Посетителите на забавен парк во Мексико останаа да висат речиси 61 метар во воздух поради страшен инцидент кој за малку ќе ги чинеше живот.

За време на невреме кое ненадејно се спуштило во градот, посетителите кои биле на вртелешка биле принудени да останат да висат во воздух, откако вработените во забавниот парк го исклучиле возењето поради лошото време.

Според снимениот материјал, заглавените посетители останале да висат додека околу нив се спуштал темен облак, а имало дожд и ветер. Наведено е дека дури 32 лица останале заглавени на возењето кое нормално се движи со брзина од околу 64 километри на час.

Почна да врне и останавме заглавени на небото“, вели еден од учесниците во настанот.

 

View this post on Instagram

 

A post shared by Daily Mail (@dailymail)

Не е јасно колку време поминале во воздух, висејќи од таа височина, но од забавниот парк наведуваат дека посетителите биле спасени по кратко време и дека немало повредени учесници.

Видеата набргу по драмата станаа вирални на социјалните мрежи, каде што повеќето корисници се согласуваат дека тоа „е луна парк од кошмарот“, додека има и такви кои се согласија дека самото возење е застрашувачко.

Тоа возење ме ужаснува. Чувствувам дека сигурносниот синџир е само една тенка нишка која лесно може да се скине“, пишува еден корисник под видеото.

The post Посетителите на забавен парк останале да висат 60 метри во воздух додека околу нив беснее невреме appeared first on Република.

Деветнаесетгодишно момче загина по пад од височина во луна парк во Пефкохори, Халкидики. Несреќата се случила вчеравечер откако столчето на справата на која седел се скршило. Брзата помош пристигнала брзо и тој бил итно пренесен во болницата во Полигирос, но им подлегнал на тешките повреди.

Младиот човек дошол со семејството на Халкидики и сите заедно отишле во забавниот парк. Во еден момент му пукнала столицата на апаратот на кој седел. Полесно повреден е и неговиот 16-годишен брат, кој седел до него.

Според неговите изјави за грчките медиуми, справата се движела многу брзо.

Полицијата веднаш реагирала и го привела сопственикот на забавниот парк. Истрагата ќе покаже дали несреќата е резултат на човечка грешка, технички дефект или несоодветно одржување на апаратите.

The post Трагедија во Пефкохори, загина 19-годишник по пад во луна парк appeared first on Република.

Град Скопје сè уште е без Луна Парк за кој неколку пати во изминатите години се најавуваше дека ќе биде готов и пуштен во употреба.

И покрај последната најава дека Луна Паркот ќе биде готов на есен 2022 година, сепак такво нешто не се случи, а засега не е познато кога градот ќе го комплетира проектот.

Состојбата на терен покажува дека можеби постојат реални шанси нашите деца да го посетат со нивните деца некаде во 2053 година.

https://republika.mk/vesti/skopje/luna-parkot-stoi-ograden-zapushten-i-obrasnat-so-treva-nikoj-od-nadlezhnite-ne-znae-koga-ke-proraboti/

The post Ако имаат среќа, скопјани може да се надеваат дека ќе имаат Луна Парк во 2053 година appeared first on Република.

Од некогашно место за забава, до најголемо ругло денес, во зеленото срце на македонската метропола. Некогашното место каде израснаа и се забавуваа десетици генерации, повеќе од деценија е оставено во заборав. Скопскиот Луна парк некогашната главна атракција и натаму е само сеќавање за некои минати поубави времиња, анализира Телевизија Алфа.

Она што се затвори, требаше одамна да стане ново и модерно. Но, уште во старт, работите заглавија. Коце Трајановски го почна, Петре Шилегов го заборави, а Данела Арсовска целосно го запостави проекто за луна паркот, велат од Алфа.

Ако се суди според досегашното искуство, најверојатно ниту годинава забавниот парк нема да проработи. Иако градоначалничката Данела Арсовска откако дојде на фунцкија најави дека луна паркот ќе биде пуштен во употреба со 7-те реквизити набавени уште во времето на ексградоначалникот Коце Трајановски, до денес нема ништо од тоа.

Граѓаните се жалат дека Скопје нема места за забава и со душа чекаат место за рекреација, посебно за најмладите. Велат дека освен во Градскиот парк, децата немаат каде да ги однесат. Единственото забавно катче што сега Скопје го има е овој мал рингишпил со една вртелешка во Градскиот парк.

Најавата на градските власти по се изгледа ќе чека подобро време. Освем што ништо нее мрднато од мртва точка, туку и на терен не се работи ништо, односно не е почнато ниту партерното уредување. Просторот стои ограден, запуштен и обраснат.

Алфа писмено прашала во Град Скопје како тече динамиката на подготовка на Паркот и кога граѓаните може да го видат, но од таму и по една недела, одговор нема. Арсовска претходно кажа дека проектот е во завршна фаза и наскоро ќе почнело партерното уредување.

Инаку Скопје нема забавен парк повеќе од седум години. Ексградоначалникот Петре Шилегов по доаѓањето на функцијата го прекина проектот почнат од неговиот претходник Коце Трајановски, со образложение дека не бил добар и дека во Скопје наместо луна парк ќе се градел забавен парк, но сетоа тоа остана само на ветување.

Според проектот, забавниот парк треба да се димензионира за да опслужува околу 3.000 посетители дневно. Предвидено е поставување забавни реквизити од кои дел се адреналински, најголемиот број се за деца, а ќе има и неколку семејни. Во просторот треба да се предвидат и пропратни содржини како место за храна, фонтана, билетара, продавница за сувенири, тоалети. Сето тоа, според проекциите на Градот, би чинело околу 12 милиони евра.

The post Луна паркот стои ограден, запуштен и обраснат со трева, никој од надлежните не знае кога ќе проработи appeared first on Република.

Град Скопје го донесе буџетот за 2023 година. За него вчера расправаа советниците во Град Скопје, а беа поднесени и поголем број амандмани од ВМРО-ДПМНЕ и СДСМ.

Од локалната самоуправа информираат дека е донесен развоен буџет со социјална компонента и со мерки за домаќинско и штедливо работење на градот.

– Благодарение на Советот на град Скопје и конструктивноста на сите советнички групи, граѓаните на градот Скопје за следната 2023 година имаат нешто над седум милијарди денари (7.094.386.000 денари) за реализација на проекти кои значат исполнување на програмата „За Модерно Скопје“, се вели во соопштението од Град Скопје.

Оттаму посочуваат дека во Буџетот се одвојуваат значителни средства за субвенции на социјално ранливите категории граѓани и дека продолжуваат програмите за субвенции за граѓаните кои биле актуелни и во оваа година.

– За следната година, благодарение на конструктивноста на советниците од сите советнички групи во Советот на град Скопје, за следната 2023 година граѓаните ќе добијат буџет кој ќе значи и реализација на проекти за подобрување на јавната инфраструктура, подигнување на нови зелени површини, нови содржини во зоолошката градина и реализација на новиот Луна Парк, велат од Град Скопје

The post Ќе видат ли скопјани нов Луна парк догодина? appeared first on Република.