Пријавувањето за лотаријата ДВ-2026 започнува денес 2 октомври и трае до 5 ноември 2024 год.

Оваа програма им дава можност на лицата од држави со ниска стапка на имиграција во САД ,и кои ги исполнуваат условите на лотаријата, да аплицираат за имигрантска виза за САД.

Единствениот начин да се учествува е преку: https://dvprogram.state.gov .

Прочитајте ги инструкциите за програмата на https://travel.state.gov/dv.

The post Од денеска почнува пријавувањето за американската лотарија appeared first on Република.

Со Одлука на Владата, престанува правото за приредување интернет игри на среќа на Државна Видеолотарија. Согласно оваа Одлука, компанијата известува дека платформата 2win.mk мора да престане со прием на влогови во интернет игрите на среќа.

Ве информираме дека започнатите интернет игри на среќа ќе бидат обработени по нивното комплетирање, а евентуалните добивки ќе бидат исплатени. Средствата од сметките за интернет игри на среќа ќе бидат исплатени во целост на регистрираните банкарски сметки на платформата, во законскиот рок. По исплатата на средствата, платформата за интернет игри на среќа ќе остане достапна само со можност за увид во профилите и завршените игри и плаќања. Доколку имате невалидна банкарска сметка за исплата, ќе имате можност да доставите нова валидна банкарска сметка за комплетирање на исплатата – соопшти компанијата.

Оттаму додаваат дека како прв легален приредувач на интернет игри на среќа, кој го започнал работењето согласно закон и во законскиот рок, платформата 2win.mk во изминатите 10 години целосно и без исклучок, ја почитувала законската регулатива и уредбите на регулаторните тела.

Платформата 2win.mk се заблагодарува на укажаната доверба за изминативе 10 години. Веднаш по создавање на услови, платформата за интернет игри на среќа, 2win.mk ќе се врати во функција, додаваат од Видеолотарија.

За сите прашања, тимот на 2win.mk е достапен на контакт телефонските броеви и електронската пошта.

The post Сите добивки ќе бидат исплатени: Престанува да работи платформата 2win.mk за игри на среќа appeared first on Република.

Еден од добитниците на минатомесечниот историски џекпот на Пауербол (Powerball) од 1,3 милијарди долари е имигрант од Лаос кој боледувал од рак осум години, а минатата недела го имал последниот круг на хемотерапија.

Ченг Чарли Сифан од Портланд, на прес-конференција одржана од Лотаријата во Орегон, изјави дека тој и неговата сопруга Дуанпен ќе ја поделат наградата подеднакво со пријателката Лаиза Чао, која дала 100 долари за да купи неколку билети со нив.

Тие ќе добијат 422 милиони долари по оданочувањето.

The post Mигрант кој се лечи од рак доби 1.3 милијарди долари на лотарија appeared first on Република.

Еден од добитниците на минатомесечниот историски џекпот на Пауербол (Powerball) од 1,3 милијарди долари е имигрант од Лаос кој боледувал од рак осум години, а минатата недела го имал последниот круг на хемотерапија.

Ченг Чарли Сифан од Портланд на прес-конференција одржана од Лотаријата во Орегон рече дека тој и неговата сопруга Дуанпен ќе ја поделат наградата подеднакво со пријателката Лаиза Чао, која дала 100 долари за да купи неколку билети со нив.

Тие ќе добијат 422 милиони долари по оданочувањето.

The post Mигрант кој се лечи од рак доби 1.3 милијарди долари на лотарија appeared first on Република.

Американец кој мислел дека освоил „џекпот“ од 340 милиони долари, ја тужи лотаријата „Пауербол“ во САД, која по грешка ги објавила неговите броеви.

Џон Чикс од главниот град Вашингтон тврди дека бил „зачуден“ кога видел дека победничките броеви за јануари 2023 година се совпаѓаат со оние од неговиот лоз. Но, кога го однел ливчето до Канцеларијата за лотарија и игри, неговото побарување било одбиено.

Вработениот одговорен за исплати ми рече дека мојот лоз е неважечки и дека можам само да го фрлам во канта, изјави Чикс за Би-би-си.

