.

КОЈ Е ВИНОВЕН?
(Who is guilty?)
Краток документарен филм, Македонија
1962, 8 мин, 35мм
Режија: Недков Кочо (Koco Nedkov)
Сценарио: Билбиловски Киро, Недков Кочо (Kiro Bilbilovski, Koco Nedkov)

КОЈ Е ВИНОВЕН, во режија на домашниот филмски работник Кочо Недков, е во самата своја суштина пропаганден филм. Своевиден обид да се евидентираат причините што доведуваат до сообраќајни несреќи во условите на сè погустиот сообраќај

ЛИФТ ГОРЕ, ЛИФТ ДОЛУ
(Elevator up, elevator down)
Краток игран филм, Македонија
1967, 14 мин, 35мм
Режија: Наумовски Душан (Dusan Naumovski)
Сценарио: Георгиевски Ташко (Tasko Georgievski)
Главна улога: Дамески Дарко (Darko Dameski)

Група деца наоѓаат простор за игра помеѓу недоизградени станбени куќи и цигланата, градејќи свој свет во неисцрпните можности што ги нуди нивната фантазија. Нивната игра, радоста и смеата, му пречат на чуварот на градилиштето, а тоа значи и крај на играта.

РАКА
(Hand)
Краток Анимиран филм, Македонија
1980, 11 мин, 35мм
Режија: Марковиќ Дарко (Darko Markovic)
Сценарио: Марковиќ Дарко (Darko Markovic)

Преку дланката метафорично е претставена судбинската животна енергија, која низ животот го води човекот. Со згаснувањето на животот на раката, престанува и човековото битисување. За да не дојде до тоа, потребни се извонредна храброст, самостојност и животен полет.

Награди: 1980 ФЈДКФ, Белград, „Голем златен медал Белград“ за режија на анимиран филм

ВЛАКНА
(Vlakna)
Краток игран филм, Македонија
2013, 26 мин, ДЦП
Режија: Елеонора Венинова (Eleonora Veninova)
Сценарио: Елеонора Венинова (Eleonora Veninova)
Улоги: Ирена Ристиќ, Бојан Зировиќ, Марија Арсенкова (Irena Ristic Bojan Zirovic Marija Arsenkova)

Детективката Вели го истражува убиството на малото девојче со едно влакно како клучен доказ и место на злосторство што ја тера да го преиспита сопствениот разум и начин на живот.

13- 18 МАЈ 20:00 ч.
НЕДЕЛА НА ИТАЛИЈАНСКИ ФИЛМ

16 МАЈ (ЧЕТВРТОК) 18:00 ч.
23 МАЈ (ЧЕТВРТОК) 18:00 ч.
ПИТЕР ФОН КАНТ
(Peter von Kant)
Игран филм, Франција
2022, 85 мин, ДЦП
Режија: Франсоа Озон (François Ozon)
Сценарио: Франсоа Озон, Рајнер Вернер Фасбиндер (François Ozon, Rainer Werner Fassbinder)
Улоги: Денис Меноше, Калил Бен Гарбиа, Исабела Аџани (Denis Menochet, Khalil Ben Garbia, Isabelle Adjani)

Францускиот актер Денис Меноше го глуми Питер, декадентен филмски режисер на врвот на својот успех, кој се вљубува во Амир (Калил Бен Гарбиа), младото, неверојатно убаво момче кое влегува во станот на Питер како гостин на неговата најдобра пријателка Сидоние (Изабелa Аџани).

Со „Питер вон Кант“, плодниот француски режисер Франсоа Озон му оддава почит на едно од неговите најтрајни влијанија, иконата на новото германско кино Рајнер Вернер Фасбиндер, повеќе од 20 години и речиси 20 филмови подоцна, откако за прв пат ја адаптираше драмата на Фасбиндер.
Филмот става метатекстуален пресврт на класичниот филм на Фасбиндер „Горчливите солзи на Петра вон Кант“. Умножувајќи ја театарската структура на оригиналот, филмот се одвива во серија чинови, во текот на кои односот помеѓу Питер и Амир се влошува и динамиката на моќта се менува. Во меѓувреме, немиот, занесен помошник на Питер, Карл (Стефан Крепон) е измачуван, но истовремено и воодушевен од автократската суровост на неговиот шеф.

За потребите на промотивната кампања за проектов, режисерот на Huit femmes и Été 85, Франсоа Озон, избира идентично да ја репродуцира поп-арт визуелноста на германскиот постер за Querelle, последното дело на големиот Рајнер Фасбиндер, издаден во 1982 година. Врз основа на полароид направен од Енди Ворхол, сликата е идеализирана претстава на двајца млади мажи, чии карактеристики се означени со црвени и жолти линии. Дизајнот на Ворхол совршено го доловува духот на адаптираниот роман на Жан Жене, Querelle de Brest, и оној на филмот на Фасбиндер. Четириесет години подоцна, Денис Меноше и Калил Гарбиа повторно позираат за ова препрочитување, сурово и колоритно дело.

Филмот беше премиерно прикажан во конкуренција на Меѓународниот филмски фестивал во Берлин како филм за отворање на 10 февруари 2022 година.

