Меѓународната агенција за атомска енергија (МААЕ) ќе ја прошири соработката со Русија, изјави генералниот директор Рафаел Гроси по разговорот со генералниот директор на Росатом Алексеј Лихачев.

Се договоривме МААЕ да го зголеми својот дијалог и соработка со Русија во повеќе области, рече Гроси.

Според него, пожарот на кулата за ладење во нуклеарната централа Запорожје по украински напад и новонастанатата ситуација во Курск се јасни показатели дека не може да се намали претпазливоста кога станува збор за заштита на нуклеарната безбедност.

Овде може да има фрустрација од време на време, фрустрации има и во Украина кога станува збор за она што имаме да го кажеме. Се надевам дека сите ја разбираат работата на МААЕ, техничката основа на она што го правиме и нашиот безмилосен компромис со нуклеарната безбедност и тоа ќе продолжи без оглед на тешкотиите со кои се соочуваме, објасни тој.

Гроси додаде дека МААЕ е соодветен канал за обезбедување нуклеарна безбедност и покрај „неверојатно тешката ситуација“.

Преку МААЕ, се осмелувам да кажам, двете страни знаат дека постои технички, професионален канал на комуникација. Ние нема секогаш целосно согласни, но интегритетот на процесот е тука и кога ќе го погледнете, тоа е единствениот постоечки канал што го имаме, и покрај тешкотиите и фрустрациите, за мене е од суштинско значење, заклучи Гроси.

The post МААЕ планира да ја зголеми соработката со Русија appeared first on Република.

Шефот на Меѓународната агенција за атомска енергија (МААЕ), Рафаел Гроси, утре повторно ќе отпатува за Киев.

Тој ќе ја посети и нуклеарната централа Запорожје во југоисточниот дел на земјата, соопшти МААЕ денеска во Виена.

Најголемата нуклеарна централа во Европа е контролирана и окупирана од Русија од 2022 година. Објектот беше цел на повеќекратни напади и саботажи за кои Москва и Киев се обвинуваат меѓу себе.

Гроси во средината на август изјави дека безбедносната ситуација „се влошува“. Тој зборуваше по експлозијата во непосредна близина на централата, за која експертите на МААЕ веруваат дека била предизвикана од дрон со експлозивно полнење.

Ова ќе биде петти пат генералниот директор на МААЕ да ја премине линијата на фронтот за да дојде до Запорожје, откако воспостави постојано присуство на МААЕ на локацијата пред две години, на 1 септември 2022 година, за да ја следи нуклеарната безбедност. Исто така ова ќе биде десетта посета на Гроси на Украина од почетокот на конфликтот во февруари 2022 година.

The post Шефот на МААЕ патува за Киев поради стравувањата за нуклеарната централа Запорожје appeared first on Република.

Експертите на Меѓународната агенција за атомска енергија (МААЕ) и натаму чекаат да добијат пристап до покривот на нуклеарната централа во Запорожје, што е заземена од руските сили, јави ДПА.

Специјалистите на МАЕЕ претходно неделава извршија дополнителни инспекции на централата и открија дека „нема видливи индикации за експлозиви или мини“, се наведува во извештајот на МААЕ објавен вчера, додава германската агенција.

Сепак, МААЕ продолжи да бара пристап до покривите на реакторите и нивните турбински сали, се наведува во соопштението, цитирајќи го генералниот директор на МААЕ, Рафаел Гроси.

Експертите на МААЕ не пријавија дека слушнале експлозии во текот на изминатата недела, за разлика од претходната недела кога тоа беше речиси секојдневна појава, рече Гроси.

МААЕ продолжи да ја следи достапноста на вода за локацијата, по уништувањето на браната Каховка во јуни и последователното исцрпување на огромниот резервоар во близина на централата.

„Тимот на МААЕ објави дека достапното снабдување со вода останува релативно стабилно, при што нивото на водата се намалува за околу еден сантиметар дневно поради користењето и испарувањето. Локацијата продолжува да има доволно вода за следните неколку месеци“.

Украинскиот претседател Виолодомир Зеленски ја обвини Русија за поставување експлозиви во нуклеарната централа, додека Москва пак го обвини Киев дека планира да ја нападне централата со ракети и беспилотни летала камикази.

