„После долго време во Република Македонија од страна на медиумите може да видиме како известуваат за нови училишта, градинки, странски инвестиции, камен темелници. Нешто што го подзаборавивме изминатиот период“, истакна пратеникот од ВМРО-ДПМНЕ Љупчо Пренџов на денешната собраниска комисиска расправа за предлог буџетот за 2025 година.

Тој продолжи и додаде:

„Од една страна имаме желба за едно подобро утре, мотивираност за тоа да се постигне, а од друга страна од страна на колегите од опозицијата има резигнираност и немоќ во дискусиите затоа што конечно после седум години се направи разликата за тоа како и на кој начин треба да се трошат народните пари. Немоќта и гневот во говорите се чувствува со тоа што вештачки се поддржува проектот за покачување на пензиите за сите пензионери за 5,000 денари линеарно, се нема одговор зошто досега не се покачени платите за образовните работници, за наставниците, за професорите, зошто досега не се преговарало со здравствените работници, со полицајците“, рече Пренџов.

Тој укажа дека проценките за раст за 2025 година се движат од 3 до 3,7%

„Она кое е факт и е бројка е тоа што во последните седум години просечниот раст е 1,1% и е најслаб на Балканот, тоа се факти и бројки како што е и факт сега дека проекциите за 2025 година кои се движат од 3% раст до 3,7% раст“, кажа Пренџов.

Тој истакна дека со земениот кредит од 250 милиони евра од страна на фирмите ќе се има поголемо производство и извоз.

„Кога ќе земете 250 милиони евра кредит и фирмите кои ќе бидат корисници на тој кредит дале уште 250 милиони евра минимум по каматна стапка која е далеку пониска од друга компанија од регионот која би земала кредит за да го развие своето производство тогаш во старт нашите компании ќе заздрават, ќе имаат помалку пари за камати и плаќање, со тие пари ќе бидат поконкурентни на пазарот, ќе имаме поголемо производство и извоз а тоа се гледа и во проекциите на Светска банка за следна година“, вели Пренџов.

The post Пренџов: Конечно може да се види светло во тунелот наречен македонска економија и финансии appeared first on Република.

Ние кажавме дека диктати не прифаќаме, она што бараме е предвидливост. Нашата цел е како Македонците и сите граѓани што живеат во Македонија да ги внесеме во Европската Унија. Додека пак планот на СДС беше како Бугарите да ги внесе во македонскиот уставот за година дена повеќе на власт”, истакна пратеникот од ВМРО-ДПМНЕ Љупчо Пренџов во гостување во „Топ Тема” на ТВ Телма.

Тој продолжи и додаде:

Она што ќе го работиме е добра економија како на пример сега во првите 100 дена за прв пат после долго време каде имаме 600 милиони евра странски инвестиции. Правење на правна држава со ред и поредок на правен систем. Да бидеме почитуван посакуван партнер на било која европска држава. Ќе продолжиме и со лобирање во Брисел, Рим, Париз, Берлин ако треба и во Софија со цел давање на аргументи за ова што се случува, случувало и она што го нудиме како вин-вин ситуација, рече Пренџов.

Пренџов истакна дека истиот ден кога ќе станеме членка на ЕУ да влезат тогаш Бугарите во Устав.

Ако Бугарија сака навистина ние да се движиме напред, ако тие сакаат нивните неколку стотини Бугари да бидат дел од македонскиот Устав, а ние сакаме да сме членка на ЕУ тогаш истиот ден кога ќе станеме членка на ЕУ Бугарите да влезат во македонскиот Устав, дециден е Пренџов.

The post Пренџов: Во првите 100 дена од Владата на ВМРО-ДПМНЕ во Македонија има 600 милиони евра странски инвестиции appeared first on Република.

Пратеникот Љупчо Пренџов вели дека овие два дена нема присутен ниту еден пратеник од ДУИ на собраниската расправа за ребалансот на буџетот.

-Холдингот ДУИнг бизнис не е заинтересиран за Буџетот, освен кога е на власт. Го нема и Венко Филипче, а многу е нечесно кога ќе дојде ваков сериозен документ во Собранието, претседателот на СДСМ да одржува бледа партиска прес-конференција и да не се појави во Парламентот. Очигледно наместо работата за која е платен, на Филипче му е пример за однеусвање Али Ахмети кого 20 години го нема во Собранието и доаѓа само за гласање на “битни законски решенија’”. Тоа многу зборува за СДСМ, а ова не е обичен ребаланс, зашто вакви ребалсани се направени два пати во последните 17 години, при менувањето на власта, вели Пренџов.

Пратеникот додаде дека очекувал дека поранешниот премиер, креаторот на овој Буџет, Ковачевски, прв да дојде и да земе збор, да каже зошто државата е во ваква состојба? Каде се парите? Каде се ветувањата?

– Во Македонија овие седум години како чума да поминала, вели Пренџов.

The post Пренџов: Во Македонија овие седум години како чума да поминала appeared first on Република.

