Во пропишаниот рок, поднесена е пријава за безбедосниот настан на небото на Скопје што се случи на 7.месецов и отворена е истрага за утврдување на фактичката состојба и причините, информира денеска Давателот на навигациски услуги М-НАВ, по објавите за избегнат инцидент со судир на два авиона.

Од М-НАВ потенцираат дека таквите настани како и секаде во Европа, секогаш се навремено пријавени и процесирани од сите релевантни одделенија.

На 7 септември во 18.30 часот поднесена е пријава за безбедосен настан во пропишаниот рок од извршителите кои работеле на засегнатиот сектор. Согласно правилата и пропишаните процедури, пријавата е регистрирана од страна на одделението ИМС (Integrated Management Systems) и доставена до Агенцијата за Цивилно Воздухопловство. Исто така, согласно важечките процедури, од страна на одделението ИМС (Integrated Management Systems) отворена е истрага за утврдување на фактичката состојба и причините за настанот. Би сакале да укажеме дека ваквите настани како и секаде во Европа, секогаш се навремено пријавени и процесирани од сите релевантни одделенија, служби и институции, согласно постоечките правни процедури, наведе М-НАВ во соопштение.

Претходно од АЦВ за МИА потврдија постапуваат по настан пријавен од Давателот на навигациски услуги М-НАВ.

Давателот на навигациски услиги М-НВ уредно го пријави настанот и АЦВ ќе постапи по истиот, изјавија од АЦВ.

Медиумите претходно објавија повикувајќи се на сајтот за следење летови Флајтрадар24, дека авиони на „Туркиш ерлајнс“ и на „Санекспрес“ за малку ќе се судреле на небото над Меѓународниот аеродром во Скопје на 7 септември во 18.32 часот.

Станува збор за авионот на „Туркиш ерлајнс“ на летот ТК1358 од Мадрид за Истанбул и авионот на „Санекспрес“ од турскиот крајбрежен аеродром Даламан за Лондон – Гетвик. Според Флајтрадар24, 30 секунди пред да се разминат двата авиона биле на иста висина од 36.000 стапки. Непосредно пред да се разминат, едниот се кренал на 36.325 стапки, а другиот се спуштил на 35.475 стапки. Според правилата на авиосообраќајот, меѓу авионите треба да има 2.000 стапки вертикална далечина, пишува порталот.

The post М-НАВ: Отворена е истрага за безбедносниот настан на небото над Скопје на 7 септември appeared first on Република.

Основниот кривичен суд Скопје денеска донесе пресуди врз основа на предлог-спогодби со седум лица обвинети како соизвршители на кривично дело – Спречување на службено лице во вршење службено дејствие од член 382 став 3 во врска со став 1 од Кривичниот законик.

На шестмина од обвинетите за стореното кривично дело им е изречена алтернативна мерка – условна осуда, односно казна затвор во траење од шест месеци, која нема да се изврши доколку во рок од една година и шест месеци по правосилноста на пресудата не сторат ново кривично дело.

За еден обвинет, кој преземал потешки дејствија за да го попречи службеното лице и бил претходно осудуван за дело против општата сигурност, изречена е алтернативна мерка – условна осуда со заштитен надзор, односно казна затвор во траење од две години, која нема да се изврши доколку во рок од пет години по правосилноста на пресудата не стори ново кривично дело, и истовремено Судот на тој обвинет му одреди и други обврски кои ќе бидат предмет на заштитен надзор.

The post Условни казни за „кошкањето“ во М-НАВ appeared first on Република.

Надлежниот јавен обвинител веќе изврши распит на сите сведоци и на осомничените, а интегритетот на постапката е запазен и не постои опасност за негово компромитирање, велат од Основно јавно обвинителство Скопје во врска со замената на мерките на притвор со мерки за претпазливост за шест лица осомничени во случајот во М-НАВ.

Според ОЈО, осомничените веќе немаат можност да влијаат врз доказите или дејствијата кои ќе се преземаат во натамошниот тек на постапката.

- Од тие причини, а имајќи ја предвид и праксата на Судот во Стразбур, јавниот обвинител предложи замена на притворските со поблаги мерки на претпазливост, велат оттаму.

Од Основен кривичен суд Скопје денеска соопштија дека јавен обвинител од ОЈО Скопје до судии на претходна постапка при Основниот кривичен суд Скопје, денеска доставил предлози за укинување на мерките за обезбедување присуство, односно мерките притвор и куќен притвор, за шест лица осомничени за кривичното дело Загрозување на безбедноста на воздушниот сообраќај од чл. 303 ст. 2 вв со чл. 22, а поврзани со случувањата од 4 јануари во М-НАВ, и определување на мерки за претпазливост

- Постапувајќи по предлогот на Јавниот обвинител, а ценејќи ги приложените факти, судиите на претходна постапка, го прифатија предлогот на Јавниот обвинител и донесоа решенија со кои за А.О., Р.Б. и Љ.Ќ. ја укинаа мерката куќен притвор, додека за С.Ш., О.А. и Е.С. ја укинаа мерката притвор и им определија мерки за претпазливост од чл. 146 ст.1 т.1,2.3 и 6 односно, Забрана за напуштање на живеалиштето односно престојувалиштето, Одземање на патна исправа и забрана за издавање нова, Обврска обвинетиот да се јавува во судот и Забрана за приближување или воспоставување врска со одредени лица, се појаснува во соопштението од Основен кривичен суд Скопје.

