Победникот Џорџ Расел, неколку часа по завршувањето на трката за Големата награда на Белгија на патеката Спа Франкоршамп е дисквалификуван и триумфот му е доделен на неговиот тимски колега Луис Хамилтон.

Причина за дисквалификацијата е тоа што болидот на Расел бил за 1,5 килограм полесен од дозволеното што е утврдено на официјалното мерење по трката. Минималната тежина на болидите треба да изнесува 796,5 килограми, а на Расел изнесувала 795 килограми.

За Хамилтон ова е 105. победа во кариерата, а втора оваа сезона откако триумфираше и на трката за Големата награда на Велика Британија. Второто место му припадна на Пјастри од Мекларен, а третото на Леклерк од Ферари

The post Расел дисквалификуван, Хамилтон победник во Спа appeared first on Република.

Возачот на Мерцедес Џорџ Расел е победник на денешната трка во Формула 1 возена за Големата награда на Белгија.

Тој за половина секунда беше побрз од клупскиот колега Луис Хамилтон.

Веднаш зад Британците заврши Оскар Пјастри од Мекларен со 1,1 секунда заостанување.

Бодови во 14-та сезонска трка освоија и: Шарл Леклер (Ферари), Макс Верстапен (Ред Бул), Ландо Норис (Мекларен) Карлос Саинц (Ферари), Серхио Перез (Ред Бул), Фернандо Алонсо (Астон Мартин) и Естебан Окон (Алпин).

Расел ги сподели своите впечатоци по победата на Големата награда на Белгија извојувана попладнево на Спа.

Неверојатен резултат. На стратешкиот брифинг утринава дефинитивно не ја очекувавме оваа победа. Болидот беше феноменален. Направивме многу промени од петокот навечер. Гумите беа во одлична состојба. Постојано велев: „Мислам дека можеме да успееме со еден пит стоп“. Стратегијата функционираше одлично. Луис [Хамилтон] заврши добра работа. Тој навистина ја контролираше оваа трка. Доколку околностите беа поинакви, сигурен сум дека тој ќе ја однесеше оваа победа. Двојниот триумф е фантастичен резултат за Мерцедес, изјави Расел.

Во Генералниот поредок води Верстапен со 275 бодови, пред Норис со 197 и Леклер со 174. Расел со 147 бода е на седмата позиција.

Кај конструкторите води Ред Бул 404 бодови, пред Мекларен со 361 и Ферари со 340.

The post Расел победи на трката за Големата награда на Белгија appeared first on Република.

Седумкратниот светски шампион Луис Хамилтон од Мерцедес победи на денешната трка во Формула 1 за Големата награда на Велика Британија и ја забележа својата 104. победа во кариерата.

За британскиот возач ова беше прв триумф во Формула 1 по трката во Саудиска Арабија во 2021 година.

Второто место го зазеде актуелниот светски првак Макс Ферстапен (Ред Бул) со заостанување од 1,4 секунди, а трет Ландо Норис од Мекларен со заостанување од 7,5 секунди.

Возачот на Мерцедес, Џорџ Расел, кој стартуваше од пол-позицијата, не ја заврши трката поради проблеми со својот болид.

Следната трка ќе се вози на 21 јули за Големата награда на Унгарија на патеката Хунгароринг.

The post Хамилтон ја освои ГН на Велика Британија, негова 104 победа во Формула 1 appeared first on Република.

Возачот на Мерцедес, Луис Хамилтон изрази задоволство од пласманот на второ место во Формула 1 спринтот за Големата награда на Кина.

Секогаш кога доаѓам овде, луѓето ми даваат голема поддршка. Ова е најдобриот резултат што сум го постигнал по долго време. Јас сум многу среќен. Секако, не можеме да се натпреваруваме со Ред Бул, но ова е огромен чекор напред. Во овој краток период од трката научив многу за болидот, па со нетрпение го очекувам утрешниот ден, изјави Хамилтон за „Би Би Си спорт“.

Верстапен, победи во спринтот, второто место го зазеде Хамилтон од Мерцедес (+13.043 секунди), трет беше Серхио Перез (+15.258) од Ред Бул.

Големата награда за кинеското Гран при ќе се вози утре со почеток во 9 часот по македонско време.

The post Хамилтон за второто место на спринтот во Кина: Ова е најдобриот резултат што сум го постигнал по долго време appeared first on Република.

вократниот шампион во Формула 1, Мика Хакинен, изјави дека возачот на Мерцедес, Луис Хамилтон, ќе мора да се прилагоди на начинот на функционирање на Ферари во 2025 година.