Денес е голем ден затоа што во историјата заминува нај неспособната и најкриминалната влада која што некогаш Република Македонија ја имала. Несе е голем ден затоа што за прв пат после 2008 година ќе имаме целосна промена на власта. За многу граѓани и за мене, денес е голем ден затоа што конечно кланот Заеви и на ним сличните како холдингот ДУИ-инг бизнис, заминуваат во историјата, рече пратеникот на ВМРО-ДПМНЕ, Љупчо Пренџов во својот говор на собраниската седница за избор на новата Влада.

Додаде дека денес е денот кога оние кои немаа народен легитимитет и кредибилитет и никогаш не излегоа на избори не владееја, не управуваа и не пљачкаа, заминуваат а на нивно место доаѓаат луѓе кои што беа на избори и кои што добија незапомнет народен  легитимитет и кредибилитет.

„Симбол за овие промени, за оваа надеж и верба и негова персонификација помеѓу граѓаните е мандатарот, господинот Христијан Мицкоски. Тој е многу работлив и многу истраен човек, човек кој што не застранува од плановите и визијата, кој секогаш однапред му се предвидени детално разработени и споделени со соработниците и јавноста и во тоа може да се увериме преку Програмата 1198, а потоа преточена како дел од програмата за работа на владата“, рече Пренџов.

Посочи дека во секторот одбрана застанувам искусен, работлив и тивок политичар кој што е убеден дека под негово водство во НАТО нема да бидеме земја од која што НАТО се плаши да не дадеме уште некој пасош на уште некој шпион, туку ќе биде човек на кого што НАТО ќе може целосно да потпре.

Пренџов зборуваше и за ресорот за внатрешни работи, за што рече дека таму ќе биде човекот кој што веќе и се докажа во својата работа во стоте дена техничка влада, при што на предлог министерот Панче Тошковски му порача дека освен тоа што криминал има по улиците, тој исто така го има и внатре во МВР и дека треба сериозно да се занимава со ова.

„Македонија конечно добива министер за транспорт и врски. До сега една од бруките на Социјалдемократскиот сојуз беше тоа што при жив, здрав и прав министер за транспорт и врски, Артан Груби ги водеше клучните проекти од градежништвото, а Артан го знаеме сите. Оние кои што го знаат подобро велат ако Артан денеска не земе од некого нешто, не позајми од некого нешто, не земе некоја провизија од некого, ако е таков денот погоден, тогаш велат парите од едниот џеб си ги вади и ги префрла во другиот со цел да ја задоволи дневната рутина и својот карактер“, истакна меѓу другото пратеникот Пренџов образложувајќи ги предлозите за министри во новата Влада предводена од ВМРО-ДПМНЕ.

The post Пренџов: Денес е голем ден за Македонија затоа што после 2008 година прв пат имаме целосна промена на власта и кланот Заеви и ДУИ-инг бизнис заминуваат во историјата appeared first on Република.

„На овие избори нема да се бира помеѓу Русија и Европска Унија туку ќе се бира помеѓу потребите на граѓаните и државата, а од друга страна Али Ахмети и Миле Зечевиќ и компанија, истакна пратеникот на ВМРО-ДПМНЕ Љупчо Пренџов во вечерашното гостување во емисијата „24 Анализа“ на Телевизија 24.

Тој продолжи и додаде дека на изборите на 24 април во првиот круг професорката Силјановска ќе има околу 100 илјади гласови предност пред второ пласираниот според анкетите Стево Пендаровски.

Најголем дел од граѓаните сметаат дека државата оди во погрешна насока и затоа сите граѓани ќе ја дадат поддршката за професорката Гордана Силјановска Давкова, кажа Пренџов.

Тој продолжи и додаде дека секој еден не само од Македонија туку и од надвор гледа дека моментално граѓаните во Македонија живеат во заробена држава од неколку луѓе од две политички партии каде државата им е гранапче и се прави што се сака.

Владата го користи Собранието предизборно со многу коруптивни закони бидејќи се спремаат за бегање и затоа гледаат да искористат што е можно повеќе во Собранието“, рече Пренџов.

Тој заклучи дека за првпат после 20 години во Република Македонија ќе има целосна промена на власта на политичката сцена во која и ДУИ ќе замине од политичката сцена.

The post Пренџов: На изборите на 24 април Силјановска ќе има околу 100 илјади гласови предност пред Пендаровски appeared first on Република.

Разликата на следните парламентарни избори е дали ќе ги победиме СДС и ДУИ ако одат на заедничка листа или ќе ги победима ако одат посебно СДС, посебно ДУИ. На СДС и ДУИ поразот им е загарантиран, рече Љупчо Пренџов, пратеник од Коалицијата предводена од ВМРО-ДПМНЕ на вечерашната дебата на телевизија 24.

Пренџов објасни дека ароганцијата на власта доаѓа од стравот кој го имаат затоа што знаат дека со Христијан Мицкоски нема преговарање за тоа што они сакаат за криминалите.

За сторениот криминал сите ќе одговараат. Власта на СДС и ДУИ има лица на црната листа на САД. На пример во Струга има градоначалник на црната листа на САД. Тоа е европското и тоа е тој европски фронт како што велат за себе“, кажа Пренџов.

