Власта на СДС и ДУИ систематски го уништувала здравството, што поради неспособност, што поради криминал, рече пратеникот Бране Петрушевски на денешната прес-конференција, на која откри како „заради неспособноста на власта на СДС и ДУИ“ граѓаните чекаат секој месец за магнетна резонанца, иако за тоа нема потреба.

Според Извештајот на ДЗР и покрај удвојување на бројот на апарати за магнетна резонанца во период од 2017 до 2022 година, бројот на прегледи не е зголемен, и истите се неискористени. Според ДЗР еден апарат кој е донација воопшто не е ниту ставен во функција. Бројот на снимања по апарат во Македонија е далеку под европскиот просек. Имено еден апарат во просек има 2800 снимања годишно, а европскиот просек е од 4 до 9 илјади. Кога има ваков мал број на снимања ќе се очекува барем истите да бидат брзи и без поголеми чекања, но реалноста изминативе години беше сосема поинаква. Што работеле СДС и ДУИ во здравството? Во системот за термини, со години се внесувале помалку термини, што како последица на дефект на апаратите, што како последица на недоволно обучен кадар. А пациентите се тие кои страдале и не добивале услуга. Извештајот на ДЗР ни ја предочува целосната неспособност на СДС и ДУИ во менаџирање со здравствените установи, и зошто здравството колабира, порача Петрушевски.

The post Во системот за закажување за магнетна резонанца со години се внесувале помалку термини appeared first on Република.

Најпрвин можам да го искажам своето задоволство, бидејќи овој апарат којшто овдека е инсталиран, претставува еден од ретките апарати коишто пациентите можат да го користат. Иако министерот и директорот, рекоа дека се користи интензивно, јас би сакал што помалку да се користи. Но, веќе кога имаат граѓаните потреба се разбира дека овој апарат само може да го забрза дијагностицирањето на проблемите и идетифицирањето на истите. Јас сакам да му честитам и на директорот и на министерот и на луѓето на Министерството за здравство за ете што во првите 100 дена имаме некаква испорака, имајќи во предвид во каква катастрофална состојба го наследивме овој сектор - истакна премиерот Христијан Мицкоски, при пуштањето во употреба на апаратот за магнетна резонанца во Поликлиника „Идадија“.

Во оваа прилика тој потсети дека само долгот којшто го затекнале во Фондот за здравствено осигурување бил повеќе од пет милијарди денари.

Со добра реорганизација и со ребаланс на Буџетот тој долг ќе се намали за две милијарди денари. Очекуваме во следната фискална година тој долг да биде сведен на нула. Ќе ве потсетам на Законот кој беше изгласан за здравствена заштита каде што веќе ќе немаме дуализам во здравството, туку ќе имаме јасна одговорност во установите и во клиниките - истакна премиерот.

Тој потсети и на акцијата за вработување на 600 специјализанти, 300 оваа година, 300 следната.

Оние коишто ќе пројават интерес , ќе сакаат да се вклучат во јавното здравство и уште многу, многу други работи како што беше позитивната листа, девет генерички лекови нешто што повеќе од деценија и половина имаме пауза кога немаше проширување на позитивната листа со што се влијае позитивно врз пациентите и врз стандардот на оние коишто ги користат тие лекови. Оној настан којшто го имавме на Дигестивна клиника исто така промоцијата на опремата таму и уште многу други работи коишто беа промовирани во овие 100 дена. Очекувам во периодот којшто следи дополнително да промовираме уште многу работи.

Мандатот го започнавме преку Клиничката болница во Штип таму го најавивме продолжувањето на постапката за изградба на Клиничката болница Штип, болницата во Кичево, којшто се децениски проекти коишто за жал претставуваат споменици на едно време коешто не сакаме да се сеќаваме. Така што мислам дека прилично амбициозно се влезе, проблемите ги има, но проблемите ќе ги решаваме не треба да бараме изговори, треба да работиме и во периодот којшто следи продолжуваме со несмалена динамика и со несмалено темпо.

