Вицепремиерот и министер за транспорт, Александар Николоски, гостуваше во централниот дневник на ТВ Сител, каде говореше за состојбата на опозицијата, нејзините предизвици и подготовките за локалните избори.

На прашањето како ја оценува активноста на опозицијата, Николоски истакна дека е важно земјата да има силна и конструктивна опозиција, но забележа дека моменталната ситуација е нејасна.

„Мислам дека е здраво да има силна опозиција, но во моментот не можеме точно да дефинираме која е главната опозиција – дали тоа е СДСМ, ДУИ или Левица. На анкетите сите се приближно еднакви, што создава тешкотии во политичката борба. Тешко е да се води битка со непознат противник,“ изјави тој.

Николоски го истакна феноменот на, како што рече, „инкорпорирање“ на фондацијата СОРОС во структурите на СДСМ.

„Во минатото, првиот човек на фондацијата беше член на централниот одбор на СДСМ, а сега тој стана втор човек на партијата. Ова претставува невидено претопување на една фондација во политичка партија, што е проблем за општеството. Јасните граници меѓу партиите, медиумите и невладините организации се губат, а овој спој води кон непринципиелно дејствување,“ посочи Николоски.

Во однос на претстојните локални избори, Николоски рече дека владејачката коалиција ја очекува нов, уште поголем пораз.

„На последните избори, ние го постигнавме историски најголемиот успех, додека СДСМ, иако на власт, претрпе историски најголем пораз. Мислам дека истото ги очекува и на локалните избори,“ додаде тој.

Николоски нагласи дека владината коалиција е подготвена за сите политички предизвици и ќе продолжи да работи за остварување на своите цели. Според него, СДСМ ќе се соочи со уште поголем притисок и предизвици поради губењето на јасниот политички идентитет и принципи.

The post Николоски: СДСМ ќе се соочи со уште поголем притисок и предизвици поради губењето на јасниот политички идентитет и принципи appeared first on Република.

Актуелната градоначалничка на Скопје, Данела Арсовска нема да кандидира за нов мандат. Во изјава за медиумите дадена денеска по примопредавањето на шест нови еколошки автобуси за потребите на ЈСП, Арсовска рече дека ситуацијата во државата е крајно полазирана и дека не планира да соработува со луѓе кои знаат само да саботираат и блокираат.

Би сакала да им посакам барем еднаш да покажат и да докажат прво пред граѓаните дека она што го кажуваат, ќе можат да го реализираат за да на следните избори имаат поддршка. Јас кога се кандидирав за градоначалник, ја имав поддршката од ВМРО-ДПМНЕ којашто, за жал, не успеа да се надмине себеси. Суетите се преголеми за да дозволите некој да работи без да му кажувате што и како да прави. Благодарам, но јас со такви луѓе кои знаат само да саботираат и да блокираат не би сакала никогаш повеќе да работам, рече Арсовска.

Прашана дали со последните случувања со ЈСП е отпочната кампањата за локалните избори, Арсовска рече дека нема да навлегува во политичките агенди, но дека граѓаните се доволно патентни и ќе можат да проценат кои се оние кои можеле да го решат пробемот со јавниот превоз во изминатите три години.

Ако некој кажува дека овој проблем ќе го реши следната година по локланите избори, прашајте го затоа што не го решил досега. Затоа што Советот е оној којшто можел одлуката за набавка на нови автобуси да ја донесе пред три години. Зошто таква одлука не е донесена треба да ги прашате нив. Да можеше без одлука на Совет, Град Скопје да функциоонира и да можеше да направи јавна набавка, досега ќе беше направена, рече Арсовска.

The post Данела Арсовска нема повторно да се кандидира за градоначалник на Скопје appeared first on Република.

На локалните избори во главниот град на Црна Гора, Подгорица, закажани на 29 септември, ќе учествуваат 13 листи.

Граѓаните ќе изберат 59 советници, еден повеќе од претходниот состав избран во октомври 2022 година. Во Подгорица регистрирани се 145.908 граѓани со право на глас.

Вонредните локални избори ќе чинат околу 270.000 евра.

Црногорскиот претседател Јаков Милатовиќ и премиерот Милојко Спајиќ поранешни сојузници, сега се главни конкуренти во борбата за власт во Подгорица. На изборните листи има и неколку поранешни министри, но и група граѓани.

The post На локалните избори во Подгорица ќе учествуваат 13 листи appeared first on Република.

Во Велика Британија денеска се гласа на локални избори кои се гледаат како последен тест на јавното мислење пред општите избори подоцна оваа година.

