Фудбалерот од средниот ред на Реал Мадрид, Лука Модриќ е највозрасниот играч во историјата на тимот кој настапил на натпревар со Барселона.

Синоќа Реал убедливо загуби од Каталонците на домашен терен - 0:4. Хрватот влезе како замена во 63. минута. Во моментот на натпреварот, Модриќ имаше 39 години и 47 дена.

Тој го собори рекордот на поранешниот дефанзивец на Барселона, Дани Алвеш, кој играше против Реал Мадрид со 38 години и 318 дена.

Неодамна Модриќ изрази желба уште една сезона да игра за Реал Мадрид.

The post Модриќ стана најстариот играч во историјата на Класико appeared first on Република.

Хрватскиот фудбалер Лука Модриќ стана најстариот играч кој одиграл официјален натпревар за Реал Мадрид.

Во 63. минута од натпреварот против Селта во Виго, Лука влезе во игра и со тоа го надмина овој возрасен рекорд кој до оваа вечер го држеше легендарниот Ференц Пушкаш.

Унгарецот играше за „Краљевски клуб“ во 1965 година кога имаше 39 години и 36 дена.

Модриќ го надмина за пет дена.

Покрај бројните неверојатни достигнувања во кариерата, Лука успеа да го додаде овој секако вреден момент како круна на својот апсолутно сепктакуларен фудбалски опус на неговата богата колекција на знаци, трофеи и награди.

Сепак, Анчелоти не го претстави Модриќ само за да го собори рекордот, туку за да му даде предност на теренот, што го направи по којзнае кој пат – со асистенција на Винисиус придонесе за второто водство на Реал во Виго, а тоа би испадна победа за израмнување на табелата со Барселона.

The post Уште еден рекорд на Лука Модриќ – го надмина и Пушкаш appeared first on Република.

Неверојатната кариера на Лука Модриќ ќе го доведе до уште еден голем подвиг во неговиот следен натпревар со Реал Мадрид - без разлика дали тоа е на 19 октомври против Селта, на 22-ри против Борусија Дортмунд во Лигата на шампионите или следната сабота на „Ел Класико“.

Кога следниот пат ќе се појави на натпревар за „кралскиот клуб“, Модриќ ќе стане најстариот играч во историјата на 15-кратниот шампион на Европа. Хрватот во овој показател ќе го надмине Ференц Пушкаш, една од легендите на „белиот балет“.

Во мај 1966 година, Пушкаш одигра четврт-финален натпревар од Копа дел Реј (тогаш Копа генералисимо) на гостувањето кај Бетис на возраст од 39 години и 37 дена. Модриќ ќе има 39 години и 40 дена кога ќе излезе на теренот против Селта во 10. коло од Ла Лига.

Во април оваа година, Модриќ веќе стана најстариот играч на Реал Мадрид на европските турнири, кога влезе во игра место Џад Белингем на првиот натпревар против Баерн Минхен. Тогаш повторно го подобри постигнувањето на Пушкаш од 1965 година.

The post Модриќ ќе го надмине легендарниот Пушкаш, ќе стане највозрасниот играч во историјата на Реал Мадрид appeared first on Република.

 Фудбалерот од средниот ред на Реал Мадрид, Лука Модриќ нема намера да се пензионира на крајот од сезоната 2024/25, изјави новинарот Хозе Феликс Дијаз.

Триесет и деветгодишниот Хрват сака да ја докаже својата важност за тимот и очекува да го продолжи договорот со мадридскиот клуб на уште една година.

Фудбалерот исто така признава дека може да учествува на Светското првенство во 2026 година, а до овој момент сака да биде играч на Реал Мадрид.

Модриќ игра за „Кралскиот клуб“ од август 2012 година.

The post Модриќ сака да игра во Реал до 40 години appeared first on Република.

Настапувајќи на дуелот против Шкотска синоќа во рамки на Лигата на нации, фудбалерот на мадридски Реал, Лука Модриќ го запиша 181. натпревар во дресот на хрватската репрезентација и се проби на второто место меѓу европските играчи со најмногу натпревари во националниот тим.

Модриќ досега со по 180 настапи го делеше второто место со својот поранешен соиграч од Реал, Шпанецот Серхио Рамос.

На врвот на вечната листа на европски играчи останува недопирливиот Кристијано Роналдо со 214 настапи за Португалија.

