„Вчера во 07:34 часот во СВР Куманово било пријавено дека во село Лојане, липковско, настанал пожар во паркирано патничко моторно возило БМВ со кумановски регистарски ознаки, сопственост на Е.И.(21) од село Лојане. Пожарот бил изгаснат, нема повредени лица“, соопшти полицијата.

Екипа од СВР Куманово извршила увид. На подрачјето на СВР Куманово од почетокот на годинава досега биле пријавени 14 случаи на опожарени патнички моторни возила, од кои единаесет се расчистени.

Во 2023 година биле пријавени 30 случаи на опожарени патнички моторни возила од кои биле расчистени 16 случаи

The post Запалено БМВ во Лојане appeared first on Република.

Полициски службеници од СВР Куманово вчера привеле 25-годишно лице кое се барало со централна потерница за издржување казна затвор за сторени кривични дела „убиство во обид“ и „загрозување на сигурноста врз овластено лице“.

На 9 март 2022 година во 14:30 часот полициски службеници од СВР Куманово го лишиле од слобода В.Ч.(25) од село Лојане, липковско. Тој се барал со централна потерница за издржување на казна затвор за сторени кривични дела по член 123 ст.1 „убиство во обид“ и чл.144 „загрозување на сигурноста врз овластено лице“ од Кривичниот законик, соопшти МВР.

В.Ч. ќе биде спроведен во казнено-поправна установа за издржување на казната.

The post Фатен 25-годишник од Лојане, кој се барал за обид за убиство appeared first on Република.

Српската републичка дирекција за имот го огласи претходното соопштение за датумот за распишување на тендерот за изработка на планска документација за седум гранични премини, меѓу кои е и граничниот премин Миратовац-Лојане со Македонија, јави дописникот на МИА од Белград.

Тендерот се планира да се распише на 9 мај, а како што соопшти бизнис порталот Екапија, станува збор за граничните премини Јаша Томиќ, Калуѓерово, Келебија, Ѓердап 1, Јабука, Љуба и Миратовац-Лојане.

Сите споменати гранични премини се веќе постоечки, па се претпоставува дека за нив ќе се направат проекти за реконструкција, освен за граничниот премин Миратовац-Лојане кој целосно треба да се изгради.

На крајот на 2019 година Србија и Македонија потпишаа договор за воспоставување нов заеднички граничен премин Миратовац-Лојане. Во февруари минатата година, српскиот претседател Александар Вучиќ изјави дека Србија прави се за да го отвори новиот граничен премин Миратовац-Лојане, дека има значителен интерес од Албанците кои живеат од другата страна на српската граница овој премин да се отвори, „но дека тоа е не е едноставна и лесна работа“.

– Не поради политички причини, туку затоа што треба секојдневно да плаќате луѓе кои ќе работат, тоа се наши зголемени трошоци, а ние бараме да ги намалиме трошоците, но не грижете се и таа работата ќе ја завршиме, кажа Вучиќ.

The post Србија ќе гради граничен премин кај Лојане appeared first on Република.