- Можеби верува дека Мерцедес не е во состојба да му обезбеди автомобил со кој може да победи. Веројатно гледа таква можност - дека Ферари ќе му даде болид за победи. Претпоставувам дека сакаше нешто ново. Тој беше толку долго во Мерцедес и постигна се со тимот. Ми се чини дека сака да се пресели во друга екипа и да помине низ сличен пат, еден ден да стане победник таму. Но, ова е голема промена, бидејќи тој беше, да речеме, во британскиот тим многу, многу години. Сега ќе биде во италијанскиот тим, а нема такво искуство. Мора да ја разберете филозофијата и стилот на работа. Шарл Леклер е во тимот долго време. Тој е многу талентиран млад пилот, автомобилот е направен за него. Нема да биде многу лесно, според мене, изјави хакин.

The post На Хамилтон нема да му биде лесно во Ферари appeared first on Република.

 Седумкратниот шампион во Формула 1, Луис Хамилтон на крајот на годината ќе го напушти Мерцедес и ќе премине во Ферари. Сепак, Британецот уверува дека е цврсто решен да постигне успех во 2024 година.

- Помотивиран сум и фокусиран од кога било. Сигурно не би помислил дека во оваа фаза од мојот живот ќе го почувствувам гладот ​​што го чувствувам сега. Завршувањето на високо ниво би било остварување на сонот. Поминавме толку многу заедно. Ако можам да му помогнам на тимот да се врати на врвот, тоа ќе биде најголемиот момент, изјави Хамилтон по вчерашната промоција на новиот болид на Мерцедес.

По завршување на сезоната 2024, Хамилтон ќе се пресели во Ферари.

Првата трка од новата сезона во Формула 1 шампионатот ќе се одржи на 2 март во Бахреин. 

The post Хамилтон сака да заврши со Мерцедес со титула appeared first on Република.

- Британскиот возач на Мерцедес, Луис Хамилтон проговори за неговата преселба во Ферари.

- Дојде моментот да смениме нешто и да преземеме нов предизвик. Сè уште се сеќавам на чувството кога се приклучив на Мерцедес во 2013 година. Знам дека некои луѓе тогаш не го разбираа тоа, но јас бев во право, а истото чувство се појави кај мене сега. Едвај чекам да видам како ќе ја искористам оваа можност и што можеме да направиме. Не размислувам за 2025 година во моментов. Фокусиран сум на претстојната сезона и враќање на вистинскиот пат со Мерцедес. Помотивиран сум од било кога, во подобра форма сум, фокусиран сум и сакам да му помогнам на Мерцедес повторно да победи. Јас сум 100 отсто посветен на мојата работа и решен да ја завршиме нашата соработка како тим на врвот, напиша Хамилтон на социјалните мрежи.

Претходно беше објавено дека Хамилтон ќе заработува 50 милиони евра годишно во Ферари, а земајќи ги предвид различните бонуси, оваа сума може да достигне 100 милиони.

На 1 февруари, Ферари објави потпишување на долгорочен договор со 39-годишниот возач. Тој ќе се приклучи на тимот од сезоната 2025 година

The post На Хамилтон му требал нов предизвик, затоа заминал во Ферари appeared first on Република.

Мерцедес нема да брза да избере наследник на Луис Хамилтон, кој на крајот од сезоната во Формула 1 заминува да вози за Ферари. Ова го соопшти шефот на Мерцедес, Тото Волф, кој додаде дека тимот може да биде во искушение да донесе „храбра“ одлука.

Волф и Мерцедес ќе имаат широк избор на возачи, бидејќи многу од договорите на возачите во Ф1 истекуваат на крајот на 2024 година, а местото до Џорџ Расел е меѓу најпосакуваните во светскиот шампионат.

Засега се верува дека најголеми шанси има ѕвездата на Вилијамс, Алекс Албон, но се споменуваат и имињата на Естебан Окон, Карлос Саинц, Фернандо Алонсо, па дури и штитеникот на Мерцедес - Андреа Кими Антонели.

За разлика од 2016 година, кога Нико Розберг објави дека се пензионира три дена по освојувањето на светската титула, Волф сега има една година да ја најде замената на Хамилтон. Сепак, се верува дека кој и да го замени Луис, Расел ќе биде предводник на Мерцедес.