Против овие решенија, се наведува во соопштението, странките имаат право на жалба до Кривичниот совет на овој суд.

Станува збор за шестмината осомничени за упадот во М-НАВ што случи на 4 јануари веднаш по прес-конференцијата на претседателот на Струковиот синдикат на контролори на летање, Александар Тасевски, на која тој информираше дека контролори на летање и нивни помошници во М-НАВ се очекува да почнат да поднесат оставки од раководните позиции, како поддршка на синдикалните активности и реакции за последниот оглас за вработувања во оваа институција.

The post Осомничените во случајот М-НАВ немаат можност да влијаат врз доказите, затоа се побарани поблаги мерки, велат од Обвинителството appeared first on Република.

Јавен обвинител од Основното јавно обвинителство Скопје до судии на претходна постапка при Основниот кривичен суд Скопје, денеска доставил предлози за укинување на мерките за обезбедување присуство, односно мерките притвор и куќен притвор, за 6 лица осомничени за кривичното дело Загрозување на безбедноста на воздушниот сообраќај од чл. 303 ст. 2 вв со чл. 22, а поврзани со случувањата од 4 – ти јануари во М-НАВ, и определување на мерки за претпазливост, соопштија од Основниот кривичен суд Скопје.

Постапувајќи по предлогот на Јавниот обвинител, а ценејќи ги приложените факти, судиите на претходна постапка, го прифатија предлогот на Јавниот обвинител и донесоа решенија со кои за А.О., Р.Б. и Љ.Ќ. ја укинаа мерката куќен притвор, додека за С.Ш., О.А. и Е.С. ја укинаа мерката притвор и им определија мерки за претпазливост од чл. 146 ст.1 т.1,2.3 и 6 односно, Забрана за напуштање на живеалиштето односно престојувалиштето, Одземање на патна исправа и забрана за издавање нова, Обврска обвинетиот да се јавува во судот и Забрана за приближување или воспоставување врска со одредени лица, се појаснува во соопштението од Основен кривичен суд Скопје.

Против овие решенија, се наведува во соопштението, странките имаат право на жалба до Кривичниот совет на овој суд.

The post Толку беше: Излегуваат од притвор осомничените за упадот во М-НАВ appeared first on Република.

Владата на РСМ на Двесте и седумнаесетата седница одржана на 09.01.2024 година го задолжи Државниот инспекторат за труд да изврши вонреден инспекциски надзор кај работодавачот АД во државна сопственост за вршење на дејност давање услуги во воздухопловната навигација (М-НАВ) Скопје. При надзорот посебен акцент се стави на законитоста на постапките за вработување по четири јавни огласи и тоа:

Оглас број 1/2023

Управниот одбор на АД во Државна сопственост за вршење на дејноста давање услуги во воздухопловната навигација М-НАВ АД Скопје, донел Одлука за објавување оглас за вработување за работно место Советник за планирање и развој и мегународно задолжување во Секторот за финансиски работи, правни работи ,развој и инвестиции – 1 извршител.

Врз основа на наведената Одлука работодавачот на ден 04.08.2023 година го објавил јавниот оглас број 1/2023 во дневните весници Вечер и Коха

Оглас број 2/2023

Управниот одбор на АД во Државна сопственост за вршење на дејноста давање услуги во воздухопловната навигација М-НАВ АД Скопје, донел Одлука за објавување оглас за вработување на неопределено време за единаесет лица, за систематизирани работни места и тоа:

– Оператор во национален центар за трансмисија на податоци, авторизација и надзор на летови RCO во одделение за национален центар за трансмисија на податоци, авторизација и надзор на летови RCO во Сектор за воздухопловна навигација – 1 извршител;

– Студент ВМПИ, Отсек за воздухопловни мет мерења, опсервации и информации – Скопје, во одделение за метеоролошко обезбедување на воздушната пловидба во Сектор за воздухопловна навигација – 1 извршител;

– Студент инженер во Сектор за воздухопловна техника – 5 извршители;

– Студент техничар во Сектор за воздухопловна техника – 2 извршители;

– Советник преведувач на албански јазик во Сектор за финансиски работи, правни работи, развој и инвестиции – 1 извршител.

– Деловен асистент во Сектор за воздухопловна навигација – 1 извршител.

Врз основа на наведената Одлука работодавачот на ден 14.12.2023 година го објавил јавниот оглас број 2/2023 во дневните весници Вечер и Коха.

Оглас број 3/2023

Управниот одбор на АД во Државна сопственост за вршење на дејноста давање услуги во воздухопловната навигација М-НАВ АД Скопје, донел Одлука за објавување оглас за вработување на неопределено време за работно места и тоа :

- Самостоен советник сметководител во одделение за финансии и администрација во сектор за финансиски работи, правни работи, развој и инвестиции – 1 извршител;

Врз основа на наведената Одлука работодавачот на ден 15.12.2023 година објавил јавен оглас број 3/2023 во дневните весници Вечер и Коха.

