Интересно беше на денешното рочиште за случајот „Вања и Панче“.Се поставува како полицијата два пати со исто комбе ги возела обвинетите Палевски и Кешиев додека тие си подавале ливчиња.

Во прата изјава на Кишишев пишуваше дека Палевски за време на убиствата спиел во штабот на партијата, а делата ги извршиле останатите обвинети, но не беше наведено кој пукал во Вања и во Панче.

– Влатко Кешишев на денешното судење даде појаснување за таа изјава. Тој ја негираше целосно изјавата и рече дека два пати бил транспортиран од затворот до судот и назад со првообвинетиот и при тој транспорт Палевски му дал ливче. Палевски од Кешишев побарал да го препише со свој ракопис, да стави потпис и да го пушти до Судот. Кешишев појасни дека чувствувал страв од првообвинетиот и поради тоа го стори тоа. Тој ја повлекува изјавата и сè што има да каже, ќе каже пред судот – рече адвокатот Ефремов.

Во врска со тоа дали ќе бара од МВР да не се повтори ваков транспорт на обвинетите, за да не може Палевски и натаму да влијае врз Кешишев, адвокатот рече дека по завршувањето на судењето, самиот судија побарал од затворската полиција отсега, па натаму, транспортот да се одвива со четири комбиња.

– Секој треба да се транспортира одделно, токму поради вакви влијанија, да немаат контакт едни со други. Дадената изјава може да биде предмет и на Обвинителството – рече Ефремов.

На прашањето дали обвинетиот Кешишев го има оригиналот што го напишал првообвинетиот Палевски, адвокатот Ефремов рече дека тоа ќе го остави на Јавното обвинителство да го открие, ако смета дека треба да отвори истрага.

Keшишов: Палчо ми даде ливче

Изјавата не е моја, ми беше дадено ливче да биде напишано со мој ракопис и да ви го дадам, изјави обвинетиот Влатко Кешишов на денешното судење во случајот со убиството на Вања Ѓорчевска и Панче Жежовски во врска со изјавата во која тој наведува дека Палчо нема врска со убиството.

Кешишов денеска рече дека тоа го сторил од страв.

- Еден од обвинетите што беше таму со мене ми даде ливче, требаше да напишам со мој ракопис и да го дадам на вас. И јас го направив тоа од страв. При транспортот во судот Палчо ми даде ливче, бидејќи бевме сами назад, на два пати нѐ пренесуваа сами, изјави Кешишев, откако неговиот адвокат побара тој да се произнесе по однос на изјавата која беше доставена на изминатото рочиште до судот во која стоеше дека обвинетитот Кешишов вели дека Палчо нема врска со убиството, туку дела тоа го сториле останатите тројца обвинети.

На прашање од Судот од кого се плаши, обвинетиот со одговор „воопшто“.

https://republika.mk/vesti/crna-hronika/keshishov-izjavata-ne-e-moja-palcho-mi-dade-livche-da-go-napisham-so-moj-rakopis/

The post Како се дозволило Палевски и Кешишов да се возат во исто полициско комбе и да си подаваат ливчиња? appeared first on Република.

Обвинителките Жаклина Крстевска Јосифовска и Ана Стојковиќ Димитровска во случајот со убиствата на Вања Ѓорчевска и Панче Жежовски пред денешното рочиште изјавија дека има материјални докази кои го поврзуваат првообвинетиот Љупчо Палевски-Палчо со двете убиства.

Има материјални докази кои го поврзуваат првообвинетиот Љупчо Палевски Палчо со убиствата на малолетната Вања Ѓорчевска и велешанецот Панче Жежовски, изјавија тие.

Во однос на тврдењето на обвинетиот Влатко Кешишов, кој го смени првичниот исказ и тврди дека Палевски не бил на местото на убиствата, туку спиел во партијата, обвинителките рекоа дека оваа изјава на Кешишов нема материјална вредност.

Оваа изјава нема доказна вредност, а обвинетите ќе имаат можност да дадат своја одбрана во текот на судењето, рече обвинителката Стојковиќ Димитровска.

Со сослушување на сведоци на предлог на Јавното обвинителство денеска продолжи судењето за двојното убиство на Ѓорчевска и Жежовски. На денешното судење треба да бидат сослушани сведоците Игор Јанушев, Зоран Абаз и Мирче Мирчевски.

Досега, на изминатите рочишта сведочеа мајката на Вања, ќерката на Жежовски и нејзиниот сопруг, како и повеќе лица вклучени во истрагата за двете убиства, меѓу кои инспектори и членови на политичката партија „Десна“. Беше сослушано семејството на таткото на Вања, како и повеќе познаници на обвинетиот Палчо.

На првото одржано рочиште, обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат за виновни.

Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп. Додека, грабнувањето на оштетениот Панче Жежовски во Велес било со намера да го присилат да им го даде сопственото возило „Цитроен“ за да го користат за грабнување на детето во Скопје.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено.
Судењето го води судијата Ивица Стефановски, а застапник на обвинението е обвинителката Жаклина Крстевска.

The post ОЈО првпат објави: Имаме материјални докази кои го поврзуваат Палчо со убиствата appeared first on Република.

Случајот со убиствата на Вања Ѓорчевска и Панче Жежовски, кој ја потресе Македонија не оди кон скора завршница. Јавноста веќе го осуди Палевски како сторител на двете убиства. Но, едно е јавност а друго се доказите кои засега ги нема или се многу тенки.

Досега ниту еден од сведоците не понуди доказ за тоа дека Палевски ги убил Вања и Панче, иако е сосема сигурно дека тој ја предводел групата во која се и останатите обвинети. Но, дали ја убил на така свиреп начин како што раскажа полицискиот инспектор ќе покаже понатамошниот тек на судењето.

На почетокот на процесот обвинителката рече дека поседуваат несоборливи докази дека Палевски е сторителот и дека од таткото на Вања дознал дека кобниот ден таа сама ќе оди на училиште, Но, засега таков доказ, пишан или пак телефонски разговор меѓу нив не е презентиран пред судот.Згора на тоа Палчо и Александар велат дека не се познаваат.

И најважното, досега не е пронајден пиштолот од кој Палевски наводно пукал во Вања и Панче.

Пропусти во истрагата има многу. Да почнеме со ред. Се сеќавате на онаа филмска прес конференција во МВР кога беше објавено дека Палевски е уапсен и кога тогашниот министер за внатрешни работи Оливер Спасовски во улога на инспектор одговараше на прашања.

На прашањето дали се земени парафински ракавици на осомничените тој избегна одговор и неуверливо рече дека е направено се што било потребно.

Со други зборови ги ослободија од одговорност за пукање без да обезбедат докази.

Полицијата, но и Обвинителството засега нема одговори и кој е конкретниот мотив да се убие Панче Жежовски.Не држи вода дека го убиле само да му ја земат колата со која подоцна е грабната Вања.

[caption id="attachment_729763" align="alignnone" width="514"] foto Srgan Nogo[/caption]

Треба да си навистина наивен да поверуваш дека без никаков страв ќе возиш автомобил кој згора на тоа е пријавен дека го нема неколку денови низ Скопје кога градот беше преполн со полиција поради самитот на ОБСЕ.

[caption id="attachment_818062" align="alignnone" width="640"] Влатко Кешишов[/caption]

Целосен пресврт во овој случај може да донесе вчерашната писмена изјава на Влатко Кешишов, еден од обвинетите. Тој си ја поби првичната изјава дека Палчо ги убил Панче и Вања. Кешишев сега вели дека Велибор Манев а не Палевски е сторителот на двете убиства.

По сево останува прашањето дали јавноста по кој знае кој пат е публика на добро режирана театарска претстава? Сака ли некој со сила да го стави или извади Палчо од затвор?

The post Сака ли некој со сила да го стави или спаси Палчо од затвор? appeared first on Република.

На рочиштето за случајот со убиствата на Вања Ѓорчевска и Панче Жежовски се случија неколку значајни моменти.

Првото е сведочењето на Стефан Димковски, пријателот на Палевски кој рече дека немал впечаток дека тој бега. Сепак му било чудно што тој е блед како крпа кога веќе се расчуло за грабнувањето на девојчето.

Ако мене некој ми лепи ваква работа и јас би бил блед како крпа, рече сведокот на прашање на обвинителството.

https://republika.mk/vesti/crna-hronika/vozachot-na-palcho-ako-mene-nekoj-mi-lepi-takva-rabota-i-jas-bi-bil-bled/

Стефан го однесол Палчо до градот Баликесир. Таму ги чекал извесен Усеин кој зборувал македонски јазик и кој требало да го носи Палевски по доктори. Палчо изнајмил куќа за 150 долари, а како што му рекол планира да остане три месеци.

Со себе имал три торби, а како што му рекол на пријателот во едната имал и опрема бидејќи сакал оттаму да прави поткасти.

Куќата  беше изнајмена на три месеци.Ми рече дека така е поефтино отколку да оди во хотел а тука е и Хусеин кој ќе му се најде - објасни Димковски.

https://republika.mk/vesti/makedonija/keshishev-se-predomisli-palcho-ne-bil-so-niv-koga-se-sluchile-ubistvata/

The post Палчо планирал во Турција да седи три месеци, изнајмил куќа во Баликесир appeared first on Република.

Пресвртница на денешното рочиште за убиствата на 14-годишната Вања Ѓорчевска и на 74-годишниот Панче Жежовски. Обвинетиот Влатко Кешишев доставил изјава преку затворот до судот, во која тврди дека првообвинетиот Љупчо Палвески Палчо не бил со другите обвинети кога се случиле киднапирањата и убиствата, туку спиел во штабот на партијата Десна.