Модриќ дебитираше за хрватската репрезентација на 1 март 2006 година во пријателскиот натпревар против Аргентина. Со хрватската репрезентација настапи на четири мундијали (2006, 2014, 2018, 2022) и пет европски првенства (2008, 2012, 2016, 2020, 2024).

The post Модриќ руши рекорди и во хрватската репрезентација appeared first on Република.

Играчот од средниот ред на Хрватска и Реал Мадрид, Лука Модриќ одговори на прашањето дали размислува да се откаже од фудбалот.

-Никогаш не се знае со мене. Не можам да размислувам за иднината. Кога веќе нема да го чувствувам огнот во себе, ќе се повлечам од фудбалот. Само јас можам да го почувствувам тој оган и да донесам одлука, изјави Модриќ.

Триесет и девет годишниот Хрват го постигна единствениот гол на натпреварот од Лигата на нации против Полска, кој се одигра во неделата.

Избраниците на Златко Далиќ освоија 3 бода и се искачија на второто место во групата

The post На Модриќ не му се оди во пензија appeared first on Република.

По победата на Реал Мадрид од 2:0 над Аталанта во Суперкупот на УЕФА, играчот од средниот ред Лука Модриќ стана најтрофеен играч во историјата на мадридскиот клуб.

За Хрватот овој трофеј е 27-ми во дресот на „Кралскиот клуб“.

Втори на оваа листа се Даниел Карвахал и Начо, кои имаат по 26 трофеи со Реал Мадрид. Карим Бензема и Марсело ја заокружуваат првата тројка со 25.

Синоќа во Варшава, Реал Мадрид го освои Суперкупот на УЕФА по шести пат, што е рекорд меѓу сите клубови.

Барселона и Милан по пет пати го освоија трофејот, а Ливерпул четири пати

The post Модриќ влезе во историјата на Реал како најтрофеен играч appeared first on Република.

Лука Модриќ летово го посети  родниот дом со татко му кај Задар, Хрватска.

Куќата била уништена во војната, а семејството Модриќ било принудено да избега во Задар каде живееле се до почетокот на фудбалската кариера на Лука.

The post Лука Модриќ ја посети родната куќа уништена во војната appeared first on Република.

Лука Модриќ и во следната сезона ќе го носи дресот на Реал Мадрид, откако денеска и официјално го обнови договорот со „кралскиот клуб“, каде што настапува уште од 2012 година.

Добитникот на „Златната топка“ од 2018 година одигра вкупно 534 натпревари за гигантот од Мадрид, постигнувајќи 39 голови и остварувајќи 86 асистенции.

Меѓу неговите поистакнати трофеи се шестте победи во Лигата на шампионите (рекорден што го дели со Дани Карвахал) и четири титули во Ла Лига.

The post Лука Модриќ официјално го продолжи договорот со Реал Мадрид appeared first on Република.

Фудбалерот од средниот ред Лука Модриќ ќе стане нов капитен на Реал по заминувањето на дефанзивецот Начо Фернандез, објави новинарот Мигел Анхел Дијаз на социјалната мрежа Икс.

Според Дијаз, десниот бек Даниел Карвахал ќе стане заменик капитен на мадридскиот тим.

Претходно беше објавено дека Начо би можел да ја продолжи кариерата во клубови од МЛС или Саудиска Арабија. Ал-Наср и Ал-Кадисија сакаат да го ангажираат фудбалерот.

Модриќ наскоро може да го продолжи договорот со Реал Мадрид.

The post Модриќ ќе стане капитен на Реал по заминувањето на Начо appeared first on Република.

Двајцата највозрасни играчи на овогодинешното Европско првенство во Германија доаѓаат од Португалија.

Пепе, кој на 26 февруари наполни 41 година, ќе игра за шампионите на Стариот континент од 2016 година. Дефанзивецот на Порто повторно го најде своето место во националниот тим.

Второто место на листата на најстари му припаѓа на колегата Кристијано Роналдо, кој на 2 мај го прослави својот 39-ти роденден. За Роналдо ова е шесто последователно континентално првенство на кое настапува.

Лука Модриќ е нешто помлад од Роналдо. Хрватскиот репрезентативец на 9 септември ќе наполни 39 години.