Оглас број 4/2023

Управниот одбор на АД во Државна сопственост за вршење на дејноста давање услуги во воздухопловната навигација М-НАВ АД Скопје, донел Одлука за објавување оглас за вработување на неопределено време за работно место и тоа :

- Студент контролор на летање, Центар за обука на КЛ, ПКЛ и FMP извршители во Сектор за воздухопловна навигација за 8 извршители.

Врз основа на наведената Одлука, работодавачот објавил јавен оглас бр. 4/2023 во дневниот печат Вечер и Коха (издание од 23 и 24.12.2023 година) за вработување на неопределено време.

Од извршениот увид во презентираната документација утврдени се следните неправилности:

- Работодавачот не доставил писмен доказ за спроведено интервју со кандидатите од фаза два од објавениот оглас 2/2023 што е спротивно на член 23 став 1 алинеја 2 од Законот за работни односи.

- За дел од работните места од огласот број 2 наведените услови не се предвидени во актот за систематизација со што работодавачот постапил спротивно на член 23 став 1 алинеја 2, во врска со член 19 став (2) од Законот за работните односи.

- Работодавачот не навел врз основа на кои критериуми го извршил изборoот од кандидатите кои што исполнувале услови а врз основа на кои критериуми останататите кандидати не се избрани и покрај тоа што истите ги исполнувале условите по објавениот оглас за соодветното работно место за кое аплицирале .

- Работодавачот без основ ги поништил одлуките на четворица кандидати за работните места студент инжињер и студент техничар и покрај тоа што можел да спроведе законска постапка за вработување и во фискалната 2024 година

- Работодавачот работниот однос на дел од работниците го пријавил на ден 29.12.2023, односно истиот ден кога работникот треба да стапи на работа, што е спротивно на член 13 став (3) од Законот за работните односи.

- Рокот на огласот за кандидатот за работно место Самостоен советник сметководител со внесување во електронскиот систем на АВРСМ изнесува три денови и покрај фактот што работодавачот навел рок од десет денови ,со што огласот објавен во АВРСМ е во спротивност во делот на времетраењето со објавениот оглас од страна на работодавачот. До денот на надзорот од страна на работодавачот и АВРСМ не е извршена корекција за работното место на кое е пријавен кандидатот во образецот М1/М2 со што истото се разликува од работното место за кое кандидатот склучил договор за вработување со работодавачот.Работодавачот доставил ургенција до АВРСМ и по истата не е постапено.

- На неизбраните кандидати за работните места студент инжињер и стдудент техничар не им се доставени Одлуките за поништување за изборот со што им е ускратено правото на правна заштита.

- За утврдените неправилности ке се изрече глоба во висина од 600 ЕУ за правното лице и 400 ЕУ за одговорните лица поединечно.

- Ке се донесе инспекциска мерка решение согласно Законот за работни односи со кое ке се задолжи работодавачот да ги поништи Одлуките за неизбраните кандидати и да ги спроведе донесените Одлуки за избор за работните места студент инжињер и стдудент техничар.

Во врска со работата на Независниот Синдикат на сообраќај и врски Мралино Илинден при надзорот во присуство и на Претстедателот на Синдикатот Александар Тасевски,се утврди следната фактичка состојба:

Независниот Синдикат на сообраќај и врски Мралино Илинден е запишан во Централен регистар на РСМ со датум на основање 02.10.202 година. Овластено лице на синдикатот, како и на струковиот синдикат на Контролите на Летање-ССКЛ Мралино, Илинден кој е репрезентативен Синдикат кај работодавачот е запишано лицето Александар Тасевски-Претседател.

Акционерското друштво М-НАВ АД Скопје, на ден 12.04.2022 година со Струковиот синдикат на контролорите на летање-ССКЛ, склучиле спогодба со која постигнале согласност во врска со динамиката на враќање на средствата кои се задржани од работниците за 2020, 2021 и 2022 година, согласност да се изврши промена на систематизацијата на работните места кај работодавачот, како и подобрување на условите за работа.

Со оглед дека наведената спогодба не била почитувана од страна на работодавачот, на ден 05.05.2023 година, Синдикалниот одбор на ССКЛ донел одлука за отпочнување на штрајк на ден 14.06.2023 година, за што писмено го известил работодавачот .Во известувањето е наведено дека најавениот штрајк нема да започне доколку се спроведе постапка за мирно решавање на колективниот работен спор. Од доставените барања кои синдикатот ги додставувал до работодаавчот се утврди дека истите содржат барања за остварување економско социјални права.

Министерството за труд по службена должност покренала постапка за помирување и за помирувач од Регистарот на помирувачи и арбитри го определил лицето Лазар Јовевски.

По одржаниот состанок помеѓу Управниот одбор на М-НАВ АД Скопје и ССКЛ наведените страни склучиле спогодба во врска со наведените барања.