Кешишев тврди дека едниот од обвинетите, Велибор Манев, им се заканувал и вршел притисок првично да каже дека Палевски е организатор и дека тој пукал. Според неговата нова изјава, само тој, Боре Видевски и Манев биле заедно на местата на настаните во Велес и Скопје.

На крајот од денешното рочиште на кое сведочеа тројца сведоци, судијата ја подели писмената изјава на Кешишев на адвокатите на сите обвинети. За оваа изјава не беше запознаен ниту адвокатот на Кешишев.

Адвокатите не ја коментираа изјавата, само рекоа дека сите обвинети ќе се соочат еден со друг во текот на судењето и дека тогаш ќе се расчисти работата.

https://republika.mk/vesti/makedonija/ne-znam-shto-mi-smislil-oliver-spasovski-mozhebi-ke-treba-da-baram-politichki-azil-vo-belorusija-mu-rekol-palcho-na-prijatelot/

Денеска сведочеше и Стефан Димковски, основач на партијата Десна и човек кој од Србија преку Бугарија, со кола го однел Палевски до Турција.

Палевски му се јавил на први декември лани, откако според обвинението, на 27 ноември ја киднапирал, убил и веќе ја закопал и Вања.

„Ми рече да го земам од Србија, да го вратам назад во Скопје“, сведочеше Димковски кој потоа, откако Палевски сменил план, го одвезол во Беликесир, Турција.

Јас стигнав околу 16 часот во Белград. Го зедов од хотел во центарот. Веднаш тргнавме назад кон Скопје. И некаде по пат застанавме на ручек, бидејќи јас бев гладен. Додека се возевме, ми кажа дека бил во Белград да договори нешто за 12-ти декември, кога требаше да биде годишнина од партијата“, одговараше сведокот.

Но, Палевски го сменил планот. Му кажал, да не чекаат лет за Истанбул за утре, туку ако е одморен, да го префрли со кола до Истанбул“.

Палевски во Турција купил нова сим-картичка и изнајмил куќа за 3 месеци.

Пред да замине од Турција, Димовски забележал дека Палевски е вознемирен. Го прашал што му е, му кажал дека имало апсење, полицијата го истражува пикапот и дека го мешаат и него. Му наброил кои од партијата Десна ги уапсиле, па ги пуштиле. Палевски му кажал дека „го местат“.

https://republika.mk/vesti/crna-hronika/vozachot-na-palcho-ako-mene-nekoj-mi-lepi-takva-rabota-i-jas-bi-bil-bled/

Судењето продолжува в понеделник.

The post Кешишев се предомисли, Палчо не бил со нив кога се случиле убиствата appeared first on Република.

Стефан Димковски, пријател на првоосомничениот Љупчо Палевски Палчо, човекот кој го возел од Белград во Турција, на денешното рочиште за убиствата на Вања и на Панче, рече дека пред да си замине за Македонија забележал дека Палевски е вознемирен и блед како крпа. Затоа и го советувал да се врати и да си расчисти.

Ако мене некој ми лепи ваква работа и јас би бил блед како крпа, рече сведокот на прашање на обвинителството.

На доручекот во Беликесир, турскиот град каде беше уапсен Палчо, Димковски му дал совет да се врати во Македонија на што овој одговорил:

Да, но треба да видам да не завршам во притвор во Турција.

The post Возачот на Палчо: Ако мене некој ми лепи таква работа и јас би бил блед appeared first on Република.

Јас сум еден од основачите на партијата Десна изјави денеска сведокот Стефан Димковски. Со Палевски се познаваме од 2017 година, а комунициравме преку Фејсбук, Телеграм и на телефон, рече сведокот на рочиштето.

-Палевски ми се јави на први декември на Телеграм и побара да го земам од Белград каде ми рече дека е на прегледи. Се согласив. Рече дека треба да го вратам во Скопје. Медицинска документација не видов дали носеше. него имаше два, телефони, од кои еден странски број, српски.

Пред Ниш му рекол дека мора да влезат таму.

Зборуваа со адвокатот Влатко. Тогаш ми кажа дека се променил планот и дека ќе мора да оди во Турција на операција. Ми понуди да го "џитнам" за Турција. Ми рече да го однесам до некој Турчин кој знаел македонски и тој ќе го носел по клиники. Во која болница не ми кажа-објасни сведокот.

На граничните премини немале никакви проблеми, единствено Палевски на бугарската граница го повикале да даде адреса каде ќе престојува. Во Турција се сместиле во некоја куќа.

Ми рече дека куќата ја земал под наем за 150 евра за три месеци. Тоа беше една стара куќа. Со себе имаше три торби. Ми рече дека една торба е со опрема и оти планирал и оттаму да прави поткаст-објасни сведокот кој на трети декември си заминал од Турција.

