Меѓународниот олимписки комитет (ИОК) ги промовира медалите што ќе им бидат доделени на победниците на Летните игри 2024 година во Париз.

Забележано е дека наградите ќе содржат парче од оригиналната метална конструкција на Ајфеловата кула - еден од симболите на главниот град на Франција.

Материјалот ќе биде нанесен во шестоаголна форма на секој од медалите. Директорот на организацискиот комитет на Париз 2024 година, Тони Естанге, рече дека дизајнот ги направи медалите „уникатни и неповторливи“.

-Издвоена е огромна сума за да се спојат овие благородни метали - злато, сребро и бронза - со најскапоцениот метал од Ајфеловата кула. Значи, она што е специфично за медалите е тоа спојување, таа фузија, таа легура…Карактеристично за оваа Олимпијада ќе биде шансата преку медалите да се добие дел од оригиналниот метал на Ајфеловата кула.

Олимписките игри ќе се одржат од 26 јули до 11 август 2024 година

The post Парче од Ајфеловата кула на медалите на Олипијадата во Париз appeared first on Република.

Меѓународниот олимписки комитет (ИОК) денеска соопшти дека на руските и белоруските спортисти кои ќе се квалификуваат за завршните натпревари во нивните спортови ќе им биде дозволено да учествуваат на Олимписките игри во Париз следната година, под услов настапуваат неутрално, без знамиња, амблеми и химни.

Тимовите на овие земји, спортисти кои активно ја поддржуваа војната, како и спортисти кои се ангажирани во армијата или државните безбедносни агенции на Русија и Белорусија, се исклучени од Игрите, се наведува на веб-страницата на Олимпискиот комитет.

На руските и на белоруските спортисти претходно им беше забрането учество во меѓународните натпреварувања по руската инвазија на Украина, но оттогаш постепено им беше дозволено да се вратат како неутрални индивидуални спортисти.

The post Руските и белоруски спортисти ќе настапуваат на ОИ, но забранети им се знамињата appeared first on Република.