- Заедно со дискусиите околу одлуката на Луис, не се зборуваше доволно за тоа дека Џорџ има потенцијал да биде следниот водечки возач во тимот и тој е од генерацијата на Ландо Норис и Шарл Леклер. Не би можел да барам подобар лидер на тимот со оглед на заминувањето на Луис, објасни Волф.

The post Koj ќе го замени Хамилтон во Мерцедес? appeared first on Република.

Скудерија Ферари вечерва објави дека Луис Хамилтон ќе се приклучи на тимот во 2025 година, со повеќегодишен договор.

Седумкратниот шампион се сели во Скудерија и покрај договорот што го потпиша  минатото лето со Мерцедес.

Британецот во договорот имал клаузула која му дозволува да си замине на крајот на оваа година.

- Мерцедес-АМГ ПЕТРОНАС Ф1 Тимот и Луис Хамилтон ќе се разделат на крајот од сезоната 2024 година. Луис ја активираше опцијата за ослободување во договорот објавен минатата година, споделија на Твитер од тимот од Штутгарт.

The post Револуција во Формула 1: Хамилтон потпиша за Ферари appeared first on Република.

Возачите на Мерцедес и Ферари, Луис Хамилтон и Шарл Леклер се дисквалификувани по трката за Големата награда на САД одржана синоќа, објавено е на веб-страницата на Формула 1.

Болидите на Хамилтон и Леклер не успеаја да поминат технички прегледи по финишот. Таканаречените лизгачки даски под дното на автомобилите не ги почитувале прописите.

Ферари и Мерцедес го објаснија прекршувањето на правилата поради нерамна патека.

Во согласност со одлуката на судиите, Хамилтон го загуби второто место на крајот на трката, Леклер - шестото. По оваа одлука Ландо Норис се искачи на втората позиција, Карлос Сајнц стана третопласиран.

Победник на трката во Остин беше Макс Верстапен од Ред Бул.

The post Хамилтон и Леклер дисквалификувани по Големата награда на САД appeared first on Република.

Седумкратниот светски шампион, Луис Хамилтон,можеби не доминира како порано во Формула 1, но за Јапонското ГП, дефинитивно ќе ја има „најкул“ кацигата меѓу 20-те Ф1 возачи во Сузука.

ФИА во сезоната 2020, конечно, го тргна ограничувањето на бројот на дизајни на кациги за возачите, па Хамилтон го искористи тоа за да промовира дизајн, во соработка со јапонскиот илустратор Хаџиме Сорајама, со уникатна флуоресцентна лента на центарот на кацигата, која се „пали“.

Навистина посебно.

https://twitter.com/fiagirly/status/1704861385769840699?ref_src=twsrc%5Etfw%7Ctwcamp%5Etweetembed%7Ctwterm%5E1704861385769840699%7Ctwgr%5E5a3b46b145c16e5ca89b8be53153823f2222fbbc%7Ctwcon%5Es1_&ref_url=https%3A%2F%2Fmakfax.com.mk%2Fsport%2Fja-vidovte-li-katsigata-na-hamilton-za-suzuka%2F

https://twitter.com/hamxnda/status/1704665749577441576?ref_src=twsrc%5Etfw%7Ctwcamp%5Etweetembed%7Ctwterm%5E1704665749577441576%7Ctwgr%5E5a3b46b145c16e5ca89b8be53153823f2222fbbc%7Ctwcon%5Es1_&ref_url=https%3A%2F%2Fmakfax.com.mk%2Fsport%2Fja-vidovte-li-katsigata-na-hamilton-za-suzuka%2F

The post Револуционерен дизајн што се „пали“: Ја видовте ли кацигата на Хамилтон за Сузука? appeared first on Република.

Седумкратниот светски шампион во Формула 1, Луис Хамилтон, изјави дека развојот на Мерцедес се движи во вистинската насока и покрај неуспесите во 2022 година и почетокот на 2023 година.

- Не бев среќен последнава година. Но, чекорот што го направивме во Монако го придвижи развојот во насоката што ја барав. Постепено, ја враќаме довербата. Ова сè уште не е 100 отсто од нашиот капацитет. Сè уште не можам да го искористам мојот целосен потенцијал зад воланот на овој болид, но стигнуваме таму. Тоа само не ограничува. Нема стабилност, а со тоа и доверба во тоа што можете да направите со болидот на патеката. Минатата година ме видовте како удрам со автомобилот во Спилберг, а Џорџ исто така. Болидот беше многу непредвидлив долго време, но сега ситуацијата се подобрува, што е добра вест, изјави Хамилтон за „Sky Sports“.