-Пред заминување ми кажа дека имало некави "дешавки" за девојчето во Скопје што е исчезнато и оти му го лепат него- откри сведокот.

Вечерта сведокот открил што се случило од линкови што му ги праќале пријатели.

-Кога, видов се, онесвестив во хотелот да ви кажам право. Му се јавив на Палчо да го прашам што се случило и тој ми рече дека е "сачекуша" голема, откри сведокот.

Додека биле во Турција му рекол нешто невообичаено.

-Не знам, што ми смислиле овие, можеби ќе треба да размислувам за политички азил во Белорусија. Не знам што ми смислил Оливер Спасовски-му рекол Палчо на Димковски.

The post Не знам што ми смислил Оливер Спасовски, можеби ќе треба да барам политички азил во Белорусија, му рекол Палчо на пријателот appeared first on Република.

Љупчо Палевски бараше од мене да го прашам мојот другар, кој е имотен, да инвестира, да се заврши зградата „Тифани", изјави Ламбе Вучков, сведок на обвинителството, кој е поранешен полицаец, на рочиштето за убиствата на Вања и Панче.

Вучков се присети дека во тој период Палевски бил слаб со пари. Затоа, Палчо на другарот на Вучков му ги понудил локациите за згради во Центар за кој тврдел дека имал добиено одобрение за градба, но подоцна се покажало дека не постојат како локации.

15.000 евра кои познаник требало да ги однесе кај Палчо, 3.000 си ги ставил во џеб. Парите до ден денеска не се вратени. Му кажав подоцна дека парите што се дадени треба да бидат вратени бидејќи од локациите нема ништо, објасни сведокот.

Секогаш кога ќе се виделе Палчо го убедувал дека и тој чека некои пари и оти сигурно ќе му ги врати.

Му се јавил потоа и од Белград и му рекол оти Влатко Кешишев го информирал оти во партијата го барала полиција и дека дошле да земат некое возило пикап.

На почетокот на декември Палевски му се јавил и од Турција.

Ми кажал дека заминал во Турција по работа, се присети Вучков.

Вучков потврди дека Палевски се уште должи пари бидејќи тој морал да земе кредит да му ги даде на другарот бидејќи тој бил еден вид гарант.

Вучков на полициски функционери им кажал дека има контакт со Палевски и да му се обратат за да им каже каде е.

Но, никој не ми се јави мислејќи дека ќе направат којзнае каков случај. Јас сум следен шест месеци по базни станици, откри сведокот.

https://republika.mk/vesti/crna-hronika/den-po-grabnuvaneto-na-vana-palcho-popraval-parno-kaj-prijatel/

The post Поранешен полицаец тврди: На полициски функционери им кажав дека знам каде е Палчо, никој не ми се јави туку само ме следеа appeared first on Република.

На 27 ноември минатата година целиот ден го барав на „Фејсбук“ за да ми го среди парното, поточно котелот, но ми рече дека е настинат. Дојде следниот ден, но не ми кажа каде бил претходниот, објасни на денешното рочиште за убиствата на Вања Ѓорчевска и Панче Жежовски сведокот Ерол Османи, пријател на првоосомничениот Љупчо Палевски - Палчо.

Ќе дојдам бе сабајле, одма сум подобар, како камион да ме згазил, му напишал Палевски на Османи на 27 ноември во вечерните часови.

Според сведокот, кај Палевски не забележал ништо невообичаено во однесувсњето кога дошол кај него дома.

Но, забележал дека на возилото со кое дошол била удрена вратата од возачката страна.

Никогаш не забележав да носи пиштол, рече сведокот.

Кога дошол кај пријателот Палчо го отворил редукторот и го поправил парното.

Палчо дури и не ми зема пари за сработеното, се присети Османи.

The post Ден по грабнувањето на Вања, Палчо поправал парно кај пријател appeared first on Република.

Со семејството Ѓорчевски сме старо кумство и сме во добри односи, згора на тоа Александар работеше во „Фершпед“, каде јас бев Генерален директор, објасни на денешното рочиште сведокот Кираца Трајковска.

Александар и Гоце се немаа видено десет години. Гоце дури на почеток не знаеше кое е девојчето што е киднапирано, откри мајката на неколкупати споменуваниот во истрагата - Гоце Трајковски.

https://republika.mk/vesti/crna-hronika/kumashinot-gotse-ne-se-pojavi-kako-svedok-majka-mu-pred-sudot-go-opravdala-deka-imal-panichni-napadi/

Таа и ги споила старите кумови повторно да почнат да комуницираат. За Александар знаел дека е мирен и повлечен, а дека синот имал многу контакти.

Гоце одеше по куќи и згради каде што имаше камери и гледаше. Синот забележа дека нема камера на аголот меѓу зградата и хотелот. Беа убедени дека девојчето не излегло од зградата, откри Трајковска.