Возрасна категорија: 16 години
Влезница: 150 денари

17 МАЈ (ПЕТОК) 18:00 ч.
27 МАЈ (ПОНДЕЛНИК) 18:00 ч.
28 МАЈ (ПЕТОК) 20:00 ч.
ВРЕМЕ НА БЕТОН
(Concrete Time)
Документарен филм, Македонија
2024, 75 мин, ДЦП
Режија: Игор Иванов (Igor Ivanov)
Сценарио: Игор Иванов, Томи Салковски (Igor Ivanov, Tomi Salkovski)
Наратор: Никола Ристановски (Nikola Ristanovski)

„Време на бетон“ ја раскажува приказната за Скопје, поточно неговата архитектонско-урбанистичка историја. Тагата за еден „организам“ од челик, бетон и стакло, една метропола на солидарноста која речиси како да доаѓа од иднината. Документарниот филм во основа својот фокус го става на модерната, посебно на кусата ера на брутализмот. Во својата фрагментарност, документарецот не случајно е поставен како литературно-репортерска нарација која, меѓу другото, како цитат, потсетува на оние квалитетни телевизиски емисии со информативна и едукативна содржина кои веќе одамна ги нема во нашата продукција.

„Време на бетон“ е снимен по сценарио на Иванов и Томи Салковски, кој е и продуцент. Автор на нарацијата која го води филмот е новинарот Ѕвездан Георгиевски, а наратор е актерот Никола Ристановски. Соработници на сценариото се Мишко Ралев и Јордан Минов, изборот и изведбата на музиката е на пијанистката Дуња Иванова. Кинематографер е Ѓорѓи Клинчаров, монтажата на Дејан Смилески, а дизајнот на звук е на Игор Поповски.

Возрасна категорија: 16 години
Влезница: 150 денари

18 МАЈ (САБОТА) 18:00 ч.
25 МАЈ (САБОТА) 18:00 ч.
ЛУСИ ГАНГСТЕРКАТА

(Lucy ist jetzt Gangster)
Детски фамилијарен филм, Германија
2022, 89 мин, ДЦП
Режисер: Тил Ендеман (Tim Endemann)

Безгрижната, сакана Луси (10) решава да ограби банка. До пред неколку недели, таа не би ни претрчала преку улица. Но, машината за сладолед се расипа и без 30.000 евра тие ќе мора да ја затворат семејната сладоледџилница. Тоа барa екстремни мерки!
Луси го наговара лошото момче од училиштето, Тристан (11) да ја тренира: Операцијата „Лусифер“ опфаќа различни дисциплини на лошите момчиња како што се крадење, лажење, мамење и поткупување. Тренингот на Луси е толку успешен што нејзината најдобра другарка Рима (10) повеќе не ја препознава – смртно е загрижена што би можела следно да направи новата гангстерка Луси…

Возрасна категорија: 12 години
Влезница: 150 денари

20 МАЈ (ПОНЕДЕЛНИК) 20:00 ч.
СРЕЌНА НОВА`49
(Happy New `49)
Игран филм, Македонија
1986 г., 125 мин., колор, 35 мм
Режија: Столе Попов (Stole Popov)
Сценарио: Гордан Михиќ (Gordan Mihić)
Улоги: Александар Ѓорчев, Мето Јовановски, Светозар Цветковиќ, Владица Милосављевиќ, Петар Арсовски, Мите Грозданов, Душко Костовски (Svetozar Cvetković, Meto Jovanovski, Vladica Milosavljević, Petar Arsovski, Aleksandar Gjorchev, Mite Grozdanov, Dushko Kostovski)

Дејството на филмот започнува во јуни 1948 година. Група југословенски студенти, на школување во СССР, по несогласувањата меѓу двете земји се враќаат дома. Меѓу нив се и Драгослав, неговата девојка Вера и блискиот пријател Градимир, кого раздвојувањето со СССР го доведува до низа внатрешни конфликтни ситуации, кои конечно кулминираат со чинот на неговото самоубиство на железничката станица во Суботица. Истрагата во врска со самоубиството започнува веднаш. Семејството на Драгослав го очекува неговото враќање, дотолку повеќе што мајка му, тешко болна, е пред умирање. Таткото Стојан, по професија каменорезец, се грижи за егзистенцијата на семејството. Тука се уште и неговата сестра Нела во годините кога престанува да биде дете, и браќата, помалиот Коле и Коста, гимназијалец, кој пред матурата заминува од училиштето. Тој се занимава со црноберзијански работи. За него нема повеќе авторитети, како што нема ни непознаници во живеењето „на работ“. Драгослав дома ја доведува и Вера со која сака да се ожени. Првата средба на Драгослав и Коста завршува со тепачка поради желбата на постариот брат Коста да живее и да се однесува во согласност со нормите на граѓанскиот живот. Непосредно потоа Драгослав е одведен од ОЗНА. Тој е обвинет дека е советски агент и е задржан во истражниот затвор.

