Тренерот на Пари Сен-Жермен, Луис Енрике ги сподели своите очекувања за натпреварот од фудбалската Лига на шампионите против ПСВ.

- Очекуваме тежок натпревар. Тоа е толку отворен натпревар што се може да се случи. Поддршката од навивачите ќе биде многу важна. Не е лесно да се процени нивото на противникот. Треба да се види и дали играш дома или на гости, тоа менува се. Без сомнение, ПСВ е противник на многу високо ниво. Тие се силни во своето првенство и имаат неверојатна статистика. Играат високо, притискаат многу, тие се тим кој е храбар. Исто така знаат добро да се бранат, изјави Енрике на официјалната веб-страница на ПСЖ.

Натпреварот помеѓу ПСЖ и ПСВ ќе се игра вечер во Париз со почеток во 21 часот.

По првите две кола во Лигата на шампионите, ПСЖ има три бода, додека ПСВ е со само еден бод

The post Вечерва ново коло од ЛШ, ова е најинтересниот дуел appeared first on Република.

Тренерот на Пари Сен-Жермен, Луис Енрике не е разочаран од нерешениот исход на мечот со Ремс.

ПСЖ на гостински терен во натпреварот од 5. коло на францускиот шампионат одигра 1:1 и за прв пат сезонава не победи.

Откако сум тука, ПСЖ речиси никогаш немал лесен натпревар на гостински терен. Знаевме дека ќе биде тешко против Ремс, кој иако скоро и да немаше посед, успеа да постигне гол при првата шанса. Не можеме секогаш да победуваме, но сепак имам позитивни впечатоци за сите играчи кои учествуваа на овој натпревар, и стартери и замени. Сите се потрудија. Тоа е фудбалот. Понекогаш сè оди добро, понекогаш не, изјави Енрике за „Л’Екип“.

ПСЖ е лидер на табелата во Лига 1 со 13 бода и натпревар повеќе од најблиските ривали за врвот, Марсеј и Монако.

The post Луис Енрике е задоволен од ПСЖ и покрај ремито со Ремс appeared first on Република.

Тренерот на Пари Сен-Жермен, Луис Енрике се осврна на повредата на Гонсало Рамос добиена синоќа на натпреварот против Ле Авр (4:1) во првото коло од француската Лига 1.

Јас не сум лекар, но повредата изгледа сериозна. Тој се здоби со повреда на скочниот зглоб. Се надеваме дека ќе се врати на теренот што е можно поскоро, изјави Енрике за „RMC Sport“.

Дваесет и тригодишниот Португалец се појави во стартниот состав на ПСЖ, но поради повреда го напушти теренот во 20. минута.

The post Енрике: Повредата на Рамос изгледа сериозна appeared first on Република.

Ботафого потпиша договор со бразилскиот крилен напаѓач Луиз Енрике од шпански Реал Бетис за износ кој е бразилски рекорд во фудбалските трансфери.

Ботафого соопшти дека договорот претставува најголемо обесштетување за трансфер кој кога и да е го платил клуб од Бразил, без да ги прецизира финансиските детали.

Сепак, шпанските медиуми јавија синоќа дека клубот од бразилската Серија А му платил на Бетис обесштетување од 20 милиони евра за услугите на 23-годишниот Енрике.

Енрике потпиша договор со Ботафого до крајот на 2028 година

The post Се појави нов Луис Енрике appeared first on Република.

Шпанецот Луис Енрике и Австриецот Оливер Гласнер се главни кандидати да го наследат на тренерското место во Тотенхем италијанскиот стратег Антонио Конте, чие столче е сериозно разнишано, јавија денеска британските медиуми.

Конте има договор со лондонскиот премиерлигаш до крајот на оваа сезона, но сè почести се гласините дека тој би можел и порано да замине од Тотенхем.

Ова особено откако остро ги критикуваше своите фудбалери по ремито против Саутемптон.

Натпреварот на „Сент Мери“ заврши со резултат 3-3, иако гостите од Лондон во последните 15 минути влегоа со предност од 3-1.

„Секогаш барате алиби за играчите. Ги браните од сè и така секој пат. Доста веќе. Ние сме професионалци. Клубот ни плаќа големи плати. Не се платени да бараат алиби, да не покажуваат желба и да немаат одговорност. За мене тоа е неприфатливо, бидејќи прв пат во кариерата се наоѓам во ваква ситуација“, изјави тогаш Конте.

Италијанскиот тренер седна на клупата на Тотенхем во ноември 2021 година и од него се очекуваа големи резултати во лондонскиот клуб. Меѓутоа, англиските медиуми пишуваат дека Конте би можел да добие отказ веќе во текот на оваа репрезентативната пауза, а како негови можни наследници се споменуваат Енрике и Гласнер.

The post Луис Енрике го презема Тотенхем? appeared first on Република.