Во тековната сезона, 38-годишниот Британец е четврти во поредокот со 106 бодови во девет етапи. Во водство е Холанѓанецот Макс Верстапен од Ред Бул (229 поени).

The post Хамилтон и покрај милионите не бил среќен во Мерцедес appeared first on Република.

Возачот на Мерцедес, Луис Хамилтон се судри со возачот на Алпин, Фернандо Алонсо на стартот на трката од Формулча 1 шампионатот што се вози за Големата награда на Белгија.

Двајцата возачи се вратија на патеката „Спа“ по судирот. Сепак, имаше технички проблеми со болидот на Хамилтон. По влегувањето во боксот, беше одлучено Британецот да не ја продолжи трката и да се повлече од патеката.

Хамилтон до денес беше единствениот пилот оваа сезона кој успеа д аги заврши сите трки.

The post Се судрија Хамилтон и Алонсо appeared first on Република.

Поранешниот светски првак во Формула 1, Луис Хамилтон реагираше на однесувањето на дел од навивачите на Австриското ГП. Претходно на социјалните мрежи имаше бројни стории за навреди засновани на сексизам, расизам и хомофобија.

– Бев згрозен и разочаран кога дознав дека некои навивачи доживеале расистичко, хомофобично и генерално навредливо однесување на патеката овој викенд. Посетата на Австриското ГП, како и секое Гран при, не треба да стане извор на вознемиреност и болка за навивачите. Мора да се преземат чекори за да се направи тркањето безбеден простор за секого. Ве молиме, доколку го забележите ова, информирајте ја безбедносната служба на Ф-1. Не можеме да седиме мирно и да дозволиме ова да се случува, напиша на социјалните мрежи возачот на Мерцедес.

Покрај Хамилтон, за проблемот се произнесе и Формула 1.

– Ние бевме информирани дека некои навивачи беа изложени на апсолутно несоодветни коментари од други навивачи на Големата награда на Австрија. Ние ги сфаќаме овие прашања многу сериозно. Разговаравме на оваа тема со промоторот и ќе разговараме со оние кои ги пријавија инцидентите. Ова однесување е неприфатливо, стои во соопштението на Формула 1.

Трката за Големата награда на Австрија ќе почне во 15 часот, на патеката „Ред Бул ринг“ во Спилберг.

The post Гледајте ја Ф1 трката во Австрија во овој момнет, Хамилтон прв фаворит appeared first on Република.

Трикратниот светски шампион, Нелсон Пике јавно се извини на седумкратниот шампион Луис Хамилтон за расистичкиот израз во интервју дадено минатиот ноември, посочувајќи дека зборот кој го користел е „изваден од контекст“. Покрај ова, „ЕСПН“ јавува дека поради инцидентот, Формула 1 шампионатот ќе му забрани посети на боксовите во следните трки.

69-годишниот Пике го нарече Хамилтон „црнче“ коментирајќи го судирот на Хамилтон со Макс Ферстапен (инаку момче на неговата ќерка Кели) на минатогодишното Британско ГП, кога Британецот го истурка Ферстапен од патеката. Иако интервјуто беше дадено минатата недела, тоа стана контроверзно вчера, по што Хамилтон побара казна за Пике.

Пике се извини, но посочи дека тој збор „Neguinho“ нема расистички конотации во Бразил.

„Би сакал да ги разјаснам приказните кои циркулираат во медиумите за коментар кој го дадов на интервју минатата година. Тоа што го кажав беше лошо изразено, и не сакам да го бранам, но сакам да објаснам дека тој термин историски се користи во бразилскиот португалски јазик со години како синоним за ‘момче’ или ‘личност’ и беше кажано без намера за навреда. Никогаш не би го користел зборот за кој ме обвинија во некои преводи. Ги отфрлам тврдењата дека зборот беше искористен за да се навреди возач поради неговата боја на кожата. Се извинувам на сите кои се почувстуваа навредени, вклучувајќи го и Луис, кој е неверојатен возач, но преводот за кој ме обвинуваат не е точен“, се вели во изјавата на Пике.

The post Пике му се извини на Хамилтон, доби забрана за посета на Ф1 боксовите appeared first on Република.

Седумкратниот светски шампион Луис Хамилтон во петокот изјави дека нема да се појави во филмот за Формула 1 со Бред Пит во главната улога, а кој тркачот на „Мерцедес“ го копродуцира.