Возрасна категорија: 16 години
Влезница: 150 денари

21 МАЈ (ВТОРНИК) 18:00 ч.
27 МАЈ (ПОНЕДЕЛНИК) 20:00 ч.
28 МАЈ (ВТОРНИК) 18:00 ч.
ВКУСОТ НА ЉУБОВТА
(La Passion de Dodin Bouffant)
Игран филм, Франција
2024, 135 мин, ДЦП
Режија: Ан Хунг Тран (Anh Hung Tran)
Сценарио: Марсел Руф, Ан Хунг Тран (Marcel Rouff, Anh Hung Tran)
Улоги: Жилиет Бинош, Беноа Манжимел, Емануел Салинџер (Juliette Binoche, Benoit Magimel, Emmanuel Salinger)

Ненадминливата готвачка Ежини веќе дваесет години работи за познатиот гурман Доден. Како што минува времето, гастрономската пракса и меѓусебното восхитување прераснуваат во романтична врска. Нивната поврзаност создава јадења, повкусни од било кога, а кои ги збунуваат и најпознатите светски готвачи.
Сепак, Ежини ја сака својата слобода и не сака да се омажи за Доден, а тој одлучува да направи нешто што никогаш досега не го направил – тој да готви за неа.

Возрасна категорија: 13 години
Влезница: 150 денари

21 МАЈ (ВТОРНИК) 20:00 ч.
ЏИПСИ МЕЏИК
(Gipsy Magic)
Игран филм, Македонија
1997 г., 135 мин., колор, 35 мм
Режија: Столе Попов (Stole Popov)
Сценарио: Владимир Блажевски (Vladimir Blazhevski)
Улоги: Предраг Мики Манојловиќ, Бајрам Северџан, Горан Додевски, Катина Иванова, Владимир Јачев, Арна Шијак, Синоличка Трпкова (Predrag Miki Manojlović, Bajram Severdzhan, Goran Dodevski, Katina Ivanova, Vladimir Jachev, Arna Shijak, Sinolichka Trkova)

Таип, главата на едно повеќечлено и сиромашно ромско семејство, мечтае за Индија, прататковината на сите Роми. Случајно се запознава со индиски доктор кој е припадник на силите на УНПРОФОР и добива идеја како да заработи пари, да купи коњ и да го однесе семејството во Индија. И така започнува низата „несреќни случки“ во семејството на Таип: посмртниците за бабата, мајката, синовите, ги потпишува докторот Риџу, а Таип ги добива парите што му следуваат од „социјалното“ за умирачките. Но, ваквиот начин на заработување е однапред осуден на неуспех и завршува трагично за семејството.

Возрасна категорија: 16 години
Влезница: 150 денари

23 МАЈ (ЧЕТВРТОК) 20:00 ч.
СКОПЈЕ 63
(Skopje 63)
Документарен филм, Хрватска, Македонија
1964, 77 мин, ДЦП
Режија: Вељко Булајиќ (Veljko Buljaic)
Сценарио: Јован Бошковски, Матеја Матевски, Ѓорѓи Старделов (Jovan Boskovski, Mateja Matevski, Gjorgji Stardelov)
Сниматели: Драган Салковски, Љубе Петковски (Dragan Salkovski, Ljube Petkovski)

На 26 јули 1963, во 5 часот и 17 минути, Скопје го погоди катастрофален земјотрес со јачина од 6.1 степен по рихтеровата скала. Само три дена подоцна, режисерот Вељко Булајиќ со својата екипа пристигнува во разурнатиот град. Следните неколку месеци се снима материјал, сведоштво за потресната судбина на градот. Булајиќ, по завршувањето на првата етапа од реализацијата, цели 12 месеци го монтира и синхронизира снимениот материјал. Монументалниот документарен проект е прикажан на фестивалот во Кан во 1964, а на венецијанското филмско биенале ја добива наградата за најдобар долгометражен документарен филм. Од неколкуте филмски прикази на скопскиот земјотрес, се чини дека филмот на Булајиќ најдобро се носи со тестот на времето. Делото не е само документ на настанот, туку е и креативен, оригинален па и универзален приказ. Осврт кон едно време, еден одлучувачки настан и многу човечки судбини. Најбитниот слој на филмот е изборот на авторот филмот да не се фокусира исклучиво на земјотресот, туку и на реакцијата на луѓето, заедницата и односот на системот кон оние кои ги загубиле своите најблиски и своите домови.

СКОПЈЕ 63 е сведоштво за моќта на филмот како медиум, сведоштво за битната авторска визија. Филмот е во продукција на тогашниот Вардар Филм и Јадран Филм, а при реализацијата Булајиќ соработувал со нашите познати автори и филмски дејци – Јован Бошковски, Матеја Матевски, Ѓорѓи Старделов, Љубе Петковски, Драган Салковски. За потребите на филмот е снимен и еден од првите концерти на Есма Реџепова и нејзината изведба на Chaje Shukarije.
Во 2020 година хрватските филмски критичари го прогласија токму ова остварување за еден од најдобрите хрватски документарни филмови на сите времиња.