Прогнозите покажуваат дека владејачките конзервативци би можеле да изгубат до половина од советничките места што ги бранат и дека партијата очекува „значителни загуби“.

Повеќето места за реизбор последен пат беа оспорени во 2021 година, на врвот на популарноста на Борис Џонсон кога беше воведена вакцината против Ковид-19.

Исто така, се одржуваат вкупно 11 избори за градоначалник, вклучувајќи го и градоначалникот на Лондон меѓу фаворитот, актуелниот лабуристички градоначалник Садик Кан и конзервативната предизвикувачка Сузан Хол.

Прогнозите постојано го ставаат Кан пред Хол, а анкетата објавена во средата од Саванта го води Кан за 10 процентни поени, откако неговата предност се намали за време на кампањата.

The post Локални избори во Велика Британија appeared first on Република.

Претседателката на српскиот Парламент Ана Брнабиќ утре претпладне ќе распише локални избори, соопштија од нејзиниот кабинет.

Изборите ќе бидат распишани за градовите и општините каде што не се одржаа на 17 декември 2023 година, јави Бета.

Со цел тие избори да се одржат на 2 јуни заедно со изборите во Белград, Собранието претходно го измени Законот за локални избори што беше договор меѓу власта и дел од опозицијата, додека другиот дел од опозицијата донесе одлука да не учествуваат на изборите бидејќи сметаат дека нема услови за нивно одржување.

The post Брнабиќ утре ќе распише локални избори appeared first on Република.

Во Полска денеска се одржуваат локални избори, кои се сметаат за прв тест за проевропскиот табор кој дојде на власт на крајот на минатата година, објавија француските медиуми.

Гласачите гласаат за градоначалници, локални и регионални советници од околу 200.000 кандидати ширум земјата.

Според анкетите, проевропската коалиција која е на власт„Граѓанската коалиција“ на премиерот Доналд Туск и националистите и популистите од „Право и правда“ имаат по 30 проценти поддршка од граѓаните.  Главните битки меѓу нив се оние за 16 регионални совети.

Проевропските сили не се надеваат дека ќе освојат 15 од нив. Сега поранешните владетели сè уште контролираат пет области.

The post Прв тест за проевропскиот табор на Доналд Туск: Локални избори во Полска appeared first on Република.

ГЕРБ на поранешниот премиер Бојко Борисов доживеа колапс на локалните избори во главниот град Софија. Иако генерално постигна задоволителен резултат на локалните избори ГЕРБ ја загуби Софија по 18 години. Борисов ја почна политичката кариера токму како градоначалник на Софија и ова означува еден специфичен удар за неговото политичко кредо.

По првиот круг на изборите и пребројани една третина од гласовите во Софија убедливо води пандидатот на коалицијата Продолжуваме со промената-Демократска Бугарија, бизнисменот Васил Терзиев, со 32 отсто, втора е познатиот борец за синдикални права Вања Григорова, која е кандидат на БСП, со 22,6 отсто, додека кандидатот на ГЕРБ, новинарот Антон Хекимјан заостанува со 19 проценти од гласовите. Што значи дека не влегува во вториот круг. И во гласањето за општинскиот совет ГЕРБ заостанува, освојувајќи 20 отсто наспроти 33 проценти за ПП-ДБ. Анкетите одамна предвидуваа дека гласачкото тело на граѓанската коалиција ПП-ДБ во Софија е многу силно, но невлегувањето во второт круг на кандидатот на ГЕРБ е сериозен удар за Борисов, што покажува колку се намалува влијанието на партијата. Иако на државно ниво сѐ уште е прва по освоениот број гласови.

За да остане мотивацијата кај гласачите на ГЕРБ во Софија тие ќе имаат можност да излезат во втгориот круг и да гласаат за изборот на градоначалници во 20 квартови на главниот град, каде во огромниот дел водат кандидатите на ПП-ДБ, а нивните членови се главно втори.

ГЕРБ може да се пофали дека во првиот круг нејзини кандидати (или што ги поддржала) победија во шест града (најважниот од нив е Бургас), но гласовите за општинските совети не се толку убедливи. Според досега избројаните гласови неочекувано добар резултат има коалицијата ПП-ДБ, која освојува повеќе отколку што ѝ предвидуваа анкетите.

Излезноста беше многу мала, само 36,9 отсто.

The post Борисов доживеа дебакл на локалните избори за Софија appeared first on Република.

Претседателот на Бугарија, Румен Радев денеска потпиша указ за закажување на изборите за општински советници и градоначалници за 29 октомври 2023 година.

