Лозари од Тиквешко кои имаат лозови насади што не се под систем за наводнување, бараат сушата што го зафати оваа година регионот да се прогласи за елементарна непогода и да добијат отштета за намалениот род во лозјата.

Во изјава за МИА, рекоа дека сушата им земала данок од родот, во висина од педесетина до стотина проценти, зависно од сортите на грозје и местоположбата на лозовите насади. Според нив, најголеми последици од климатските промени има во месностите Овчка Река и Белград, како и атарите на селата Бегниште, Ресава и Дреново.

Кавадарчанецот Диме Соколов е само еден од оние кои претрпеле штети од сушниот период.

Има многу производители на грозје кои нема да влезат за берење грозје во лозовите плантажи, што се вели, бидејќи од гроздовите останаа само сувите дршки. Гроздовите зрна се целосно испиени од сушата. Имам 33 декари под лозје, од кои дури 27 на суво. Штетите во моите ниви се движат од околу 50 до близу 70 проценти, подвлече Соколов.

Тој се пожали дека уште пред околу 25 години им било ветувано дека во месностите надалеку познати по убавото грозје, Овчка Река и Белград, ќе се донесе вода за наводнување, а многу од лозаропроизводителите верувале во тие ветувања и подигнале кредити за подигнување на лозови насади.

Многумина од нас ризикуваа, се задолжуваа со кредити, а вода не добивме, додаде тој, апелирајќи да се слушне нивниот глас и конечно да се размислува да се донесе вода за наводнување и таму, каде што засега нема можност за наводнување на земјоделски површини, вели тој.

Дека лозари се пожалиле оти сушата предвреме им „обрала" дел од родот, за МИА потврди и Ѓорѓи Ајтов, советник во подрачната единица на Агенцијата за поттикнување на развојот во земјоделството во Неготино.

Има и такви кои барајќи спас од сушата, инвестираа во купување мали цистерни, па кога имаше потреба од наводнување, ги полнеа цистерните со вода од каналите за наводнување, па носеа вода до лозјата. Мачно е, ама тоа се обиди да се спаси родот. Инаку во најсушните периоди и енормни високи температури, штети има дури и кај лозовите насади под систем за наводнување, кај грозјето директно изложено на сонце, иако значително помалку, отколку кај лозјата на суво, додаде Ајтов.

Јован Златевски, претседател на Сојузот на здруженија на лозари со седиште во Кавадарци и на потсекторската група за лозарство при Министерството за земјоделство, шумарство и водостопанство, во изјава за МИА рече дека ќе свика состанок на потсекторската група со точка на дневен ред, прогласување елементарна непогода од суша и обесштетување поради намален род на грозјето.

Златевски рече дека евидентно е намален приносот во лозјата поради сушата, но, додаде дека точното потфрлување во родот ќе се знае откако ќе се направат проценките од терен.

Ќе барам на состанокот да се расправа и за уште еден проблем со кој се соочија лозарите оваа гроздоберска сезона. Имено, иако одделни откупни пунктови на откупните белешки им пишуваа точна шеќерност на откупеното грозје, при исплатата на парите тоа не го земаа во предвид, па им даваа на лозаропроизводителите загарантирани минимални цени по килограм грозје. Ќе бараме од надлежните да се интервенира и тие откупувачи да плаќаат според шеќерни единици, како што е според закон, истакна Златевски.

The post Лозари бараат сушата да се прогласи за елементарна непогода appeared first on Република.

Историски најголема откупна цена за лозарите. Производната цена на килограм винско грозје за двете најзастапени сорти за 2024 година, е зголемена за 25% согласно Законот за вино. Производната цена на килограм грозје Вранец зголемена за 25% ќе изнесува 20,8 ден./кг, додека производната цена на килограм грозје Смедеревка зголемена за 25% ќе изнесува 18,3 ден./кг, истакнува премиерот Христијан Мицкоски.

