Шведската социјалдемократска премиерка Магдалена Андерсон денеска поднесе оставка по поразот на парламентарните избори, на кои десничарскиот блок освои тесно мнозинство.

Андерсон се состана со Андреас Норлен, претседател на шведскиот Парламент –Риксад, што брои 349 членови, за официјално да му ја предаде оставката.

The post Шведската премиерка Магдалена Андерсон поднесе оставка appeared first on Република.

Премиерката на Шведска, Магдалена Андерсон, изјави дека нејзината земја ќе воспостави близок дијалог со Турција во областа на екстрадицијата на лица барани од турска страна.

Откако Турција, Шведска и Финска потпишаа Меморандум за влез на двете земји во НАТО, Андерсон утрово даде изјава за финската државна телевизија YLE, пренесува Анадолија.

Ќе воспоставиме близок дијалог со Турција за екстрадицијата. Ќе разговараме и објасниме како се бориме против тероризмот во рамките на меѓународното право.

 

Работевме заедно со нашите пријатели за време на преговорите, имавме телефонски разговори со турскиот претседател, Реџеп Тајип Ердоган. Ако тројца луѓе седат во соба и сакаат договор, тогаш тие можат да го постигнат тоа - изјави Андерсон, опишувајќи го целиот процес како многу конструктивен

Андерсон, сепак, не сакаше да одговори на прашањето „Кој направил повеќе отстапки во целиот овој процес?“.

Меморандумот за разбирање беше потпишан по двочасовниот квадрилатерален состанок на кој присуствуваа турскиот претседател Реџеп Тајип Ердоган, неговиот фински колега Саули Ниинисто, шведската премиерка Магдалена Андерсон и генералниот секретар на НАТО Јенс Столтенберг, кои разговараа за барањето на нордиските земји за членство во НАТО и коментарите и загриженоста покренати од Турција во овој контекст.

Со потпишувањето на договорот, Финска и Шведска ветија дека ќе одговорат на загриженоста на Анкара во однос на безбедноста поради нивниот став кон терористичките групи ПКК и т.н.ФЕТО, отворајќи го патот за нивното членство во НАТО.

Турција, исто така, ја потврди својата долгогодишна поддршка за политиката на отворени врати на НАТО и се согласи на Самитот во Мадрид во 2022 година да поддржи покана до Финска и Шведска да станат членки на Алијансата.

The post Шведска ќе воспостави близок дијалог со Турција за екстрадицијата на лица што бара Анкара appeared first on Република.

Шведската премиерка, Магдалена Андерсон, изјави дека нема да дозволи нејзината земја да стане засолниште за терористи.

Нејзината изјава доаѓа по средбата со генералниот секретар на НАТО, Јенс Столтенберг во Брисел и пред почетокот на Самитот на Алијансата во Мадрид, со цел да добие поддршка од Турција за членството на Шведска во НАТО.

Нашиот став за Курдската работничка партија (ПКК) е сосема јасен. За ЕУ групата е терористичка организација, со што се согласува и Шведска. Шведска не е и нема да биде засолниште за терористите. Властите интензивно ќе работат на протерување на оние кои би можеле да бидат закана за безбедноста, а веќе има значителен број случаи што во моментов се процесуираат - наведе Андерсон.

Турција го блокира влезот на Шведска и на Финска во НАТО со образложение дека им пружаат засолниште на курдски екстремисти.

The post Андерсон: Нема да дозволам Шведска да стане засолниште за терористи, веќе се процесуираат случаи против Курдската работничка партија appeared first on Република.