На листата на десет најстари се и: Шпанецот Хесус Навас (роден 21/11/1985), Грузиецот Џорџи Лорија (27/01/1986), Германецот Мануел Нојер (27/03/1986), Французинот Оливие Жиру (30/09/ 1986), Словакот Петер Пекарик (30/10/1986), Данецот Каспер Шмајхел (11/05/1986) и Словакот Јурај Куцка (26/02/1987).

The post Пепе, Модриќ и Роналдо најстари играчи на ЕП appeared first on Република.

Луксузната куќа на Лука Модриќ на приморјето во Хрватска е вистински дом од соништата.  Погледот кон морето маѓепсува.

Вилата девет спални соби и девет бањи. На првиот кат има луксузна кујна,  дневна соба и дури шест спални соби.

Вториот кат е наменет за гости и има прекрасен поглед на одлично уредената градина. Има и приватна кино соба со 18 седишта, винарска визба, игротека за деца.

Погледнете

https://www.youtube.com/watch?v=_IvgZoU3E4Q

The post Луксуз на сите страни: Погледнете ја вилата покрај море на Модриќ appeared first on Република.

Се ближи крајот на преговорите меѓу Лука Модриќ и Реал Мадрид околу прашањето за нов договор, а според најавите на шпанските медиуми, епилогот е дека хрватскиот фудбалер ќе остане во клубот најмалку уште една година.

Шпанска „Марка“ наведе и дека Модриќ, кој мина 12 од последните сезони во Мадрид, се согласил на значително намалување на платата и дека и покрај бројните понуди сепак одлучил дека Реал е најдобрата можна опција за него.

-Лука го прифати намалувањето затоа што сака да ја заврши кариерата во Реал. Неговата амбиција е да биде капитен на Реал, сака да влезе во историјата со освојување нови трофеи и особено уште една Лига на шампиони, пишува, меѓу другото, „Маркa“.

Лука Модриќ кариерата ја започна во Динамо Загреб во 2003 година, а по кратките позајмици во Зрињски и Интер од Запрешиќ, во 2008 година го облече дресот на Тотенхем. Следните четири сезони ги помина во Лондон, а од 2012 година е стандарден член на гигантите од Мадрид со кои освои буквално се што може да се освои.

The post Легендата Модриќ останува во Мадрид appeared first on Република.

Хрватскиот фудбалер Лука Модриќ, кој го предводеше Реал Мадрид со капитенската лента на раката во неделата вечер во триумфот над Барселона со 3-2, изјави дека на неговиот тим му преостанува уште „многу малку“ за да го освои шпанското првенство.

„Оваа победа не донесе поблиску до освојување на шампионската титула. Ние сме таму каде што сакавме да бидеме, со 11 бодови предност, па ни останува само уште малку да ја освоиме лигата“, изјави 38-годишниот Модриќ за Реал Мадрид ТВ.

Кралскиот клуб беше во негатива на синоќешното Ел Класико (0-1 и 1-2), но успеваше два пати да го израмни резултатот за потоа со голот на Џад Белингем во 91. минута ги постави конечните 3-2

Реал е лидер на табелата со 81 бодови, 11 повеќе од второпласираната Барселона на шест кола пред крајот на првенството.

The post Moдриќ: Ни останува само уште малку да ја освоиме титулата appeared first on Република.

Динамо Загреб не крие дека сака да го врати Лука Модриќ на „Максимир“. Според шпанските медиуми, хрватскиот ветеран, по завршувањето на сезоната ќе има две опции: да потпише нов договор со Реал Мадрид или да ја заврши кариерата. Сепак, Динамо му ја нуди третата опција, да се врати во Загреб, каде што почна својата блескава кариера.

„Модрите“ играат на емоциите и се надеваат дека Модриќ ќе го исполни ветувањето по заминувањето во Тотенхем во 2008 година дека еден ден ќе се врати во Загреб.

Новиот претседател на Динамо, Велимир Зајец, неодамна се сретнал со Модриќ и изјави дека она што го прави клубот, во обид да го врати Модирќ има логика.

Со цел да го убеди Модриќ „да се врати дома“ Динамо ја закупи втората страница на влијателниот шпански спортски весник „Марка“ и го „залепи“ „синиот“ дрес на Модриќ со број 10 на него како специјална реклама со порака: „Би имало смисла“ на хрватски и „Tiene Todo El Sentido Del Mundo“ на шпански јазик.

По ова, сега на потег е Лука Модриќ.