Пренџов се осврна и на техничката влада која се формира согласно Законот за влада.

„Министрите во техничката влада од ВМРО-ДПМНЕ ќе бидат таму за да спречат несакани случувања, криминали и слично. На пример министерот за труд и социјална политика ќе биде во техничката влада за да не се повтори поткуп, да не се повтори 2020 година кога се носеа пакети помош во раните утрински часови, министерот за МВР ќе се потруди да не се повторат случувањата од претходните претседателски избори кога полицијата обезбедуваше членови на СДС да прават поткуп и слично“, рече Пренџов.

The post Пренџов: На СДСМ и ДУИ поразот им е загарантиран appeared first on Република.

Во вечерашната емисија „Само Вистина“ на Канал 5 Телевизија гостуваше пратеникот Љупчо Пренџов кој што истакна дека Талат Џафери е познат во јавноста по кршење на деловникот и злоупотреба на ЕУ знаменцето, а според него потребно е опозицијата да учествува во техничката влада за да се спречат злоупотреби на институциите.

Талат Џафери на јавноста и е многу добро познат, не и е познат по некои брилијантни потези во интерес на државата, на граѓаните и животниот стандард на меѓународниот рејтинг на државата Талат Џафери во јавноста е познат по тоа што заклучуваше врати на пратеници, по тоа што не почитува деловник, не почитува прописи, на јавноста и е познат по тоа што е еден од главните причинители за урнисаниот рејтинг на Македонија во ЕУ бидејќи го искина тоа европско знаменце со ставање на закони кои што немаат врска со ЕУ тоа впрочем ни го покажа и ЕУ со последните три извештаи за 21, 22, 23 година се трите најлоши историски извештаи. За тоа Џафери и те како е заслужен во тој поглед“, кажа Пренџов.

Пренџов во однос на техничката влада кажа свое мислење и потенцираше дека неопходно е да се влезе во техничката влада за да се спречат си можни малверзации, влијанија и злоупотреби на институциите.

За техничка влада се уште не сме разговарале, јас можам да ви кажам мое лично мислење јас сметам дека треба сите оние места кои што можат да се пополнат да се пополнат од страна на кадри на опозицијата затоа што е ве да почнеме со другарот на Џафери а тоа е господинот Фатмир Бесими кој што и е актуелен министер за финансии, тој истовремено е и шеф на изборниот штаб на ДУИ и сега замислете ако нема таму човек кој што ќе му стави вето на определени потписи во тоа министерство тој може да си го превземе и во Мала Речица да си го однесе вака народски кажано. Сметам дека во МВР треба да застане човек од опозицијата бидејќи гледаме таму дека има се освен ред, дисциплина и чување на јавната безбедност. Во социјална политика сме сведоци на изборите во 2020 година што ни се случуваше како се делеа ваучери и тн. Така што според мене јас сметам дека треба да се влезе и да се учествува во таа влада“, нагласи Пренџов.

The post Пренџов: Џафери е познат во јавноста по кршење на деловникот, неопходно е опозицијата да учествува во техничката влада за да се спречат злоупотреби на институциите appeared first on Република.

Во поглед на вистината и траорните сценарија, немој да заборавите дека тој што седеше пред вас овдека, кажа дека во 2012 сте имале кривични пријава за онкологија, до денеска десет години поминале, во кои 10 години сте вработен во ОЈО од кои 5-6 години сте главен јавен обвинител, ништо нема. Во 2019 имало, во 2020 имало, ве молам без такви фрази вистината, вистината, сте имале точно 12 години да им ја кажете вистината на македонската јавност, а како ОЈО сте молчеле, рече пратеникот Љупчо Пренџов на денешната Анкетна комисија при македонското Собрание обраќајќи му се на државниот јавен обвинител Љубомир Јовески.

Пратеникот Пренџов, на обвинителот Јовески, му посака добредојде во највисоката институција во општествено политичкиот систем на Република Македонија, Собранието по кое што и тие како институција работат, при што додаде тоа што ние како пратеници ќе донесеме овде по закон, вие сте должи да го работите.

„Нема повисоко нешто моментално од јавниот интерес, највисоко е јавниот интерес. Трето, наместо да гледате телевизија што ние овде зборуваме, требало да работите и да дојде овде со готови информации до каде е истрагата. И четврто, немојте да кажувате дека пред јавноста не можете и немате право да зборувате, имате право, прочитано ви е правото, ако сакавте можевте да барате да биде затворена седницата за Анкетната комисија. Нема така лесно да си одите. Петто, немојте да заборавите господине Јовески кога го навредувате ова собрание, ние тука во оваа собрание седиме затоа што сме избор на граѓаните, а вие во оваа Собрание како јавен обвинител седите затоа што сте предлог на Зоран Заев и владата. Немој никогаш да го заборавате тоа, која институција е највисока во системот, а вие колеги од СДСМ не треба да го штитите Јовески туку вистината да ја бараме. Ако не може јавно, може на затворена седница“, рече Пренџов.