„Епл ТВ“ минатата недела соопшти дека неговото студио ги добило правата за проектот што ќе го режира Џозеф Косински, режисерот на најновиот блокбастер „Топ ган: Маверик“.

Косински ќе го продуцира филмот заедно со тркачката легенда Хамилтон, „Плен Би ентертејмент“, Џери Брукхајмер и Чед Оман. Филмот сè уште нема официјален наслов.

„Тоа е навистина кул проект“, им рече Хамилтон на новинарите на Гранд-при Азербејџан во петокот.

Веќе работиме на сценариото, и многу е забавно, поминуваме добро време со Бред што е прилично епско“, додаде поранешниот светски шампион.

Хамилтон (37), најуспешниот возач во историјата на Формула 1, има различни интереси надвор од спортот, вклучително и модата и музиката, па дури и го има во песна на Кристина Агилера.

Тој е исто така голем борец за човекови права, социјална правда, еднаквост и животна средина.

The post Луис Хамилтон нема да се појави во Ф1 филмот со Бред Пит appeared first on Република.

Возачот на Мерцедес, Луис Хамилтон, не е вознемирен поради тоа што на Големата награда на Монако возел зад тркачите на Алпин.

Најпрвин Хамилтон беше зад Естебан Окон. Ривалите дојдоа до контакт во првиот свиок, поради што пилотот на Алпин доби казна. Луис го помина последниот дел од трката зад Фернандо Алонсо. И покрај тоа што Шпанецот возеше неколку секунди побавно, Британецот немаше можност да го престигне на патеката во Монте Карло.

– Кој знае на кое место ќе завршев. Немам идеја. Искрено, не знаев кои се моите опции, но секако не помогна тоа што останав заглавен зад двете машини на Алпин. Да бидам искрен, не сум разочаран. Ова е она што го очекувате во Монако. Знаев дека нешто слично ќе се случи ако се квалификувам под еден од нив. Се надевав дека ќе има некаква шанса поради дождот, но не успеав. Ќе ги научиме лекциите и ќе продолжиме понатаму, изјави седумкратниот шампион во Формула 1.

The post Хамилтон по трката во Монако: Се надевав дека ќе има некаква шанса поради дождот, но не успеав appeared first on Република.

Седумкратниот светски шампион во Фоирмула 1, Луис Хамилтон, наскоро нема веќе да биде познат по името со кое испиша историја во автомобилизмот. Англискиот возач најави дека е во процес на промена на името.

Навистина сум горд на моето презиме Хамилтон. Но, никој од вас сигурно не знае со сигурност дека презимето на мајка ми е Ларбалестир и јас ќе го ставам во моето презиме - најави Хамилтон за време на посетата на Дубаи Експо.

Тој не откри дали во иднина тој ќе биде Луис Ларбалестир или, пак, Луис Хамилтон-Ларбалестир, но тоа што е дефинитивно е дека моминското презиме на неговата мајка Кармен секогаш ќе се спомнува кога тој ќе буде именуван.

Не разбирам многу добро зошта кога луѓето се мажат, жената го губи презимето. Сакам да се појавувам со презимето на мајка ми. Се надевам дека се ќе се реши наскоро. Нема да биде за овој викенд, но работиме на тоа - возачот ги објаснува причините за својата одлука.

The post Луис Хамилтон објави дека ќе си го промени името appeared first on Република.

Пилотот на Мерцедес, Луис Хамилтон изјави дека нема поплаки за Макс Верстапен за случувањата во сезоната во 2021 година и дека е фокусиран на новите предизвици.

– Макс не е виновен за исходот на последната трка. Тој направи сЕ што еден возач требаше да направи, ја искористи дадена шанса. Тој е голем противник и ќе се бориме како лани. Очигледно ќе растеме врз основа на тркачкото искуство и настаните од изминатата година и целата сезона, но јас немам никакви проблеми со тоа. Одам напред, не се задржувам на минатото. Се чувствувам свежо, фокусирано и целосно фокусирано, изјави Хамилтон за „RacingNews365.com“.

Во сезоната 2021 година, британскиот возач заврши на второто место во поединечниот пласман. Тој ја загуби борбата за шампионската титула од Верстапен во последниот круг од последната трка.

Триесет и седумгодишниот Хамилтон е седумкратен шампион во Формула 1, а до минатата година освои четири титули по ред.

Првото Гран при од сезоната 2022 ќе се одржи во Бахреин од 18 до 20 март.

The post Хамилтон е подготвен за почеток на сезоната appeared first on Република.