Радев го одреди датумот по работната средба со претставници на раководството на Централната изборна комисија (ЦИК). Разговорот беше фопкусиран на спецификите на гласањето и за претстојната работа околу организацијата на изборниот процес. ЦИК го информираше претседателот за техничките и логистичките карактеристики што Комисијата мора да ги почитува за локалните избори и подготвеноста за нивно одржување, соопшти Кабиентот на Радев.

The post Локални избори во Бугарија кон крајот на октомври appeared first on Република.

По целосниот колапс на неделните локални избори, вршителот на должноста претседател на опозициската Демократска партија, Енкелеј Алибеај, доцна попладнево објави дека се повлекува од раководењето на партијата.

Во исто време се повлече и од функцијата координатор на пратеничката група во законодавниот дом.

- Лидер сум на Демократската партија повеќе од една година. Во нејзиното најтешко време, кога беше доведен во прашање опстанокот на партијата која донесе плурализам во Албанија. Опстанокот на албанската десничарска партија. Опстанок на западната и евроатлантската партија. Бројките покажуваат дека Демократската партија успеа да го надмине овој предизвик, успеа да опстане и сега може да гледа кон иднината,  рече Алибеај.

Додаде дека  во знак на рефлексија и одговорност одлучил да го напушти раководството на партијата и лидерската позиција во пратеничката група но оти останува во партијата како потпретседател.

Резултатот од локалните избори, рече тој, треба да се искористи добро да се размисли, а  потребата за реорганизација на партијата е повеќе од неопходна.

На неделните избори Демократите не освоија ниту едно градоначалнички место.

Инаку Алибеај дојде на чело на партијата во март минатата година по откако се повлече Љуљзим Баша, кој на лидерското место беше од 2013 година.

The post В.д. претседателот на ДП Енкелеј Алибеај поднесе оставка по изборниот колапс во Албанија appeared first on Република.

Албанската здружена опозиција нема да ги признае изборните резултати од неделните локални избори и тврди дека има силни докази да оспори пред домашните и меѓународни институции.

Ставот го изнесоа лидерот на Партијата на слободата и поранешен шеф на државата, Илир Мета која ја предводеше изборната коалиција” Заедно победуваме” во која беше и крилото на Демократската партија предводено од екс претседателот и поранешен премиер Сали Бериша и уште три помали партии.

Мора да ви биде јасно дека нема предавање и капитулација пред државната мафија, пред наркодржавата и сите нејзини соработници каде и да се, рече Мета по едночасовна средба во седиштето на Демократската партија

Додаде дека коалицијата „Заедно победуваме“ ги собира фактите за легално оспорување на изборите од14 мај.

Секоја минута доаѓаат нови шокантни факти и се документира како мафијата под команда на Рама го уништи изборниот процес. Ова уништување, отуѓување на гласот се документира и ќе започне процесот на правно оспорување и ескалација на опозициските акции, во име на заштита на слободниот глас. Гарантирам дека магарињата што ги избра Рама повеќе нема да крадат, рече Мета.

И Бериша обвини за манипулација со пребројувањето на гласовите и поткуп на гладачи.

Голем дел од оние кои победија на локалните избори во земјата, се поврзани или се носители на криминални активности и со стекнатите пари од нелегални активности за еден глас давале од 50 до 100 евра. Само во околијата Скадар за купување гласови дадени се милиони евра, обвини Бериша.

На прашањето дали ќе се повлече од политичката сцена рече дека не размислува за повлекување “пред криминалот кој длабоко е навлезен и во политиката”.

Сум рекол и доследно ќе се држам до мојата заклетва дека ќе ја напуштам политиката само доколку загубам на слободни и транспарентни избори, порача Бериша, најавувајќи и продолжување на протестите до уривање на “криминалната влада на Рама”.

Централната изборна комисија синоќа објави дека од вкупно 61 општина во 53 за градоначалници се избрани кандидати на СП, меѓу кои и Скадар и Тропоја, познат како бастион на демократите, каде победувале демократите во последните три децении.

Од вкупниот број седум градоначалници се кандидати на коалицијата “Заедно победуваме” и само во општина Финиќ победи кандидатот на партијата на Грците, МЕГА.

The post Само во околијата Скадар за купување гласови дадени се милиони евра appeared first on Република.

Во Албанија утре се одржуваат локални избори, трети по ред по новата територијална поделба усвоена во 2014 година, кога од 365 функционираат 61 општина.