The post Пренџов до Јовески: Како ОЈО имавте 12 години на македонската јавност да им ја кажете вистина, за Онкологија уште во 2012 година имало кривична пријава appeared first on Република.

Пратеникот Љупчо Пренџов од Коалицијата предводена од ВМРО-ДПМНЕ со неколку прашања поврзани со работата на ФЗО, а во контекст на случајот Онкологија. Прашањата ги постави до Миле Сугарев, раководител на сектор за финансиски прашања и вд директор на ФЗО, шест месеци, пред Магдалена Грашкоска. Едно од прашањата на кое побара прецизен одговор беше „кога дојдовте 2020 година за вд директор на ФЗО дали правевте примопредавање со Ден Дончев и дали разговаравте со него за Клиниката за онкологија“. „

https://republika.mk/vesti/makedonija/miloshoski-za-sluchajot-onkologija-poraneshniot-direktor-vasev-bil-nad-zakonot-i-soglasnostite-koi-mu-bile-dadeni/

Според кои акти и на кој начин ги распоредувавте средствата за Онкологија посебно условните буџети, кои се производители и кои се дистрибутери на скапите биолошки лекови за кои одобрувавте средства, дали сте свесен како човек и директор за нефункционирање на здравствениот систем воопшто со акцент на Клиниката за онкологија“, го праша Пренџов, Сугарев од ФЗО. Пренџов во образложувањето и при поставувањето на прашањата до Сугарев посочи дека се надева оти во иднина по овој скандал со Онкологија ќе почнат сите да работат по закон.

„Се надевам по овој скандал ќе работите по закон“, рече Пренџов додавајќи оти Сугарев во излагањето по претходното прашање со леснотија кажувал дека не се почитуваат законите и оти е негативно изненаден. Пренџов заклучи „не е нормално таа девијација да ни ја претставувате како нешто нормално“.

The post Пренџов го праша Сугарев: Кога дојдовте 2020 година за вд директор на ФЗО, дали правевте примопредавање со Ден Дончев и разговаравте за Клиниката за онкологија? appeared first on Република.

Владата цело време зборува под определени флоскули. Ако секаде има инфлација, тогаш зошто нашите граѓани одат да пазарат во Србија, нека ми кажат? Зошто цените во Србија се помали отколку во Македонија, нели секаде има инфлација? Зошто сме најслаби по економски раст? Зошто оние кои живеат во југозападна Македонија пазарат во Албанија и како секаде цените за храна се поевтини, а кај нас најскапи, вели за „Студио 10“ на ТВ24, Љупчо Пренџов, пратеник од пратеничката група на коалицијата „За обнова на Македонија“.

Тој потенцираше дека се во Македонија е поскапо, граѓаните се оставени сами на себе, а немаме држава ни која ги штити националните интереси, немаме држава која ги штити граѓаните.

– Да вие не се грижите кон оние кои ве плаќаат, кон оние заради кои постоите. Владата постои заради граѓаните, а не обратно.  Се она кое се носи, се носи позади завесите. Последните поскапувања, колку треба да сте нерационални, велат дека замрзнуваат цени и после три дена со одлука на влада и покачувате ДДВ за 5% или 10%. Од политики и пиар не се живее, се живее од конкретна економија. Поскапувањето го правдаа дека перки од ајкула ќе поскапат, а се друго ќе остане исто. Не ги почитуваа интересите на граѓаните, нагласи Пренџов.

Тој посочи дека сирење и кашкавал да имате дома не е луксуз, туку нормално, да имате зимница не е луксуз.

– Не знаат кај тераат, државата ја направија бунар без дно, макроекономската стабилност ја нарушија, секој ден се задолжуваат со по 200-300 милиони, немаат донесено ниту една странска инвестиција, секој ден гледаат на анкети како губат и тоа се еден комплет настани.  Власта со зборот стратегија е скарана.  Кога правите стратегија треба да направите инклузивен процес со сите кои се директно или индиректно засегнати.  Тие мораше да ги викнат сите засегнати страни од производители, трговци на големо и мало, секој со своите потреби и да се направи стратегија во која ќе биде вклучена и опозицијата. Да имаа стратегија немаше да имаме највисоки цени на Балканот, изјави Пренџов.

Пренџов додаде дека од власта размислуваат како до утре или максимум до задутре, а граѓаните ја плаќаат нивната тврдоглавост.

– Премиерот е типичен пример за народната дека „сит на гладен не верува“. Ако ние сме даночен рај, зошто се оди да се пазари во Србија, Албанија, Бугарија? Ако имаме најниски даноци зошто имаме највисоки цени на храната, истакна Пренџов.

The post Пренџов прашува: Ако ние сме даночен рај, зошто се оди да се пазари во Србија, Албанија, Бугарија? appeared first on Република.

Му благодарам на Ковачевски што ми честитатеше роденден, гледам дека тоа е доживување за него.