Возрасна категорија: 16 години
Влезница: 150 денари

25 МАЈ (САБОТА)
ДО БАЛЧАК
(To the Tilt)
Игран филм, Македонија
2014, 165 мин, ДЦП
Режија: Столе Попов (Stole Popov)
Сценарио: Горан Стефановски, Столе Попов (Goran Stefanovski, Stole Popov)
Улоги: Инти Сирај, Мартин Јорданоски, Сашко Коцев (Inti Siraj, Martin Jordanoski, Sasko Kocev)

Дејствието на филмот се случува во 1907 во Отоманска Македонија, неколку години по крваво задушеното Илинденско востаниe. Приказната ги следи случувањата на комплексен љубовен четириаголник помеѓу Крсто – бескомпромисен и идеалистичен комита, Музафер – безмилосен турски офицер, Филип – опортунист кој се враќа дома по завршени студии во Европа, и Тереза – слободоумна Европејка во потрага по авантура, која ги залудува тројцата мажи и предизвикува серија на настани со далекусежни и несогледиви последици.

Филмот е сурова, но романтична љубовна приказна во која македонската кауза за сопствен идентитет и самостојност е видена од агол на строга индивидуалност, лишена од каква било идеологизација. Ова е филм за дијалектичката средба на митското со антимитското, филм во кој се среќаваат легендите и раскажувањата со реалната стварност на суровиот живот. Антивестерн, пандан на традиционалниот Амerican Western или нешто што слободно би можеле да го наречеме Маcedonian Eastern, филм што излегува од просторот на кој од памтивек се среќаваат и судираат западната и источната цивилизација…

ДО БАЛЧАК бил прикажан во Шведска, во рамките на „Balkan New Film Festival“, учествувал на фестивалот „Febiofest“ во Прага, а бил прикажан и во Минхен, во рамките на 10-тите Денови на Балканот .

Возрасна категорија: 16 години
Влезница: 150 денари

29 MAJ (СРЕДА) 20:00 ч.
ТЕТОВИРАЊЕ
(Тatoo)
Игран филм, Македонија
1991, 132 мин, ДЦП
Режија: Столе Попов (Stole Popov)
Сценарио: Живојин Павловиќ, Столе Попов (Zivojin Pavlovic, Stole Popov)
Улоги: Мето Јовановски, Лиљана Меџеши, Стојан Аранџеловиќ (Meto Jovanovski, Liljana Medjesi, Stojan Arandzelovic)

Приказната на овој антологиски домашен филм е за кантеларна, но симпатична индивидуа која се наоѓа во затвор од апсурдни причини, а потоа умира како жртва на полициска бруталност.

Култниот игран филм ТЕТОВИРАЊЕ е еден од најгледаните, најцитирани и највлијателни долгометражни играни филмови во поновата македонска историја. Особено се истакнува брилијантната ролја на Мето Јовановски, кој всушност за цело време стои како стожерна актерска фигура во проектот. Како основа за филмот послужи текстот на писателот Мирко Ковач, а неговата финална структура ја направија заеднички режисерот Попов и белградскиот синеаст Живоин Павловиќ.
Режисерот Попов во овој филм го остава настрана предложениот сценаристички преттекст и се обидува да направи посебна визуелна структура, каде што апсурдното ќе го најде својот изразен простор. Во „Тетовирање“, егзистенцијалните, односно судбинските проблеми и прашања, се судираат со проблемите на човековата вера, која не мора нужно да биде религиозен чин, и тие проблеми го доведуваат јунакот до една етичка конфронтација со себе, но и со другите.
Режисерската постапка на места е строго реалистичка, на места дури и со натуралистички навеви, но сите тие елементи само помагаат да се ослободи онаа вистинска драмска енергија што ова дело, без сомнение, ја содржи во голема мера. Снимателот на филмот, Мишо Самоиловски, успева да постигне максимална функционалност на секој кадар, а тоа истото важи и за сценографијата на Никола Лазаревски.

Рон ХОЛОВЕЈ (1933-2009), познат и признат американски критичар, историчар на филм, режисер и дописник, беше голем поборник на ТЕТОВИРАЊЕ. Во еден негов осврт кон филмот, тој го опиша како „уште еден извонреден актерски перформанс од Мето Јовановски како ’губитникот’ Илија и беше еден вид навремен социокритички филмски документ што придонесува за едно демократско општество“„.

Возрасна категорија: 16 години
Влезница: 150 денари

The post Фокус на македонскиот филм во мај во Кинотека appeared first on Република.

На почетокот на мај Меркур сè уште е во ретроградната фаза, но кон средината на месецот излегува од таа состојба и полека ја напушта својата сенка. Затоа мај е време кога анализираме сме правеле во минатото и размислуваме што сè сме научиле и почнуваме да ги применуваме лекциите од искуството.

Астролозите истакнуваат дека пред пет хороскопски знаци е месец со важни промени во работата, емотивниот живот и во сферата на комуникација со другите луѓе.

Овен

Претставниците на овој знак ги чека одличен период во сите области од животот.

Се очекува посебна среќа во финансиите! Има големи шанси да ги зголемите приходите и да добиете нови проекти.

Храбро прифатете ги сите понуди и не плашете се да донесувате важни одлуки поврзани со вашиот приватен живот, особено љубовниот!

Близнаци

Подгответе се за многу значаен и среќен период.

Се препорачува да не се заборавите и на малку здрава себичност!

Посветете си се и одморете се, бидејќи на крајот на пролетта ќе има многу можности.

Ако се потрудите на деловен план, ќе имате можност да остварите стар сон.

Лав

Оставете ги настрана вашите несигурности и сомнежи, зошто во мај ќе ви требаат сосема различни квалитети - упорност и ведрина.