Со оглед дека на ден 14.08.2023 година бил потпишан Колективниот договор и Анексот 1 Претседателот на Синдикатот го известил Управниот одбор дека штрајкот закажан со почеток за 15.08.2023 година се става во мирување.

Помирувањето завршило без конкретни постигнати спогодби и двете страни и понатаму ќе продолжат со взаемна комуникација за изнаоѓање на позитивно решение на настаниот спор.

Со оглед да не е постигната конкретна спогодба од двете договорни страни ССКЛ писмено го известува Управниот Одбор дека ке го реактивира штрајкот со почеток од 10.01.2024 година.

До денот на вршење на инспекцискиот надзор иако од страна на синдикатот штрајкот во неколку наврати бил писмено најавуван на работодавачот истиот никогаш не бил започнат.

Државен инспекторат за труд

The post Државниот инспекторат за труд изврши вонреден надзор во М-НАВ, утврдени се неправилности appeared first on Република.

СДС и ДУИ го уништија здравството. Наместо да ги стимулираат работниците во здравството со повисоки плати, тие кратат на плати, рече на денешната прес-конференција на Петар Ристески, пратеник од ВМРО-ДПМНЕ

Вработените во ФЗОМ се жртва на лошите политики на СДС и ДУИ. Недозволиво и поигрување со над 800 вработени во ФЗОМ е да им се намалуваат платите за 21%, а во исто време да се распишува оглас за 61 нови вработувања на стотина дена пред избори. Несомнено се наметнува фактот дека власта ги намалува платите на постоечките вработени во ФЗОМ, за да може да прими 61 партиски војник пред избори. Истата стратегија од М-НАВ се пресликува во ФЗОМ, една институција која служела за пример и квалитетна работа се партизира и полни со партиски кадри. СДС и ДУИ на институциите гледаат само како на место за вдомување на партиските активисти, и заради тоа Македонија добива катастрофални извештаи од ЕК. Во ЕУ не се оди со политики на партизација, намалување на плати, за да се примат нови партиски војници во институциите кои треба да бидат сервис на граѓаните. Со СДС и ДУИ секој ден сме се подалеку од ЕУ. СДС и ДУИ ја уништија државата. ВМРО-ДПМНЕ бара да запре лудилото на СДС и ДУИ и да не се намалуваат платите на вработените во ФЗОМ, рече тој.

https://youtu.be/DYkBpu9e6q8?si=ZERpDxlX2to26qgB

The post На ФЗОМ му се случува сценариото од М-НАВ appeared first on Република.

Вишите обвинители Артан Ајро и Јован Цветановски му предложиле на Апелациониот суд да им го укине куќниот притвор на претседателот на огранокот на ДУИ во Чаир, Беким Незири и обезбедувачот Алмир Рамдедовиќ кои упаднаа во М-НАВ и се сомничат за загрозување на безбедноста на воздушниот сообраќај, објави порталот Сакам да кажам.

Апелација вчера донесе решение со кое им го укина куќниот притвор и им ги остави мерките за претпазливост кои првично им ги одредија судиите на претходна постапка.

Според второстепениот суд обвинителството не докажало дека постојат основите според кои се определува притвор, како што се опасност од бегство, влијание врз сведоци, повторување на делото…

Судот ја прифатил жалбата на обвинетите и предлогот на Вишото обвинителство да се укине притворот.

Обвинителот Цветановски и за случајот „Талир 2“ бараше предметот да се врати на почеток и да се применат измените на Кривичниот законик, а бил виш обвинител и во случајот „Тревник“, случај за кој беше повлечено обвинението.

Ајро пак беше обвинител во поранешното Специјално јавно обвинителство, беше еден од обвинителите кои го водеа случајот „Трансмет“. За неуспешната конфискација на бизнисменот Сеад Кочан предмет отвори и Државната комисија за спречување на корупцијата и Обвинителството за гонење на организиран криминал и корупција.

The post Вишите обвинители Артан Ајро и Јован Цветановски предложиле Апелација да му го укине куќниот притвор на Незири appeared first on Република.

Хекуран Асани и Милан Кораќ следната недела стапуваат на новата функција директори во М-НАВ, дознава „Телма“. Надзорниот одбор на денешната седница го прифати предлогот на Владата донесен на седницата одржана на 9 јануари и ги разреши досегашните директори Фахрудин Хамиди и Љубе Стаменковски. Третиот директор во државната компанија, Хасим Деари, ја задржа својата функција.

Поради законската процедура, надзорниот одбор ќе има уште еден состанок во понеделник кога ќе се потпишан записниците од денешната седница со што одлуката добива формално правна важност и потоа со пропратната документација ќе биде доставена до централниот регистар кој треба да ги впише двајцата нови директори – Асани и Кораќ.

Разрешувањето на Хамиди и Стаменковски беше еден од условите на Синдикатот за да не стапи во штрајк.

Првичниот предлог на Владата беше Илир Мехмети, но по неколку часа го повлече и се коригира, бидејќи тој не ги исполнуваше условите. Мехмети не е вработен во М-НАВ туку во Агенцијата за цивилно воздухопловство со што директно се кршеше член 17 од Правилникот во М-НАВ кој предвидува на раководните места да се именуваат лица од редот на вработените.