Во контекст на останатиот дел од неговата изјава сакам уште еднаш да потенцирам дека УСТАВНИ ИЗМЕНИ ПОД БУГАРСКИ ДИКТАТ НЕМА ДА ИМА и дека нема да убедат ниту еден од пратениците на ВМРО-ДПМНЕ и коалцијата да се поколеба, макар и по 3 пати да му честитаат роденден.

Ковачевски да се спреми за опозиција, времето доаѓа, напиша на Фејсбук, пратеникот Љупчо Пренџов.

The post Пренџов до Ковачевски: Убаво што ми честиташе роденден, но тоа не значи дека уставните измени ќе ти поминат, спреми се за опозиција appeared first on Република.

Граѓаните да бидат мирни и спокојни, уставни измени и бугарски диктати нема да прифатиме до крај. Моментално се води психолошка војна од страна на уплашената власт против опозицијата на темата за уставни измени. Ние како пратеничка група сме единствени и нескршливи и на следните избори на чело со Христијан Мицкоски ќе ја победиме оваа власт и тоа треба да им биде јасно, изјави пратеникот од пратеничката група „За обнова на Македонија“, Љупчо Пренџов во утринска емисија на Алфа телевизија.

Пренџов потенцираше дека ваков однос кон државата, како што има оваа власт и кон економијата, кон здравството, кон образованието секој трет предмет нема учебник, тоа е злосторство против сопствениот народ и тоа граѓаните го гледаат.

Власта има три пати помал рејтинг од опозицијата, значи граѓаните будно следат што се случува. Тие се европски фронт само за на телевизија, а се сосема друго. Најлошиот извештај за Македонија е за 2021 година, вториот најлош е извештај е за 2022 година, а за оваа година можеме да замислиме со оваа злоупотреба на европското знаменце и европските вредности, истакна Пренџов.

Пренџов нагласи дека пратеничката група предводена од ВМРО-ДПМНЕ е нескршлива и секој пратеник од првиот до последниот му дава целосна поддршка на Мицкоски, додека по промена на власта, сите да знаат дека кој ги прекршил законите ќе одговара без разлика на измените во КЗ.

Со промена на власта секој кој има направено криминал ќе се соочи со лицето на правдата. Во Кривичниот закон има повеќе од 400 членови, нема само еден по кој може да ве теретат, а тие и тоа како имаат направено прекршување по другите членови. Секој кој крадел од овие граѓани ќе се соочи со правдата. Ќе донесеме нова вредност во политиката, изјави Пренџов.

The post Пренџов: Граѓаните да бидат спокојни уставни измени под бугарски диктат нема да се случат, целата пратеничка група од прв до последен му дава поддршка на Мицкоски appeared first on Република.

Јас се уште не сум го видел законот, утрово можеби е стигнато во Собранието. Затоа не можам да коментирам што пишува во законот. Јас едноставно од овие луѓе што и да ви пратат и да ви кажат или пак да ви најават што има во законот не им верувам ништо. Бидејќи искуството покажува дека најголем дел она што го кажуваат од власта е само една фасада, една завеса, а во позадина се случуваат други работи - истакна пратеникот Љупчо Пренџов во утринската емисија на Алфа телевизија говорејќи за законот за амнестија.

Пренџов укажа дека власта тоа што вели дека во затворите нема место, е лага. Власта дрско лаже.

Владата дрско лаже. Зошто? Затоа што ако се сеќавате во 2017-та година само што дојдоа на власт, во очи на локалните избори тие вака под превезот на вакви слични закончиња во Собранието ги пуштија и кажаа тогаш дека исто вака нема место, нема услови. Но, во суштина тоа значеше да повеќе од 1.000 луѓе се пуштат на улица. И секој од оние луѓе што биле во затвор, да има договор да работи за СДС или ДУИ за тие локални избори - потсети пратеникот Пренџов.

Тој додаде дека ако сега се прашаат тие луѓе тие ќе одговорат да работеле за СДС и ДУИ во текот на локалните избори во 2017-та година бидејќи ги ослободиле од затвор.

Доколку од власта сакаа за овие седум години да направат реновирање на затворите, тоа можеа да го направат. И да биде иронијата уште поголема тие веќе имаат одобрено кредит ама за вистинско реновирање и проширување на затворските капацитети во Република Македонија и кој што е од десетици милиони евра. И еве веќе повеќе од година дена немаат повлечено ниту една транша. Значи пари за реновирање и проширување на капацитетите има, кредит има, а власта не ги реновира и не ги проширува - рече тој.

Пратеникот посочи дека власта не ги проширува капацитетите по затворите и не ги реновира бидејќи и одговара да средствата за реновирање стојат и не се употребуваат со цел да ослободат криминалци кои ќе им работат за изборите.

Тоа е веќе многу провидно, бидејќи се случува втор пат за 5-6 години. И е многу провидно, граѓаните веќе ја забележаа намерата на власт - рече Пренџов.

The post Пренџов: Пари за реновирање на затворите има, а власта не ги реновира и не ги проширува со цел да ослободи криминалци кои ќе работат за нив во изборите appeared first on Република.