По завршувањето на едномесечната изборната кампања на политичките партии, преполна со меѓусебни обвинувања и ветувања за подобра иднина, од синоќа на полноќ, до утре во 7 часот кога треба да бидат отворени избирачките места, во земјата е изборен молк.

На овие локални избори право на глас имаат 3.653.988 албански граѓани, а за првпат гласаат 122.545 гласачи кои правото на глас треба да го остварат на во 61 општина во 5.211 избирачки места. Сепак реалната бројка на гласачи е многу помала, поради масовната миграција.

Во општите Камез, Вора и Елбасан ќе се гласа по електронски пат, а резултатот во овие општини се очекува да биде објавен неколку минути по завршувањето на изборниот процес, додека во речиси сите избирачки места ќе се врши електронска идентификација на гласачите.

Изборите се карактеризираат со рекордна бројка на кандидати, како за градоначалници така и за општински советници. Во 44 општини во трка за градоначалничката фотелја се двајца кандидати, во 14 општини ќе има 3, додека во Саранда ќе има 4 кандидати. Најголем број или шест

кандидати ќе се тркаат за прв човек на општина Тирана, каде актуелниот градоначалник Ерион Велиај, кандидат на владејачката социјалистичка партија, по третпат ја бара довербата на граѓаните на албанската метропола. Најсериозен противник му е Белинд Келичи од опозициската изборна коалиција „Заедно победуваме“, предводена од Партијата на слободата на поранешниот албански претседател Илир Мета.

Наспроти 144 кандидати за 61 градоначалник, за 1.063 места во советите на општините во трка се 23.791 кандидати. Од вкупниот број двајца се независни кандидати за градоначалник и десет за општински совети. Во трката за градоначалник само 15 од 144 кандидати се жени.

Според неодамнешна анализа на БИРН, ако се земе предвид дека дел од населението емигрирало и дека во моментов се верува дека само половина од гласачите се во Албанија, тогаш може да се каже дека повеќе од 1 од 100 гласачи е кандидат.

Трката за новата локалната власт ќе се води главно меѓу Социјалистичката партија на Рама и Коалицијата „Победуваме заедно“ во која е и крилото на демократите на Сали Бериша.

Изборната кампања мина без поголеми инциденти, а Централната изборна комисија, ЦИК, предводена од Илиријан Целибаши за непочитување на изборниот законик, парично казни 15 градоначалници заради користење јавни ресурси во изборна кампања, со по 909 евра. Со по 455 евра се казнети пет генерални секретари во министерства и двајца директори, кои на официјалните веб страни на институциите поставувале изборен пропаганден материјал на политичка партија. Казни добија и 7 телевизии за неизбалансирано информирање.

Апсењето во четвртокот нешто по полноќ, на кандидатот за градоначалник на Химара, Фреди Белери, од редовите на опозицијата и припадник на грчката заедница, под обвинение за купување гласови, ја вжешти атмосферата на албанската политичка сцена, но ја налути и Грција, која за случајот освен демарш до албанското МНР, со случајот го запознала и високиот претставник на ЕУ за надворешна политика и безбедност Жозеп Борел и шефот на шведската дипломатија, како земја претседавач со ЕУ.

На последните локални избори одржани во јуни 2019 година, кои ги бојкотираше обединетата опозиција, градоначалници на 60 општини станаа кандидатите на Социјалистичката партија а само во општина Финиќ, населена главно со припадници на грчкото малцинство, победи кандидат на Партијата МЕГА.

Албанскиот претседател Бајрам Бегај синоќа упати видео-пораката до албанските гласачи масовно да излезат и слободно да го дадат својот глас, апелирајќи „на 14 мај да се гласа со потребната одговорност“.

- Посакувајќи ви многу среќа во вашето семејство, заедница и во вашите каузи, ве повикувам да го искористите сето наше право да ја изберете алтернативата за која секој мисли дека ги исполнува неговите лични очекувања, порача Бегај.

Инаку, за безбедноста на локалните избори ангажирани се 5.511 полициски службеници, додека објектите од посебно државно значење ќе ги обезбедуваат припадниците на специјалната армиска единица „командоси“.

Набљудувачката мисија на ОБСЕ/ОДХИР, која брои 324 набљудувачи на овие избори ја предводи амбасадорката Одри Гловер, која е добар познавач на тоа како се спроведуваат изборите во Албанија, бидејќи шефица на мисијата на ОБСЕ/ОДИХР била на четири изборни циклуси.