Најголемата нуклеарна централа во Европа е под руска контрола од почетокот на март 2022 година, веднаш по инвазијата на Москва.

Сите шест реактори се исклучени од септември, пренесе ДПА.

The post МААЕ се уште нема пристап до покривот на нуклеарката во Запорожје appeared first on Република.

Меѓународната агенција за атомска енергија (МААЕ) денеска започна програма за помош на Украинците по пукањето на браната Нова Каховка, изјави директорот на агенцијата Рафаел Роси, додавајќи дека ќе дојде во Украина „во наредните денови“ на чело на мисијата што ќе пружи помош, јави Си-Ен-Ен.

Според Роси, тој во таа прилика ќе му претстави план за помош на украинскиот претседател Володимир Зеленски.

Овие мерки се одговор на молбите за меѓународна помош од Киев, по катастрофата предизвикана од пукањето на браната на реката Дњепар.

Шефот на МААЕ ќе ја посети и нуклеарната централа Запорожје, која е под руска контрола, и која добива вода за ладење на реакторите од блиската термоцентрала, која црпи вода од резервоарот за вода во близина на пробиената брана Каховка.

Водата за ладење е од суштинско значење за безбедноста на електраната.

Роси рече дека мисијата ќе користи нуклеарна технологија за да го процени интегритетот на критичната инфраструктура во централата.

The post Мисија на МААЕ доаѓа во Украина да и помогне на земјата по пукањето на браната Каховка appeared first on Република.

Земјите-членки на Меѓународната агенција за атомска енергија (МААЕ) повторно ја повикаа Русија да се повлече од украинската нуклеарна централа Запорожје.

Москва треба веднаш да го повлече својот персонал и да се откаже од „неоснованото барање сопственост“ на нуклеарната централа во југоисточна Украина, се вели во резолуцијата на Бордот на гувернери на МААЕ објавена во Виена.

Бордот, исто така, изрази загриженост поради тоа што украинските вработени во фабриката биле под притисок од руска страна и затоа што биле извршени апсења.

Ова е трета резолуција на МААЕ против Русија од почетокот на војната во февруари. Русија и Кина гласаа против, додека седум земји беа воздржани.

Нуклеарната централа Запорожје, најголемата во Европа, од март е под руска контрола. Таа постојано беше цел на напади во последните недели. Москва и Киев меѓусебно се обвинуваат за нападите.

The post МААЕ бара повлекување на Русија од нуклеарната централа Запорожје appeared first on Република.

Шефот на Меѓународната агенција за атомска енергија (МААЕ), Рафаел Гроси, најави дека оваа и следната недела ќе има повеќе консултации околу неговите повици Украина и Русија да се согласат за формирање безбедносна зона околу украинската нуклеарна централа Запорожје, што со месеци е под контрола на Русија.

Договорот за ваква безбедносна зона Гроси го бара повеќе од два месеци. Повеќекратните гранатирања околу најголемата нуклеарна централа во Европа во неколку наврати придонесоа за нејзино исклучување од мрежата и ги поттикнаа стравувањата од потенцијална катастрофа.

Гроси кажа дека главните прашања за кои се разговарало биле воената опрема и радиусот на зоната.

Во Виена тој кажа дека предлогот на МААЕ е „спроведлив“ и дека „тоа што го предлага е многу едноставно: не пукајте во централата, не пукајте од неа“.

Гроси смета дека таквиот договор ќе ја одрази „многу сериозната политичка посветеност на двете страни да престанат да прават нешто што сè уште се случува“.

The post МААЕ бара Украина и Русија да формираат безбедносна зона околу нуклеарната централа Запорожје appeared first on Република.

Рускиот претседател Владимир Путин го извести шефот на нуклеарната агенција на ОН, Рафаел Гроси дека е „отворен за дијалог“ за нуклеарната централа Запорожје на територијата контролирана од силите на Москва во јужна Украина.

Во телевизиските коментари со Гроси пред нивниот состанок во Санкт Петербург, Путин му рече на шефот на МААЕ дека е „подготвен да разговара за сите прашања од заеднички интерес или причина за загриженост, на пример, во врска со ситуацијата околу АЕЦ Запорожје“.