Забуната настанала поради „техничка грешка“, според надлежните. Имено, дента кога лозот е купен во тек биле тестови на интернет-страницата на „Пауербол“, па таму „случајно“ била објавена низата „тест-броеви“ коишто се совпаѓале со оние на Чикс.

Меѓутоа, „несреќниот добитник“ го задржал лозот и најмил адвокат. Сега тој ја тужи лотаријата и бара отштета од 340 милиони долари – токму онолку колку што верувал дека добил по лажното известување.

The post Американец тужи лотарија – по грешка ги објавиле неговите броеви за добивка од 340 милиони долари appeared first on Република.

Државната лотарија водена од Перпарим Бајрами пулен на Артан Груби само во јануари дала неверојатни 12 милиони евра за терминали за приредување игри на среќа, 12 милиони евра за апарати за коцкање, рече на денешната прес-конференција портпаролот на ВМРО-ДПМНЕ, Наум Стоилковски.

Екс шефот на кабинет на Груби, сега директор на Државна лотарија, на 4 јануари дава над 6 милиони евра за апарати за коцкање, на 11 јануари 11 милиони и 200 илјади евра, на 18ти јануари над 3.5 милиони евра за апарати за коцкање, или вкупно 12 милиони евра од 4 јануари до 18ти јануари! Во само две недели лотарија на пријателот на Груби дал 12 милиони евра за апарати за коцкање, истакна Стоилковски.

Тој рече дека ова е резултат на молкот на институциите, ова е резултат на наведнатата глава на СДС, како и дека ова е резултат на разузданоста, неодговорноста, замислената недопирливост на Артан Груби и на ДУИ. Половина година предупредуваме на огромни скандали поврзани со Државна лотарија, со Перпарим Бајрами, со Управниот одбор на Лотарија, и вмешаност на Артан Груби и на ДУИ во тоа.

СДС и ДУИ, кратат плати под минималец во ФЗОМ, не даваат стипендии на студентите, немаат пари за земјоделците, СДС и ДУИ ги качија сметките за струја, ама затоа за две недели во јануари СДС и ДУИ имаат 12 милиони евра за апарати за коцкање, за Перпарим Бајрами и Артан Груби да се среќни!

12 милиони евра во јануари за апарати за коцкање, се резултат на молкот на институциите и на СДС пред фактите кога уште во октомври посочувавме на насилство озаконето со потпис на Груби, за отворање нови коцкарници.

12 милиони евра за апарати за коцкање, заради молк на СДС пред врските на Артан Груби со Перпарим Бајрами и членовите на Управниот одбор на лотарија.

12 милиони евра за апарати за коцкање заради молкот на СДС пред договорот на Перпарим Бајрами со нова фирма врзана со член на УО на лотарија, за изнајмување на објект во Визбегово за 2.5 милиони евра! Потенцираше портпаролот на ВМРО-ДПМНЕ.

Нема што СДС нема да голтне и пред што нема да заврти поглед само Артан Груби и ДУИ да ги направат среќни со државни пари, нема што нема да премолчат само и само во обид да ги домолат за спас од двоен изборен дебакл СДС. Сите овие договори, вклучително и законите на ДУИ за коцкање мора да минат низ процес на ревизија. Одговорност за вакво расипништво мора да има. Никогаш не било полошо, важно е да ги поразиме, додаде Стоилковски.

The post Државна лотарија на ДУИ и даде 12 милиони евра за апарати за коцкање appeared first on Република.

Новата Државна Видео Лотарија – НОВО ВЛТ за скоро 228 милиони денари, односно за 3,7 милиони евра ќе набавува коцкарски апарати, односно ВЛТ-терминали. Тендерот го доби фирмата ХТЛ Македонија, во сопственост на австриската Новоматик, објави Телма.

Тие треба да испорачаат 462 апарати по цена од над 8 илјади евра за апарат од австрискиот производител Новоматик АГ.

Фирмата НОВО ВЛТ беше формирана во април годинава. Сопственици се Државната лотарија на Македонија и фирмата ХТЛ Македонија. Тоа значи дека НОВО ВЛТ му го дала тендерот од 3,7 милиони евра на својот косопственик – странскиот ортак на државната лотарија.