За споредба, минатата година килограм грозје Смедеревка се откупувало по цена од 15 денари, што значи дека оваа година имаме зголемување за 3,3 денари односно 22%. Додека пак килограм грозје Вранец во 2023-тата година се откупувало по цена од 18 денари, во 2024 година имаме зголемување од 2,8 денари односно 15.5%. Целиот процес на откуп ќе го следи земјоделскиот инспекторат кој ќе распореди инспектори на секој откуп за да го следат процесот. Дополнително со ребалансот се издвоија 1 милијарда 250 милиони денари за исплата на заостанати долгови кон земјоделците кои минатата Влада не ги исплатила. И 350 милиони денари за АД Водостопанство и Национални шуми каде со месеци претходно не се исплаќало плата, истакна Мицкоски.

Борбата за стандардот на земјоделците е наш приоритет. Овој пат државата создава за народот. Исполнуваме, за тебе, напиша премиерот на Фејсбук.

The post Мицкоски: Историски најголема откупна цена за лозарите зголемена за 25% согласно Законот за вино appeared first on Република.

Претстојната берба на винско грозје, приносите и квалитетот, биле темите за кои денеска разговарале министерот за земјоделство, шумарство и водостопанство, Цветан Трипуновски и претставници од потсекторската група за лозарство и вино.

На состанокот, како што информира Министерството за земјоделство, шумарство и водостопанство, министерот Трипуновски вети дека ќе се вреднува трудот на лозарите и оти ресорното министерство ќе биде коректив.

– Во текот на денот Министерството за земјоделство, шумарство и водостопанство ќе ја објави производната цена на килограм винско грозје за двете најзастапени сорти за 2024 година, вранец и смедеревката, стои во соопштението.

The post Трипуновски: Ќе се вреднува трудот на лозарите, министерство ќе биде коректив appeared first on Република.

Претстојната берба на винско грозје, приносите и квалитетот, биле темите за кои денеска разговарале министерот за земјоделство, шумарство и водостопанство Цветан Трипуновски и претставници од потсекторската група за лозарство и вино.

На состанокот, како што информира Министерството за земјоделство, шумарство и водостопанство, министерот Трипуновски вети дека ќе се вреднува трудот на лозарите и оти ресорното министерство ќе биде коректив.

Во текот на денот Министерството за земјоделство, шумарство и водостопанство ќе ја објави производната цена на килограм винско грозје за двете најзастапени сорти за 2024 година, вранец и смедеревката, стои во соопштението.

The post Трипуновски: Ќе се вреднува трудот на лозарите, министерство ќе биде коректив appeared first on Република.

Денеска министерот за земјоделство, шумарство и водостопанство, Цветан Трипуновски присуствуваше на состанокот на Потсекторската група за лозарство и вино.

На состанокот се разговараше за претстојната берба на винско грозје, приноси и квалитетот.

Министерот вети дека ќе се вреднува трудот на лозарите и Министерството ќе биде коректив.

Во текот на денот Министерството за земјоделство, шумарство и водостопанство ќе ја објави производната цена на килограм винско грозје за двете најзастапени сорти за 2024 година, Вранец и Смедеревката.

The post Трипуновски на состанок со Потсекторската група за лозарство и вино: ќе се вреднува трудот на лозарите и Министерството ќе биде коректив appeared first on Република.

Министерството за земјоделство, шумарство и водостопанство ги информира лозаропроизводителите дека Агенцијата за финансиска поддршка во земјоделството и руралниот развој денеска ја реализираше исплатата на дополнителните директни плаќања за остварено производство на грозје.

Корисници на оваа подмерка се земјоделските стопанства кои имаат пријавено обработлива земјоделска површина со лозови насади, а оствареното производство на грозје го предале во регистриран откупувач, вклучително и произведеното грозје за сопствениот преработувачки капацитет или производството го користеле за сопствено потреби и продажба на пазар.

По оваа основа се исплатени 442 милиони денари за 9751 лозаропроизводител.

Висината на директните плаќања е 40.000 денари по хектар.

И оваа година ја запазуваме традицијата, односно поддршката за лозаропроизводителите доаѓа во пресрет на празнувањето на Свети Трифун – заштитникот на лозарите.

Исто така Агенцијата за финансиска поддршка во земјоделството и руралниот развој на крајот на 2023 година ја изврши исплатата за мерката за оддржување на лозови насади, со што со реализација на денешната исплата,  вкупната поддршка која ја добиваат лозарите е 52.000 денари по хектар.

Лозаропроизводителите се и корисници на поддршката за субвенционирање на горивото за земјоделската механизација – зелена нафта за која во 2024 година во пресрет на бербата производителите на грозје ќе добијат субвенција за дизел гориво од 9.600 денари  по хектар.