Иако беше најавена, Декларацијата за Илинденското востание никако да дојде на на дневен ред во Собранието. Пратениците кои имале можност да ја видат содржината велат дека покрај што е задоцнете во неа нема ништо суштинско.

Љупчо Пренџов ја оценува Декларацијата за Илинденското востание како целосно неважна.

Оваа Влада нема стратегија, нема цели кои се патриотски и во зависност од дневната политика процениле да направат Декларација која  е сплескана на две на три и во неа нема ништо.Вака напишана е навреда на интелегенцијата.

https://www.youtube.com/watch?v=t6Sc5_V93hQ&t=1057s

The post Декларацијата за Илинден е празна и сплескана „на две на три“ appeared first on Република.

Пратеникот Љупчо Пренџов во интервуто за „Република“ говореше за проблемот со учебниците и оти Македонија е во друштво на Косово каде што на први септември учениците не добиваат учебници.

https://republika.mk/vesti/makedonija/prendhov-dodeka-roditelite-bdeele-nad-svoite-detsa-i-se-molele-lekot-da-im-deluva-nekoi-gi-prodavale-na-kosovo/

Зошто од 120 предмети за 43 нема учебник.Во Европа на први септември недостигаат учебници само во Македонија и во Косово.Откако дојдоа на власт единствената држава од која од која сме нешто подобри а во нешто сме полоши е Косово.Веќе не можеме да се натпреваруваме со Србија, Грција,Албанија.Порано не ни беше нивото Косово и Босна.Тоа е трагедијата на оваа влада.

https://www.youtube.com/watch?v=t6Sc5_V93hQ&t=576s

The post Пренџов: Во Европа нема учебници само во Македонија и на Косово appeared first on Република.

Скандалот со Клиниката за онкологија е трагичен монтруозен случај и однесување кон пациенти кои се болни од најтешки форми на рак. Додека синот или ќерката бдееле над мајката и таткото или родителите бдееле над своите деца и се молеле на бога да им делува терапијата имало таму луѓе кои наместо да им  дадат ампула со лек им давале физиолошки раствор а истите тие ги продавале на црниот пазар во Косово.

Вака пратеникот Љупчо Пренџов го опишува најголемиот скандал кои се случи во Македонија последниве години.

Според него ова покажува дека основните човекови вредности се нарушени и имаме целосна морална дисторзија на системот.Поради тоа веднаш побарале во Собранието да се разгледува извештајот на Државниот завод за ревизија  за случувањата на Онкологија за што пратениците од ДУИ гласале против.

Мора да видиме колку се виновни, кои се виновни со име и презиме и мора да има најстроги казни.Но, пратеничката група на ДУИ гласаше против ставање на дневен ред на оваа точка.Не знам дали е за тоа што имаат економски директор кој се сликал со Ахмети.Никој во државата ништо не знае, се сменија еден куп министри за здравтво, Спасовски исто не знае,премиерот не знае и се поставува прашањето кој ја води државата? прашува Пренџов во интервјуто за „Република“.

Тој објаснува дека овој скандал мора веднаш да се разреши бидејќи имаме луѓе кои се починати.

Притисокот ќе биде огромен без разлика од која партија и од граѓаните, здравствениот систем не признава верска или етничка припадност.Ова мора сега и веднаш да биде решено-бара пратеникот.

Пренџов ја оценува Декларацијата за Илинденското востание како целосно неважна.

Оваа Влада нема стратегија, нема цели кои се патриотски и во зависност од дневната политика процениле да направат Декларација која  е сплескана на две на три и во неа нема ништо.Вака напишана е навреда на интелегенцијата.

За Пренџов уставните измени се завршена работа и отворена тема.

Се виде дека „царот е гол“ и дека уставни измени нема да има и сѐ било една голема лага.Власта говори дека имало европски пратеници, вакви-такви пратеници а ние говоревме дека бројката што ќе им фали ќе биде двоцифрена и така и излезе. И ние и тие знаеме дека оваа работа е завршена но оваа пратеничка група испишува историја и од прв до последен кажавме „НЕ“.Откако пратениците од власта видоа дека ги лажеле сега таа бројка е повеќе од  десет.Мислам дека никогаш нема да се стави на гласање.За уставни измени говори само премиерот или пак Бојан Маричиќ бидејќи нема што да работи или пак Артан Груби или пак кој е вицепремиер задолжен за ништо.И за некој да ги пренесе зборуваат за уставни измени.Тоа го прават за да не се разговара за клучните теми како што е Онкологија или пак зошто го нема секој трет учебник. Зошто од 120 предмети за 43 нема учебник.Во Европа на први септември недостигаат учебници само во Македонија и во Косово.Откако дојдоа на власт единствената држава од која од која сме нешто подобри а во нешто сме полоши е Косово.Веќе не можеме да се натпреваруваме со Србија, Грција,Албанија.Порано не ни беше нивото Косово и Босна.Тоа е трагедијата на оваа влада.

За Пренџов единтвеното решение се избори.