Новинарите од Телма во Државната лотарија ги упатиле за одговор на Новата државна видео лотарија, но до објавувањето на овој текст оттаму не добиле одговор дали во овој тендер гледаат конфликт на интереси.

Во Комисијата за заштита на конкуренцијата испративме прашања дали е дозволено да се спроведе ваква јавна набавка, но и од нив досега нема одговор. Новата државна видео лотарија му дала тендер од 3,7 милиони евра на сопствениот газда ХТЛ Македонија во сопственост на австриски Новоматик

Австриската компанија Новоматик, преку својата македонска фирма ХТЛ Македонија, ги поседува МА Гаминг и Мастербет, кои имаат лиценци за автомат клубови во земјата. Едната ги поседува коцкарниците Астра, а другата Адмирал.

Преку македонската фирма Макотен, австриски Новоматик ги поседува лиценците за казината во скопскиот хотел Мериот и во хотелот Фламинго во Гевгелија.

Од 1997 до 2003 година, поранешниот еврокомесар за проширување Јоханес Хан беше член на извршниот одбор, а потоа и директор на Новоматик.

Извор: Телма

The post Новата државна видео лотарија му дала тендер од 3,7 милиони евра на странскиот газда appeared first on Република.

Кога дознал дека на лотарија освоил 40 милиони американски долари, околу 37 милиони евра, добитникот на лото Том Крист, воопшто не се возбудил и се откажал од своите пари освоени на канадската лотарија.

За „ЦБЦ њуз“, овој долгогодишен директор на електрична компанија во Канада вели:

Имав среќа да работам за компанијата 44 години. Во текот на мојата кариера заработив доволно пари за да се грижам за себе и за моите деца. Затоа не ми требаат освоените пари на лотарија“.

Наместо да ги земе освоените пари, тој решил да донира милиони во добротворни цели, но, позадината на таквата одлука е потресна, пренесува германски МСН.ком.

Неколку месеци пред да освои пари на лотарија, Том Крист доживеал тежок судбински удар, неговата сопруга почина од рак на белите дробови.

Ова, како што објаснува, е и причината поради која ги донирал големите добивки од лотарија на добротворна организација која се грижи за децата на кои им е потребен посебен третман за рак.

The post Добил 40 милиони долари на лотарија, па се откажал од нив поради потрена причина appeared first on Република.

Добитникот кој освоил 1,35 милијарди долари на лотарија потпишал договор за необјавување за да остане што подалеку од очите на јавноста. Но, сега ја тужи сопругата бидејќи таа му кажала за семејството за добивката, пишува Мирор.

Имено, човекот од Мејн го освои џекпотот Mega Millions со броевите 30, 43, 45, 46 и 61 и златната мега топка од 14.

На 8 февруари, сопругата потпишала договор за необјавување на името до 1 јуни 2032 година, кога нивната ќерка ќе наполни 18 години.

Поради загриженоста за безбедноста и приватноста поврзани со добивките на лотаријата, тужината се согласи да склучи договор за необјавување ("NDA") со Џон До за да ја промовира безбедноста и заштитата на Џон До, тужината и нивната ќерка и да избегне непоправлива штета од обелоденувањето на медиумите или на јавноста генерално за да се открие, меѓу другото, идентитетот, физичката локација и имотот на Џон До, се наведува во тужбата.

Во тужбата се наведува дека жената за време на телефонски разговор им кажала на родителите за добивката.

Како резултат на неовластено откривање на обвинетиот, Џон До претрпел непоправлива штета и постои непосредна опасност Џон До и понатаму да трпи штета за која не постои соодветен правен лек - се наведува во тужбата.

Мажот сега бара од судот да изрече налог на жената за да спречи информации за добивките да бидат откриени на повеќе луѓе.

Добитниците на лотаријата статистички се од понизок социо-економски статус - изјави Столтман за CNBC.

Адвокатот Ендрју Столтман вели дека добитниците на лотаријата често се соочуваат со голем број предизвици.