The post Путин со порака до Гроси од МААЕ: Москва е „отворена за дијалог“ за нуклеарната централа во Украина appeared first on Република.

Портпаролот на Кремљ, Дмитриј Песков, најави дека претседателот на Русија, Владимир Путин утре во Санкт Петербург ќе го прими директорот на Меѓународна агенција за атомска енергија (МААЕ) Рафаел Гроси.

Гроси претходно најави посети на Украина и на Русија во обид да се договори за воспоставување безбедносна зона околу нуклеарната централа Запорожје, што од март е под контрола на руските сили, а нејзината безбедност е загрозена поради борбите помеѓу руските и украинските сили.

Москва и Киев меѓусебно се обвинуваат за гранатирање на локацијата на најголемата нуклеарна централа во Европа, што ја зголемува загриженоста за потенцијална нуклеарна катастрофа

The post Путин ќе се сретне со директорот на МААЕ на разговори за нуклеарната централа Запорожје appeared first on Република.

Шефот на Меѓународната агенција за атомска енергија (МААЕ), Рафаел Гроси, побара ослободување на директорот на најголемата нуклеарна централа во Украина, кој бил киднапиран од руска воена патрола.

Повикот на Гроси дојде два дена по „притворањето“ на Ихор Мурашов.

Мурашов е приведен на патот меѓу електраната во Запорожје и градот Енерходар во Украина. „Беше изваден од автомобилот и со врзани очи одведен во непознат правец“, објави на Фејсбук „Енергоатом“, украинската државна компанија која управува со електраната Запорожје.

Гроси „изрази надеж дека Мурашов брзо и безбедно ќе се врати кај своето семејство и дека ќе продолжи да ги извршува своите важни функции во електраната“, објави МААЕ на Твитер.

Нејасно е зошто е приведен Мурашов. Руските власти се уште не соопштуваат информации за неговото приведување.

Електраната Запорожје и нејзината околина се под контрола на руските сили од март, додека украинскиот персонал продолжи да управува со централата.

The post МААЕ ја повикува Русија да го ослободи притворениот шеф на украинската нуклеарна централа appeared first on Република.

Конвој автомобили од Меѓународната агенција за атомска енергија (МААЕ) тргна од Киев кон нуклеарната централа Запорожје, во југоисточниот дел на Украина, јавија британските меидуми, повикувајќи се на сведок од местото на настанот.

Не е познато за кога е планирано мисијата на МААЕ да пристигне до најголемата нуклеарна централа во Европа, што сега е под контрола на руските сили.

Руската и украинската страна меѓусебно се обвинуваат за гранатирање на областа на нуклеарната централа.

Постојаниот претставник на Русија во меѓународните организации во Виена изјави дека мисијата на МААЕ веќе отпатувала во регионот Запорожје, пренесоа руски медиуми.

Оттаму додаваат дека мисијата на МААЕ е придружувана од тим претставници на ОН.

The post Мисијата на МАЕЕ од Киев тргна кон нуклеарната централа Запорожје appeared first on Република.

Генералниот директор на Меѓународната агенција за атомска енергија (МААЕ) Рафаел Гроси ја изрази својата загриженост за можна несреќа во нуклеарната централа Запорожје на југот на Украина.

– Електраната работи, но со потешкотии, така што во сегашните услови не може да се исклучи сценарио на несреќа. Недостигот на струја, проблемите со горивото ме загрижуваат, изјави Гроси во интервју за француски „Монд“.

Тој рече дека секој инцидент ќе има негативно влијание врз ситуацијата.

На прашањето за ризиците од несреќа во нуклеарната централа Запорожје, Гроси рече дека сегашната ситуација не може да се смета за нормална.

Тој, исто така, повтори дека би сакал експертите на МААЕ да останат во нуклеарната централа на постојана основа по завршувањето на претстојната мисија.

– Работам на договор за тоа. Целта на мисијата е да се спречи нуклеарна несреќа, рече Гроси.

Најголемата нуклеарна централа во Европа се наоѓа во градот Енергодар во јужна Украина, а моментално е под контрола на руските сили.