Не може Македонија повеќе да издржи ваква криминогена и неспособна власт.Гледаме што ни се случува во секој сектор.Во економија сме шампионни по инфлација, најзадолжена држава сме, шајка не заковаа а го дуплираа долгот колку сите Влади претходно, во образованието три години ни недостасуваат учебници.Образованието е проблем кој сега се прави но последиците се трпат после десет години.Овие луѓе не се свесни што и прават на државата.Апелирам до оние 62-ца кои држат оние од „Илинденска“ на власт час поскоро да се свестат бидејќи тие се подеднакво одговорни за што и се случува на Македонија-вели пратенникот во интервјуто за „Република.

Пренџов потенцира дека анкетите покажуваат повеќе од двојна предност на Коалицијата на ВМРО-ДПМНЕ и убедлива победа на изборите.

Јас сум убеден дека коалицијата „Обнова за Македонија“ ќе има 61 пратеник.

Пренџов ги слушнал гласините кои ги потура власта дека и да изгубат на изборите ќе ја формираат Владата.

Тоа не е вистина, нема теоретски шанси да се случи. Подршката доминатно е за ВМРО-ДПМНЕ и коалицијата. СДСМ се ваќа за сламка и она малку членство што им остана да може да го вртка по штабовите.Слично ги лажеа и за уставните измени-потсетува пратеникот.

Целиот разговор слушнете го во видеоинтервјуто кое го водеше Игор Чавески

https://www.youtube.com/watch?v=t6Sc5_V93hQ

The post Пренџов: Додека родителите бдееле над своите деца и се молеле лекот да им делува, некои ги продавале на Косово appeared first on Република.

Изминативе 20 дена на површина излегоа две клучни работи. Првата работа е тоа што на СДС помил им е ДУИ отколку Македонија и повеќе се грижат за просперитетот на ДУИ, а втората работа е тоа што СДС повеќе се секира дали и кога Бугарите ќе влезат во Устав отколку дали и кога Македонија ќе влезе во Европската Унија. Овие две работи сега и се јасни на целата јавност, изјави пратеникот од пратеничката група на коалицијата „За обнова на Македонија“ Љупчо Пренџов за „Само вистина“ на Канал 5.

– Во поглед на уставните измени, Ковачевски изјави дека некаде до 17 јуни во Собрание ќе пристигне предлогот за уставни измени, но два дена после него Артан груби изјави дека ќе биде до крајот на јули. Ќе видиме дали Ковачевски или Груби одлучува. Тука можеме да видиме кој и како ја контролира Македонија, додаде Пренџов.

Тој истакна дека суштината околу уставните измени зошто ги нема во Собрание, не е само заради тоа што опозицијата нема да ги гласа, најодговорно го тврдам тоа дека 44 пратеници нема да ги поддржиме, туку и стравот е од срамот што пратеници од владејачкото мнозинство нема да ги поддржат.

– Затоа зборот на Ковачевски не важи ништо во реалноста. Затоа ги нема уставните измени, бидејќи знаат дека од нас нема да имаат глас, ама не знаат колку од нивните нема да ги гласаат. Ниту еден пратеник од тие 44 од коалицијата „За обнова на Македонија“ предводена од ВМРО-ДПМНЕ, нема да ги гласа уставните измени под бугарски диктат, рече тој.

Пренџов исто така потсети на вчерашното писмо на бугарскиот претседател Румен Радев до европските институции дека нема да бидат само уставните измени.

– Радев вели дека уставот е само почетокот, потоа дека ние сме држава која има туѓа историја, дека нема своја историја. Бујар Османи потпиша протокол кој вели дека додека Комисијата за историја не заврши со работа, Македонија не може да стане членка на ЕУ, макар и сите други услови ги исполнила. Тука се работи за идентитет, историја многувековна на македонскиот народ, изјави Пренџов.

The post Пренџов: Знаат дека од нас 44 нема да имаат глас, ама не знаат колку од нивните нема да ги гласаат appeared first on Република.

„Прво, проектот „Бехтел и Енка“ се тера со европско знаменце. Се турка со европско знаменце каде што опозицијата согласно Деловник, закон и Устав нема можност да стопира повеќе од определен број на денови согласно Деловникот. Впрочем за тоа ќе видите што ќе пишува во извештајот за жал за сите нас во Република Македонија од страна на Комисијата од Брисел. Второ, за европските знаменца на законските решенија имаме изјава од страна на евроамбасадорот во државата и потоа имаме исто така и изјава на официјалниот портпарол на ЕК од Брисел дека ова што се прави и ваквите законски решенија кои што влегуваат во Собранието не се согласно европските стандарди“, истакна Љупчо Пренџов, пратеник од редовите на ВМРО-ДПМНЕ и Коалицијата во гостување во емисијата „За или против“ на Алфа телевизија.

Пренџов додаде како опозиција жестоко реагираат. Реагираат за да се подобрат работите. Зошто? Затоа што коридорите и патиштата нема СДСМ да ги реализира, СДСМ оди во опозиција.

Во текот на вчерашниот ден на дебатата токму законот за градба, излегоа на говорница двајца поранешни министри за транспорт и врски, ако некој во држава е најзапознаен со начините за градење тоа е министерот за транспорт и врски, господинот Балковски и господинот Владо Мисајловски, рече Пренџов.