Првпат шеф на долгорочната набљудувачка мисија беше во 1996 година, а ОДИХР ѝ го довери раководството на набљудувачката мисија и на изборите во 2009 година, а се врати на истата функција за изборите во 2015, како и 2019 година.

The post Албанските граѓани утре избираат нова локална власт appeared first on Република.

Во четири општини во северно Косово денеска се одржуваат вонредни избори за градоначалници на Cеверна Митровица, Звечен, Лепосавиќ и Зубни Поток.

Граѓаните од српска националност одбиваат да излезат на гласање и ги бојкотираат изборите. Од официјален Белград изјавија дека очекуваат на гласање на излезат околу 1 отсто од гласачите.

Изборите следат откако Србите на Косово одлучија да излезат од институциите, како одговор на тоа што Косово одби да го исполни ветувањето и да формира Заедница на српски општини. Од тие причини оставки си поднесоа и градоначалниците на овие општини, а кои беа од редовите на Српска листа.

Изборите организирани од Косово се одржуваат во контејнери под силно полициско обезбедување и под надзор на војници од францускиот контингент Кфор.

Од десет кандидати, колку што се пријавени за градоначалници, само еден доаѓа од српската заедница.

The post Србите не излегуваат на гласање на локалните избори во северно Косово appeared first on Република.

Вонредните локални избори што ќе се одржат на 23 април во општините на северот на Косово ќе ги обезбедува косовската полиција, соопшти КФОР, пренесува Коха.

Од КФОР порачуваат дека ќе ја следат состојбата на север и дека ќе ја одржуваат подготвеноста на единиците на највисоко ниво за секое можно сценарио.

Тие додаваат дека очекуваат косовските институции ефикасно да управуваат со ситуацијата.

„Поради изборите закажани за 23 април во северните општини, обезбедувањето ќе го врши косовската полиција. КФОР продолжува да ја следи ситуацијата и да ги држи своите единици на високо ниво на подготвеност така што ќе бидат во можност да се соочат со секое можно сценарио, но очекуваме косовските институции ефикасно да управуваат со ситуацијата“, соопшти КФОР.

Во соопштението тие додаваат дека „мисијата предводена од НАТО останува целосно фокусирана на секојдневното спроведување на нејзиниот мандат - кој произлегува од резолуцијата 1244 на Советот за безбедност на ОН од 1999 година - да обезбеди безбедна средина и слобода на движење за сите заедници во Косово".

The post КФОР: Локалните избори во општините на северот на Косово ќе ги обезбедува косовската полиција appeared first on Република.

Во рамки на определениот термин за претставување на политичките партии кои учествуваат на локалните избори, што во Албанија ќе се одржат на 14 мај, попладнево се претстави единствената партија на Македонците во Албанија, Македонска алијанса за европска интеграција, МАЕИ, преку лидерот Васил Стерјовски.

Тој кажа дека на претстојните локални избори МАЕИ настапува во коалиција со Социјалистичка партија, на премиерот Еди Рама и оти според договорот меѓу двете партии, Македонска алијанса за европска интеграција ќе ги подржи кандидатите за градоначалници на Социјалистичка партија.

Членови на МАЕИ се на кандидатските листи за советници на Социјалистичка партија во повеќе општини во Албанија каде што живеат Македонци, додека во општина Пустец која е населена со 100 отсто македонско население, македонската партија ќе настапи со своја советничка листа под реден број 29.

Нашите кандидати на листите на Социјалистичка партија и советничката листа на Македонска алијанса за европска интеграција во Општина Пустец, оценува тој, се лица со интегритет, почитувани во општеството и ќе бидат најсилните гласови за заштита на правата на Македонците во Албанија. МАЕИ е политичка партија на сите Македонци кои живеат на целата територија на Албанија, без разлика на вера, подрачје, култура, економија и социјален состав. Основна цел на ова партија е зачувување на правата, социјалните, политичките и етно културните интереси на сите државјани на Албанија кои по националност се Македонци, кои се идентификуваат преку мајчиниот македонски јазик, преку обичаите и традициите наследени и зачувани со векови, вели Стерјовски.

Додава дека тамошните Македонци се лојални државјани на Република Албанија, но „остануваат горди и достојни Македонци, мајчин јазик им е македонскиот јазик, ја сакаат и државата Македонија, бидејќи се нераскинлив и неотуѓив дел од македонскиот народ“.