The post МЗШВ: До 9741 лозаропроизводител исплатени 442.6 милииони денари дополнителни директни плаќања за остварено производство на грозје appeared first on Република.

Лозари и овоштари од Кавадарци и Ваташа бараат надминување на проблемите со линии за наводнување на земјоделски површини.

Како што информира Дане Јошев, претседател на регионалното здружение „Тиквешки лозароовоштари“, тие писмено се обратиле и до АД „Водостопанство“, подружница „Тиквеш“. Станува збор за корисници на линиите К1-Бошава и К2-Бошава.

К1 линијата што врши дотур на вода до пумпната станица Вашата е неупотреблива од 2018 година, ништо не е преземено. Затоа пак, земјоделците чекаат вода за поливање од преливните базени на ЈП Комуналец – Кавадарци, во мала количина. Водата оди под слободен пат, а се фактурира како под пумпи, што е незаконски. Затоа треба веднаш да се намалат фактурите по цена – 731 од декар + 5% ДДВ. А за понатаму, во 2024 година, линијата во Ваташа во должина од 850 метри да се направи, пумпите да преработат, да се постават водомери на линиите на корисниците и на базенот кај Југокомерц да се мери влез на водата, а со тоа водокорисниците да бидат правилно задолжени и задоволни, а не како досега на штета на земјоделците, велат од Здружението.

Оттаму додаваат дека „К2 линијата нема вода од 2021 година“.

До денес, освен по два-три дена во сезоната. Затоа, потребно е итно санирање на проблемот и прочистување, за непречена фунцкионалност во наредните години, се вели во писмото реакција на здружението на лозароовоштари.

The post Лозари и овоштари од Кавадарци и Ваташа бараат помош за надминување на проблемите со линиите за наводнување appeared first on Република.

The post Николовски на средба со претставници на лозарите од Тиквешијата appeared first on Република.

Претседателот на ВМРО-ДПМНЕ, Христијан Мицкоски денеска им посака успешна берба на лозарите, па повика сите да дојдат на „Тиквешки гроздобер“.

- Ете и официјалниот почеток на гроздоберот е нели денеска, иако јас ја користам и оваа прилика и да им посакам успешна берба на лозарите нели во периодот кој што следи. Нормално, тие кои што својот труд го вложиле изминатиов период, соодветно да биде и платен тој, истиот труд, од страна на откупувачите. Знаете дека тоа години наназад претставува голем предизвик за оваа Влада, бидејќи секогаш мора со лаги и манипулации да се служи кога станува збор за откупот на трудот на лозарите, рече Мицкоски од Кавадарци.

Тој ги повикува сите граѓани од државата, но и однадвор, денеска и утре да бидат во Кавадарци.

- Да бидат дел од овој спектакуларен настан и да уживаат во добро расположение, со убава енергија. Затоа што убава енергија ни е потребна, убаво расположение ни е потребно. Впрочем да се чувствуваме убаво во денешно време претставува предизвик, а зашто ние денеска и утре да не се чувствуваме убаво. Бидејќи овој карневалски настан нас сите ќе не прави да се чувствуваме убаво, додаде Мицкоски.

Тој кажа дека станува збор за „еден исклучително добар и убав, и би рекол настан кој што го одбележува овој период во овој регион“.

- Како што слушнавте, како што кажа Митко очекуваме да дојдат овде во Кавадарци и одговорно да конзумираат вино, повеќе десетици илјади македонски граѓани. Но, зошто не и од странство, има луѓе кои што сакаат да го посетат овој настан, додаде Мицкоски.

The post Мицкоски во Кавадарци им посака успешна берба на лозарите appeared first on Република.

Агенцијата за поттикнување на развојот на земјоделството-АПРЗ со седиште во Битола, по извршен инспекциски надзор за утврдување на здравствената состојба на лозовите насади, во сите вински региони во државава, препорача, лозарите да ја заштитат виновата лоза од пламеница и пепелница.

Од АПРЗ информираат дека кај виновата лоза има појава на болестите пламеница и пепелница.