Членовите на семејството често од нив бараат пари, а велејќи „не“ на семејството може да биде најтешката работа што треба да ја направат добитниците на лотаријата – изјави Столтман.

The post Доби милион на лотарија, а сега ја тужи сопругата затоа што не можела да молчи: „Требаше да биде тајна“ appeared first on Република.

На интернет кружи интересно видео од извлекување на добитници во наградната игра, која најверојатно се одржала во Косово.

На видеото се гледа како човекот кој го извлекува победникот влегува во базенот со ливчиња со имињата на учесниците на томболата. Зема еден куп ливчиња во рацете, ги фрла во воздух како конфети додека не му останат само неколку во рацете. Полека отфрла плик по плик додека конечно не му остана само еден во рацете, малку зјапа во него и на крајот го чита името - Дејан Радиќ.

Откако двапати го кажува името на победникот, се слуша разговорот на водителот со гостите во студио, по што на телефон се јавува Дејан. Се претпоставува дека го прашуваат дали зборува албански или дали разбира затоа што одговара: „Слабо“.

Она што може да се извлече од разговорот е дека во играта добил автомобил Фиат.

View this post on Instagram

A post shared by @017_dn

The post Србин добитник на главната награда на албанска лотарија: Водителите шокирани, два пати го читаат името appeared first on Република.

Наместо по должност да отвори очигледен предмет за Државна Лотарија, ЈО со Љубомир Јовески повторно молчи и се крие, надевајќи се дека ДУИ ќе го донесе Јовески за Уставен судија, а СДС ќе остане уште некој ден на власт. ЈО со Љубомир Јовески е најголемиот срам за Македонија. ЈО со Јовески наместо да гони криминалци, молкум одобрува криминал, а кога е повикано се крие зад други институции, посочува портпаролот на ВМРО-ДПМНЕ, Наум Стоилковски.

Молкум газејќи го правото за случајот Лотарија, ЈО Јовески уште еднаш покажува дека е само и само во функција да не падне владата на ДУИ со СДС. Милионски и милионски скандали и криминалии се поврзани со ДУИ, Ахмети и Груби, а ЈО со Јовески никаде ги нема! Случајот Лотарија, каде директор најмува од фирма каде е ангажиран член на УО на Лотарија, двајцата од кабинетот на Груби, случајот каде фирма од кланот Зајас за 5 месеци постоење стигнува до 2.6 милиони евра, е класичен школски предмет за Јавен Обвинител. Ама не и за послушникот Јовески и не за Ислам Абази од Зајас, вели тој.

Стоилковски посочи дека ќе следува одговорност.

За нив нема предмет ни за дуќани во Скопје, ни за Соравија, ни за хотел на Шапка, ни за Лотарија, нема предмети за ништо поврзано со ДУИ. Да потсетам, одговорност од одговорно лице се бара за постапување спротивно на она што е должност, но и за непостапување според должноста. Наместо нова функција ќе следува лична одговорност за постапување или непостапување, истакна тој.

https://www.youtube.com/watch?v=Uqwj-Pkmjuk

The post Стоилковски: Случајот Лотарија е школски пример за криминал на ДУИ, само не за послушникот Јовески и Абази од Зајас! appeared first on Република.

Очекувано, наместо итна акција на ЈО и институциите за скандалот Лотарија, тие си ја префрлаат топката меѓу себе, оставајќи простор за забошотување, влијанија и сокривање на криминалот и корупцијата. Да потсетам накусо, Перпарим Бајрами, директорот на Лотарија, за 2.6 милиони евра изнајмува простор од фирма каде удел има и Шабан Азмовски Хамза, член на УО на Лотарија, а двајцата се дојдени од министерството на Артан Груби! Чист случај на корупција, чист предмет за ЈО!, истакна Наум Стоилковски, портпарол на ВМРО-ДПМНЕ,

Но, ЈО како одговор до „Слободна Европа“, меѓународен американски медиум којшто работи и пишува серијал на овој случај, вели, цитирам: Доколку Финансиската полиција не постапи, обвинителството ќе оформи предмет!?

Ова потврдува дека ЈО молчи и бега од темата и е во функција да не падне владата!