Македонска алијанса за европска интеграција е партија од центарот и нејзина главна цел е заштита на македонскиот идентитет, култура, јазик и традиции во Република Албанија. Ниту една друга партија во Република Албанија во својот статут или програма нема ниту една точка за заштита на македонската заедница во Албанија. Македонска алијанса за европска интеграција од самото нејзино формирање во 2005 година е единствениот глас на Македонците и се бори за интеграција во албанското општеството и унапредување на положбата и правата на Македонците во Република Албанија, посочува Стерјоски.

Тој нагласува дека во периодот кој измина, биле исправени пред многу искушенија и предизвици, некогаш заради нивни слабости, некогаш поради притисоци и подметнувања со кои биле соочени и се уште се соочуваат, но никогаш не отстапиле да се борат за правата и слободите на Македонците, во Преспа, Голо Брдо, Гора, Врбник и во цела Албанија.

Успеавме да го одржиме курсот на македонската партија во согласност со барањата и потребите на Македонците во Република Албанија, а резултатите се видливи и бројни, и додава, дека „се разбира, секогаш може и повеќе и подобро. Од права и слободи никогаш доста.

 

Почитувани Македонци и Македонки во Општина Пустец. Со новата територијална реформа на локалната самоуправа од 2015 година, општина Пустец остана единствена општина населена со 100 отсто Македонци, признати од Република Албанија.

 

Како партија во општина Пустец ќе настапи со своја советничка листа. Кандидатите за советници на нашата листа се избрани да бидат пред се чесни луѓе и со интегритет, кои доследно ќе ја следат нашата политика за заштита на македонскиот идентитет во Општина Пустец. Тие ќе работат во интерес на Македонците и ќе бидат нивниот глас во Советот на општината, вети Стерјовски.

Според него, локалната самоуправа во Пустец, врз основа на важечката законска регулатива, има надлежности за зачувување и унапредување на македонскиот идентитет, јазик, култура, фолклор и традиции.

Стерјовски вети дека советниците на Македонска алијанса за европска интеграција таму ќе „бидат бранители на интересите на Македонците. Ќе се спротивстават на неправедните одлуки, и ќе го поддржат секој проект кој им служи на интересите на Македонците. Тие ќе бидат промотори на прашањата за заштита на правата на македонската заедница, економскиот развој, развој на туризмот, промоција на подрачјето, управување со отпадот итн“.

Почитувани браќа и сестри Македонци и Македонки, од исклучителна важност е, на овие избори Македонците во општина Пустец да излезат масовно и да гласаат за редниот број 29 за кандидатската листа за членови на Советот на општината Пустец од Македонската алијанса и заедно да продолжиме за доброто на Македонците. Со вашиот глас, ние ќе можеме да продолжиме да се бориме за заштита на македонскиот идентитет и за развој на општината. Има многу нешта за кои треба да се избориме, има многу работа сето тоа да го оствариме, порачува лидерот на МАЕИ, Васил Стерјовски во изборното претставување на албанската државна телевизија.

The post Стерјовски ги повика Македонците од Албанија масовно да излезат на гласање appeared first on Република.

На локалните избори, што во Албанија ќе се одржат на 14 мај, за новата локална власт регистран е рекорден број на кандидати за членови на општинските совети и за градоначалнци.

Во трката за 3.283 советнички места во трка се околу 24 илјади кандидати, додека за 61 градоначалничко место 141 кандидат. Ова е следното изненадување кое доаѓа од политиката за локалните избори на 14 мај, каде што накратко, половина од граѓаните на Албанија се во трка за работно место, покрај тоа што се гласачи, констатира БИРН во анализата.

БИРН во анализата додава дека ако се земе предвид дека дел од населението се иселило и дека во моментов се верува дека само половина од гласачите се во татковината, тогаш може да се каже дека повеќе од еден од 100 гласачи е кандидат за локална функција.

Според истиот извор, другиот проблем е појавата на семеен непотизам која и овој пат не е елиминирана, бидејќи партиските списоци се пополнуваат со членови на семејството на локален лидер на партија.

Според податоците на Централната изборна комисија 40-те конкурентски партии на своите листи наведоа 23.791 кандидати за советници, што значи дека околу 0,65 отсто од гласачите на листите се и самите кандидати. Но, ако се земе предвид дека дел од населението емигрирало и дека во моментов се верува дека само половина од гласачите се во Албанија, тогаш можеме да кажеме дека повеќе од еден од 100 гласачи е кандидат, анализира БИРН.

Местото со најголем број кандидати по гласачи, според податоците што ги анализира БИРН, е малата општина Келсура во областа Ѓирокастро. На изборите на 14 мај во оваа општина има 357 кандидати за 15-члениот општински совет и тројца кандидати за градоначалник. Општината брои 9.308 гласачи и затоа на секои 27 гласачи има по еден кандидат. Најголем број кандидати има за советот на градот Тирана, 1.057 кандидати, а гласачкото тело брои околу 700 илјади.