 

View this post on Instagram

 

A post shared by GNK Dinamo (@gnkdinamo)

The post Со оглас на цела страна во „Марка“ Динамо сака да го убеди Модриќ да се врати во Загреб appeared first on Република.

 Играчот од средниот ред на Реал Мадрид, Лука Модриќ сака да остане во клубот уште една сезона. Тој има намера да ужива во секој момент со тимот.

- Мојот план е да продолжам да ја пишувам историјата на Реал Мадрид, да победувам и да освојувам трофеи. Се надевам дека ова ќе се случи сезонава. Сакам да уживам во секој момент во најдобриот клуб во светот, бидејќи не знам уште колку ќе трае ова, го цитира „ITASportPress“ Модриќ.

Триесет и осумгодишниот Хрват за мадридскиот клуб настапува од 2011 година.

Во тековната сезона Модриќ одигра 15 натпревари на кои постигна еден гол и три асистенции

The post На Модриќ не му се оди од Мадрид appeared first on Република.

Здравко Мамиќ еден од најдобите директори на Динамо вели дека е разочаран од однесувањето на Лука Модриќ кој го смета за „свое дете“.

 Го донесов во Динамо како бегалец, никогаш во животот не добив билет или дрес од него.  Го кренав Модриќ на нозе и го доведов на ова ниво .Колку му влеаја страв на тој Модриќ.Треперам на секое негово движење. Го трпев тоа што му го направија, бидејќи тој е фудбал и човечка големина. Го зедов на 13 години како бегалец, син ми го продаде во Тотенхем, а потоа во Реал. Никогаш во животот не сум добил билет или дрес од него-вели Мамиќ.

The post Мамиќ: Разочаран сум од Модриќ, го зедов како бегалец во Динамо appeared first on Република.

Лука Модриќ се откажал од 200 милиони евра за три години во Ал Хилал, во Саудиска Арабија, за една сезона во Реал Мадрид.

Според новинарот Џанлука Ди Марцио, хрватскиот фудбалер од средниот ред ја одбил понудата од саудискиот клуб и одлучил да го продолжи договорот со „кралскиот клуб“ на уште една сезона.

Хрватот, кој во септември наполни 38 години, минатата сезона забележа 52 настапи за Реал Мадрид во сите натпреварувања, постигнувајќи шест гола и шест асистенции.

The post Лука Модриќ одбил 200 милиони од Саудиска Арабија за да остане уште една година во Реал Мадрид appeared first on Република.

Катарскиот тим Ал-Сад му понуди договор на играчот од средниот ред на Реал Мадрид, Лука Модриќ.

Новинарот на Марка, Рамон Алварез де Мон, пренесува дека на Хрватот му е понуден двегодишен договор со плата од 80 милиони евра, а уште 20 милиони ќе бидат исплатени како бонуси.

Друг новинар, Ромине Молина, известува дека понудата на Ал-Сад е забележителна затоа што содржи клаузула Модриќ да ја преземе тренерската функција веднаш по завршувањето на неговата играчка кариера.

Претходно медиумите објавија дека Хрватот потпишал нов договор со Реал Мадрид со важност до 1 јули 2024 година.

Оваа сезона Модриќ забележа 51 настап во сите натпреварувања и постигна шест гола и исто толку асистенции

The post Катарците му нудат вистинско богатство на Модриќ appeared first on Република.

Фудбалерот од средниот ред на Реал, Лука Модриќ изјави дека тренерот Карло Анчелоти заслужува да ја задржи функцијата во мадридскиот клуб.

- Анчелоти заслужува да продолжи во Реал Мадрид. Во своето второ гостување го освои секој можен трофеј со тимот. Минатата сезона беше неверојатна, но овој пат не ја поминавме претпоследната пречка. Покажавме прилично добри резултати во Купот на Шпанија и Лигата на шампионите. Затоа, не се сомневам дека Анчелоти ќе остане, истакна Модриќ.

Реал Мадрид синоќа загуби од Манчестер сити со 4:0 во реваншот од полуфиналето на Лигата на шампионите и со вкупни 5:1 ја загубија пресметката со „граѓаните“

Манчестер сити во финалето на Лигата на шампионите ќе игра со Интер на 10 јуни во Истанбул.

The post Moдриќ: Анчелоти заслужува да oстане во Реал Мадрид. appeared first on Република.