Зошто ЈО се крие од постапка за Лотарија? Што го спречува ЈО за организиран криминал? Зошто ЈО да чека?

Но, дали зад чекањето и префрлувањето топката се фотографиите на Ислам Абази со ДУИ, или изборот на Јовески за уставен судија?

Или можеби фактот дека зад фирмата ХЕЈ којашто за 6 месеци се основа, купи имот и фати тендер од 2.6 милиони евра, е Армин Машовиќ од тимот партнери на Ерџан Сулкоски поврзан со семејните бизниси на кланот Зајас?

Ужасни се низите криминалии и корупција поврзани со ДУИ, Артан Груби, Ахмети, кланот од Зајас, а институциите не смеат да писнат!

Злоупотребата на службата се прави и со постапка и со непостапување по опис на службата, и за тоа ќе има одговорност по смена на власта, додава Стоилковски.

The post Стоилковски: Зошто ЈО се крие од постапка за Лотарија? appeared first on Република.

Втора недела Артан Груби, ДУИ, Ковачевски, Лотарија, немаат одговор за скандалот - како директорот на Лотарија, Перпарим Бајрами изнајмува локал за цели 21.000 евра месечно од фирма чиј што дел е член на УО на Лотарија, Шабан Азмовски, Хамза и тоа со договор на 10 години?

21.000 евра месечно, 10 години, 252.000 годишно, вкупно 2 милиони 520.000 евра. Исто така, за годинава Лотарија предвидела речиси милион евра, над 970.000, за наем и реконструкција на деловен простор, всушност за истиот локал!

И двајцата притоа се дел од кабинетот на Артан Груби во министерството за политички систем!

Шабан Хамза, всушност отвора портал ХЕЈ.МК каде главен условно клиент е Фидан Селими со фирмата „Медиа Девижн 2021“, инаку уште еден вработен во министерството на Артан Груби, со задолженија за рекламирање на ДУИ!

Локалот кој што е изнајмен е од фирмата „ХЕЈ“, на Армин Машовиќ, познат како бизнис партнер со Ерџан Сулкоски, ортакот на зетот на Али Ахмети, Куштрим Смајлај!

Значи тројца вработени кај Артан Груби во бизнис со партнерот на Ерџан Сулкоски, оној којшто Али Ахмети се сеќавате дека нели не го познава!

Ова е чист случај за ЈО за организиран криминал доколку и тој не се поврзува со ДУИ и Али Ахмети!

Тоа што е интересно е дека за овој скандал пишуваше и „Слободна Европа“, домашната канцеларија на странски медиум. Но и тие пишуваат дека не добиле никаков одговор од институциите.

Затоа пак, наместо одговор до медиум и одговор на прозивките од опозицијата, едноставно, го срушиле интернет порталот, да е невидлив за јавноста.

Да потсетам на хронологијата:

„ХЕЈ“ ДООЕЛ е компанија којашто во 5 месеци прави чудо од бизнис. Основана на 02 февруари, на 22 март купува објект од речиси 3.000 квадрати, се пријавува на тендер на Лотарија во мај, и на 5 јули добива договор тежок 2,6 милиони евра!

За пет месеци од формирањето до бизнис тендер од 2,6 милиони евра! Секако, фирмата е на Армин Машовиќ, компанија за консалтинг, маркетинг и за медиумска застапеност.

Порталот ХЕЈ.мк е регистриран еден месец пред фирмата да започне, значи во јануари, од Шабан Азмовски, Хамза, инаку член на Управниот одбор на акционерското друштво на Државна лотарија, и вработен во министерството на Артан Груби!

Најголем огласувач на ХЕЈ.МК е фирмата на Фидан Селими, со информации, и видеа од и за ДУИ, а Фидан Селими со фирмата „Медиа Девижн 2021“, е уште еден вработен во министерството на Артан Груби!

Почитувани,

Тоа е шемата, а ќе ги повторам прашањата кои што досега останаа неодговорени, до Артан Груби, но и до Спасовски, до Грковска, па и Ковачевски кои што мора да одговорат, како тоа Перпарим, директорот од Лотарија најмува простор од фирма каде дел Шабан Хамза, член на Управниот Одбор на Лотарија?