-Во различни региони, присутноста на болести во лозовите насади е со различен интензитет. Станува збор за економски штетници кои се честа појава особено во услови на зголемена влага, а во мометов климатските услови се многу погодни за ширење на болеста. Пламеницата на лозата е болест која редовно, секоја година се јавува и причинува помали или поголеми штети. Таа ги напаѓа сите зелени делови на лозата, листовите, ластарите, цутовите, гроздот и гроздинките. Лозата е најосетлива во фазата на интензивен раст и на крајот при зреењето на грозјето. Условите за развој на пламеницата се предизвикани од врнежливиот период, што  доведува до губење на квалитет и на принос во лозовите насади, појаснуваат од АПРЗ.

Вработените на АПРЗ подготвија насоки за земјоделците со препорака со кој препарати треба да се третираат лозовите насади за да се спречи ширење на болеста и да се минимизираат загубите.

-Различни сорти се во различен вегетативен период, некој почнуваат да цветаат а другу веќе прецветуваат. Поради тоа, препораката од АПРЗ опфаќа решенија за заштита за двете фази, а лозарите самите треба да одберат со кој препарат ќе ги третираат лозјата соодветно на вегетативната фаза на сортата која ја одгледуваат.

За насадите каде лозата се наоѓа во фаза на пред цветање или цветање на грозјето, што зависи од регионот на одгледување и сортата на грозјето се препорачува лозарите да ја извршат заштитата со следните заштитни средства против пламеница, како и заштитни средства против пепелница. Лозовите насади кај кои болестите се присутни во поголема мерка, заштитата да ја повторат за 10 дена од претходното третирање, соопштија од Агенцијата за поттикнување на развојот на земјоделството со седиште во Битола, чии советници како што нагласуваат се на располагање да понудат стручни совети за заштита на производната сезона.

The post Лозарите да ја заштитат виновата лоза од пламеница и пепелница appeared first on Република.

The post Следете во живо: Изјава на Христијан Мицкоски appeared first on Република.

Лозари протестираат денеска во Неготино, бараат повисоки цени за грозјето и подобри услови за лозаропроизводство. Незадоволните производители на грозје велат дека е ова e предупредувачки протест и очекуваат да им бидат понудени подобри услови за откуп на годинашниов род.

Протестот трае од 10 до 15 часот денеска и утре. На ваков начин го изразуваме својот револт од незадоволителните цени кои пред претстојниот гроздобер ги нудат најголемиот дел од винарските визби. Очекуваме нашиот глас да го слушнат откупувачите на грозје и надлежните во државата кои се посредници помеѓу лозарите и винариите. Се надеваме дека ќе наидеме на разбирање и дека првично објавените цени ќе се корегираат, рекоа организаторите на протестот.

Тие појаснуваат дека најголем дел од винариите повторно манипулирале и со тоа што нуделе помалку пари за килограм грозје, доколку исплатата ја извршат веднаш по откупот.

Стефан Стојчев од кавадаречкото село Сопот е млад лозар кој стопанисува со 30 хектари лозје и верува дека со протестот ќе го привлечат вниманието на јавноста за проблемите на лозаропроизводителите.

Со години наназад се соочуваме со винарска мафија. Најголем дел од винарските визби манипулираат кога се во прашање откупот, цените, шеќерноста, мерењето на килограмите, плаќањето. Редно е да се стави крај на сите овие лозарски маки и конечно лозарите и винарите со посредство на надлежните служби да работат во интерес на двете страни и промоција на македонското грозје и вино, дециден е Стојчев во изјава за МИА.

The post „Со години се соочуваме со винарска мафија“: Протест на лозарите во Неготино appeared first on Република.

Лозари од Тиквешко најавуваат дека претстојниов викенд ќе одржат предупредувачки протест зашто не се задоволни од откупните цени.

Протестот, велат, ќе се одржи на влезот во Неготино од страната на автопатот Скопје – Гевгелија.

Протестот ќе трае од 10 до 15 часот во сабота и недела. Со тоа ќе го изразиме својот револт од незадоволителните цени кои пред претстојниот гроздобер ги нудат најголемиот дел од винарските визби. Очекуваме нашиот глас да го слушнат откупувачите и надлежните во државата кои се посредници помеѓу лозарите и винариите. Се надеваме дека ќе наидеме на разбирање и дека првично објавените цени ќе се корегираат, рекоа организаторите на протестот.