Другите ќе можат да го видат вашиот потенцијал и сите ваши квалитети.

Во вашето опкружување ќе се појават сосема нови луѓе кои ќе донесат многу среќни моменти.

Опкружете се со луѓе кои ви пренесуваат позитивна енергија.

Девица

Девиците ќе треба да направат избор на почетокот на следниот месец и тој најверојатно ќе биде успешен.

Добри вести ве очекуваат и на професионален план.

Претставниците на овој знак најверојатно ќе добијат унапредување или покачување.

Исто така, претставниците на овој знак ќе почувствуваат олеснување и позитивни вибрации.

Се чувствувате добро!

Вага

Мај за Вагите ќе биде месец на победи.

Вашето одлично расположение и упорност ќе ви помогнат да излезете од секоја збунувачка ситуација како победник и со насмевка на лицето.

Со вашиот оптимизам и добро расположение ќе можете да ги израдувате сите околу вас.

Исто така, во ваша близина може да се најде некој кој би можел да стане многу близок пријател, можеби дури и животен партнер.

The post За пет хороскопски знаци мај носи среќа, пари и љубов appeared first on Република.

Штрајкот во Фондот за здравствено осигурување се става во мирување, соопшти Синдикатот на работниците од управата, правосудните органи и здруженијата на граѓани на РМ (УПОЗ).

Одлуката, како што информираат, е донесена по денешната седница на Управниот одбор на ФЗО.

По упатеното барање од страна на Синдикатот на работниците од управата, правосудните органи и здруженијата на граѓани на РМ (УПОЗ) до Претседателот на Владата на РСМ Талат Џафери, преовлада разумот во Владата и на вчерашната седница, донесе нов заклучок со што ја поништи претходната препорака која беше испратена до Управниот одбор и донесе нова препорака, со која се препорачува вредноста на бодот да остане иста. Со донесената одлука на денешната седница на Управниот одбор на ФЗО, Синдикалната организација при ФЗО членка на Синдикатот на УПОЗ донесе одлука со која штрајкот се става во мирување, се вели во објавата на Фејсбук.

Од Синдикатот им се заблагодаруваат на сите организации од здравствениот сектор и на разбирањето на граѓаните.

Битката е добиена, но не и војната, а по 31-ви мај очекуваме одлуката за вредноста на бодот да остане иста, во спротивно штрајкот ќе биде повторно активиран, пишува во објавата.

За во 14 часот е најавена и прес-конференција на директорите на ФЗО и претстаници на синдикатот.

The post По 31 мај очекуваме одлуката за вредноста на бодот да остане иста, во спротивно пак ќе има штрајк, велат од ФЗО appeared first on Република.

Медицинската сестра од Клиниката за онкологија и радиотерапија, која на 28 февруари беше фатена при повторна кражба на лекови, доби отказно решение на 23 мај, а од 28 февруари не е стапната на Клиниката, кажа в. д. директорката на Клиниката за онкологија д-р Виолета Клисаровска, која беше денеска на прес-конференција која ја организираше министерот за здравство Фатмир Меџити.

Сестрата била ангажирана во дневната болница и не била директно вклучена со растворањето лекови.

Д-р Клисаровска објасни дека терпатиите за онколошките пациенти секогаш се даваат со физиолошки раствор, така е по протокл, додавајќи дека откако е таа директорка на Клиниката за радиотерапија и онкологија, од ноември 2022 година, секој пациент ја добива препишаната терапија согласно индикацијата, дозата, типот на лекот според тоа што неговиот соодветен лекар тоа ќе го постави, без никаква манипулација со лековите.

https://republika.mk/vesti/makedonija/od-noemvri-2022-godina-sekoj-patsient-ja-dobiva-prepishanata-terapija-bez-nikakva-manipulatsija-so-lekovite-tvrdi-direktorkata-na-klinikata-za-onkologija/

Д-р Клисаровоска кажа дека не дава втора шанса никому, без разлика дали е украден скап лек или физиолошки раствор.

А за тоа зошто медицинската сестра била вратена на работа после првата кражба, за тоа треба да одговори претходното раководство, рече д-р Клисаровска, која потврди дека денеска на работа дошол д-р Нино Васев, претходниот директор на Клиниката.

Немам добиено никакво решение од институциите д-р Васев да биде отстранет од работа, да, тој денеска дојде на Клиниката, додаде д-р Клисаровска.

The post Медицинската сестра која во февруари вторпат била фатена како краде лекови, во мај добила отказ од Онкологија appeared first on Република.

Рак

Романтични Ракови, мај ќе ви донесе љубовна бајка. Очекувајте неверојатни моменти на страст и интимност со вашата сакана личност. Вашата емотивна врска ќе процвета и љубовта ќе го исполни секој агол од вашето срце. Искористете го овој месец за да ја изразите вашата љубов и длабоко да се поврзете со партнерот.

Вага

Ваги, мај ќе ви донесе можност за раст и обновување. Очекувајте неверојатни трансформации на личен план и носење важни одлуки кои ќе ви донесат внатрешен мир и рамнотежа. Бидете храбри и прифатете ги промените што ќе ви се случат бидејќи тие ќе ве одведат на патот на среќата и задоволството.

