Во одредени моменти, сите ние понекогаш сакаме да уживаме во малку полуксузен живот.

Постојат седум хороскопски знаци кои едноставно морат да живеат на висока нога.

Бик

Кога станува збор за луксуз, јасно е дека на листата ќе се најдат најголемите хедонисти од Зодијакот. Во нивната гардероба никогаш нема да најдете евтина долна облека, а тешко дека ќе најдете нешто што не го носи името на некој голем и познат бренд. Тие не мора никому да се докажуваат, бидејќи одлично ги менаџираат финансиите за секогаш да изгледаат скапо и вкусно. Ако треба нешто да му дадете на Бикот, најдобро би било да го прашате бидејќи тие не се љубители на изненадувања кои веројатно нема ни да им се допаднат.

Лав

Лавовите не можат да прифатат ништо друго освен луксуз, не само кога се работи за нив, туку и за луѓето околу нив. Тие секогаш имаат дизајнирани скапи празнични подароци кои ќе бидат завиткани во совршено елегантно пакување. Сепак, тие не трошат пари непромислено. Ако треба, попрво ќе направи пауза за малку заштеда за да може утре да го купи тој неодолив скап фустан, отколку таа можност да испари.

Јарец

Можеби ова не е толку вообичаено, но воопшто не е тешко да се убедат рационалните Јарци да потрошат голема сума пари за да ги задоволат своите каприци. Сепак, тие мора да бидат убедени дека ќе им треба во иднина. Единствениот проблем е што може да потрае неколку недели или дури еден месец за Јарците да бидат целосно сигурни за скапото купување. Меѓутоа, ако сакаат нешто, без разлика на цената, тоа ќе биде нивно.

Водолија

Водолиите се вистински љубители на пари. Сепак, нивниот скап вкус најмногу може да се види на производите со напредна технологија. Малку е веројатно дека Водолијата ќе сака да потроши дел од своите пари на брендирана облека или одење во прескап италијански ресторан. Сепак, тие ќе направат се за да приредат незаборавен одмор каде ќе се чувствуваат како членови на кралското семејство.

Стрелец

За авантуристичките Стрелци, парите се само ресурс што не треба да се плашите да го искористите за да го добиете она што го сакате, било да е тоа материјално или емотивно. Важно им е да трошат пари за да добијат животни искуства, а не да се занимаваат со бескорисно трупање. Затоа, парите ќе ги трошат на егзотични патувања или интересни авантури од кои ќе носат само спомени и нови знаења.

Близнаци

Импулсивното купување е огромен проблем за непостојаните Близнаци кои имаат многу мисли во нивните глави. Тие немаат ограничувања за купување работи, но по преголемото купување, наскоро ќе се чувствуваат виновни и можеби ќе сакаат да го вратат она што штотуку го купиле. Мора да внимаваат да не дозволат нивната импулсивност да ги измами.

Вага

Вагите имаат неверојатен вкус, особено во уметноста, додека успешно ги балансираат трошоците и заштедите. Веројатно ќе видите како Вага се смирува откако ќе купи нешто по пристојна цена, велејќи дека дефинитивно вреди за парите, дури и ако не вреди. Вагите сакаат убави нешта, но не им е важно што таа убава работа припаѓа на некој познат бренд.

The post Хороскопски знаци кои обожаваат луксуз appeared first on Република.

Министерот за надворешни работи Бујар Османи вели дека е неопходно владата да набави авион, но тоа е тешко затоа што јавноста ќе го смета тоа за луксуз.

Османи рече дека пред евакуацијата на македонските граѓани од Израел, Владата имала седница на која одлучено е да се обезбеди чартер лет за евакуација на наши граѓани од Тел Авив, но тоа било многу тешко поради ситуацијата во Израел.

Владата веднаш свика седница и обезбеди средства до СЗР да обезбеди веднаш чартер-лет. Но поради безбедноста беше тешко да обезбеди таков лет до Тел Авив, но се најде „Ер-Србија“ како авиокомпанија која прифати да склучи договор со Владата. СЗР ги покри трошоците на сите граѓани, така што граѓаните не беа принудени да платат – рече министерот Османи.

Тој посочи дека Владата не се решава да набави авион бидејќи јавноста тоа ќе го смета за луксуз.

Ова уште еднаш зборува за фактот колку ни отежнува што немаме владин авион. Албанската влада уште првиот ден ги евакуираше своите граѓани, затоа што имаше свој владин авион. Сите влади не се осмелуваат да набават свој авион, затоа што реакцијата на јавноста би била дека тоа би било луксуз. Ете на пример вакцините доцнеа поради тоа што немавме авион. Имаме владино летало, но тоа не е соодветно да одговори на вакви ситуации. Затоа вакви работи покажуваат дека има потреба, но за тоа ќе видиме понатаму – рече Османи.

The post Осамни: Неопходно е Владата да набави авион, но јавноста тоа ќе го смета за луксуз appeared first on Република.