Во прегледите на снимките Александар и Гоце забележале едно сомнително пик-ап возило кое било пред зградата, но тогаш се уште не знаеле дека тоа е на Панче Жежовски.

Гоце ми направи и скриншот од „цитроенот“. Подоцна се распрашав кај некои луѓе во Велес и разбрав дека му припаѓа на Панче Жежовски кој беше исчезнат, рече Трајковска.

Трајковска потвдри дека се знаат со Палевски особено откако се оженил со нејзина втора братучетка.

Знаев и дека Ванчо, таткото на Зорица, станот го има купено од Палчо, но на кој начин и дали му дал некои поволности не знам, објасни Трајковска.

Обвинетиот Палчо ја праша Трајковска дали мисли дека тој може да ја убие Вања?

Таа одговори: Не, ако причина биле парите

The post Кираца Трајковска: Не верувам дека Палчо ја убил Вања, особено не ако причина биле пари appeared first on Република.

Васко Стојков, адвокатот што го возеше Љупчо Палевски - Палчо, сведочејќи на денешното рочиште за убиствата на Вања Ѓорчевска и Панче Жежовски, потврди дека на 30.11 претходната година бил со него во Белград.

Неколку дена претходно, во стан во населбата Аеродром кај „Ред кафе“, за кој подоцна дознал дека е на пријател на Палевски, паднал договор да го вози за Србија на прегледи со негово лично возило. Стојков, и самиот член на Десна, вели дека се согласил да го вози во Белград бидејќи имал неколку слободно денови, а биле и пријатели.

Често и му позајмувал пари, бидејќи Палчо имал кредити и за три години сумата достигнала 20.000 евра.

Тој имаше доверба во мене и јас во него, објасни адвокатот.

Кога тргнале за Белград, Палчо му рекол дека сака да си види за здравјето во Србија, а можно е да оди и на „нож“ во Турција. Но, тој не споменал конкретен доктор или болница каде ќе оди.

По пат разговарале за кривичните пријави што Десна ги поднела за функционери на претходната власт за Чебрен и Галишта.

Велешко возило постојано се лепи зад комбето мое. Ова личи на бате Саше, се пожаил Палчо на пријателот.

По вечерата отишле во хотелот „Таш“, го сместил и Васко тргнал назад за Скопје. Следниот ден, му се јавил и му кажал дека оди во Турција и оти нема да присуствува на Централниот комитет на партијата.

Кога му јавиле дека возилото „рено кангу“ се проверува од полицијата за некаков крвен деликт, за што разбрал од сопствениците на автомобилот, во текот на ноќта му јавиле дека се прави претрес во партијата и оти треба да дојде.

Отишол во седиштето и на полицијата веднаш им станала сомнителна регистарската ознака на возилото и го прашале кога последен го видел Палевски.

Кажав дека го возев во Белград и ми побараа да му се јавам на телефон. Следниот ден ми се јави и му кажав дека има апсења во партијата, објасни адвокатот.

Во текот на распитот во полициска станица случајно се јавил Палевски. Полицајците побарале да го праша каде се наоѓа и тој рекол во Турција. Инспекторите сето ова го слушале.

Инспекторите од Стојков побарале да го праша Палевски каде бил на 27 ноември и тој давал конфузни одговори.

Не се сеќавам, што ден беше, можно е да сум бил во Дебар Маало, му рекол Палевски на Стојков.

Кога повторно се слушнале со Палевски за време на распитот во полиција, адвокатот веќе говорел по насоките на инспекторите.

Ти си веќе осуден овде, мораш да дојдеш да дадеш изјава. Тој рече „Знаев дека ќе наместат“, објасни адвокатот.

Инспекторите на Стојков му дале фотографија од една жена и го прашале дали ја познава. Тој рекол дека не ја познава, а на фотографијата била Зорица Ѓорчевска.

Ме прашаа дали Палевски имал љубовница. Јас реков не знам. Во тој контект ми ја покажаа фотографијата, се присети адвокатот.

The post Сведочи адвокатот на Палчо: Ми рече „Знаев дека ќе наместат“ appeared first on Република.

Кристијан Плодников, член на партијата Десна на денешното рочиште за убиствата на Вања Ѓорчевска и Панче Жежовски објасни какво било однесувањето на лидерот Љупчо Палевски - Палчо, првоосомничен за злосторствата. Кристијан објасни дека Палчо собирал донации, најмногу од дијаспората за опремување на студиото каде се снимале поткастите.

Кристијан, кој и самиот беше приведен, што според неговите зборови било „како во филмот „Тетовирање““, потврди дека Палевски поседувал пиштол се додека полицијата не му го одзела.