Стрелец

За авантуристички настроениот Стрелец, мај ќе биде месец во кој ќе се чувствува жив и полн со енергија. Очекувајте неверојатни патувања, предизвикувачки авантури и нови искуства кои ќе ги прошират вашите хоризонти. Искористете го овој месец за да го истражите светот, да запознаете нови култури и да уживате во неограничените можности.

Риби

Имагинативни Риби, мај ќе биде месецот во кој вашите соништа ќе се претворат во реалност. Очекувајте неверојатни креативни проекти и можности за изразување на вашата уметничка страна. Вашата интуиција ќе биде силна, затоа слушајте ја и оставете ја да ве води кон остварување на вашите најголеми соништа.

The post Мај ќе биде месец за паметење за овие хороскопски знаци appeared first on Република.

Овен

Ќе посакате да се ослободите од она што ве држи заглавени за минатото, а планетите ви носат поддршка во однос на тоа. Иако мислите дека вашите проблеми лежат кај другите луѓе, сепак она што ви претставува проблем се вашите внатрешни сомнежи и стравови. Но, ја имате поддршката да почнете од почеток. Подгответе се за ново поглавје.

Близнаци

Венера престојува во вашиот знак, а вие се чувствувате посамоуверено и подготвени сте да ги грабнете сите можности. Ова не е прашање на среќа, туку на вашата визија и способност да ги проширите хоризонтите. Ништо не е невозможно за вас оваа недела.

Водолија

Оваа недела, Плутон е во вашиот знак, но за вас е важно да ги разберете причините зошто се посветувате на одредени нешта во вашиот живот. Романсата е ваш приоритет оваа недела, особено бидејќи имате голема среќа на ова поле, но треба да се подготвите и за сите важни промени и едно ново поглавје во вашиот живот. Оваа седмица ви ги носи сите важни одговори

The post Првата недела од мај ќе биде прекрасна за три хороскопски знаци appeared first on Република.

Луѓето кои се родени во мај се припадници на хороскопските знаци Бик и Близнаци. Тврдоглавоста е главна карактеристика на сите и колку да не го прифаќаат тоа.

Ќе прават тоа што сакаат и кога сакаат. Психолошки и емоционално се многу стабилни, големи сонувачи се и мотиватори. Ги краси совршениот изглед и многу се паметни.

Ова се 4 типови на луѓе кои се родени во мај:

Група родена од 1-ви до 8-ми мај

Многу се модерни и сестрани. Веруваат дека во животот е потребно во се да се пронајде баланс. Кога станува збор за нивното мислење и идеи тие се оптоваруваат со предрасудите. Овие луѓе се родени под среќна ѕвезда па доколку сакате да добиете на лотарија земете си некоја личност со вас која е родена во овој период од месец мај. Некогаш изгледаат на затворени затоа што често се уморни од бурниот друштвен живот. Кога станува збор за работата, на овие луѓе секоја работа им оди од рака.

Група родена од 9-ти до 15-ти мај

Личности кои постојано се во движење и сакаат да патуваат, затоа често го менуваат местото каде што се наоѓаат. Тие се личности со силен темперамент и некогаш се многу екстремни. Со променливо раположение се, полни со емоции и љубов кога станува збор за нивното семејство, а често се склони кон полигамија.

На овие луѓе загарантиран им е просперитетот и богатството. Својот мир го наоѓаат во природа или на село. Многу се одговорни кон семејството, свртени кон културата и традицијата. Успешно ги завршуваат сите свои цели.

Група родени од 16-ти до 22-ри мај

Овие луѓе не се отворени за нови работи па често се среќаваат со неуспеси. Сепак ги следи добар живот затоа што имаат среќа која резултира со добри животни услови. Многу се емотивни и ќе направат сè за своето семејство. Обожаваат природа, планини, билки и зелена боја.

На работа обично имаат позиции кои се покомплексни. Некогаш ќе ве изненади нивната сериозност и конкретност. Најмногу ги погодува губење на некој член од семејството.

Група родени од 23-ти до 31-ви мај

Тие дефинитивно се најдобри. Секогаш имаат насмевка на лицето. Зборлести се и имаат смисла за хумор. Имаат големо срце, некогаш знаат да имаат краток фитил и да бидат нервозни, но тоа се случува многу ретко. Во работата ги привлекува архитектура, дипломатија, банкарство.

Размислуваат „сто на час“ и многу се паметни. Никој не може да им ја одземе титулата на популарност во друштвото. Во комуникација со другите се многу искрени. Жените родени во овој период се многу темпераментни. Некогаш се многу рационални, а некогаш емотивни.

The post Се делат во 4 групи: Ова се особините на луѓето родени во мај appeared first on Република.

Ретрограден Меркур, па Плутон, полна Месечина, па затемнување - сите овие настани носат некакви промени во мај, но позитивни. Ова е време кога ќе го анализираме она што сме го научиле и ќе почнуваме да ги применуваме нашите лекции. Според астролозите, овие хороскопски знаци, сепак, ќе бидат најсреќните во мај бидејќи ги очекуваат важни промени во бизнисот, кариерата, работата и финансискиот сектор.