Ајварот годинава ќе биде луксуз. Метар кубен дрва се продава за 4 500 денари, зејтинот скокна на 150 до 170 денари, а неизвесна е и цената на ајварската пиперка, анализира „Сител“. Штипјани за телевизијата велат дека ретко кој ќе може да си дозволи да го приготви овој кулинарски специјалитет.

- Ќе прават некои што имаат, ама не е како порано да има за сите. Сега се прави селекција, кој има, има, а тие што немаат не може ни сега да си купи патлиџани, ако зема пензија 9 000 денари, што ќе направи.

- Не се сите со исти примања. Има некои со мали, а некои со високи примања. Тие што немаат ќе си глеаат само сеир.

- Не, зашто нема пари. Дрвата се качија, се се покачи, што ќе правиме. Земаме колку да прежевееме.

Производителите на пиперки пак тврдат дека родот годинава ќе биде со одличен квалитет, а цените ќе останат приближно како лани.

Ние имаме садено ајварски и јас мислам дека пиперките нема да бидат скапи и нема да има толкава бојазност од цената на пиперките отколку на зејтинот, изјави производител на ајварски пиперки.

Минатата година за приготвување на една тегла ајвар беа потребни 170 денари, а се продаваше по цена од 300 денари. Килограм ајварски пиперки чинеа 50, а зејтинот 70 денари.

The post И ајварот стана луксуз appeared first on Република.

На оваа Влада предводена од СДСМ воопшто не им доаѓа ум во глава. Замислете, пред само неполн месец беа главна тема за непродуктивни трошења и луксузирање, а сега повторно гледаме дека во ек на сериозна економска криза која што граѓаните сепак највеќе ќе ја чувствуваат на своја кожа, трошат повторно милиони денари на непродуктивни работи, обвини портпаролот на ВМРО-ДПМНЕ, Димче Арсовски.

Службата за општи и заеднички работи на пример на 23-ти март склучила договор за набавка на води, овошни сокови и чаеви, во вредност од дури 7 милиони денари, потоа на 29 март склучиле договор за набавка на колонијално-прехранбени производи и пијалаци во вредност од 3.8 милиони денари. За пијалаци и колонијални производи даваат 11 милиони денари во време на криза, а велат дека штеделе. Не, штедат ништо, напротив, продолжуваат со своето луксузирање. Граѓаните живеат во сериозна инфлација, поскапи секој можен продукт и производ во маркетите и тоа го чувствуваат на сопствена кожа, горивата се превисоки, а платите и пензиите и понатаму не можат да ги издржат сите овие потреби на граѓаните. Она што е најлошо, најжалосно и најразочарувачки е што оваа Влада буквално ништо не презема за да им помогне на граѓаните да ја пребродат оваа криза. Очигледно е, оваа Влада може да се откаже од сѐ, буквално од сѐ. Може да се откаже од било кој национален интерес или било што друго, но не може да се откаже од сопствениот луксуз во владата и не може да се откаже од непродуктивните трошоци, рече Арсовски.

Пред само некое време, неполн месец, додаде тој, обелоденивме дека дури 2 милиони евра непродуктивни трошоци биле потрошени за луксузирање на владава и еве ги сега не прекинуваат и продолжуваат со истите тие непродуктивни трошоци.

Над 150.000 евра на пијалаци и колонијални производи. Претходно видовме дека иако знаеле дека ќе има криза, трошеле на мебел, перење автомобили, луксузни храни, цвеќиња, кафиња, и тоа преголем број на кафиња, хотелски услуги и се останато. Сега гледаме дека немаат намера да прекинат со било какви набавки за непродуктивните трошења. Наместо капитални проекти, луксуз и непродуктивни трошоци. Толку треба да се знае за владата предводена од СДСМ,  истакна Арсовски.

https://youtu.be/EVslOMEGNsI

The post Вода, сок и чај вредни над 150.000 евра за владините функционери appeared first on Република.

Лицемерно е СДСМ да зборува за цената на нафтените деривати, заради тоа што кога цените на нафтата и бензините се качуваа говореа дека тоа е светски тренд на зголемување цената, а кога цената паѓа на светските берзи да се фалат дека тоа е заради таканарачените анти кризни мерки на неспособната влада. Лицемерно е да се фалат за некаков си швајцарски модел за зголемување на пензиите на пензионерите, кога истата влада предводена од СДСМ и ДУИ им ги скрати пензиите и начинот на зголемување на пензиите во 2018 година, обвинуваат од ВМРО-ДПМНЕ.