Пиштолот го гледав кај Палчо во штабот кај Шампионче. Пиштолот го гледав кај него, во фиока, на биро, блуску до него. Така беше се додека полицијата не му го одзеде бидејќи дозволата му била за поседување, но не и за носење, раскажа сведокот.

The post Член на Десна потврди: Палчо постојано носеше пиштол appeared first on Република.

Ѓорѓи Ѓолев, претседател на Централното претседателство на партијата Десна, на денешното рочиште за убиствата на Вања Ѓорчевска и Панче Жежовски го објасни односот кој го имал со осомничениот Љупчо Палевски-Палчо.

Тој рече дека со него имале интензивна комуникација за активностите во партијата и оти често во просториите ги забележувал и останатите обвинети, кои според него имале поданички однос кон Палевски и никогаш не му се спротивставувале.

Како, да му се умилкуваа. Влатко дури таму правеше кафе и јадење, се присети сведокот.

[caption id="attachment_818062" align="aligncenter" width="1600"] Влатко Кешишов[/caption]

Ѓорѓи и Љупчо се слушнале и на денот кога сведокот бил повикан на распит во полиција.

Разговаравме кратко и му кажав дека сум повикан за нешто во врска со возилото на сопругата, откри тој.

На прашање на судијата како разговарале тој одговори на Телеграм.

Претходно сопругата на Ѓолев сведочеше зошто нивното возило „рено кангу“ се нашло во рацете на Панчо и останатите.

https://republika.mk/vesti/crna-hronika/palcho-go-vozel-kanguto-bez-polnomoshno-vo-partijata-chuval-pishtol/

The post „Имаа поданички однос кон Палчо, Влатко дури и му правеше за јадење“, откри Ѓолев од Десна appeared first on Република.

Денеска судењето за двојното убиство на малолетната Вања Ѓорчевска и велешанецот Панче Жежовски продолжи со изведување на докази од страна на Обвинителството во Основниот кривичен суд Скопје.

Вида Ќириќ, сопственик на возилото „рено кангу“ кое беше користено при грабнувањето на Вања и Панче, раскажа како нејзниот автомобил се нашол во центарот на вниманието.

Кога Вида и сопругот Ѓорги Ѓолев заминувале да живеат на Исланд го дале на партијата Десна чиј член бил сопругот. Но, за тоа немало никаков документ.

Возилото беше дадено како донација на користење, не потпишавме никаков документ, објасни Ќириќ.

Сопругот Ѓорги исто така се согласил возилото да се отстапи на Десна за да им се помогне во селењето во новите простории кај Железничка. Со Палчо се слушале повремено на социјалните мрежи додека бил на Исланд.

Немаше причина зошто им го дадов возилото, но немавме потпишано полномошно. Не е ништо невообичаено да се даде возило на користење, рече Ѓолев.

Во стариот штаб на партијата во Кисела Вода каде што спиел Палчо сведокот видел пиштол во футрола.

Претпоставувам дека пиштолот бил на Палевски, рече сведокот.

https://republika.mk/vesti/crna-hronika/da-mu-pratime-poraka-na-ilon-mask-da-ja-najde-vana-preku-satelit-predlagal-tatkoto-aleksandar/

На минатите рочишта сведочеа мајката на Вања, Зорица Ѓорчевска, ќерката на Жежовски, Ана Киркова и нејзиниот сопруг, Тодор Кирков, како и повеќе лица вклучени во истрагата за двете убиства.

На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат за виновни.

Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп. Додека, грабнувањето на оштетениот Панче Жежовски во Велес било со намера да го присилат да им го даде сопственото возило „Цитроен“ за да го користат за грабнување на детето во Скопје.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено.

Судењето го води судијата Ивица Стефановски, а застапник на обвинението е обвинителката Жаклина Крстевска.

The post Палчо го возел „кангуто“ без полномошно, во партијата чувал пиштол appeared first on Република.

Досегашните рочишта за случајот на убиствата на Вања Ѓорчевска и Панче Жежовски укажуваат на можна поврзаност на таткото на девојчето, Александар Ѓорчевски со првосомничениот Љупчо Палевски.

Тоа го тврдат двајцата началници Музефер Калишиќ и Дејан Димовски кои сведочеа дека однесувањето на Александар било во најмала рака чудно и дека имале впечаток оти тој се интересира какви информации има полицијата за него.

Димовски вчера истакна дека токму осомничените Велибор Манев и Боре Видевски му кажале дека Палчо е сторителот на двете убиства. Згора на тоа, според тврдењето на Велибор и Боре, токму таткото Александар му кажал на Палчо дека Вања ќе оди на училиште без помалата сестра Миња.

Но, едно е тврдење а друго доказ. Ќе видиме дали во текот на расправата Обвинителството ќе понуди доказ дека Александар му кажал на Палчо дека Вања тој ден ќе оди сама на училиште.