Уште еднаш честитки за опремата и во тој дух и во таа насока да се продолжи во периодот којшто следи, бидејќи граѓаните се нашиот главен приоритет и нивните интереси се оние за коишто треба да работиме и коишто треба да ги задоволиме - заклучи на крајот премиерот Мицкоски.

The post Мицкоски: Апаратот за магнетна резонанца во „Идадија“ ќе го забрза дијагностицирањето на проблемите кај пациентите, работиме посветено за граѓаните appeared first on Република.

Претседателот на Владата на Република Македонија, Христијан Мицкоски, денес заедно со министерот за здравство, Арбен Таравари, ќе присуствуваат на пуштање на нов апарат за Магнетна резонанца во поликлиника Идадија во Здравствен Дом во Скопје.

ЈЗУ Здравствен дом Скопје овозможува примарна, превентивна, секундарно- специјалистичка здравствена заштита и 24 часовна итна медицинска помош за граѓаните на град Скопје и околните населени места.

Со цел јакнење на капацитетите во делот на специјалистичките служби, во Поликлиника Идадија во рамки на ЗД Скопје од 17.07.2024 година е пуштен во употреба апарат за магнетна резонанца.

Апаратот е набавен од сопствени средства на ЈЗУ Здравствен дом Скопје во износ од 83.455.500 ден со ДДВ.

Апаратот магнетна резонанца од медицински аспект претставува врв во дијагностиката кој дава најдобар приказ, визуелизација на дефинитивна и детална слика на внатрешни органи и меки ткива, неинвазивна, безболна метода, која употребува нејонизирачко зрачење и е предност во однос на сите други дијагностики во радиодијагностиката.

Термините се креирани во една смена од 7:30 до 13:30 часот, но планирано е отворање термини во две смени.

Откако е пуштен во употреба апаратот за магнетна резонанца, дефинирани се вкупно 476 термини за снимање.

Предвидено е изјава за медиуми да даде Претседателот на Владата, Мицкоски.

Изјавата можете да ја следите во живо на линкот во продолжение:

The post ВО ЖИВО: Мицкоски на пуштање на нов апарат за Магнетна резонанца во поликлиника Идадија appeared first on Република.

Најдобриот светски тенисер Новак Ѓоковиќ се пласираше во четвртфиналето на Ролан Гарос совладувајќи го Франциско Серундола со резултат 3:2 (6:1, 5:7, 3:6, 7:5, 6:3). .

Иако успеа да победи по нереален пресврт, неговата повреда на коленото ги загрижи сите, а Новак зборуваше за тоа по мечот и дополнително ги загрижи своите навивачи.

Ѓоковиќ го откажа тренингот на Ролан Гарос за да ги направи лекарските прегледи.

Сеуште е неизвесен неговиот настап. Во 15 часот ќе оди на магнетна резонанца, од исходот  на резултатите ќе ја донесе конечната одлука.

Се надеваме дека повредата не е од сериозна природа, па доколку успее да го продолжи турнирот, Новак во четвртфиналето ќе игра против Каспер Руд.

The post Фановите стравуваат: Ноле во овие моменти е на магнетна резонанца appeared first on Република.

Министерот за здравство Илир Демири во гостување во централниот Дневник на телевизија Сител истакна дека има решение за потешкотиите што се јавуваат за закажување на магнетна резонанца и приоритет треба да им се даде на пациенти кои имаат потреба од неурохируршко лекување и малигни заболувања, а сите други треба да се дисперзираат.

„Има решение, оти има злоупотреба, а пропо закажување на магнетна резонанца, оти има критериуми прво со кое „миџинг* техника се оди, па после доаѓаме до магнетна резонанца. Јас имам чувство дека многу пати се назначува магнетна резонанца без да има крајна цел, јасна индикација. Затоа е воведено во „Мој Термин“ некое ограничување кое важи за пациенти кои имаат потреба од неурохируршко лекување, така, малигни заболувања, на тие да им се даде приоритет. Додека, сите други кои имаат потреба за магнетна резонанца треба да се дисперзираат. Значи, што сметам за тоа? Има магнетна резонанца во Прилеп, има магнетна резонанца во Тетово и треба да се дисперзираат пациентите со одредени патологии“, рече Демири.