Лицемерно е СДСМ да зборува за трошење на парите на граѓаните за непродуктивни трошооци, кога јавноста слушна како владата и министрите се луксузирале. Уште од ноември минатата година знаеле во владата дека ќе има криза, а наместо мерки за стабилизирање на економијата, мерки за компаниите и мерки за заштита на стандардот на граѓаните, тие трошеле пари за кафиња, цвекиња, мебел, жандињери како и перење на коли. Владата на СДСМ и ДУИ да им одговори на граѓаните зошто во врема на криза потрошиле над 50 илјади евра за кафе, зошто потрошиле над 200 илјади евра за хотелски услуги, 50 илјади евра за режано цвеќе, 40 илјади евра за златен прибор за Димитар Ковачевски, посочуваат од партијата.

Од ВМРО-ДПМНЕ бараат од власта исто така да им одговорат на граѓаните зошто потрошиле над 1 милион денари за перење на возила во неколку институции, 400 илјади денари за набавка на жандинери.

За нивниот луксуз, владата потрошила и над 270 илјади евра за набавка на мебел во неколку министерства. Додека ги советуваат граѓаните да штедат во оваа криза, и додека сите други им се виновни, СДСМ и ДУИ не ни помислуваат да намалат од своите луксузирања. Одговорност за ова ќе има, истакнуваат од ВМРО-ДПМНЕ.

 

The post ВМРО-ДПМНЕ: Лицемерно е СДСМ да зборува за штедење, знаеле дека ќе има криза и наместо мерки, тие и ДУИ трошеле на луксуз appeared first on Република.

Луксузната вила на поранешниот украински претседател Виктор Јанукович денес е еден вид музеј на корупцијата, пишува „Јутарњи лист“, додавајќи дека вилата Межихирја на огромниот имот Нови Петривци во близина на главниот град Киев во последните неколку години е отворена и за посетители.

Кога Јанукович избега од земјата за време на украинската револуција во 2014 година, екстравагантното здание беше национализирано и отворено за јавноста, пренесува весникот.

Кога Јанукович дојде на власт, првата улица што ја изгради беше мини-автопатот на периферијата на Киев. Официјалното објаснување беше дека е изграден во подготовка за Евро 2012. Но, се покажа дека парите за Евро 2012 биле искористени за изградба на пат што го поврзува главниот град со Межихирија, приватната резиденција на претседателот Јанукович, изградена на имот од 140 хектари долж рекара Днепар. Се проценува дека вилата со увезен мермер и италијански кристал, на која работеле занаетчии од Германија, чинела од 75 до 100 милиони долари. Поголемиот дел од кариерата Јанукович го поминал како пратеник или државен службеник, со максимална плата од 2.000 долари месечно, а сопругата во пензија не можела значително да му помогне.

Межихирија е изградена во советско време, како дача за украинските функционери, изградена на местото на манастирот што стои таму од 14 век. Дачата на Межихири му била на располагање на лидерот на Украинската Советска Социјалистичка Република.

По распадот на СССР, зградата била користена за сместување на странски делегации, но кога Виктор Јанукович бил назначен за премиер во 2002 година и се преселил во Киев, тој одлучил да живее во Межихирија. Со портокаловата револуција остана без неа. Но, по една година Јушченко и премиерката Јулија Тимошенко паѓаат, а Јанукович се враќа на премиерската функција и си го обезбедува правото да се врати на хациендата која сè уште е во државна сопственост. Кога ја напушта власта во 2007, имотот беше приватизиран и регистриран како сопственост на неколку европски компании. Независните медиуми откриваат дека Межихирија била незаконски приватизирана, односно дека не била платена. Наместо неа, неколку дотраени згради во главниот град се предадени во државна сопственост.

Базата на податоци на Украинската Царинска управа открива до кои размери се трошело на луксуз. Секоја врата во вилата е направена од либански кедар, по цена од 64.000 долари. Три комплети дрвени облоги за скалите чинат 200.000 долари, облогите за ѕидовите во зимската градина 328.000 долари, а облогите за неокласичниот столб и парапет за скалите - 430.000 долари. Во земја каде што 35 отсто од населението живее под прагот на сиромаштија, тогашниот претседател потрошил 100.000 долари само за позлатен кристален лустер во павилјонот во градината. Имотот вклучува терен за голф по цена од речиси 3 милиони долари.

Межихирија има и своја приватна зоолошка градина, која може да се пофали со ноеви и кенгури. Има посебни штали со коњи за јавање, кои Јанукович ги обожавал, па шефовите на државите често му подаруваа коњи. Има и гаражи за тогашната колекција на Јанукович од 70 автомобили и хелиопад. Во близина на резиденцијата се наоѓаат ловишта со диви свињи и лос, па Јанукович изградил и луксузен ловечки дом.

Поранешниот украински претседател во последните денови се споменува како прв избор на руската страна, човек кого Путин би сакал да го види на чело на Украина, а со тоа и да го врати своето влијание врз земјата, зошто тие инсистираат дека „актуелната влада во Киев дошла на власт со државен удар“ и со враќање на Јанукович „работите ќе се вратат на место“.

The post Позлатени вц-шолји, врати од либански кедар, гаража за 70 автомобили: Oвде живееше човекот кој Путин сака да го врати на чело на Украина appeared first on Република.