Според нив, најголем дел од винариите повторно манипулирале со тоа што нуделе помалку пари за килограм грозје, доколку исплатата ја извршат веднаш по откупот.

The post Лозари од Тиквешко најавуваат протест, незадоволни се од откупните цени appeared first on Република.

Лозарите од Кавадарци и Неготино, на прес конференција дадоа поддршка за протестот во организација на ВМРО-ДПМНЕ, кој оваа сабота ќе се одржи пред владата во 20 часот.

Велат дека причините за поддршка на овој протест е незадоволството од оваа влада и незнаењето да се справи со земјоделието, неформирањето цени за грозјето за 2022 година, неисплаќањето на субвенции во целост, проблемите со наводнувањето кои постојат веќе 4 години, неисплаќањето на зелената нафта итн.

– Не се исплатени ниту штетите од мраз за реколтата од 2021 година, штетите од суша за реколта 2021 година а кривицата беше во водостопанството што не обезбеди вода, како и тоа што не се исплатени ниту уште две винарии за откупеното грозје од ланската реколта затоа што требаше до 30 април да го исплатат, а еве до ден денес нема ништо. Токму овие проблеми се причина за незадоволство од лозарите и овоштарите и затоа ја даваме поддршката за протестот што ќе биде пред владата во Скопје. Бидејќи, обврска е и на опозицијата и позицијата да се грижат за лозарите и за земјоделците, рекоа лозарите во своето обраќање.

The post Лозарите со поддршка за протестот на ВМРО-ДПМНЕ appeared first on Република.

Поради повеќе нерешени проблеми во лозарството, од здружението „Тиквешки лозаро-овоштари“ за во недела најавија протест и блокада на патот Кавадарци – Неготино.

-Од 11 до 13 часот ќе имаме протест. Затоа сега ги поканувам сите лозари од Тиквешијата да дојдат бидејќи работата е за никаде. Нашите барања министерството ги знае, но ништо не преземаат. Имаме проблеми со наводнувањето, неисплатеното грозје, неисплатени средства за измрзнување на овошните насади, на некои исплатија, на некои не, имаме неисплатени средства за сушата…., посочија тие.

The post Од утре лозарите од Тиквешијата на улица appeared first on Република.

Лозароовоштарите од Кавадарци денеска излегоа на протест поради проблемите со водостопанството.

-Конкретно ни беше ветено, бидејќи немаме вода, каналска мрежа од 860 метра, од Ваташа до КА1, а потоа и каналот за наводнување КА2 нема вода, истите прикаски ни ги кажуваат со години, дека „Водостопанство Кавадарци“ бараат од државата, но тие не им одобруваат, велат земјоделците од Кавадарци.

Тие додаваат дека главните канали за вода не се пуштени, а е месец мај и праските веќе не зреат.

-Дефектите не се поправаат, водостопанство спие, ќе мора порадикални мерки да преземеме, ако не се решат нашите проблеми во наредните десетина дена, велат тие.

Велат дека бараат субвенции за потрошената струја од пумпите.

https://youtu.be/8vu6Q9MItk8

The post Лозарите и овоштарите од Кавадарци на протест: Министерот Николовски спие, ако немаме вода ќе излеземе на порадикален протест appeared first on Република.

Денеска овдека во Кавадарци на наша огромна чест и задоволство градоначалникот на Кавадарци, господинот Митко Јанчев направи навистина еден убав настан кој што го одбележавме заедно со кавадарчани, со луѓето од Тиквешијата, но и со гостите кои што денеска се присутни овдека во Кавадарци, изјави Христијан Мицкоски.

Направивме закројување на лозјето, кое што симболички го направивме, цениме дека на овој начин ќе упатиме порака на обединување, на заедништво.

Но и истовремено ќе упатиме порака дека трудот на земјоделците, трудот на лозарите треба да се цени, да не се случува како што тоа беше на пати во минатото да трудот на лозарите не биде платен од страна на откупувачите, но и од страна на државата достоинствено онака како што тие луѓе заслужуваат. Бидејќи навистина маката и потта која што ја оставаат за да можат да произведат и едно зрно грозје е навистина голема, а со тоа да ги прехранат своите семејства во овие тешки услови на функционирање и на живеење.

https://www.youtube.com/watch?v=mDancFcWAEY

Јас сум навистина задоволен што ја имав можноста еве денеска да бидам тука меѓу граѓаните и заедно со  граѓаните да го одбележиме овој голем ден за Тиквешијата и за лозаропроизводителите.