Тој посочи дека најголемиот проект во патната инфраструктура наместо министер за транспорт и врски, Бочварски, го води вицепремиерот задолжен за ништо и невладини организации, Артан Груби.

Тука гледате која е подреденоста во Владата и колку СДСМ е немоќен. СДСМ не може да ги спроведе сопствените идеолошки постулати и тоа се гледа преку првиот закон, а тоа е законот за работни односи. Каде што Социјалдемократската Влада донесуваат закон со кој што работниците ќе можат да работат 60 + работни часови неделно, укажа тој.

Тој дури појасни дека сестринските партии на СДСМ од 40 часовно работно време го намалуваат за граѓаните, само СДСМ го продолжува 60+.

The post Пренџов: СДСМ не може да ги спроведе сопствените идеолошки постулати и тоа се гледа преку првиот закон, а тоа е законот за работни односи, толку е немоќна партијата appeared first on Република.

„Од први јуни Владата ја започнува седмата година на власт. Шест години цели се на власт, ја започнуваат седмата година на власт, а Оливер Спасовски веќе има осум ипол – девет години како е на власт. Во недостаток на способност, на идеи, на проекти, и подобар живот, вие имате реторика каква што имаше Ковачевски денес. Од друга страна нема за што друго да зборува, нема за што друго да се пофали, затоа што ако отворите право и правда – столбот на општеството ќе видите дека граѓаните немаат доверба ниту во судството, ниту во обвинителство. За жал граѓаните немаат доверба ниту во политика, ниту во институции, а шест години цели се на власт“, истакна Љупчо Пренџов, пратеник од редовите на ВМРО-ДПМНЕ и Коалицијата во гостување во емисијата „За или против“ на Алфа телевизија.

Пренџов додаде дека ако се погледне во економија, може да се забележи само криза до криза. Од кризи Македонија не може со оваа власт да излезе, во еден момент државата се соочуваше одеднаш со четири кризи, не само со една.

Ако отворите образование, денес е веќе крај на мај, за 2-3 недели завршува учебната година, а цела година нашите деца односно учениците ја истераа без учебници, без основно средство за работа. и образованието е во катастрофална состојба, укажа пратеникот.

Тој посочи дека има видено две – три изјави на министерот за здравство каде што вели дека здравството е на најниско можно ниво од осамостојувањето на државата.

И така било кој сектор друг да отворите имате катастрофа до катастрофа, нагласи Пренџов.

Пратеникот во текот на гостувањето се осврна и на уставните измени при што укажа дека 75% од граѓаните се против она што го говореше премиерот на прес конференцијата. Значи 75% се против внесување на Бугарите под овие околности во Уставот на Република Македонија.

Со внесувањето на Бугарите во Уставот значи одење против волјата на граѓаните на Република Македонија, нагласи тој.

Пренџов додаде дека ВМРО-ДПМНЕ има јасен став за уставните измени, а тоа е дека овој парламентарен состав нема мандат за уставни измени, и нема да ги поддржи.
Тој рече дека во Република Македонија со оваа власт има енормен криминал, а тоа го говорат и меѓународните извештаи.

Сакам да му порачам на Ковачевски од тука, од Алфа телевизија, а тоа е дека наместо да подготвува европска опција, европски фронт да си спреми фронт за опозиција бидејќи за брзо време ќе оди во долготрајна опозиција ако остане да биде претседател на партијата“, порача Пренџов.

The post Пренџов до Ковачевски: Наместо да подготвуваш европска опција, европски фронт, подготви си фронт за опозиција бидејќи за брзо време ќе одиш во долготрајна опозиција appeared first on Република.

За кучињата скитници побаравте помош од Брисел, дали сега побаравте помош за лебот од Брисел. Во една држава во која нема леб на полиците, а килограм кромид 80 денари ниту една реченица од тука не значи подобар живот, рече Љупчо Пренџов коалициски партнер на ВМРО-ДПМНЕ, ГРОМ.

„Никој од овие пак што денес ни ги предложивте не излегоа да ни кажат што ќе работат, а не ни кажа ни премиерот. Премиерот ни кажа мнозинството расте, па прашувам како расте од 65 на 62 им проработува совеста ли на некои или што е“, праша Пренџов.

Пратеникот посочи дека додека Македонија ги брои странските инвестиции во милиони, а соседите во милијарди.

„И без разлика на сето што го кажувате Македонија е држава во која нема ред и поредок, држава во која народот не ви верува, држава во која ја суспендиравте демократијата и волјата на граѓаните. Ковачевски е најодговорен во манипулацијата на гласачите. Граѓаните не гласаа овие пратеници од Алијанса на Албанците да бидат во Влада со ДУИ. Тоа се вика изигрување на волјата на гласачите“, посочи Пренџов.

The post Пренџов: Ковачевски ја изигрува волјата на гласачите, тие не гласаа Алијанса за Албанците да биде со ДУИ во Влада appeared first on Република.