Во трката за градоначалничката фотелја во сите 61 општина кандидати имаат Социјалистичката партија, на Еди Рама, поддржани од други партии и изборната коалиција „Заедно победуваме“ која ја предводи Партијата на слободата на Илир Метаа во која се и демократте на Сали Бериша. Демократската партија на Енкелеј Алибеај свои кандидати има во 14 општини, а независни кандидати има само во две општини Саранда и Девол.

Во 45 општини ќе се натпреваруваат двајца кандидати, во 14 општини ќе има тројца, во Саранда четири, додека во Тирана на гласачкото ливче има шест кандидати.

The post Најмногу кандидати во Ѓирокастро: Рекорден интерес за локалната власт во Албанија appeared first on Република.

Албанската централна изборна комисија, ЦИК, како што најави, почна со печатење едукативен изборен материјал и на македонски јазик. Денеска објави плакат со предупредување што значи изборен криминал. Под наслов изборен криминал - внимание се наведуваат пет дејствија кои претставуваат кривично дело за кои се предвидени затворски казни од три месеци до осум години.

Локалните избори, на кои се избираат градоначалници и членови на советите, во 61 општина во Албанија, ќе се одржат на 14 мај годинава.

„Активната или пасивната корупција на изборите како што се нудење и примање пари, материјални добра или други услуги во замена на глас, секоја усилба или фотографирање на гласот и покажување на други, гласањето повеќе од еднаш, или гласањето за други лиц со поднесување лажни документи за идентификација или користење на документи на други избирачи, намерното дозволување на гласање од страна на избирачките одбори, без да се изврши идентификација на граѓанинот според законот, како и секое дејствие што ги нарушува изборите, како гласањето со закана, фалсификување или оштетување на изборниот материјал3, се дејствија кои ги наведува ЦИК, а се сметаат за кривично дело.

Исто така се упатува и порака до граѓаните.

„Доколку забележите прекршување на законот веднаш пријавете во органите за спроведување на законот. Гласај за да бидеш слушнат“, порачува ЦИК.

The post Во Албанија на македонски јазик отпечатен едукативен изборен материјал appeared first on Република.

Победата на СДСМ на вонредните локални избори е порака на граѓаните дека гледаат напред и успеваат да го разобличат евтиниот популизам, вели во интервју за „Политика“ претседателот на СДСМ и премиер, Димитар Ковачевски.

Пред само една недела имавме повторени локални избори и победивме секаде каде што имаше СДСМ кандидат. Тоа зборува многу за тоа дека граѓаните успеваат да го разобличат евтиниот популизам и непринципиелноста наспроти конкретната понуда и сработени проекти кои реално имале некаков бенефит за граѓаните во дадените општини. Неколку работи беа јасни со последните локални избори. Најпрво, граѓаните и во тешки времиња знаат да препознаат кој вистински работи за нив, кои се вистинските политики што носат напредок. Не сакаат блокади, доста им е од опструкции, сакаат едноставно да гледаат напред и да се развиваат. И она што е особено важно е тоа дека демократијата беше зајакната, имавме фер, слободни, достоинствени избори, како што доликува на една земја која претендира да биде дел од европското семејство - вели претседателот на СДСМ и премиер Ковачевски.

Тој додава дека во услови на криза кога на земјата и е потребна стабилност, изборите ќе се одржат во редовниот термин во 2024 година а СДСМ сериозно ќе продолжи да работи за ублажување на последиците од глобалната економска и енергетска криза.

Од овие причини, но и поради фактот што граѓаните едноставно не сакаат избори, особено во вакви услови на криза кога на земјата ѝ треба стабилност, изборите ќе се одржат во редовниот термин во 2024. До тогаш ние сериозно ќе работиме да ги ублажиме последиците од кризата исто како што правевме и досега - вели Ковачевски.

За промена на Уставот, Ковачевски вели дека е убеден, пратениците ќе бидат на висината на својата задача и дека кога ќе дојде времето, ќе донесат државничка одлука.