Така што уште еднашка сакам да им го честитам и да им посакам добар род, но и навистина достоинствени откупни цени

The post Мицкоски: Трудот на земјоделците и на лозарите треба да се цени appeared first on Република.

Денеска овдека во Кавадарци на наша огромна чест и задоволство градоначалникот на Кавадарци, господинот Митко Јанчев направи навистина еден убав настан кој што го одбележавме заедно со кавадарчани, со луѓето од Тиквешијата, но и со гостите кои што денеска се присутни овдека во Кавадарци, ова денеска преку изјава за медиумите го истакна лидерот на ВМРО-ДПМНЕ Христијан Мицкоски.

Направивме закројување на лозјето, кое што симболички го направивме, цениме дека на овој начин ќе упатиме порака на обединување, на заедништво. Но и истовремено ќе упатиме порака дека трудот на земјоделците, трудот на лозарите треба да се цени, да не се случува како што тоа беше на пати во минатото да трудот на лозарите не биде платен од страна на откупувачите, но и од страна на државата достоинствено онака како што тие луѓе заслужуваат. Бидејќи навистина маката и потта која што ја оставаат за да можат да произведат и едно зрно грозје е навистина голема, а со тоа да ги прехранат своите семејства во овие тешки услови на функционирање и на живеење, вели Мицкоски.

Тој додава дека е навистина задоволен што ја имал можноста еве денеска да биде тука меѓу граѓаните и заедно со граѓаните да го одбележи овој голем ден за Тиквешијата и за лозаропроизводителите.

Така што уште еднашка сакам да им го честитам и да им посакам добар род, но и навистина достоинствени откупни цени, рече Мицкоски.

https://youtu.be/mDancFcWAEY

The post Мицкоски на закројување на лозје во Кавадарци: Трудот на лозарите да биде вреднуван appeared first on Република.

Светиот маченик Трифун

Роден е во селото Кампсада во Фригија од сиромашни родители. Во детството беше чувар на гуски. И уште од детството врз него беше голема Божја благодат и можеше да исцелува болести кај луѓето и кај животните и да изгонува бесови. Во тоа време со Римското царство завладеа царот Гордијан, чијашто ќерка слезе од умот и со тоа го фрли царот во голема жалост. Ниеден лекар не можеше да ? помогне на лудата Гордијана. Тогаш демонот прозборе преку девојката и рече дека освен Трифун никој не може да го истера. После многумина Трифуни ширум царството, по Божја Промисла го повикаа и овој млад Трифун. Го доведоа во Рим и тој ја исцели царската ќерка. Царот му подари многубројни дарови, а тој на враќање им ги раздели на сиромасите. Потоа ова свето момче продолжи да чува гуски и да Му се моли на Бога. Кога се зацари христоборниот Декиј, Свети Трифун беше малтретиран и свирепо измачуван заради Христа. Но тој со голема радост ги поднесе сите мачења, велејќи: „О кога би можел да се удостојам во оган и маки да завршам за името на Исус Христос, мојот Бог и Господ!“ Маките не му наштетија ни малку и најпосле мачителите го осудија на смрт со меч. Му се помоли на Бога и издивна во 250 година.

The post Денеска се празнува Св.Трифун, денот на лозарите appeared first on Република.

Над 9,4 милиони евра субвенции за лозови насади денеска им се исплатени на 13.854 лозари, соопшти министерот за земјоделство, шумарство и водостопанство, Љупчо Николовски преку својот фејсбук профил.

Како што ветивме, субвенциите ги исплаќаме пред почетокот на новата производствена сезона, истакнува Николовски.

Овие пари, додава, директно се враќаат кај лозарите.

Овие пари директно се враќаат кај лозарите, за да ги вложат во новото производство, за да произведат квалитетно грозје за производство на нашето познато македонско вино, подвлекува министерот.

Претходно Николовски најави и поголеми субвенции за сточарите и пчеларите.

The post Над 9,4 милиони евра субвенции исплатени на 13.854 лозари appeared first on Република.