Симптоматично е тоа досега никој не потврди дека имало барање за откуп на девојчето кон семејството иако Александар во порака која по грешка ја испратил во школската група на Вања напишал „само кажете колку пари треба“. Пораката веднаш ја избришал.

Палчо вчера го праша  Димовски дали е откриена комуникација меѓу него и Александар?

Началникот кратко одговори - Не.

The post Освен сведочењето на обвинетите Велибор и Боре, засега нема друг доказ дека Палчо од таткото на Вања дознал кога таа ќе излезе од дома appeared first on Република.

Ристе Самарџиев, началник во СВР Велес, на денешното рочиште сведочеше  за грабнувањето и за убиството на Панче Жежовски.

Потрагата по фризерот траела десетина дена, а биле прегледани и камерите од бензиските станици. На една од нив бил забележан Жежовски со уште едно лице.

Случајот почнал да се разјаснува кога во околината на Скопје бил пронајден опожарениот „цитроен“ на Жежовски.

Клучната информација за Жежовски ја открил обвинетиот Велибор Маневски откако бил уапсен, за што велешката полиција добиле наредба од колегите од Скопје.

Токму Маневски ги однел до местото каде што е закопан Жежовски.

Нè однесе во месноста викана Кула по пат од макадам. Точно знаеше каде нè води. Нема шанси да се пронајде ако некој не ви каже, се работи за дупка обрасната со дрва. Велибор кажа дека сите биле присутни, а пукал Палевски, објасни началникот.

The post Палчо пукал и во Панче Жежовски, Маневски им го покажал гробот appeared first on Република.

Адвокатот Маријан Витановски, кој го брани првообвинетиот Љупчо Палевски-Палчо, за убиството на Вања Ѓорчевска и Панче Жежовски по денешното рочиште изјави дека од сведочњето на мајката на девојчето како и на ќерката на велешанецот не произлегло дека на било каков начин е поврзано со неговиот штитеник.

Ѓорчевска изјави дека не ги познава ниту еден од обвинетите ниту пак се сомнева дека нејзиниот сопруг имал било каков контакт со Палчо.Сличен исказ даде и Ана Киркова кој рече дека не ги знае обвинетите освен Велибор Маневски и оти имале некакви недоразбирања и судски постапки со нејзниот сопруг-објани Витановски.

The post Адвокатот на Палевски: Ѓорчевска изјави дека не ги познава ниту еден од обвинетите ниту пак се сомнева дека нејзиниот сопруг имал било каков контакт со Палчо appeared first on Република.

За време на нејзиното сведочење за убиството на нејзината ќерка, Зорица Ѓорчевска од страна на адокатот на Љупчо Палевски беше прашана дали го познава Палчо. Таа рече дека не го познава лично, но оти знае кој е.

Татко ми од неговата фирма УПА го купи станот за што комплетната документација е предадена во Обвинителството. Знам и дека неговата фирма имаше канцеларија на поткровјето од зградата, рече Зорица.

Претходно додаде и дека не ги познава останатите обвинети и дека не е скарана со Александар, нејзиниот поранешен сопруг.

По ова излагање, адвокатот на таткото на Вања рече дека се откажуваат од тоа Зорица да биде и нивен сведок наместо само на Обвинителството.

https://republika.mk/vesti/crna-hronika/roditelite-ja-identifikuvale-mrtvata-kerka/

The post Зорица знае кој е Палчо, но не го познава лично ни него ни останатите обвинети appeared first on Република.

Првообвинетиот Љупчо Палевски, за убиството на малолетната Вања Ѓорчевска и велешанецот Панче Жежовски, денеска, во Основниот кривичен суд се произнесе дека не се чувствува виновен и дека Основното јавно обвинителство извршува политичка наредба.

Палевски пред Судот истакна дека во постапката како докази се ставени повеќе од 100 ДНК траги, а дури деведесет проценти од неговите приложени докази се користат против него, посочувајќи дека тоа се докази кои МВР Форензика ги има изготвено по наредба на Обвинителството.

– На 1 декември имам јавна објава на мојот Фејсбук профил, каде сум што правам и така натаму. Во хотелот се пријавив и одјавив регуларно со моја патна исправа и тргнав на пат за да направам магнетна резонанца на мојата половина, бидејќи 70 проценти од мојата половина не е во функција. По 10 месеци, од моите приложени докази, обвинителството ги злоупотребува и МВР Форензика по наредба на обвинителството изготвува материјални докази. Не може да ме убеди обвинителството дека нема наредба за политички монтирано судење, затоа што многу добро знае обвинителството. Како тоа не можеле да ја видат целосната слика за овој кривичен настан, па дури на 20 мај мојата ДНК е ставена во систем, рече Палевски.

Содржината на обвинението, вели Палевски, е заснована на лажен исказ на еден од обвинетите кој сака, како што рече, да избегне доживотен затвор за злосторството кое е направено.