Овен

Претставниците на овој хороскопски знак ги очекува голема среќа и тоа во сите аспекти, а најмногу во финансискиот. Постојат големи шанси да го зголемите сопствениот приход и да добиете нови проекти. Бидете храбри и прифатете ги новите понуди и немојте да се плашите да донесете одлуки кои се однесуваат на вашиот личен живот.

Близнаци

Подгответе се за тешкиот, но полн со радосни моменти период кој ви претстои. Не занемарувајте го ниту вашето здравје бидејќи ќе наидете на многу можности за активирање. Доколку напорно работите вашата финансиска состојба ќе се подобри, а тоа ќе ви овозможи да го остварите вашиот стар сон или да отидете на патување.

Лав

Ставете им крај на вашите сомнежи и несигурности бидејќи во мај ќе ви бидат потребни истрајност и позитивна енергија. Оние околу вас ќе можат да ги препознаат вашите позитивни квалитети, а ве очекуваат и нови познанства. Од друга страна, не дозволувајте токсичните луѓе негативно да ви влијаат!

Вага

Позитивното расположение и истрајноста ќе ви помогнат да се справите со секој предизвик со насмевка на лицето. Благодарение на вашиот оптимизам, ќе успеете да ги расположите сите околу вас. Постои голема веројатност дека некој околу вас ќе постане ваш близок пријател или партнер.

Девица

На почетокот на месецот ќе морате да направите некаков избор, а тој ќе биде успешен. Добри вести ве очекуваат и на професионален план, особено во поглед на унапредувањето и покачувањето на платата. Ве очекува период полн со позитивна енергија поради која ќе се чувствувате добро.

Извор: Сенса

The post Животот на родените во пет знаци ќе заблиска во нов сјај овој мај appeared first on Република.

Трошоците на животот во мај годинава во однос на претходниот месец се зголемени за два, а цените на мало за 1,5 проценти. Во однос, пак, на мај лани трошоците на живот се поголеми за 11.9, а цените на мало за 12.1 отсто.

Според податоците на Државниот завод за статистика, пораст на индексите на трошоците на животот во мај 2022 година, во споредба со претходниот месец, е забележан кај маслото и маснотиите за 6.7 %, шеќерот, џемот, медот, чоколадата и кондиторските производи за 6.2 %, млекото за 5.4 %, лебот и житата за 3.7 %, кафето, чајот, какаото за 3.1 %, сирењето и урдата за 2.9 %, минералната вода, газираните пијалаци, соковите од овошје и зеленчук за 2.7 %, свежото и разладеното овошје за 2.6 %, месото за 2.5 %, рибата и морските плодови за 2.3 %, свежиот и разладениот зеленчук, освен компирите и другите коренести плодови за 1.6 %, прехранбените производи неспоменати на друго место за 1.1 %, пивото за 1.0 %, жестоките пијалаци за 0.5 % и виното за 0.3 %.

Во мај, исто така, пораст на индексите на трошоците на животот е забележан и кај другите медицински производи за 19.0 %, услугите за сместување за 7.5 %, горивата и мазивата за сопствените превозни средства за 7.4 %, накитот, часовниците и рачните часовници за 7.0 %, течните горива за домаќинствата за 5.8 %, домашните услуги и услугите за домаќинствата за 5.7 %, туристичките аранжмани за 4.3 %, обувките за 3.3 %, поправките и изнајмувањето на обувките за 2.6 %, производите за домаќинствата – нетрајни за 2.5 %, другите апарати и производи за лична хигиена за 2.2 %, чистењето, поправката и изнајмувањето облека, гасот за домаќинствата, фризерските салони и центрите за разубавување за 1.7 %. Забележан е пораст и мебелот и покуќнината за 1.6 %, канцелариските материјали и материјалите за цртање за 1.5 %, велосипедите за 1.2 %, другата облека и додатоците за облека, моторните возила за 1.1 %, текстилот за домаќинствата за 1.0 %, материјалите за одржување и поправки на живеалиштето за 0.9 %, големите електрични апарати за домаќинствата за 0.8 %, терапевтските помагала и опрема, опремата за прием, снимање и репродукција на звук и слики за 0.7 %, стаклените садови, кујнскиот прибор и другата опрема, фармацевтските производи, медицинските услуги, медиумите за снимање, игрите , играчките и хобијата, услугите за рекреација и спорт, другите печатени материјали, рестораните, кафулињата и слично за 0.6 %, малите алатки и останатите додатоци за 0.5 %, ткаенините за изработка на облека, поправките на мебелот, покуќнината и покривките за подот, домашните миленици и сродните производи за 0.4 %, облеката, услугите за одржување и поправките на живеалиштето, стоматолошките услуги, одржувањето и поправките на сопствените превозни средства, информатичката опрема за обработка на податоците за 0.3 %, малите електрични апарати за домаќинствата, големите алатки и опремата, услугите за култура, другите лични предмети за 0.2 %.

Намалување на индексите на трошоците на животот во мај 2022 година, во споредба со претходниот месец, има кај воздухопловниот патнички транспорт за 10.5 %, градините, растенијата и цвеќињата за 2.4 % и електричните апарати за лична хигиена за 1.2 %.

The post Скап живот: Трошоците во мај повисоки за 11.9, а цените на мало за 12.1 отсто appeared first on Република.