Демири информираше дека веќе разговарал со директорот на „Мој Термин“ и се договориле листа на чекање да биде објавена во „Мој Термин“.

И според таа листа која е електронска, откако ќе се внесат пациенти не може да се има упат, мој, твој, па да се прескокне редот. Тоа веќе е воведено и дадено како задолжение за да може да има покоректен пристап секој и да се чувствува посигурен. Ќе овозможам колегите оператори, хирурзи кои сакаат дополнителна пракса да може да работат и дополнително, но не на сметка на овие кои се комплетно покриени од Фондот за здравство. И нешто друго со што мислам дека ќе се согласи целата јавност за приватни пациенти ќе има една категорија независно дали се државјани на Македонија или доаѓаат од Сиднеј да се лекуваат тука. Значи тие ќе бидат приватни пациенти. Мислам дека меѓународно право вака ќе биде задоволно, како нашите граѓани кои одат по странство да се лекуваат, па плаќаат приватно и не се дискриминирани со нивните државјани. Ова е многу важно, јас повеќе сум за промоција на нашите стручњаци отколку за промоција на цени. Имаме доста квалитетни стручњаци кои може да повлечат пациенти тука и да одиме кон развој на медицински туризам, изјави Демири.

The post Термините за магнетна резонанца ќе бидат објавувани на Мој Термин, нема да има снимање преку ред appeared first on Република.

Министерот за здравство Фатмир Меџити и директорката на ЈЗУ Универзитетски институт за радиологија Гордана Антулеска - Белческа, денеска апелираа да не се злоупотребуваат термините за во оваа установа и да не паѓаат под влијание на пациенти кои сами бараат да бидат снимани со магнетна резонанца, а нема медицинска потреба за тоа.

Граѓаните реаграат дека се чека долго за термин и читање резултати. Според Антулеска- Белческа со оглед на капацитетите со кои располагаат во моментот, тие го даваат својот максимум. Таа побара правилна тријажа на пациентите, да се утврди кој пациент е итен за да биде испратен на магнетна резонанца.

Имаме три апарати за магнетна дијагностика, таа е многу интересна и премногу барана, дури и злоупотребена како метода. Мислам дека е тука основниот проблем. Треба да се прави правилна тријажа на пациентите, значи да се утврди кој пациент е итен за магнетна, нему да му дадеме предност. Заради тоа апелирам и кон своите колеги, да направиме правилна тријажа, со цел да им дадеме предност на оние, на кои навистина магнетната резонанца им е неопходна. Во тој случај, ние би биле и далеку поефикасни, истакна таа, одговарајќи на новинарски прашања на денешната промоција на нови апарати на Радиологија.

https://republika.mk/zivot/zdravje/klinikata-za-radiologija-dobi-nov-digitalen-rentgen-aparat-za-snimane-detsa-i-aparati-za-rana-dijagnostika-na-rak-na-dojka/

Кога станува збор за дополнителен кадар, таа информираше дека дел вработувања се реализирани, меѓутоа сѐ уште не се доекипирани.

Министерот Меџити се согласи дека има проблеми во термините на радиологија. Тој кажа оти се случувало на дежурство или во амбуланта, да дојде пациент со петмесечна главоболка и самиот да кажува дали треба да се направи магнет или не.

Заедно со директорите на радиологија, ќе ги заостриме критериуми. Повторно апелирам до граѓаните да не кажуваат на докторите - навистина и тие да сочувствуваат со нас, да знаат точно дека сепак, докторите одлучуваат кој има потреба, а кој не, додаде министерот.