The post Надзорниот одбор на М-НАВ го прифати предлогот на Владата: Хекуран Асани и Милан Кораќ следната недела стапуваат на новата функција appeared first on Република.

Седницата на Надзорниот одбор во националниот давател за воздухопловни услуги М-НАВ за смена на раководството продолжува и утре, се до комплетирање на целокупната документација, информираат од М-НАВ.

Надзорниот одбор во М-НАВ денеска попладне ја почна седницата за промените во раководството, согласно насоките што ги доби од Владата на 9 јануари, а по упадот во институцијата на почетокот на месецов - да ги разреши претседателот на Управниот одбор Фахрудин Хамиди и секторскиот извршен директор Љубе Стаменковски и на нивно место да ги именува Хекуран Асани и Милан Кораќ, потврдија за МИА од службата за информирање во М-НАВ.

Седницата на Надзорниот одбор ќе продолжи и утре се до комплетирање на целокупната документација, лиценци, дозволи и т.н. Услови што треба да се исполнат од страна на предложените кандидати од Владата за членови на Управниот одбор, информираат за МИА од М-НАВ.

По именувањето на новите директори, како што објаснуваат од М-НАВ, следува потпишување на записникот од седницата и доставување на потребната документација до Централен регистар, од каде се добива решение. Заокружувањето на сите процедури се очекува да се финализира следната недела.

Претседател на Надзорниот одбор во М-НАВ е Кристијан Михајлоски, а членови Едмонд Калики и Димитар Џеков.

Како што информираа од Владата претходно, кандидатот за нов извршен директор Хекуран Асани е вработен во „М-НАВ“ А.Д. – Скопје од 2005, а од 2007 година ги извршува обврските на контролор на летање. Во 2010 година се стекнува со лиценца за извршен контролор, а од 2021 година е воедно и интруктор за областа контрола на летање (OJTI). Асани како вработен во М-НАВ и долгогодишен контролор на летање, воедно ја извршува и функцијата на супервизор на контрола на летање.

Милан Кораќ на позицијата извршен директор во СВТ во М-НАВ доаѓа од позицијата раководител-инструктор за електроенергетика во „М-НАВ“. Кораќ пред позицијата во М-НАВ, 14 години бил вработен во Агенцијата за цивилно воздухопловство, на позицијата раководител-инструктор за електроенергетика во секторот за воздухопловна техника. Има повеќе од 25 години работно искуство во областа на воздухопловството.

По препорака од Владата, Инспекторатот за труд веќе изврши вонреден инспекциски надзор за работењето на „М-НАВ“ и синдикатите и треба да подготви записник. Препорака од Владата доби и Агенцијата за цивилно воздухопловство, да продолжи со започнатите активности кои произлегуваат од спроведениот вонреден инспекциски надзор за утврдување на состојбите околу безбедноста и обезбедувањето на воздушниот сообраќај, а проверки вршеше и Управата за финансиска полиција.

За инцидентот на 4 јануари во М-НАВ, Основното јавно обвинителство Скопје отвори истражна постапка против осум лица за кои постои основано сомнение дека како соизвршители сториле кривично дело – Загрозување на безбедноста на воздушниот сообраќај според член 303 став 2 во врска со член 22 од Кривичниот законик. Од нив, веднаш беа приведени четворица, а на 12 јануари уште еден од другите четворица по кои се трага. На приведените им е определена мерка куќен притвор.

По владината одлука за промени во раководството на М-НАВ, Струковиот синдикат на контролори на летање (ССКЛ), кој во изминатиот период реагираше за работењето на актуелното раководство на М-НАВ и спроведувањето на огласите за вработување, ја стави во мирување одлуката за генерален штрајк.

Ќе ја анализираме целата состојба и случувања и ако има позитивна реализација на препораката од Владата до надзорниот одбор ќе ја повлечеме одлуката за штрајк. Очекуваме соработка со новите директори затоа што станува збор за долгогодишни оперативци, изјави претседателот на ССКЛ, Александар Тасевски.

The post Седницата на Надзорниот одбор на М-НАВ за смена на раководството продолжува утре appeared first on Република.

The post Полицајци и приватна фирма за обезбедување со нов тендер го чуваат М-НАВ appeared first on Република.

„Јас немам никаква улога во тоа. Тоа е пред да станам министер. Оваа тема е користена на сите избори во последните 15 години, а јас истото објаснување го давам. Очигледно изборите го прават тоа, па ќе играме по тие ноти“, одговори Османи на прашањето што го поставува и опозицијата.

ДУИ, партијата на Османи, е 20 години во власта.

The post Сестра ми 15 години работи во М-НАВ, министерот Османи негира улога во вработувањето appeared first on Република.

„Не сум портпарол на функционерите, чии роднини се вработени во МНАВ“, вели Ковачевски. Точно, Ковачевски не е портпарол на владата за вработувањата во М-НАВ, но очигледно не е ниту некаков фактор во владата, соопштуваат од опозициската ВМРО-ДПМНЕ.