Мај ќе биде одбележан со љубов и семејни турбуленции како резултат на влијанието на планетите. Венера, планетата на љубовта, од 2 до 28 мај ќе биде во знакот Овен. Ова ќе доведе до посебна атмосфера која ќе биде идеална за страсни врски кои можат да прераснат и во агресија. Венера ја поттикнува нашата потреба за љубов и блискост, а Овенот ја истакнува борбеноста, па желбата да се добие сè одеднаш ќе доведе до драматични ситуации. Ситуацијата ќе биде дополнително „влошена“ со ретроградниот Меркур и затемнувањето на Сонцето. Во продолжение прочитајте го месечниот љубовен хороскоп за мај.

Месечен љубовен хороскоп за мај: Средби со поранешни партнери, но и нови страсти!

Овен
Овој месец можете да очекувате сè, од возбудлива романса до раскинување, а можно е и обнова на старата врска. Во секој случај, досега научените лекции ќе ви бидат од голема корист. Освен тоа, можни се нови интересни познанства, но не избрзувајте со заклучоците. Нека работите течат по својот тек.

Бик
Подгответе се за тешкотии и неволји во поглед на љубовниот живот. Затемнувањето на Сонцето како и ретроградниот Меркур ќе ве „преплават“ со емоции. Ќе ве привлекуваат страсни и емотивни личности, но внимавајте бидејќи постои можност да наидете на некого кој нема да има добри намери.

Близнаци
Првата половина на мај ќе биде релативно мирна, можеби малку здодевна во поглед на април. Љубовните врски можат да започнат неочекувано брзо, но и брзо да завршат. Ако веќе сте во врска, тогаш со малку напор можете да ја подобрите комуникацијата и да ги решите несогласувањата. Кон крајот на месецот можна е средба со некој од поранешните партнери или добивање вести за нив преку заеднички пријатели.

Рак
Мај е најважниот месец за вас оваа година бидејќи постојат големи шанси за судбоносна средба или искажување љубов кон некој кој досега не сте го сметале за потенцијален партнер. Доколку сте во врска, обидете се да го слушнете партнерот и решавајте ги проблемите преку дијалог. Настаните кои ќе се случат овој месец ќе означат важна фаза во животот.

Лав
Мај е идеално време да започнете нова врска или да формирате семејство. Имате голем удел во тоа како ќе се одвиваат односите, па затоа дајте сè од себе. Од друга страна, за да го одржите мирот во семејството, неопходно е да воспоставите рамнотежа помеѓу работата и слободното време, меѓу општествениот и семејниот живот. Во средината на мај ќе се случат работи кои ќе влијаат на вашата иднина.

Девица
Дури и во најтешката ситуација знаете како да бидете среќни. Многу работи се случуваат во вашата врска со долгогодишниот партнер. Ако долго време сонувавте да основате семејство, сега имате можност да ви се оствари желбата. Во овој период добро би било да ги решите и финансиските, како и имотно-станбените прашања.

Вага
Мај е време на длабока промена во поглед на љубовниот живот. Конечно ќе сфатите што е она што го посакувате. Од друга страна, ќе почнете да го забележувате вниманието што ви го посветуваат претставниците на спротивниот пол, што можеби не сте го виделе досега или не сте го сфатиле сериозно.

Скорпија
Љубовта се тестира во тешките ситуации. Постојат големи шанси дека ќе бидете разочарани од партнерот како резултат на неоснована љубомора. Од друга страна, можно е да остварите средба со некој од поранешните партнери. Отворено разговарајте за сето она што се случило, за вашите чувства, за причините за раскинување. Тоа ќе ви донесе олеснување, а можеби ќе откриете и дека љубовта сè уште не исчезнала.

Стрелец
Во првата половина од месецот љубовниот живот ќе ви биде интензивен и драматичен, но во втората половина ќе почне фазата на заситеност – ќе почнете да забележувате недостатоци кај партнерот и ќе сакате да искусите нешто ново и поинакво. Постои голема шанса дека ќе ве привлече некој харизматичен странец, па лесно ќе се впуштите во авантура. До крајот на месецот некој засекогаш ќе го напушти вашиот живот.

Јарец
Личните односи ќе бидат испреплетени со деловните, а тоа ќе предизвика проблеми. Ќе станете дел од некакви љубовни интриги на работа. Дури и ако се обидете да се држите настрана од тоа, сепак, самото опкружување ќе ве вовлече во таква ситуација. Грижете се за вашата репутација и не ризикувајте без причина.

Водолија
Во текот на мај ќе наидете на многу пречки кои ќе го оневозможат вашето зближување со саканата личност или потенцијалниот партнер. Пред крајот на месецот постои можност да се смирите со поранешната љубов или да ја доведете моменталната врска на повисоко ниво. Доколку патувате, ве очекува интересна средба која ќе продолжи како врска на далечина.

Риби
Можете да направите големи промени во вашиот живот само доколку се одлучите за драстични потези, од типот да се преселите во друг град или друга земја. Можеби е и време да ја прекинете токсичната врска и да започнете од почеток. Мај ќе биде добар период за ослободување од старото и нефункционалното, но и идеално време за менување на средината.

The post Мај е љубовен месец, Венера ја поттикнува нашата потреба за љубов и блискост appeared first on Република.