Дали Перпарим од Лотарија ќе каже дали не знаел дека Шабан Азмовски, Хамза го регистрирал името на порталот ХЕЈ на фирмата каде ќе истурат 2,6 милиони евра?

Артан Груби мора да каже како тоа во Лотарија завршиле и Перпарим Бајрами и Шабан Азмовски, Хамза, но и оној со фирмата „Медиа Девижн 2021“, Фидан Селими.

А, Али Ахмети и Димитар Ковачевски мора да одговорат како сите големи државни тендери се вртат околу зетот на Ахмети и неговиот бизнис ортак Ерџан Сулкоски?

И секако СДС мора да одговори до кога молкум ќе слугува на криминалниот клан?

Реакцијата, бришењето на порталот, односно неговото т.н. „Рушење“, покажува нервоза и открива многу повеќе од тоа што се сака да се сокрие.

Институциите мора да почнат да работат, бидејќи да потсетам злоупотреба на службена положба се прави со дејствување ама и со недејствување, односно неработење на тоа што е задачата, вели Стоилковски.

The post Стоилковски: Институциите да не молчат, како директор на Лотарија потпишал договор со фирма каде дел е член на УО на Лотарија? appeared first on Република.

Џенет Валенти (77) од Њујорк пред 31 година на лотарија освоила џекпот од 12 милиони долари, но никогаш не ги подигнала парите.

Жената тврди дека пред 31 година имала добитно ливче со броевите 2, 3, 6, 43, 46 и 52, но дека го фрлила во канта за отпадоци заедно со недобитните тикети.

Оваа грешка ја чинела неверојатна сума пари, но таа вели дека контактирала со локалните лотарии. Сепак, од лотаријата објасниле дека наградата може да ја побара само сопственикот на тикетот кој лично ќе го донесе.

Сè уште играм Лото, но добивките ми се мали, само неколку долари или кусур - објаснува жената.

Во тој јули 1991 година, Џенет брзала да излезе од дома со двете деца и мајка си и во тој хаос добитниот тикет по грешка го фрлила во ѓубре. Таа отишла кај пријател за викенд и кога се вратила дома се обидела да си го најде тикетот, но за жал не успеала.

Оваа награда е вратена во фондот на државната лотарија една година подоцна и се смета за рекордна сума во историјата на Њујорк.

Џенет објасниува дека долго време била „болна“ поради грешката што ја направила, но и дека научила да „не жали“ поради тоа.

The post Освоила 12 милиони долари на лото, но парите никогаш не ги подигнала, направила една кобна грешка appeared first on Република.

Почитувани, нов огромен скандал со Лотарија, Ахмети и Груби ја тресе државата, а институциите спијат, полицијата, обвинителството, судот спијат, за да не падне владата!

Државна Лотарија на ДУИ изнајмила објект во скопско Визбегово и ќе плаќа над 21 илјада евра месечна кирија за период од 10 години! Уште еднаш, 21.000 евра месечно, 10 години! Во превод 252.000 годишно, вкупно 2.520.000. Исто така, за годинава Лотарија предвидела речиси милион евра, над 970.000 евра,  за наем и реконструкција на деловен простор!

Парите секако мора да се обезбедат каде ќе завршат.

Објектот - рентан од Лотарија е на компанијата ХЕЈ ДООЕЛ. Тоа е компанија која што во 5 месеци прави чудо од бизнис. Основана на 02 февруари годинава, на 22 март купува објект од речиси 3000 квадрати, во мај се пријавува на тендер на Лотарија во мај, и на 5 јули добива договор тежок 2,6 милиони евра!

За пет месеци од формирање до бизис тендер од 2,6 милиони евра!

Е сега малку за актерите!

Лотарија ја води Перпарим Бајрами, шеф на кабинетот на Груби во министерството за политички систем.

ХЕЈ ДООЕЛ е регистрирано на уште еден млад со визија од ДУИ, Армин Машовиќ, познат како бизнис партнер со Ерџан Сулкоски, ортакот на зетот на Али Ахмети, Куштрим Смајлај! Машовиќ ја отвора компанијата како консалтинг и маркетинг, и како и секој бизнисмен со визија има и свој интернет портал ХЕЈ.мк.