Неговото, `не сум портпарол`, е новото `прашајте ја институцијата` секогаш кога Ковачевски нема одговори. Кога Ковачевски изјавува дека имало вработувања до трето колено во М-НАВ, очигледно мисли, на неговиот партиски колега и министер Љупчо Николовски, каде е вработен неговиот внук, а според признанието на самиот Николовски во 2018, таму се вработени и чичко му и братучед му! Понатаму, не заостануваат ни од ДУИ, во партиските и роднински вработувања, па така: Бујар Османи вработил сестра, Артан Груби ја вработил снаата, Ејуп Алими (експратеник на ДУИ) – две снаи и син, Беким Незири (притворен како предводник на групата тепачи) – си го вработил внукот, велат од партијата.

Од ВМРО-ДПМНЕ дополнуваат „јавноста памети дека од 2018, континуирано алармираме за партиски вработувања во М-НАВ, за:

– син на директор на социјалните фондови;

– внук на директор на телекомуникациски оператор;

– Ветон Кадри, син на пратеничката Шпреса Кадри;

– Антонио Кочовски зет на тогаш првиот човек на СДС од Охрид, Лазе Танески;

– роднина на екс-министерот Горан Сугарески;

– за претседател на УО на М-НАВ беше поставен Николче Тасески, зет на екс-министерката Рената Дескоска.

Потоа, таму е вработен и синот на Стевчо Јакимовски, како и братучетка на екс- министерката Јагода Шахпаска од СДС“.

The post ВМРО-ДПМНЕ: Ковачевски не е портпарол за вработувањата во М-НАВ, но очигледно не е ниту некаков фактор во владата appeared first on Република.

Ако се отвори темата за вработувања на роднини и министри во М-НАВ, треба да се провери и во Академијата на судии кој се станува судија и обвинител, како и во министерствата, порача претседателот на Владата Димитар Ковачевски одговарајќи на новинарски прашања по потпишувањето на договорот за изградба на Ресурсен центар за повратници и други ранливи категории на граѓани.

Јас имав принципиелен став во однос на М-НАВ и гледам дека министрите што имале некого вработено во М-НАВ веќе си даваат свои ставови. Јас не можам да бидам портпарол на семејства на други луѓе, ниту сум претендирал да бидам тоа. Оваа тема ако се отвори тогаш ќе треба да проверите и во Академијата на судии кој се станува судија и обвинител, како и да проверите по министерствата. Таму на времето имаше еден поранешен министер, кој сега е многу гласен, кој дури и бебисистерката си ја вработи во Министерство за надворешни работи. Така што тоа е една карактеристика на општество во транзиција. Такви се сите општества во транзиција, изјави Ковачевски.

Според Ковачевски, доаѓа време кога професионализмот ќе биде клучен при вработувањата.

Дел од медиумите излегоа со информација дека во М-НАВ се вработени и роднини на вицепремиерот за политички систем и односи меѓу заедниците, како и на министрите за надворешни работи и за земјоделство, како и на Беким Незири, сега осомничен за упадот во Контролата на летање.

The post Ковачевски: Ако се отвори темата за вработувања, треба да се провери и во Академијата на судии кој станува судија и обвинител, како и во министерствата appeared first on Република.

Премиерот Димитар Ковачевски денеска во одговор на новинарско прашање за вработувањата на роднини на министри во М-НАВ упати одговорите да се бараат кај оние што имаат роднини вработени во оваа институција.

Јас имав принципиелен став во однос на М-НАВ и гледам дека министрите што имале некого вработено во М-НАВ веќе си даваат свои ставови. Јас не можам да бидам портпарол на семејства на други луѓе, ниту сум претендирал да бидам тоа. Оваа тема ако се отвори тогаш ќе треба да проверите и во Академијата на судии кој се станува судија и обвинител, како и да проверите по министерствата. Таму на времето имаше еден поранешен министер, кој сега е многу гласен, кој дури и бебисистерката си ја вработи во Министерство за надворешни работи. Така што тоа е една карактеристика на општество во транзиција. Такви се сите општества во транзиција, рече Ковачевски, одговарајќи на новинарски прашања по потпишувањето на договорот за изградба на Ресурсен центар за повратници и други ранливи категории на граѓани.

Според Ковачевски, доаѓа време кога професионализмот ќе биде клучен при вработувањата.

Дел од медиумите излегоа со информација дека во М-НАВ се вработени и роднини на вицепремиерот за политички систем и односи меѓу заедниците, како и на министрите за надворешни работи и за земјоделство, како и на Беким Незири, сега осомничен за упадот во Контролата на летање.

The post Ковачевски: Одговорите за вработувањата во М-НАВ треба да се бараат кај оние што имаат роднини вработени во оваа институција appeared first on Република.

Министерот за земјоделство, шумарство и водостопанство Љупчо Николовски денеска уште еднаш повтори дека нема никаква врска со вработувањата на неговите чичко и внук во М-НАВ. Тој изрази жалење што медиумите, како што рече, наместо да се интересираат за темите од земјоделството кое е основа на македонската економија, се обидуваат директно да шират лаги и невистини.