The post Шефот на МААЕ тврди дека има ризик од несреќа во нуклеарната централа Запорожје appeared first on Република.

Генералниот директор на Меѓународната агенција за атомска енергија (МААЕ), Рафаел Гроси побара во Советот за безбедност на ОН пристап до нуклеарната централа во Запорожје, Украина, каде се вршат воздушни напади, за што Москва и Киев меѓусебно се обвинуваат.

„Ситуацијата е сериозна и МААЕ мора да биде овластена да ја изврши својата мисија во Запорожје што е можно поскоро“, нагласи Гроси, говорејќи онлајн за време на итниот состанок на Советот за безбедност на ОН посветен на украинската нуклеарна централа.

Гроси рече дека „времето истекува“ и потсети дека МААЕ со недели се обидува да испрати мисија за проверка на објектот.

Местото на електраната Запорожје, најголемата во Европа, од почетокот на март е под руска контрола. Со цел да се гарантира безбедноста на локацијата и да се овозможи инспекциската мисија, генералниот секретар на ОН Антонио Гутереш и САД повикаа на формирање демилитаризирана зона околу централата. зш/

The post Шефот на МААЕ побара пристап до нуклеарната централа Запорожје во Украина appeared first on Република.

Генералниот директор на Меѓународната агенција за атомска енергија (МААЕ), Рафаел Грос, изјави дека гранатирањето на нуклеарната централа Запорожје ги прекршило речиси сите седум стандарди за нуклеарната безбедност.

Експерти на МААЕ веруваат дека гранатирањето не предизвикало непосредна закана за нуклеарната безбедност, врз основа на информации што ги дала Украина, јави „Би-би-си“.

Сите воени активности што ја загрозуваат нуклеарната безбедност, мора да бидат запрени - истакна Гроси.

Најголемата европска нуклеарна централа е под контрола на руските сили од почетокот на март, иако украински техничари и понатаму управуваат со неа, потсетува „Би-би-си“.

The post Светската агенција предупредува: Гранатирањето на нуклеарката Запорожје ги прекрши речиси сите нуклеарни стандарди appeared first on Република.

Генералниот директор на Меѓународната агенција за атомска енергија (МААЕ) Рафаел Гроси денеска повика на итен прекин на воените операции во близина на украинската нуклеарна централа во Запорожје, предупредувајќи на „многу реален ризик од нуклеарна катастрофа“, пренесува Би-Би-Си.

Тој рече дека е „екстремно загрижен“ поради наводите за ракетирање на нуклеарната централа, најголемата во Европа.

Киев тврди дека руската армија од локации во близина на електраната гаѓа цивилни области, користејќи ја т.н.„терористичка тактика“.

Операторот на електраната во Запорожје, Енерхоатом, изјави дека една „енергетска единица“ е затворена поради руски ракетни напади, додавајќи дека постои ризик од ширење на радијација.

Енерхоатом на социјалната мрежа Телеграм објави дека вчерашните ракетни напади „сериозно го загрозиле безбедното работење на електраната“. Москва тврди дека нападите ги извршила Украина.

Руските сили ја зазедоа електраната во март, а украинските вработени сè уште работат таму.

Во изјавата, Гроси рече дека поради ракетирањето, постои „реален ризик од нуклеарна катастрофа што може да го загрози јавното здравје и животната средина“ во Украина и пошироко.

Тој додаде дека на украинскиот персонал во електраната мора да му биде овозможено да ги извршува своите должности „без закани и притисоци“.

„Заради заштита на луѓето во Украина и на други места од потенцијална нуклеарна несреќа, сите ние мора да ги оставиме нашите разлики настрана и да дејствуваме веднаш. МААЕ е подготвена“, рече Гроси.

Тој претходно изјави дека електраната во Запорожје е „целосно надвор од контрола“. (МИА)

The post МААЕ: Итно да се запрат воените операции кај нуклеарната централа во Запорожје appeared first on Република.

Украинската државна нуклеарна компанија „Енергоатом“ го критикуваше планот на Меѓународната агенција за атомска енергија (МААЕ) да испрати делегација во нуклеарната централа Запорожје, која е под руска контрола.