Тој рече и оти во европските земји, во одредено време кога треба кај матичен лекар да се оди, треба со месеци да се чека термин, а ако е итност, за тоа одлучуваат самите стручни лица и лекарите.

Меџити оцени дека има подобрување на оваа состојба и оти не се чекало, како што се чекало порано, потсетувајќи дека Радиологија ќе се реновира и оти тоа ќе придонесе да се олесни ситуацијата со термините.

На новинарско прашање дали на специјализанти им се дава да читаат резултати, министерот и директорката одговорија дека тоа е дел од едукацијата, оти работат под надзор, под менторство.

Министерот беше прашан и каква е ситуацијата со големата кашлица во државата, на што тој одговори дека ситуацијата е под контрола.

Комисијата за заразни болести излезе и кажа точно дека сѐ е под контрола, дека ситуацијата се опсервира цело време и во моментов, нема навистина место за паника, нема некој проблем. Ги надгледуваме случаите. Засега состојбата е стабилна. Утре ќе има седница, информираше министерот.

Како што додаде Меџити, остануваат само двата потврдени случаја. Тој уште еднаш ги повика граѓаните да ги вакцинираат најмладите.

The post Докторите, а не граѓаните да одлучуваат кој треба да се снима со магнетна резонанца, така ќе биде поефикасно, вели министерот за здравство Меџити appeared first on Република.

Во Градската општа болница „8-ми Септември“ денеска е отворен новиот дијагностички центар опремен со апарати за магнетна резонанца. Апаратите - две томографски магнетни резонанци и ултразвучен апарат се набавени во рамки на Програмата за рационализација на управувањето и модернизација на биомедицинската технологија во здравствениот сектор, во соработка со Aмбасадата на Република Италија.

Веќе во тек е обука на кадарот од обучувачи од Италија и за почеток се очекува дека фреквенцијата ќе биде по 15 пациенти дневно.

Директорот на ГОБ „8 Септември“, д-р Христијан Костов изјави дека веќе имаат еден апарат за магнетна резонанца, на кој дневно се снимаат по 20 пациенти, а годишно околу 7.000 пациенти, а тоа, како што рече, е голема бројка за една установа.

Со овие две магненти резонанци, ќе дојде до растеретување на 50 отсто на веќе поставениот апарат и годишно ќе се зголеми борјот на пациенти до 8. 000 пациенти.

Кај нас сега нема големо чекање за снимање, се чека една до две недлеи. Функционираат приооритени упати, доаѓаат од цела држава. Персоналот им излегува во пресрет на приотритентите пацинети на кои им е потрбна брза дијагностика. Од новите апарати, едниот има можност за ротација, особено за оние кои се клаустрофобични, и е од отворен тип, прв во нашата држава и ќе биде од огромна полза, рече Костов.

На настанот присуствуваа премиерот Димитар Ковачевски и министерот за здравство Беким Сали, како и италијанскиот амбасадор Андреа Силвестри.

Ковачевски потенцира дека со овие апарати ќе се зголеми бројот на пациенти кои ќе добиваат услуги на дневно ниво. Апаратите веднаш се ставаат во употреба.

Министерот за здравство посочи дека апаратите се набавени во рамки на поголема набавка на повеќе апарати во вкупна вредност од 1.1 милион евра, додека за двете магнетни резонанци сумата изнесува 754.168 евра и спроведена е во рамки на Програмата за рационализација на управувањето и модернизација на биомедицинската технологија во здравствениот сектор, во соработка со италијанската Амбасада.

The post ГОБ „8-ми Септември“ доби две томографски магнетни резонанци и ултразвучен апарат appeared first on Република.

Претседателот на Владата Димитар Ковачевски придружен од министерот за здравство Беким Сали, денеска го посети и отвори одделението за магнетна резонанца во рамки на одделот за рентген во ЈЗУ Општа Болница со проширена дејност – Прилеп.

The post Ковачевски: По повеќе од 50 години болницата добива модерен апарат за магнетна резонанца appeared first on Република.