– Целата оваа содржина на обвинение е заснована на лажен исказ на еден од обвинетите, кој сака да избегне доживотен затвор за вакво злосторство кое е направено. Сите материјални докази ги побиваат овие приказни кои се содржина на ова обвинение. Одбраната не барала вештачење на биолошки траги. Ова е лицемерие. По се што објавија, не чувствувајќи ништо за мајката на Вања, сите видеа и слики што беа објавени по порталите беа во просториите на Обвинителството и од таму излегоа сите слики од „Смарт сити“, и токму обвинителството погрешно ги брифираше медиумите. Тогаш обвинителството не се секираше за душевната состојба на мајката на Вања, па по 10 месеци кога треба да ги соочиме сите докази, тогаш сака да биде исклучена јавноста, рече Палевски.

Според Палевски, таткото на малолетното девојче, Александар Ѓорчевски е наместен од полицијата за да се изготви некаков лажен мотив и врска помеѓу нив двајца. Палевски пред Судот рече дека не го познава Александар, а ниту пак, Обвинителството докажало некаква врска помеѓу нив двајца.

https://republika.mk/vesti/crna-hronika/kontradiktorni-se-izjavite-na-palevski-deka-ne-se-poznava-so-takoto-na-vana-i-na-obvinitelstvoto-deka-tokmu-aleksandar-mu-kazhal-deka-pomalata-kerka-podotsna-ke-odi-na-uchilishte/

– Овој родител, наместо да плаче по своето дете, од полицијата е наместен за да се изготви лажен мотив и врска меѓу мене и него. Јас не го познавам Александар. Јас бев киднапиран првите 7 дена. Ме донесоа на 15 мај во затворот во Скопје, но 7 дена не добив никаков акт. После ме донесоа со медиуми, со „калашникови“, 6 дена ме држеа, судијата на претходна постапка Душан Јосифов изврши кривично дело. Ова е политичко монтирано судење, рече Палевски.

The post Палевски: 70 проценти од мојата половина не е во функција appeared first on Република.

Започна судењето за случајот кој ја потресе Македонија. Кон крајот на минатата година бевме во шок од грабнувањето, а потоа и од убиството на малата Вања Ѓорчевска како и од убиството на велешкиот фризер Панче Жежовски.

Но, на првото рочиште, јавноста остана со многу недоумици за односот на таткото на Вања и првообвинетиот Љупчо Палевски. Палчо како да се обидуваше да го заштити со изјава дека воопшто не се познаваат со Александар, а камоли дека комуницирале на 27 ноември кога девојчето беше киднапирано во влезот на зградата каде што живеело со мајка си и сестра си.

Палевски дури тврди дека Александар е наместен од страна на полицијата за да направи слика дека тие редовно биле во контакт.

Спротивно на тоа, обвинителката Крстевска во своето излагање тврди дека токму Ѓорчевски му јавил и на 24 ноември кога првично требало да биде грабнато девојчето и три дена подоцна кога грабнале пред влезот во зградата.

„Велибор Манев, Боре Видевски и Влатко Кешишев со колата на претходно убиениот Панче Жежовски дошле пред зградата на Вања. Влатко Кешишев чекал во колата, а другите двајца со штрафцигер ја отвориле вратата и со вреќа за спиење во сутеренот ја чекале Вања. Кога таа излегла од лифтот, ја грабнале, ѝ ставиле трака на устата, ѝ ги врзале рацете и нозете со пластични стеги и ја ставиле во вреќата. Ѝ се заканувале за да не вика. Потоа ја ставиле Вања во багажникот на колата, на Партизанска ѝ го скршиле телефонот за да нема сигнал и се упатиле кон Качанички Пат. Во Визбегово се сретнале со Палчо и сите заедно продолжиле кон селото Бразда, каде што ја убиле Вања. Обвинетите во претходно ископана дупка ја ставиле Вања со врзани раци и нозе. Палчо, според обвинителството, со пиштол преку перница пукал во главата на Вања и ја убил. Потоа го закопале телото, а колата ја запалиле - објасни обвинителката.

Текот на судењето ќе покаже кој ја говори вистината. Дали обвинителстото, за кое веруваме дека има доказ за разговорот меѓу Палевски и Ѓорчевски или првобвинетиот.

Таткото на Вања пак денеска не беше јасен дали се знае со Палевски туку само изусти дека сака да се дознае вистината, дека ќе соработува и ќе говори со имиња и презимиња.

https://republika.mk/vesti/crna-hronika/so-shtraftsiger-ja-otvorile-vratata-i-so-vreka-za-spiene-vo-suterenot-ja-chekale-vana-da-izleze-od-stanot/

The post Контрадикторни се изјавите на Палевски дека не се познава со такото на Вања и на Обвинителството дека токму Александар му кажал дека помалата ќерка подоцна ќе оди на училиште appeared first on Република.