Украинците велат дека не тие побарале таква посета.

Оваа порака на генералниот директор на МААЕ ја сметаме за уште еден обид да се стигне до електраната на кој било начин со цел да се легитимира присуството на окупаторите и суштински да се оправдаат сите нивни дејствија - се вели во телеграмата на „Енергоатом“, објави „Ројтерс“.

Генералниот директор на МААЕ, Рафаел Гроси, вчера изјави дека организацијата работи на испраќање меѓународна мисија на експерти во нуклеарната централа во Запорожје во Украина, најголемата во Европа, која е под контрола на руските сили.

The post МААЕ испрати мисија во нуклеарната централа Запорожје, Украинците бесни appeared first on Република.

Директорот на Меѓународната агенција за атомска енергија (МААЕ) пристигнал во Украина, каде што ќе разговара со високи претставници за обезбедување на безбедноста на нуклеарните локации во земјата.

Рафаел Маријано Гроси ќе понуди итна техничка помош - вклучително и испраќање експерти на клучни локации - во обид да се спречи ризикот од каква било несреќа.

Воениот конфликт ги става украинските нуклеарни централи и другите објекти со радиоактивен материјал во невидена опасност.

 

Треба да преземеме итни мерки за да се осигураме дека тие можат да продолжат да работат безбедно и да го намалат ризикот од нуклеарна несреќа - истакна Гроси.

Од почетокот на конфликтот се појавија стравувања за безбедноста на нуклеарните постројки на Украина. На почетокот на март избувна пожар во нуклеарната централа Запорожје, а во централата во Чернобил беа прекинати далноводите.

The post Шефот на Меѓународната агенција за атомска енергија пристигнал во Украина appeared first on Република.

Меѓународната агенција за атомска енергија (МААЕ) соопшти дека сите работници на нуклеарната централа во Чернобил, кои биле таму од почетокот на војната и сакале да ја напуштат, ја напуштиле електраната.

Украинскиот регулатор објави дека половина од техничкиот персонал е сменет вчера, а остатокот денеска, со исклучок на 13 работници кои не сакале да ротираат - соопштија од МААЕ.

Во соопштението се додава дека во нуклеарната централа останале и повеќето работници од обезбедувањето.

The post Тринаесет вработени во Чернобил одбиле да ја напуштат нуклеарната централа appeared first on Република.

Меѓународната агенција за атомска енергија (МААЕ) соопшти дека е прекинат далечинскиот пренос на податоци од системите за следење на заштитните мерки инсталирани во нуклеарната централа Чернобил.

Агенцијата го разгледува статусот на системите за следење на заштитните мерки на други локации во Украина и наскоро ќе обезбеди дополнителни информации.

Заштитните мерки се однесуваат на сферата на работата на МААЕ во чии рамки се следи движењето на нуклеарен материјал.

Во врска со статусот на оперативните нуклеарни централи на Украина, регулаторот информира дека осум од 15-те реактори во земјата работат, вклучително и два во нуклеарната централа Запорожје која од минатата недела е под контрола на руските сили, и дека персоналот на централите работи во смени. Нивоата на радијација на локациите се нормални - се вели во соопштението на МААЕ.

The post Прекинат e преносот на податоци од Чернобил, предупредува Меѓународната агенција за атомска енергија appeared first on Република.

Меѓународната агенција за атомска енергија денеска на Твитер објави дека украинскиот нуклеарен регулатор пријавил проблеми во комуникацијата со персоналот што работи во нуклеарната централа во Запорожје во југоисточна Украина.

Украинските власти ѝ кажаа на МААЕ дека редовниот персонал продолжува да работи во централата, „но управувањето со постројката сега е под наредба на командантот на руските сили кои го контролираат местото.

#Ukraine informs IAEA that regular staff continue to operate #Zaporizhzhya Nuclear Power Plant, but plant management is now under orders from commander of Russian forces controlling site. DG @RafaelMGrossi deeply concerned with latest developments. https://t.co/TDZlLpV10f

— IAEA - International Atomic Energy Agency (@iaeaorg) March 6, 2022

The post МААЕ: Нуклеарната централа Запорожје е под руска контрола appeared first on Република.