Порталот пак е регистриран еден месец пред фирмата да започне, значи во јануари, од Шабан Азмовски Хамза, инаку член на Управниот одбор на акционерското друштво на Државна лотарија, и вработен во министерството на Артан Груби!

Значи. Појасно не може. ДУИ го шират коцкарскиот бизнис со државни пари.

Директорот на Лотарија изнајмува за 2,6 милиони евра од фирма каде дел е член на Управниот одбор на Лотарија. Двајцата се од кабинетот на Артан Груби. Појасно од ова не може.

Почитувани, Артан Груби, но и Спасовски, Грковска, па и Ковачевски мора да одговорат, како тоа Перпарим директор од Лотарија најмува простор од фирма каде дел Шабан Хамза, член на Управниот Одбор на Лотарија?

Дали Перпарим од Лотарија ќе каже дали знаел или не знаел дека Шабанн Азмовски Хамза го регистрирал името на порталот ХЕЈ на фирмата каде ќе истурат државни 2,6 милиони евра?

Артан Груби мора да каже како тоа во Лотарија завршиле и Перпарим Бајрами и  Шабан Азмовски Хамза од неговиот кабинет.

А Али Ахмети и Димитар Ковачевски мора да одговорат како сите големи државни тендери се вртат околу зетот на Ахмети и неговиот бизнис ортак Ерџан Сулкоски?

И секако СДС да одговори до кога молкум ќе слугува на криминалниот клан?

Институциите како ЈО за организиран криминал, ЈО, полицијата може слободно да продолжат да молчат, и онака за кратко ќе бидат дел од предмети за злоупотреби заради делување или неделување.

https://www.youtube.com/watch?v=3ipxTirz3uo

The post ДУИ го шират коцкарскиот бизнис со државни пари: Директорот на Лотарија изнајмува простор за 2,6 милиони евра од фирма каде работи член на УО на Лотарија appeared first on Република.

Сите заинтересирани граѓани, од утре до до 18 часот на 7 ноември годинава, може бесплатно да се пријават на лотаријата за американска зелена карта за 2025 година.

Кандидатите може да се пријават на официјалната веб-страница на американскиот Стејт департмент https://dvprogram.state.gov/ , на која има целосни инструкции.

Им препорачуваме на кандидатите да аплицираат порано и лично да ги подготват и поднесат своите пријави. Кандидатите можат да побараат помош од страна на трето лице, кое ќе ја поднесе пријавата во нивно име, но за едно лице може да има само една апликација, стои во соопштението.

Секој кандидат е одговорен за своите податоци и дали поднесените информации во пријавата се потполни и точни. Внесување на неточни или нецелосни податоци може да доведе до дисквалификување на кандидатот дури и откако е извлечен како добитник.

Без разлика дали пријавата е поднесена лично или со помош на адвокат, пријател или роднина, секој кандидат може да поднесе само една лична пријава. Поднесувањето на повеќе лични пријави ќе доведе до дисквалификување од лотаријата.

Секој кандидат треба да ја испечати и зачува потврдната страница од пријавата по пополнувањето на апликацијата за да може да ја провери. Исто така, секој кандидат треба да го зачува својот единствен број барем до 30 септември 2025 година, без разлика дали е извлечен на почетокот. Овој број е единствениот начин преку кој може да се провери дали кандидатот е избран.

Кандидатите ќе можат да проверат дали се избрани преку програмата почнувајќи од 4 мај 2024 година.

The post Од утре почнува аплицирањето за американска зелена карта appeared first on Република.

Една од двете најголеми американски лотариски куќи, „Мега милионс“ објавила рекордна добивка на џекпот од дури 1,58 милијарди долари, што е еден од најголемите во историјата на американската лотарија.

Добитникот е од Флорида, а тикетот го купил во супермаркет. Неговото име не е објавено, пренесува „Индепендент“.

Броевите на добитната комбинација биле 13,14,19, 20, 32 и 33.