Одговорајќи на новинарски прашања по потпишувањето на Договорот со шпанската фирма „Глобалтек“ за поставување фотоволтаици на вода, Николовски напомена дека државава треба да ги отвори вратите за младите стручни кадри, а не да им испраќа порака дека не се добредојдени тука.

Според него, некому веројатно му смета Македонците успешни надвор од државата, да се вратат тука.

Не коментирам дали нечија фирма е семејна, ваква или онаква. Тоа не е моја работа. Моја работа е да работам чесно, стручно, искрено, отчетно и професионално. Платен сум да се грижам за македонското земјоделство, да работам во интерес на земјоделците и медиумите треба да обрнат поголемо внимание на тоа. Уште еднаш ќе повторам, чичко ми е вработен во М-НАВ уште пред да се родам, а внукот е школуван 20 години надвор од државата, во Јапонија, Кина и Словенија. Знате за каков кадар станува збор? За највисокот стручен кадар. Чичко ми работел во М-НАВ уште пред 40 - 50 години, зарем мислите дека некој што не е роден може да влијае на некој што стручно се усовршувал и се вработил пред 1983 година? И тоа ви е најбитната тема? Зошто не бевте на брифингот кога го заокружувавме сработеното во земјдоелството за 2023 година? Не е убаво да праќате порака дека квалитетот не треба да се цени. Треба да ги отвориме вратите, секој да има еднакви шанси, а јас не сум влијаел. Имаше и постапка во ДКСК која е комплетно затворена. Вие може да проверите низ сите инстиуции каква била постаpката и дали станува збор за некој што не е квалификуван или школуван и дали доаѓа во областа што треба, истакна Николовски.

Според него, земјава треба да има професионална администрација и да му обезбеди шанса на секого.

Од што се незадоволни младите? Од тоа што немаат шанса, а јас имам докажано дека вработените во мојот Кабинет како вицепремиер за борба проитв корупција ниту ги имам бирано, ниту имам влијаено, туку ги запознав дента кога завршија сите постапки и со тоа дадовме пример дека може да се стави крај на непотизам, партиски влијанија и партизација. И во МЗШВ ја отворивме вратата за студенти, за 50 млади за кои немам никакво влијание, ниту знам кои се и како се. Важно е дека се стручни и професионални, одработија најдобро и на новиот модел и на новата реформа. За разлика до овој наратив, се борам секој млад човек да остане тука, а не да го демотивираме и да пратиме порака: „тука не бива - бегајте“. Жалам што наместо да се интересирате за темите од делот на земјоделството, се обидувате директно да ширите невистини и лаги. Имавме брифинг за новинарите и жалам што во годината на над 100 проекти тие не се промовираа, напомена министерот.

The post Николовски нервозен кон новинарите зошто го прашаа за роднините вработени во М-НАВ appeared first on Република.

„Мене ми пречи селективноста на премиерот, со едното око гледа што прави претседателот на синдикатот и му наоѓа семејни врски, дека татко му уште од времето бил во југословенска авијација и сл. А, се прави дека не гледа дека снаата на Артан Груби, дека сестрата на Бујар Османи и дека два зетовци и еден син на Ејуп Алими и на Беким Незири се вработени во М-НАВ“, истакна пратеникот и член на ИК на ВМРО-ДПМНЕ, Антонијо Милошоски во емисијата на радио „Лидер“.

Милошоски додаде дека со инцидентот во М-НАВ се нанесе голема штета на репутацијата на Македонија не само во регионот туку и пошироко.

„За жал тоа што се случи во М-НАВ нанесе голема штета на репутацијата на Македонија, не само регионално туку пред се во имиџот и перцепцијата на Македонија пред ЕУ. Бидејќи ова би требало да биде институција сосема надвор од семејни стебла, институција каде што ќе доминираат стандардите, строги стандарди кои што треба да се исти и во Лондон, и во Виена, и во Скопје, и во Берлин итн, појасни тој.

„Има една хипокризија токму кај министрите од ДУИ, еве да кажеме Артан Груби и Бујар Османи, на едниот сестра, а на другиот снаа вработени во М-НАВ. Јас навистина се чудам зошто овие двајца министри не ги понудија своите најблиски да работат во фабриката за електрични автомобили во Тетово“, запраша Милошоски.

Тој посочи дека ДУИ е сведена на партија која што има силен ПР, а од друга страна има слаба реализација на проекти. Ветуваат сега тунел Тетово – Призрен, а не можат да направат ни три километри од автопатот Скопје – Блаце.

The post Милошоски: Ковачевски се прави дека не гледа дека снаата на Груби, сестрата на Османи се вработени во М-НАВ, ДУИ се сведе само на ПР appeared first on Република.

Сестрата на министерот за надворешни работи Бујар Османи (ДУИ), снаата на вицепремиерот Артан Груби (ДУИ) и внукот на министерот за земјоделие Љупчо Николовски (СДСМ) се само дел од вработените во Македонската навијација, открива КОД по упадот во контролата на летање и „кошкањето“ на вработените.