Што се однесува до Уставот, ние сме мултиетничка, мултикултурна функционална демократија, ние сме Европа во мало, нашата сила како земја се различностите кои нѐ прават автентични и тоа што сме денес. И на тоа сме особено горди. Отворањето на уставот и внесувањето на повеќе делови од народи кои живеат во Македонија, покрај оние кои веќе се во преамбулата, ќе значи само потврда на нашата определеност да креираме општество во кое сите имаат еднакви можности за развој. Јас сум убеден дека пратениците ќе бидат на висината на својата задача и дека кога ќе дојде времето, ќе донесат државничка одлука - вели во интервју за „Политика“ претседателот на СДСМ и премиер, Димитар Ковачевски.

The post Kовачевски смета дека победил и во општина каде што имаше само кандидат на СДСМ appeared first on Република.

Независно од тоа што овие избори беа без волја, сепак законот законот требаше да се почитува. Поради немањето искуство на актуелното раководство на општината, неизбежно беше да се почитува законот за да се организираат избори за Советот на општина Тетово,изјави лидерот на ДУИ Али Ахмети по денешните избори.

  Иако неучеството беше многу големо на овие избори за жал и во непогодно време, сепак таа е демократијата и ние ја почитувавме.

Досегашните резултати од 76% од изброените гласови се следните: ДУИ-7706 гласа Беса-8341 глас ДПА-788 гласа Алијанса-614 гласа Алтернатива-699 гласа ВМРО-2169 гласа СДСМ – 1313 гласа Листа подобро за Тетово – 414 гласа Левица – 347 гласа Турската партија – 164 гласа Ромската партија 104 гласа Интегра-94 гласа.

Уште еднаш да повторам. За нас важни се процесите. За нас е важно и понатаму да инвестираме во демократските стандарди почнувајќи од изборните процеси се до силно инсталирање на владеењето на правото на правната држава. Посакуваме наредниот совет независно од бројките да биде функционален и да не се прават грешките кои се правеа во минатото и луѓето повторно да се носат на избори

The post Ахмети призна пораз во Тетово, Беса води пред ДУИ, двојна предност на ВМРО ДПМНЕ во однос на СДСM appeared first on Република.

Заврши гласањето за градоначалници во Центар Жупа, во Маврово-Ростуше како и за Советот во Општина Тетово.

Партиите нормално со очекување дека ќе ја добијат поддршката на граѓаните. Актуелниот градоначалник на Тетово Биљал Касами очекува мнозинство во Советот.

Според целокупната кампања и текот на кампањата, ние очекуваме тоа што е наша цел да имаме повеќе од 16 советници, е можно да се постигне затоа што едино ние како политичка партија направивме класична кампања со локални собири каде одзивот беше голем и единстевена партија која направи завршен митинг во центарот на Тетово кој беше масовно посетен од граѓаните. Затоа очекуваме дека денеска на крајот на денот ние ќе славиме мнозинство во Советот на Општина Тетово, рече Касами.

Влатко Ѓорчев од ВМРО-ДПМНЕ нагласи дека на граѓаните им ветиле функционална општина Тетово која што ќе ги решава проблемите на луѓето.

Им ветивме совет кој што ќе го поддржува градоначалникот и неговите проекти и идеи, така што мислам дека кампањата на ВМРО-ДПМНЕ и коалиционите партнери ја одработија наиде на добар прием кај луѓето, вели Владимир Ѓорчев член на ИК на ВМРО-ДПМНЕ во денешното вклучување во централниот дневник на ТВ Сител.

Веќе дооаѓаат и првите резултатит.Општина Центар Жупа, конечно избра градоначалник, откако  на денешните по втропат повторени избори, беше обезбеден потребниот цензус од една третина од вкупното гласачко тело. 

Тоа е Аријан Ибрам предложен од Турската демократска партија, кој беше единствен кандидат, кому ова му е трет мандат. Првпат беше избран на изборите во 2013 а реизбран во 2017 година. 

The post Заврши гласањето во Тетово, Жупа и Маврово-Ростуште, се чекаат резултатите appeared first on Република.

Тетовскиот градоначалник Биљал Касами денеска истакна дека се можни вонредни избори за Совет на Општина Тетово откако на вчерашната седница не помина општинската завршна сметка за 2021 година.

-Како резултат на однесувањето на некои од советниците, согласно законот, не е усвоена завршната сметка, што е еден од условите да се оди на нови избори за Советот на општина Тетово. Се бараше на седница на Совет завршната сметка на Општина Тетово да се врати да се докомплетира, што нема основ, тоа е завршна сметка согласно законот и процедурите кои се создадени од Министерството за финансии. Кога се прави политика од сè и сешто доаѓаме до вакви ситуации, изјавил денеска Касами.

The post Kасами најави вонредни избори во Тетово appeared first on Република.