Добитникот има две опции за преземање на парите: целосната сума да му биде исплатена во наредните 29 години во годишни исплати или да добие паушална сума од околу 783 милиони долари.

Џекпотот скокнал на 1,58 милијарди долари, бидејќи ниеден друг лоз немал добитните шест бројки.

Шансата играчот да ги има сите шест броеви е многу мала, еден наспроти 302,6 милиони.

Според правилата, добитникот сега има 180 дена да ги побара своите пари лично во седиштето на лотаријата во Талахаси, на Флорида.

Сумата од 1,58 милијарди долари е најголема освоена сума во историјата на „Мега милионс“. Претходната најголема сума изнесувала 1,53 милијарди долари, а лозот е продаден во 2018 година во Јужна Каролина.

Меѓутоа, тоа и натаму е помалку од 2,04 милијарди долари на лотариската куќа „Пауербол“, кои минатиот ноември ги освои Едвин Кастро од Калифорнија.

Последниот џекпот на „Мега милионс“ е извлечен на 18 април и тогаш изнесувал 20 милиони долари.

The post На Флорида извлечен џекпот од дури 1,58 милијарди долари – втор најголем во историјата appeared first on Република.

Бегалец од Украина освоил премија од 500.000 евра на лотарија во Белгија. Добитникот чиј идентитет, според правилата на лотаријата, ќе остане непознат, е маж на возраст меѓу 18 и 24 години и последниве 12 месеци живее во Брисел.

Тој минатиот месец купил грепка за пет евра на бензинска пумпа. Тоа значи дека добивката е сто илјади пати поголема од „влогот“.

Во Белгија не се плаќа данок на добивка на лотарија.

The post Украински бегалец освоил 500.000 евра од грепка во Белгија appeared first on Република.

Во американската сојузна држава Мејн, во петокот на 13-ти е извлечен џекпот вреден 1,35 милијарди долари, кога непознат среќник го играл добитниот тикет, пренесе АП.

Среќната комбинација извлечена на лотаријата „Мега милиони“ била 30, 43, 45, 46, 61, со златниот број 14

Добитниот тикет е продаден во градот Либан, Мејн, објави лотаријата на оваа американска држава.

Шансите за победа беа 302 милиони спрема еден, бидејќи џекпотот не беше извлечен три месеци.

Честитки за Државната лотарија на Мејн, која за прв пат го освои џекпотот „Мега милиони“, изјави директорот на лотаријата во Охајо, Пет Мекдоналд, кој е директор на Конзорциумот „Мега Милионс“.

Оваа победа е втора по големина во историјата на „Мега милиони“, а најголемата беше извлечена во 2018 година, кога добитникот освои 1,53 милијарди долари во Јужна Каролина.

Исто така, ова е седми пат некој да ја освои големата награда на петок 13-ти.

Наградата од 1,35 милијарди долари се исплаќа во следните 29 години, но доколку среќникот ги сака парите веднаш, како што сакаат повеќето победници, тогаш ќе добие 724 милиони долари.

The post Освоил 1,35 милијарди на лортарија: Ако ја сака добивката веднаш ќе му бидат исплатени само 724 милиони appeared first on Република.

Џекпотот на американската лотарија уште еднаш отиде над милијарда долари откако на последното извлекување никој не ја погодил главната добивка вредна 940 милиони. На следното извлекување, што ќе се случи во вторник, Американците ќе играат за 1,1 милијарда долари.

Тоа е третиот најголем џекпот во историјата на лотаријата „Мега милионс“ и следува откако повеќе од два месеца, односно 24 извлекувања по ред, никој не ја имал добитничката комбинација од шест бројки. Шансите за освојување на џекпотот се проценуваат на еден наспроти 302,6 милиони.

Севкупниот џекпот е наменет за оној кој ќе избере годишни исплати во следните 29 години, но добитниците најчесто се решаваат за еднократна исплата, која во вторник ќе изнесува 568,7 милиони долари.

Најголемиот џекпот досега беше 1,53 милијарди долари и беше освоен во Јужна Каролина во 2018, додека минатиот јули стигна до 1,33 милијарди.

The post Џекпотот на американската лотарија порасна на 1,1 милијарда долари appeared first on Република.