Според премиерот Димитар Ковачевски оваа институција се претворила во семејна фирма каде се вработувале роднини и до трето колено. Во неговите зборови, меѓудругото, се пронајде и претседателот на Синдикатот на контролорите на летање Александар Тасевски, кој тогаш му порача на Ковачевски дека треба повеќе да се заинтересира за оние партиски вработувања каде кандидатите се примаат без конкурси, без квалификации, без знаење, кои ништо не работат или воопшто не доаѓаат на работа, а редовно земаат плата.

https://republika.mk/vesti/makedonija/tasevski-slobodno-neka-napravat-revizija-na-site-moi-litsentsi-kako-i-site-bev-prinuden-da-gi-pominam-site-obuki-i-kursevi/

Но, вчера КОД објави дека меѓу вработените во М-НАВ има и роднини на многу функционери и политичари. Меѓу вработените се и снаата и синот на поранешниот пратеник на ДУИ Ејуп Алими, внукот на советникот на директорот во М-НАВ Беким Незири (сега осомничен за упадот во контролата на летање), а извори на КОД тврдат дека е вработен и внук на заменик-министерот за внатрешни работи Назим Буши.

Роднините на Николовски и на Незири се вработени како помошници контролори, а во оперативниот дел работи и сестрата на министерот Бујар Османи. Останатите роднини работат во администрацијата на М-НАВ.

The post Сестрата на Османи, снаата на Груби, внукот на Николовски – кој сè е вработен во М-НАВ appeared first on Република.

„Според лица вработени во М-НАВ со кого Телма разговараше дојдовме до информација дека од неодамна е вработена сестрата на министерот за надворешни работи Бујар Османи, снаата на првиот вицепремиер и министер за политички систем и односи меѓу заедниците Артан Груби, снаи и синот на поранешниот пратеник од ДУИ Ејуп Алими, внук на советникот на директорот Беким Незири како и внук на министерот за земјоделство Љупчо Николовски“, посочија од „КОД“ во вечерашното истражување кое се емитуваше на телевизија Телма.

Тие додадоа дека според нивни извори во М-НАВ е вработен и внук на заменик министерот за внатрешни работи Назим Буши. Додека пак роднините на Незири и Николовски работат како помошници контролори, а во оператива е сестрата на Бујар Османи, а останатите се во администрацијата.

„Лабинот Ќерими еден од осомничените дека бил дел од групата на Беким Незири кои упаднаа во зградата на М-НАВ и нападнаа контролор исто така е поранешен вработен во М-НАВ и баџанак на Незири велат лица вработени во М-НАВ“, рекоа од „КОД“ во вечерашната емисија.

The post КОД: М-НАВ е семејна фирма на ДУИ – сестрата на Бујар Османи, снаата на Груби, внукот на Буши и многу други вработени во Македонската навигација appeared first on Република.

Основниот кривичен суд Скопје определи мерка домашен притвор за лицето осомничени за кривично дело - Загрозување на безбедноста на воздушниот сообраќај кое повеќе дена беше недостапно на органите на прогонот, а вчера беше лишено од слобода на граничен премин, соопшти денеска Јавното обвинителство.

Како што информираат оттаму, основното јавно обвинителство Скопје ќе вложи жалба на ваквата одлука.

Вчера, надлежниот јавен обвинител беше известен од МВР дека е пронајдено и лишено од слобода уште едно од лицата кои беа опфатени со наредбата за истрага за упадот во М-НАВ.

https://republika.mk/vesti/crna-hronika/priveden-ushte-eden-od-uchesnitsite-vo-sluchuvanata-vo-m-nav/

Претходно за упадот во М-НАВ домашен притвор беше одреден за четири лица, меѓу кои и Беким Незири советник во М-НАВ и функционер на ДУИ.

The post Изречен домашен притвор за уште едно лице за упадот во М-НАВ appeared first on Република.

ројцата инспектори на Државниот инспекторат за труд (ДИТ) ги докомплетирале документите и завршиле со разговорите во М-НАВ. Како што вели за МИА директорката на ДИТ, Весна Томовска, надзорот се уште трае, а наредната недела инспекторите ќе ја разгледуваат обемната документација од инспекцискиот надзор.

Значи нема повеќе да се оди кај работодавачот, сега ќе следи период на анализа на документацијата, разгледување и утврдување на фактичката состојба, вели Томовска.

Таа посочува дека се разгледуваат четирите последни огласи за вработување, како и дали синдикатот има најави за штрајк согласно Законот.

Последните огласи за вработување се четири, објавени се 21 работно место, а пополнети се 17 извршители. Инспекторите со синдикатот денес имаа разговори, го имаа и повикано синдикалниот претставник ги достави и тој потребните документи што им беа потребни на инспекторите во делот на тоа како се одвивале преговорите, дали е штрајкот најавен, дали имаат било каква документација во делот на нивните барања, дали се економско-социјални барањата, вели Томовска.

Таа посочи дека овие анализи ќе потројат најмалку една недела, затоа што какошто вели инспекторите навистина имаат обомена документацијата и секое досие треба да го разгледаат посебно.

Државниот инспекторат за труд во М-НАВ влезе по случувањата во оваа институција.

The post Трудови инспектори ја докомплетирале документацијата за случајот М-НАВ appeared first on Република.